#Adliya_xabari

Milliy qonunchilikni Jahon savdo tashkiloti bitimlariga uygʻunlashtirish masalalari muhokama qilindi

Bugun Oliy Majlis Qonunchilik palatasining Qonunchilikni Jahon savdo tashkiloti bitimlariga uygʻunlashtirish boʻyicha komissiyasi, Jahon savdo tashkiloti (JST) bilan ishlash boʻyicha muzokaralar guruhi aʼzolari, Adliya vazirligi hamda tegishli vazirlik va idoralar vakillari ishtirokida “Oʻzbekiston va Jahon savdo tashkiloti: qonunchilikni uygʻunlashtirishning dolzarb masalalari” mavzusida davra suhbati boʻlib oʻtdi.

Davra suhbati davomida Oʻzbekistonning JSTga aʼzo boʻlish jarayoni va milliy qonunchilikni JST bitimlariga uygʻunlashtirish masalalari muhokama qilindi.

Tadbirda Oʻzbekiston Respublikasi adliya vaziri oʻrinbosari Alisher Karimov tomonidan milliy qonunchilikni JST bitimlariga uygʻunlashtirish boʻyicha amalga oshirilgan ishlar yuzasidan batafsil maʼlumotlar berildi. Xususan, 2024-yilda tovarlar va xizmatlar savdosi hamda intellektual mulk sohalaridagi barcha muhim yoʻnalishlarda qonunchilik hujjatlari qayta koʻrib chiqilganligi taʼkidlandi.

Soʻnggi ikki yil ichida JST qoidalariga muvofiqlashtirish maqsadida 40 dan ortiq qonunchilik hujjatlari qabul qilinishi orqali 100 dan ortiq hujjatlar uygʻunlashtirildi. Shuningdek, vazirlik tomonidan 2023 yil ikkinchi yarim yilligidan bugungi kunga qadar 1700 dan ortiq qonunchilik hujjatlari loyihalari JST bitimlariga muvofiqligi yuzasidan ekspertizadan oʻtkazildi va ularning 207 tasida aniqlangan nomuvofiqliklar boʻyicha xulosalar berildi.

Shuningdek, milliy qonunchilikni JST bitimlari va tamoyillariga muvofiqlashtirish doirasida 2025-yil uchun ustuvor vazifalar sifatida bir qator eng muhim qonunlarni, jumladan, “Oziq-ovqat mahsulotining xavfsizligi toʻgʻrisida”, “Texnik tartibga solish toʻgʻrisidagi qonunga oʻzgartish va qoʻshimchalar kiritish toʻgʻrisida”, “Veterinariya toʻgʻrisidagi qonunga oʻzgartishlar kiritish toʻgʻrisida”, shuningdek, antidemping, kompensatsiya, muhofaza choralari boʻyicha alohida qonunlarni qabul qilishni jadallashtirish belgilanganligi qayd etib oʻtildi.

📌 Kanalga ulanish

#Adliya_xabari

Amaliy yordam davom etmoqda

Bugun vazirlik ishchi guruhi Qoraqalpogʻiston Respublikasining janubiy tumanlari boʻlgan Amudaryo, Beruniy, Toʻrtkoʻl va Ellikqalʼa tuman adliya boʻlimlari hamda ularning tarkibiy tuzilmalari funksional faoliyati tahlil qilinib, xodimlar bilan muloqot oʻtkazildi.

Har bir xodim tomonidan samaradorlik koʻrsatkichlari (KPI)ga erishishda muhim yoʻnalishlar yuzasidan tushuntirish va tavsiyalar berildi.

📌 Kanalga ulanish

#Adliya_xabari

Adliya vazirligi vakillari xalqaro mediatsiyani rivojlantirish sohasidagi konferensiyada ishtirok etdi

Adliya vazirligi vakillari 2025-yil 18-19-fevral kunlari Tokio shahrida oʻtkazilgan “Nizolarni muqobil hal etish: Osiyo va Tinch okeani mintaqasida xalqaro mediatsiyani rivojlantirish” mavzusidagi xalqaro konferensiyada ishtirok etdilar. Tadbirda dunyoning turli burchaklaridan kelgan yuridik mutaxassislar, mediatorlar, arbitrlar va davlat vakillari ishtirok etib, mediatsiya va arbitraj sohasidagi soʻnggi tendensiyalar, global amaliy yondashuvlar va muammolarni muhokama qildilar.

Maʼlumot uchun: Konferensiya Osiyo taraqqiyot banki (OTB), OTB instituti, BMTning Xalqaro savdo huquqi boʻyicha komissiyasi va Yaponiya Adliya vazirligi hamkorligida tashkil etilgan.

Konferensiyada ishtirokchilar nizolarni hal etishning muqobil usullari hisoblangan mediatsiya va arbitrajning samaradorligi haqida atroflicha fikr almashdilar. Xususan, Mediatsiya boʻyicha Singapur konvensiyasi, BMTning Xalqaro savdo huquqi boʻyicha komissiyasining (UNCITRAL) Xalqaro tijorat mediatsiya toʻgʻrisidagi namunaviy qonuni hamda turli xil davlat vakillari oʻz tizimlarida mediatsiyaning tashkiliy-huquqiy tizimi toʻgʻrisida maʼlumotlar bilan oʻrtoqlashdilar.

Adliya vazirligi vakillari Oʻzbekistonda mediatsiya va arbitraj sohasida amalga oshirilgan islohotlar toʻgʻrisida maʼlumot berib, Oʻzbekistonning ushbu sohada hamkorlikni mustahkamlash borasidagi intilishlarini taʼkidlab oʻtdilar.

Konferensiya tashkilotchilari va ishtirokchilar tomonidan kelgusida bunday tadbirlarning davom ettirilishi va bu sohada global hamkorlikni rivojlantirishga alohida eʼtibor qaratilishi taʼkidlandi.

📌 Kanalga ulanish

#Adliya_xabari

Adliya vazirligi ishchi guruhi Andijonda

Adliya vazirligi ishchi guruhi Xoʻjaobod, Jalaquduq, Baliqchi, Boʻston, Asaka, Shahrixon, Ulugʻnor, Oltinkoʻl tumanlari va Xonobod shahar adliya boʻlimida boʻlib, xodimlar tomonidan oʻz faoliyati davomida samaradorlik koʻrsatkichlari (KPI)ga erishish yuzasidan suhbatlar oʻtkazdi.

Shuningdek, ijro va mehnat intizomini yanada kuchaytirish masalalari yuzasidan tegishli koʻrsatma va tavsiyalar berildi. Ishchi guruhi tomonidan hududdagi tahlil va amaliy yordam koʻrsatish ishlari davom etmoqda.

📌 Kanalga ulanish

#Adliya_xabari

Adliya vazirligida yangi xodimlar uchun adaptatsiya bosqichi (mentorlik instituti) joriy qilindi va barcha jarayonlar elektron dasturda kompleks avtomatlashtirildi

Adaptatsiya institutining joriy etilishi:
✔️ “Inson resurslarini boshqarish (HR-menejment)” yoʻnalishida xorijiy oʻquv safari amalga oshirildi;
✔️dastlab adaptatsiya bosqichi hududiy adliya organlarida eksperiment qilindi;
✔️ijobiy eksperiment natijasiga koʻra adaptatsiya bosqichi toʻliq joriy qilindi.

🖥 Adaptatsiya bosqichi bilan bogʻliq barcha jarayonlar “Minjust HR” elektron dasturida kompleks avtomatlashtirildi.

Adaptatsiya uch bosqichda amalga oshiriladi, davomiyligi 3 oyni tashkil etadi. Adaptatsiya davri boshlanishida xodimga birlamchi zarur yo‘l-yo‘riqlarni tushuntirishga qaratilgan amaliy instruktajlar o‘tkaziladi.

Batafsil 👉 infografikada

📌 Kanalga ulanish