#مشاعر_مبعثره
...نازك الحمراني....
الجزء الأول
...
هي احاسيسنا مشاعرنا..الدفينه.
.فيها الحب..والصدق
وفيها حرب العقل والقلب..
فيها جماليات..قلوبنا حين يخفق
وحين.ينصدم بلحب..
وحين ينكسر القلب...
حين يجش بلأمل
حين..يصارع الحب
يبقى خلف هذه كله..مصائرنا يحددها القدر
فلا العقل يحدد المصير والا خطط القلب المرسومه
لاننا لعبه بيد القدر
هذه هيه المشاعر المبعثره..

واني استلمت النتيجه
اتلمس بشهادتي مال سادس العدادي..
.واني فرحانه بس محتاره..معدلي زين
أدخل كليه ولا معهد منو أفضل اني بودي اكمل كليه
هذا طموحي احب اللغه الأنكليزي..اريد اصير
معلمه او مدرسه..مال الانكليزي..
بيوم أستلمتها..واحنا فرحانين اني وصديقاتي
وحده تحضن الثانيه..شعور مينوصف
النجاح طعم خاص بيه حاله من الثماله
التفت على وحده من البنات من جنا مجمعات بساحه
كالت.وهي فرحانه .هسه نقدم على كليات
وأول ماادخل للكليه اشوفلي ولد حلو
واطيح الفكس مالتي..ويجي يشيله.وصير بينا علاقه
الله ونكظيها طلعات ونسات ودب احمر..ورد..
واطلع ضيم السادس اندارت علي
كالتلي وانتي ليان شسوين ادري بيج معقده
..دنكت..راسي..ها مااعرف
اجتي صديقتي ضربت كتفي
..كالت هي هاي الكليه ابنظرج ولج الكليه علم
واثبتين نفسج كدام المجتمع وثانيآ لا تحجين على ليان..انتي محجوزه لأن أخوي ميت عليج
كلي هاي ام عيون الصفر تخبل
ورايدج على سنة الله ورسوله وهوشافج مره وحده ...
كتله لو شايف شعرها جان متت أسود وطويل
هسه هو يريد يخطبج شدكولين
-ها...ها...لا عفيه مااريد ازوج
شوفيلج اي بنيه مااريد اني
ابنيه كالت خاب هاي حتى تكعد اخر رحله..اشبيج
اجيبيها الأخوج..ماكونت صداقات..كوه تظحك
كلتلها هو المؤدب بهل وكت يسمو معقد..شدكولين ليان
بلا مااتكلم او اجاوب لان طبعي خجوله
اخذت نتيجتي..واني امشي
وطلعت بلا مااخليها تتكلم..حتى فرحتي ضاعة
واني افكر بطريق رجعتي.للبيت..هواي تخطبوني
وارفض وحتى مااخبر اهلي بعروض صديقاتي
يردني الاخوانهن او الأقربائهن
..ليش... ادري مو بسبب الشهاده..ودراسه
لا شي اكبر من دراستي
كنت أخاف أزوج ويطلع رجال مثل بابا
اني بهيج حاله شسوي اذا مثل بابا يطلع بس يغلط
بس يهين..ماما كدام اليسوه والمايسوه
احنا بناته مسالمات.. مؤدبات
وكلما نخطىء اخطاء بسيطه ..يكل الماما
هاي تربيتج حقيرات عليج..طالعات
يفرق بين الولد والبنات متخوفه من الزوج
لان باب احسه بس يداري خواني بحيث متمردين
..برغم أني وخواتي سوزان" وتقى "نحبه
الطريق بين المدرسه وبيتنا طويل...
اتمنى يطول اكثر
لأن هذا الشارع كلما أمشي بيه احس الدنيا بخير
مو مثل بيتنا حرب البسوس
..واني اقترب من الباب
أسمع الصياح المستمر..حتى افشل من نفسي
.افشل من الجوارين...
ماكونت صداقات لأن مره وحده..اجتني صديقه
ودخلتها بابا جان يضرب بماما...
.تقوقعت على نفسي
عندي فقط صديقات بلدوام...
بس مااطور علاقتي ابد..خاف يجن البيتنا
دخلت الغرفتي ..الي فضت علينا اني وتقى
بعد ماازوجت سوزان إختي ....شوي جنا لمه حلوه
بس هسه ... البيت صار كريه
بسب زواجي أخوي رائد الي كان يتعصب على كلشي
بيتنا مابي لحظة سلام جنا قبل اشكم سنه
نشكي فقط من عصبية بابا.وتعودنا عليه
.لكن هسه..؟
أخوي رائد وزوجته سميه خلو البيت شرار
اخوي الزغير..رامي..اخذله صفحه..يريد يزوج
والدي ميساعده..يكله مو هسه
اختي تقى تركت المدرسه.
.بس اني من خمس خوان
حبيت أكمل دراسه جنت اشوف بيها هروب
اي هروب من بيتنا الجحيم...
لأن خواتي من صير مشكله يدافعن عن نفسهن
اني كنت خوافه مو جريئه
تفكيري وفرحي بشهاده كاعده
اختي تقى..تحف وجهها..يمي كاعده
خارج باب غرفتي من غلقتها.صياح ماما وبابا.
.وغلطهم على بعض
حتى محد كلي مبروك الفرحه كتمتها بكلبي
وحتى لو مكلولي....المهم حققت الأريده.
و هاي هيه...هداء صوت الصياح..والغلط
يعني هل شي مو جديد على بيتنا...؟
من وعينا على الدنيا ماما وبابا هيج مشاكل
مااعرف ليش خلفونا احنا الخمسه...وشلون..صرنا
طلعت من الغرفه على صوت ماما صاحتلي
دخلت للمطبخ..وشفتها..والحزن بوجها
دكلب بتمن على الطباخ وتمسح دموعها..بشالها
وترجع أدكلب بلمركه..
ماما ترى نجحت...بس كولي.. شسوي..لان فرحانه
-أي بنيتي هاي خيار وطماطه سوي زلاطه
نسيت ..مبروك بنيتي على نجاحج..تقربت بست راسها
بفضل الله وبفضلج ماما...دارت على تقى
وانتي تقى حبيبتي سوي الخضره
-واني يم السنك اغسل الخيار..والطماطه
كعدت اسوي زلاطه
ماما رح اقدم على معهد لان خاف بابا ميتحمل مصاريفي مال كليه.. شدكولين
-بكيفج حبيبتي لشوفي سوي عاد تكضيلج سلاح
هذا ابوج صارلي خمسه وتلاثين سنه وياه
اخذني واني عمري خمطعش سنه..والحد هسه
ضيم وقهر وغلط ومااستعدل كون خواتج مثلج
حتى ماافكر بيهن وبمستقبلهن..
..اندرات على تقى
-..تقى بنيتي ماما لساتج زغيره رجعي للدراسه
- لا ماما شلي بيها شتريد اسوي الشهاده
خليني راسي فايخ أول وتالي أزوج....جاوبتها
- لا تقى شوفيني اني تخرجت من السادس
وبرغم تعبه بس فرحانه ليش تقى الشهاده حلوه
أندار

قۣۗـۙصۣۗـۙصٍ 📖ۆبۣۗـۙسۣۗ 💯

#مشاعر_مبعثره....
الجزء الثاني
......
بدات تحضيراتي للكليه
وزوجة أخوي ساميه تقنعني بعمها
أني قافله لأجل الدراسه..
وقافله لأن جبير بلعمر..
يعني اني اثمنطعش
وهو ثنين وربعين..شون يصير

بدأت كلما تكعد معاي
تحاول ترغبني بي
هيج حلو هيج شخصيته..
عيونه ملونه..
ممبين علي الكبر..معتني بروحه
شخصيه..يدلل المره..
..لأن هو هيج طبعه
يحب يونس المرأه
حتى رومانسي
...احاول اغسل الماعين
.. مااهتم الكلامها
..وين ماافتر اشتغل تجي وراي اتقنعني..
رحت الغرفتي.رتبتها
طلعت ملابسي أكويهن واجتني
-ها ليان بشري ترى خلكي بخشمي
وافقي..ترى استخدم هواي طرق
-بدات نبرتها تتغير معاي..جانت من اسبوع
تنطق كلام حلو..جاوبتها واستهزات بكلامها
بله شنو رح اسويلي سحر
-مو بس سحر..السحر من باجر ابدي بي
بس اكلهم عدها شي بنتكم..هل ترفض
وتعرفين ابوج شون يضوج منج ومن امج
-شدا تخربطين شنو عندي شي
حرام ترتكبين علي..وسحرج..ميمضي بيه
مادام اقراء قرأن..
اني احجي بس متخوفه لأن..بابا يصدك
أدري حتى لوكذبت وتهمتني يصدك
..بقيت أكوي ملابسي
وأني متخردله بسبب حجيها
حسيتها موحجايه علي
لا هاي سم ويمشي بلجسم...
كإنما السم وصل البطني من الخوف
حسيت بوجع لعبت روحي..ودي أتقيء
ادري بروحي جبانه بس مو الهل درجه
خفت من تهديدها...
تمنيت الخوف يتركني..جان مسيطرت.. علي
تركتني وطلعت..خلتني بحيره
واني كعدت بلغرفه أقرأء محاضرات
بس بعدني بيه خوفه ولعبان نفس
وبطني مثل المغص
دخلت تقى أختي
-ها ليان شونها الكليه حلوه..شو مسولفين
.صارلج شهر داومين
.اشبيج متخردله
خاب كومي جبانه شفت ساميه طلعت
شكلتلج هل حيه وخفتي
-ها لا مكالت شي اني مرتبكه من الدروس
أستحي تعرفين بيه
-لج اني اصغر منج بأربع سنين
وحتى ممكله متوسطه بس اقوى منج
خاب اشحدها تسمعني حجايه
ادوس بطنها واخليها تتندم..شافتج جبانه

-اي صدك انتي أجراء مني..أتمنى اصير قويه
بين القرايه والبيت كعدت الصبح
حضرت نفسي للكليه..واجتني ساميه
بلباب من جاي اطلع
-ها ولج اشكلتي..احجي
ترى أني .اليوم غايبه من الدوام
رح اطبخ الغدا اليوم علي...
وشوفي اذا مقنعتي..بعمي.
-حرام عليح اعتقيني عمج جبير
تعرفين شنو جبير
يعني بينه وبين بابا كم سنه..
يعني اني بكد بنته..خزرت علي وكالت
-انشوف اليوم احجي وي اهلج..
تركتها ورحت الداومي
مااعرف لزكتلي شلون ياربي
هسه لو قابله باخ صديقتي..
دخلت للكليه..ونفس نظامي بلعداديه
ماكونت صداقات ولا شي مجرد زماله
اسولف معاهن..حبيتهن خصوص هدى
أبنيه صديقه
بس اكو ولد..كلما ادخل للكليه
اشوف ينظرلي من فتره بس ابد ممنتبه
او مااركز بي ميهمني هل شي
باخر محاضره اخذت ملزمتي
جاي أطلع من الكليه..جان الطلاب واكفين
وهوسه فا عبرت طريق مختصر
جان محفر ..
وفاتت سياره من يمي
أكو مي بلكاع..من المطر مال قبل يومين
المي المطين..طفر علي.من هل مي
بسبب هل سياره..وتلفت ملابسي
التنور..والحذاء..طاحت دمعه من عيني
بسبب كلام ساميه بسبب هل موقف
لأن كل الطلاب جان واكفين..
بقيت امسح بتورتي أنكتها
وكفت نفس السياره..
تنزل شاب من عدها..
واني مدنكه امسح بلكنلكس بنقاط الطين الي بتنورتي
حسيت اقترب شخص مني
رفعت راسي..وجان اشوف بس عيون زرك
تلقائين..كلت سبحان الله بدواخلي
جنت متعصبه بس من شفت عيونه هدأت
عدلت وكفتي جاي اتمشى كالي
-أسف خويه..مامتقصد...اعذريني.
اني كلش يتأسف محتاجه اساعدج
-لا شكرآ..اخي....تركته
ورحت كعد على مصطبة الكليه
اكمل مسح تنورتي..واني اشوف هل ولد
أبو عيون الزرك..وانتبهت البسه..
بلا مااتقصد بقيت انظرله
تقريب المسافه بيناتنا هيج كد ثمن امتار
جان لابس ستره كابوي زركه عاكسه على عيونه
تشيرته زيتوني..حتى كلاده انتبهت عليها
وشايل جنطه على اكتافه سوده
بس دار وجهه على اتجاهي..دنكت
رجع اقترب..واني سويت روحي. افتح الملزمه
وهو بدا يحجي ولهجته العراقيه مكسره
-اشلون اعتذر من عندك لان شفت انت كلش تلفتي
مو ذنب اني.... صديقي كان مستعجل
مشايفج أنتي اول مرحله..كانك
-ها اي
-فرصه سعيده..اني كيلان.مرحله ثالثه
-واني شعلي..تركته وطلعت.
واني أفكر بكلامه المكسر..وبجماله..
شون عيون شعره اسود حجري...
بودي أكمل كلامي وياه
بس.مااعرف طبعي
مااحب اطول كلام مع شخص مااعرفه
اذا كانت ابنيه
فكيف أذا ولد..
شنو اجنبي هل كلامه مكسر
رجعت للبيت..احس اليوم فرحانه
مااعرف لأن ولد حلو تكلم معاي
لأن أول مره أحجي مع ولد
بخجل
او مو دون خجل...مااعرف
بس ما تخردلت من تكلم معاي
مااعرف ليش لان ملامحه دقيقه

بدلت ملابسي وصليت .رحت اصب غدا
شفت ساميه هي اصب...تركتها
رجعت الغرفتي تقى كاعده..تصبغ اضافرها
اكلج تقاوي شعجب ساميه سوت غدا
-اشمدريني حتى ماخلتني انظف
هي نظفت البيت وامها ساعدتها تركب
-اي خل ارتاح أمها هي المهم استراحه
اشوي وصاحتنا ساميه
محضره السفره..وصابه.
كعدنا ناكل وين اكل امي يفرق
بس فنا اليحجي..بس بابا كال
-شوفن شون أكل اتعلمن..ساميه بعد ابوج
هيج أكل كل يوم...شدكول را

#مشاعر_مبعثره
الجزء الخامس
...نازك الحمراني..
أسبوع واني زعلانه عند اهلي..
ساميه مثل الحيه تباوعلي..وتصجم وكان كلامها
يغز بكًلبي..ويوجع....وكلساعه تعيده..ودكول
-علمود الكليه نهزمتي دكعدي وحافضي على بيتج
واني أسكت..مو خوف...أبد..أشتاقيتله..وحاسه بذنب
-تقى اختي تعاركها من تسمع ادخل الغرفتي أبجي
..بيها رائد اخوي جان بغداد...مسافر ورجع ...وبدخلته....
شاف وجهي المزورك..وبيها لاغفه رداني..أثر.الضرب
بأيدي باقي..وصاير...اسود أول مسلمت علي سئلني
ساميه هي التحجي...عادي عرك الحبايب جذاب
تقى..لا موجذاب هاي قبل أسبوع خويه واحسب...
أجتنى مدمايه واليل تون كوه تنامه
حتى من أداوم كليه تغطي الأثر بلمكياج
ساميه...اسكتي جاي تهيجين اخوج تعبان توه جاي
حضرتلك الحمام تعال رائد.....دفع أيدها..

-وخري ساميه ولج هاي أختي لو شمسويه
ماله حق يضربها أطينا احسن خواتي لج بعدي ساميه
بس يجي هل ناقص أدرع بطنه
-واني انظر لوجوهم..بين حجيهم والدي دخل ويصيح
-رائد لاتدخل النسوان...... مينطلع وراهن
يجنك يبجن..وتالي يرجعن وتطلع بلكبح
-اي بويه..ميخالف بس خل يعرف وراها زلم
-اطيك احجايه أن اجى سامي ارجعها ومتفك حلكك
وذا فكيته ماتلوم الأ نفسك
لسى عايش بعدني مو شفت روحك زوجت وشوربت
اني الاحجي وانت تسكت
هي طلعت شارده من عنده موزين يرجعها..
-تقى شني بابا تبقى يمه وتسكتله يتجاسر بزايد
تركتهم وانس اسحل خطوات الكل يحجي
واني نفسي اريده لأن احبه ....مااريده بسبب ضربه
دخلت للغرفه اشتاقيت السامي
كمت احضن المخده وانام وتخيل .حاضنته...هو
تعلقت بي لان اول رجال بحياتي..اول شخص.
احسه يحبني...من يقتربلي
بس...ليش اتصرف وياي هيج
بهل فتره مابين لا اتصل ..يجوز لأن طلعت بلا مااخبره
بقيت أروح للكليه... .اخوي رامي ياخذني
هدى صديقتي تكعد تواسيني...
أو لو متواسيني افضل لان....دكلي اكبر منج ومتعافي
لو منتظره كيلان يحبج..وحسيت حبه الج بكلامه
لج كيلان سافر لسليمانيه... بعد ماقدم على جامعتنا
ترك كلشي ورجع..لأن كال مااتحمل أشوفها يمي
كل يوم..واصبر ترك..بغداد..وكال يجوز يروح العمه بأمريكا
وانتي هل عجوز ماخذ عقلج..
-كافيج هدى محد فاهمني حتى أنتي
أاعيد كلامي ..ماكو شخص يصدقني
من أكلكم احبه وأموت عليه..
لأن زوجي سامي
ماخذ عقلي وكًلبي...
برغم ضربه الي..
لج هدى حتى ذكرت أخر شي من طلعت من البيت
وجاي أشرد بقيت بلدقيقه صافنه على نومته
شلون مخلي أيده على عينه ونايم..مثل الطفل
بلحظته كان ودي أحظنه
بس مااريده يجراء علي..لهيج شردت...يله هداوي
اجى رامي.اخوي ..ورجعت للبيت...دخلت للغرفه
حسيت اختنكت منها...طلعت بلطرمه ابوي كاعد...كلي
-شوكت ترجعين الزوجج
-شنو بابا شتحجي اكلك جنزني وشفت حالي...
انت مدا اشوفني....يعني خواني..حسو بيه.وانت.بابا
الخاطر اخاف منك قبلت بيه...اكول تعرفه
مانهيتني عنه بلعكس..شجعتني وقنعتني ..بس من يضرب
كون تخليله حد بابا ميصير هيج......صاح علي
-اختج..سوزان رافعه دعوة طلاك على رجلها
وأنتي زعلانه..فكري بيه انتن مو بنات غضب
من غضب الله عليجن على أمجن حقي....ت
-بابا انت ماافكرت بينا...الكلام خلاصته ماارجع
خل يعرف كليتي اهم ...دخلت واني..ضايجه..
ابوي يريدني أرجع...اي ارجع بس شلون وهو
ابد مابين ولا أجى..سمعت ساميه تحجي بتلفون
وهي متوتره...عرفت على سامي بلحظتها خفت عليه
-احجي ساميه اشبي الله عليج
-عمي سامي من طلعتي نازل يدور عليج..مثل المخبل
جدتي ام سامي معاركته على مودج..ومكسر البيت
ومن شايفته جدتي.متخربطه...وصاعد ضغطها
وضال يركض بيها من مكان المكان
..ماردت أكلج
لادكولين حوبتي..يوميه عمي..يسأل عنج.
والله يحبج...ليان حتى يتعصب من اكله داومت كليه
مرتين يجي للكليه يراقبج...من بعيد..بس كرامته
-لا ساميه مااكدر انسى شكله من يضرب جنه وحش
ماكافا الراشديات...والا الرفس..جاب صونده
وضل يضرب مثل الحاقد...ويضرب
ماتركني الحد ماانكطع نفسه من التعب..
وكعد من التعب ضربني مثلا الحيوانه لا عمج مريض
-رح يجي لا تفشلي خطيه يكولون حتى تعبان عليج
تركتها هيجت مشاعري جاي اروح الغرفتي...إندك الباب.
اول ماعرفت هو اجة علمود يرجعني
مااعرف ليش كيفت..... وخفت
جنت منتظرة هاي اللحظة من زمان
منتظرة اللمح وجة تفاصيل حركاتة الي دومهة تذهلني
حتى نظرة عيونه
يمكن الكل يكولون البزون مايحب اله خناكة
بس اني فعلا حبيته

.... دخلت واني جنت مستعدة احجي كل الكلام الي بكلبي
اريد اعاتبة على كلشي سواه وياي
اريد اعرف ليش هيج يتصرف
دخلت وبدت انظاري تتخاط الكل امي وتقى..وساميه
وادور علية
بدت اعيوني تتفحص كعدتة راسة الي منزلة للكاع
وايدة الي مسترخية على قنفه بكل برودة
وشعرة الي مرسوم اسود وبلون الابيض
رزانته الي تسحرني ولا جنه ذاك اليضرب
كعدته مثل أستاذ جامعي بغرفة مكتبه
واني الطالبه الي دخلت علي قاطه ولبسه تمعنتهن
بدت دكات كلبي تتعاله وبديت اتذكر واني بهذاك المكان بين صدرة وبين شعيرات صدرة
اتقدمت واني جن

#مشاعر_مبعثره
...نازك الحمراني..
الجزء السادس

بقيت أفكر أشلون أخبره.أخاف تكذب عليه
اروح وأرجع...بلغرفه....مثل الهايمه...كويت ملابس أبنه
وبنته...كعدت أصلي أبجي..بقيت إمطوله بسجودي
ماعندي بس الله اشكيله حالي...
دخل..سامي ...واني بحيره شلون ابدي وياه
مصارلي سنه مزوجه صبيتله غدا..
كعدت..واني ااراقبه من يبدل من يخلي عطر
شلون اكله...اخاف يتعصب..دخلت بنته..اقريها
كتلها مالي خلك عندي أدروس هواي جان كاعد
تعصب ونهضلي...وهو يغلط
-يابنت الذينا يا....يا...ويعد ويغلك...قريها لا ضوجيني كومي...
-سامي ترى تعبانه والله ومالي حيل
ليش تتأمر علي..ممقصره عليهم.وخاصه بنتك
اجى أقترب من وهو عصبي وجر أيدي لواها
وخلاها بورى ضهري..وهو يشتم
-من تجيج بنتي لازم دكوميلها لوجنتي ميته
تفزين جثه بلا روح ودكوميليها دفعني طحت للكاع
-بين أدموعي وحبي اله..واني اباوعله..
وهو يلبس ابساعته ويمشط شعره وكانما ممسوي شي
يباوع للمرايه بلا ميدور عليه
يابنت عصفورتي طالع محتاجه شي..
أو من تذكرين خابري..دنج باس راسي وطلع
.....
بنته واكفه طلعت وي أبوها بقيت بغرفتي
واني بحزني مااكدر أسئله لأن أحبه
مرت الأيام بينا وهو يعاملني برومانسيه بلا أسلوب
هيج اريد أوصف حالتي وياه
يعاملني..بقسوه وجرح...وراها حب وشغف
مرت الأشهر واني ماوكفت على علته....
ودخلت بسنه ثاني من زواجي...وهو هو
وعصبيته المفرطه.الي.مالها.حدود بسبب وبغير سبب
اذا قصرت بشي وي أولاده يعاقبي..
برغم حبيتهم ويدري بيه احبهم على حبه
.................
استغل ضعفي..وحبي اله...وبدا الوحش داخله يضهر
بدا...يتأمر..ويزجر...ويغلط ويأمر..وينهي...
يتغزل...ويسب..ويحب ويكره
يغلط..ويضرب...يحضني..ويخنقني...
يقبلني...ويبصق بوجهي...
احسه ساعه امانه وسند وحضن دافي
ساعه احسه خوف وحفره ضلمه وبارده
كل فتره حبي اله يكبر ويزغر ويرجع..ينمو
كمت احسه علاج من اشربه.. مر..بمرورة الحنضل
...من اشربه أتقيء.....بس يبقى هو علاجي واحبه
ادمنت عليه..وصار افيوني ...الي مااستغنى عنه
................
مااجرأت أسئله..عن زيجاته خوف منه
وحبآ بيه كان الي مصبرني...من اطلع معاه واطفاله
تتغير نفسيتي..ارتاح ولو جزء من الثانيه
هو زوجي وبيتي..برغم تعبت من عنده
.عمتي مريه كبيره المرض مشى بيها
بس هي بجانبي بس متذكر شي.من اسئلها
..نظرات سهير وشماتتها بيه
وعودها ألي تنتقم لأن زوجها...ضربها بسببي
رؤى ابتعدت عني...كمال خوش ولد
بس أحسه عنده سر... يريد يحجي..
مرت الأشهر صعبه بهل فتره...برودت سامي وقسوته
تحيرني..لأن يجي يقتربلي مثل العاشق..
بوراها يتغيير...ماملكت جرئه اكلمه بديت أتخذ اسلوب
اسلوب الصمت..الحايط يحجي...واني لا..
بسبب حبي السامي..تحملت دلال بنته
تحملت سهير وكلامها
مزاجية سامي الي بيها حتقار الي..
بيومها..سهير اجتني واني أطبخ..وهي ترفع حاجب
-اي شو مرت اشهر على كلامي مسئلتي لو جبانه
غمضت عيني وجريت نفس مااريد اسكتلها
-لا مو جبانه زوجي واحبه وهل أشياء ماضي
المهم هو يحبني ويريد رضاتي
-هههههه يحبج..ام حب..عيوني.
الرجال الي يحب زوجته
ميضم عليها شي..انتي مداريه ابنه وبنته وامه
وفوكها زغيره وحليوه طبعا يخليلج مكانه بكلبج
بس مال حب لا حبي الرجال يدور راحته..مصلحته
بس ميلكاهن...رح يدوس عليج بلحذاء القديم
ويدور غيرج.....ابتعدت وهي تظحك
-اوكفي سهير وين رايحه جاي تشمرين حجي
ليش تستفزيني ترى كلامج مااشتري بفلس
أندارت علي وهي تتمظحك وتحجي
-شوفي ليان اني كلش اكرهج كلش
بس صريحه ممكذبه عليج..ولي أكدر علي اسوي
طلعت واني احس ختنكت..من كلشي..
مرت سنتين هل سنتين جانن مملات مثل الجو بوقت الرطوبه والغيم
مااحبيت اذكر تفاصيل ايامي الممله
ضجت ردت اهلي اروحلهم خبرت وافق
بدلت أروح الاهلي..اخذني سامي..واني ساكته
دخلت البيت أهلي.. الغرفتي اختنكت شهل زواج
الي تعبت بي..اختي سوزان اطلكت من زوجها
لأن فقير متحملت فقره..برغم زوجها يحبها
سوزان السان....اطلع حقها من عين السبع..
حتى من اجتي زعلانه هي مره وحده زعلت..وطلكت
اتمنيت أصير جريئه مثلها... ماإكدر..احب السامي
رن الفون مال اختي تقى واني بلغرفه...رفعته
بلا مااتكلم...بس اسمع كلمة حبيبتي شلونج
هل صوت موغريب...اي صوت كمال.بن سامي..
اشلون وكيف...كعدت منين ألكاها ياربي...
دخلت أمي فرحانه مقدمه على وضيفه مفتشه
وطلع اسمها...كلتلي رح ارتاح من منيت أبوج
استقر ماديآ...حضنتها وأبجي..واني أسولف الها
كلشي صار...بجت وياي..بس جانت حجايتها...توجع
اكثر من وجع كلبي وهي دكلي
-أختج أطلكت...تردين أنتي هم تطلكين...
شيكولون الناس اثنين بنات مطلكات....
احجاية ماما بأذني مثل صدا بدات تتردد
بأذني اذا أمي هيج منو يساعدني كتلها
-ماما تعبت والله احبه اريدكم اساعدوني اتركه
مدام صارلي سنتين ماعندي أطفال من عنده.
مو دكليلي هيج هل كلام ..عبري النهر مادام ضيك
اي اعبر النهر بس لازم بمساعدتكم بوكفتكم وياي
ماما اترجاج.كلامج يخليني أتمسك بي.بقوه ساعديني
اريد ايدج و

#مشاعر_مبعثره
...نازك الحمراني...
الجزء السابع

صرخت أطلع من عندي مثل الحلم كل يوم افز منه
برغم صارلي اسبوعين..من طلعت من المستشفى
وكتلهم مااريد اشوفه...اكرهه...احجيها بلسان
بس كًلبي ينزف..بحبه
احبه زوجي"وروحي"ودنيتي
هو بيتي المهدم بس يبقى بيتي
بيتي الي حيطانه تنكت تراب..
ترابه يعمي العين...بس يبقى بيتي
اذا أتركت بيتي مكاني الشارع....
فجان مصيري بيتي أرحم الي ..
هذا احساسي واني كاعده أبيت أهلي..واسمع الكلام المسموم
كلام من كل شخص بيت اهلي ..يجوز بس امي..ساكته
برغم صحتي موزينه بس اشتغل بلبيت حتى ارضي الكل
اخبز واني مريضه ..اريد افك من شر ساميه
شر من اختي تقى تحب كمال وتراسله..
ساميه الي هي مثل عمها...بلشر..والحقاره
.........
احبه سامي بس أذيته ألي وصل حدها
اسبوعين... ويوم اثكل من يوم..عشر ايام
يله استعاديت صحتي
اذكر الحظات الي أغمى علي بيها...
وشلون احرروه اطيح من عندي..برغم الحرور
وكفت وبالي أنهزم من عنده...ذلاني..اذاني
هاني بطريقه وحشيه...
من بدت خطواتي تنزل الدرج...جنت لابسه.صايه.سوده
ضبابيه على عيوني بسب النزف
شفته جان هو جوه كاعد اكو مثل الكرويته
مقابيل الدرج من نزلت جاي أوصل..
دخت طحت عل كرويت ..وهو شافني..
شلون دخت شالني وركض بيه للطبيب
ومن فزيت كاعد على كرسي مقابيلي..
هو يبوس ايدي...ويتوسل..
بجيت..جريت أيدي من عنده...أطلع..مااريدك
نهض وعيونه كلها دموع كتله ضجت منك. مااريدك بس....اريدك تطلع مجرم.. مريض
شنو ذنبي وهيج دمرتني
أقترب ونضراته الي تسكت ألساني...وكال
-عصفورتي يابنت ساعتةعصبيه اني حبيبج
يمي مريه عجوز نايمه كالت لا خاله يحبج.زلمتج
ماتركج ابد..هو هذا الزلمه شعبالج..يكسر ويجبر
بي زين وشين.لا بنتي مايجوز تحجين علي
درت وجهي منها...
دخلت الدكتوره..وهي تتلمس أيدي وتنظر للساعه
-لا الحمد الله زينه بس أثار على رقبتج..متعرضه لعتداء
سكتت مااكدر اشتكي علي..زوجي.صعبه
بينا عشره وسالفه ماهان علي اكلها هو
-لا دكتوره وكعت
كالت طرحتي وتعدتي مرحلة الخطر...
ممرض.يمنا طلع أبن عم سامي واكف على راسي
وبدو يعنونون بلفايل..
وزور انو حادث عرضي اسقاطي...مو سبب الضرب
طلعت..كتله اريد أمي...
-لا ليان اريدج اليوم يمي اداريج وتصيرين تمام
واخذج الاهلج..سكتت مابيه حيل اجاوبج
بعدها ركبني السياره...واخذني..للبيت
وهو طول الطريق يكلي احبج أسف..مااوديج لهلج
تردين اتركيني.وصلنا للبيت عمتي تبجي علي
وتحجي عليه وسبه..وصلنا للدرح.شالني..وصعدني الغرفتي...بقى يداريني
وسهران وياي..واني أفكر كيف أخلص منه
اليوم اسقطت طفلي باجر..يموتني..
ثاني يوم صحيت...جنت على السرير فزيت على صوته
كاعد كبالي وهو يغلط كله منها حقير كل...منها
هي خلتني اسوي هيج...نهض يفتر بلغرفه
ضل يضرب بيده بلحايط..حقيره..منار
كعد..للكاع دمرتني هي ..وذيج..خاينات
انقهرت علي لأن يبجي..كومت روحي كوه كعدت
..ارد حاجي
-اشبيك سامي أحجي منو هيه....كلي الخاينه الخاينات
-اي منو احجي ترى اروح الاهلي.. تعبتني وكفني على علتك
على سرك لازم اكو سبب احجي والكلام كوه يطلع مني
بس لازم اعرف نفسي بيمن تورطت لان
كامت تظهر عند سامي شغلات
ماكانت ضاهره من سنتين
اندار علي
-لا حبيبيتي لا تركيني...ولج اسف قسم باالله مااقصد
احبج أنتي ياعصفورتي..نار كلبي ماتخمد
احجيلج الوجع الي يدمي كًلبي
-اي أحجي..راسه بين رجله ومنزل راسه جر حسره.. كلي
جنت طالب بلكليه حبيت طالبه اسمها عذراء
حب قوي..... من بدايه الكليه الحد رابع سنه
حبيتها الحد العشق
جانت دلوعه وحلوه من المنصور..عشقتها عشق قوي
صرت اكره اليوم الي مااشوفها بي..
من المحها واكفه كًلبي يخفق ..وجي يحمر.
بس عرفتها ماديه
غركتها هدايه ذهب افلوس...حتى تحبني
برغم اعرفها مصلحجيه..بس لان احبها
هيج أصرفت على هواها
تخرجنا من الكليه اخطبتها مجرد تلبيس حلقات
لأن تشرط علي ..واني قابل لأن احبها
وبيوم جاي نعقد عقد سيد.جان أسعد يوم بحياتي..
والدي اطا ني محلاته...واني عصبي من زمان تعاركت
وي واحد وانسجنت سنه ونص...واني ابعثلها رسائل
مترد ودز عليها بلكن تجي..مااجت
خرجت من السجن وا اول طلعتي البيتهم
دكيت الباب طلع أخوها كالي اختي انخطبت وزوجت
تعاركت وياه وضربته واني اجر خطوات ثكيله
تركته يعني .... مزوجه ماانتظرتني..
بديت اشرب..اسكر اروح ملاهي
اريد انساها..ماكو
وبيومها طلعت للحديقه وي جماعتي ..والكاها
هي وصديقي بلكليه....مزوجه صديقي..الي كان
شاهد على حبنا...جانت حامل وفرحانه
تركتها بس جمره بكلبي مشتعله...كلبي أذاني
رجعت للبيت كسرت غراض اهلي..وبجيت عليها
مثل اليتيم...حسيت ضاعة من عندي...
لج ليان اول حب هي عشقي..المايموت
.....
حب الأول مثل نبته زغيره...يكبر بلكلب
الى أن يصير شجره...مااينتهي..يكبر يطغي..علي حب
بس يبقى بلعقل ويعشعش ..الحب الحقيقي هو الاول
.........
بيومها قررت انتقم من كل البنات..اصادق ابنيه
ابقى وياها شهر بس احسها تحبني أتركها.
واحس انتصرت على عذراء
اص

#مشاعر_مبعثره
....نازك الحمراني...
الجزء الثامن

مر يومين واني ماطلعت البيت اشوف هل مراه منو
لأن ألتهيت
عمتي مريضه كلش وداريها..ومتحاناتي قربت
ورؤى امتحانات اعداديه عدها أقريها.وساعدها
بس الي عرفته عن المريه
كال سامي أجرنا المشتمل..الي ورى بيتنا
والمراه فقيره..وعدها اربع أطفال..بس اني كًلبي يلعب
سامي رجع بهل فتره إحترام ودلال..وطلعات ونسات
بس أكيد مو وحدنا لازم رؤى وكمال معانا...
تمنيت بوقتها أن نطلع فقط اني وياه..او نسولف وحدنا
أولاده بغرفتي على طول...حتى مااخذت راحتي بلبس
تلث سنوات وياه وي اهله..اعتاديت هل تفاصيل
بيومها خابرتني ساميه..أمي مريضه متخربطه
واني أشكر بيها سهير واكفه ذبت حجايه واني طالعه
بس جنت مستعجله كلش مادرت بال...الها
اخذت كمال بن سامي ورحنا
ماما من مشاكل بابا وخواني..تخربطت
صاير عدها ضغط وسكر اخوي رامي ماخذ راتبها
يريد يشتري موبايل راقي ألزوجته..
وهو مصارله هواي مزوج..
بابا صاير مع رامي ضد ماما
وصلنا للمستشفى...وامي كوه تتنفس
بقيت تحاليل وابر وطولنا وبقينا اني وتقى وكمال
يم ماما وتالي طلعناها...وصلنا للبيت
مددت ماما بغرفتها...اتصل سامي علي وخبرته
اني وكمال طلعنا ناخذ ماما للطبيب لان مريضه وهسه نرجع
طلعت أدور على تقى .. ماكوساميه بغرفتها
رائد بشغل...رامي وزوجته طالعين يفرفرون
بابا بمحله
أذكرت تالي تقى منزلت معاي بقت بسياره يم كمال
طلعت واسمع ضحك تقى وكمال
رحت للطرمه.جان ألكاهم يسولفون
وكمال كامش أيدها...يكلها
-تخرجت من معهد التكنلوجيا مابقى شي واخطبج
بس قنعي أختج...حتى تتكلم مع والدي.. ..هي دكله
-مالك علاقه هسه أقنع الكل مو بس ليان
اني الكعده والمدللهه مو شوي..عند اهلي
صفنت على كلامهم هسه ذول منين طلعولي فوك مشاكلي سويت روحي ..اكح ..حتى يسمعوني
وهنا أبتعدو عن بعض..وتركو أيدهم
اجتني تقى...وجريتها تدخل...وكتلها
-لج شدا صخمين جنت أشك بيكم اسمع أغلس
ليش هيج تورطين روحج..لج اني أتحمل.انتي لا
ذول عائله عجيبه..أبو مجرم بلضرب.لو ماوكفت أهلي ضدي جان أطلكت منه. أبنه اكيد مثله
...أبتعدي منه ياحب ياضيم
لساج أزغيره وميت واحد يتمناج.....تعصبت....وكالت
-سامي يحبج يموت عليج لا تكذبين وتشيعين علي
واني أحب كمال مستحيل أتركه على ركبتي
هو الشهر الجاي يخطبني هاي مكان مساعديني
حاولت اقنعها رفضت..
.طلعت واني قلقه من الي جاي
ركبت السياره..وكتله..
كمال ليش هيج اتوكع اختي..كلي
-باجي والله اختج احبها موت..وترى صارلنا سنتين
اي سنتين نحجي مع بعض وحبيتها..انتي قنعي بابا
باجي ليان انتي مكان ماما..حتى لو نفس العمر اني وياج
-كمال اشتحجي لك خاف مثل والدك وتأذي اختي
-لا والله اني اختلف والدي عنده عقده بسبب الخيانه
اني اختج أول حب الي وانشاء الله الاخير
قنعي بابا لا تنسين..
-مااعرف ياكمال نزلت واني بين قلقه على ماما
بين محتاره بخطوبت تقى وكمال..وقريب نوصل
شفت مريه اسوق سياره..نزلت سهير من عدها
بس هل مريه شكلها مو راحه ابد...بس بوكتها مااهتميت
نزلنا السياره..ودخلنا لكيت سهير واكفه...تظحك..عليه
انداريت عليها اي سهير ظحكينا وياج...كالت
-اظحك على سذاجتج...تشكرين ساميه..هههه ورحتي
لج اني صريحه من كتلج أكرهج...وماانسى بسببج
ضربني زوجي وللموت ماانسى.. بس ساميه
هي سبب زواجج من عمها...وهي تعرف طبعه
-شدكولين سهير كعدت على كرسي..عفيه انتي شنو
قاصه مال أسرار..كل يوم اصدميني بسر...هسه شعندج

-شوفي يا ليان..أني الكل بلكل بلبيت هنا..أجتني ساميه
كالتلي اريد منج خدمه..مادامج تعرفين بسحر
اجيبلج قطعة قماش..وكاويه مال شعر. هديه والمقابل
.بس قنعي عمي
قنعي يخطب حماتي ليان..مستفزه وتحرك الكًلب
وشتردين طلبي..بوكتها راوتني صورتج..كتلها
-هاي زغيره وين تقبل مو بس زغيره لا ناعمه...كالتلي
-معليج اني اقنعها واقنع عمي وعمتي ورائد
عليج انتي قنعي سامي. لان يحترمج
وصدك اخذت صورتج ورغبته بيج.. وهي راحت للكشافه ..سوت عمل الج والاهلج وانتي غبيه حبيتي
وهو للأمانه سامي يحبج...بس العقده الي عنده سبب
هسه هي رتاحت منج...بس ذبتج علي..واني محتاره
شلون انسى زوجي رزاق ضربني بسببج...
-صدك سهير تحجين..انتن شنو من نسوان متخافن الله
خلي بالج شي الله اقوى منج ومن ساميه
وليش تعترفين الي بله فهميني...
-ليش اعترف حتى يحترك كًلبج هل شي يريحني
لأن اشوف سامي يحبج عمتي رؤى كمال..واني
رحت بلبيباي بسببج..
-شوفي سهير حاطه الله وياج وي كلمن يأذيني

-ههه أذيج بعدني حبيبه ممسويه شي...انتظري
-كافي سهير....صعدت الغرفتي..واني افكر
شنو هل ناس الي متخاف الله ..حلم اني علم
هسه عرفت المثل الي يكول(عيش وشوف)
جنت اكول شنو معناه.هسه عرفت
.دخلي سامي
وهو فرحان..ومتكشخ..سئلته وين كنت...
جان دائمآ مبرراته وياه.يقتربلي بغزل كامل
ينسيني الي اريده..عنده اسلوب عجيب
من اكله على شغله يجيبها...يذلل كلشي صعب بأسلوبه
حاولت اتلافه اتجادل وياه لأن مرتاحه وياه
بس الي قلقني هل فتره كعداته وي ساميه واخو
ما

#مشاعر_مبعثره
..نازك الحمراني...
الجزء العاشر

من فتحت الكامره وشغلت الفيديو ....
شفت مقاطع أكدر أوصفهن بلحقاره...
سامي هو وصبا.. بمكان بي زرع وفارشين سفرة أكل..
وصور هواي بيها تحظنه...وصور تبوسه
وصور نايم بحظنها
بقيت اكلب بيهن صوره احقر من صوره....
وصلت المقطع الفيديو..يكلها حبيبتي ...اوكفي
خل أثبت الكامره وكفها ورجع كعد يم صبا.وهي
تتلمس رجل وزروره. وتمشي ايدها مقاطع.....؟
ضل جسمي ينفض...أرجف مااعرف هيج شي
شنو الي أسوي ..واني الي تلث اسنين تمنين نطلع وحدنا
نطلع طلعه خاصه اني وياه..جانت كل الطلعات اني ولده
مره توسلت بيه نطلع طلعه خاص عاركني ويكلي اولادي اهم
هسه وحده.....كح.....ابكان شاعري
اريد احجي..رجفت جسمي تسمر
كًلبي خفك..اخذت الكامره..ونزلت راوية المقاطع
العمتي..وهي ضلت تولول وتبجي..وتصيح
هذا ابن نطفت حرام أي يا يمه...ابو وصلي..اخر يوم علي
واني. عليه الحيض عبالي نظفت ..طلع نكس..بنكاسة الحيض
ضلت تضرب..بزرورها..وتحجي..ياربي.هدايه.
رحمه..الكلب هلولد..كل مايكبر..يتراهق..ابنه بطوله
كعدت على باية الدرج...وايدي بحلكي ارجف..
اريد اكرض أضافيري...اريد أنتفض النفسي
.......
حسيت مثل واحد مضروب على راسه.
ويريدله تجايه......ماكو
لا اخو الي يوكف يسندني.
لا أم......لا أب. ماأريد أهل يسندوني..!!؟.أيست منهم
اريد حايط أنتجي علي....بس حايط
المخنوك يريد هوه بس..اني بلحظتها..ماردت هوه
ردت حفره وتلم جسمي.. اي الموت ردته
وحتى الموت ماصح الي...
..........
كمت على حيلي.ورحت البيت صبا دفعت الباب
دخلت عليها والنار شابه بجسمي...كتلها
-حقيره ولج بناتج ابطولي.. موعيب عليج
هاي بدال متفكرين بيهن بتربيتهن..ضاله تتمعشكين
ولج اوشالت زلم أثنين انتي .. وسامي وشالت عشر نسوان
والكم واحد احقر من الثاني...
يا....ك.....؟....يا...س....؟.ضليت اغلط عليها....ردت علي
-هو دواج سامي الا اخابره.وخلي يصرف وياج
رنت عليه وبدت تحجي ودكله تعال الها هدتةعلي
.تقربتلها تفلت بوجهه..طلعت..
رجعت..كعدت يم عمتي...وهي بيدها السبحه.تستغفر
كعدتني يمها...تقراء على راسي..بلكن اهداء
بنته حلت من دوامها شافتني..اجت علي..
وبيدي الكامره..جرتها وشافت الصوركعدت تبجي..كالت

-مو كتلج بيبي رح تعرف أول وتالي..بابا سواها
عفيه باجي ليان لا ترحين هو هذا بابا بس يحبج
والله لأن لو ميحبج جان خطبها ليش.يلتقي بيها سر

كمت واليأس ماخذني مااعرف لشوكت أبقى هيج
صعدت الغرفتي.. اباوع الوجي بلمرايه...وحلكي
لسى أثر الشك مال بوكسي رامي..صاير اسود
مختفي بس الأثر باقي..يعني ارجع لهلي
المسبة رامي وزوجته..وطلايب ماما وبابا
لو أبقى يم سامي المجرم الخاين...
لا اتحمل أهلي اكدر بس مااتحمل خيانه ..بديت اتلمس بطني
وألي بطني شنو ذنبه..ان جان ولد أوبنيه...
جنت منتظره احمل يوم يوم ..شهر شهر..سنه سنه
تالي كرهت حتى حملي..ضربت روحي وجهي
وابجي سمعت صوته جاي..فتح الباب بعصبيه
واني بقيت واكفه.. دخل ويحاسبني ويغلط...ويكول
-لج حقيره ليش ترحيلها وتعاركيها..مو عيب
وليش تفتشين بغراضي..انتي مال اهاين وغلط
ياحقيره...اتسوين مشاكل..لأن غرتي من اختج اخذت شاب وزغير اعرف..بيج
-ضليت صافنه الكلامه. كلبي خفق بقوه
فوك خيانته يرتكب
فوك خيانته يغلط..شكد وقح.....يريد يكًلب السالفه علي
-ولك انت تريد ضيعها يا احقر ماشافت عيني
.....
ولك انطيتك..روحي..وكتلتها
نطيتك كًلبي..وطعنته
نطيتك جسمي..خنته
نطيتك كل لحظه حلوه بحياتي
لك حركت كًلبي ...الله يحركك
.....
اتقرب علي.ضربني راشدي طحت..للكاع..طلعت صرخه
صرخه بكًلبي محصوره...من سنين ..حقير خاين..
بدا يدفع بيه برجله..ولج دكولين حقير..الا أندمج.
جر شعري..ويضرب.بيه..واني ادفعه.
-الا اندمج مره انتي ادكلولين حقير..مو سامي الحقير أنتي
شوفي..برجلي اطلعج..مو بيدي..ضل يرفس بيه برجله
هل مره عندت وياه اريد اقوى منه اصير

بقيت للكاع وهو برجل وحده يدفع بيه بره الغرفه
لان ناعمه كلش كدامه..نزلت الدرج ردت اشرد منه
طلكني اكرهك مااريدك..كضتني عمتي تتوسل
ورؤى بنته..أبقى.باجي
.جريت عباية عمتي..
جانت عل كرويته..رايحه لهلي واريدك طلكني..
حلكي يجري دم..راسي الملش تأذيت بس ماحسيت
بوجع جسمي كد روحي وكلبي
نزل يركضلي..لا طلعين ليان احبج والله..لا تركيني
جرني يحضني الصدره بديت اضربه بصدره وابجي
وهو يهدئني يمسح على راسي..
-اششس حبيبتي اششش عصفورتي...لج احبج
بس شسويلها هي حقيره..باس كصتي..
صعدنا للغرفه...رتب الغرفه لان صارت هوسه
من يضرب بيه..هوسها..وطشر الغراض.حاول يقنعني
اتمدد على الجربايه....وجرني الصدره..وبقيت ابجي
وبقى يمسد الشعري...ويتغزل الحد ماسكت
وحسيته نام...كمت على كيفي...وشردت الاهلي
دخلت الاهلي..شافتني أمي..شلون مدمايه..
حضنتني وبجت..علي...والدي..شافني انقهرو
كتلهم ارجوكم اعتبروني مو بنتكم اعتبروني دخيله
مااريد ارجعله..تعبت والله ليش هيج تركوني
وكل مره ارجع انتم اهلي لولا حتى اذا مو اهلي
اطلع اد

#مشاعر_مبعثره
..نازك الحمراني
الجزء الثالث عشر..

قريت الرساله جانت من رؤى بنته أدكل الوالدها
اجوي الخطابه تعال حتى نحدد الموعد
..بس عمتي أدكول
لا تخبر باجي ليان ختولي مااريدها تجي البيتي
ولا اريدها تحضر بخطبت رؤى ....
بقيت صافنه على الرساله
يعني أثمن سنوات وياها كبرت وشبت على أيدي
داريتها وتعبت عليها عود من الكاع متشيل
مجرد تركتنا هل سنه نست تعبي ودلالي ألها
حتى ماتحجي ودكلي
ماادري أنقهر على نفسي على عمري الي راح
شنو من بشر ميغزر بيهم التعب
هي واخوها وابوها اعتنيت بيهم على حسابي
اي على حساب نفسي نسيت نفسي لأجلهم
تالي خطبه تريدها سر ...مالكيت دموع بعيني
كلشي بجسمي وبكلبي وكف ما ماعاد اكو مشاعر
ولا أحساس...ضليت كاعده ودي اخابرها ارزلها سكتت...
لأن سامي ملتهي بضيمه وفراك أبنه الي اخذ حيله
بقيت الوب بروحي هو بوراي اخذ الفون
كعد يقراء الرساله فرحان ويخابرها
من يشوفني اريد اسمع المكالمه .يطلع
مر الأسبوع هو مغلس.... ميخبرني.
كل ضنه ماادري مدري يغلس يحرك كلبي
.وبنفس الوقت يخابر بأبنه يريده يرجع البيتنا
وكمال رافض يرجع يكله أعاقبكم ...؟
لأن حرمتوني من حبيبتي
اليوم موعد خطبت رؤى حتى ماعزمتني..
ولا دزت مسج برغم رقمي عدها...
فاتت الايام وسامي وعصبيته وستفزازه
وشربه..وسكره.ماتغير..يشرب ويخابر ابنه يبجي
يكله أمك خانتني جرحتني وانت عدها كاعد
رجلها غراك بفلوسه ولك اني ابوك اخطبلك اي وحده
بس تعال انت ريحة الغاليه...ريحة الخاينه..
هل كلام كل يوم بليل يصرع راسي..بيه
واني يم اطفالي..هجرته وكرهته..كرهت كلشي بيه
مابقى أي حب بداخلي أله..
بيومها اجتني رساله على الفايبر..من رؤى
باجي ليان اليوم عرسي تجين...؟؟
مااعرف من قريت الرساله فرحت...ضجت
بس الي عرفت اكو فضول فطري تملكني
أشوفها شلون طالعه حلوه ولا لا
قررت أروح لأن اني هم ربيتها...وتعبت..عليها
أجيت السامي كتله أروح..للخطبه. فرح كتله سولف
شلون صار شلون عرفته.. كال
-طالب وياها بلكليه..وناس واصلين.وهو الولد
الوحيد الأمه واثنين خوات مزوجات ..خطبها مني
من جنت أروح البيت سوزان..وبلا مااطي رئيي
رؤى جانت موافقه.. بس لا زعلين لان مدزو عليج
بلخطوبه بوكتها جنت متعارك وياج..
عيرتج بخواتج كتلج يزوجن ويطلكن بكيفهن
انتي غلطتي بحق بنتي واختي وكلتي
روح البنتك ام العدسات والضيك واختك وبناتها
امها التاتو والبناطيل اني من عصبيتي عليج
خبرت اختي سوزان وا رؤى فحقدآ عليج...شنو رئيج
-شوف سامي وياك من عشت الحد هل لحظه
وسكرك وعركك وصاحباتك مااتعجب بأي شي
يجي منك ولا أبأي موقف سوي..لان الخسه
ريحتها فاحت منك....بقى صافن على كلامي
اجى يتعصب ويضربني...
-شوف سامي مالك حق بعد تضربني لأن الطلاق
شي بقى يمشي بعقلي فلا تختبرني....كلي
-فرحان بزواج بنتي من هل قسمه الحلوه
ومدام اني فرحان رح احاول اسوي نفسي مسامع
كلامج ولا مهتملج..
.يله بدلي الاطفال
وانتي احلى لبس لبسي وأ تكشخي..
-رحت الغرفتي أبدل واني محتاره من ردت فعله
بديت اوكف بوجهه حسيته شافني قويه خاف
لبست بنطلون جينز أسود وقميص طويل
وحليت شعري على طوله وسرحته.
شعري كلش طويل خليت مكياج بسيط
بدلت الابني والبنتي.لبست عبايتي
.ركبت بسياره..واني مستعده الأي ردت فعل
رح تجيني لان سوزان قاسيه بقساوة سامي
ويجوز اسوي شي موقف وياي..ناقص
سامي مشغل اغاني وفرحان بزواج بنته
هو الي مصبرني عليه أب مثالي وحنين
بس وياي هيج ..خسيس درت وجهي لجام مال سياره
أفكر الكل حقد علي بسببه اهله اهلي
بسب يوصل كلام عني ويرتكب كرهت كلشي بي
كرهته بكد ماحبيته.
. بس هسه اطفالي كسروني
وكف السياره وصلنا للقاعه... دخلت.جيت اخذ بنتي
كلي لا شهد وملوك بقيهم يمي واني رايح
تالي ارجعلج هسه اخذي راحتج....
تمشيت وبدخلتي نزعت العبايه جنا فقط نسوان
بقيت اباوع للوجوه والترتيب.مال قاعه
شون حلو وانيق شفت سهير ام السحوره تخوف صايره فوك سمنها المرعب سمن اكثر
سمنانه كلش صايره مثل نعمان بأفتح ياسمسم..
.وتتمضحك شافتني برشاقتي وشعري
بقت مدهوشه..وصافنه ...تعديتها
شفت سوزان اخت سامي..قويت روحي
ودنكت اسلم عليها دفعتني..كالت
بعدي من يمي مااريد سلامج تحجين علي وعلى بنتي
وتجين هنا لج زوجج كلشي تكلم عنج
..بسببج جاب بنته عندي يخاف من شرج.
.وبسببج ابنه تركه
شنو أنتي سوسة بلاء...كتلها
-لا صدقين أي كلام من طرف واحد لازم تسمعين الطرفين
مو اني اطرد الناس علعموم.العلي سويته.
جيت أكعد يمها جرت الكرسي خلته قريب عليها
كالت محجوز الوحده غاليه على كلبي
تالي دخلت رؤى بدلتها طلعت حلوه بس الصدمه
بدخلتها مريه بنص الأربعين لابس ارقى شي
وذهب ماليها حتى قبعه بسناسل ذهب
راقبتها شكلها.. هاي منار زوجة سامي ..؟؟
شجابها شعزمها ضليت اتفحص الوجوه
سهير وسوزان يتمظحكن وياها وفرحانات
كعدت وي صفحت اهل العريس..مثل الغريبه
يظحكن صوتهن عالي بسوالف والظحك..ينظرلي
نهضت بعد مثلت القوه زايد..رحت الرؤى
سلمت عليها باوستها وجهه ثكيل اثكل من عمتها
حسيت وج

#مشاعر_مبعثره
الجزء الأخير
....نازك الحمراني..
حسيت أنو جرحت كيلان أتصل اراسل ميرد عليه
ردت إخبره عن خطيبته..لأن بلحظتها ضعفت وجرحته
بس بوكتها كثرت ألرسائل التهديد الي..أنو أتركه
وحده أدكلي أني أخت جيلي...أتركي
واحد يكلي اني والد كيلان ....أتركي
جانت رسالة والده تهديد..ورفض ألي
كلي أنتي مسلمه أحنا ملحدين كلنا...
بتالي تنجبرين تصيرين ملحده..أوتصير مشاكل كبيره
وأطفالج يربون ملحدين مثلنا ...أبتعدي من البدايه
لأن ممرغوب بيج بينا وبمجتنعنا الملحد..
كل رساله تجي تبينلي أني ممخطأه من تركته
بس كل لحظه أشتاقيت الكيلان والكلامه المكسر
الي أبد ماسامعه مثله..كلامه جان كله قوه الي
كل حرف يحجي أطاني دعم..أنو أقاتل لأجل نفسي
أنو انتصر على جرح أجاني..لكن بوجوده
وهسه هو مموجود يجوز خسرته..ويجوز الحظ
ويجوز جان ديني أهم شي بلحظته
.ماكنت أحط نفسي بأختبار ديني..
كرهة سامي لأن تعدى حدود الله...فكيف الي ينكر..الله
.......
ضغط النفسي بسب كيلان وبلحظتها
مشاكلي بلبيت كثرت وزادت...كل يوم عركه اصير
والدي يضرب أطفالي..رامي واطفاله يضربون
صرت تحت هل ضغط..بيومها تواجهت وي رامي..كتله
-لهنا وكافي مااسمحلك تضرب أطفالي
أني مااكد أسمح الروحي أغلط على أطفالك لأن احبهم
أي أحبهم على حبك...بس أنت لا ليش خويه
تذكر قبل لا تزوج من جنا أخوان نظحك سوه
نشاقه نكعد على صينيه وحده..نركض بلشارع سوه
طفولتنا اذكرها الى ان كبرنا شلون جنا حلوين
ليش خويه من زوجة لهسه صرت تكرهني
ليش من اطلكت صرت عدوتك...زوجته واكفه......كالت
-لج اتقصديني اشو متستحين موزين متحملينج
ومتحكلين جهال العركجي..ابني ركض يبجي
دخل والدي...على صياحنا ...كال
-اي والله جهالج دوخونا بويه واني كبرت
ماكو واحد يحمل البزر غير الأهل. موتونا جهالج
الله يموتهم ويخلصنا منهم ..
دخلت للغرفه كعدت على سجادتي أبجي..ردت فرج
أذا أشرد وين أروح أفلوس تعيين ماكو
من أطلكت من سامي جنت متعصبه أتنازلت عن النفقه
في سبيل بس أخلص جان ابالي عندي شهاده واتعين
أدمرت من فساد سامي..هسه فساد الحكومه.هم دمرني
كلشي انسد بوجهي..بيومها أدمن الكروب نزلت منشور
أطالب بلباغ عن صفحه تسرق الرجال..جانت صفحتي
أول دقيقه من نشر صفحتي. لبست عباتي
رحت للمحل مال مبايلات يمنا خليته يحذف صفحتي
حذفها نهائيآ رجعت للبيت وسويت صفحه جديده
فتحت ودخلت للكروب وافقو شفت المنشور
والكل كاتب تم التبليغ..ونزلو شكر للأعضاء
واني أظحك ميدرون أني حذفتها.
.أسبوع كيلان يله ضهر
وجان ينشر كيلان ضد الحب ضد المرض قد عدت
من خلال التعليقات..عرفت أنو جان يسهر بلبارات
وبسبب الشرب المكثف راكب دراجته ومسوي حادث
لمت نفسي حسيت أنو أني السبب.
.تمنيت أتكلم معاه
بس لا كافي البيه مكفيني..طلعت أسوي أكل لأطفالي
واسمعت أبوي ورامي يتكلمون جايبلي عريس
أزوج واذب أطفالي على سامي..
رحت الأمي وسولفت ألها..
دخل رامي وهو سمعني
غلط علي وتجادل وي امي أتعصب وضل يضرب بيه
واجى أبني دافعلي وضربه..كلي..تقبلين بلقسمه وتفكينا
تعبت منج من اطفالج
ماما تخربطت أخذتها للمضمد
ظغطها صاعد.. اطاها أبره ..
ورجعنا والدي يحملني مرض ماما
ضل يتكلم ويغلط علي..كلشي صار ضدي
ثاني يوم الصبح..طلعت اخذ شهد للمدرسه
ولازم أعبر الشارع فاتت سياره راقيه وعاليه..
وبيها ولد كاشخ بقيت صافنه..هذا كمال
أبن سامي صاير أحوال..حتى ماعبرني
وصلت للمدرسه..لكيت حماي رزاق منتظرني بسيارته
غلست مااريد احجي وياه..بس صاح الابني
وبوسه وركضت ملوك عليه شالها ويبوس بيه
بقيت اباوعله أشصار لو اخوي هيج حنين..
هو غير الخال حنين اني العكس ..
بيت سامي كلهم يحبون الاطفال..تقربت منه.. كلي
-ام شهد خويه جايج وترجاج متفشليني
سامي مريض كلش ......ماوكفنا على علته..
البارحه دخلت البيته صاير هوسه...
وهو لحيته وبس نايم كوه اخذته للطبيب
كال حاله نفسيه..والعمر بدا بيه يمشي
خويه أرجعيله وهو حلفلي أنتي يتغير
اني كل مره من زعلين ماارجعج بس هسه لا
الاجل اخوي لان وحده أبنه تركه بنته تركته
.زوجتها الي أزوجها طلكها
يريدج بس أنتي..
قنعي يروح للطبيب..لان بس يقيء
كليله ارجعلك حتى لو كذب ..كتله
-واني حسيت صاير شي لان صارله اكثر من شهر ماكو
ركبت السياره ورحت وي رزاق..البيت سامي
دخلت البيت ريحته تخنك وشفت سامي مدد عل قنفه
نفسه كوه يجره...
برغم البرد ملابس شي يستره
بس بنطلون كابوي كعدت أكباله بجيت عليه
هذا البشر شما يطغى المرض يوكعه ويذله
شهد وملوك حضنو ويبجون عليه هو شافهم
بجى بصوت عالي ....يثخب مشتاقلهم
وهو حاضنهم أنقهرت عليه
مهما يكون عشرت عمر اجى يمد أيده يحظني
بعدها تخربط وطاح رزاق ركض جابله ملابس
بدله واخذنا للطبيب..
تحاليل وفحص كال سوء تغذيه وفقر دم
يرادله أكل خاص أعتناء ليش هيج..
عباله أني بنته حجى عليه كلي
-انتي بنته من تزوجن تنسن أهلجن مدكولن
الاهل ربو.. وتعبو.. وسهر قلاها كل اسبوع امر....
اشوي وطلعنا رجعنا للبيت نظفت البيت ورتبته
رزاق حماي اسوك..البيت