#Adliya_xabari

Adliya vaziri Jizzaxda tizim yoshlari bilan uchrashdi

Adliya vaziri Akbar Toshqulov Jizzax viloyatiga amalga oshirgan xizmat safari davomida tizim yoshlari bilan uchrashdi.

Hududda 74 nafar yoshlar faoliyat yuritadi, bu umumiy xodimlar sonining 30 foizidir. Ular adliya tizimining barcha yoʻnalishlarida samarali mehnat qilishmoqda, shu jumladan rahbarlik lavozimlarida.

Samimiy va doʻstona ruhda oʻtgan ochiq muloqotda yoshlarning takliflari, fikr-mulohazalari tinglandi. Adliya vaziri tomonidan yoshlarga tavsiya va maslahatlar berildi.

Yoshlar adliya tizimda oʻz faoliyatini olib borayotganligidan, ularga qaratilgan eʼtibordan mamnun ekanliklarini, bunday ishonch hamda masʼuliyatni oqlash, aholiga sifatli huquqiy xizmatlar koʻrsatish, qonun ustuvorligini taʼminlash uchun sidqidildan mehnat qilishlarini aytib oʻtdi.

Shuningdek, adliya vaziri Jizzax viloyat davlat arxivida boʻlib, hujjatlarning saqlanish sharoitlari hamda tizimdagi yangiliklar, raqamlashtirish jarayonlari bilan tanishdi.

@adliyangiliklari

#Adliya_xabari

Aholiga psixologik yordam ko‘rsatish sohasi huquqiy jihatdan tartibga solinmoqda

Adliya vazirligi tomonidan ishlab chiqilgan “Aholiga psixologik yordam ko‘rsatish to‘g‘risida”gi Qonun Senatning ellik yettinchi yalpi majlisida ko‘rib chiqilib, ma'qullandi.

Mazkur qonunda:
▫️bepul psixologik yordam ko‘rsatiladigan shaxslar toifalari qonun darajasida mustahkamlanmoqda;

▫️aholiga psixologik yordam ko‘rsatishning asosiy prinsiplari, vazifalari, turlari, shakllari hamda standartlari belgilanmoqda;

▫️psixologik yordam ko‘rsatish standartlari Sog‘liqni saqlash vazirligi tomonidan ishlab chiqilishi va tasdiqlanishi ko‘zda tutilmoqda;

▫️psixologiya yo‘nalishida oliy ma'lumotga ega shaxslar psixologik yordam ko‘rsatish faoliyati bilan shug‘ullanish huquqiga ega bo‘lishlari, shuningdek, psixologiya yo‘nalishidan boshqa oliy ma'lumotga ega bo‘lgan shaxslar xususiy tartibda psixologik yordam ko‘rsatish faoliyati bilan shug‘ullanishdan avval psixologiya mutaxassisligi uchun qayta tayyorlovdan o‘tishi kerakligi belgilanmoqda;

▫️psixologlarning jamoat birlashmalari faoliyatining huquqiy asoslari yaratilmoqda;

▫️psixologlarning huquq va majburiyatlari belgilanmoqda;

▫️psixolog o‘ziga murojaat qilgan shaxsni huquqbuzarlik yoki jinoyat sodir etishga, qimor va tavakkalchilikka asoslangan o‘yinlarda ishtirok etishga da'vat etmasligi kabi bir qator kasbiy cheklovlar nazarda tutilmoqda.

Shuningdek, mazkur qonun bilan psixologik yordamni bunday huquqqa ega bo‘lmagan shaxs tomonidan ko‘rsatish yoxud aholiga psixologik yordam ko‘rsatish to‘g‘risidagi qonunchilikda belgilangan cheklovlarga rioya etmaganlik uchun Ma'muriy javobgarlik to‘g‘risidagi kodeksga ma'muriy javobgarlikni nazarda tutuvchi qo‘shimchalar kiritilmoqda.

Mazkur qonunning qabul qilinishi aholiga psixologik yordam ko‘rsatish sohasining huquqiy asoslarini yaratilishi, fuqarolarning psixologik yordam olishga bo‘lgan ehtiyojini qondirish, xususiy tarzda amaliyot olib borayotgan psixologlar faoliyatini qonuniy amalga oshirilishini ta'minlashga xizmat qiladi.

@adliyangiliklari

“Biz birgamiz” ijtimoiy loyihasi VI Respublika savdo yarmarkasi boshlandi.

Avval xabar berganimizdek, diyorimizning tarixiy maskanlaridan biri Xiva shahrining Ichan qal’a majmuasida 70 nafarga yaqin nogironligi boʻlgan shaxslar tomonidan qoʻl mehnati bilan tayyorlangan mahsulotlar savdo yarmarkasi boʻlib oʻtmoqda.

Tadbir koʻtarinki kayfiyatda xalqona kuy-qoʻshiqlar bilan boshlandi. Ishtirokchilar oʻz mahsulotlarini sotish bilan birgalikda madaniy hordiq chiqarishmoqda.

Eslatib oʻtamiz. Savdo yarmarkasi bugun va ertaga ham davom etadi. Barchani taklif etamiz.

@adliyangiliklari