#Konstitusiyaning_30_ta_asosiy_qoidasi

O'zbekistonda insonning huquq va erkinliklari xalqaro huquqning umume'tirof etilgan normalariga binoan hamda ushbu Konstitusiyaga muvofiq e'tirof etiladi va kafolatlanadi. Inson huquq va erkinliklari har kimga tug'ilganidan boshlab tegishli bo'ladi.

O'zbekistonda barcha fuqarolar bir xil huquq va erkinliklarga ega bo'lib, jinsi, irqi, millati, tili, dini, e'tiqodi, ijtimoiy kelib chiqishi, ijtimoiy mavqeidan qat'i nazar, qonun oldida tengdirlar.

Imtiyozlar faqat qonunga muvofiq belgilanadi va ijtimoiy adolat prinsiplariga mos bo'lishi shart.

19-modda

@adliyangiliklari

#Adliya_tabrigi

Hurmatli kasaba uyushmalari xodimlari va faollari!

Sizlarni 11-noyabr — O‘zbekiston kasaba uyushmalari kuni bilan chin qalbdan muborakbod etamiz.

Mamlakatimizda xodimlarning huquq va manfaatlarini taʼminlash, ularni ijtimoiy qo‘llab-quvvatlash va mehnatini muhofaza qilish, bu orqali esa hayotimizda ijtimoiy adolat yana-da mustahkam qaror topishida kasaba uyushmalari faoliyati alohida eʼtirofga loyiq.

Mana shunday masʼuliyatli va sharafli xizmatlaringizda ulkan zafarlar hamisha yor bo‘lsin. Xonadoningizdan tinchlik, qut-baraka arimasin.

Hurmat bilan
Adliya vazirligi jamoasi

@adliyangiliklari

#Adliya_xabari

O‘zbekiston Respublikasi adliya vaziri o‘rinbosari X.Meliyev boshchiligidagi ishchi guruhning Andijon viloyatiga xizmat safari davomida sohada amalga oshirilayotgan ishlar, davlat xizmatlari ko‘rsatish jarayonidagi muammolar va ularni bartaraf qilish choralari shuningdek, davlat xizmatlarini ko‘rsatuvchi vakolatli idoralar tomonidan yo‘l qo‘yilayotgan qonunbuzilish holatlarini bartaraf etish va kelgusida takrorlanishini oldini olish masalalarida seminar o‘tkazildi.

@adliyangiliklari