#Adliya_aralashgach
#Farg'ona_viloyati

❗️Adliya aralashuvi bilan MFY raislarining mehnat huquqlari tiklandi

Quvasoy shahar adliya bo'limi xodimlari tomonidan mahallarda aholi muammolarini o'rganish jarayonida ularga 31 nafar MFY raislari murojaat qilishgan.

Aniqlanishicha, ularga Oʻzbekiston Mahallari uyushmasi Quvasoy shahar bolimi tomonidan 2025-yilning oktyabr oyi ish haqi toʻlanmasdan kelingan. Ushbu masala mahalla.adliya.uz platformasi orqali adliya boʻlimi ish yurituviga olindi.

Shundan soʻng, Quvasoy shahrida adliya boʻlimining "Huquqiy monitoring oʻtkazish jarayonida aniqlangan qoidabuzarliklarni bartaraf etish to'g'risida"gi taqdimnomasi Oʻzbekiston Mahallari uyushmasi Quvasoy shahar boʻlimiga kiritildi va shahardagi 31 ta MFY raislarining jami 91 mln 333 ming so'm ish haqlari to'lab berildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_aralashgach
#Samarqand_viloyati

✔️ Adliya aralashuvi natijasida PHD ustamasi bo'yicha muammo hal etildi

✍️Bulung'ur tuman adliya boʻlimi tomonidan tuman maktabgacha va maktab ta’lim boʻlimiga qarashli maktab direktori J.A.ning  falsafa doktori (PhD) ilmiy darajasi uchun lavozim maoshiga ustama toʻlanmayotgani yuzasidan qilgan murojaati oʻrganib chiqildi.

📊Oʻrganish natijasida, maktab direktori J.A 2023-yil 21-iyuldan falsafa doktori (PhD) ilmiy darajasiga ega boʻlsa-da, unga ilmiy darajasi uchun ustama toʻlanmayotgani toʻlanmay kelinayotganligi aniqlandi.

📄 Ma'lumki, Oʻzbekiston Respublikasi Vazirlar Mahkamasining 2019-yil 24-dekabrdagi 1030-son qarori asosida tasdiqlangan Nizomga muvofiq, PhD darajasiga ega xodimlarga lavozim maoshining 30 % gacha qoʻshimcha haq toʻlanishi belgilangan.

🔹Holat yuzasidan tuman maktabgacha va maktab ta’lim boʻlimiga bajarilishi majburiy taqdimnoma kiritildi.

📌 Natijada, fuqaro J.Aning qonuniy manfaatlari himoya qilinib, ish beruvchi tomonidan to'lanmay qolgan 58 450 791 soʻm miqdoridagi (PhD) ilmiy darajasi uchun ustama pullari toʻlab berilishi taʼminlandi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_aralashgach
#Buloqboshi_tuman

📍 Ish beruvchining aybi bilan o‘z hisobidan tibbiy ko‘riklardan o‘tib kelgan tibbiyot xodimlarining 52 381 000 so‘m pullari to'lab berilishi ta'minlandi.

✅ Andijon viloyati, Buloqboshi tumani tibbiyot birlashmasida ishlovchi tibbiyot xodimlari o'z hisobidan tibbiy ko‘rikdan o‘tishganligi bilan bog‘liq xarajatlari tuman tibbiyot birlashmasi tomonidan kompensatsiya tariqasida to‘lab berilmaganligidan norozi bo‘lib qilgan murojaati Buloqboshi tuman adliya bo'limi tomonidan o'rganildi.

✅ Murojaatni o'rganish davomida, tibbiyot xodimlariga Oʻzbekiston Respublikasi Mehnat kodeksining 286-moddasiga ko‘ra, ish beruvchi xodimning majburiy tibbiy koʻrikdan oʻtganligi munosabati bilan bogʻliq xarajatlarni kompensatsiya qilishi shart ekanligi hamda 292-moddasida xodimning majburiy tibbiy koʻrikdan oʻtishi bilan bogʻliq xarajatlarni kompensatsiya qilish ish beruvchining hisobidan amalga oshirilishi zarur boʻlgan to‘lovlari toʻlanmay kelganligi aniqlandi.

✅ Bu holat yuzasidan Buloqboshi tuman tibbiyot birlashmasiga bajarilishi majburiy boʻlgan taqdimnoma kiritildi.

✅ Natijada, 700 dan ortiq tibbiyot xodimlarining majburiy tibbiy koʻrikdan oʻtganligi munosabati bilan bogʻliq xarajatlari ish beruvchi tomonidan kompensatsiya tariqasida jami 52 381 000 so‘m pul mablag'lari toʻlab berilishi taʼminlandi.

Telegram | Instagram | Facebook | YouTube | Bot

#Adliya_aralashgach
#Farg'ona_viloyati

❗️Noqonuniy ravishda ishdan bo‘shatilgan maktabgacha ta’lim tashkiloti direktori ishga tiklandi

Farg'ona viloyat adliya boshqarmasi tomonidan fuqaro G.M.ning ishga tiklash masalasida yo‘llagan murojaati ko‘rib chiqildi.
Murojaatni o‘rganish davomida viloyat maktabgacha va maktab ta’limi boshqarmasi boshlig‘i tomonidan xodim bilan tuzilgan muddatli mehnat shartnomasi belgilangan muddat tugamaganligiga qaramasdan Mehnat kodeksining 158-moddasiga asosan g‘ayriqonuniy ravishda bekor qilinganligi aniqlandi.

Murojaatni o‘rganish yakuni bo‘yicha ish beruvchi tomonidan chiqarilgan xodim bilan tuzilgan mehnat shartnomasini bekor qilish to‘g‘risidagi buyruqni g‘ayriqonuniy deb topish, xodimni ishga tiklash, shuningdek, majburiy progul davri uchun ish haqi hamda yetkazilgan ma’naviy zararni undirish bo‘yicha Adliya boshqarmasi tomonidan sudga da’vo arizasi kiritildi va mazkur da’vo arizasi sud tomonidan qanoatlantirildi.

Natijada xodim ishga tiklandi va ish beruvchidan jami 30 million so‘m miqdorida kompensatsiya to‘lovlari undirildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot