#Adliya_xabari

Toshkent davlat yuridik universiteti huzuridagi Ilmiy maslahat kengashining dastlabki yigʻilishi boʻlib oʻtdi

Joriy yilning 30-oktabr kuni Adliya vazirligida Toshkent davlat yuridik universiteti huzuridagi Ilmiy maslahat kengashining dastlabki yigʻilishi boʻlib oʻtdi.

Tadbirda adliya vaziri oʻrinbosari, Ilmiy maslahat kengashi raisi Sh. Rabiyev tomonidan kengashga yuklatilgan vazifalarni amalga oshirilishi, rejalashtirilgan ishlar va bugungi kunda dolzarb boʻlgan bir qator masalalarga ilmiy yondashish lozimligi taʼkidlandi.

Shuningdek, tadbir davomida kengash aʼzolari tomonidan universitetning ilmiy tadqiqotchilarining soha va hududlarga qisqa muddatli stajirovkaga yuborish, ilmiy-amaliy munozaralarni (crowdsourcing) tashkil etish hamda takliflarni taqdim qilish kabi masalalar muhokama qilindi.

Tadbir yakunida kengash yigʻilishida koʻrib chiqilgan masalalar yuzasidan qizgʻin savol-javoblar qilindi va kun tartibidagi masalalarni takomillashtirish boʻyicha taklif va tavsiyalar berildi.

Maʼlumot uchun, “Maʼmuriy islohotlar doirasida adliya organlari va muassasalarining masʼuliyatini yanada oshirish hamda ixcham boshqaruv tizimini shakllantirish toʻgʻrisida”gi Prezident Farmoni ijrosini taʼminlash hamda davlat huquqiy siyosatini amalga oshirishda ilmiy yondashuvlarni keng joriy etish maqsadida adliya vazirining tegishli buyrugʻi bilan Toshkent davlat yuridik universiteti huzurida Ilmiy maslahat kengashi tashkil etilgan.

📌 Kanalga ulanish

#Intellektual_mulk

Intellektual mulk departamenti masʼullari yangiyerlik tadbirkorlar bilan uchrashdi

Muloqot davomida sanoat mulki obyektlarini roʻyxatga olish tartibi va intellektual mulk huquqini buzganlik uchun javobgarlik choralarini kuchaytirish maqsadida qabul qilingan qonunchilik hujjatlarining mazmun-mohiyati tushuntirildi.

👉Batafsil

📌 Kanalga ulanish

#Adliya_xabari

Adliya vazirligida Finlyandiya Tashqi ishlar vazirligi delegatsiyasi bilan uchrashuv boʻlib oʻtdi

Joriy yilning 30-oktabr kuni adliya vaziri oʻrinbosari Muzraf Ikramov Finlyandiya Tashqi ishlar vazirligining Rossiya Federatsiyasi va Markaziy Osiyo boʻyicha direktori Yoonas Xeyskanen boshchiligidagi delegatsiyani qabul qildi.

Uchrashuvda adliya va huquq sohasida hamkorlik aloqalari hamda amalga oshirilishi rejalashtirilayotgan yangi tashabbuslar muhokama qilindi.

Adliya vaziri oʻrinbosari M. Ikramov delegatsiya vakillariga soʻngi yillarda adliya va huquq sohasida Oʻzbekiston — Finlyandiya munosabatlarini yanada mustahkamlash boʻyicha amalga oshirilayotgan islohotlar haqida soʻzlab berdi.

Jumladan, uchrashuvda Finlyandiya Tashqi ishlar vazirligi koʻmagi bilan Adliya vazirligi tomonidan BMT Taraqqiyot Dasturining Oʻzbekistondagi vakolatxonasi bilan hamkorlikda 2023—2025-yillarga moʻljallangan “Oʻzbekistonda qonun ustuvorligini va inson huquqlari himoyasini kuchaytirish” loyihasi doirasida amalga oshirilgan ishlar alohida taʼkidlandi.

Y. Xeyskanen, oʻz navbatida Oʻzbekistonda qonun ustuvorligini va inson huquqlari himoya qilish sohasidagi islohotlarni yuqori baholadi. Shu oʻrinda, aholini bepul yuridik yordam bilan taʼminlanganligi hamda ushbu sohasida faoliyat olib boradigan NNTlar faoliyatiga koʻmaklashish fuqarolarni odil sudlovga erishishda muhim rol egallashini taʼkidladi.

Uchrashuv davomida Finlyandiya Tashqi ishlar vazirligi hamkorligida amalga oshirilayotgan ishlar Oʻzbekistonda qonun ustuvorligi va inson huquqlarini himoya qilishni mustahkamlashda ijobiy natija berayotganligi va kelgusida ushbu hamkorlikni davom ettirishdan mamnun ekanliklari bildirildi.

📌 Kanalga ulanish