#Adliya_xabari

Navroʻzi olam asrlar davomida bahor, ezgulik, mehr-oqibat, mehnat va bunyodkorlik ramzi sifatida el-yurtimizning ijtimoiy-maʼnaviy hayotida beqiyos oʻrin tutib kelmoqda.

Adliya vaziri oʻrinbosari M. Ikramov Qoʻqon shahridagi “Yoshlar bogʻi”da Navroʻz bayramiga tayyorgarlik ishlari bilan tanishdi.

Navroʻz umumxalq bayramiga bagʻishlangan barcha tadbirlarni milliy qadriyat va anʼanalarimiz hamda bugungi islohotlarimizning mazmun-mohiyatiga mos holda, yuksak darajada tashkil etish, ularda yurtdoshlarimizning faol ishtirokini taʼminlash yuzasidan tegishli koʻrsatmalar berildi.

📌 Kanalga ulanish

#Adliya_xabari

Qonunchilikni tizimlashtirish va soddalashtirish boʻyicha Germaniya tajribasi oʻrganildi

Adliya vazirligi tomonidan normativ-huquqiy hujjatlarni tizimlashtirish yoʻnalishida ilgʻor xorijiy tajribani oʻrganish va milliy qonunchilikka joriy qilish boʻyicha tizimli ishlar amalga oshirilmoqda.

Xususan, “Tvinning” hamkorlik loyihasi doirasida Germaniyalik ekspertlar — Kristian Shayx, Kristian Raytemayer, Sonya Kristmann, Martin Xollandslar — ishtirokida Adliya vazirligida normativ-huquqiy bazani ixchamlashtirish, umumiy tusdagi, toʻgʻridan toʻgʻri ishlovchi qonunlarni ishlab chiqishda Yevropa ittifoqi va Germaniya tajribasi boʻyicha oʻquv-kurslari tashkil qilindi.

Mazkur tadbirlar Oʻzbekiston Respublikasi Adliya vazirligi Qonunchilik departamenti boshqarmalari hamda Adliya vazirligi huzuridagi Qonunchilikni tahlil qilish va tartibga olish taʼsirini baholash institutining masʼul xodimlari ishtirokida, maʼruza, seminar hamda savol-javoblar koʻrinishida oʻtkazildi.

Kurslarda qonunlar bilan tartibga solinadigan masalalarni aniqlash, qonunlar tuzilishini foydalanuvchi uchun qulaylashtirish kabi mavzularda Yevropa davlatlari tajribasi oʻrganildi hamda muhokamalar olib borildi.

Eslatib oʻtamiz, “Tvinning” moliyaviy va texnik yordam loyihasi boʻlib, u Yevropa Ittifoqining benefitsiar mamlakatlarida Yevropa Ittifoqining eng yaxshi amaliyotiga asoslangan maʼmuriy tuzilmalarning institutsional salohiyatini mustahkamlashga qaratilgan loyihalarni qoʻllab-quvvatlaydi. Dastur 1989-yildan buyon amalga oshirilmoqda.

📌 Kanalga ulanish

#Adliya_xabari

Adliya vaziri oʻrinbosari aholi va tadbirkorlar bilan ochiq muloqot oʻtkazdi

Adliya vaziri oʻrinbosari Alisher Karimov Qarshi shahrida “Kambagʻallikdan farovonlik sari” dasturi doirasida amalga oshirilayotgan ishlarni oʻrganmoqda.

Xususan, “Naxshab” mahallasida fuqarolar va “yettilik” bilan uchrashib, suhbatlashdi, sohaga oid qonunchilik toʻgʻrisida tushuntirishlar berdi.

Mahallada 6 ming 350 nafar aholisi boʻlib, ularning aksariyati tadbirkorlik hamda ishlab chiqarish bilan mashgʻul.

Alisher Karimov dastavval “Kumush” oilaviy tadbirkorlik kiyim-kechak ishlab chiqarish korxonasida boʻldi. Mahallaning ishsiz qatlamini ish bilan taʼminlash yuzasidan tavsiyalar berdi.

Shuningdek, Zilola Sharipovaga tegishli 50 oʻrinli “Zilola” MCHJ oʻquv markazi faoliyati bilan ham yaqindan tanishdi. Markaz rahbari ayollarni tadbirkorlikka bepul oʻqitadigan oʻquv markaz ochib, ishsiz va tadbirkorlikni endi boshlayotgan xotin-qizlarga koʻmak berib kelmoqda.

Tadbirkor Begzod Qahhorov esa mahallada “FLORA” gigiyena mahsulotlari ishlab chiqaruvchi MCHJ tashkil qilib, mahalliy aholini ish bilan taʼminlab kelmoqda.

📌 Kanalga ulanish