#Adliya_xabari

Adliya vaziri o‘rinbosari N.Muxammadiyev tomonidan Yashnobod tumanida jinoyatchilik va huquqbuzarliklarning oldini olish bo'yicha ishchi guruh bilan navbatdagi yig‘ilish o‘tkazildi

Xabaringiz bor, Adliya vazirining tegishli buyrugʻi bilan Toshkent shahrining Yashnobod tumanida jinoyatchilik va huquqbuzarliklarning oldini olish bo'yicha ishchi guruh tashkil etilgan.

Vazir o‘rinbosari ishchi guruh tomonidan amalga oshirilgan bir haftalik ishlar bo‘yicha hisobotni tingladi hamda kelgusidagi ustuvor vazifalarni amalga oshirish bo‘yicha bildirilgan takliflar muhokama qilindi.

Ishchi guruh a’zolariga tumanda jinoyatchilikning barvaqt oldini olish, huquqbuzarliklarga qarshi kurashish, xavfsiz muhitni ta’minlash ishlarini yanada takomillashtirish yuzasidan tegishli ko‘rsatmalar berildi.

Telegram | Instagram | Facebook | YouTube | Bot

#Adliyada_hashar

Adliya organlari xodimlari xayrli ishga o‘z hissasini qo‘shdi

Hashar mamlakatimizning qadimgi tarixga ega va eng oliyjanob milliy an'analaridan biridir.

Mazkur an'analarni davom ettirgan holda yurtimizda 13–14-mart — umumxalq xayriya hashari kuni deb belgilandi.

Bugun butun mamlakatimiz bo‘ylab "Yurt obodligi, avvalo, mahalladan boshlanadi!” shiori ostida Navro‘z bayrami arafasida o‘tkazilayotgan umumxalq xayriya hasharida adliya organlari xodimlari ham faol qatnashib, ushbu xayrli ishga o‘z hissalarini qo‘shmoqda.

Vazirlik tizimidagi barcha muassasalar, hududiy adliya organlari, idoralar atrofi obodonlashtirilib, ko‘kalamzorlashtirildi.

Jamoaviy birdamlik, o‘zaro hamjihatlik, ahillik asosida tashkil etilgan xayrli tadbirda binolar hududi, xizmat xonalari ham tozalandi.

Shuningdek Toshkent viloyatining Bo'stonliq tumanida "Yashil makon" umummilliy loyihasi doirasida "Adliya bog'i"da ko‘chatlar ekildi.

O‘tkazilayotgan umumxalq hashari yurtimizni yanada obod va fayzli bo‘lishiga xizmat qiladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot