#Adliya_xabari

“O‘zbekistonda qonun ustuvorligi va inson huquqlarini himoya qilishni mustahkamlash” loyihasi Kengashining yig‘ilishi bo‘lib o‘tdi

👉Batafsil

@adliyangiliklari

#Adliya_aksiya

Huquqiy aksiya doirasida dastlabki 10 kunlikda Kosonsoy tumani boʻyicha 65 nafar shaxslarga tegishli hujjatlar rasmiylashtirilib berildi

“Hech bir shaxs hujjatsiz qolmaydi” aksiyasi doirasida Kosonsoy tumanining “Doʻstlik” mahallasida istiqomat qiluvchi Zuhra Karimova va Islom Niyozovning 2 nafar farzandlariga otalik belgilanib, tugʻilganlik haqidagi guvohnomalari topshirildi.

Shuningdek, “Movarounnahr” mahallasida yashovchi 2009-yilda tugʻilgan nogironligi bor fuqaro Gʻayratbek Mahmudjonovning tugʻilganlik haqida guvohnoma raqami oldin ishlatilganligi, hozirda nogironlik nafaqasi tayinlashda guvohnoma raqami yaroqsizligi uchun muammo yuzaga kelayotganligi sababli, Kosonsoy tuman FHDY boʻlimi tomonidan yangi tugʻilganlik haqida guvohnoma takroran rasmiylashtirib berildi.

Ma'lumot uchun, huquqiy aksiya doirasida dastlabki 10 kunlikda Kosonsoy tumani boʻyicha 65 nafar shaxslarga tegishli hujjatlar rasmiylashtirilib berildi:

🔹24 nafar shaxslarga tugʻilganlik haqidagi guvohnomalar takroriy berildi;
🔹6 nafar shaxslarning uzoq yillar davomida rasmiylashtirilmay qolib ketgan olimi qayd etilib, oʻlim haqidagi guvohnomalar berildi; 
🔹32 nafar shaxslarga tugʻilganlik, nikoh va oʻlim haqida takroriy guvohnomalar berildi; 
🔹25 nafar sharʼiy nikoh asosida oila qurib yashab kelayotgan oilalarning nikohlari qonuniy rasmiylashtirildi; 
🔹3 nafar shaxsga nisbatan tugʻilganlik va nikoh haqida dalolatnoma yozuvlarini tiklash choralari koʻrilmoqda.

@adliyangiliklari

#Adliya_xabari

Adliya vazirligi ishchi guruhi tomonidan Respublika sud-ekspertiza markazining hududiy bo‘limlari faoliyati o‘rganilmoqda.

Navbatdagi manzil — Qashqadaryo viloyati. Ishchi guruhi tomonidan markazining hududiy bo‘limi faoliyatidagi mavjud muammolar hamda kelgusida bo‘lim faoliyatini rivojlantirish masalalari tahlil qilindi.

Shuningdek, tashrif davomida ishchi guruhi tomonidan Qashqadaryo viloyati adliya boshqarmasida huquqni muhofaza qiluvchi organlar, sudlar, advokatlar, davlat organlarining vakillari hamda fuqarolar ishtirokida seminar tashkil etildi.

Tadbirda mamlakatimizda sud ekspertiza sohasida amalga oshirilayotgan islohotlar, sud ekspertiza yo‘nalishi bo‘yicha yaratilayotgan sharoit va imkoniyatlar seminar ishtirokchilari e’tiboriga yetkazildi hamda ularning sud ekspertiza faoliyatini rivojlantirish bo‘yicha takliflari muhokama etilib, qiziqtirgan savollariga javob berildi.

@adliyangiliklari