Amaldagi qonun hujjatlari yangi tahrirdagi Konstitutsiyaga muvofiqlashtirilmoqda

Adliya vazirligi tomonidan ishlab chiqilgan “Yangi tahrirdagi O‘zbekiston Respublikasi Konstitutsiyasi qabul qilinganligi munosabati bilan O‘zbekiston Respublikasining ayrim qonun hujjatlariga o‘zgartirishlar kiritish to‘g‘risida”gi Qonun loyihasi Oliy Majlis Qonunchilik palatasi tomonidan birinchi o‘qishda qabul qilindi.

Mazkur Qonun loyihasi bilan amaldagi 28 ta qonunlar O‘zbekiston Respublikasi Konstitutsiyasining 19, 67 va 81-moddalariga muvofiqlashtirilmoqda.

Xususan: O‘zbekiston Respublikasida barcha fuqarolar jinsi, irqi, millati, tili, dini, e’tiqodi, ijtimoiy kelib chiqishi bilan birgalikda, ijtimoiy mavqeidan ham qat’i nazar qonun oldida tengligi;

tadbirkorlik subyektlari qonunchilikka muvofiq har qanday faoliyatni amalga oshirishga va o‘z faoliyati yo‘nalishlarini mustaqil ravishda tanlashga haqli ekanligi;

ommaviy axborot vositalari qonunga muvofiq ish olib borishi, shuningdek davlat ommaviy axborot vositalari faoliyatining erkinligini, ularning axborotni izlash, olish, undan foydalanish va uni tarqatishga bo‘lgan huquqlari amalga oshirilishini kafolatlashi bilan bog‘liq o‘zgartirishlar kiritilmoqda.

Ushbu qonun loyihasining qabul qilinishi yangi tahrirdagi O‘zbekiston Respublikasi Konstitutsiyasining tegishli moddalarida belgilangan normalarni amalda to‘liq ijrosini ta’minlashga xizmat qiladi.

@adliyangiliklari

#Adliya_xabari

Milliy qonunchilikni Jahon savdo tashkiloti bitimlariga uygʻunlashtirishning dolzarb masalalari muhokama qilindi

👉Batafsil

@adliyangiliklari