#OAV_biz_haqimizda

✅"Menining yurtim" telekalining "Gapiring" tok-shousida 35 yillik tadbirkor Saidzoda Muxsinov davlat xizmatlarini ko'rsatish sohasidagi islohotlar yuzasidan fikr bildirdi.

Telegram | Instagram | Facebook | YouTube | Bot

#Adliya_aralashgach

✅Fuqaro manfaati sud orqali tiklandi.

🔹Viloyat adliya boshqarmasiga Samarqand viloyati Ekologiya, atrof-muhitni muhofaza qilish va iqlim o‘zgarishi boshqarmasi xodimi F.T. tomonidan yuridik xizmat xodimlariga har chorakda sudgacha va sud tartibida davlat organlari hamda tashkilotlari foydasiga hal qilingan nizolar bo‘yicha undirilgan mablag‘lardan mukofot pulini undirib berishda amaliy yordam so‘rab murojaat qilingan.

🔸Mazkur murojaat Samarqand viloyati adliya boshqarmasi tomonidan o‘rganilib, fuqaro manfaatida sudga da’vo arizasi kiritildi.

🔹2026-yil 26-noyabr kuni fuqarolik ishlari bo‘yicha Samarqand shahar sudining hal qiluv qarori bilan 2021–2025 yillar davomida to‘lanmagan mukofot pullari fuqaro foydasiga jami 278 462 121 so‘m miqdorida undirib berildi.

🔸Adliya organlari tomonidan fuqarolarning huquqlarini himoya qilish bo‘yicha ishlar tizimli ravishda davom ettirilmoqda.

Telegram | Instagram | Facebook | YouTube | Bot

#OAV_biz_haqimizda

❗️Adliya idoralariga tushayotgan murojaatlar ijobiy hal etilmoqda

Yurtimizda aholining kundalik hayotida uchraydigan huquqiy muammolarni aniqlash, ularni tahlil qilish va bartaraf etish maqsadida adliya organlari tomonidan "Huquqiy mahalla" loyihasi amalga oshirilmoqda. Loyihaning asosiy maqsadi - Mahallalarda huquqiy muammolarni aniqlash va bartaraf etishdan iborat.

Birgina Farg‘ona viloyatida ushbu loyiha doirasida joriy yilning shu kuniga qadar 117 mingdan ortiq muammolar aniqlangan va ularning 80 foiziga ijobiy yechim topilgan.

Ayni kunlarda Farg‘onadagi 171 ta mahallalarda "Huquqiy mahalla" loyihasi to‘liq amalga oshirilmoqda. Jumladan, “Adliya mahalla” va "Online mahalla" platformalari orqali viloyatda jami 17 mingdan ortiq murojaatlar qabul qilingan. Shundan 12 mingdan ortig‘iga adliya organlari tomonidan ijobiy yechim topgan.

Telegram | Instagram | Facebook | YouTube | Bot

#qonunchilikdagi_yangiliklar

✅Jismoniy shaxslar uchun mikroqarz va iste’mol kreditlarini olish mumkin bo‘lgan maksimal miqdorlar belgilandi.

🔹Adliya vazirligi Banklarga o‘rnatiladigan makroprudensial normativlar hamda ular tomonidan beriladigan kreditlar (mikroqarzlar) bo‘yicha to‘lovlarning eng yuqori qiymatlariga doir talablar to‘g‘risidagi nizomga qo‘shimcha va o‘zgartirishlarni davlat ro‘yxatidan o‘tkazdi (ro‘yxat raqami 3618-1, 2025-yil 18-dekabr).

🔸Unga ko‘ra:
▪️Banklarga oʻrnatiladigan makroprudensial normativlarga qarz oluvchining iste’mol kreditlari va (yoki) mikroqarzlari bo‘yicha qarzning daromadga nisbati koʻrsatkichini hisoblash talabi qo‘shildi;
▪️2026-yil 1-martdan boshlab qarz oluvchining (birgalikda qarz oluvchining) o‘rtacha oylik daromadlarini aniqlash imkoniyati:
mavjud bo‘lsa, qarzning daromadga nisbati ko‘rsatkichi 8 barobardan;
mavjud bo‘lmasa, qarzning daromadga nisbati ko‘rsatkichi 5 barobardan oshmasligi belgilandi.
▪️Masalan, qarz oluvchining o‘rtacha oylik daromadlarini aniqlash imkoniyati mavjud bo’lganda, uning daromadi 5 mln. so‘mni tashkil etsa, u mazkur daromadining 8 baravari, ya’ni 40 mln. so‘mdan ortiq miqdorda iste’mol kreditlari va (yoki) mikroqarzlar ololmaydi.
▪️Mazkur talab yakka tartibdagi tadbirkorlarga beriladigan kreditlar va ta’lim kreditlariga nisbatan tatbiq etilmaydi.

Telegram | Instagram | Facebook | YouTube | Bot

#qonunchilikdagi_yangiliklar

✅Sindikatlashgan kreditlarni ajratish tartibi belgilandi

🔹Adliya vazirligi Banklar tomonidan sindikatlashgan kreditlarni ajratish tartibi to‘g‘risidagi nizomni davlat ro‘yxatidan o‘tkazdi (ro‘yxat raqami 3730, 2025-yil 18-dekabr).

🔸Unga ko‘ra:
▪️Sindikatlashgan kredit qarz oluvchini birgalikda moliyalashtirish uchun bank sindikati ishtirokchilari tomonidan ajratiladigan kredit hisoblanadi;
▪️Bank, xorijiy bank, xalqaro moliya tashkiloti yoki ro‘yxatdan o‘tkazgan davlat qonunchiligiga muvofiq kredit ajratishga haqli bo‘lgan chet el yuridik shaxsi bank sindikati ishtirokchisi bo‘lishi mumkin;
▪️Qarz oluvchi bankka sindikatlashgan kredit olish haqida ariza bilan murojaat qiladi;
▪️Bank sindikatlashgan kredit ajratish mumkinligi to‘g‘risida qaror qabul qilgan taqdirda, qarz oluvchi bilan sindikatlashgan kreditning dastlabki shartlarini kelishib oladi.

🔸Shuningdek,
▪️Yetakchi ishtirokchi bank sindikatida ishtirok etishi mumkin bo‘lgan potensial ishtirokchilarga qarz oluvchi to‘g‘risida ma’lumotlarni o‘z ichiga olgan bank sindikatida ishtirok etish bo‘yicha taklifni yuboradi;
▪️Bank sindikati sindikat ishtirokchilari o‘rtasidagi yozma kelishuv asosida tuziladi va unda sindikat ishtirokchilari o‘rtasidagi o‘zaro munosabatlar, huquq va majburiyatlar belgilanadi.
▪️Bank sindikati ishtirokchilari o‘rtasida bank sindikati kelishuviga erishilganda, bank sindikati ishtirokchilari va qarz oluvchi o‘rtasida sindikatlashgan kredit shartnomasi imzolanadi.
▪️Kredit shartnomasi tuzilgandan keyin bank sindikatining ishtirokchilari kredit summasini shartnomada belgilangan tartibda va muddatda yetakchi ishtirokchiga, agentga, qarz oluvchiga yoki qarz oluvchi ko‘rsatgan boshqa shaxsga o‘tkazish majburiyatini oladi.

Telegram | Instagram | Facebook | YouTube | Bot

#Adliya_aralashgach

📍 Andijonda tadbirkor foydasiga 404.280.000 so‘m pul mablag'lari undirib berildi!

✅ Boʻston tuman adliya bo'limiga tadbirkorlik faoliyati bilan shug'ullanuvchi MCHJ rahbari davlat muassasasiga yetkazib bergan mahsulotlari uchun haligacha to'lovlar amalga oshirilmaganligi yuzasidan yordam so'rab murojaat yo'llagan.

✅ Murojaatni o'rganish davomida, taraflar o'rtasida tuzilgan shartnomaga ko'ra, tadbirkor tomonidan shartnomada belgilangan mahsulotlar yetkazib berilgan bo'lsa-da, Muassasa tomonidan tegishli to'lovlar amalga oshirilmaganligi aniqlangan.

✅ Shu yuzasidan, Bo'ston tuman adliya bo'limi boshlig'i nomidan Bo'ston tumanlararo Iqtisodiy sudiga tadbirkor manfaatini ko‘zlab da’vo arizasi kiritilib, masala yuzasidan sud muhokamasi natijalariga ko'ra, javobgardan MChJ foydasiga 404.280.000 so‘m pul miqdoridagi to'lov undirib berilishi ta'minlandi.

Telegram | Instagram | Facebook | YouTube | Bot

📣 E’LON!

❗️ “Qonunchilikdan amaliyotgacha: xotin-qizlar va bolalar huquqlarini himoya qilish yo‘lida amalga oshirilgan ishlar” mavzusida matbuot anjumani o‘tkaziladi

📣 Adliya vazirligi tomonidan Bosh prokuratura, Ichki ishlar vazirligi, Sog‘liqni saqlash vazirligi, Oila va xotin-qizlar qo‘mitasi va O‘zbekiston mahallalari uyushmasi bilan hamkorlikda “Qonunchilikdan amaliyotgacha: xotin-qizlar va bolalar huquqlarini himoya qilish yo‘lida amalga oshirilgan ishlar” mavzusida matbuot anjumani tashkil etilmoqda.

🔹Anjumanda inson huquqlari, shu jumladan xotin-qizlar va bolalarning huquq hamda erkinliklari himoyasini yanada kuchaytirish borasida tegishli davlat organlari tomonidan qilingan ishlar, amalga oshirilayotgan qadamlar, mavjud muammolar va ularning rejali, ketma-ket chora-tadbirlar asosidagi yechimlari muhokama qilinadi hamda jurnalistlar va blogerlar uchun savol-javob imkoniyati yaratiladi.

📰 OAV vakillari, blogerlar hamda jamoatchilik vakillarini ushbu tadbirda faol ishtirok etishga taklif etamiz.

📅 Sana va vaqt: 2025-yil 24-dekabr, soat 15:00
📍 Joy: Milliy matbuot markazi (Toshkent shahri, Navoiy ko‘chasi, 16-uy)

📞 Qo‘shimcha ma’lumot uchun: (71) 207-04-38 (1071)

Telegram | Instagram | Facebook | YouTube | Bot