✅“Chortoq tajribasi” amalga oshirilmoqda.

🔹Adliya vazirligi ishchi guruhi tomonidan Namangan viloyat Chortoq tuman Yuridik xizmat koʻrsatish markazi faoliyati samaradorligini yanada oshirish boʻyicha amaliy yordam berilmoqda.

🔸Bundan koʻzlangan asosiy maqsad Yuridik xizmat koʻrsatish markazlari faoliyatida tezkorlik va natijadorlikni oshirish, sohani toʻliq raqamlashtirish, qogʻoz shaklida ish yuritishga toʻliq barham berish, tashkilotlar kundalik faoliyatida yuzaga keladigan huquqiy muammolarga tezkorlik bilan yechim berish mexanizmini yaratish hamda sohani takomillashtirish boʻyicha takliflar ishlab chiqish hisoblanadi.

🔹“Chortoq tajribasi”da erishilgan yutuqlar kelgusida respublika boʻylab ommalashtirilishi taʼminlanadi.

Telegram | Instagram | Facebook | YouTube | Bot

✅Bozor islohotlari jadallashmoqda — JSTga a’zolik yo‘lida muhim qadam qo‘yildi

🔹Oliy Majlis Qonunchilik palatasining navbatdagi majlisida "Bozor islohotlari va O‘zbekistonning Jahon savdo tashkilotiga a’zo bo‘lish jarayonlari yanada jadallashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi Qonun loyihasi ikkinchi va uchinchi o‘qishda ko‘rib chiqilib, qabul qilindi.

🔹Hujjat bilan mamlakatimiz iqtisodiyotining ochiqligini oshirish, raqobat muhitini kuchaytirish va xususiy sektor ishtirokini kengaytirishga qaratilgan muhim islohotlar belgilandi.

🔹Xususan, O‘zbekiston Respublikasi Prezidentining 2024-yil 3-iyundagi PF–85-son Farmoni bilan ayrim yirik davlat korxonalarining maxsus (eksklyuziv) huquqlari bekor qilinishi natijasida qora va rangli metall lomi hamda chiqindilarini tayyorlash, xarid qilish, qayta ishlash va realizatsiya qilish, shuningdek tabiiy gazning ulgurji va chakana savdosi bo‘yicha faoliyatlar litsenziyalash asosida tadbirkorlik subyektlari tomonidan amalga oshiriladi.

🔹Bu sohalarda ilgari mavjud bo‘lgan yirik davlat korxonalarining eksklyuziv huquqlari bekor qilindi.

🔹Mazkur o‘zgarishlar O‘zbekiston Respublikasi Prezidentining 2024-yil 3-iyundagi PF–85-son Farmoniga muvofiq ravishda, Adliya vazirligi tomonidan ishlab chiqildi va JSTning asosiy tamoyillariga muvofiqlashtirildi.

🔹Qonun loyihasining qabul qilinishi:
▪️ Yangi investorlarni jalb qilishga;
▪️ Tadbirkorlik subyektlari uchun teng sharoitlar yaratishga;
▪️ Bozor tamoyillarini mustahkamlashga;
▪️ Hamda O‘zbekistonning JSTga a’zolik jarayonini jadallashtirishga xizmat qiladi.

🔹Qonun loyihasi deputatlar tomonidan keng muhokama qilingan holda qabul qilindi.

Telegram | Instagram | Facebook | YouTube | Bot

#Adliya_hudud

✅Adliya vazirligi mas'ullari Namangan viloyatida.

🔹Adliya vazirligi mas’ul xodimlari davlat xizmatlari markazlari va fuqarolik holati dalolatnomalarini yozish bo‘limlarida fuqarolarga tezkor va sifatli xizmat ko‘rsatish hamda aholiga qulay shart-sharoitlar yaratilganligi ko'zdan kechirib, sohani yanada rivojlantirish bo’yicha muhim tavsiyalarni berdi.

🔸Namangan shahar DXMdagi oʻrganishlarda koʻrsatilayotgan xizmatlar sifatini va mavjud kamchiliklarni bartaraf etish bilan birga, tizimda faoliyat olib borayotgan xodimlarning faoliyatini takomillashtirish, fuqarolar uchun yaratilgan qulayliklarni yanada yaxshilash hamda tizimda ishlayotgan kadrlarni fuqarolar bilan muloqot qilishda xushmuomalalik va odob-axloq meʼyorlariga amal qilish kerakligi taʼkidlandi.

🔹Shuningdek, davlat xizmatlariga tashrif buyurgan aholi va tadbirkorlik subyektlari bilan yuzma-yuz muloqot qilib, sohani rivojlantirish, yangi xizmatlarni joriy etish va xizmat sifatini yaxshilash yuzasidan takliflar tinglandi.

Telegram | Instagram | Facebook | YouTube | Bot

✅Adliya vazirligida “Yuridik yordam” axborot tizimining ishlab chiqilayotgan yangi versiyasi imkoniyatlariga bag‘ishlangan taqdimot o‘tdi.

🔹Unda vazirlikning mas’ul xodimlari, Advokatlar palatasi vakillari hamda tizimni ishlab chiqayotgan texnik-dasturchilar ishtirok etdi.

🔸Taqdimotda “Yuridik yordam” AT yangi versiyasida adliya organlari, Advokatlar palatasi, advokatlar hamda fuqarolar uchun yaratilayotgan keng imkoniyatlar, tizimni huquqni muhofaza qiluvchi organlarning axborot tizimlari bilan integratsiya qilish, tizim orqali axborot almashinuvini yo‘lga qo‘yish kabi masalalarga alohida to‘xtalib o‘tildi.

🔹Shuningdek, tizim faoliyatini yanada takomillashtirish bo‘yicha qo‘shimcha takliflar berilib, kelgusida hamkorlikni davom ettirish borasida kelishib olindi.

Telegram | Instagram | Facebook | YouTube | Bot