#Adliya_xabari

“Samarqand noni”ni milliy brend sifatida shakllantirish masalalariga bagʻishlangan seminar boʻlib oʻtdi

Bugun, 3-mart kuni Samarqand shahrida Adliya vazirligi tomonidan Samarqand viloyati hokimligi bilan hamkorlikda “Samarqand noni”ni milliy brend sifatida shakllantirish masalalari bo‘yicha seminar tashkil etildi.

Ushbu uchrashuvda mahalliy nonvoylarga mahsulotni geografik ko‘rsatkich sifatida muhofaza qilish orqali undan qo‘shimcha daromad manbai sifatida foydalanishning yo‘llari va afzalliklari haqida batafsil ma’lumot berildi.

Ma’lumot uchun: Adliya vazirligi va Samarqand viloyati hokimligi o‘rtasida “Samarqand noni” geografik ko‘rsatkichini targ‘ib qilish va rivojlantirish bo‘yicha qo‘shma tadbirlarni amalga oshirish yuzasidan “Yo‘l xaritasi” tasdiqlangan.

📌 Kanalga ulanish

#Adliya_xabari

Adliya vazirligida yangi xodimlarning adaptatsiya bosqichi amaliyotga tatbiq etildi

Adaptatsiya — xodimning yangi ish joyiga tez va samarali moslashuvini taʼminlashga qaratilgan chora-tadbirlar majmui.

Yangi xodimlar ilk ish kunida:
➖Inson resurslari boshqarmasi tomonidan jamoaga tanishtiriladi;
➖maʼmuriy binoga ekskursiya tashkil qilinadi;
➖birlamchi yo‘l-yo‘riqlarni tushuntirishga qaratilgan amaliy instruktajlar o‘tkaziladi;
➖vazirlikning asosiy faoliyat yo‘nalishlari hamda qadriyatlari tushuntiriladi;
➖funksional vazifalar hamda amaliy ko‘nikmalarni o‘rgatish uchun mentor biriktiriladi.

Adaptatsiya haqida 👉batafsil

📌 Kanalga ulanish

#Kontrafaktsiz_oy

“Kontrafaktsiz oy” oyligi davomida intellektual mulkni himoya va muhofaza qilish boʻyicha sayyor uchrashuvlar oʻtkazilmoqda

Joriy yilning 15-fevralidan “Kontrafaktsiz oy” oyligiga start berildi. Oylikdan koʻzlangan maqsad nafaqat kontrafakt mahsulotlarni realizatsiya qilayotgan shaxslarni javobgarlikka tortish, balki intellektual mulk huquqiga rioya qilish yuzasidan huquqiy madaniyatni kuchaytirish va kontrafaktga nisbatan toqatsiz munosabatni shakllantirishdan iborat hisoblanadi.

Adliya vazirligi va Sirdaryo viloyat adliya boshqarmasi masʼul xodimlari tomonidan hududda faoliyat yuritayotgan bir necha tadbirkorlik subyektlari bilan uchrashuv oʻtkazildi.

Xususan, “Sardor Jamshid” MCHJ ishlab chiqarayotgan “Gʻisht tashish” uchun moʻljallangan texnika vositasi va “TUPLOFF”MCHJ ishlab chiqarayotgan “Isitish moslamasi”ni intellektual mulk obyektini bir turi boʻlgan foydali model yoki sanoat namunasi sifatida roʻyxatdan oʻtkazish uchun talabnoma topshirish tartibi, shuningdek, “Navroʻz total textile” MCHJga oʻz tovar belgisiga ega boʻlishning afzalliklari haqida huquqiy tushuntirishlar berildi.

Bundan tashqari, “Leon Universal” MCHJga tegishli boʻlgan “Leon” tovar belgisidan noqonuniy foydalanish holatini oldini olish boʻyicha uslubiy yordam koʻrsatildi.

📌 Kanalga ulanish