#Adliya_xabari

Qonunchilik hujjatlari loyihalarni ishlab chiqishda elektron tizimlardan foydalanish bo‘yicha vazirlik va idoralarga uslubiy yordam ko‘rsatildi

11-oktabr kuni Adliya vazirligi tomonidan loyiha ishlab chiquvchi vazirlik va idoralar ishtirokida onlayn seminar tashkil qilindi. Tadbirda 270 nafarga yaqin ishtirokchi qatnashdi.

Seminarda Adliya vazirligi tashabbusi asosida rivojlangan davlatlar tajribasini o‘rgangan holda, normativ-huquqiy hujjatlar loyihalarini ishlab chiqish, kelishishning yagona elektron tizimi ishga tushirilgani, qonunchilik hujjatlari loyihalarini ishlab chiqishda yangi tizim imkoniyatlari va afzalliklari tushuntirilib, undan foydalanish bo‘yicha uslubiy tavsiyalar berildi.

Shuningdek, seminar davomida loyihalarni ishlab chiqish, kelishish, tartibga solish ta'sirini baholash, huquqiy ekspertizadan o‘tkazish va qabul qiluvchi organlarga kiritish tartibi tushuntirildi. Vazirlik va idoralar vakillarining norma ijodkorligi jarayoni bilan bog‘liq savollariga Adliya vazirligi mutaxassislari atroflicha javob berishdi.

Mazkur tizimdan foydalanish natijasida norma ijodkorligi jarayoni to‘liq raqamlashtirilishiga erishiladi hamda ushbu jarayondagi qog‘oz sarfiga barham beriladi.

📌 Kanalga ulanish

#Adliya_xabari

Angor tumanida vazir oʻrinbosari aholi va tadbirkorlar murojaatlarini oʻrgandi

Adliya vaziri oʻrinbosari X.Meliyev Surxondaryo viloyatiga amalga oshirgan xizmat safari doirasida Angor tumanidagi “Sharq guli” mahallasida joylashgan istirohat bogʻida sayyor qabul oʻtkazdi.

Sayyor qabul davomida 80 nafardan ortiq fuqaroning soliq imtiyozini qoʻllash, bepul davolanish uchun order olish, ishga joylashtirish, ijtimoiy himoya, mehnat munosabatlari, davlat xizmatlari, mulkiy huquqlarga oid va shu kabi boshqa turli sohalarga oid murojaatlari soha rahbarlari ishtirokida koʻrib chiqildi.

Shundan, 19 nafar fuqarolarning murojaati joyida hal etildi, 28 nafariga huquqiy tushuntirish berildi, 30 dan ortiq sayyor davlat xizmatlari koʻrsatildi, 36 nafar fuqaroning murojaatlari esa qoʻshimcha oʻrganish talab etganligi sababli ish yurituvga qabul qilinib, nazoratga olindi.

Vazir oʻrinbosari X.Meliyev Angor tumanida terini qayta ishlash “Top quality brand” MChJ zavodi faoliyati bilan tanishdi. Xorijiy investorlar ishtirokida tashkil etilgan mazkur obyekt hozirda oʻzining teri, charm mahsulotlari bilan jahon bozorini toʻldirmoqda. Uchrashuvda ishlab chiqarilayotgan tovarlarni mahalliy va chet el bozorlarga olib chiqish haqida fikr va mulohazalar bildirildi.

📌 Kanalga ulanish

#Davlat_xizmatlari

🔍 Sizning fikringiz biz uchun muhim!

Adliya vazirligi tomonidan aholi va tadbirkorlik subyektlariga ko‘rsatilayotgan xizmatlar sifatini baholash uchun yangi tizim — baho.davxizmat.uz ishga tushirildi.

Edilikda ko‘rsatilgan davlat xizmatlarining sifatini baholash va taklif berish uchun markazlarda joylashtirilgan QR-kodlarni skaner qiling hamda fikr bildiring!
Sizning fikringiz davlat xizmatlari sifatini oshirishda muhim rol o‘ynaydi!

📍Hozirda ushbu tizim Toshkent shahridagi markazlarda test rejimida ishlatilmoqda.

📌 Kanalga ulanish