#Adliya_xabari

Bugun, 11-iyun kuni Adliya vazirligida “Bolalar va yoshlarning huquqlarini himoya qilishning dolzarb masalalari. Muammolar va takliflar” mavzusidagi davra suhbati oʻtkazildi.

👉Batafsil

@adliyangiliklari

#Adliya_xabari

Mahallalarda davlat xizmatlaridan foydalanishni yanada osonlashtirish masalalari oʻrganilmoqda

Adliya vazirligining BAAga ishchi tashrifi davomida SEDCO kompaniyasining rahbariyati bilan uchrashuv boʻlib oʻtdi.

Maʼlumot uchun: SEDCO kompaniyasi (1983-yilda tashkil qilingan) davlat tashkilotlari, xususiy sektor va banklar uchun innovatsion texnologiyalarni joriy qilish, davlat xizmatlarini koʻrsatish, navbatlarni boshqarish, mijozlarning fikrini tahlil qilish va oʻz-oʻziga xizmat koʻrsatish vositalari hamda dasturiy taʼminotlarni ishlab chiqishga ixtisoslashgan tashkilot hisoblanadi.

Uchrashuvda kompaniya vakillari tomonidan davlat xizmatlaridan mustaqil foydalanish imkonini beruvchi interaktiv infokiosklar va ularni boshqaruvchi dasturiy taʼminot imkoniyatlari taqdimot qilindi. Mazkur infokiosklar orqali aholi davlat xizmati markazlariga bormasdan, navbat kutmasdan tegishli davlat xizmatidan foydalanish imkoniyatiga ega boʻladi.

Infokiosklarni tuman (shahar) markazlaridan olis hududlarda va mahallalarda bosqichma-bosqich oʻrnatish orqali talab eng yuqori boʻlgan 100 turdagi davlat xizmatlarini aholiga yanada yaqinlashtirish rejalashtirilgan.

Maʼlumot uchun: kioskalar orqali xizmatlardan foydalanish uchun fuqarodan hech qanday hujjat talab etilmaydi. Bunda, shaxsni aniqlash usuli Face ID orqali amalga oshiriladi. Xizmatlardan foydalanish uchun identifikatsiyadan (Face ID) oʻtiladi va xizmat tanlanadi, toʻlov amalga oshirilgach tegishli hujjat chop etib olinishi mumkin. Toʻlovlar onlayn (mobil ilovalar yoki plastik karta raqamini kiritish orqali) amalga oshirilishi mumkin.

@adliyangiliklari

#Adliya_xabari

Adliya vazirligi va BAAning Hukumat ishlari vazirligi oʻrtasida istiqbolli hamkorlik oʻrnatish masalalari muhokama qilindi

Adliya vaziri A.Toshqulov va BAA davlat vaziri, Vazirlar Mahkamasi bosh kotibi Maryam bint Axmed Al Xammadi oʻrtasida ikki tomonlama uchrashuv boʻlib oʻtdi.

Tomonlar islohotlarni amalga oshirishda sifatli qonunchilik bazasini yaratish, qonunlar toʻgʻri ishlashi va koʻzlangan maqsadlarga erishishi uchun zarur mexanizmlar, tartibga solish vositalari hamda sohadagi yangi tashabbuslar boʻyicha fikr almashishdi.

Al Xammadi xonim strategik rejalashtirish, davlat organlari samaradorligini oshirish hamda ularni natijaga asoslangan baholash mexanizmlarini ishlab chiqish boʻyicha 20 yillik tajribasi bilan yaqindan oʻrtoqlashdi.

Shuningdek, qonunchilik hujjatlari ijrosini taʼminlash boʻyicha KPI tizimi , qonun ijodkorligi va huquqni qoʻllash jarayonlariga sunʼiy intellektni joriy etish boʻyicha loyihalar bilan tanishtirdi.

A.Toshqulov Adliya vazirligining norma ijodkorligi, davlat organlarining funksiyalar reyestrini yuritish, ortiqcha, ishlamaydigan, bir-birini takrorlovchi funksiyalarni bekor qilish boʻyicha Hukumatga takliflar kiritishi bilan bogʻliq faoliyati haqida soʻzlab berdi.

Uchrashuv yakunida tomonlar BAA Hukumat ishlari vazirligining yuqorida qayd etilgan yoʻnalishlardagi faoliyati bilan yaqindan tanishish va tajriba almashish uchun ekspert koʻmagini taqdim etish va mutaxassislarning ishchi tashriflarini amalga oshirishga kelishib olishdi.

@adliyangiliklari

#Adliya_hudud

Namanganda aholining huquqiy muammolari uyma-uy yurib oʻrganilmoqda

👉Batafsil

@adliyangiliklari