Qonun loyihasining maqsadi o‘zboshimchalik bilan egallab olingan yer uchastkalariga hamda ularda qurilgan binolar va inshootlarga nisbatan huquqlarni e’tirof etish ishlarini yanada jadallashtirishga hamda Qonun ijrosini amaliyotda izchil va bir xilda ta’minlash bo‘lib, qonun loyihasi bilan quyidagilarni amaliyotga joriy etish taklif etilmoqda:

– yakka tartibdagi uy-joylar qurish orqali ortiqcha egallangan
yer uchastkasiga bo‘lgan ijara huquqini e’tirof etishda qat’iy belgilangan miqdorda bir martalik to‘lov undirish;
– o‘zboshimchalik bilan egallab olingan yer uchastkasi va unda qurilgan bino va inshootlar qurilishi taqiqlangan hududda joylashgan taqdirda, ushbu binolar va inshootlar joylashgan yer uchastkasining qurilishi taqiqlangan hududiga tushgan qismini chegirib tashlagan holda qolgan qismiga nisbatan huquqlarni e’tirof etish;
– soliq qarzdorligi bazaviy hisoblash miqdorining o‘ttiz baravarigacha bo‘lgan taqdirda ko‘chmas mulk obyektlariga nisbatan mazkur Qonun talablariga muvofiq huquqlarni e’tirof etish;
– jarayonlarni yanada tezlashtirish maqsadida belgilangan muddatlarni 3 baravar qisqartirish;
– bir martalik to‘lov o‘z vaqtida, ya’ni 20 ish kuni ichida amalga oshirilgan taqdirda, avtomatik ravishda 50 foiz chegirma qo‘llash yoki ushbu muddatda to‘lov amalga oshirilmagan taqdirda esa to‘lovlarni 1-yildan 3-yilgacha bo‘lib-bo‘lib to‘lash imkoniyatini berish;
– huquqlarni e’tirof etish ishlari bilan bog‘liq shikoyatlarni ko‘rib chiqish mexanizmlarini takomillashtirish;
– binolar va inshootlar, shu jumladan, yakka tartibdagi uy-joylar xususiylashtirilgani yoki xususiylashtirilmagani to‘g‘risidagi ma’lumotlarni avtomatlashtirilgan axborot tizimiga kiritishga (biriktirishga) mahalliy ijro etuvchi hokimiyat organlarini ham mas’ul etib belgilash va boshqalar.

Ma’lumot uchun: Seleksiya yutug‘ini ro‘yxatdan o‘tkazish — “Seleksiya yutuqlari to‘g‘risida”gi Qonun bilan tartibga solinadigan huquqiy jarayondir. Bu jarayon nav yaratuvchisiga mutlaq foydalanish huquqini beradi.