#Adliyadan_javob

❓Avtotransport boshqaruvi uchun jismoniy shaxslarga elektron ishonchnoma qancha muddatga beriladi va buning uchun qancha miqdorda yig‘im undiriladi?

— Elektron ishonchnoma rasmiylashtirganlik uchun davlat boji miqdori va uning amal qilish muddatidan kelib chiqqan holda quyidagicha etib belgilangan:
▪️bir oygacha bo‘lgan muddatga — 10 foiz;
▪️olti oygacha bo‘lgan muddatga — 50 foiz;
▪️uch yilgacha bo‘lgan muddatga — 100 foiz.

Asos: O‘zbekiston Respublikasi Prezidentining 2022-yil 7-iyuldagi “Avtotransport vositalarini boshqarishda va yo‘nalishsiz taksi faoliyatini amalga oshirishda qo‘shimcha qulayliklar yaratish to‘g‘risida” PQ-311-son qarori.

@adliyangiliklari

#Adliyadan_javob

❓Tadbirkorlik subyektlarini ixtiyoriy tugatish jarayonida tugatuvchi tijorat tashkilotini davlat reyestridan chiqarish uchun ro‘yxatdan o‘tkazuvchi organga qaysi hujjatlarni taqdim etadi?

— Tugatuvchi tijorat tashkilotini davlat reyestridan chiqarish uchun ro‘yxatdan o‘tkazuvchi organga quyidagilarni taqdim etadi:
▪️ vakolatli organ tomonidan chiqarilgan qimmatli qog‘ozlarni bekor qilish to‘g‘risidagi ma’lumotnoma (agar mavjud bo‘lsa);
▪️tijorat tashkiloti hujjatlarining belgilangan tartibda davlat yoki nodavlat arxiviga topshirilganligini tasdiqlovchi ma’lumotnoma (davlat ro‘yxatidan o‘tkazilgan vaqtdan boshlab moliya-xo‘jalik faoliyatini amalga oshirmagan tijorat tashkilotlari bundan mustasno).
_______________

❓Tadbirkorlik subyektlarini ixtiyoriy tugatish muddati qancha?

— Tijorat tashkilotini ixtiyoriy tugatishning umumiy muddati ro‘yxatdan o‘tkazuvchi organ ixtiyoriy tugatish to‘g‘risida xabardor qilingan kundan boshlab olti oydan oshmasligi kerak.

Asos: Vazirlar Mahkamasining 2019-yil 21-avgustdagi 704-son qarori bilan tasdiqlangan “Tadbirkorlik subyektlarini ixtiyoriy tugatish va ularning faoliyatini to‘xtatish tartibi to‘g‘risida”gi nizom.

@adliyangiliklari