🔺BIMT va Adliya vazirligi hamkorligidagi mintaqaviy tadbir boshlandi!

✅ Xabar berganimizdek, bugun, Toshkent shahrida Butunjahon Intellektual Mulk Tashkiloti (BIMT) va Adliya vazirligi hamkorligida “Ayollar yetakchiligidagi kichik va o‘rta biznes subyektlari uchun intellektual mulkni boshqarish klinikasi” loyihasining yakuniy hisobot tadbiri boshlandi.

🔹Tadbirning birinchi kunida rasmiy ochilish marosimi bo‘lib o‘tdi. Unda BIMT ekspertlari tomonidan Belarus, Qozog‘iston, Qirg‘iziston va O‘zbekiston ayol tadbirkorlari uchun brend yaratish, nou-xau va innovatsiyalarni biznesda qo‘llash bo‘yicha amaliy mashg‘ulotlar o‘tkazildi.

✅Kun yakunida Belarus va Qozog‘iston vakillari o‘z mamlakatlari tajribasi haqida taqdimot qildi. Tadbir doirasida ishtirokchilar o‘zaro fikr-mulohazalar almashib, kelgusida mintaqaviy hamkorlikni yanada kengaytirish masalalarini muhokama qildilar.

Eslatib o'tamiz, ushbu tadbir Markaziy Osiyo, Kavkaz va Sharqiy Yevropa mamlakatlaridagi (CACEEC) ayollar rahbarligidagi kichik va o‘rta korxonalarni qo‘llab-quvvatlash, ularning intellektual mulk sohasidagi salohiyatini oshirish hamda biznesni rivojlantirishda intellektual mulk strategiyasining o‘rnini mustahkamlash maqsadlariga qaratilgan bo'lib, ikki kun davom etadi.

Telegram | Instagram | Facebook | YouTube | Bot