#Ochiq_adliya

⚠️ Adliya organlari tizimida korrupsiyaga qarshi murosasiz kurash e'lon qilingan.

📲 Bunda Adliya vazirligi tizimidagi, jumladan:

▫️adliya boshqarmalari va bo‘limlari;
▫️yuridik xizmat ko‘rsatish markazlari;
▫️FHDY organlari;
▫️davlat xizmatlari markazlari;
▫️"O‘zarxiv" agentligi va uning hududiy tuzilmalari;
▫️X. Sulaymonova nomidagi Respublika sud-ekspertiza markazi va uning hududiy bo‘linmalari;
▫️“Adolat” milliy huquqiy axborot markazi;
▫️Adliya organlari va muassasalarida axborot-kommunikatsiya texnologiyalarini rivojlantirish markazi;
▫️Intellektual mulk markazi;
▫️davlat notarial idoralari va arxivlari;
▫️Yuridik kadrlarni qayta tayyorlash instituti;
▫️Toshkent davlat yuridik universiteti;
▫️TDYU qoshidagi akademik litseydagi korrupsiya holatlari haqida ma'lumotlarni Telegramdagi @antikorbot botiga, (71) 207-04-64 (1321 yoki 1323) telefon raqamiga yoki vazirlik rasmiy veb-saytidagi maxsus platformaga yuborish mumkin.

❗️Yuborilgan xabarlar belgilangan tartibda ko‘rib chiqiladi hamda murojaat qiluvchining shaxsi sir saqlanishi kafolatlanadi.

Telegram | Instagram | Facebook | YouTube | Bot

🏆 “5 sportchi – 5 brend: G‘alaba faqat maydonda emas!”

Sport olamida o‘z nomini brendga aylantirgan afsonalar bilan tanishing. Ular faqat mashhur emas, balki muvaffaqiyatli tadbirkorlar ham!

1. Michael Jordan – “Jordan Brand” (Nike)

• 🏀 Afsonaviy basketbolchi.
• 🔥 Nike bilan hamkorlikda yaratgan “Air Jordan” krossovkalari bugungi kunda ko‘p milliard dollarlik brend hisoblanadi.
• 💼 Har yili 100 million dollardan ortiq daromad oladi, hatto sportni tark etganiga 20 yildan oshgan bo‘lsa ham!
• ✅ “Jordan” — nafaqat sport, balki moda va streetwear industriyasida ham yetakchi.
💬 Izoh: “Jordan faqat basketbolchi emas, u o‘z nomini global savdo belgisi darajasiga ko‘targan birinchi sportchi.”

2. Cristiano Ronaldo – “CR7”

• ⚽️ Futbol olamining eng mashhur yulduzlaridan biri.
• 👕 “CR7” brendi ostida: kiyim-kechak, atir, ichki kiyimlar, mehmonxonalar va hatto fitnes markazlari mavjud.
• 💰 U brendini ijtimoiy tarmoqlar orqali faol reklama qiladi – dunyodagi eng ko‘p kuzatuvchiga ega shaxs hisoblanadi.
💬 Izoh: “Ronaldo o‘zini faqat maydonda emas, bozorda ham tanita oldi.”

3. Maria Sharapova – “Sugarpova”

• 🎾 Dunyoning eng taniqli tennischilaridan biri.
• 2012 yilda o‘zining “Sugarpova” nomli premium konfet brendini ochdi.
• Har yili 20 million dollar daromad ko‘radi, mahsulotlari 30 dan ortiq davlatda sotiladi.
• Brend dizayni, tabiiyligi va yuqori sifati bilan ajralib turadi.
💬 Izoh: “Sharapova nafaqat kortda chempion, balki u shirinliklar imperiyasining asoschisi.”

4. Conor McGregor – “Proper No. Twelve”

• 🥊 UFC yulduzi, irlandiyalik jangchi.
• 2018 yilda o‘zining Proper No. Twelve viski brendini yaratdi.
• 2021 yilda brendning ulushlarini 600 million dollarga sotdi.
• UFC tarixidagi eng yuqori gonorar olgan jangchilardan biri bo‘lib, biznes orqali boyligini bir necha barobarga oshirdi.
💬 Izoh: “McGregor ringdan tashqarida ham million dollarlik zarba bera oladi.”

5. Lewis Hamilton – “+44”, “Neat Burger”, media va moda brendlari

• 🏎 Formula 1 tarixidagi eng muvaffaqiyatli poygachilardan biri.
• +44 fashion line, Neat Burger (vegan fast food) va kino-prodaksion studiya – hammasi uning bizneslari.
• Hamilton tadbirkorlik orqali ekologik, etik va inklyuziv qadriyatlarni ilgari surmoqda.
💬 Izoh: “Hamilton – biznesda ham eng zo‘r poygachi.”

Ular shunchaki mashhur sportchi yoki millioner emas — ular ishlab chiqaruvchi, ta’sir ko‘rsatuvchi va yaratib beruvchi shaxslar.

📣 Siz ham o‘zingizning brendingizni yarating va ulardan ilhom oling! 🏁

Telegram | Instagram | Facebook | YouTube | Bot

📌 Raqamli texnologiyalar yuridik sohani o‘zgartirmoqda. Siz ham bu jarayonning bir qismiga aylanishni xohlaysizmi?

✅ O‘zbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti tomonidan “Legal Tech” va sun’iy intellekt bo‘yicha kompleks malaka oshirish kursi tashkil etilmoqda!

🔍 Kursdan nimalarni o‘rganasiz?
– Yuridik jarayonlarni avtomatlashtirish;
– Sun’iy intellektdan huquqiy faoliyatda foydalanish;
– Big Data va huquqiy tahlil;
– “Legal Tech” platformalari bilan ishlash amaliyoti.

🕘 O‘qish shakli: An’anaviy va masofaviy

📜 Kurs yakunida – sertifikat beriladi!

🎯 Kimlar uchun?
Adliya organlari, advokatlar, notariuslar, yuridik xizmat xodimlari, pedagoglar va zamonaviy texnologiyalarni egallashni istagan har bir yurist uchun!

📲 Ro‘yxatdan o‘tish va batafsil ma’lumot:
📞 +998 71 234-53-46
+998 91 191 47 84

📈 Kelajak yuridik kasb bilangina emas, raqamli yondashuvlar bilan shakllanadi. Siz orqada qolmang – hoziroq qo‘shiling!

minjusttraining.uz | Facebook | Instagram | Telegram

#yangilik

🎉"HUQUQSHUNOSLIK" fan olimpiadasi o'tkaziladi.

✅O'zbekiston Respublikasi Adliya vazirligi hamda Maktabgacha va maktab ta'limi vazirligining 2025-yil 11-iyuldagi qo'shma qarori bilan "Adliya vazirligi tomonidan otaliqqa olingan umumiy o'rta ta'lim maktablari o'quvchilari o'rtasida "Huquqshunoslik" fan olimpiadasini o'tkazish tartibi to'g'risida"gi nizom tasdiqlandi.

Nizomga ko'ra, Olimpiadaning maqsad va vazifalari:
- maktablarning bilimli va iqtidorli o'quvchi-yoshlarini aniqlash va ularning intellektual salohiyatini oshirish;
- o'quvchilar o'rtasida do'stlik va hamkorlik aloqalarini mustahkamlash;
- huquqshunoslik fanlariga va sohasiga qiziqishini yanada orttirish hisoblanadi.

‼️Olimpiadani o'tkazish va g'oliblarni taqdirlash tartibi keyingi postlarda...

Kanalga ulanish:
👉@huquq_talimi

#yangilik

🖇Adliya vazirligi tomonidan otaliqqa olingan umumiy o'rta ta'lim maktablari o'quvchilari o'rtasida "Huquqshunoslik" fan olimpiadasi quyidagi bosqichlarda o'tkaziladi:
1️⃣ bosqich - tuman (shahar) bosqichi oktabr oyida;
2️⃣ bosqich - hududiy bosqich oktabr oyida;
3️⃣ bosqich - respublika bosqichi noyabr oyida.

📌Olimpiadada maktablarning 8, 9, 10, 11-sinflari kesimida "Davlat va huquq asoslari fani"dan a'lo baholarga o'qigan o'quvchilar ishtirok etishlari mumkin.

🏆Olimpidaning respublika bosqichida sinflar kesimida 1, 2, 3-o'rinni egallagan o'quvchilar vazirliklarning tegishli darajadagi diplomlari
va quyidagi tartibda bir martalik pul mukofoti bilan taqdirlanadilar:
🥇-o'rin uchun - BHMning o'n barobari;
🥈-o'rin uchun - BHMning sakkiz barobari;
🥉-o'rin uchun - BHMning olti barobari.

💯Olimpiadada ishtirok eting va o'z huquqiy bilimingizni sinovdan o'tkazing!

Kanalga ulanish:
👉@huquq_talimi

#bilasizmi

⁉️ Noqonuniy tadbirkorlik faoliyati bilan shug'ullanish, ya'ni tadbirkorlik faoliyatini davlat ro‘yxatidan o‘tmasdan amalga oshirish qanday huquqiy oqibatlarga olib keladi?

1️⃣ Ma'muriy javobgarlik to'g'risidagi kodeksning 176-moddasiga asosan quyidagi harakatlar ma'muriy javobgarlikka sabab bo'ladi:

🔸 tadbirkorlik faoliyatini davlat ro‘yxatidan o‘tmasdan amalga oshirish;

🔸 ushbu harakatni ancha miqdordagi, ko'p miqdordagi nazorat qilinmaydigan daromad olgan holda sodir etish.

2️⃣ Jinoyat kodeksining 188-moddasiga asosan:

🔹 tadbirkorlik faoliyatini davlat ro‘yxatidan o‘tmasdan juda ko‘p miqdordagi nazorat qilinmaydigan daromad olgan holda amalga oshirish jinoiy javobgarlikka sabab bo'ladi.

Eslatma: tadbirkorlik subyektlarini davlat ro'yxatidan o'tkazish uchun arizalar Davlat xizmatlari markazlari va "new.birdarcha.uz" avtomatlashtirilgan tizimi orqali qabul qilinadi.

Telegram | Instagram | Facebook | YouTube | Bot

📌 “ZOMIN QOZON PATIRI” – O‘zbekistonning 20-GEOGRAFIK KO‘RSATKICHI! 🇺🇿✅

Adliya vazirligi tomonidan Zomin qozon patiri geografik ko‘rsatkich sifatida ro‘yxatdan o‘tkazildi.

Geografik ko‘rsatkich – bu mahsulotning ma’lum hududga xosligini va sifatini huquqiy jihatdan himoya qiluvchi belgi. U mahsulotning kelib chiqish joyini, an’anaviy retseptini va o‘ziga xos xususiyatlarini davlat darajasida kafolatlaydi.

Zomin qozon patiri – Jizzax viloyatining Zomin tumanida qadimdan tayyorlanadigan non mahsuloti bo‘lib, alohida qorilgan xamir, mahalliy sut va saryog‘ bilan qozonda pishiriladi. U o‘zining noyob ta’mi va sifat xususiyatlari bilan ajralib turadi.

✅ Endi “Zomin qozon patiri” O‘zbekiston davlat reyestrida 20-geografik ko‘rsatkich sifatida ro‘yxatdan o‘tgan bo‘lib, uning nomi, sifati va kelib chiqish manbai qonuniy himoyaga ega bo‘ladi.

ℹ️ Bu hududiy brendni rivojlantirish, mahalliy ishlab chiqaruvchilarni qo‘llab-quvvatlash va iste’molchilarga sifatli, original mahsulotni taqdim etishga xizmat qiladi.

Telegram | Instagram | Facebook | YouTube | Bot