Vazirlik ishchi guruhi Mo‘ynoqda.

Avval xabar berilganidek, vazirlik ishchi guruhi tomonidan Qoraqalpog‘istondagi tuman (shahar) adliya bo‘limlarining funksional vazifalari ijrosi tahlil qilinib, samaradorlik ko‘rsatkichlariga erishish bo‘yicha zarur ko‘rsatma va tavsiyalar berib borilmoqda.

Bugun ishchi guruh o‘z ishini Mo‘ynoq tumanida davom ettirdi.

📌 Kanalga ulanish

Qoraqalpog‘istonda amaliy seminar o‘tkazildi.

Bugun vazirlik ishchi guruhi tomonidan Qoraqalpog‘istondagi tuman (shahar) adliya bo‘limlarining funksional vazifalari tahlili natijasi va samaradorlik ko‘rsatkichlariga erishish masalalarida amaliy seminar o‘tkazildi.

Seminarda Vazir kotibiyati boshlig‘i A.Sarabekov, vazirlik mas’ullari, barcha tuman (shahar) adliya bo‘limi, davlat xizmatlari, yuridik xizmat ko‘rsatish markazlari va FHDY bo‘limi rahbarlari ishtirok etdi.

Tadbirda vazifalar ijrosining bugungi kundagi holati muhokama qilinib, har bir xodim tomonidan samaradorlik ko‘rsatkichlariga (KPI) erishilishi bo‘yicha zarur tavsiyalar berildi.

📌 Kanalga ulanish

#Adliya_xabari

Adliya vaziri Sirdaryoda

Akbar Toshqulov “Huquqiy mahalla” loyihasi doirasida amalga oshirilayotgan ishlar bilan tanishish maqsadida Sirdaryo tumanidagi “Navoiy” mahallasida bo‘lib, tuman adliya bo‘limining taqdimoti bilan tanishdi.

Shuningdek, “mahalla yettiligi” bilan qonunchilikdagi yangiliklar, ularning faoliyatiga metodik yordam koʻrsatish masalalarida suhbatlashib, aholining huquqiy muammolarini hal etish borasida kelgusida birgalikda bajarilishi lozim bo'lgan vazifalar belgilab olindi.

Uchrashuv davomida “Sirdaryo tajribasi” asosida adliya bo‘limi faoliyatida samaradorlik ko‘rsatkichlariga erishish uchun ishlarni to‘g‘ri va samarali tashkil etish yuzasidan zarur ko’rsatmalar berildi.

Shuningdek, adliya vaziri Guliston shahar adliya bo’limining yangi binosi qurilish jarayoni bilan tanishdi.

📌 Kanalga ulanish

#Adliya_xabari

Hamkorlik memorandumi imzolandi

Adliya vazirligi qoshidagi Yuristlar malakasini oshirish markazi va Oliy Majlis Qonunchilik palatasining Korrupsiyaga qarshi kurashish va sud-huquq masalalari qoʻmitasi oʻrtasida hamkorlik memorandumi imzolandi.

Maqsad — qonunchilikni takomillashtirish, qonun ijodkorligi jarayonida jamoatchilik ishtirokini kengaytirish, fuqarolarning huquqiy madaniyatni oshirishdir.

Hamkorlik doirasida bir nechta yoʻnalishlar belgilab olindi. Jumladan, qonun loyihalarini ishlab chiqish, nazorat-tahlil tadbirlarini oʻtkazish, qonun ijodkorligi sohasida xorijiy mamlakatlar tajribasini oʻrganish va ilgʻor tajribani milliy qonunchilikka implementatsiya qilish boʻyicha takliflar tayyorlash kabi masalalarda hamkorlikni mustahkamlashga kelishib olindi.

Shu bilan birga, oʻzaro manfaatli dolzarb yoʻnalishlarda konferensiya, seminar, davra suhbatlari va boshqa tadbirlarni tashkil etish rejalashtirilgan.

📌 Kanalga ulanish