#Adliya_xabari

✅Adliya vaziri oʻrinbosari N.Muxammadiyev Mingbuloq tumanida fuqarolar bilan uchrashdi.

🔹Namangan viloyati Mingbuloq tumanidagi xizmat safari davomida adliya vaziri oʻrinbosari mahalladagi tadbirkor faoliyati bilan yaqindan tanishdi. Ushbu tadbirkor hozirga qadar, ustoz-shogird anʼanalariga muvofiq, 6 nafar yoshga hunarning sir-asrorlari oʻrgatgan. Bugungi kunda ham 3 nafar doimiy, 5 nafar mavsumiy ishchilar ishlamoqda.

🔸Tadbirkor bilan muloqotda, tadbirkorlarning huquqlarini himoya qilish, davlat tomonidan taqdim etilayotgan soliq va boshqa imtiyozlar, qoʻllab-quvvatlash mexanizmlari haqida maʼlumotlar berildi.

🔹Shu kuni, vazir oʻrinbosari tomonidan “Tegirmonboshi” mahallasida “Mahalla yettiligi” hamda aholi vakillari bilan yuzma-yuz muloqot olib bordi.

🔸Muloqot davomida mahalla faollari tomonidan ijtimoiy himoya, bandlik, huquqiy maslahatlar, oilaviy nizolarni bartaraf etish, yoshlar orasida jinoyatchilik va huquqbuzarliklarning oldini olish borasida olib borilayotgan ishlar haqida batafsil maʼlumot berildi.

🔹Shundan soʻng, mahalla fuqarolarini qiynab kelayotgan muammolarni tingladi. Xususan, fuqarolarning e-auksion orqali yutib olingan yerni boshqa shaxsga notarius orqali oʻtkazish amaliyoti, tugʻilganlik guvohnomasini takroran olish, kadastr, meros, ajrim masalalar yuzasidan 25 ta murojaat tinglandi va 15 ta murojaatga joyida huquqiy tushuntirish berildi qolgan 10 ta murojaat esa muddat va oʻrganish talab qilgani bois, adliya boʻlimi ish yurituviga olindi.

🔸Masalan, Tegirmonboshi MFY da yashovchi fuqaro Dilshoda Yo'ldasheva taʼlim sohasidagi Milliy sertifikati boʻyicha ustama haqlari toʻlanishi yuzasidan toʻgʻrisidagi murojaati, Oʻzgarish MFYda yashovchi fuqaro Dilnoza Mashrapova gaz tarmogʻiga ulanishda abonent raqamini olish masalasida qilgan murojaati adliya boʻlimi ish yurituviga olindi.

🔹Kunning ikkinchi yarmida, Mingbuloq tumani "Oybek" mahallasi "Mahalla yettiligi" bilan muloqot qilindi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

✅Mahalliy davlat hokimiyati organlarining vakolatlari mahalliy vakillik va mahalliy ijro etuvchi hokimiyat organlari o‘rtasida taqsimlanmoqda!

🔺Oliy Majlis Qonunchilik palatasining navbatdagi majlisida O‘zbekiston Respublikasining “Mahalliy davlat hokimiyati organlari faoliyati takomillashtirilganligi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonun loyihasi oriy yilning 9-sentyabr kuni boʻlib oʻtgan Oliy Majlis Qonunchilik palatasining navbatdagi yalpi majlisida koʻrib chiqildi.

🔹Mazkur qonun loyihasi bilan Yangi tahrirdagi O‘zbekiston Respublikasi Konstitutsiyasiga muvofiq mahalliy Kengash raisi va hokim lavozimlari bir-biridan ajratilganligi sababli 9 ta kodeks va 69 ta qonun qayta ko‘rib chiqilib, mahalliy davlat hokimiyati organlariga yuklatilgan vakolatlar mahalliy vakillik va ijro organlari o‘rtasida ixtisoslashtirish nazarda tutilmoqda.

Xususan:
▪️mahalliy davlat hokimiyati organlarining vazifalari “Kuchli Kengash, hisobdor va tashabbuskor hokim” tamoyili asosida vakillik va ijro etuvchi hokimiyat organlari o‘rtasida aniq taqsimlanmoqda;
▪️mahalliy Kengashlarga hokimliklarning 28 ta vakolatlari hamda qonun hujjatlarida mahalliy davlat hokimiyati organlariga umumiy berilgan vakolatlarning aniqlashtirilishi natijasida qo‘shimcha 33 ta vakolat o‘tkazilmoqda.

🔺Shuningdek, mahalliy Kengashlar va hokimliklarning faoliyatiga xos bo‘lmagan va respublika ijro etuvchi organlari vakolatlariga oid takrorlanuvchi vazifalar bekor qilinmoqda.

🔺Muhokama natijalariga koʻra, Qonun loyihasi deputatlar tomonidan bir ovozdan qabul qilinib, Oliy Majlis Senatiga yuborildi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

Andijonda tadbirkorlar uchun intellektual mulk masalalariga bag‘ishlangan sayyor qabul o‘tkazildi.

✅ Andijon viloyati Marhamat tumanida tadbirkorlik subyektlariga intellektual mulk obyektlarini muhofaza qilish va huquqiy himoya bo‘yicha amaliy yordam ko‘rsatish maqsadida sayyor qabul tashkil etildi.

✅ Qabulda Adliya vazirligi Intellektual mulk departamenti boshlig‘i B.Xasanov, tegishli boshqarma mutaxassislari hamda hududdagi tadbirkorlar ishtirok etdi.

✅ Tadbir davomida ishtirokchilarga joriy yil 8-avgust kuni qabul qilingan “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi O‘RQ-1080-son Qonun mazmun-mohiyati haqida batafsil tushuntirish berildi.

✅ Qonun bilan intellektual mulkni ro‘yxatga olish jarayonlari soddalashtirildi.

Xususan:
▪️intellektual mulk obyektini ro‘yxatdan o‘tkazishda davlat bojini to‘lash uchun belgilangan 3 oylik muddat o‘tkazib yuborilganda, ushbu muddatni qo‘shimcha to‘lov evaziga (patent bojining 50 foizi) 6 oygacha uzaytirish imkoniyati yaratildi;
▪️seleksiya yutuqlarini ro‘yxatdan o‘tkazishda talab etiladigan ayrim hujjatlar (seleksiya yutug‘idan foydalanmaganligi to‘g‘risida deklaratsiya, sinovdan o‘tkazish uchun materialni belgilangan muddatda ixtisoslashtirilgan tashkilotga taqdim etish majburiyati) bekor qilindi;
▪️sanoat mulki obyektlarini ro‘yxatdan o‘tkazish jarayonlarida davlat boji to‘langanligini tasdiqlovchi hujjatlarni taqdim etish talabi bekor qilindi;
▪️EHM uchun dasturlarni va ma’lumotlar bazalarini rasmiy ro‘yxatdan o‘tkazish uchun taqdim etilgan talabnoma va unga ilova qilingan hujjatlarni belgilangan talablarga muvofiqligini tekshirish muddati 10 kun etib belgilandi;
▪️intellektual mulk obyektlariga bo‘lgan huquqlarni tasdiqlovchi muhofaza hujjatlarini (patent, guvohnoma) yagona QR-kod (matrik shtrixli kod) qo‘yilgan holda elektron shaklda avtomatik tarzda berish nazarda tutildi;
▪️tovar kelib chiqqan joy nomini va (yoki) tovar kelib chiqqan joy nomidan foydalanish huquqini ro‘yxatdan o‘tkazishga doir talabnomada ifodalangan belgini ekspertizadan o‘tkazish muddati 7 oydan 1 oyga qisqartirildi;
▪️intellektual mulk sohasiga oid ayrim qonun hujjatlaridagi ayrim tahririy jihatdan o‘zgartirishlar kiritildi.

✅ Qonun bilan intellektual mulk sohasidagi huquqbuzarliklar uchun javobgarlik choralari kuchaytirildi.

Xususan:
▪️intellektual mulk egalarining mulkiy huquqlarini (tovar belgisi, ixtirolar, dasturiy ta’minot, sanoat namunasi va boshqalarga doir huquqlar) buzganlik uchun jinoiy javobgarlik belgilandi;
▪️muallifning shaxsiy nomulkiy huquqlarini buzganlik uchun jinoiy javobgarlik choralari kuchaytirilib, buzilishi javobgarlikka sabab bo‘ladigan intellektual mulk obyektlari doirasi kengaytirildi;
▪️adliya organlarining kontrafakt tovarlarni ko‘zdan kechirish va xatlash vakolatlari kiritildi;
▪️mualliflik huquqi va turdosh huquqlarni buzganlik uchun ma’muriy jarima miqdori oshirildi;
▪️seleksiya yutug‘i va integral mikrosxemalar topologiyasiga bo‘lgan huquqlarni buzganlik uchun ma’muriy javobgarlik belgilandi;
▪️patentga oid (ixtiro, foydali model, sanoat namunasi va seleksiya yutug‘i) huquqbuzarliklar sodir etishda foydalanilgan ashyolarni musodara qilish qo‘shimcha ma’muriy jazo chorasi sifatida kiritildi;
▪️tovar belgisi bo‘yicha ishlab chiqarilgan kontrafakt mahsulotlar huquqbuzar hisobidan muomaladan olib qo‘yilishi va yo‘q qilinishi nazarda tutildi.

✅ Mazkur Qonun aholining intellektual mulk obyektlarini ro‘yxatdan o‘tkazishi uchun qo‘shimcha qulayliklar yaratishga xizmat qiladi.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

#Adliya_xabari

❗️Farg'onada mingdan ortiq fuqarolarning yer va mulkka bo‘lgan huquqlari e’tirof etildi

Xalq deputatlari Farg'ona viloyati Kengashining joriy yil 11-sentyabr kungi navbatdagi sessiyasida fuqarolarning yer uchastkasiga bo'lgan ijara huquqini hamda unda qurilgan bino va inshootga bo'lgan mulk huquqini eʼtirof etish masalasi ko'rib chiqildi.

Mazkur sessiyada viloyat bo‘yicha jami 746 nafar fuqaroning yer va mulkka bo'lgan huquqlarini e'tirof etish bo‘yicha qaror qabul qilindi.

Shu kunga qadar viloyatda "O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida"gi qonun ijrosi bo‘yicha jami 1488 nafar fuqaroning yer va mulkka bo‘lgan huquqlari e’tirof etildi.

Telegram | Instagram | Facebook | YouTube | Bot