#Adliya_xabari

Adliya vaziri o’rinbosari Bekobod shahridagi ijtimoiy-huquqiy muammolarni o’rganmoqda

Adliya vaziri o’rinbosari Sh.Rabiyev Toshkent viloyatining Bekobod shahrida O’zbekiston Respublikasi Prezidentining F-18-son farmoyishi ijrosi doirasida bahor mavsumiga tayyorgarlik ko’rish, shahardagi obodonlashtirish va ko’kalamzorlashtirish harakatlari va “Kambag’allikdan farovonlik sari” dasturi doirasida amalga oshirilayotgan ishlarni o’rganmoqda.

Vazir o’rinbosari ishchi guruh bilan birgalikda Bekobod shahridagi og’ir taifadagi "Andijon" va "Navro’z" mahallalarda bo’lib, fuqarolar va mahalla yettiligi bilan uchrashib suhbatlashdi, sohaga oid qonunchilik to’g’risida tushuntirishlar berdi.

"Yashil makon" dasturi doirasida "Paxtakor" mahallasida kichik bog’ tashkil etilib, daraxt ko’chatlari ekildi.

📌 Kanalga ulanish

#Tayinlov

Adliya vazirligida yangi tayinlovlar

Adliya vazirining tegishli buyrugʻi bilan:

➖Akbarjon Radjapov — Oʻzbekiston Respublikasi Prezidenti hujjatlari ijrosini nazorat qilish boshqarmasi boshligʻi lavozimiga tayinlandi.

Akbarjon Radjapov 1992-yilda Urganchda tugʻilgan. Maʼlumoti oliy: 2013-yilda Toshkent davlat yuridik institutini tamomlagan (mutaxassisligi — huquqshunos).

U Adliya vazirligidagi mehnat faoliyatini 2017-yilda Iqtisodiy qonunchilik boshqarmasi katta maslahatchisi lavozimidan boshlagan. 2017–2023-yillarda ushbu boshqarmada turli lavozimlarda ishlagan. 2023–2025-yillarda Adliya vazirligi Iqtisodiy qonunchilik boshqarmasi boshligʻi boʻlgan.

➖Xidirali Sodiqov — Iqtisodiy qonunchilik boshqarmasi boshligʻi lavozimiga tayinlandi.

Xidirali Sodiqov 1990-yilda Surxondaryo viloyatining Qumqoʻrgʻon tumanida tugʻilgan. Maʼlumoti oliy: 2019-yilda Toshkent davlat yuridik institutini tamomlagan (mutaxassisligi — huquqshunos).

U Adliya vazirligidagi mehnat faoliyatini 2019-yilda Jinoiy, maʼmuriy va ijtimoiy qonunchilik boshqarmasi katta maslahatchisi lavozimidan boshlagan. 2019–2023-yillarda ushbu boshqarmada turli lavozimlarda ishlagan. 2023–2025-yillarda Iqtisodiy qonunchilik boshqarmasi Transport, arxitektura va qurilish, uy-joy va kommunal xoʻjalik sohasidagi qonunchilik boʻlimi boshligʻi boʻlgan.

📌 Kanalga ulanish

#Adliya_xabari

Aholining barcha qatlamlari bilan toʻgʻridan-toʻgʻri muloqotni yoʻlga qoʻyish, yechimini kutayotgan dolzarb muammolarni joyida aniqlash, oʻrganish hamda bartaraf etish maqsadida hududlarda ommaviy sayyor qabullar oʻtkazilmoqda.

Adliya vaziri oʻrinbosari Muzraf Ikramov Qoʻqon shahrida sayyor qabul oʻtkazdi. Sayyor qabulda tegishli boshqarma va tashkilotlar masʼullari qatnashib, 50 ga yaqin jismoniy va yuridik shaxslar vakillarining murojaatlari tinglandi. 9 ta murojaatlar joyida qanoatlantirildi, 10 ta murojaatlar koʻrib chiqish va hal etish uchun ish yurituvga olindi, 15 ta masala yuzasidan huquqiy tushuntirish berildi.

📌 Kanalga ulanish