#uddeshblogs

हा एवढाच प्रवास असतो आपला…🌿

एक स्वप्न,एक शहर,एक डेस्क,एक रडायची जागा,
कित्येक नात्यांचा तग धरत असलेला धागा.
एक मित्र,दोघात एक चहा,एक मैत्रीण आणि जोडली गेलेली नाती
येवढ्या पसऱ्यात स्वप्नांच्या तेवत ठेवलेल्या वाती.
एक पुस्तक,प्रिलीम चा हुकलेला एक मार्क,ओपन ला सुटलेली एक जागा,ओएमआर ला घेतलेला रेनॉल्ड चा एक पेन
आणि रिकमंडेशन लिस्ट ने थोडक्यात केलेला गेम.
एक टार्गेट,एक परीक्षा,एक शेवटचं वर्ष त्याची ना संपणारी गोष्ट
एक पीडीएफ,एक तो धडधडीचा मिनिट,अचानक बदललेलं आयुष्य आणि मिळालेली एक पोस्ट.
हा एवढाच प्रवास असतो आपला.
पण अक्षरशः रडवतो…

©उद्देश

#uddeshblogs

कासवाच्या विजयाची गोष्ट 🌿

आपल्या आयुष्यात एकाचवेळी अनेक गोष्टी घडत असतात आणि त्याने आपण कन्स्ट्रक्ट होत असतो.आपल्या आजूबाजूची परिस्थिती आपल्यावर वागण्या बोलण्याचे संस्कार करत असते.त्यामुळे मी असा आणि तो असा का याचं उत्तर केवळ ज्याच्या त्याच्या भूतकाळातच दडलेलं असतं.एखादा येतो आणि सहज यशस्वी होऊन निघून जातो पण एखादा कासवाच्या गतीने का होईना आपली शर्यत पूर्ण करण्याच्या प्रयत्नात असतो.कासवाच्या नशिबी प्रश्न आहेत,त्याच्या क्षमतांवर संशय आहे,सामाजिक अवहेलना आहे,अपेक्षांचा भडिमार आहे पण कासव याने विचलित न होता तो केवळ चालत राहतो.आणि तिथपर्यंत पोहचतो सुद्धा
त्यामुळे आपला प्रवास भले संथ असेल पण त्यावर प्रेम केलं पाहिजे.संथपणात येणाऱ्या पिढीचे संस्कार जन्म घेतात.शाळेत कासवाच्या विजयाची गोष्ट सांगितली जाते त्याचं कारण हे आहे....

©उद्देश

#uddeshblogs

स्वप्नांच्या गुढीला प्रयत्नांची शाल,कमकुवत करू पाहणाऱ्या गोष्टींचा उलटा गडू,आणि यशाचा दिमाखदार हार
हीच आपली गुढी…

सगळ्यांना नूतन वर्षाभिनंदन…🌿