#Adliya_va_yoshlar

Toshkent shahar adliya boshqarmasida Toshkent shahar yuridik texnikumi talabalari bilan uchrashuv o‘tkazildi.

70 nafardan ortiq yoshlar ishtirok etgan uchrashuvda dastlab boshqarma faoliyati va uning tizimidagi tashkilotlar haqida maʼlumotlar berilib, ushbu sohada ishlamoqchi bo‘lgan yoshlarga batafsil tushunchalar berildi.

Shuningdek, Adliya vazirligining bugungi kunda xalqaro hamjamiyatda tutgan o‘rni, boshqa davlatlarning huquqni qo‘llash amaliyoti bilan solishtirganda erishayotgan tajribalari  haqida ham maʼlumotlar berildi.

Talabalar bilan o‘tkazilgan ochiq muloqot qizg‘in savol-javoblarga ham boy o‘tdi. Ularga avvalo vaqtdan unumli foydalanish, yoshlikda bilim egallash va o‘z kasbining yetuk mutaxassisi bo‘lish uchun hozirdan maqsadlari sari dadil odimlash haqida tavsiyalar berildi.

@adliyangiliklari

#Adliya_xabari

Adliya vaziri oʻrinbosari Sh.Rabiyev Fargʻonada yirik eksportchilar faoliyati bilan tanishdi.

Respublikasi Prezidenti raisligida eksport, investitsiya va mahalliy sanoatda joriy yilda turgan vazifalar yuzasidan oʻtkazilgan yigʻilishda bergan topshiriqlar ijrosini taʻminlash maqsadida tadbirkorlar bilan muloqot qildi.

Suhbatlar davomida standartlashtirish hamda texnik jihatdan tartibga solish sohasida yuzaga kelayotgan muammolarni aniqlash va ularni huquqiy jihatdan bartaraf qilish masalalari muhokama qilindi. Oʻz faoliyati davomida duch kelayotgan turli xil muammolar va byurokratik toʻsiqlar yuzasidan fikrlari va takliflari tinglandi.

Jumladan, Fargʻona viloyat adliya boshqarmasida Oʻzbekiston texnik jihatdan tartibga solish agentligining viloyat masʼullari bilan muhokama uchrashuvi boʻlib oʻtdi. Unda tovarlarni eksport va import qilishda, ishlab chiqarilgan mahsulotlarni standartlarshtirishda, sifat menejmenti tizimi boʻyicha xalqaro standartlarni qoʻllash, xorijiy sertifikatlarni tan olish, xalqaro standartlarni joriy qilish maslalari oʻrganilib, ularning yechimi yuzasidan takliflar tinglandi.

@adliyangiliklari

#Adliya_hudud

“Bunyodkor” mahallasida “Adliya kutubxonasi” tashkil etildi.

Namangan viloyat adliya boshqarmasi tomonidan barcha mahallalarda huquqiy targʻibot tadbirlari muntazam tarzda oʻtkazilib, aholining huquqiy madaniyatini oshirish, ularni qiynab kelayotgan muammolarni hal etishga alohida eʼtibor qaratilmoqda. Shu jumladan, mahallalarda oʻtkazilayotgan sayyor qabullar va “Men mahallam huquqshunosiman” shiori ostidagi tadbirlar mahalla ahlini huquqiy savodxonligini oshirishga xizmat qilmoqda.

Bu gal adliya boshqarmasi boshligʻining tashabbusi bilan, mahallalarda “Adliya kutubxonasi”ni tashkil etilmoqda.
Dastlab, Yangi Namangan tumanidagi “Bunyodkor” mahallasida tashkil etilgan kutubxonaga huquqiy, badiiy kitoblar, shuningdek, Adliya vazirligi “Adolat” milliy huquqiy axborot markazi tomonidan tayyorlangan huquqiy qoʻllanmalardan iborat 200 dan ortiq kitoblar jamlanmasi taqdim etildi.

Viloyatdagi boshqa mahallalarida ham bosqichma-bosqich “Adliya kutubxonasi” tashkil etiladi.

@adliyangiliklari