البارت10
#الُمٌهنَدِسِه📐 وَالُضُابّطِ👮🏻‍♂
#الكاتبه/طيبه الغراويKT

حيدر:صعد فوك دااراضي مريم
ومن فتحت الباب...
اويلي يابه فواكفه داتبدل شهل كيمر شهل بياض
هذا مالتي وحلال وكاعد اني خررب
كمت متحملت حضنتها وضليت صافن بوجها

انتي الله خلقج من العسل مو من طين
ونطانياج احبج...

مريم:ضل صافن بوجهي بعدين كام يتغزل بيه
يمه ياكاع انشكي وبلعيني انوب مصلخه اهئ اريد
البس انوب كملها وكال احبج...
بعدين تذكرت مرته

وخر مني اريد البس..

حيدر:شنو زوجج اني مو غريب بدلي كدامي

مريم:حيدر كلتك وخر من يمي روح لمرتك
ذيج شكو جاي يمي

حيدر:فرحت كلش لان دااشوفها تغار..
احم تغارين

مريم:هههه طبعا لا يله واخر اريد البس هدني

حيدر:كلش ضجت من حجت بستهزاء
ماشي بسيطه مريم
كمت دفعتها وطلعت

مريم:دفعني حيدر وطلع اعرف استهزءت بي
بس حتى لو ماكو شي بينا بس بعدني عروسه
بله بربكم اكو واحد البارحه يتزوج واليوم
يعقد ع ثانيه
انوب حلوه اووف
كمت لبست دشداشه رياضيه لونه وردي
وخليت مكياج بس طوخت الحمره شويه
وضفرت شعري من جهة اليمين وبقيته مفتوح
مادري اصلا ليش دااسوي هيجي يمكن
اريد احرك قلبه صراحه
من بقيت يمهم لحد الاربعين واهتمامه وخوفه عليه
حسيته شغله تخصني اليه بس اني
حتى من خابرني وليد جنت قبل
اذا اخابر وليد قلبي يدك بسرعه واخاف منه وجنت
حتى اعشق صوته بس هسه لا ابد ولا اهتميت اله
صح بجيت بس لان اضوج احد يطعن بيه
حتى حرام ...

كمت حطيت الشال ع شعري ونزلت جوا
لكيت نسوان كاعدات يم عمتي
شافني وصاحتني عمتي

ام حيدر:تعاي يمه تعاي ماكو غريب هذول كرايبنا من بعيد

مريم:اجيت سلمت عليهن
واكو وحده منهن مره جبيره ضلت بس تباوع عليه
داتعرفهن بيه عمتي وجان يدخل حيدر

حيدر:احم سلام عليكم

الكل:وعليكم السلام ياشيخ

ام حيدر:يمه حيدر تعال

حيدر:اجيت يمه

ام حيدر:هذوله العرسان دااحجيلكم عنهم

مريم:ضلو يباركولنا جان المره الصافنه عليه دكول

ام تحسين:ياا جا طلعت هاي جنتج
وانه حسبالي وحده من بناتج كلت اخطبها
لبني كرار الصغير لان حليوه وتجنن
الله يحفظها الج ويحفظك يمه شيخ

حيدر:من رخصتكم
كمت جريت مريم تعالي حبيبتي طلعيلي دشداشتي
كمت اجر بيها وصعدتها فووك

م حيدر:يمه جنهم عصافير الحب
الله يحفظكم

مريم:جرني حيدر وصعدني فوك
ااااي حيدر ايدي داتأذيني شبيك هسه اطلعلك
دشداشه هدني
فتح الباب مال غرفتنا ودفعني بيها
اووووي... ايدي شبيك

حيدر:كمت جريتها وصعدت فوك ضلت دردم
متت شلون تطلع هيجي انوب ضيكه الدشداشه
والمكياج وشعر وكدامهن تفرفر
انوب خطبوها وهي ع ذمتي لو مو ع ذمتي شلون

دفعت بابا غرفتنا ودخلتها
انوب دكول اوووي خرررب

حيدر:لج انتي شلون تلبسين هيجي وتنزلين هاااا

مريم:ليش شلابسه هي دشداشه

حيدر:هي هاي دشداشه مالتج عبالك داتسوين اغراء
بهذا جسمج

مريم:يااغراء هي دشداشه وبعدين شكو جرني بهل
طري...

حيدر:هي تحجي وانتبهت ع شفايفها
شكد اصير عصبي ومااشوف كدامي بس يمها
اضعف حب طفولتي هاي قلبي هاي عقلي
هاي روحي كلها
كمت متحملت بستها فجأة...

مريم:دااحجي واجان يبوسني
صدمني ضل يتفنن بالبوسه
ويتعمق بيها مااعرف شنو الي خلاني استسلم
اله اريده اريده يصير ملكي ماريد اخسره
بس بنفس الوقت خايفه احبه شعور متناقض عندي

كام يتلمس بجسمي وجان راسن يكطع البوسه
وشالني عفته براحته ماادري ليش

جان يحطني ع سرير وشك الدشداشه
عزززا متت من الخجل
ضل صافن ع جسمي

داينزل ع ركبتي يبوسني وجان يندك الباب(لعد شعبالكم الا العب بيكم😂😂😂👈👊)

شفته صار عصبي وجر الجرجف وذبه عليه وطلع

حيدر:من بستها شفتها استسلمت اليه
كمت اتفنن بالبوسه
بعدين شلتها وحطيتها ع سرير
وشكيت دشداشتها حتى تحرم تلبسها
وداابدي جان يندك الباب

يابه اليوم اكسر راسه الي دك الباب ياجلب هذا
كمت جريت جرجف داتستر نفسها
وطلعت من الغرفه
لكيتها حوريه

حيدر:يعني انتي عفتي الاوقات كلها هسه تجين
دكين الباب

حوريه:يا خويه جا شمالك اجيت اكلك ان اكو رياجيل وضباط اجوي عليك وداينتظروك بالديون

حيدر:اي ماشي انزلي انتي وهسه اني جاي

حوريه:ماشي خويه ولتنسه غسل وجهك يله
تنزل ههههه

حيدر:جا شمالها هاي
رحت دخلت للحمام
دااغسل جان اشوف نفسي بالمرايه
وجهي عباره عن حمره هههه هسه عرفت ليش كالت
هيجي حوريه
كمت غسلت وطلعت ع سريع
منو جايني انه اخذت اجازه من شغل سنه بدون راتب
علمود المشيخه واهلي

كمت نزلت رحت للديوان لكيت اصدقائي وياهم
ضابط المسؤول عني

حيدر:السلام عليكم
نورتوا الديوان

الكل:وعليكم السلام شيخ

سجاد(صديق حيدر):اي عمي صرت شيخ
ونسيتنا

حيدر:هههه شلون انسه اخوتي

محمد:اي عمي اي
عبالك خلصت منا تره جايك بشغل

حيدر:خير ان شاء الله

الأمر(ابراهيم):حيدر انت لازم ترجع للشغل

حيدر:سيدي بس انه ماخذ اجازه سنه وافقتو
عليها

ابراهيم:اي اي نعرف بس اجتنا مهمه محد يكدرلها غيركم انتو الاربعه محمد وسجاد وحسام وانت

حيدر:تمام سيدي
محمد:تمام سيدي
حسا

م:تمام سيدي
سجاد:تمام سيدي

حيدر:سيدي شنو المهمه

ابراهيم:مو هنا نحجي بيها حضروا نفسكم وتعالو باجر للمقر السري لان هاي المهمه كلش خطيره
وميصير اناقشها بالمقر شرطه لان اكو ضباط
وشرطه دايوصلولهم خطواتنا لذلك جمعتكم هنا
عبالهم جاين نعزيك

وجمعتكم انتو الاربعه لان اعرفكم زين

حيدر:حاضر سيدي باجر احنه بالمقر

ابراهيم:يله لعد احنه نرفع الزحمه

حيدر:وين سيدي انت اول مره طب للبيت
ابقوا ع عشى

ابراهيم:ع جايات ان شاء الله
هسه لازم اروح

حيدر:نورتونا سيدي

حيدر:ودعتهم وصعدت فوك

مريم:من طلع حيدر استوعبت جان يسوي
خررب عززا كمت وكفت كدام المرايه وجهي صاير خارطه
وشداشتي مشكوكه هههه خجلت وضحكت ع نفسي
بنفس الوقت
كمت طلعت دشداشه ثانيه كدري عاديه
ودخلت سبحت وطلعت بدلت ونشفت شعري
وكعدت اكلب بالفون وخابر امي
ونمت من وكت مردت اشوف حيدر كلما اتذكر اخجل
من نفسي شلون منه لعد ..

حيدر:صعدت فتحت الباب فتحت الضوا شفت
مريومتي نايمه
اول مشفتها اتذكرت الي صار هههه
اكيد نامت حتى متشوفني

ميت من تعب حضرت ملابسي
لان باجر من صبح اروح وقتت المنبه ومددت ونمت

________________________

وليد:متت من من سوت هيجي مريم
وكله كوم والحجي الي كالته كوم ثاني
اول مره تحجي هيجي وياي اني مريم الي
تعشق حتى اسمي هيجي سوي
اي اعترف غلطت اني لو سامعلها من بدايه
ومغلطت هيجي ندمان بكد شعر راسي

لازم ارجعها الي لازم اول شي اسوي هسه
لازم افكر بحل علمود تطلك واخذها اني
بعد تحديت نفسي اخذها لو حتى اموت نفسي
مستعد كولشي اسوي بس شلوون اخلي يطلكها شلون
اي لكيتها.....

#البارت11
#الُمٌهنَدِسِه📐 وَالُضُابّطِ👮🏻‍♂
#الكاتبه/طيبه الغراويKT

مريم:نمت حتى لا اشوف حيدر لان خجلانه كولش
منه..
فزيت الفجر ع صوت طكطكه بالغرفه
كعدت لكيت حيدر لابس ملابسه مال ضباط
مااعرف ليش ضجت وقلبي انقبض
فتحت الضوا وكتلها

مريم:صباح الخير

حيدر:صباح النور

مريم:ليش لابس هيجي شنو راح ترجع لشغل

حيدر:ايي

مريم:بس انت مو ماخذ اجازه سنه بدون راتب

حيدر:اي ولغيتها ليش

مريم:هاا لا ماكو شي هيجي
شوكت ترجع..

حيدر:مادري اشوف جوز بعد اسبوع

مريم:سكتت كمت دااسويله ريوك
اني راح انزل جوا احضرلك شي تاكله
احضرلك ملابسك تاخذهن وياك

حيدر:ماكو داعي حضرتهن
بس سويلي ريوك لان اريد اطلع بسرعه ضروري

مريم:عفت حيدر ونزلت جوا رحت للمطبخ
حضرتله بيض وكيمر وجاي وخبز حميته اله
مااعرف ليش ضايجه كولش ليش يروح
ليش لغى الاجازه ماادري بس احس بأمان وهو
موجود..
كملت الريوك وضليت صافنه الى ان نزل حيدر
عززا يجنن بالبدله صدري العريض وعضلاته
وطوله وهيبته
صدك حسيت بفخر ان هيجي انسان هو زوجي
كعد ياكل ..واني صافنه عليه الى ان كال

حيدر:شنو متاكلين وياي

مريم:مااكدر اكل هيجي وقت بعدين
اتريك وياهم

حيدر:براحتج
الحمدلله كمت دااخذ الجنطه
اذا تحتاجون شي يوسف وسيف موجودين
اني خليتهم بمكاني هسه لحد مااجي

مريم(بخوفه):ماشي ديربالك ع نفسك تروح وترجع بالسلامه

حيدر:حسيتها خايفه وضايجه عليه لان رحت
مااعرف سألتها
تخافين عليه

مريم(بتوتر):هاا لا ليش بس لان انت هم الشيخ وابن عمي وعلمود عمتي هم

حيدر:كلش ضجت منها لسانها يحجي شكل
وعيونها ورجفتها شكل ثاني
حبيت اضوجها

صدك قبل مااطلع شخبار سعاد خوماضوجتوها

مريم:فوكاها يسأل ع خانم اي حقك عيني
مادري بيها وين شعليه بيها

حيدر(بمكر):ههههه ماشي ديربالج عليها
وعلميها كلشي لان تعرفيها بعدهي صغيره
وصيها لتطلع برا لان هي حلوه وتجذب النظر

مريم:كلش ضجت من يمدح بجمالها
لا ويوصيني عليها حتى مكلي ديربالج ع نفسج
مرديت عليه سكتت

حيدر:ههههه شفتها سكتت خرب النسوان بس الغيره
تنفع وياهن
يله اني راح اطلع ديربالج ع نفسج وع اهلي ولتنسين سعادتي ديربالج عليها

مريم:لا ويدلعها هم
اي اي افتهمت لا كلساع تعيدها

حيدر:هههه طلعت وعفتها شايطه
بسيطه اعرف كمتي تميلين اليه
صح تعبتيني بس كلشي يهون لجل عيونج
ركبت السياره ورحت لبغداد هناك المقر السري
الي نكعد بي علمود ناقش القضايا المهمه ومحد يدري بيها

مريم:من راح حيدر ضجت كلش من اسلوبه وياي
وكلامه شنو سعادتي شنو ديربالج عليها
شدايحجي هذا ضليت ادردم عليه
لحد موصلت لغرفتي انتبهت ع نفسي شبيه
اني ليش مهتمه هيجي بي
فتحت الغرفه ودخلت بيها بارد وعطره بكل مكان
عطره يدوخ طفيت الضوا وتمددت ع جربايه
وغمضت عيني وضليت اشم بعطره لحد منمت ...

__________________________

وليد:ماكو غير هذا الحل حتى اسوي وتطلك وارجعها
الي جنت احجي وياه نفسي الى ان اجه صديقي

مهند:السلام عليكم

وليد:وعليكم السلام هاا بشر دبرته

مهند:اي دبرته لرقم الضابط حيدر راضي
بس كلت لاخويه عرفه كال هذا احسن واحد
عدنا وابن شيوخ هم

وليد:عسا بالموت ان شاء الله
وين الله وارهابي يكتله

مهند:لا خويه خطيه تره الي داتسوي راح يضرك
صدكني اسمع كلامي تراجع عن الي براسك
انت وليد اناني دات

فكر بانانيه البنيه جانت تحبك
وانت لو تحبه جان مصدكت بصديقتها
وتطيها حظر ليش مفكرت بعقلك انت عمرك
متفكر بقلبك بس بعقلك وتتفاهم شمعنى بهاي
متفاهمت

وليد:اووف جنت اعمى من العصبيه
والحجي والصور عبالي مثل البنات هم دخلت كليه
وتتغير عليه ياريتني سامع الها جان موصلت لهل
مواصيل هسه ميفيد الندم انطيني الرقم

مهند:وليد اتراجع عوف البنيه انت متحبها هسه
بس شغله انانيه وحب تملك وتحديت نفسك
ترجعها تره انت بهذا تفكيرك راح تكسر ركبة البنيه
عوفها بحالها

وليد:مااكدر مااعوفها مستحيل
وانانيه حب تملك اني حر انطيني الرقم

مهند: هاك الرقم الله يهديك بس

وليد:اخذت الرقم ودكيت ع الحقير هع عباله اخليها
اله مو وليد الي ياخذون منه شغله ويكعد
ويسكت

حيدر:وصلت للمقر شفت محمد وسجاد وحسام
هناك موجودين شلمت عليهم
وكعدنا ننتظر الامر ابراهيم
وره نص ساعه اجه
وكفنا تحيه اله وطعدنا كلنا وهو كعد يشرحلنا عن
المهمه الي هي ان ارهابين دااياخذون جهال من ناس الفقره
ويحطوهم بيت مثل الميتم ويشغلوهم
ينطوهم مخدرات وجهال يوصلوها
لو يتاجرون بالاعضاء مالتهم
وكتشفوا هذا شي من اجه رجال جبير بلغ ع بنته
وشرطه مراقبه المكان وتم القاء القبض ع كم واحد
بس ملكو الجهال وملكوا اي دليل عليهم
لذلك اطلقوا صراحهم
بس ضلو تحت المراقبه وتأكد هذا شي ومره ثانيه
هم القوا القبض بس هم ملكوا الجهال عبالك يتبخرون

ابراهيم:وهاي كل القضيه
المشكله ان رحنا للأحياء الفقيره وتأكدنا من الاهلي
ان اخذو جهالهم عود هم مؤسسه خيريه ويشغلوهم
بس جهال راح وبعد مرجعوا لذلك قدموا شكوى
حيدر

حيدر:نعم سيدي

ابراهيم:انت بهيجي امور تعرف تتصرف وتعرف شلون
تلزمهم وانتو هم تفكيركم مثله لذلك اختاريتكم
وخليت المهمه سريه لان اكو من بالقسم دايوصللهم
معلومات لذلك اريدتكم تكشفوهم
باسرع وقت اريد كدامكم بس شهر تكشفوهم ادري
المهمه صعبه عليكم بس اذا منلزمهم راح يضيعون
العراق وشبابه واطفاله لذلك لازم تنجحون بهاي المهمه
وترفعون راسنا

حيدر:حاضر سيدي اعتبر شغله خلصت

ابراهيم:ع بركة الله اني هسه اروح
للقسم وانتو خططوا وشوفو شلون تكشفوهم
وهذا الملف بي المعلومات والعنوان البيت هم

حيدر:راح الامر وضلينا تقرا المعلومات
وبعدين ضليت افكر شسوي اذا هم مخدرات وخطف
ثواني محمد

محمد:هااا

حيدر:اكلك البيت كاتبين ميتم هوو

محمد:اي علمود يضللون ومحد يشك بيهم من ناس مسوي ميتم ويخلون جهال يطلعون بالليل
حسب المعلومات

حيدر:زين لعد لكيتها الخطه شوفوا
دااحجيلهم عن الخطه وشلون راح انفذها
وجان يدك التلفون مالي
شفته رقم غريب عبالي صاير شي بالسلف
من رخصتكم
كمت رديت عليه طلعلي رجال

حيدر:الوو

وليد:سلام تليكم

حيدر:وعليكم السلام منو حضرتك

وليد:اني الي ذاك اليوم حضرت عرسي
زوج نور صديقة مرتك(كلت مرتك وقلبي شب بي نار
اكره احد ياخذ شي يخصني)

حيدر:هاا تذكرت تذكرت اتفضل محتاج شي

وليد:اي حبيت نجي انزوركم لان نور تريد تصالح
مريم فردت العنوان منك

حيدر:اي هلا بيكم تنورونه بس هسه اني مسافر
بشغل من ارجع ادز العنوان وهلا بيكم

وليد:ماشي تسلم انتظرك لان تعرف نور تعتبر مريم
اختها ومدمره ع فراكها ولان زعلانه منها

حيدر:اي صح صراحه معرفت شنو المشكله بضبط
لان مريم من نهارت جانت دكول خانتني
وبعد مفهمت منها شي ومفتحت الموضوع وياها
لان يضوجها

وليد:كلت بقلبي(اي همزين طلع الشفيه ميعرف مريم
جانت حبيبتي بعد احسن)اي اي ماشي لعد انتظرك دزلي العنوان حتى انصالحهم

حيدر:ماشي يله من رخصتك عندي شغل

وليد:هلا اخذ راحتك الله وياك

حيدر:سديته منه وضليت افكر اني ليش محجيت وياه مريم وافهم منها ليش من شافت صديقتها ضلت تبجي وتصيح خانتني من ردت استفسر منها مرض ابويه وشغلي التهيت وراحت شغله من بالي
يله من ارجع احجي وياها
رجعت لاصدقائي وضلينا نتناقش ونخطط ...

_________________________

مريم:من راح حيدر وكعدت صبح كلشي ضجت هو ماكو
نزلت اساعد عمتي وحوريه وتريكت وياهم
وكعدت ست الحسن بس اريد افهم حيدر شاف منها
يعني لو متزوج قبل جان هسه بنته بكدها
بس بسيطه
اووف والله مشتاقتله مادري ليش وخايفه عليه
ضليت اشتغل وياهم وحضرنا الغدا
وصعدت دااسبح جان اسمع موبايلي يرن
شلته راسن مشفت الرقم عبالي حيدر دايدك

مريم:الوو حيدر هلو

نور:الله ياخذج ان شاء الله طبعا عايشه
بسعاده واني طيحتي حظي بس بسيطه
الا انتقم منج
صدكيني بسيطه

مريم:كمت سمعت صوت نور راسن سديته بوجها
مع الاسف جنت اعتبرج بيوم من الايام اختي ...

أمر طبيعي أن يطعنك أحدهم في ظهرك إن كنت في المقدّمة، لكن الصدمة أن تلتفت فتجده أقرب الناس إليك💔.