#Adliya_xabari

Aholiga bepul huquqiy yordam ko‘rsatish borasida Britaniya tajribasi o‘rganilmoqda

Ayni kunlarda Adliya vazirligi, “Madad” NNT hamda O’zbekiston nodavlat notijorat tashkilotlari assotsiatsiya vakillaridan iborat ishchi guruh Buyuk Britaniyada “Citizens Advice” milliy assotsiatsiyasi tajribasini o‘rganmoqda.

Ma’lumot uchun hozirda “Citizens Advice” milliy assotsiatsiyasining Buyuk Britaniyada 255 ta byurolari faoliyat olib bormoqda hamda ular fuqarolarga huquqiy maslahat berish bilan bir qatorda ularning huquqlarini himoya qilib sudlarda ham ishtirok etishlari mumkin, bundan tashqari byurolar aholiga boshqa istalgan yo‘nalishlarda (kredit olish, soliq maslahati, ishga joylashish va h.z) ham maslahat berib amaliy yordam ko‘rsatadi.

O‘zbekistonda ham Buyuk Britaniya tajribasi asosida “Madad” NNT tashkil qilingan va uning hududlarda 73 ta tuman (shahar)larda hududiy byurolari faoliyat yuritmoqda. Aholiga bepul huquqiy maslahat berish va protsessual hujjatlarni tayyorlashda amaliy yordam ko‘rsatish “Madad” NNT va hududiy byurolarning asosiy vazifasi hisoblanadi.

Ishchi guruhning asosiy maqsadi “Madad” NNT faoliyatini kengaytirish uchun “Citizens Advice” milliy assotsiatsiyasi bilan hamkorlikni mustahkamlash, shu jumladan moliyaviy yordam va grantlarni jalb qilish, shuningdek Buyuk Britaniyaning tajribasi asosida Madad” NNT tomonidan ko’rsatiladigan yangi xizmat va yordamlar sonini oshirishdan iborat.

Ishchi guruh “Citizens Advice” milliy assotsiatsiyasining Londondagi bosh ofisi hamda hududiy byurolarida bo‘lib ularning ish faoliyati, murojaatlar bilan ishlash tartib-tamoyillari hamda aholidan kelib tushayotgan so‘rovlarni tahlil qilish maqsadida shakllantirilgan ma’lumotlar bazasi bilan tanishdi.

@adliyangiliklari

#Sayyor_qabul

Samarqand viloyat adliya boshqarmasi rahbariyatining navbatdagi sayyor qabuli Narpay tumanida bo‘lib o‘tdi.

👉Batafsil

@adliyangiliklari

#Adliya_xabari

G‘ijduvon va Peshku tumanlarida ommaviy sayyor qabullar o‘tkazildi

👉Batafsil

@adliyangiliklari

#Adliya_xabari

Adliya vaziri Surxondaryo viloyatidagi adliya organlari faoliyati bilan tanishdi.

Akbar Toshqulov Termiz shahar, Jarqo‘rg‘on va Qumqo‘rg‘on tumani adliya bo‘limlari, davlat xizmatlari va yuridik xizmat ko‘rsatish markazlari, FHDY bo’limi, “Madad” NNT hududiy byurosida bo’lib, bevosita fuqarolar bilan ishlash jarayonlarini kuzatdi hamda xodimlar bilan tizimda amalga oshirilishi lozim bo‘lgan yangiliklar va amaliyotda mavjud tizimli muammolar masalasida muloqot qildi.

O‘rganish davomida xodimlarga yaratilgan sharoitlar, ish faoliyatida axborot kommunikatsiya texnologiyalari bilan ishlash, xususan, mavjud elektron tizimlardagi funksiyalarni takomillashtirish bo‘yicha bildirilgan takliflar muhokama qilindi.

@adliyangiliklari