#Vazir_tabrigi

Oʻzbek tili bayrami — bu yurtimizda soʻnggi bir necha yillardan beri oʻzgacha shukuh bilan nishonlanib kelayotgan, qonun bilan belgilangan bayramdir. Ushbu kunda xalqimizning maʼnaviy birdamligi va hamjihatligi ramzi boʻlgan oʻzbek tilining ahamiyatini yanada teranroq anglaymiz va u bilan faxrlanamiz.

Ming yillik tarixga ega va bugungi kunda dunyoda 50 milliondan ortiq inson gaplashadigan oʻzbek tiliga Oʻzbekistonda davlat tili maqomi berilgan. Bu yil ushbu sanaga ham 35 yil toʻldi.

Soʻnggi yillarda Oʻzbekistonda davlat tilining qadri va nufuzini oshirish borasidagi jiddiy va ilgʻor qadamlar tashlandi, muhim ishlar amalga oshirildi, oʻzbek tilini jahon miqyosida ommalashtirish borasidagi saʼy-harakatlar yangi bosqichga koʻtarildi. Buning tasdigʻini davlat tilining maqomi va nufuzini tubdan oshirish boʻyicha qabul qilingan tarixiy farmon va qarorlar misolida yaqqol koʻrishimiz mumkin.

Xususan, davlat idoralari va tashkilotlarida davlat tilida ish yuritilishini taʼminlashda salmoqli ishlar amalga oshirildi. Qonunchilik hujjatlari loyihalarini davlat tilida tayyorlash va qabul qilish, idoraviy-normativ hujjatlarni davlat tiliga oʻtkazish, lotin alifbosida ish yuritishga oʻtish kabi sohalarda katta oʻzgarishlar boʻldi.

Adliya vazirligida ham ish yuritish davlat tilida amalga oshiriladi. Boshqaruvdan tortib eng quyi boʻgʻinlargacha ish yurituvni lotin alifbosiga asoslangan oʻzbek tilida olib borishga jiddiy eʼtibor qaratiladi.

Adliya organlari va tashkilotlaridagi barcha rasmiy tadbirlar va tantanalar davlat tilida yoki davlat tiliga tarjimasi taʼminlangan sharoitda oʻtkaziladi.

Shuningdek, davlat tiliga oid qonunchilik normalarini aholiga tushuntirish borasida huquqiy targʻibot olib boriladi. Oʻzbek tilining tarixiy va umummilliy birlashtiruvchi ahamiyatini taʼkidlash maqsadida turli ijtimoiy roliklar, viktorina va testlar oʻtkazildi.

Adliya organlari tomonidan oʻzbek tilining boy merosini saqlash va avlodlarga koʻpaytirib, tizimlashtirib yetkazish borasida ham qator ishlar amalga oshirilmoqda. Xususan, “Oʻzbek ismlari izohli imlo lugʻati” yaratildi, “Yuridik atamalar elektron tezaurusi” loyihasi amalga oshirildi.

Bugun dunyoda mavjud minglab tillar orasida oʻzbek tilining oʻz oʻrni va ahamiyati bor. Oʻzbek tili koʻp marta Birlashgan Millatlar Tashkilotining yuksak minbarlarida, ulkan siyosiy sammit va uchrashuvlarda baralla yangrab kelmoqda. Tilimiz tinchlik, doʻstlik va hamkorlik vositasiga aylanib boryapti — bu barchamizga gʻurur va faxr-iftixor tuygʻularini bagʻishlaydi.

Ming yillik tarixga ega zabardast va goʻzal tilimiz yanada taraqqiy etib, qadri tobora oshaversin!

Qadrli yurtdoshlar, barchangizni Adliya vazirligi nomidan 21-oktabr — Oʻzbek tili bayrami bilan samimiy muborakbod etaman! Ona tilimizga boʻlgan hurmat-ehtirom, eʼtibor doimiy boʻlsin.

Akbar Toshqulov,
adliya vaziri

📌 Kanalga ulanish

#Adliya_loyiha

“Oydinlar odamlar orasida” loyihasi haqida

Soʻnggi bir hafta davomida Adliya vazirligi hamda Toshkent davlat yuridik universiteti tomonidan Oʻzbek tili bayrami munosabati bilan “Oydinlar odamlar orasida” loyihasi amalga oshirilmoqda.

Hozirgi kungacha Abdulla Qodiriy, Choʻlpon, Zahiriddin Muhammad Bobur, Mahmudxoʻja Behbudiy, Mohlaroyim Nodira obrazlari ishtirokidagi videoqatorlar shahrimizning gavjum joylarida suratga olindi va omma eʼtiboriga taqdim etildi.

Loyihadan maqsad oʻzbek tili xazinasini oʻzining shoh asarlari bilan boyitgan, shu bilan birga, milliy tafakkurda katta oʻsish qilgan buyuk bobolarimiz va momolarimiz siymosi, asarlari, gʻoyalarini keng ommaga, ayniqsa, yoshlarga taʼsirchan targʻib qilishdan iborat.

Ijrochilar professional aktyorlar emas, balki Toshkent davlat yuridik universiteti talabalari, boʻlajak huquqshunoslar. Loyihani rejalaganimizda biz uchun yoshlarning, talabalarning oʻzlari oydinlarimizning siymosini gavdalantirishi, oʻz talqinlarida berishi hamda zamonaviy va yoshlarga taʼsirchan tarzda targʻib qilishi ahamiyatli boʻldi.

Manzillar sifatida bozorlar, metro bekatlari va Toshkentning gavjum koʻchalari tanlanganida aholi oydinlarimizni faqat televizor yo kinoda emas, real hayotda ham koʻrishi maqsad qilingan.

Taʼkidlash joiz, videolarni suratga olish jarayonida qahramonlarimiz bilan birga suratga tushishni, ularga yaqinroq kelib savollar berishni, yaʼni oydinlarimizni oʻrganish istagini bildirganlar insonlar koʻp boʻldi va bu bizni xursand qildi.

Ushbu loyihada ishtirok etgan, asosiy ishidan, darslaridan, imtihonlaridan ortib vatanparvarlik tuygʻusi bilan oydinlarimizni targʻib qilishga jon deb kirishgan TDYU oʻqituvchi va talabalariga alohida minnatdorchilik bildiramiz.

📌 Kanalga ulanish

#Bilasizmi

Ish beruvchi qanday hollarda xodimga kompensatsiya to‘lashga majbur

O‘zbekiston Respublikasi Mehnat kodeksining 286-moddasiga ko‘ra, ish beruvchi quyidagi hollarda xodimga uning o‘z mehnat majburiyatlarini bajarishi bilan bog‘liq xarajatlarni kompensatsiya qilishi shart.

👉Batafsil

📌 Kanalga ulanish

#Adliya_hudud

Samarqand viloyat adliya boshqarmasi axborot xizmati “Samarqand” viloyat teleradiokanali bilan hamkorlikda yangi loyihani yoʻlga qoʻymoqda.

“Huquq hududi” koʻrsatuvi. Mazkur koʻrsatuv orqali xalqimizni qiziqtirgan huquqiy masalalar, huquqiy muammolar, qonunchilikdagi oʻzgarishlar, fuqarolarning huquq va majburiyatlari, qonuniy imtiyozlardan foydalanish tartibi toʻgʻrisida maʼlumotlar berib boriladi.

Koʻrsatuvda huquqni muhofaza qiluvchi organlar vakillari, xususan, huquqshunos, advokat, sudyalar, turli soha mutaxassislari bilan suhbatlar tashkil etiladi. Dasturning har bir soni muayyan bir mavzuga bagʻishlanib, hududlardagi huquqiy masalalardan kelib chiqib, oʻsha manzilda tasvirga olinadi.

Koʻrsatuvning ilk soni oʻzboshimchalik bilan egallangan yerlar va ularda qurilgan bino va inshootlarga nisbatan huquqlarni eʼtirof etishga bagʻishlandi.

Tez kunlarda koʻrsatuvning yangi sonini tomosha qiling.

📌 Kanalga ulanish

#Davlat_xizmatlari

Xitoyning Suchjou shahridan kelgan investor Yuan Dongsheng Oqdaryo tuman davlat xizmatlari markazida “Yaxing Guoji Maoyi” MCHJni davlat roʻyxatidan oʻtkazdi.

Maʼlumki, markazlarda mamlakatimizga investitsiya olib kirish niyatida boʻlgan ishbilarmonlar uchun barcha zarur sharoitlar yaratilgan. Xususan, investorlar xonasi, navbatsiz xizmat koʻrsatish shular jumlasidan. Yuan Dongsheng ham 5 daqiqa ichida davlat xizmatlaridan foydalanib, yurtimizda qonuniy tadbirkorlik bilan shugʻullanish imkoniyatiga ega boʻldi.

Asosan eksport, import va servis faoliyat turi bilan shugʻullanuvchi korxona nooziq-ovqat mahsulotlarini ishlab chiqarish, qishloq xoʻjalik mahsulotlarini yetishtirish, sotib olish, qayta ishlash, qurilish materiallari ishlab chiqarishni rejalashtirgan. Investor kelgusida 30 dan ortiq ishlab chiqarish va xizmat turlarini yoʻlga qoʻyish niyatida.

📌 Kanalga ulanish

#Adliya_xabari

Adliya vazirligi vakillari Filippinda oʻtkazilgan xalqaro forumda ishtirok etdi

Adliya vazirligi xodimlari Filippin poytaxti Manila shahrida oʻtkazilgan 16-Xalqaro investitsiya siyosati forumida ishtirok etdi. Ushbu forum Filippin Hukumati tomonidan tashkil etilgan. Tadbir dunyoning 50 dan ortiq mamlakatidan, jumladan Oʻzbekistondan kelgan davlat organlari va biznes hamjamiyati rahbarlari, yetakchi mutaxassislar hamda investitsiya sohasidagi ekspertlarni yagona maydon atrofida birlashtirdi.

Forum davomida investitsiyalar, inson huquqlari, ekologiya, soliq boshqaruvi bilan muvofiqligi hamda hukumatlararo investitsiyani ragʻbatlantirish va himoya qilish bitimlari hamda hukumat va investorlar oʻrtasidagi investitsiya shartnomalari doirasida hukumatlar tomonidan investitsiyalarni jalb qilishda qonunchilikni takomillashtirish, avval tuzilgan bitimlar va shartnomalarni hozirgi zamon talablariga mos ravishda qayta koʻrib chiqish zarurati yuzasidan davra suhbatlari oʻtkazildi. Shuningdek, energetika sohasini, ayniqsa qayta tiklanuvchan energiyani rivojlantirish yuzasidan Energetika Xartiyasiga doir shartnomadagi mavjud boʻlgan muammolar muhokama qilindi.

Bundan tashqari, Osiyo taraqqiyot banki tomonidan tashkil etilgan mintaqaviy texnik yordam doirasida kengroq mintaqaviy integratsiya va barqaror rivojlanish maqsadlarini ragʻbatlantirish uchun “Mintaqaviy savdo bitimlari va xalqaro investitsiya bitimlari boʻyicha bilimlarni mustahkamlash” mavzusidagi yigʻilishda vazirliklarning masʼul xodimlari ishtirok etdi.

📌 Kanalga ulanish

#Adliya_sarhisob

2024-yil III chorakda qaysi hujjat eng ko‘p o‘qildi? Lex.uz statistikasi

📌 Kanalga ulanish

#OAV_biz_haqimizda

Maxsus reportaj | Adliya organlari muqobil energiya resurslaridan samarali foydalanmoqda

📌 Kanalga ulanish

#Adliya_aksiya

Xabar berganimizdek, Adliya vazirligi tomonidan ozodlikdan mahrum qilish joylaridan ozod qilingan shaxslarning huquqlarini himoya qilishga qaratilgan “Huquqiy ko‘mak” aksiyasi o‘tkazilmoqda.

Namangan viloyat adliya boshqarmasi rahbariyati aksiya doirasida Mingbuloq hamda Uychi tumanlarida sayyor qabullar o‘tkazdi. Tadbirlar tafsilotlari 👉 videorolikda.

📌 Kanalga ulanish

#Adliya_xabari

Notarius litsenziyasi to‘xtatildi

Samarqand viloyat adliya boshqarmasi huzuridagi malaka komissiyasining qaroriga asosan, Samarqand viloyat adliya boshqarmasi boshlig‘ining tegishli qarori bilan:
▫️Samarqand shahrida xususiy amaliyot bilan shug‘ullanuvchi notarius A.Norqulovga berilgan xususiy notarial faoliyat bilan shug‘ullanish huquqini beruvchi litsenziyaning amal qilish muddati 2024-yil 21-oktabrdan 15 kun muddatga to‘xtatildi.

📌 Kanalga ulanish

#Adliya_aksiya

Adliya vazirligi tomonidan ozodlikdan mahrum qilish joylaridan ozod qilingan shaxslarning huquqlarini himoya qilishga qaratilgan “Huquqiy koʻmak” aksiyasi doirasida hududiy adliya organlari tomonidan joylarda sayyor qabullar va uchrashuvlar oʻtkazilmoqda:

➖Qashqadaryo viloyat adliya boshqarmasi tomonidan Ichki ishlar vazirligi huzuridagi jazoni ijro etish departamenti toʻrtinchi mintaqaviy hudud 3-son jazoni ijro etish koloniyasida mahkumlarga sayyor qabul tashkil etildi. Unda adliya boshqarmasi, davlat xizmatlari markazi, FHDY boʻlimi xodimlari, notarius va advokatlar ishtirok etib, oʻz sohasi boʻyicha qilingan murojaatlar yuzasidan batafsil tushuntirish berdi.

➖Marhamat tumani adliya boʻlimi tomonidan “Toshloq” MFY binosida sayyor qabul tashkil etildi. Ushbu qabul davomida mahalladagi ozodlikdan mahrum qilish joylaridan ozod qilingan shaxslar hamda boshqa fuqarolari bilan suhbatlashib, ularning muammolari tinglandi, savollariga joyida huquqiy tushuntirishlar berildi, ayrimlarining muammolari oʻrganish uchun adliya boʻlimining ish yurituviga olindi.

➖Toʻraqoʻrgʻon tumani adliya boʻlimi hamda ichki ishlar boʻlimi hamkorligida “Yortepa” MFY binosida ozodlikdan mahrum qilish joylaridan ozod qilingan shaxslar bilan uchrashuv oʻtkazildi. Jumladan, bir sudlangan fuqaro yoshga doir pensiya tayinlanishida ish haqi toʻgʻrisidagi maʼlumotnomani olishda amaliy yordam soʻradi. Uning murojaati boʻyicha sayyor davlat xizmatlari koʻrsatildi. Tadbir davomida ishtirokchilarga kundalik hayotlaridagi huquqiy masalalar boʻyicha tushuntirish berildi.

➖Sirdaryo viloyat adliya boshqarmasi boshligʻi Jahongir Zoxidov Sirdaryo tumanida sayyor qabul oʻtkazdi. Qabulda “Yoshlik”, “Bahor”, “Intilish”, “Islomobod”, “Matonat” kabi mahallalarda yashovchi fuqarolar, shuningdek, probatsiya nazoratida hamda profilaktik hisobda turuvchi shaxslarning huquqiy muammolari tinglandi.

➖Qumqoʻrgʻon tumani adliya boʻlimi tomonidan ichki ishlar boʻlimi bilan hamkorlikda ozodlikdan mahrum qilish joylaridan ozod qilingan shaxslar uchun ommaviy sayyor qabul tashkil etildi. Qabulda “Sherozi” mahallasida yashovchi fuqarolar, shuningdek, probatsiya nazoratida hamda profilaktik hisobda turuvchi shaxslarning huquqiy muammolari tinglandi va tegishli huquqiy tushuntirishlar berildi.

➖Xovos tumani adliya boʻlimi tomonidan Ichki ishlar vazirligi huzuridagi jazoni ijro etish departamenti 8-son tergov hibsxonasida oʻtkazilgan tadbirda Konstitutsiyada nazarda tutilgan inson huquq va erkinliklariga oid normalar, saylov qonunchiligi haqida batafsil soʻz yuritildi. Tadbir doirasida sayyor qabul oʻtkazilib, tergov hibsxonasida saqlanayotgan shaxslarning murojaatlari tinglandi.

📌 Kanalga ulanish

#Adliya_sarhisob

DXMda qachon navbat kam boʻladi: davlat xizmatlari markazlariga oid muhim raqamlar (2024-yil 9 oylik)

📌 Kanalga ulanish

#Adliya_sarhisob

“Bor-baraka, sotildi”: 2024-yil 9 oylikda Oʻzbekistonda sotilgan eng qimmat va eng raritet avtomobillar narxi

📌 Kanalga ulanish

#Muhim

📣 Hurmatli fuqarolar! Ayni vaqtda Yakkasaroy tumani davlat xizmatlari markazi binosida elektr tarmog‘ida kuzatilgan nosozlik sababli fuqarolarga xizmat ko‘rsatishda vaqtinchalik uzilishlar bo‘lishini ma‘lum qilamiz.

Siz Toshkent shahridagi boshqa tuman davlat xizmatlari markaziga murojaat qilishingiz mumkin. Yuzaga kelgan noqulaylik uchun uzr so‘raymiz.

📌 Kanalga ulanish

#Adliya_hudud

Hududiy adliya organlari: kun davomida

🖥 Qashqadaryo viloyat adliya boshqarmasi tomonidan “Huquqiy bilimlar oyligi” doirasida “Yoshlar sayli” o‘tkazildi.

🖥 Jizzax viloyati Do‘stlik tumanida ommaviy qabul o‘tkazildi.

🖥 Fargʻona viloyat adliya boshqarmasida Ichki ishlar vazirligi Farg‘ona akademik litseyi o‘quvchilari uchun “Ochiq eshiklar” kuni tashkil etildi.

🖥 Toshkent viloyat adliya boshqarmasi tomonidan “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida”gi qonunning mazmun-mohiyatini keng jamoatchilikka yetkazish maqsadida matbuot anjumani o‘tkazildi.

🖥 Toshkent shahar adliya boshqarmasi boshlig‘i Olmazor tumani yoshlari bilan uchrashdi.

🖥 Ohangaron tumani adliya bo‘limi tomonidan 4-sonli umumtaʼlim maktabida “Huquq sinfi” tashkil etilib, o‘quvchilar uchun “Huquqiy savodxonlik va huquqiy madaniyatni oshirish” mavzusida darslar o‘tkazib kelinmoqda.

🖥 Nukus tumanidagi “Aqterek” mahallasida “Adliya kuni” doirasida yoshlar o‘rtasida huquqiy targ‘ibot tadbirlari o‘tkazildi.

🖥 Yunusobod tumani adliya bo‘limi, davlat xizmatlari markazi va FHDY bo‘limlarida yoshlar uchun “Ochiq eshiklar” kuni tashkil etildi.

📌 Kanalga ulanish