#Adliya_xabari

Adliya vaziri A.Tashkulov Toshkent davlat yuridik universiteti faoliyati bilan tanishdi

🔹Bugun 26-mart kuni Adliya vaziri A.Tashkulov Toshkent davlat yuridik universitetiga tashrif buyurib, O‘zbekiston Respublikasi Prezidentining 2025-yil 26-noyabrdagi PF – 232-son “O‘zbekiston Respublikasida yuridik ta’lim va ilm-fanni yanada isloh qilish chora-tadbirlari to‘g‘risida”gi Farmoni ijrosi hamda universitetda amalga oshirilayotgan ishlar holati bilan yaqindan tanishdi.

🔸Tashrif davomida universitet prorektorlari kesimida amalga oshirilgan ishlar va istiqboldagi ustuvor vazifalar muhokama qilindi.

🔹Xususan, o‘quv jarayoniga sun’iy intellekt texnologiyalarini joriy etish, yangi tashkil etilgan tadqiqot markazlari faoliyatini samarali yo‘lga qo‘yish, shuningdek, universitetning zamonaviy kampusini barpo etish borasida olib borilayotgan ishlar yuzasidan atroflicha fikr almashildi.

🔸Taqdimot jarayonida universitetni yanada rivojlantirishga qaratilgan istiqboldagi ustuvor yo‘nalishlar belgilab olindi. Jumladan, dual ta’lim tizimi asosida o‘quv jarayonini amaliyot bilan uyg‘unlashtirish, situatsion markaz faoliyatini takomillashtirish, tadqiqot markazlari tomonidan huquq sohasidagi fundamental muammolarni hal etishga qaratilgan ilmiy izlanishlarni kuchaytirish yuzasidan aniq taklif va topshiriqlar berildi.

🔻Shuningdek, vazir qo‘shma ta’lim dasturlari hamda akademik mobillik doirasida tahsil olayotgan xorijiy talabalar bilan uchrashuv o‘tkazdi.

🔹Uchrashuv davomida talabalarning ta’lim jarayoniga oid fikr va takliflari tinglandi hamda ularga kelgusidagi o‘qish va professional faoliyatlarida asqotadigan amaliy tavsiyalar berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

Yashnobod tumanida jinoyatchilikni oldini olish bo‘yicha ishlar samaradorligi oshirilmoqda

O‘zbekiston Respublikasi Prezidentining PQ-1-son qarori ijrosi bo‘yicha Yashnobod tumanining “Boyqo'rg'on”, "Aviasozlar" va “Barkamol” MFY hududlarida tungi vaqtda jamoat xavfsizligini ta’minlash, shuningdek, jinoyatchilik va huquqbuzarliklarning oldini olish maqsadida "tashvish tugma"larining ishchanlik holatini o‘rganish bo‘yicha keng qamrovli "reyd tadbirlari" tashkil etildi.

Tadbir davomida savdo nuqtalari, xizmat ko‘rsatish shoxobchalari hamda aholi gavjum joylarda o‘rnatilgan tashvish tugmalarining texnik holati, ularning tezkor xizmatlar bilan uzluksiz bog‘langanligi va favqulodda vaziyatlarda to‘g‘ri ishlashi atroflicha tekshirildi.

Aniqlangan kamchiliklar yuzasidan mas’ullarga tegishli ko‘rsatmalar berilib, ularni bartaraf etish choralarini ko‘rish bo‘yicha tushuntirish ishlari olib borildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#adliya_yangiliklari
#yoshlar_kuni

Yoshlar yutuqlari – e’tirof markazida!

Prezidentimiz tashabbusi bilan haftaning har payshanba kuni “Yoshlar kuni” etib belgilangan bo‘lib, ushbu kun doirasida tashkilotlarda “Rahbar va yoshlar” uchrashuvlari muntazam o‘tkazilmoqda.

Shu asosda Toshkent davlat yuridik universitetida talaba-yoshlarning erishgan yutuqlarini e’tirof etish hamda ularni rag‘batlantirishga bag‘ishlangan tantanali tadbir bo‘lib o‘tdi.

Tadbirda adliya vaziri A. Tashkulov ishtirok etib, iqtidorli va tashabbuskor talabalarni shaxsan taqdirladi hamda ularning natijalarini yuqori baholadi.

Xususan, “Real holat” xakatoni (hackathon) g‘olibi, “Zakovat” o‘yinlarida sovrindor bo‘lgan “Vendetta” jamoasi, “Ma’rifat maydoni” tanlovida muvaffaqiyatli ishtirok etgan “Shum bolalar” jamoasi hamda sport va klub faoliyatida faol yoshlar rag‘batlantirildi.

Mazkur tadbir yoshlarning har tomonlama rivojlanayotgani, ularning salohiyati izchil qo‘llab-quvvatlanayotgani hamda tizimli ishlar samaradorligini yana bir bor namoyon etdi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bote