#Adliya_xabari

Adliya vaziri oʻrinbosari Maxmud Istamov Fargʻona viloyatida faoliyat yuritayotgan tadbirkorlar bilan uchrashdi

✅Sayyor qabul shaklida tashkillangan ushbu uchrashuvning asosiy maqsadi — tadbirkorlarni qiynayotgan huquqiy masalalarni oʻrganish, ularning faoliyatida duch kelayotgan toʻsiq va muammolarni bartaraf etishda amaliy yordam koʻrsatishdan iborat boʻldi.

✅Margʻilon shahridagi “Hunarmandlar markazi”da boʻlib oʻtgan muloqot davomida tadbirkorlar bir qator masalalarning ijobiy yechimiga doir takliflarni bildirdilar.

✅Muloqot davomida 100 ga yaqin tadbirkorlik subyektlari ishtirok etib, masʼullar tomonidan 50 dan ortiq tadbirkorlarning murojaati qabul qilindi, shundan 16 nafar murojaatchining muammolari joyida hal etildi, 15 tasiga huquqiy tushuntirish berildi, oʻrganish talab etilgan 19 ta murojaat koʻrib chiqish uchun ish yurituviga qabul qilindi.

✅Shuningdek, Adliya vaziri oʻrinbosari tadbirkorlik faoliyatini qoʻllab-quvvatlash davlat siyosatining ustuvor yoʻnalishlaridan biri ekanligi, bu borada Adliya vazirligi ham huquqiy kafolatlar yaratish, huquqiy yordam berish va adolatli muhitni taʼminlashda faol ishtirok etishini taʼkidladi.

Telegram | Instagram | Facebook | YouTube | Bot