🇺🇿🇦🇪 “Zero Bureaucracy |Byurokratiyasiz davlat” dasturi doirasida BAA–O‘zbekiston hamkorlik seminari bo‘lib o‘tdi.

🔸Toshkent shahrida Birlashgan Arab Amirliklari va O‘zbekiston o‘rtasida davlat xizmatlarini soddalashtirish, ortiqcha byurokratiyani kamaytirish va raqamli boshqaruvni jadal rivojlantirishga qaratilgan “Zero Bureaucracy / Byurokratiyasiz davlat” dasturi bo‘yicha maxsus seminar o‘tkazildi.

🔹Seminar ikki davlat o‘rtasidagi ilg‘or tajriba almashinuvini kuchaytirish, tezkor, shaffof va fuqarolarga qulay davlat xizmatlarini shakllantirishga yo‘naltirildi.

🔻Seminar doirasida BAAdan kelgan mutaxassislar bir vaqtning o‘zida olti yo‘nalish bo‘yicha amaliy ishlarni olib bordilar:
▪️Inson kapitali;
▪️Soliq va iqtisodiyot;
▪️Energetika va infratuzilma;
▪️Moliya;
▪️Sog‘liqni saqlash;
▪️Adliya va sud-huquq sohasi.

✔️Har bir sektorda BAA ning byurokratiyani qisqartirishga doir yetakchi metodlari va uch bosqichdan iborat ilg‘or amaliyoti ishtirokchilarga taqdim etildi.

🔸Seminar yakunida har bir yo’nalish quyidagi ma’lumotlarni shakllantirdi:
• O‘zbekistonda soddalashtirish talab etiladigan eng muhim uchta xizmat ro‘yxati;
• Ularni murakkablashtirayotgan asosiy omillar;
• Hozirgi jarayonda eng ko‘p vaqt oladigan bosqichlar;
• BAA tajribasi va Zero Bureaucracy asboblari asosida ishlab chiqilgan amaliy tavsiyalar.

🔹Ushbu seminar O‘zbekistonning byurokratiyasiz davlat boshqaruviga o‘tish jarayonida muhim qadam bo‘lib, ikki mamlakat o‘rtasidagi tizimli hamkorlikni yanada mustahkamlaydi. “Zero Bureaucracy” dasturi fuqarolarga tezkor, shaffof va zamonaviy davlat xizmatlari taqdim etishda yangi bosqichni belgilab berishi kutilmoqda.

#Adliya_xabari

Konstitutsiya bayrami arafasida Adliya vaziri Akbar Tashkulov Toshkent shahar Yunusobod tumanidagi 9-Ixtisoslashtirilgan davlat umumtaʼlim maktabi yuqori sinf o‘quvchilari uchun "Kelajak soati" doirasida "Mening huquqlarim" mavzusida dars o‘tdi.

Mazkur darsda o‘quvchi yoshlarga Yangi tahrirdagi Konstitutsiyaning mazmun-mohiyati va ahamiyati tushuntirib berildi.

O‘quvchilar Bosh Qomusimizdagi asosiy huquq va kafolatlar bilan birga, qonunlarni hurmat qilishning ahamiyati haqida ham bilimga ega bo‘ldilar.

Dars yoshlarning huquqiy bilimlarini oshirishga xizmat qildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot