❕Foydalanayotgan gigiyena vositangiz sog‘lig‘ingiz uchun zararli bo‘lishi mumkin!

✅Kontrafakt mahsulotlar jamiyatga faqatgina moddiy zarar yetkazib qolmaydi. Chunki, odatda kontrafakt mahsulotlar inson hayoti va salomatligi bilan bog‘liq sohalar bo‘lmish oziq-ovqat, farmatsevtika, parfyumeriya va boshqa shu kabi yo‘nalishlarda ko‘proq uchraydi.

✅Hech qanday texnik talablarga rioya qilinmagan holda ko‘zdan panada tayyorlangan mahsulot esa inson hayoti uchun xavf tug‘dirishi aniq. Biroq, bu kabi jiddiy oqibatlar fikr-u hayoli boylik orttirish bo‘lgan kimsalarni sira tashvishga solmaydi.

✅Xususan, adliya organlari tomonidan “IFFCO Group” kompaniyasining (BAA) barchamizga tanish bo‘lgan “Royal Lather” tovar belgisiga bo‘lgan huquqlari respublika bo‘ylab 113 ta tadbirkorlik subyektlari tomonidan buzilayotganligi to‘g‘risidagi murojaati ko‘rib chiqildi.

✅Respublika bo‘ylab o‘tkazilgan tekshiruvlar natijasida “Royal Lather” tovar belgisiga o‘xshash bo‘lgan belgilardan foydalangan holda parfyumeriya mahsulotlari ishlab chiqarish hamda savdoga taklif etish holatlari aniqlandi.

✅Aniqlangan holatlar bo‘yicha adliya organlari tomonidan 44 ta holatda tadbirkorlik subyektlari ogohlantirilishi, 44 ta holatda huquqbuzarlik holatlarini bartaraf etish bo‘yicha bajarilishi majburiy bo‘lgan taqdimnomalar kiritilishi hamda 1 ta holatda ma’muriy huquqbuzarlik to‘g‘risidagi bayonnoma rasmiylashtirilishi ta’minlandi.

⚠️Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot