#Adliya_xabari

Adliya vaziri oʻrinbosari tadbirkorlar bilan muloqot oʻtkazdi

Adliya vaziri oʻrinbosari Muzraf Ikramov “Merrymed Farm” masʼuliyati cheklangan jamiyati faoliyati bilan yaqindan tanishdi.

Tadbirkor va faoliyat olib borayotgan xodimlar bilan muloqot davomida koʻplab ishchi oʻrin yaratgan tadbirkorlar uchun yaratilgan sharoitlar haqida soʻz yuritildi. Brend olishning afzalliklari hamda brendni roʻyxatdan oʻtkazmay ishlashning huquqiy oqibatlari haqida tushuntirishlar berildi.

Shuningdek, tadbirkorlarga oʻz soha faoliyatiga oid huquqiy axborotni, shu jumladan, qonunchilikdagi yangiliklarni olish manbalari va shakllari haqida maʼlumotlar berish bilan bir qatorda, ularning muammo va takliflari oʻrganildi.

Muloqotda intellektual mulk sohasidagi mavjud muammolar va ularni bartaraf etish yo‘llari hamda ishlab chiqarilayotgan mahsulotlar uchun tovar belgisi olish bilan bog‘lik masalalarni o‘rtoqlashdi. Shuningdek, huquqiy jihatdan qanday yordam va maslahatlar kerak boʻlsa adliya vazirligi hamda uning hududiy boshqarmasi tayyorligi maʼlum qilindi.

@adliyangiliklari

#Adliya_xabari

Vazir o'rinbosari tizim xodimlari faoliyati bilan yaqindan tanishdi

Adliya vaziri o‘rinbosari Muzraf Ikramov Namangan shahar adliya bo‘limi faoliyati bilan tanishdi.

M.Ikramov tomonidan adliya organlarining asosiy vazifasi qonunchilikni takomillashtirish bo‘yicha takliflar ishlab chiqish, aholining huquqiy madaniyatini oshirishda mahallalardagi faollar imkoniyatidan foydalanish, mahalladagi yettilik bilan bevosita hamkorlikni yo‘lga qo‘yish, aholining huquqiy ongini oshirishga xizmat qilishi ta’kidlab o‘tildi.

Shuningdek, yuridik xizmat ko’rsatish markaz faoliyati bilan tanishib, ulardagi yutuq va kamchiliklar tahlil qilindi. Yuridik xizmat ko’rsatilayotgan tashkilotlar bilan hamkorlik muhokama etildi.

Shu kuni Namangan shahridagi davlat xizmatlari markazida bo‘lib, bu yerda fuqarolarga yaratilgan shart-sharoitlar, ko’rsatiladigan davlat xizmatlarini qulay va osonligi, o’z-o’ziga xizmat ko’rsatish burchaklari faoliyati ko‘zdan kechirildi.

Shu bilan birga, Namangan shahar davlat xizmatlari markazi binosidagi barcha qulayliklarga ega boʻlgan navbatsiz xizmat maskanidagi sharoitlar bilan yaqindan tanishdi.

@adliyangiliklari

#Adliya_xabari

Adliya vaziri oʻrinbosari Muzraf Ikramov Namangan viloyati yuridik texnikumi faoliyati bilan yaqindan tanishdi.

Texnikumda yaratilgan sharoitlar ko'zdan kechirilib, o'quv va “Idrok” intellektual xonalari, IT klub, yuridik klinika, sud zali, talabalar turar joyi, faollar zali, yozgi va qishki sport maydonlari, oshxona, axborot resurs markazidagi imkoniyatlar o'rganildi.

Yuridik klinika faoliyatiga alohida to'xtalib, kelgusida mazkur bo'limni yanada rivojlantirish maqsadida moddiy qo'llab-quvvatlash zarurligi ta'kidlandi.

Texnikum negizida tashkil etilayotgan akademik litsey faoliyati yuzasidan ham fikr-mulohazalar tinglandi. Xodimlar bilan suhbatlashish chog’ida mavjud muammo va kamchilik bartaraf etish lozimligi aytib o’tildi.

@adliyangiliklari

#Adliya_xabari

Adliya vaziri o‘rinbosari xususiy amaliyot bilan shug’ullanuvchi notaruslar bilan muloqot o’tkazdi

Namangan viloyati yuridik texnikumi binosida adliya vaziri o'rinbosari Muzraf Ikramov xususiy amaliyot bilan shug'ullanuvchi notariuslar bilan uchrashdi.

Ochiq va samimiy kechgan muloqot davomida, xususiy amaliyot bilan shug'ullanuvchi notariuslarning sohani rivojlantishga doir taklif va mulohazalari tinglandi, ular duch kelayotgan muammolarga yechimlar berildi. Bunday davra suhbatlaridan maqsad notariat sohasini rivojlantirish, ushbu sohani yangi bosqichga olib chiqishdan iboratdir.

@adliyangiliklari