#Ziyo_ulash

Kitob javonda emas, qalblarda yashashi kerak!

“Ziyo ulash” aksiyasi — bu shunchaki kitob alishish emas, bu bilim, ilhom va ziyo ulashish demakdir!

📍Davlat xizmatlari markaziga keling.
📖 Kitob tanlang va oʻqing.
📎Oʻqib boʻlgach, qaytaring yoki oʻrniga boshqasini qoldiring.

Qisqa vaqtda ushbu tashabbus orqali koʻngillilar tomonidan 20 mingdan ortiq kitob yigʻildi va ularning 11,3 ming donasi yangi egalarini topdi.

💡 Kitob — inson hayotini oʻzgartirishi mumkin! Siz ham bilim ulashing, “bukkrossing”ga marhamat!

📌 Kanalga ulanish

#Intellektual_mulk

Adliya vazirligida roʻyxatdan oʻtkazilgan navbatdagi tovar belgilari bilan tanishing.

Brend — kompaniya nufuzi, mahsuloti haqida maʼlumot berib, isteʼmolchi eʼtiborini jalb qiladi. Ayniqsa tovar nomi jarangdor boʻlsa yanada yaxshi, chunki Sizning mahsulotingiz boshqalarnikidan ajralib turadi.

Yuqoridagi rasmda “Mumtoz”, “Sharq gavhari”, “Mehri” kabi tovar belgilarini koʻrishingiz mumkin.

❗️Tovar belgisini roʻyxatdan oʻtkazish brendni himoya qilish va biznesni rivojlantirish uchun muhim omildir.

⚠️ Unutmang tovar belgisi BIRINCHI BOʻLIB HUJJAT TOPSHIRGAN shaxs nomiga rasmiylashtiriladi.

“Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida”gi Qonunga binoan tovar belgisi guvohnomasi 10 yil muddatga beriladi.

Tovar belgisini roʻyxatdan oʻtkazish uchun Adliya vazirligining 📎im.adliya.uz sayti orqali ariza topshirishingiz mumkin.

📌 Kanalga ulanish

#OAV_biz_haqimizda

Muborak tumani adliya boʻlimi koʻmagi bilan fuqaroning murojaati ijobiy hal etildi.

📌 Kanalga ulanish

#Intellektual_mulk

Tovar belgisidan ruxsatsiz foydalanib kelgan tadbirkorga nisbatan moliyaviy jarima qoʻllanildi

“Kontrafaktsiz oy” oyligi davomida oʻtkazilgan tekshiruvlar natijasida bir qator tadbirkorlik subyektlari tomonidan intellektual mulk huquqlariga rioya qilmaslik holatlar aniqlandi.

Xususan, adliya organlariga “Buroq” MChJga tegishli “BUROQ” tovar belgisidan huquq egasining roziligisiz noqonuniy foydalanib kelinganligi boʻyicha murojaat kelib tushdi.

Murojaatlari asosida “B.P” MChJda belgilangan tartibda tekshiruv oʻtkazilganda, haqiqatdan ham “BUROQ” soʻzidan transport vositalari, jumladan skuterlar, mototsikllarda, savdo doʻkoni peshtoqida, ijtimoiy tarmoqlarda huquq egasining roziligisiz foydalanganligi aniqlandi.

Mazkur holat yuzasidan tadbirkorga nisbatan intellektual mulk sohasi boʻyicha qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish toʻgʻrisida taqdimnoma kiritilganligiga qaramasdan huquqbuzarlik toʻxtatilmagan.

Shundan soʻng, huquqbuzarlikni bartaraf etish maqsadida “B.P” MChJga oʻzganing tovar belgisidan qonunga xilof ravishda foydalanganligi uchun bazaviy hisoblash miqdorining 100 baravari (37 500 000 mln soʻm) miqdorida moliyaviy jarima solindi.

Eslatib oʻtamiz, Oʻzbekiston Respublikasi “Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida”gi Qonuning 371-moddasiga koʻra, tovar belgisidan, tovar kelib chiqqan joy nomidan yoki ular bilan adashtirib yuboradigan darajada oʻxshash boʻlgan bir turdagi tovarlar uchun belgilardan qonunga xilof ravishda foydalanish yuridik shaxslarga bazaviy hisoblash miqdorining yuz baravaridan ikki yuz baravarigacha miqdorda jarima solishga sabab boʻladi.

📌 Kanalga ulanish