#قًصّة_مٌطِلُقًهہ

#بارت7

كاتبة زيليش



زمرد

نزل عمي مني وكل شوية واحد يجي يسئل علية حتى قيس اجه هو وميس جايبين حلويات وكعدوا يمي ياكلون واني ندمجت وياهم لان يسولفون ويحششون وميدو هم اجه بقوا وياي لحد المغرب كلهم راحوا يصلون واني هم كمت اصلي ونزلنه نسوي عشا رجعت صعدت وهيثم صارت فوك الوحده وهو ماكو نمت وكعدت ب٣ بليل وهو هم ماكو نزلت ع كيف بقيت الوب خاف صار علية شي بس قيس بعشا دك علية كله تجي تتعشا كله لا اني ويه جماعتي راح ابقه لايضل بالكم بس مو لهيج وقت شويه ودخل باوع يطوطح دخل

زمرد. بكلبي شو هذا يمشي مثل سكران ودكيت ع وجهي صخام سكران يمه بس لاعمي يكعد غير يتخب مايقبل ع جكاير نوب سكران رحت فتحتله الباب ودخلته وكله اااشششششش لاعمي يكعد وهو هم مايحجي بس يتموع تموع صعدته ع الدرج وكل شويه يعوفني ويكعد ع البايات مال الدرجه بلكوه صعدنه اريد ادخله للغرفه وهو بابا الغرفه كام يتقيئ واني شفت واحد يتقئ واني دفعت عني ورحت للحمام وتقيئ لعبت نفسي نوب من تقيئ صارت ريحه دخلت كله بخشمي غسلت ورجعتله لكيت كاعد بالكاع ويتقئ نوب صوته مسموع اكوم بيه ماريد احد يحس بس هو شثكله ماحس اله نفتح بابا غرفه قيس باوع بستغراب ع هيثم

قيس. هذا ليش يتقئ

زمرد. بقهر الاستاذ سكران

قيس. تخبل بس صوته ناصي ميريد احد يسمعه كومه ملخ ملابسه علية دخله سبحه طلع وهيثم بعده دايخ لان اول مرة يشرب دخله للغرفه بس دخلنه سد الباب وصفكه راشدي معدلة خله يفتر بالغرفه وعيونه كله عصبيه حسيته هو جبير وهيثم الصغير هيثم صح وعاط علية شلون يضربه

قيس. وزقنبوت نصي صوتك والقران اذا ابويه عرف شارب والله ينجلط الله يطيح حضك

هيثم. اكل تبن اني اكبر منك

قيس. امداك وامده كبارتك جاي تطوطح بنص الليل تركه وطلع قبل مايطلع باوعلي بحزن شلون مقهور عليه
اني عفته وطلعت انضف بالحمام والكاع لان دمرت كله ورحت سبحت رجعت لكيته نايم

خليت راسي ع مخده وكول خرب حضي هذا حضي سكير بس لو عرف وين حضي مشمور
ودموعي كامت تصب رجال مجاي احس يمه بأمان عايشه بقلق نايمه بصفه ومبتعده عنه مسافه كلت خلي اعرف شنو حكم سكران ردت اعرف معلموات عن هذا شي طلعت بموبايلي واقره عرفت انو الي ينام سكران ينام وياه الشطان يعني يصير زوجه الشيطان ولازم من يكعد صبح يسبح سبح الجنابة تخبلت يعني شنو ياربي طلعت اكثر من موقع وطلع خذا الحجي صح وكومه شغلات وامراض وعقاب الله اله وكف شعر راسي احجي ويه نفسي يعني هسة جاي شيطان ينام وياه تخبلت كمت من جربايه ردت اكعده بس خفت خاف يعيط عليه رحت اركض اتوضه وطلعت قران بالغرف حتى شيطان يترك الغرفه وكمت اصلي وادعي واقراة قران بقيت كاعده للصبح صليت صلاة صبح وصليت لابابا وابجي وكله ليش عفتني شكد جت اتعب لان اشيله ومرات اجي تعبانه ولكاه مصخ نفسه بس مثل العسل عندي اصلان مافديوم كلت تعبانه اوتململت بس يكلي اروح اركض نمت بالكاع وحتى ماكدرت انزع حجاب الصلاه غفيت بيه وبدون مخده للصبح احس واحد كاعد يلعب بوجهي يمشي اصابيعه ع خدي كعدت باوعت لكيته هيثم يباوع ع

#الانتحار

#بارت7


وتين ..الصدمة هدت الكون كدام امي شهكت وكامت ادك وتلطم وتعيط

انته مو كلت مريض ليش جذبت لييييييييييش وكامت تلطم وتملخ بوجها وبابا يهدي بيها مافوتها للبيت الا وهيه مشككه ملابسها ..

تلكتها بيبي من صياحها امي ركضت مو كلتولي مريض ليش شبي ليشششش وينه

جيبووووو ولكم هذا ابوية الغالي اريده وينه خلي اشوفه ماشبعت منه

كامت تلطم هيه وامها وبيبي كالتها يمه مات حرك انوب درت ميت هيج اتهسرت اكثر

واغمى عليها وبابا كام يصيح ويرزل بيبي شلون تكوليلها مات هيج مو حامل تريدين تموتيها شالها وركض بيها للمستشفى ..

ومن فاقت هم انهارت الا مهدأ يلا نامت رجعها بابا بالليل لبيت بيبي وصا بيبي عليها

طارق ...بنتج حامل وهذول احفادج اذا كعدت لتزوديها عليها ترى بالكوه متحمل تنهار مره ثانيه

بيبي تبجي وتطلم ماشفتي لو شايفته ماتعرفي كعدت سناء ثاني يوم

سناء ...كعدت مثل المامصدكه هذا وينه عمود البيت شو عبالك بخرابه اني مو ابيت

جنت ابجي بس دموع تنزل وتعبانه احس ماعندي طاقه بجسمي جا طارق حضني كلي ليش نازله

كتله طارق موكتلي مريض هاااا ليش جذبت عليه واضرب بي

والله بعد ما اثق بيك ليش هيج شلون انته تكول مريض وماما تكول مات حرق شنو شصار اريد بابا اريد اشوفه

طارق ...انتي اهدي واوديج لكبره مو زين على الطفل تريدين تموتي هو هم خطيه شنو ذنبه لا اكل تاكلين لاشرب تشربين تعالي ..

وسحبتها للمطبخ تعالي اكلي لكمه واوديج تزوري بالكوه قنعتها لخاطر الطفل هديتها

يومين مر ع الفاتحه احنا حضرنا منها بس يوم واحد وكتلهم ماخليكم تخلوها ٣ ايام غير تموت سناء وابنها ..

قفلت الفاتحه على يومين بس وفرغت البيت عطت بيهم شنو مسويها مناحه

الميت تحل علي قراءة القران مو اللطم والنوح والله فرغت البيت وكعدت اهتم بسناء

حتى ماكدرت ارجع واني من شفت وضعها خابرت على مدير المدرسه وشرحتله خطيه تفهم وكال عادي اذا مكدرت اخذ اجازه اسبوع اني ادرس بمكانك ..

خلصت الفاتحه هسه دنحل مشكلة عمتي شلون خو ما تبقى بغداد بهالبيت وحدها

كتلها كومي لمي ملابسج وتعالي عيشي يمنه صح اعرف راح تسويلي مشاكل بس ميصير اتركها وحدها مقبلت ..

بس قنعتها اني وبنتها سناء هم توسلت بيها تجي تكعد يمها كالت والبيت اشترى بدم كلبه

كتلها لتخافين ااجره الج ويجيج الصافي عاد قبلت بعد الف ويلاااه ..

ورابع يوم من وفات عمي من الصبح طلعنا لتيوان الطريق جان ٦ ساعات لان تيوان ابعد من حديثه وصلنا ..

عمتي فاتت انبهرت بلبيت اشلون الاثاث والحديقه مرتبيها احنا عجبها فتحنالها غرفه ورتبناها الها ومشت الحياة ويه عمتي ومرتي

ومرت الايام

وتين ..الا ان وصلت امي بشهرها طبعا تاذت كثير وبطنها اتنفخت حيل

وجانت امي شاكه بيها توأم لان وراثه عدنا بس مجان اكو الاجهزه المتطوره هسه

بس على فحص الدايه نمشي والدكتوره هم كل شهر بابا اوديها بيوم ساعه ٣ الفجر ١٠/١١/١٩٩٤ جاها طلق الولاده ..

طارق ..يبووووو هسه لازم اوديها للمشفى ومن وين اجيب سياره منطقتنا مابيها غرفه ولاده

ركض لبست ودكيت الباب على بيت جيرانا كتلهم مرتي تولد خطيه الرجال مسيحي جان

كال من تحتاج سياره بس دك الباب كال ادلل البس واجيك ..

اني ع السريع فتت امها كعدت على صوتها شفتها جانت تبدللها لبست الربطه والجنطه مال الولاده محضرتها ركبنا وطلعنا لمستشفى القائم اقرب شي جانت بعد ساعه عنه ..

وصلنا فتت بيها ع السريع تلكانه واحد صيدلي خيرك اخويه كتله ولاده عدنا

كال لحظه جابلها كرسي وجو الدكتورات اخذوها اني انتظرها بالممر وامها وياها

بس اسمع صوت صراخها كلبي جان يتشكك من اسمعها تصيح نعلت ساعه الردت بيها اطفال

كلت خلص هاليجيني بعد ماريد شكد ما صوتها جان يموتني

وراها ب ٣ ساعات وكفه وحركت اعصاب وهيه هم تعبت ..

طلعت الممرضه وشايله الطفل كالت مبروك التوأم بنوتات يخبلون

اني نصدمت شنو شكلتي توأم لعد الثانيه وين كالت الجبيره عند امها وهاي ثاني وحده يعني نعتبرها الصغيره فارق بيناتهم نص ساعه ..

اني اخذتها طلعت الفلوس البجيبي ونطيتها الها وفرحان ممصدك الله عوضني عن الراح

احمد الله واشكرو الف مرة جنت ابجي واضحك كل ملامح السعاده جتني بهذيج اللحظه ..

كتلها اكدر افوت كالت لا راح نطلعها لغرفه خاصه وشوفها هناك لان هاي صاله ولاده مشتركه

ورا ربع ساعه طلعوها شفتها لازمه الطفله ومخليتها على صدرها ومن شافتني ضحكت ..

سناء ..هاي بنتي وهذيج بنتك هاي اني اسميها لان اول وحده طلعت كبل رف كلبي الها ..

طارق ..ثنيناتهم بناتج لتزوغلين ..

سناء ..اي اعرف ..

طارق ..فوتوها للغرفه اخذت الطفله منها جانت اكو وحمه على ايدها والثانيه لا ماعدها

خليتهم يم جدتهم واني ممصدك عاد نامت سناء لان تعبت ..

رحت لدكتورة الاطفال جبتها فحصتهم كالت مابيهم شي فرحت

ثاني يوم الظهر طلعتها من المستشفى لان ولادتها الحمدلله طبيعيه وماعدها خياط او جرح