#Adliya_xabari

Xalqaro hamkorlik doirasia davlat xizmatlari boʻyicha innovatsion yechimlar muhokama qilindi
 
Bugun, 30-yanvar kuni Ozarbayjon Respublikasi Prezidenti huzuridagi Davlat xizmati va ijtimoiy innovatsiyalar boʻyicha davlat agentligi hamda O‘zbekiston Respublikasi Adliya vazirligi vakillari o‘rtasida onlayn uchrashuv tashkil etildi.

Ommaviy foydalanish uchun maʼlumotlar portali, maʼlumotlar boshqaruvi strategiyasi hamda davlat xizmatlarini koʻrsatishda sunʼiy intellektni qoʻllash masalalari muhokama qilindi va o‘zaro tajriba almashildi.

Uchrashuv davomida Ozarbayjon tomoni 2024–2026-yillar uchun sunʼiy intellektni rivojlantirish strategiyasi mavjudligi hamda davlat xizmatlari koʻrsatish sohasida sunʼiy intellektdan foydalanishga bosqichma-bosqich oʻtish rejalashtirilganini taʼkidladi.

Shuningdek, Adliya vazirligi vakillari Lex.AI platformasi haqida qisqacha ma’lumot taqdim qildilar.

Ushbu platforma huquqiy masalalarga javob topishga koʻmaklashadigan yordamchi chat-bot, hujjatlarni huquqshunos ishtirokisiz, konstruktor asosida mustaqil tayyorlashga, ekspertiza qilib berishga, berilgan keyslarga huquqiy amaliyotni tahlil etish asosida javob berishga moʻljallanganligi va hozirda platformaning huquqiy masalalarga oid savollarga sunʼiy intellekt imkoniyatlaridan foydalangan holda “LexAI” chat-boti ishga tushirilganligi ma’lum qilindi.

Uchrashuv yakunida tomonlar amaldagi 2024–2026-yillar uchun moʻljallangan Hamkorlik dasturi doirasida hamkorlikni jadallashtirishga kelishib oldilar.
 
📌 Kanalga ulanish

#Adliya_xabari

Adliya vazirligi Intellektual mulk departamenti xodimlari va Andijon viloyati adliya boshqarmasi tomonidan hududda faoliyat yurituvchi tadbirkorlik subyektlariga tovar belgisi va xizmat koʻrsatish belgilarini davlat roʻyxatidan oʻtkazishning afzalliklari hamda ularning huquqiy himoyasi toʻgʻrisida sayyor uchrashuv tashkil etildi.

Intellektual mulk obyektlari, xususan, tovar belgilari va geografik koʻrsatkichlarni roʻyxatdan oʻtkazish uchun talabnoma topshirish boʻyicha master-klass oʻtkazildi.

Shuningdek, Andijon viloyatining sanoat zonasida faoliyat olib boruvchi “Ravon taraqqiyot orzusi” MChJda joyiga chiqqan holda jamiyatga tegishli boʻlgan intellektual mulk obyektlari, xususan tovar belgilari hamda sanoat namunalarini davlat roʻyxatidan oʻtkazish boʻyicha tavsiyalar berildi.

Uchrashuvlar davomida tadbirkorlarning tovar belgilarini davlat roʻyxatidan oʻtkazish va tovar belgilarini huquqiy himoya qilish boʻyicha tegishli arizalari qabul qilingan holda tadbirkorlarga amaliy yordam berildi.

📌 Kanalga ulanish

Bugun, 31-yanvar kuni Adliya vazirligi xodimlari va AQShning Toshkent shahridagi elchixonasi vakillari oʻrtasida AQSH Savdo vakilligining (USTR) “301-maxsus hisoboti” boʻyicha uchrashuv tashkil etildi.

301-maxsus hisobot intellektual mulk huquqlarini “yetarli va samarali” himoya qilinmaydigan yoki intellektual mulk egalariga “adolatli va teng” bozor sharoitlari yaratilmagan davlatlar toʻgʻrisidagi maʼlumotlarni oʻz ichiga oladi.

Oʻzbekiston intellektual mulk sohasida amalga oshirilgan islohotlar natijasida 24 yildan soʻng — 2024-yilgi “301-maxsus hisoboti”da “Kuzatuvdagi davlatlar” (qora roʻyxat) roʻyxatidan chiqarilgan.

Ushbu uchrashuv doirasida Adliya vazirligi tomonidan 2024-yilda amalga oshirilgan ishlar boʻyicha batafsil maʼlumot taqdim etildi.

Uchrashuv yakunida AQShning Toshkent shahridagi elchixonasi vakili Oʻzbekistonda intellektual mulk sohasida amalga oshirilayotgan islohotlarga yuqori baho berdi.

📌 Kanalga ulanish

#Intellektual_mulk

Tovar belgisidan noqonuniy foydalangan tadbirkorga nisbatan chora ko‘rildi.

Adliya vazirligiga “СВОБОДА” AJga tegishli tovar belgisiga o‘xshash belgilardan foydalangan holda kontrafakt mahsulotlar ishlab chiqarilayotganligi bo‘yicha murojaat kelib tushdi.

Mazkur murojaat asosida olib borilgan o‘rganishlar natijasida “N.Z” XK tomonidan haqiqatdan ham “СВОБОДА” AJga tegishli “ТИК-ТАК” hamda “АЛИСА” tovar belgisiga fonetik jihatdan o‘xshash bo‘lgan “TIK-TOK” va “ALESA” belgilari ishlab chiqarilayotgan va savdoga taklif qilinayotgan kosmetika vositalari qadog‘ida  foydalanilayotganligi aniqlandi.

Holat yuzasidan huquqbuzarga qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish toʻgʻrisida taqdimnoma kiritilib huquqbuzarlik bartaraf etildi.

(Suratda chap tomondagi asl mahsulot)

📌 Kanalga ulanish