✅Mualliflik huquqini buzgan “Ovoz” loyihasi Adliya vazirligi tomonidan OGOHLANTIRILDI.

🔹O‘zbekiston Respublikasi Mualliflik va turdosh huquqlarni himoya qilish jamiyatining marhum Sherali Jo‘rayev muallifligidagi “Qora ko‘zli sanamjon” asari huquq egasi yoki boshqa vakolatli shaxslarning ruxsatisiz “TALENT SHOW” MChJning “Ovoz” loyihasida barchaning e’tiboriga yuborilganligi holati yuzasidan qonuniy chora ko'rish to'g'risidagi murojaat ko'rib chiqildi.

🔹Vazirlik tomonidan o‘tkazilgan tekshiruv natijasiga ko‘ra Sherali Jo‘rayevning muallifligidagi “Qora ko‘zli sanamjon” asari “TALENT SHOW” MСhJ tomonidan huquq egasi yoki boshqa vakolatli shaxslarning ruxsatisiz Youtube ijtimoiy tarmog‘ining “The voice of Uzbekistan” nomli kanali orqali barchaning e’tiboriga yetkazilganligi aniqlandi.

✅Mazkur holat tekshiruv o‘tkazilgunga qadar bartaraf etilganligi sababli huquqbuzar kelgusida qonunchilik talablariga qat’iy rioya etishi bo‘yicha ogohlantirildi.

🔹Shu o‘rinda asarlardan foydalanuvchilardan, jumladan teleradiokanallardan mualliflik va turdosh huquqlarga qat’iy rioya qilishlarini so‘rab qolamiz!

✅ Ma’lumot uchun, qonunchilikka muvofiq muallif yoki huquq egasi huquqbuzardan zarar qoplanishi o‘rniga bazaviy hisoblash miqdorining 20 baravaridan 1000 baravarigacha miqdorda tovon to‘lashini talab qilishga haqli hisoblanadi.

⚠️ Hurmatli ijod vakillari! Mualliflik huquqingiz buzilganda Adliya vazirligining "1008" ishonch telefoni orqali xabar berishingiz yoki info@adliya.uz elektron pochta manzili orqali murojaat qilishingizni so'raymiz!

Telegram | Instagram | Facebook | YouTube | Bot

❕“Biolan” vositasining kontrafakt nusxalari sotuviga chek qo‘yildi!

✅Kontrafakt mahsulotlar nafaqat haqiqiy ishlab chiqaruvchi, balki butun jamiyatga ham zarar yetkazishi mumkin.

✅Biroq, oramizda moddiy manfaati uchun insonlar hayoti va sog‘lig‘ini xavf ostiga qo‘yishga tayyor shaxslar ham yo‘q emas.

✅Jumladan, “Nefis Kosmetiks” AJ va Boguslavskaya Karina Irekovnalar (Rossiya Federatsiyasi) Adliya vazirligiga murojaat qilib, unda “Biolan” tovar belgisiga o‘xshash belgilardan noqonuniy foydalanish holati yuzasidan “Y.M.” MChJga nisbatan chora ko‘rishni so‘ragan.

✅O‘rganishlar davomida “Y. M.” MChJ tomonidan “Biolan” tovar belgisidan foydalangan holda kontrafakt mahsulotlar ishlab chiqarilganligi, shuningdek hozirda bir qator onlayn savdo platformalarida sotuvga taklif etilayotganligi aniqlandi.

✅Natijada aniqlangan huquqbuzarlik bo‘yicha qonuniy chora ko‘rilib, 276 ta kontrafakt mahsulotning sotuvdan olib tashlanilishi ta’minlandi.

✅ Eslatib o‘tamiz, tovar belgilari sohasidagi qonunbuzarliklar quyidagi oqibatlarga olib kelishi mumkin:
BHMning 15 baravaridan 50 baravarigacha miqdorda ma’muriy jarima;
BHMning 100 baravaridan 200 baravarigacha miqdorda moliyaviy jarima;
BHMning 20 baravaridan 1000 baravarigacha miqdorda tovon undirilishi.

⚠️Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot