❕“BOSS” brendidan noqonuniy foydalanish holatiga chek qo‘yildi!

✅Barchamizga ma’lum bo‘lgan “Hugo Boss” brendiga 1924-yilda Germaniyada asos solingan bo‘lib, 2024-yilda kompaniya savdolari 4.3 mlrd. yevroni tashkil etgan. Agar mazkur kompaniya asoschilari ham oson daromad ko‘rish maqsadida boshqalarning “brendini o‘g‘irlash” yo‘lini tanlaganlarida hozirgi kunda dunyoni zabt etgan xalqaro brendlardan biri bo‘lmish “Hugo Boss” mavjud bo‘lmas edi.

✅Biroq, ayrim “uddaburon” tadbirkorlar tomonidan tezda boyib ketish maqsadida boshqalarning mehnat mahsuli natijasida uzoq yillar mobaynida yaratilgan brendlardan ruxsatsiz foydalanish holatlari ham uchrab turibdi.

✅Xususan, adliya organlari tomonidan “Hugo Boss A.G.” kompaniyasining (Germaniya) barchamizga tanish bo‘lgan “BOSS” tovar belgisiga bo‘lgan huquqlari “J.M.” YTT tomonidan buzilayotganligi to‘g‘risidagi murojaat ko‘rib chiqildi.

✅O‘tkazilgan tekshiruv natijasida “J.M.” YTT tomonidan “BOSS” tovar belgisiga o‘xshash bo‘lgan belgidan do‘kon peshlavhasida go‘yoki bu do‘konda “BOSS” brendidagi tovarlar sotilayotganligini ifodalash uchun foydalanilayotganligi aniqlandi.

✅Holat bo‘yicha adliya organlari tomonidan “J.M.” YTTga nisbatan tegishli ta’sir chorasi qo‘llanilgan holda “BOSS” tovar belgisining do‘kon peshlavhasidan olib tashlanilishi ta’minlandi.

⚠️Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot

✅Bugun, 19-avgust kuni Oliy Majlis Qonunchilik palatasi tomonidan “O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonun loyihasi birinchi o‘qishda qabul qilindi.

Mazkur qonun loyihasi quyidagilarni nazarda tutadi:
1) litsenziya shartnomasini tuzishning o‘zi tovar belgisidan foydalanganlik deb hisoblanmasligi;
2) tovar belgisi guvohnomasini huquq egasi bo‘lgan yuridik shaxs tugatilganda yoki jismoniy shaxs vafot etib, merosxo‘rlari bo‘lmaganda, manfaatdor shaxsning arizasi ko‘ra, sud qarori asosida tugatish;
Ma’lumot uchun: 2023-yilda 3155 ta tovar belgisi ro‘yxatdan o‘tkazilgan bo‘lsa, ushbu ko‘rsatkich 2024-yilda 6279 taga yetgan.
3) O‘zbekiston Respublikasiga tegishli tovar kelib chiqqan joy nomi va geografik ko‘rsatkichni anglatuvchi alohida logotip belgilash;
Ma’lumot uchun: hozirda 3 ta tovar kelib chiqqan joy nomi va 20 ta geografik ko‘rsatkich ro‘yxatga olingan.
4) ixtiro va foydali modellarga talabnomalar Patent kooperatsiyasi shartnomasi bo‘yicha belgilangan muddatdan kechikkan holda taqdim etilganda, ustuvorlikni so‘rash muddatini 12 oygacha tiklash imkoniyatini yaratib, bu harakatlar uchun patent bojlarini belgilash;
5) EHM dasturi va ma’lumotlar bazasiga oid shartnomaga o‘zgartirish kiritilganda patent bojini undirish tartibi takomillashtirib, ushbu obyektga doir guvohnomaga o‘zgartirish kiritish uchun patent bojlarini joriy etish;
6) seleksiya yutuqlarini tijoratlashtirishni qo‘llab-quvvatlash maqsadida ushbu huquqlarni boshqa shaxsga o‘tkazish shartnomasini ro‘yxatdan o‘tkazish uchun belgilangan patent bojlarini 2 barobarga kamaytirish;
7) Apellyatsiya kengashining faoliyati samaradorligini yanada oshirish, mediatsiya institutini qo‘llab-quvvatlash va sud bojlari bilan muvofiqlashtirish maqsadida Adliya vazirligining Apellyatsiya kengashiga ariza berish uchun patent boji miqdorlarini oshirish;
8) intellektual mulk sohasidagi tekshiruvlarni Biznes-ombudsmanni xabardor qilish orqali amalga oshirish;
9) Qonunchilikka “ishonch telefoni” va “call-markaz” tushunchalarini kiritish;
10) “O‘zarxiv agentligi” Adliya vazirligiga o‘tkazilishiga oid texnik o‘zgarishlarni kiritish;
11) sud, raqobat va Milliy gvardiya organlari faoliyatini tartibga soluvchi ayrim normativ-huquqiy hujjatlarni boshqa amaldagi normativ-huquqiy hujjatlarga muvofiqlashtirish.

🔸Mazkur qonun loyihasi intellektual mulk obyektlarini muhofaza qilish tartiblarini yengillashtirishga, mahalliy va xorijiy investorlar uchun qulay shart-sharoitlar yaratishga, tadbirkorlar uchun bozorga kirish imkoniyatlarini kengaytirishga hamda xalqaro majburiyatlarni bajarishga, shuningdek, fuqarolar va tadbirkorlik subyektlarining murojaatlarini ko‘rib chiqish tizimini soddalashtirish va ularning davlat organlari bilan bevosita aloqa o‘rnatish imkoniyatlarini kengaytirish xizmat qiladi.

🔹Shuningdek, mazkur qonun loyihasi bilan amaldagi ayrim normativ-huquqiy hujjatlarni boshqa normativ-huquqiy hujjatlarga muvofiqlashtirishga erishiladi.

Telegram | Instagram | Facebook | YouTube | Bot

❕ “Uddaburon” tadbirkor maqsadi amalga oshmay qoldi

✅ Hozirgi kunda ko‘plab tadbirkorlar o‘z brendini ro‘yxatdan o‘tkazib, uni rivojlantirish maqsadida moddiy resurslarini sarflayotgan bir vaqtda tayyor mahsulotdan ruxsatsiz foydalanishga urinayotgan ayrim “uddaburon” shaxslar afsuski yo‘q emas.

✅ Shunday tadbirkorlardan biri “F.I.” MChJ, tezda boyib ketish va katta foyda olish maqsadida “Inter food plus” MChJga tegishli bo‘lgan “FLASH UP” tovar belgisi bilan tanilgan mahsulotlarni respublikamiz hududiga olib kirishga uringan.

✅ Vaholanki, “FLASH UP” tovar belgisini respublikamiz hududiga olib kirish va sotish huquqlari “Inter food plus” MChJga tegishli bo‘lib, tovar belgisiga bo‘lgan huquqlar o‘z vaqtida “Intellektual mulk obyektlarining bojxona reyestri”ga kiritib qo‘yilgan.

✅ Shu sababli, bojxona organlari tomonidan respublikamiz hududiga noqonuniy olib kirilayotgan 38 ming litr “FLASH UP” mahsulotlari to‘xtatilib, bu haqida huquq egasiga ma’lum qilindi.

✅Holat yuzasidan “Inter food plus” MChJ sudga murojaat qildi va Adliya vazirligi tomonidan berilgan fikrlarni inobatga olgan holda sudning 30.07.2025-yildagi qarori bilan “F.I.” MChJning xatti-harakatlari intellektual mulk huquqlarining buzilishi deb topildi va 38 ming litr kontrafakt mahsulotlarning yo‘q qilinishi yoki reeksport qilinishi hamda huquqbuzardan 11 mln. so‘m miqdorida sud xarajatlari undirilishi belgilandi.

⚠️ Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot

#Adliya_xabari

✅Farg'onada “Turn-key” tamoyili mexanizmi amaliyotga joriy qilindi

🔸Adliya vaziri. A.Tashkulov Qo‘qon shahar  Davlat xizmatlari markazida tashkil qilingan “Turn-key” tamoyili mexanizmi bilan tanishdi. 

🔹E’tiborli jihati shundaki, Qo’qon shahar davlat xizmatlari markazida tovar belgilarini ro’yxatdan o’tkazishda  “Turn-key” tamoyili mexanizmi ilk bor joriy qilinmoqda. Bunda, DXM binosida “Intellektual mulk stendi” tashkil etilgan hamda binoda brend dizayneri hamda patent vakiliga joy ajratilgan.

🔸Bu yerda shartnoma asosida qabul qilingan tajribali xodimlar Davlat xizmatlari markazida  tadbirkorlik subyektlarini ro‘yxatdan o‘tkazish jarayonida, tovar belgisining afzalliklari, ro‘yxatdan o‘tkazmaslikning huquqiy oqibatlari, kontrafakt mahsulotlar ishlab chiqarilganlik va sotganlik uchun javobgarlik, tovar belgisini ro‘yxatdan o‘tkazishda talabnoma topshirish tartibi bo‘yicha birlamchi huquqiy tushuntirishlar beradi.

🔹Taqdimot davomida adliya vaziri “Farg‘ona tajribasi” sifatida joriy qilinayotgan ushbu “Turn-key” tamoyili mexanizmini barcha hududlarda joriy qilish va intellektual mulk qonunchiligini takomillashtirish va bu sohaga yangi mexanizmlarni joriy qilish bo‘yicha takliflar ishlab chiqishni ta’kidladi.

Telegram | Instagram | Facebook | YouTube | Bot

#Hech_bir_shaxs_hujjatsiz_qolmaydi

✅Adliya aralashuvi bilan 17 yillik muammo hal etildi.

🔸Namangan viloyat adliya boshqarmasi tomonidan “Hech bir shaxs hujjatsiz qolmaydi” huquqiy aksiyasi doirasida viloyatdagi barcha mahalla fuqarolar yigʻinlarida xatlov ishlari oʻtkazilmoqda.

🔹Jumladan, Chust tumani “Yangi Bogʻishamol” mahallasida yashovchi N. Chulponov bilan G.Kurbonovaning 17 yildan beri uch nafar farzandlari bo’lsa ham nikoh guvohnomasisiz yashab kelishgan.

🔸Mazkur fuqarolarning murojaatiga asosan, Chust tumani fuqarolik holati dalolatnomalarini yozish bo’limi tomonidan nikohlari qonuniy qayd etildi.

Telegram | Instagram | Facebook | YouTube | Bot

📣❤️‍🔥❤️‍🔥❤️‍🔥

Elektr ta’minotidagi uzilish haqida ma’lumot!

Hurmatli Qibray tuman aholisi!

2025-yil 20-avgust kuni soat 09:00 dan 17:00 gacha, F.Yoqub xo‘jaligi 6 kV dan ulangan TP-171 transformator punktida texnik ishlar amalga oshiriladi.

Mazkur ishlar sababli quyidagi hududlarda elektr ta’minotida vaqtincha uzilish bo‘ladi:

📍 Sohibkor MFY
📍 G‘.G‘ulom MFY
📍 Beruniy MFY
📍 Iftixor MFY
📍 Shodlik MFY

⚠️ Elektr ta’minoti to‘xtatilishi munosabati bilan, Qibray tuman adliya bo‘limi Davlat xizmatlari markazida ham elektr energiyasi bo‘lmaydi.

🔹 Elektr uzilishi davrida Sizga my.gov.uz portali orqali elektron davlat xizmatlaridan foydalanishni yoki yaqin atrofdagi boshqa Davlat xizmatlari markazlariga murojaat qilishni tavsiya etamiz.

Keltirilayotgan noqulayliklar uchun oldindan uzr so‘raymiz.

📍 Bizning rasmiy sahifalarimizga quyidagi havolalar orqali obuna bo‘ling 👇

✅Telegram | ✅Facebook | 🌐Veb sayt | 🌐Instagram|📹Youtube