#Adliya_xabari

Qonunlarning samaradorligini baholash bo‘yicha Germaniya tajribasi yuzasidan o‘quv seminar o‘tkazildi.

✅ Bugungi kunda Yevropa komissiyasi “Twinning” dasturi doirasida O‘zbekiston–Germaniya–Latviya Adliya vazirliklari o‘rtasidagi o‘zaro hamkorlik loyihasi samarali amalga oshirib kelinmoqda.

✅Mazkur hamkorlik doirasida joriy yilning 6-8-may kunlari Adliya vazirligida tartibga solish taʼsirini baholash bo‘yicha Germaniya tajribasi yuzasidan uch kunlik seminar bo‘lib o‘tishi rejalashtirilgan.

✅Bugun bo'lib o'tgan seminarda Germaniya Federal Adliya vazirligi Samarali tartibga solish va byurokratiyani kamaytirish direksiyasi, Milliy tartibga solish nazorat kengashi hamda Federal statistika ofisi huzuridagi Qonunchilikni baholash bo‘yicha kompetensiya markazi vakillari taqdimotlar bilan ishtirok etdi.

Ushbu tadbirdan ko‘zlangan maqsad – Adliya vazirligi hamda vazirlik huzuridagi Qonunchilikni tahlil qilish va tartibga solish ta’sirini baholash instituti xodimlarining bilim va malakasini oshirish hisoblanadi.

✅Bunda Germaniyaning amaldagi qonunchilikni samaradorligini baholash tajribasi hamda iqtisodiy tahlil usullari yuzasidan batafsil ma’lumotlar berilib, ularni milliy huquqiy tizimda qo‘llash imkoniyatlari muhokama qilindi.

✅Seminar yakunida ishtirokchilar o‘zlarini qiziqtirgan masalalar yuzasidan savollariga batafsil javob oldilar.

Telegram | Instagram | Facebook | YouTube | Bot

#Adliya_xabari

Adliya vazirligi ishchi guruhi Surxondaryo viloyatida aholiga ko'rsatilayotgan xizmatlarning holati bilan tanishdi.

✅Adliya vazirligi ishchi guruhi adliya organlari faoliyati bilan bevosita tanishish maqsadida Surxondaryo viloyatida xizmat safarida boʻldi.

✅Xizmat safari davomida Termiz, Angor, Sherobod, Qiziriq, Bandixon tumanlari va Termiz shaharlarida Davlat xizmatlari markazlari va FHDY organlarida jismoniy va yuridik shaxslarning davlat xizmatlaridan tez, oson va qulay foydalanishlari uchun yaratilgan sharoitlar bilan tanishdi.

✅Xodimlar bilan olib borilgan muloqotda koʻrsatilayotgan xizmatlar sifatini oshirish va mavjud kamchiliklarni bartaraf etish bilan bir qatorda, fuqarolar uchun yaratilgan sharoitlarni yanada yaxshilash yuzasidan tegishli ko'rsatmalar berildi.

Telegram | Instagram | Facebook | YouTube | Bot

#Adliya_xabari

Nukus, Kegeyli, Chimboy tumanlari va Nukus shahrida Davlat xizmatlari markazlari va FHDY organlari faoliyati o'rganildi.

✅Adliya vazirligi ishchi guruhi Qoraqalpogʻiston Respublikasining Nukus, Kegeyli, Chimboy tumanlari va Nukus shahrida Davlat xizmatlari markazlari va FHDY boʻlimlari tomonidan koʻrsatilayotgan xizmatlarning sifatini hamda bu borada fuqarolar uchun yaratilgan sharoitlarni koʻzdan kechirdi.

✅Shuningdek mazkur tuman (shahar) larda davlat xizmatlari markazlari va FHDY organlarida faoliyat olib borayotgan xodimlar bilan bevosita muloqot qilib, ularning fikrlari va takliflari tinglandi.

✅Mas’ullarga aholining huquqiy muammolarni aniqlash va hal etish, davlat xizmatlarini koʻrsatish sifatini yanada samarali tashkil etish yuzasidan tegishli ko'rsatmalar berildi.

Telegram | Instagram | Facebook | YouTube | Bot

#Adliya_xabari

“Mini traktor” sanoat namunasi sifatida SAP 2674-son bilan davlat ro‘yxatidan o‘tkazildi va huquqiy muhofazaga olindi.

✅“Mini traktor”ning asosiy belgilaridan biri uning o‘lchamlari va g‘ildiraklarining o‘ziga xosligi hisoblanadi.

Chunki ushbu хususiyatlar mini traktorga barcha turdagi qishloq va uy xo'jaligi ishlarini bajarishda to‘liq og‘ir vaznli traktorning o'rnini bosish imkonini beradi.

✅“Mini traktor”ning dizayni - tashqi ko‘rinishi odatdagi traktorlarni yodga soladi, biroq o‘lcham jihatidan odatiy traktorlardan ancha kichik va ixchamroq.

✅Buyumning tashqi ko‘rinishini ifodalaydigan badiiy-konstruktorlik yechimi sanoat namunalari jumlasiga kiradi.

📌Sanoat namunasini ro‘yxatdan o‘tkazish uchun Adliya vazirligining im.adliya.uz sayti orqali ariza topshirishingiz mumkin.


Telegram | Instagram | Facebook | YouTube | Bot