#للقدر_رئي_اخر

#البارت11

مساء الخير💚🌹


اجروح بيه مشت😔✋

واجروح لزمت سره❌

بس انه اعجبك تره🔙

شايل خلك مكبره💔🚶 ✋✋✋

فهد::كنت طفل عايش بين امي وابوي اعمامي وجدي
جنت مغرور لان الجبير بين ولد عمي وجدي يحبني وياخذني وياه وين ميروح عمري8سنوات واني الوحيد الاهلي ماعندي لا اخو ولا اخت
الكل يحسدني ع حياتي
بس بنفس الوقت عصبي وع الرغم من صغر عمري الكل يهابني
درسنا اني ولد عمي ياويله اليحجي وياهم كلمه
بدون تفاهم اجي اكتله المهم عندي محد يحاجيهم
مجنت افهم العلاقه الزوجيه ابين امي وابوي

اشوفهم دائمآ يتعاركون وابوي يضرب امي كدامي
جنت اسكت واني اشوفها تنضرب مره ومرتين بعدها ماتحملت دفعت ابوي من امي بوقتها ضربني وجواني حتى
مادخل بينهم فاتت فتره ورجعت هوسة اهلي
جانت الدنيا العصر مرة عمي اسعد شاعله التنور
ويمه دبة النفط التنور ناره موجره وعالي
جنه نلعب اني وحسين وعباس

قريب ع التنور طلعت امي تصرخ من البيت وابوي وراها
جانت تصرخ ودكله والله احرك روحي تزوج عليه والله احرك روحي ابوي كالها كونج مره وكد كلمتج احركي روحج...حجاها
وعافاها ودخل للبيت مامهتم الحجيها اجت امي تركض
سحبت دبة النفط ورشتها ع روحها وركضت ع التنور اول موصلت يم التنور شتعلت
اني ع نفس وكفتي مصدوم ومامصدك امي تحترك كدامي ابوي اجه يركض وع اصريخها الكل طلع وحتى الجوارين التمو

محد كدر يوصللها لان جانت مشتعله وتركض منا ومنا توصل يمي وتوخر يمكن جانت تريدني اطفيها بس مجنت مستوعب اباوع امي طفوها منتهيه عباره عن قطعه
سوده وابوي حاضنها ويبجي

ماكدر اتحرك من مكاني بوقتها حسيت جسمي ميت وماتنفس انتبهلي عمي خالد واجه يهزني من جتافي

اني عيني ع امي والصريخ الصار والناس اللتمت
حسيت ع الصار من عمي ضربني راشدي

ورود::يحجي ودموعه تنزل عشره عشره اني ابجي وياه حسيته ختنك حيل خليت ايدي ع حلكه وحضنته

.....اششش دموعي تنزل ع صدره اااووف والله ممتوقعه انته متحمل هجي عذاب

شون كدر الله يعينك....الله يرحمها اسفه ذكرتك

فهد::تدرين شكد صعب امك كدامك مشتعله نار وتركض منا ومنا توصل يمك وترجع خاف تلهبك نار
تدرين شكد صعب اشوف امي عباره عن قطعه سوده
تدرين شكد صعب واني اشوف النار مشتعله بيها وعيونها عليه

ورود::يبجي ويشهك بحركه احس كلبي دكطع ....
شكد حامل هموم الله يعينك بيني وبين نفسي حمدت ربي وشكرته اني اشايفه من هموم واتذمر

مسحت ادموعه بايدي كال كومي وكف واني وكفت يمه سحبني من ايدي ومشه باتجاه الباب الردت ادخله

فتح الباب ونصدمة مترووسه لوحات كلهن النفس المره
وكلهن باطراف كل لوحه رسم نار بزاويه كومدي صغير

افتريت اباوع ع الوحات من بينهن لوحه عباره عن شخص محترك وطفل مسافه عنه ويا كل لوحه كم هائل من الحزن ويا كل لوحه احس كلبي ينمرد

اخر لوحه جانت طفل مبتسم ويمه امه ...رفعت عيني باوعتله وركضت حضنته واشهك

يعينك الله مستحيل اكدر اقيس الوجع الشافه
حسيت بكل وجعه من خلال رسم الوحات
..سحبني من ايدي باتجاه
الكومدي الصغير فتحه وطلع

شال وعبايه ودشداشه كحل ومشبك خشب وبعد غراض وملابس مسفطات كال

فهد::هذني ملابس امي مانام اذا ماجي اشم عطرها بيهم ع الرغم صارلهم سنين

بس من اشمهن احس شام امي احس كاعد بحضنها

ورود اني تعبان كابوس امي ميرضى يعوفني
كل يوم احلم بنفس الموقف كل يوم احلم بنار وجهه امي وهووه يحترك

احسها ماراضيه عني لان مطفيتها جنت اقرب شخص الها بس ماحاولت اطفيها

ورود::لزمة ايده بايد والايد الثانيه سحبت رداني باصابيعي ومسحت دموعه ....لاتحجي هجي

انته جنت طفل والموقف صعب عليك ودتحلم بيه لان
متحاول تنساه دتذكره كل يوم وهلشي غلط دتاذي نفسك هجي
امك مترتاح اذا شوفك متأذي

فهد::تدرين صار شكد مباجي من يوم فاتحت امي
عمري8سنوات ولهسه منازله دمعتي تدرين انتي اول بشر يشوفني ابجي انتي اول بشر يدخل لهاي الغرفه ويشوف لوحاتي

ورود::بستغراب》لوحاتك يعني انته الدترسمهن

فهد::اي تعالي

ورود::سحبني لطرف الثاني مال الغرفه طلع تلث لوحات
شال الغطى عن الاولى ..ركزت هاي اني يمكن عمري خمس سنوات اواقل
لابسه بدله جويتي لوحه ثانيه عمري يمكن عشر سنوات
لوحه الثالثه جديده ملامحي هسه ...التفتت عليه

*هاي اني
فهد::اي
ورود":اني مشايفتك قبل اشون حافظ شكلي

فهد::بس اني شايفج ودائمآ اشوفج

ورود::هااا سكتنا ثنينه رجع الوحات المكانهم وكال اطلعي

شويه واجي كتله
ورود::لا تعال دنطلع سوه

فهد::روحي نامي اريد انام هنا
ورود::سحبته من ايده كتله امشي فهد لتسوي هجي والله كلبي دكطع ...

كال اذا تردين تسبحين هذا حمام كتله لا وسحبته طلعنا من الغرفه تمدد بمكانه واني بمكاني اباوع بعيونه

وهوه عيونه بسكف عندي الف سؤال بس اخاف اسئله دار وجهه عليه وكانه قره البالي كال

فهد::احجي شتردين تعرفين بعد

ورود::احم..ام نور وام اطياف ليش ازوجهن ابوك
...سحبني ع صدره وايده جوه راسي كال

فهد::ام اطياف جانت شابه حلوه ولكل ي

تمناها عشكت ابويوهوه عشكها مادرت بابوي مزوج ماكايللها اني مزوج
راداها ابوي وكتل نفسه عليها وامي مجانت تقبل لحد مكالها باجر اروح اخطبها امي حركت روحها
ومن يومها اني اكرهه ابوي لان هوه السبب ولساني ماطاخ السانه
ورى سنه كلت الجدي اخطب الراداها اعترضو بس جنت مصر وفعلآ خطبوها وزوجو بليلة عرسهم

اجتلي الغرفتي دخلت تبجي وتعتذر وتحلف ماتدري بيه متزوج محجيت وياها بس كتلها اطلعي برى
فات شهر ع زواجهم مخلت شي ماسوته رادت بس تعوضني عن امي لان هيه السبب بس اني بتفكيري

غير اني ردة اضوكها لوعة امي ورى شهر ضبط كلة الجدي اخطب بت جدي حميد الابوي ستغرب جدي وابوي اعترض
واعمامي هم اعترضو بس بالاخير القرار الجدي قررو يخطبوها

بليل اجتلي ام اطياف تبجي كالت ادري بيك تريد تنتقم مني
سكتتها وطلعتها صار زواج ابوي الثاني وشكد حاولن وياي
الحد ما ام اطياف جابت ياسر حبيت اخواني وصارو روحي من الدنيا وام نور حبابه ومالها ذنب احس نفسي اني الضلمتها

ورود:: اشوفك مدكول الاي وحده يمه
زين هاي السنين كلها ليش مسامحة ابوك

فهد::باعي ورود حجبتلج كلشي ..بس ابد لاتحاولين تصالحيني ويا ابوي مفهووم

ورود::هزيت راسي ب اي كتله سؤال اخير
فهد::اسئلي
ورود::منو اعز واحد باخوانك
فهد::كلهم احسهم قطعه من كلبي .بس ام السان طيوف احب احجيلها البكلبي احب حنيتها

ورود::اي صح اطياف ورده ..امم بعد سؤال

فهد::اليوم لصبح متخلص اسئلتج . اسئلي

ورود::هنه سؤالين .الاول ع كولة اخواتك الف بنيه تتمناك شمعنى اني

فهد::مادري عوفي هذا سؤال سئلي الثاني

ورود::احم ليش دكلي ديري وجهج ونامي ...باوع بعيوني تنهد وكال يله ديري وجهج ...حباب بس جاوبني ليش خزرني ....درت وجهي حضني

ويبوس بركبتي جسمي كله يرجف كتله ..فهد حباب
لاتسوي ركبتي زركه والله استحي خاف وحده من البنات تنتبه
..ضحك وكال

فهد::هههه واذا انتبهن عادي مرتي

ورود::بيش ساعه نروح ابغداد

فهد::ورى الغده نطلع

ورود::فهد وخر دتأذيني ...بوساته تأذي

فهد::اششش كيفي

ورود::لعد اني هم بكيفي ...درت وجهي عليه خليت راسي بركبته وبسته حيل

شويه ودفعني كام شغل الاضويه ويباوع بالمرايه صارن عيونه بكصته

فهد::خرب ابوج هاي شسويتي

ورود::لعد بس انته تشوهه ركبتي

فهد::حيوانه انتي تلبسين حجاب تتغطى

ورود::جيت اكله انته هم البس حجاب نوب كضيت الساني كتله شفتها شون تاذي لتسويلي بعد راح طفى الضوه واجه كال لامتأذي بلعكس تخبل

فهد::بس اذا عدتيها بعد متلومين الانفسج
ورود::وك انته هم لتعيدها حتى اني ماعيدها ...حضني حيل
وكال
فهد::اششش سولفيها ع الدبه ماعيدها شنو اسكتي لاتحجين خليني انام

ورود::فهد

فهد::هممم
ورود: صدك يوميه تحلم ...بعدني ممكمله مد ايده ع حلكي وسكتني

فهد::اششش امس لاول مره ماحلم

ورود::اكيد لان اني يمك هاي لان اني فقيره ومن اهل الله
وربي يحبني من دخلت الغرفتك متحلمت بعد

فهد::بعد بعد طلعي روحج نبي عليه نطمري يله

ورود::سكتت وغمضت عيوني وهوه يشم ويبوس بركبتي
غفيت كعدت الصبح ملكيته
اخذت ملابس ورحت سبحت نزلت جوى البنات بلمطبخ ولولد طالعين
...صباح الخير
الكل::صباح النور

اطياف::ولج صار ساعه منتظرتج حتى اتريك وياج

ورود::ههه لعد ليش مكعدتيني

....سوتنا ريوك اطياف ولبنات كلمن راحت ع شغلها ...
اكلج شونها نور

اطياف::سوده عليه تكسر باب الكلب

ورود::ها تدرين ماجنكم اخوان من غير امهات حتى فهد متوقعته مو اخوجن من امجن وابوجن لان هلكد تحترمنه وتخخافن منه ...فكت عيونها ع وسعهن

اطياف:: اكلج منين جايبه هذا الحجي انتي ياهو حاجيلج

ورود:: بس متحجين ابد فهد حجالي

اطياف::شوفي ورود صح اني مستغربه لان فهد حجالج بس راح اجاوبج
باعي من اول ماصرنه واحنه منعرف غير انو فهد اخو وابو النا محسينا بحنان الأب فهد جان معوضنا عن ابونا ع الرغم هوه موجود بس ميهتملنا لان
يحسبنا احنه السبب بحالة فهد

فهد علمنا ع الحب ولحنان ع الرغم شكله وتصرفاته متبين هوه حنين ... وامي ومرة ابويه ثنينهن نصيحهن يمه وثنينهن حنينات علينه محسينه بفرق يخلينا نحسب هذا مو اخوي وهاي مواختي
لتشوفين فهد قاسي بس والله ماكو بطيبة كلبه

ورود::وهوه منو يحمد العروس غير امها باعي اخوج صح يخوف بس مستحيل
انسه شسوه بيه

اطياف:: ورود ترى انتي اله من البدايه يعني حبج جان غلط

ورود:: لنفرض هسه انتي منطيج الخويلد وانتي طفله ومن تكبرين تنصدمين بهذا الشي راح تتقبلينه...... هلاا والله هاي صفنت ....يووول الو

اطياف::هاا هاا

ورود::وجع بس للا😉

اطياف::دكومي كافي سوالف مشينا يم نور

ورود::ضحكت هاي مبينه تحب خويلد مبينات كلهن يحبن ولد عمهن والله خووش ومن عرفو اني احب سووني ساقطه

رحنا النور خطيه تكسر الخاطر

كلنالها اطلعي ويانا بلبستان بلكوه اقتنعت طلعنا نفتر اني وياها واطياف

شويه واجت ملك كالت جدتي تريدج

رحت الها لكيتها بلغرفه كاعده يم البوفيه مالتها صاحتني رحت كعدت يمها

الجده::شلونج

بيبي صحتيلي

الجده::اي يمه انتم عرسكم ايصير ابغداد واني ماكدريش لطريج ماجيش (ماكدر لطريق ماجي)
اريدن انطيج هديتج

ورود::طلعت صندوك صغير وطلعت طرف فوطتها شاده بيه
مفتاح فتحت الصندوك الصغير
متروس ذهب وفلوس
طلعت منه زوج تراجي ومحبس وخناك كلهن ماهمني صارت روحي
بكلاده نص قلب مكسور صغيره وناعمه متت عليها

كالت
الجده:: نعبنج انتي بت العزيز واهو الوحيد الفاركني هديتج الزوم تكون ثكيله

ورود::بيبي اني ماجامل واكلج لا رجعيهن وماعرف شنو لا اخذهن بدون مقدمات بس اريد طلب منج رجعي هذني كلهن ونطيني هاي الكلاده ضلت نفسي بيها خاف تصير بلطفل

....ضحكت بيبي ضحكتها الطويله ختنكت وضلت تكح كالت

الجده::ولج ياطفل هذا بعده فهيد ماخذج وكلتي طفل

ورود:: اي بيبي باساني صار طفل ديله انطينياها...خلت ايدها ع حلكه وتباوعلي متفاجأ

الجده::ولج لاعبالج الفرخ يصير من الحبه(البوسه)

ورود::هههه لابيبي دارسه وفاهمه تردين اعلمج😉 ضربتني ع ايدي وكالت

الجده:: ولج انتي راح تخبلين فهيد تخلينه مايندليش دربه

ورود::بيبي هسه تنطيني الكلاده لو امشي جنج تراجعتي ومتردين تنطينياهن

الجده:: دهر لفاج الله لايفردلج ويا بنادم تاكلينه ام السان

هاج وهاي الكلاده وياهن

ورود:: اخذت الكلاده من ايدها ومامهتمه للبقيه حبيت هاي كلش نطتني هذنيج كالت روحي حضري غراضج ورى الغده طلعون البغداد

اخذتهن ورحت فووك طلعت الجنطه مال ملابسي سفطت ملابسي بيها وضميته هذني وحتى لكلاده هم ضميتها
درت
داطلع من الغرفه صار بوجهي فهد بقيت واكفه بمكاني وهوه سد الباب واجه عليه

فهد::شبيج

ورود::مبيه شي انته شبيك ...باوع بعيوني وتقربلي
احس كلبي راح يطلع من مكانه رجعني ع الكنتور
لطشت بيه

وهوه انفاسه صارت بوجهي توترت حيل فتح الشال وضل يبوس بركبتي ...ف فه فهد ووخر

...وخر مني مبتسم كال يله روحي اطلعي دابدل

..كتله بس دنك شويه دنكلي مستغرب سحبة القميص شويه شفت الاثر وخرت منه ضحك وهاي اول مره اسمعه يضحك هجي
عفته ونزلت شبيه اني شو مكيفه يبوسني ليش اخليه
امداني اي والله والله بعد بس يتقربلي اصفكه راشدي افر
وجهه ميه وثمانين درجه ..بس اني ماكدر احرك جسمي
من يبوسني عبالك مخدر كل جسمي ينمل ...

رحت للمطبخ اباوع عليهن يوميه ع نفس الخبصه بدن يصبن الغده ونزل فهد دخل للمطبخ نسوان ابوه ثنينهن كالله هلا يمه رايد شي كالهن

لا وتقرب عليه اخذ اكلاص من الكاونتر الوراي المطبخ صار هدوء وكلها تباوعلنا احس وجهي صخن
دنك ع ركبتي تخبلت شبيه هذا سحب الشال من يم كتفي

كال لج هاي شبيها ركبتج بدلي الكاع تنشك وتبلعني من الفشله يبتسم بمكر البنات يضحكن اجة ام اطياف عبالها صدك
كالته

ام اطياف::يا شو ميل خلني اشوف شبيها

ورود:: ضاله ع وكفتي بس عيوني راح يطلعن من مكانهم
كالها ...لا خاله اشاقه هذا شغلي ....البنات خربن ضحك وهيه ضحكت ورجعت

غمزلي وطلع من المطبخ بدلي اذبحه هذني استلمني تحشيش وخوش يشتغل اخوي وماعرف شنو وام نور دكلهن
مايصبر للعرس

الولد منتهي ويضحكن كلهن الحد معاطة بيهن سميه ضاجن وسكتن اني تحلفت بيه بسيطه

الا افشلك مثل مافشلتني

رحت لصاله اعمامي كلهم كاعدين وبيبي ولولد عمتي مرة عمو مسلم مريضه هم كاعده يم بيبي باوعت فهد قريب ع جدو

رحت كعدت يمه رفعلي تك حاجب ويبتسم بطرف شفته

مديت ايدي ع ركبته وكتله بصوت عالي

ورود::هااي شبيها ركبتك زركه ...باوعلي مصدوم احس عيونه صارت بكصته ياسر يشرب ماي طلع من خشمه

وخويلد ايكح حيل اعمامي سوو نفسهم مامنتبهين ضحك جدي وكاله

شيخ حمدآ:: ها ولك فهيد جنك ماتصبر

*خزرني ودار ع جدو كاله

فهد:: لاجدي بس هيه وكحه تتحرش

ورود:: يبووي اجيت افشله فشلني الولد خربو ضحك ويصيحون هااا هاااا واعمامي يضحكون

عفتهم ورحت للمطبخ وجهي دم من الفشله شويه واجه فهد كال تعالي للغرفه

صعد واني اباوع ع الدرج شراح يسوي بيه دخيلك ربي هسه
اني شبيه تخبلت الا اسوي هجي

صاحت عليه ام نور روحي يمه
مشيت ع اول بايه وصااح

فهد::وروووود

ورود::خلي اصعد هوه اني مكتوله مكتوله ..رحت اركض فتحت الباب لكيته كاعد ع الكرويته كال سدي الباب وتعالي

سديت الباب أيديه يرجفن

بعدني مدايره صار شي بنص ظهري

احس جسمي كله جمد ......

يتبع....

#للقدر_رئي_اخر

#البارت12

على ابسط اشيائچ گمت أذل #الروح
عذرت ادم على #شغلة التفاحة
لاتبچين #اضحكي وكون أشوف #سنون
بس بهاي ارد نفسيتي #مرتاحة
تكتليني #بدمعتچ واني ابن طيبين
ماعاركلي واحد #دمعته سلاحه

ورود::حسيت شي صار بضهري جمدت بمكاني انفاسه صارت بركبتي فتريت ع كيف واني ميته خوف .

ويا فرتي صار المسدس ابطني ..ف فهد

فهد::اششششش
ورود::غوركن عيوني وايديده يرجفن عاط بيه

فهد::أعيووونج اذا بجيتي اذا بجيتي أدفنج ومحمد

ورود::مسحت عيوني بثنين اديه شفايفي يرجفن
.... ما ما ابجي بس وخره حباب (احجي ومختنكه غصه ابلعومي )

... يباوع بعيوني وايده تضغط اقوه ع السلاح احسه راح ينغرز بطني ..ااه ف فهد اعيوني رجعن غوركن دموع

فهد:: شوووون تسوين هيج متستحين انتي ماعندج عقللل متفكرين وعلي اذا عدتي هاي الحركه أذبحج خلاص فهمتتتتي

ورود:: يححي بعصبيه وصياح من خوفي هززيت راسي ااي ااي فهمت ودموعي نزلن

شافاهن تخبل شال المسدس وخلاه براسي يصيح

فهد:: لاتبجين كتلج لاتبجين هيج هيج من.... بت ال.... خرب ....

ورود:: يكفر ويسب ويضغط المسدس ع راسي متحملت وكعت بلكاع وابجي بحركه ...كااافي كااافي موتني وخلصني مو ضال بس تهددد ع
اتفه شي وخليت المسدس ابطني لو براسي بشرر اني رووح
الهدرجه مستهان بروحي متخااف من ربك انته ولو اليكفر كلشي يسووي
....ابجي واحجي بصريخ أخذت روحي انته شتريد اكثر
خلصني منك فهددددد اكرهك اكررررررهك
ضربني راشدي ويسد بحلكي

فهد::اششششش اشششششش كااافي اسكتي اسكتي

ورود:: ادفع بايده اريد بس احجي واغلط خلي يكتلني اجوي يركضون دكو الباب ياسر واطياف
عاط بيهم وراحو .
رتجى ع الباب وسحبني اله وساد حلكي خاف احجي
سكتت ومسحت دموعي دفعت ايده من حلكي وكفت سحبني

..عوفني وخرر ...وكعني بحضنه ولازم اديه افك باديه منه واحجي
وخر فهد وخر

فهد::اشش اكعدي داحاجيج

ورود:: وجهي ميكصه السيف باوعت بعيونه ...شتريد
..كعدني بصفه وحضني
كال
فهد::اسف متنعاد
ورود::ههه واللله ضحكتني لك افهم اني مو مجرمه وكل ساع مخلي المسدس براسي
انته متحاف أموت وانته السبب

فهد:: اشش كافي يله والله متنعاد اعتذر
ورود:: باوعتله بشك وسحبت ايدي اريد اروح مخلاني سحبني عليه

فهد:: وين وين
ورود:: عووفني فهد عوووفني يا اخي اكرهك ...سحب المسدس من يمه وخلاه براسي ....
هه صدك مراح تتغير لو مو تحلف ذيل الجلب مينعدل ...

احس خدي صار نار من قوة الراشدي باوعتله صار نار

فهد:: انتي ليش متعرفين تحجين للج ليش تكفررريني

ورود:: ماريدك ماااريد ازوجك لك انته كل يوم تضربني شوون اعيش وياااك (احجي بهستريه احس طكت روحي منه)

وكف ..وحجه ابرود
فهد:: هه ردتيني او لا انتي الي كومي غسلي وجهج وانزلي
تسممي حتى نروح

ورود:: وكفت اباوعله بكرهه وحقد طلعت اباب الغرفه كتله

يا الله شكد اكرهك عسى الله لايوفقك ركعت الباب حيل ونزلت
للحمام غسلت وجهي صاير احمر واصابيعه مطبوعه بوجههي باوعلي البنات
ودنكن
سميه باوعتلي وابتسمت ابتسامة شماته ..
مخلين الاكل ومنتضرين فهد ... نزل كعد يم جده واني
بلمطبخ يم اطياف

صاحة عليه بيبي كتلها ماريد عاااط هوه من يمه بصوته العاالي

فهد::وررررود

ورود::اطياف ضلت ترجف من يمها ودفع بيه حتى ادخل لصاله الكل ساكت حتى جدي ماحجه دخلت اني واطياف

احس جسمي يرجف من العصبيه ولخوف الكل صارت عيونهم
عليه كتله ...نعم

فهد:: تعااالي أكلي

ورود:: باوعت بعيونه كتله شبعاااانه ماريد . خزررني وصاك ع اسنونه ويحجي

فهد::كتللللج تعالي

ورود::دفعتني اطياف رحت سوالي مكان ابينه وبين ياسر

كعدت ثانيه ركبه احس رجلي متثبت ع الكاع ترجف
ياسر سحب صحن تمن
خلاه كدامي فهد انطاني خاشوكته ماخذتها منه
حجه بعصبيه وهمس
فهد::أخذيهاا

ورود::اخذتها من ايده كلها ساكته حتى الاطفال مايحجون
تسمع بس طكيك الخواشيك
اني ماكدر اكل اصلآ راح انفجر اريد بس اكوم

صاح بصوت عالي

فهد::اتسمممي

ورود::نزلة راسي وضليت اشهك حاجاه جدي سكته مخلاه يحجي شكد مايحترم حتى الاكبر منه يسكته

بس صوت شهكاتي بصاله صاح
فهد::اششش اسكتي

ورود:: كلما يكلي اسكتي ازيد اشهك بس بدون دموع لان حبست دموعي صارت ابلعومي اختنكت
عاط بيه عمو حميد

عمو حميد:: كاافي فهد مو هجي تعاالي عمو يمي

ورود:: صرت جني ألي ياهو يصيحلي اروح وكفت اريد بس ابتعد عنه سحبني وكعدني كال

فهد::مكتلج كوومي اني
ورود:: طكت روحي متحملته ..خزرته وكتله كتلك شبعااانه

فهد:: كوومي واني اعلمج ع هاي الخزره

ورود::رحت ركض للمطبخ احس نفسي مشتتعله نار

فتحت المي واغسل بوجهي انكع بملابس اريد ابرد ماكو

اجتلي اطياف شافتني هجي ارجف وجهي احمر تخبلت جابت مي من البراد
وتغسل بوجهي ختنكت اريد بس اتنفس طلع ياسر شافاني اجه يركض
كال الاطياف

ياسر::ششش لصيحين صوتج ورود بس كوومي خلي نطلع تعالي اطياف
الكاتبه
ورود::اباوع عليهم بس ماحجي متت ختنكت وبعدهي احس نار تلهب بجسمي مش

يت وياهم طلع من البيت

اسحب نفس بقووه اريد بس اتنفس كعدنا ع حديده مسويها
يم الحشيش احس نفسي هدئت شويه تلاثتنا ساكتين
ورى شويه حجت اطياف

اطياف:: ورود حبي يله كومي حضري نفسج
ورود:: باوعتلها ورجعت باوعت ع ياسر ..كتلهم ..اي حتى هم حضرت جنابه يضوج بطريق ويخلي المسدس براسي
ياسر:: لا فنه يوصلج

ورود:: وانته شدراك فنه يوصلني طريق شطوله وبس اني وياه ماروح

اطياف::منو كال بس انتي وياه

ورود::باوعتلها مستغربه . شنو يعني

ياسر::اني واطياف وامي ونور وملك نروح وياكم ولبقيه يجون عكب باجر

ورود::اهاا .. و.وسميه

اطياف::دكول ماريد اجي راح تبقى هيه وبيبي ومرة عمو جاسم هم متجي ولوولد يبقون موكلهم يجون

ورود:: اممم يعني منو ومنو يجي
ياسر:: مادري بعدين يتفقون بيناتهم ولد عمي جاسم عدهم دوام لازم يبقون
خالد هم ميكدر يجي ونشوف بعد منو يبقى

ورود:: باوعتلهم مستغربه هذولي يرادلهم عشر كوسترات يله يجون كتله ...بله شون بسيارات لازم تئجرون اقل شي كوستر ثنين

باوعلي ياسر وضحك
ياسر::هههههه ليش نأجر
ورود::لعد شون توصلون البغداد بنفخة هوه

..طلع تلفونه ويضحك طلع الصور وبدى يوريني بيهم صور سيارات حلوه
كوستر وستاركس وسيارات ثنين مو جكساره بس يشبهلها ماعرف اساميهن😂
كتله ..اي شنو يعني

ياسر::هذني سياراتنا

ورود::هههه وينهم لعد

ياسر::بلمعارض منجيبهن هنا بس سيارتين هنا سيارة فهد وسياره نروح ونجي بيها

ورود::اوكف شويه شويه يامعارض هاي

ياسر::شكد فاهيه المعارض مالتنا شبيج

ورود::عدكم معارض لعد شكد طاكين انتو غير دكلي من البديه جا ماشردت ولاشي وشرطت عليهم ينطوني سياره وازوج هذا المخبل
ياسر::هههههه انتي ثوله
ورود::لعد منو يشتغل بيه وين صاير

ياسر:: بلمدينه مو بمنطقتنا تقريبآ نص ساعه بعيد عنه
وليشتغل بيه
كلنا نروحلها بس الاساس همه عمي حسين وعمي حازم

ورود::اممم واكول هذولي وين يرحون يوميه بس ياكلون ويطفرون
اطياف::انتم اذا تبقون لصبح متخلص سوالفكم كومو يله

ورود::كمنا اني واطياف دخلنا للمطبخ صاير هوسه يلمن بلمواعين

ويسون جاي صاحت ام اطياف يله ولج طويف حضري روحج
اخوج هسه يكول يله

راحت اطياف تحضر غراضها واني صعدت للغرفه لكيته كدامي مهتميلته مشيت كبل للكنتور

طلعت ملابس هوه هم مغلس جنه ميشوفني اخذت ملابسي
ودخلت للغرفه الداخل غرفته بدلة
لبسة تنوره بف عريضه لون رصاصي بيها خط خفيف اسود
وياها قميص
ماروني طلعت ملكيته بلغرفه يمكن نازل فتخت جنطت ملابس
طلعت شال اسود وكعب اسود جنطه صغيره مارونيه
جبتهم من اجيت ويا اهلي مقرره ارجع بيهن
خليت كحل وحمره خفيفه دالف بشال

ودخل فهد باوعلي بطرف عينه
حجهه وهوه يمشي باتجاه الكنتور
فهد:: بدلي هاي التنوره قصيره

ورود:: درتله بنفاذ صبر .... محتاره شاحجي ..باوعلي وكال

فهد::وك ابقي بيها بس بعد ماكو قصير وماعرف شنو

ورود::سكتت عنه بدل هوه وقفل الغرفه البيها لوحات
ردت اسئله شون دكول اشم هدوم امي يوميه وانته راح تعوفهن هنا .....بلعتها وسكتت ماريد احجي وياه

..اخذ جنطته وجنطتي طلعنا من الغرفه قفلها

نزلنا لكيناهن مبدلات البنات لابسات عبايه كلهن

اتصل فهد ع مقداد ويغلط عليه وين صرت ولا اشلع اذاناتك

شويه ودخل مقداد شمر سويج سياره ع فهد

ودخل سبح وطلع يصيح اطياف كوي قميصي الخوثه من البارحه كتلج اكويه

راحت اطياف تركض كوته ونطته اله كمل وصاح ع ياسر يله لك
اجه ياسر مبدل وكاشخ طلعو يخبلون بنطلون وقميص شعر
مرفوع ولابس نظارات

هلا هلا ولد عمي صاكين.. طلعنا اني وخوان فهد نور وغفران واطياف وياسر ومقداد وامهم ولد عمي خويلد وكرار وملك ومرة عمي اسعد تقسمنه ع سيارتين
االولد بسياره وياهم مرة عمو واحنه ويا فهد سلمنا
وطلعنا

فهد يسولف ويا مرة ابوه واحنه نسولف بيناتنا

كل شويه ويتصل ع مقداد ويكله سوق عدل لا انعل والديك

لو يكله خفف لاتمشي هلكد سطره للولد اخر شي مقداد صف السياره ع صفحه وفهد وكف وراه نزل مقداد وحول ياسر بمكانه ككاله

مقداد:: ياابه توبه بعد اذا سقت

*ضحكنا عليهم وفهد مقبل ياسر يسوق يكول اكرهه سياقته

خلي خويلد خويلد مكال باطل اجه هوه يسوق مشينا اول بدايه سوه نوب خويلد داسلها وراح وفهد ضل يسب ويتوعد يتصل عليهم
كلشي ميفهم من صوت الاغاني والردح دزلهم رساله بسرعه خابروه
رابط تلفون ع السياره فنسمع شيحجون

فهد:: لك كل الخويلد الزمه اذا ماشوي ع اذانه بصل هذا الساقط اني اله

خويلد:: لك دخلي نتونس شبيك

*ويعلي صوت وفهد يغلط عليهم ..كالهم اول سيطره خابرتهم راح يلزموكم اذا ماخليهم يطيحون حضكم

جان يرده خويلد ...ع...ييك(عذرآ 🙊) ..ويضحك بصوت عالي

احنه خربنه ضحك هوه بسرعه فلت التلفون من السياره وكاله

فهد:: لك عار حيوان البنات مناه ياخايس ..

ورود:: سد تلفون ويحجي عليهم احنه بلكوه لازمين ضحكتنا جان تعيط نور

نور:: لك صح السانك خوويلد

فهد:: لج شفتهمتي وصح السانك انزل افرك حلكج اشو متستحين

ورود:خنست نور وتضحك من

تسكت بينه اتصل فهد
ماعرف ع منو وكاله
فهد:: صادق وين انته .... اها وك راح تجي عليك سياره ال..بيها شباب هتليه ومره
اطبكها ع صفحه ورزلهم رزاله ناشفه شويه واجي اني ...هههه اي اخواني ...ههه عاشت ايدك.

ورود:: سده منعنده كال . علستهم .
شويه وصلنا السيطره ونشوف الولد نازلين ويا الشرطه ومعلين المسجل ويركصون همه ولجنود يمه غير خرربنه ضحك

وفهد يصيح صوتج واحنه ميتين ضحك عليهم شون يهززون
وجنود ماخذهم الواهس وياهم
وعودك فهد رادهم يترزلون

صف السياره ونزل فهد بيهم ضربوله تحيه وثنين ولد هم لابسين عسكري
سلمو عليه وتحاضنو نصو المسجل وضلو يسولفون ويضحكون شويه واجه فهد

ولولد صعدو بسياره بس مقداد اليسوق طلعنا شويه وغفينه كلنا
مكعدنا لحد مكالت ام اطياف يله راح نوصل اكعدن
كعدنا دنيا ظلام اني عبالي انروح لبيت اهلي
اشو هذا اخذنا المنطقه غير منطقت اهلي ...فهد وين رايحين

فهد::البيتي

ورود:: شنو البيتك واهلي وانته موكلت مئجر شقه

فهد:: لا عندي بيت هنا جنت مئجر شقه علمود شغل

ورود::سكتت بس احس روحي طلعت جنت فرحانه اشوف اهلي ... شويه ودك تلفونه

فتح خط
سلم ونوب كاله

فهد:: لايمعود كله تسلم رايحين البيتي .... لا كلشي ولا زعل عمي اجايين

ورود::بدون ميحجي باوعلي بلمرايه وفر السياره مقداد ورانا اشرله يفتر

كالته ام اطياف ها يمه وين

فهد::البيت عمي ابو حيدر مايقبل نروح البيتي

ورود:: عاا طرت من الفرح بتسمت باوعلي بلمرايه هجي اني بعفويه عودك ع عنادك غمزتله ورفعت حاجبي ماقصدي شي
هوه تخبل ضل كلساع يباوع بلمرايه بعد مرفعت عيني تندمت

وصلنا البيت اهلي ااه شكثر مشتاقه البيتنا

نزلنا لكيت حيدر بلباب ركضت حضنته وابجي بحضنه لاهوه ليحجي ولا اني الاحجي
واحد طبطب ع ضهري باوعت ابويه سلمت عليه بس بثكل لان ضايجه منه حييل ضلو همه يسلمون واني دخلت ركض حضنت امي وبوستها وفاطمه
وصابرين وجهال صارت هوسه كلهم كعدو بصاله يسولفون اشرت للبنات كامن كلهم صعدت اني بالاول وهنه وراي

همه يباوعولنا لان الدرج ع الصاله دخلت الغرفتي

افيييششش شمرت نفسي ع الجربايه ولبنات كلهن دخلن يباوعن
عليه

كتلهن
ورود:: تفضلن تفضلن ها هي مملكتي الصغيره مارئيكن فيها هل هي جمليه

اطياف:: هههه تخبل

ورود::كعدنا نسولف وصعدت صابرين كالت يله نزلن تعشن ولجن

ضحكن وياها ونزلنا يول اهلي اخذتهم الغيره هم مسوين سفره شطولها بس ممسوين تمن ومرك 😂 اهم شي

جايبين كباب وكص ومقليات ودجاج شوي كلش هواي اكل

اي همززين لك معدتي زنجرت من المركه ولتمن بريف العشاء تمن ومركه ولغده سمج وخبز
ضلينا ناكل ونسولف ولولد يشاقون ويسولفون شون ركصو الجنود

خلصنا شلنا المواعين للمطبخ وفاطمه صبت جاي غسلنا اني واطياف وملك وغفران يشيلن الصحون وصابرين تغسل بطارمه نور واكفه يمنه تجرش حجي شكد اسولف

مرات اصفن اكول والله مره ورجعت تضحك لو اني هجي
مسوين بشعري امووت

خلصنا غسل وكبل صعدنا فوك فتحت كنتوري وبديت اوريهن صوري
واني اصغيره واني بلمدرسه وصور اخواني ضلينا نضحك وونشاقه

باوعتلهن لسه بحجاباتهن اني اول ماوصلت شمرت الحجاب

نسيت نور ونسيت موضوعها ..كتلهن دنزعن الحجاب مختنكات بيه .... باوعتلي اطياف واشرت ع نور بعيونها

اباوع ع نور الدمعه ضلت تفتر بعينهاا متت من القهر
اني نسيتها والله
رحت لكنتور طلعت كبوس يخبل اموت عليه جابه الي حيدر مره من الزياره اسود وبيه كتابه نكليزي ودب صغير
ااجيت يم نور كتلها...نور حبي والله نسيتج وماقصدت اضوجج

نور::اعرف حبي ماضجت عادي

ورود:: انزعي الشال والبسي هذا احسن من الشال ميخنك..نزعت شالها ولبسته صدك حلو عليها ومرتب

نزعن البنات شالاتهن اجن صابرين وفاطمه يمنه ودك سوالف
كتلهن راح اجيب فراش واجي نام هنا كالن خوش

جبت فراش من جوى الولد فارشيلهم بديوانيه

صعدت افراشات صابرين كالت تعالن يمي حيدر نام يمهم

كتلها تعالي هنا انتي .... نزلت جبت بعد فراشات فرشتلهن بصفي

بدلن ملابسهن وتمددن نزلت افرش اسناني خلصت صعدت ..لكيتهن كلهن واكفات وشايلات فراشاتهن

وووين

فهد:: طلعت صابرين لطارمه كتلها يول تعالي اجتي

صابرين::ها خويه كوول

فهد:: رحمه الوالديج روحي لطويف كليلها يكول فهد الا اطيح حضج لاتنامن يم مرتي واني وين انام
صابرين::ههههه نام يم الولد

فهد:: دامشي صيحيهن ينامن يمج ولاتخلنها تدري اني كتلجن

....راحت صابرين ....ورى شويه كاعدين جكاير وضحك كمت صاح حيدر

حيدر:: هاا وين

فهد:: شعليك

ياسر::يااب تعود ع الحضن الدافي بعد ميرهم

حسام:: لك اكعد ماكو حضن منقبل ع اختنا عودك ورى العرس اشبع محاضن

فهد:: دنجب ماجاي استئذن منك لو غيران لان اليوم طاردينك برى الغرفه

ضحكو الولد عفتهم وصعدت اتختل استحي من عمي

ورود:: وووين

اطياف::نريد انام بغرفة صابرين شو حلوه واكبر ابقي انتي بغرفتج مشتاقتلها مو

ورود:: حييل ضجت من حجي اطياف عفتهن ينزلن ورحت الغرفة فاطمه بصف غرفتي
طلبت منها تلفونها

اخذته ودخلت الغرفتي اريد اراسل نرمين
ميته عليها حيييل مشتاقتلها تمدددت ع الجربايه وتلفون بايدي

هستوني دزيتلها هلو ونفتح الباب .....

*يتبع....

#للقدر_رئي_اخر

#البارت13



والله صافن وانته اجيت #بالـــــي
وطاحت ادموعي وتبهذل #حالــــي

كون يمي هسه #انتــــه
حته لو تكظيها #سكـــــته

المهم بس كون #تتراوالــــي

ورود::هستوني دزيت هلو ونفتح الباب احس كلبي راح يوكف طفرت من الجربايه مخروعه وتلفون بايدي
..اعيونه خازرتني تقرب وحجه بعصبيه

فهد::شدسووين ويامن تحجين منيلج هذا التلفون

ورود::بعدني ممجاوبته وسحب تلفون من ايدي يكلب بيه كتله....والله العظيم ويا صديقتي هذا تلفون فاطمه بس ردت اسلم ع نرمين
ممهتم الحجيي ويكلب بتلفون بعصبيه

اني من الخوف ضليت ارجف هذا الشي خله عنده شك
حسيته هدئ شويه هوه كاعد ع جربايتي واني واكفه مقابيله
رفع عينه كال
فهد::تعالي البنيه جاوبتج ردي عليها

ورود::مديت ايدي حتى ينطيني التلفون

فهد::لا تعالي تمددي مثل ماجنتي متمدده

ورود::من كد ماخايفه حتى محجيت بسرعه تمددت جربايتي صغيره اباوع الايده اريد تلفون منه وكف وكالي

فهد::نامي صفح سويلي مكان

ورود::نصدمة هذا شبيه كتله ..شنو وينن تنام

فهد::يمج يعني وين

ورود::بس ....قبل ماكمل دفعني وتمدد بصفي كلبي يدك سريع نطاني التلفون ويباوع وياي

دزيت اني ورود
نهدت بيه

نرمين::عاا ادبسزز احماره وين جنتي خايسه وصخه

ورود:: كبر طلعتني ازباله وهذا يباوع دزيتلها . اتصلي ...
اتصلت عليه اشرلي افتح سبيكر

فتحته سلمت عليها ونوب كالت

نرمين:: ولج وين رحتي ضل بالي كلت بس لا هذا العصبي اغتصبها ...وتضحك بصوت عالي

ورود::وجهي صار نار من المستحى ضليت ساكته ماعرف شاحجي هوه فاتح تك عين يباوعلي كالت نرمين

نرمين::الووو شنو صفنتي بس لاصدك مغتصبج هههه

ورود::نجبي شكد تمسلتين هواي سوالف صارت ماكدر احجي وياج هسه فتره وارجع جهازي واحاجيج

نرمين:: اممم وبن انتي هسه بعدج يم العصبي

ورود::توترت هاي تضل تجفص وهوه يسمع وساكت بس الله اليدري شنو ورى سكوته ....نرمين لاجفصين

نرمين:: شبيج ورود اكو احد يمج

ورود::داكولها ..اي وفهد هزالي راسه بمعني لا كتلها ..لا محد يمي

نرمين:: اممم والله شون ماشوفها هسه يطلع العصبي بصفج

ورود::هيه كالت هجي وفهد سحب تلفون مني كالها

فهد::لا والله موبصفها منومها بحضني

ورود::نرمين من الصدمه سدت تلفون بوجهه وهوه يضحك
بعدها كال

فهد:: اني مو منعتج من التلفون شون تستخدمينه

ورود::مشتاقه الصديقتي بس ردت احجي وياها وع طاري التلفون اريد تلفوني

فهد::ههه حلم ابليس بلجنه ..مستحيل

ورود:: ليش يعني وباي حق تاخذ تلفوني

فهد::زوجج وبكيفي الف مره اعود هلكلمه انتي ملكي اتحكم بيج مثل ماريد

ورود::كلامه نرفزني حييل بوقتها مدري منين اجتلي الجرئه لميت رجلي ودفرته.. دووخر ...اجه يوكع من الجربايه

باوعلي مصدوم شون سويت هجي هوه حتى اني مصدومه من نفسي ...تقرب عليه أكثر وجهه بوجهي جسمه نصه ع جسمي

توترت حيل ...احس ايده صارت بين رجليه ...فهد وخر شدسوي وخر ..كرصني حيل بفخذي

فهد::اذا هاي الرجلين اطاولت اكسرهن

ورود::شيل ايدك لا اكسرهاا ...اني حجيت هجي لو بتليت عيونه صارت بكصته خرب بسرعه تلاحكت روحي ...موعليك مووعليك والله هذا الساني يفلت...

اباوعلهه راحت العصبيه منه ويريد يضحك

فهد::همممم السانج يفلت اشو هواي يفلت السانج

ورود::اي والله عبالك اني اغلط عليك لا ابد بس هذا الساني مدري شبيه

فهد::بله طلعي دشوف شبيه

ورود::بغباء واريد اخلص من رزالته طلعتله الساني

اول مطلعته سحبه بين اسنانه ...ااه ..مكدر احجي وهوه ديئذيني ونيت من وجع الساني ....رخى اسنانه واخذه بين شفايفه

احس نفسي مخدره جسمي كله ينمل عاف الساني واخذ شفتي الفوك
يتفنن بلبوسه اني ع نفس هدوئي واحس نفسي ذايبه
شكد ضعيفه يمه

نزل ع شفتي الجوى أذاني حيلل
لحظة ضعف مني بادلته وتندمة بسسرعه رفع عيونه بعيوني
ورجع باسني مابادلته باوعلي كالي

فهد::شبيهن عيونج ذبلن

ورود::بلكوه احجي خدرانه وكلامي همس ...كل كله منك

...ضحك بطرف شفته ورجع باساني احس شفايفي تموع بحلكه رفع راسه كالي
فهد::سوي مثل مساع
ورود::بهمس *شنو

فهد::بادليني

وورود::رجع باسني مابادلته اذاني وضل يسحب شفتي حيل ابد مابادلته كل شويه اصعف واريد ابادله وانتبه النفسي

نزل نفسه شويه منعندي مد ايده ع الميز البصف جربايتي وسحب مسدسه تخبلت هذا شوكت جاباه مشفته من دخل

خلاه براسي

فهد::بادليني

ورود::ووخر المسدس

فهد::انتي ضعيفه بحضني ليش تعبين نفسج

ورود::حيل استحقرته لان اخاف من المسدس كلساع يخلي براسي ...خزرته حيل

فهد::اخر مره احجيها بادليني

ورود::ايد لازمه المسدس يم راسي وايد لاززمه خدي رجع باسني بادلته باوعلي مبتسم كال افيش ترد الروح موبوسه ورجع باسني عضيته بشفته

فهد::ااخ بت الكلب موهجي

ورود::خله ايده ع شفته عباله بيها دم شافاها ماكو دم رجع باسنيي وعضاني بنفس المكان العضيته منه دفعته كتله

*ااخ ابن الكلب موهجي
...سحب المسدس خلاه ع كلبي

فهد::شنوو لج منو ابن الكلب

ورود::غير اذيتني

ومن اني اذيتك غلطت هجي

فهد::لتقلديني

ورود::دومني ثوله واجفص ووف يلساني اخ من اذكر حجيت هجي بدلي اطم روحي ...كتله

*لشوكت تبقى تهددني بلمسدس ايمكن حتى بليلة عرسنا اذا مافك رجليه تخلي مسدسك براسي

....مانتبهت النفسي شحجيت هوه طكهاا ضحكه بصوت عاالي يمكن كل البيت سمعها اني بدلي اطم روحي من الفشله

سكت ورى شويه باوع بوجهي ورجع ضحك صح فشلانه بس مدري فرحة من ضحك هجي
فرحة

ضل يكح كالي

فهد::كومي جيبيلي ماي خرب يومج صار شكد مضاحك من كلبي

ورود::دفعته من صدره وكمت كتله مي بارد

فهد::لا ماي

ورود::اي مي بارد من البراد لو عادي

فهد::لا ماي

ورود::عفته ونزلة شبيه هذا ...ياااا ماي ههه شون اكول مي اخذت بطل مي وصعدت لكيته ماخذ الجربايه كلها
نطيته البطل
وكتله

ورود::هاك مي بارد
فهد::خوش ماي
ورود::مي
فهد::ماي
ورود::هههه
فهد::اوجع
ورود::يصيبك

شرب مي شمر البطل ع الميز وسحبني لحضنه كال

فهد::هااا هم السانج فلت طلعيه داشوفه شنو مشكتله ليش هلكد يفلت

ورود::صار هوه جواي واني فوكاه اديه ع صدره ورافعه وجهي الوجه وهوه اديه ع خصري كتله

ورود::لا لا ميفلت اخر مره ...نيمني بصفه ..وكالي

فهد::ديري وجهج ونامي باجر ورانا روحه للمحكمه نعقد

ورود::نعصر كلبي من كال نعقد أجه ابالي منتظر ..درت وجهي وهوه كام طفى الضوه واجه نام الجربايه بلكوه مكفيتلنا

بحيث كل جسمه طاخ بجسمي وجهه بركبتي ايده كلساع تعصر خصري ...
ممهتمه الكل هذا بالي يم منتظر .. شونك هسه حبيبي متأذي بفركتي هم تبجي عليه هم تسهر لك والله ماستاهلك واني من اصير بحضنه انسه نفسي وانساك احجي بكلبي ودموعي ينزلن

اكيد هسه منتظر مدمر بسببي واني اضحك واسولف واحضر العرسي ومسلمه نفسي الفهد من هسه

وهوه اكيد مينام الليل اكيد متأذي سوده عليه شدعي عليك يافهد ...
حسيت ايده تتلمس بخدودي بسرعه دارني عليه كالي بشك

فهد::شكوو ليش تبجين

ورود::دفنت وجهيي بصدره واشهك ..فهد دامووت والله تعبت ليش سوي بيه هجي
اني بشنو اذيتك وتاذيني حرام عليك فهد ارحمني احبه ماكدر والله اموت بدونه لك تلث اسنين احبه ومخططين الكلشي تالي انته اخذت فرحتنا .. ابجي واحجي بحركه وجهي بصدره وهوه حاضني حيل

محجه ولا كلمه رفعت وجهي عليه شفته يبجي كالي

فهد::ماكدر تفتهمين شنو يعني ماكدر لج اذا انتي تموتين بدونه اني امووت بدونج اذا انتي تلث سنين تحبينه اني عشر سنين احبج اذا انتي وياه مخططه الكلشي اني باني حتى البيت من خمس سنين لج

حتى غرف لجهال مصمم شوون ترديني اعوفج واني انتظرج كل هاي السنين افهمي احبج احبج اني الأمر فهد

اكبر واحد ميهزني لج زلم ارجفها الموت مايرجف كلبي منه بس يمج كلبي يرجف

ورود::يحجي مثل ماني حجيت ويشهك مدري شبيه احس نعاني من نفس الجرح مسحت دموعه بايدي وحضنته

هدئنا ثنينه ومحد حجه الحد ماغفينا كعدت ملكيته يمي
صوت ضحكهم واصل الغرفتي

مبيه حيل انزل سحبة تلفون فاطمه بعده يمي دخلت ع فيس
فاتحه فيس حسام بيه

اكلب واشوف الشي المامتوقعته ابد مستحيل اصدك

صورة منتظر ولد ناشر ومسويله اشاره الف مبروك عقد قرئانك باارفاه ولبنين موتروح التركيا وتنسانا

ممصدكه ومصدومه معقووله منتظر ازووج طلعت بسرعه من الغرفه صارت بوجهي فاطمه سئلتها بدوون مقدمات....
فاطمه منتظر ازوج؟

فاطمه::حبي شلج بهاي السالفه انسيه بعد عندج زوجج فهد حتى حرام عليج تفكرين بغيره

ورود::اهوووو دجاوبيني ع كد سؤالي

فاطمه::اي عقد ع بت عمه واخذها وراح التركيا يبقون هناك سنه يمكن ويجون

ورود::ضحكت من كل كلبي ضحكت ع روحي واني البارحه ابجي واكو متأذي سهران يبجي علمودي نطيهة التلفون الفاطمه ودخلت للغرفه

ميته من القهر ساعه ابجي ساعه اضحك تخبلت ..بس حقه يزوج اي روح حبيبي مزعلانه منك يارب زواجة الدهر
شاريده يسوي مثلآ يحضر عرسي لو يبقى طول العمر عزابي حقه منتظر مغلط الغلط مني احنه تفقنه ننسه حبنا

ليش بعدني افكر بيه ...روح يامنتظر ربي يوفقك ويرزقك من اوسع ابوابه ....هدئت شويه كمت طلعت للمغسله

اختلست من شكلي كفشه وشفايفي يفشلن هذا فهد موجان نايم يمي شون ماخترع لمية شعري فرشت اسناني باوعت

ع المرايه اي هسه صرت حلوه فديتني ممح شمرت بوسه النفسي

ياسر::اخبااال اي والله

ورود::هههه ...كعدت تريكت وحدي الكل منطلق بسوالف

اجه فهد بملابسه العسكريه ولابس نظارات شمسيه كال

فهد::يله ورود دنروح للمحكمه

ورود::بعد الكمه منبلعت وياي كمت سبحة ع السريع
لبسة جينز وبدي قصير فوكاهم كوت لركبه كلش حلوات

اخذت شال من صابرين يرهم وياهن كملت ونزلة همه كاعدين بصاله
وكلهم مبدلين باوعلي فهد من فوك ليجوه معاجبهه لبسي

فهد::يله امشي.. ياسر موتهيه البيت

ورود::طلعت وراه صعدت يمه محجه شي حجيت اني

...لعد همه وين راح يرحون

فهد::لبيتنا

ورود::همممم

فهد::ورود ماريد هذا البس

ورود::فهد لبسي مستور ومو ضيك
فهد::بعد ماكو بناطير ماحبهم تنوره عريضه فساتين ميخالف اقبل بس بناطير لا

ورود::سكتت ي

يله هم نعمله ولا العبايه كلش ماحبه
وصلنا للمحكمه كلها تاخذله تحيه
دخلنا وهوه لازم ايدي عافاني وراح سلم ع ولد ثنين شويه واجه كال يله

سئلني الجاي يعقدلنا ردت اشاقه وياه كتله

ورود::لا ماقابله ...نصدم ويباوع ع فهد بصدمه فهد يباوعلي وعيونه نار ضحكت وكتله اشاقه اشاقه طبعآ قابله
ضحك وفهد بعده ع عصبيته صدك جذب شبيه اني منو هوه واشاقه وياه والله اليوم فهد بيوكلني اتله حشك ولبك وليه ع أمتي
...كملنا وطلعنا وهوه ميباوع بوجهي كتلني الخوف اول ماحرك السياره...

يتبع...

#للقدر_رئي_اخر



#البارت14


يَ حبيبه إلبرد چذاب💚
هو يريد نتدفه
هو إلگال من تشتاگ 🍃
مـر نَسمه لـ حبيبك وإلعب🍂
بـ زلفه🍃🍃

ورود::اول متحركت السياره صاااح

فهد::للللج انتي ماعندج تربيه لللج حيووانه شنوو هلتصرف ابن عمج ابن خااالج وتشاقين وياه ادبسز اصبري بس خلي اوصل للبيت عاتبيني اذا خليت بيج عظم صاحي

ورود::اريد الزم دموعي ماكوو عصبيته تخوف ....ضليت ابجي وهوه ساكت ..... شويه وصف السياره

نطاني اكلينس واحسه هدئ شويه

فهد::ليش تصرفين بغباء ولج تحركين بدمي بدلي اذبحج
ورود انتي موزعطوطه كاافي اعقلي بعد يومين وتصيرين مره مزوجه وبعدج تصرفاتج مال زعاطيط دكليلي ليش تضربني انتي اجبريني بغبائج تخليني امد ايدي عليج
كاافي من اليوم اريدج تحسبين حساب الكل كلمه وتصرف ورود لتشمتين الناس بيه اريدج سباعيه حتى لو متحبيني وعندج مشكله وياي يبقه هلشي ابينا مال اسمع حاجيه عليه يم هذا وذاك ماضمنلج نفسي شسوي ..فهمتيني

ورود::يحجي واني صافنه عليه كلامه خوفني هزيتله راسي ..اي
....
اخذني البيتهم كتله ...هاي ليش غير ارجع البيتنا

فهد::نتغده واوديج علمود تحضرين باجر الحنه

ورود::فهد ليش متئجلهن مالحك

فهد::كلشي جاهز معليج انتي

ورود::فهد متفهمني يعني لازم اشتري غراض ملابس وين الحك وعكب باجر العرس

فهد::مو اكلج كلشي جاهز ليش متفهمين

ورود::سكتت وحجيت بكلبي ..كبر حتى كبر ...وصلنا للبيت
صابرين اجايه وياهم تساعدهم ..كلش حلو البيت جبير طابقين
سلمنا وتباركولنا جان بنفسي عرسي بلقاعه بس بعد كلشي تغير سكتت وكعدنا نسولف ونضحك ياسر ومقداد يحششون
كال فهد

فهد::احم خاله شنو تحتاجين اكتبي ابورقه ونطينياه الحنه بلبيت بس العرس بلقاعه

ورود::شكدد فرحة باوعلي ابتسمتله همزين هوه مره بلعمر ماريد اضيعه من ايدي حتى لو مو الشخص الاحبه بس هوه نساني اني هم لازم انساه

ام اطياف::اي يمه باجر يجون جدك اذا مالكه كلشي جاهز يسوي فلك
فهد::هه لا كلشي جاهز لتخافين

ورود::كمنا للمطبخ اني ولبنات نحضر الغده هوه مسوك مدري شوكت نضحك اني ولبنات واجة نور

نور::لج ورود الحكي

ورود::وجع شكو

نور::اركضي فهودي دخل الغرفتيه ودز عليج راح يمصج مص😂

ورود::ببووي البنات يضحكن واني ميته من الخجل ...ايا ادبسززز لج متستحين انتي

اطياف::ولج نور كون يسمعج ياسر الا يجنزج

نور::علكيفجن يلشريفات هسه اني شحجيت قابل مجذبه
هنيالها يااب شبعة بوس من هسه ههههه..ااخ

ورود::هيه تحجي وياسر وراها ناشرلها وماكو الحد مجراها من اذانها

ياسر::وللج منيلج هذاا الحجي

نور::ياسر وخر ااخ اذني فهددددد

ياسر::لج السانج يرادله كص وعلي من اسمعج تحجين هيج بعد الا اطيح حضج

ورود::ضحكنا ع نور ام السان متسكت كالت

نور::ديلله روحي صارله ساعه منتظرج 😉

ورود::خزرتها وغلست مرحت استحيت من عماتي ولولد كاعدين شوويه واجالي صوته عبالك عبوه ناسفه موصوت اعوذ بالله

فهد:::وروووووود

ورود::رحت ركض سويت الدرج شبختين فتحت الباب كاعد ع تخم منتبهة للغرفه كبل كتله هاااا

فهد::ووجعااا شكد صار من دزيت عليج

ورود::دزيتمن محد كال(احم مكالتلي نور😂)

فهد::دخلي وسدي الباب

ورود::دخلت وسديت الباب تمشيت يمه كال

فهد::ارجعي اقفلي
.ورود::كلبي ضل يلعب بلكوه رحت يم الباب قفلته
ورحت وكفت بصفه وهوه كاعد كالي اكعدي كعدت بصفه واباوع بعيونه

فهد::هاي غرفتج متردين تشوفيها

ورود::درت عيوني ع الغرفه كلش حلوه تصميمها يختلف
بلاول ناصي بيه تخم وتلفزون بعدين عالي بيها جربايه وبداخل الغرفه حمام والغرفه تركي لون كريمي وجوزي فد شي كلش حلو كتله ..حلوه
..مد ايده وفتح الشال احس وجهي صخن
شمر الشال وفتح شعري اني افرك بايديه من التوتر

فهد::شبييج مو لبارحه بحضني شبيج متوتره

ورود::باوعت بعيونه كتله اريد اروح اساعدهن بلعشاء

فهد::يااعشاء هنه ديسون غده شبيج ...قربة وجهي ع وجهه وهيه ترجف وخدودها حمر اكثر شي احبه بيها خجلها

ورود::باساني بخدي ونزل ع شفايفي يبوسني بهدوء كالي

فهد::بادليني لاتعذبيني

ورود::دفعته من صدره وكمت كتله...فهد كافي انته مدري شسوي بيه من تبوسني ...اجه بصفي وسحبني لجربايه ..

فهد فهد شدسوي عوفني

فهد::اششش ماسوي شي بس انيمج بحضني

ورود::وخرر ماريد عوفني ..شمرني ع الجربايه وصار فوكي

فهد::اششش شبيج كتلج ماسوي شي لاتتمضيكين موالبارحه بحضتي وكلشي مسوية

ورود::شنو كلشي مسوية لعد ولبوس شنو مجاني

فهد::اي هنه بوسات شبيج بعد

ورود::بعدني ممجاوبته اخذ شفايفي بين شفايفه
ماعرف شيصير بيه حتى ماكدر ابعده عني اختنكت بتعد عني عيوني بلكوه فاتحتهن

فهد::شبيج فتحي عيونج احجي اريد اسمع صوتج وانتي خدرانه

ورود::محاجيته رجع باسني وعض شفتي كتله ااه فهد اذيتني..ابتسم

فهد::بادليني لاشلعين كلبي المسدس جوه حرامات جا ماخسرت حجي

ورود::برطمت عليه ..شكد اكرهك من تهدد بلمسدس

فهد::ههه وك اهدد بغير شي

ورود::داسئله شنو غير شي ...فوت ايده جوه بلبد

ي ..وخر احس جسمي قشعر فهد وخر ايدك

فهد::بادليني لا انزلها 😉

ورود::رفعت وجهي عليه بسته حييل الحد محسية نفسي اختنكت اذيته بطرف اسناني بطرف شفته

فهد::ااخ حقيره لتعضين ترديني انفضح

ورود::يله بادلتك وخر ايدك ..اشو هذا رفع ايده الصدري

فهد::بوسه وحده مشبع

ورود::اسحب بايده ..وخر فهد والله ابادلك شكد متريد بس وخر ايدك...ضحك وخر ايده تمدد بصفي وسحبني ع صدره

فهد:: اذا معجبني بوساتج تباتين هنا مارجعج

ورود:::لا حباب لتسوي هجي

فهد::حجيت العندي اذا معجبني ماترجعين

ورود:: حجبت بفهاوه لايعجبنك دنكت بسته وايدي كوشة شعره راد يبتعد مخليته الحد ماني ختنكت باوعلي بستغراب

فهد:: ورود هاي بوسة وحده خبره منين متعلمه

ورود::نشف الدم بجسمي نظراته ماعرفت افسرها كانو بتهمني عرفت قصده ع منتظر كتله...ترى والله حيرتني مابوسك متقبل ابوسك متقبل شسووي

فهد::باعي ولد واعرف كلشي وهاي مو بوسة وحده متعرف شي مجربتها قبل

ورود::انته صددك متسحي لك كدامك ساقطه كو.. شايفني انته احجي بحركه وابجي وخر فهد والله لو تموت بعد مابادلك

فهد::اششش شبيج شكتلج هسه اني

ورود::وخرت من صدره سحبني وخزرني بقيت نايمه ع صدره الحد ماهدئت

فهد:: اسف

ورود::رفعت راسي اباوعله مستغربه

فهد:: لتباوعين هجي ماقصدي ابجيج
ورود::رجعت راسي ع صدره حاضنته حيل كل السواه بيه بس احس بشي غريب واني بحضنه دفو وحنان وامان ..

وخرني من صدره بصفه رفع وجهه باساني ولابادلته ولانطية ردة فعل كال

فهد::ههه اهو شون راح تعاند ابقي ع عنادج اني اعرف شغلي

ورود::نزل يبوس بركبتي ...لا فهد باجر الحنه استحي ااه فهد وخر كتلك...

فهد:: اها متردين بركبتك وك
ورود::سحب البدي كلش طلع صدري ...شبيك فهد ...بعد حجيي ميفيد ... ماعرف شوكت فتحت قميصه ولا اعرف شوكة بسته
فززتنه دكت الباب بسرعه وخر مني وهوه مبتسم ع الشي السواه كالت اطياف انزلو تغدو كالها اي اجايين

..ورود::.اني موكتلك لتسوي هجي شون البس بدله باجر

فهد::مينشافن بصدرج

ورود::ايبااه وع اساس مراح يبينن

فهد::ههه كومي غسلي وجهج احمر دننزل

ورود::دخلنا ثنينه للحمام غلسنا يباوع بلمرايه ع ركبته لفيت شالي واجية يمه كال

فهد::هاي شوكت بايستني هنا
ورود::مادري مو اني هاي
فهد::هاا لعد منو
ورود::مادري الله اليدري منو احس حرورة بخدي حطية ايدي مكان الراشدي كال

فهد::احجي عدل لتصيرين ادبسزز

ورود::اخذت التريده وهسه تضربني قبل شويه تتوسل ع بوسه هسه ت...بعدني ممكمله رجع ضربني راشدي

فهد::ادبسززز مجدي عندج اني حقيره ليش متصيرين ادميه

ورود::عيوني غوركة واحس نفسي شتعلت نار والله يافهد تحلم تلزمني بعد روح لكح... ضربني ع حلكي ويعت بشعري

فهد::لج مومحترمج ليش اجفصين يا كح... شايفتني كو..
دشوف شلون احلم الزمج هنه هليومين غصب عنج اخذ الاريده

ورود::عيوني غوركة واحس نفسي شتعلت نار والله يافهد تحلم تلزمني بعد روح لكح... ضربني ع حلكي ويعت بشعري

فهد::لج مومحترمج ليش اجفصين يا كح... شايفتني كو..
دشوف شلون احلم الزمج هنه هليومين غصب عنج اخذ الاريده

ورود:: هه احجيها من الاول كاتلك جسمي مميت عليه بعده لازم شعري وكالما احجي يقوي لزمته

فهد::كلي نعل لج لو كاتلني جسمج الف كح.. موجوده واحلى منج بقاطات ع شنو شايفه نفسج انتي

ورود::ااي روح بوسهن ونام وياهن عووفني اكرهك دفعني ع حافة الجربايه نضربة خاصرتي احس روحي شاطة جر شعري

فهد:: انتي الردتيه تدللين اذا مو بليلة عرسج واروح انام ويا بت ليل وارجع اخذ الاريده منج ماتسمى فهد

ورود::دفعت ايده من شعري ..روح ع اساس يهمني وصدك لو تموت مراح تلزم شعره مني

فهد::وك ورود انشوف وروح امي اذا مندمتج اني مو فهد

ورود::رجع ندك الباب عاط بيهم وكال

فهد::كوومي تسممي

ورود::مااريد وديني الاهلي ...احس نفسي بركان وبس ابقى يمه اموت ردت بس اطلع هوه مكال باطل سحب السويج ونزلنا الكل نتبه اكو مشكله حاجته ام اطياف ماهتم الاي احد صعدت يمه محد يحجي وصلنا البيتنا اول مانزلة شخط السياره وراح

عساك لارجعت دخلت للبيت بدون ما اسلم باوعتلهم بدلي احركهم كال حيدر

حيدر::لعد صابرين وين

ورود::مادري ..عفتهم وصعدت الغرفتي ميته من القهر
بدلة وكعدت ع جربايه اهز برجلي
كلامه يرن باذني بجيت واني افكر شون مغصوبه ع كلشي
نفتح الباب ودخل حيدر بسرعه مسحت دموعي

حيدر ::اكدر احجي ويا اخيتي

ورود::اي تعال يروح اختك ..اجه كعد يمي

حيدر::ليش تبجين

ورود:: يهمك تعرف
حيدر::ورود انتي تعرفين نفسج شكد عزيزه عندي عبالج دموعج تهون عليه

ورود::حيدر ماريده ماكدر اعيش وياه ايده ولضرب ع اتفه شي يضربني يسب ويشتم شون اعيش وياه

حيدر::اسمعيني للاخير وركزي بكل كلمه احجيها المفروض امي التحجيلج وتنصحج مو اني بس مدام اني رجال وافهم شنو فهد راح انصحج ...لو تفرين الدنيا كلها مراح تلكين مثل فهد هيبه او وضيفته لكل يحلم بيها بانيلج بيت كل ابنيه تتمناه كلمته تمشي ع الجبير قبل الصغير وشكله يخبل وشيخ

وأمر سريه بلوقت نفسه فوك هذا كله يحبج ويموت عليج ترى كل بنيه تحلم بهجي شخص

بلمقابل انتي لازم تحتوينه باعي احنه مابيوم ضغطنا عليج وخليناج ع راحتج وحتى تلفونج مايوم كتلج نطينياه لان عندي ثقه بيج تصرفين تصرفات محلوه ومنحاسبج نكول مراهقه خلي تعيش حياتها بس هاي الفتره نتهت اريدج تصيرين ام بيت الرجال يحب المره التحتويه التتلكاه بابتسامه ومجهزتله كلشي

يحب المره التهتم بيه شكد ماعدها شغل وشكد ماعدها ضروف تخلي زوجها بعيونها ومايوم تقصر بواجباته
اني اخوج وانتي كبرتي بعد راح احجيها الج طك بطك
من اجي من الشغل والكه صابرين
مبدله ومكيجه ومحضرتلي الحمام وتتلكاني بهلا حبيبي والله يساعدك كل التعب يروح

ومن ارجع والكاها بنفس الملابس العفتها بيهن وشعفتها منفوشه ولغرفه وصخه وجهال يبجون تلعب حتى نفسي وانتي تذكرين شكم مره اجي انام يمج
ليش لان اشوفها مشغوله بجهال وناسيتني صح جهالي
بس اضوج المهم يا ورود انتي حلوه وروحج حلوه وفهد اخو اخيته مينخاف عليج وانتي يمه تدرين هوه يكدر ياخذج بدون عرس ومهر

بس هوه شسوه ثاني يوم من جيتنا ندك الباب فتحته لكية اجنود ثنين سلمو ونطوني جنط اربعه والله بلكوه شلتهم كالو الامر فهد امرنا انوصلهن الكم ومن خابرته كال حولة افلوس الخالتي بتركيا وكتلها تشتري
وخلي عمتي تاخذ افلوس تروح اجيبلها شنو تحتاج

دخلت الجنط ومن فتحنهن امي ولبنات والله تعجبن عليهن
كله ماركه حتى امي كالت شاشتري بعد مباقي شي مجايبنه
اعقلي ورود وحافظي ع زوجج لضيعين فهد من ايدج

ورود::حجي حيدر غير تفكيري180درجه والله ماحسه اخوي هجي احسه روحي طفرت حضنته وبوسته ....ماراح انسه ولا كلمه من الحجيته ربي ليحرمني منك يا احلى اخو

حيدر::حبيبتي وردايتي شعندي غيرج ..وهسه كليلي صابرين ليش ماجت وياج

ورود::دنكت شاريد اكله تعاركة ويافهد مدري ع شنو حتى ماكو سبب مقنع كتله.... تعاركنا اني وفهد وطلعنا بسرعه

حيدر::ولج بسم الله بعدكم مامعرسين وتتعاركون اسئلج وجاوبي الصراحه لتكذبين عليه .منو الغلطان انتي لو هوه

ورود:: هوه غلطان بس اني الغطة بالاول

حيدر::احجي ع شنو تعاركتو

ورود::ضل وجهي ينطي الوان شاحجي ع بوسه تعاركنا هوه انتبهلي ضحك كال
حيدر:: ههههه لاتحجين هاج هذا تلفوني اتصلي عليه وعتذري منه راح انزل شويه وجيبي التلفون اروح اجيب صابرين

ورود::اخذت التلفون من حيدر وهوه طلع شون ما افكر اني الغلطانه ومال بليلة عرسنا ويروح ويا بت ليل لاجذب اموت والله
خاف اخابره ويفشلني طلعة الرقم وتصلة اول مدك فتح خط كال
فهد::الو ها حيدر
ورود::احم
فهد::منو
ورود::ورود
فهد::شتردين واني موكتلج ممنوع التلفون
ورود:: فهد اسفه ع الحجيته مساع
فهد:: هه شنو نسحبتي بعدج مشفتي شي وتراجعتي
ورود::انته ايدك ولضرب حتى لو اشاقه وياك تضربني واتي ماكدر اسيطر علساني
فهد::يصير خير اني اعلمج شون سيطرين ع السانج
ورود::لتهدد
فهد:: ورود روحي مني احسن لازيدين الطين بله
ورود:: هوه هم موصوجك صوج التريد تراضيك روح عساك لارضيت ..سديته بوجهه رجع اتصل رفضته اتصل هم رفضته
دز رساله اني اعلمج بسيطه طكيت الرساله حذف ونزلة انطية التلفون الحيدر راح جاب صابرين كلت الامي اريد اشوف الغراض وينهم كالة اخذوهن وياهم مساع للعصر كالت
صابرين يله بدلي نروح لصالون مكلت باطل ركضت سبحة وبدلة بسيطه فهد دشوف شون تعوفني وتروح لبنت ليل
رحنا اني وصابرين وفاطمه لصالون كتلها خلي حواجبي ثخان بس رتبيهم

حفت وجهي بس متت كالت صابرين خلي نصبغ شعرج
كتلها وك صبغته تمري تقريب نفس الون بس بعد هذا برز اكثر

خلصنا ولبنات هم حفن وصبغن شفت بنية ادك وشم دكيت رجل اله اسوي وشم
صابرين كالت
صابرين::خاف رجلج ميقبل
ورود:: ابد الا ادك...
فاطمه::اصبري نخابره
ورود:: منيلج رقمه
فاطمه::حسام يدزه النه
ورود::اتصلت فاطمه ع حسام دزاه الها خابرته وهيه وصابرين وحده تشمره ع الثانيه وام الصالون تضحك عليهن
حاجته صابرين
صابرين::ها خويه ..اني صابرين ..احنه بصالون اورود اتريد ادك وشم تقبل...اي هياتها ...هاج

ورود::اخذت اتلفون منها كتله الوو
فهد::شتردين تسوين
ورود::وشم
فهد::وين
ورود::بصدري
فهد::وين بصدرج حددي
ورود::بايدي مو بصدري
فهد::شنو من وشم
ورود::نبض وحرفي
فهد::لا ممنوع
ورود::حباب
فهد::لا وياويلج لو تغيرين شي بشعرج وحواجبج
ورود::بلعة ريك ...غيرتهن
فهد::شنوو منو سمحلج
ورود::غير اجية لصالون
فهد::شسويتي
ورود::صبغة شعري وحفية
فهد::يالون
ورود::نفس الون
فهد::الا اكصه وحواجبج طكي صوره ودزيها ع الواتساب بسرعه
ورود::بعدني ممجاوبته سده بوجهي

صابرين::هاا شكال
ورود::حيذبحني
فاطمه::شكو
ورود::يكولي شون تلعبين بشعرج وحواجبج يريد صوره وماكو نت شلون
ام الصالون::نطيني اني ادكلج الرمز
ورود::انطية التلفون الها خلة الرمز اخذته فاطمه طكتلي صورتين صوره الحوااجبي واضحات وصوره الشعري
دزيتهن اله بسرعه رد عليه وصابرين وفاطمه وام الصالون هم اخذها الواهس تباوع ويانا

منتظرينه كلنا جان يكول

فهد:: لتغيرين شي بعد وشم ياويلج لو سويتيه
ورود::وك ...حذفت المحادثه ونطية التلفون الفاطمه ضل الوشم بنفسي
اجالنا حسام رجعنا للبيت سوينا عشاء بسرعه
شويه وصاحلي صابرين وفاطمه بيدهن شيره خرب شيله عبود افلت شردت اجلي سحلني سحل وقفلن الغرفه شبعتهن غلط وعض وصريخي عبالك وحده تطلك

وكلساع سابه فهد خلصن ورحت سبحة صارت بهدعش هستوني اريد انام ودك الباب حسام دخل كال رجلج يريد يحجي وياج اخذت تلفون كتله ..الو
فهد::لتنامين شويه واجي
ورود::ليش
فهد::معليج خلي التلفون يمج من اجي اتصل عليج تفتحيلي الباب
ورود:: وك..سديت تلفون وضجت مردته يشوفني هسه زين هذا ميستحي من اهلي واصلآ اشو اهلي مكيفين ينام يمي ولا الهم شغل
...صارت ب12وهوه ماكو بلكوه مفتحه عيوني صارت12:30اتصل عليه كال انزلي افتحي الباب طلعت اتختل

استحي من اخواني البيت اظلم اهلي نايمين
فتحت الباب كالي من ورى خشمه
فهد::شلونج
ورود::الحمدالله ... مشيت كدامه وهوه وراي وحتى هوه يتختل ضاهر هم يستحي اول مصعدنا ع الدرج نصدمنا ب...

يتبع..

يي حبي..كلش زين هو الترطيب بعد الحمام اهم شي

وترهيم العين هو حبي هج ترهميه

وكل أنواع المسمنات ابد مايفييد..واضراره تبين بعد فتره☹️💔 ..فبعد عيوني ابد لاتستعملين أي مسمن

ورح اوجهلج عل خلطات للتسمين نشرتهن قبل..بس ينرادلج استمرار لشهر شهرين ..يله عود تشوفين نتيجة
وكون يوميا صبح تشربين حليب وعسل..وتاكلين يومية موز..هذيني يسمن الوجه🥰

#ملوكه