#Adliyadan_javob

❓ Moliya bozori va tovar bozori nima?

— Moliya bozori — banklar, kredit, sug‘urta va boshqa moliya tashkilotlari tomonidan ko‘rsatiladigan moliyaviy xizmatning, shuningdek, qimmatli qog‘ozlar bozori professional ishtirokchilari xizmatlarining O‘zbekiston Respublikasi hududidagi yoki uning bir qismidagi muomala doirasi bo‘lib, Oʼzbekiston Respublikasining maʼmuriy-hududiy tuzilishiga mos kelmasligi mumkin va mazkur muomala doirasi chegaralarida bunday xizmatlarni ko‘rsatish imkoniyati mavjud bo‘ladi.

Tovar bozori — tovarning, shu jumladan bir-birining o‘rnini bosadigan tovarning (o‘zining belgilangan maqsadi, qo‘llanilishi, sifati va texnik xususiyatlari, narxi hamda boshqa ko‘rsatkichlari bo‘yicha taqqoslanishi mumkin bo‘lgan, isteʼmolchi almashtirishga tayyor bo‘lgan tovarning) O‘zbekiston Respublikasi hududidagi yoki uning bir qismidagi muomalasi doirasi bo‘lib, u O‘zbekiston Respublikasining maʼmuriy-hududiy tuzilishiga mos kelmasligi mumkin va mazkur muomala doirasi chegaralarida tovarni olish yoki realizatsiya qilish imkoniyati mavjud bo‘ladi.
____________________

❓ Tovar va moliya bozorini o‘rganishda monopoliyaga qarshi organ yuridik va jismoniy shaxslardan, respublika va mahalliy ijro etuvchi hokimiyati organlaridan, statistika organlaridan tegishli ravishda qanday maʼlumotlarni so‘rab olishi mumkin?

— Quyidagi maʼlumotlarni so‘rab olishi mumkin:
▫️rasmiy statistika maʼlumotlari;
▫️tovarlarning ishlab chiqarish, realizatsiya qilish, xarid qilish, import va eksport hajmlari;
▫️tovarning realizatsiya narxi va hajmlari;
▫️tovar ishlab chiqaruvchi va realizatsiya qiluvchi korxonalar ro‘yxati;
▫️xo‘jalik yurituvchi subyektning hamkorlikdagi faoliyati bilan bog‘liq shartnomalar nusxalari;
▫️tovarlarni realizatsiya qilish uchun tuzilgan shartnomalar nusxalari;
▫️tovarning texnik hujjatlari.

Asos: Vazirlar Mahkamasining 2024-yil 1-maydagi 256-son qarori.

@adliyangiliklari

#Adliya_aksiya

📣 Adliya vazirligi tomonidan “Bolalar va yoshlarning huquqlarini himoya qilish” huquqiy aksiyasi o‘tkaziladi.

Aksiya 2024-yil 13-maydan 13-iyungacha davom etadi.

Aksiya doirasida quyidagilar tashkil etiladi:
🔹sayyor qabullar;
🔹mehnat yarmarkalari;
🔹yoshlar bilan uchrashuvlar;
🔹“Yoshlar sayli”;
🔹“Targ‘ibot poyezdi” loyihasi.

@adliyangiliklari

#Adliya_onlayn

⚡️O‘zbekiston Milliy matbuot markazida Adliya vazirligining matbuot anjumani davom etmoqda.

Mavzu: “Lotereyalar va tavakkalchilikka asoslangan o‘yinlarni tashkil etish va o‘tkazishni tartibga solishni takomillashtirish chora-tadbirlari to‘g‘risida”gi Prezident Farmonidagi yangiliklar

👉Youtube

👉 Facebook

@adliyangiliklari

#Adliyadan_javob

❓ Magistral gaz quvurlari, neft quvurlari va neft mahsulotlari quvurlarini qurish, ulardan foydalanish hamda ularni ta’mirlashda sanoat xavfsizligi talablariga muvofiqligi to‘g‘risida xulosa olish uchun qanday ma’lumotlar va hujjatlar talab etiladi?

— Xulosa olish uchun talab etiladigan ma’lumotlar va hujjatlar:
a) ariza. Arizada quyidagilar ko‘rsatiladi:
- yuridik shaxsning nomi, STIR raqami, pochta manzili, elektron pochta manzili (mavjud bo‘lsa) hamda telefon raqami;
- obyekt joylashgan manzil;
- ishlarni bexatar amalga oshirish bo‘yicha javobgar shaxslar to‘g‘risida ma’lumot (FIO, JShShIR, buyruq raqami va sanasi);
b) asbob-uskunalarning ro‘yxati va texnik sozligi;
v) avariya yuz bergan holatda, xavfli ishlab chiqarish obyektlari xodimlarining hayoti va sog‘lig‘ini muhofaza qilish choralarini ko‘rish, avariya bartaraf etish rejasi;
g) ishlarni xavfsiz olib borish bo‘yicha yo‘riqnomalar.
_______________

❓Magistral gaz quvurlari, neft quvurlari va neft mahsulotlari quvurlarini qurish, ulardan foydalanish hamda ularni ta’mirlashda sanoat xavfsizligi talablariga muvofiqligi to‘g‘risida xulosa berish uchun arizani ko‘rib chiqish va xulosa berganlik uchun undiriladigan yig‘im miqdori qancha?

— Arizani ko‘rib chiqish uchun to‘lanadigan yig‘im miqdori — bazaviy hisoblash miqdorining 30 foizi.
Xulosa berganlik uchun yig‘im undirilmaydi.

Asos: Vazirlar Mahkamasining 2024-yil 29-martdagi 169-son qarori bilan tasdiqlangan “Jismoniy va yuridik shaxslarga xulosalar berish bo‘yicha davlat xizmatlarini ko‘rsatishning yagona” ma’muriy reglamenti.

@adliyangiliklari

#Ochiq_adliya

📣 Ochiq eshiklar kuniga taklif etamiz!

Bugun, 14-may kuni soat 11.00da Adliya vazirligi tomonidan Toshkent davlat yuridik universitetida Ochiq eshiklar kuni tashkil etiladi.

Tadbirda adliya tizimidagi faoliyatga oid turli burchaklar tashkil qilinadi. Mazkur burchaklarda:
▫️sud-ekspertizaga oid jihozlar;
▫️davlat xizmatlari tomonidan koʻrsatiladigan xizmatlar;
▫️yuridik universitetning taʼlim jarayoniga tegishli tarqatma materiallar;
▫️arxiv hujjatlaridan namunalar;
▫️intellektual mulkka tegishli ixtiro, foydali model, sanoat namunalari;
▫️Adolat markazi tomonidan nashr etilayotgan eng soʻnggi qoʻllanma, kitoblar bilan tanishish bilan birgalikda, vazirlik faoliyatiga oid qiziqarli maʼlumotlarga ega boʻlasiz.

Barchangizni Adliya vazirligi va tizim faoliyati bilan yana bir bor yaqinroq tanishuvga — Ochiq eshiklar kuniga taklif etamiz!

📍Manzil: Toshkent davlat yuridik universiteti (3-oʻquv binosi). Amir Temur koʻchasi, 13A-uy (sobiq ADO)

@adliyangiliklari

#Adliyadan_javob

❓Elektron yo‘l varaqasi nima, qanday tizim orqali rasmiylashtiriladi va elektron yo‘l varaqasida qanday ma’lumotlar ko‘rsatilishi shart?

— Elektron yo‘l varaqasi — hisobga olish seriyasi va tartib raqamiga ega bo‘lgan, elektron yo‘l varaqasi tizimi orqali yuritiladigan va avtotransport vositalarining ishini belgilab beruvchi QR-kod (matrik shtrixli kod) bilan tasdiqlangan asosiy hujjat.

Elektron yo‘l varaqasi O‘zbekiston Respublikasi Transport vazirligining “Uztrans” yagona interaktiv axborot tizimining “Elektron yo‘l varaqa” avtomatlashtirilgan axborot tizimi orqali rasmiylashtiriladi va yuritiladi.

Bunda yuk va yo‘lovchilarni xalqaro tashish uchun rasmiylashtiriladigan yo‘l varaqasi elektron va an’anaviy shaklda rasmiylashtiriladi va yuritiladi.

Elektron yo‘l varaqasida quyidagilar to‘g‘risidagi ma’lumotlar ko‘rsatilishi shart:
▫️ yo‘l varaqasining turi, raqami, amal qilish muddati, shuningdek, avtotransport vositasining rusumi va egasi;
▫️ tashish turi, yuk turi, haydovchining kunlik tibbiy ko‘rikdan o‘tganligi;
▫️ avtotransport vositasining sozligi va texnik ko‘rikdan o‘tganligi, haydovchiga berilgan yoqilg‘i miqdori, avtotransport vositasidagi yoqilg‘i qoldig‘i;
▫️ shahar va shahar atrofida muntazam yo‘nalishlardagi avtobusga o‘rnatilgan validatorlar orqali amalga oshirilgan to‘lovlar;
▫️ haydovchining ish soati, shu jumladan, kunlik va oylik, tungi vaqtda, bayram va dam olish kunlarida ishlagan soatlari, tejagan va sarf qilgan yoqilg‘isi miqdori, haydovchiga to‘langan ish haqi;
▫️ haydovchi tomonidan sodir etilgan yo‘l harakati qoidalari buzilishi.

Elektron yo‘l varaqasiga kiritiladigan ma’lumotlar foydalanuvchilar hamda ularning tegishli mas’ul xodimlari tomonidan elektron raqamli imzo bilan tasdiqlanadi.

Asos: Vazirlar Mahkamasining 2024-yil 22-yanvardagi 44-son qarori.

@adliyangiliklari

Davlat xizmatlari orqali “Kredit tarixi to‘g‘risida ma’lumotnoma olish” tartibidan xabardormisiz?

Batafsil videorolikda....

😄Kanalga ulanish👇👇👇
https://t.me/davxizmat