يي عمري الحنة كلش مفيدة للشعر تعدله وتقوي وتمنع التساقط يعني من ثالث استعمال تشوفين فرق واهواي😍 فوائد بي

بس مثل ماكتلكم للشعر المصبوغ او اللي ناوية تصبغه ميفيدها☹️✨

#ملوكه

عيوني من فوائد زيت جوز الهند للشعر انو يرطبه الشعر وخاصة اذا مجعد او بي كسرات
وينعم الشعر ويقلل من تساقط وتقصف

وهمين ماتغسلين شعر وتنشفي..خلي اشويه عل اطراف حته يترطب ويروح تقصف🥰💜

#ملوكه

حياتي..عاشتيدج😍💋..

حبيت🙈✨ كولش حلو تصميم

#ملوكه

🎀طبعا مثل ماشفتوا البارحه بفقرة فضفضة
اكثرية منكم ديعانون من مشكلة وهي الخوات☹️💔..فاشويه خل نسولف ونحل هالمشكلة

هالحجي موجه للخوات اللي اصغر من الأخت الجبيرة
اول شي احنا نعرف أنو الاخت الجبيرة هي رح تكون مسؤؤلة عن شغل بيت..بس مو معناه تخليها تشتغل وحدها وتعيفن كلشي عليها

حبيبتي انتي مكاعده بفندق ولااختج جبيرة خدامة حته بس تخلوها تشتغل من صبح لليل
هم حقها ترتاح اشويه واذا طالبة وامتحانات هم حقها تدرس ..فلاتصيرين ظالمة وياها..هاي تعتبر مثل امج ثانية وسندج. ..
★باجر عكبة مثلا امج وابوج لا سمح الله اخذ امانتهم...منو يبقالج؟؟ غير اختج هي اللي رح تهتم بيج وتحافظ عليكم وتطبخ وتنظف وتوفرلكم كل سبل راحة وهي بيت اسرارج
واذا واكعة بشدة.. فمنوو يساعدج ويسندج غير بس اختج..ورح تفتقديها اكثر لمن تتزوج

اكو ناس تتمنى عدها يصير خوات😔 واكو ناس تسبب كل مشاكل علمود يفرقون بين الخوات
ليش مرات من ببالج فد حاجة وتريدها تتحقق ميصير او انتي مامتوفقة وي دراستج؟ من هالسبب👆🏻

فحاولي عزيزتي.. تقوين علاقتج باختج اللي اكبر منج..لانو هي تحبج بس انتي ضالمتها
فبس لو تساعديها بكم شغلة بالبيت..تدرين اشكد رح تفريحها وبنفس الوكت الله ديشوف معاملتج وياها فيوفقج وهذيني كلهن حسنات يتسجلن يمج..
فابدي من اليوم غيري كل تصرفاتج وياها 😻❤️وشوفي اشون الله يوفقج بحياتج


#اعادة_توجية_للفائدة
#ملوكه

وبالنسبة للأخت الجبيرة..لاتصيرين شرطية😒😂 عليهم وتتعصبين لو تضربيهم ..كل اللي دتسوي ينعكس ضدج ويصير عناد وكلشي متستفادين..
فمن يصير غلط انتي علميهم هم اصغر منج..هم لو يفتهمون جان مايسوون الغلط..بس مايعرفون بعدهم صغار

ابسط شي اني من جنت صغيرة بالمتوسطة..ياما مناكرات صارت وي خواتي من مكافش وجر الشعر😂..وكل يوم وثاني اهلي يطوني محاضرات صلحية💔🤣

بس من كبرت اني ..كمت اضحك عل هذيج الايام وبالشغل متعاونين...مثلا اختي ثانية تتخبل من غسل ماعين وتحب طبخ واني اموت من طبخ😣😹...فاطيتها الطبخ الها واني اغسل كل ماعين وارتب بيت واكنس
واختي ثالثه تغسل طارمة وتلم سفرة بعد الاكل واختي رابعة اللي اصغرهم تفرش سفرة و تعبي بطل الماي وتخليهن بالمجمدة😅

فيوميا هج احنا ..هم نخلص شغل اسرع وهم بنظام وتعاون ..فانتو هم نفس الحالة..شوفي خواتج اللي اصغر منج شيعرفون ..اطيهم يسوون..

واكسبيهم..بالهدوء والكلام الحلو والمحبة..وسولفي وياهن واني مطبقة هالطريقه وداشوف نتيجة
انو اسولفلهن من مواقف وياي لو قرارات الي دتصير بالجامعه..لو اسألهم عل مواقفهم بالمدرسة وشيصير من وكاحات بين طلابات.. ومن هالسوالف وكلشي نحجي
بحيث قبل ماجنت أمن اسراري يمهن
بس من حاولت وياهم بهالطريقة وكسبتهم.حته اسراري يأمنون عليهن🥰

فحاولو هالطريقة هم تفيدكم وهم تقوة علاقتكم..
واي غلط صار او عناد..انتي لاتتعصبين ولاتضربين..الاب والام موجودين وهم يتصرفون وينصحون
اما انتي اكسبيهم وغيري معاملتج ..فكلشي يتحسن😇💜

#اعادة_توجية_للفائدة
#ملوكه

#نصــائـح 😍✨

💕علاج انتفاخ العيون خلي اكياس الشاي عل عيونج 15 د

💕احد اسباب ظهور الحبوب بالوجه هي عدم الانتظام بمواعيد النوم والسهر الزايد

💕من تغسلين شعرج بالبلسم لتخلي ع جذور الشعر لان يسبب بتساقط الشعر بكثرة والافضل انو تخلي من نص الشعر الى تحت

💕تريدين تعطرين شعرج ..... رشة عطر خفيفة على المشط وبعده مشطي شعرج وشوفي الريحه


#اعـاده_توجيـــہ_لصديقتج
#ملوكه

ههههه..يي زين هج🌚😅

هو ليش هج يصير هالعناد لو ماكو تعاون سببه من الأهل
كون الأهل دايما يوجهون ..لمن البنات يتعودن ويتعلمون عل نظام وكون الاخت الجبيرة واعية وهادئة حته تعرف اشون تتعامل وي الخوات بقية☺️

فحبايب المتزوجات همين.. استفادن من هالشي..علموا جهالكم من وهم صغار عل تعاون ولاتسوون اي فروقات ..كلهم يشتغلون سوية وبتعاون ..حته لاتصير حزايزيات وتقوة العلاقة الاخويه بينهم🥰✨


#ملوكه

حبي يوميا صبح غسلي بغسول🙃🧡 الخاص لبشرتج وي جهاز فوريو ومن تكملين سد المسامات بالثلج ..ورطبي بشرتج بمرطب نتروجينا كلش زين للبشرة الدهني
ورة نص ساعة خلي باودر مال اطفال
وبالاسبوع مرة قشري بشرتج

اذا تضلين عل هالعناية ..فبشرتج هم تتجدد وهم تصير ناعمة ونظيفة😍

#ملوكه

#طريقة توسيع العين بحركه سهله وبسيطه


بقلم بيج او شوية كونسيلر مديه من نهاية العين لبرا وبشكل خفيف
،، يعني افصلي الشدوو اللي فوگ عن اللي جوه ،،راح تلاحظين انوو عينج صارت اوسع 👁😍💄


#اعـاده_توجيـــہ_لصديقتج
#ملوكه