أمراة من زجاج

......البارت الثاني عشرررر.....

.......اي تحميني
ضحكت بوجة وكأنما اني بخير وماكوشي بيه
ودخلت للغرفة
بس اكو وجع بداخلي واكو تحدي
تمشيت وجريت الكرسي وكعدت كدام المرايه
وفتحت شعري وبقيت العب بي واكو دمعه واكفه بطرف عيني مسحتها
وبقيت اباع على نفسي وكلت
اني راح أتحدى كميل وراح اخلي يتمناني
ويريدني مثل ماسووو بيه
مثل ماهسه كلبي نابض بس لشوفته
مثل ماهسه جنت اتمنى من اشوفه اركض واخلي راسي على صدره
لشوكت ابقى اني هاي البنت البسيطه الي تتعامل بطيبة والي متعرف تكذب
لشوكت اصير فرصه سهله لشوكت اتحمل الكل
اني ماجنت ضعيفه من اني صغيرة اشتغل واتحدى
وابط عين اكبر واحد ليش هيجي من يوم الي حبيت
ضعفت بهذا الشكل
ليش حب ورا حب يكسرني اكثر
جنت احجي شي وبكلبي شي
رجعت اباع شكلي
وكلت ليش مافديوم اهتميت اغير شي بيه
جنت اخذ كلشي بسيط واسوي واقبل بكلشي بسيط
ليش ماطمحت فديوم اخلي الرجال الي بقربي
يبقى يتمنى قربي
مااعرف اذا هذا الي راح اسوي أجى بوكته
لو متأخر
رحت لفراشي وبقيت افكر والف سالفه جتي براسي ‏
وبعدها تغطيت ونمت وكعدت الصبح من وكت
علمود الحك على كميل خاف يطلع
كمت غسلت وبدلت بسرعه وطلعت
بقيت ادور عليه ومجان موجود لا بالمطبخ ولا بالصاله
شفت ام ياسين
كتلها
....صباح الخير ام ياسين
....صباح الخير بان
....وين كميل
اشرتلي وكلتلي
هذاك واكف بالحديقه ويمه الحدقجي
....ها اي زين
طلعت
وكفت شويه بعيد عنه
وصحته اندار عليه وهزلي براسه يعني هسه اجي
ورجع حجة ويا هذا الرجال الي جان واكف بصفه
وواجاني و من جان ديمشي
بقيت اباع عليه
وشكد عجبتني أناقته أنيق دائما ابد مافد يوم شفته لابس شي موحلو لو جان شعرة مخربط لو مجان لابس ساعه بيدة
لو ناسي المحبس الي بي فصه سودة
دائما مرتب
الي راح تعيش وياهيج رجال راح تحس نفسها
مختلفه وراح تضطر تكون مثله
وصل وكف كدامي وحط يده بجيوبه
كلي
....اي شكو
....اني اريد فلوس
....شنو
....اريد فلوس
بقى ساكت واستغرب بس ماسئلني ليش
....ميخالف
...واريد اطلع
جر نفس طويل
...وين تروحين
....اريد اشتري ملابس الي وليوسف انت مورجلي المفروض توفرلي هاي الامور
ظل يباع بنظرات غريبه
ورد كلي
....ميخالف خلصتي لو بعد عندج شي
...اي عندي
....شنو
.....اريد غير غرفه
.....شنو
....اي اريد اصعد فوك يعني اخلي غرفتي فوك وياريت اذا تشتري غرفه جديدة لان هاي موحلوة
عينه ضاقت وعرفت بدأ يضوج
.... خلصتي
....لا
.....مبين هذا الصبح ماراح يعدي على خير
كافي طلبات مالي واهسج واني مااحب احد يطلب مني حاجه الصبح لان اكعد ضايج
.... اي بس هذا واجبك وحقوقي هاي
.....انتي لعد هم عليج واجبات وحقوق لو بهاي صارت واجباتي بس
.....عادي انطيك حقوقك واجباتك ماعندي اعتراض
عض شفته ورفع حاجبه
....الي تريدي كولي لفيصل يسوي اني ماعندي وقت
....هو اني اصلا مااطلع وياك
وام ياسين اريدها ويايه بالبيت وفيصل هم
....هماموجودين
...يعني خاف انت تروح بغير بيت من تزوج مااريدهم يروحون
...منو كلج راح اروح لغير بيت اجيبها هنا لان البيت عجبها كلش
.....اي ليش لا ومدامك بالبيت مطالع بقي يوسف يمك
.....اخذي وياج داطلع اني
...الله واكبر شكوبيها لعد احبه واحبه
.....يارب انطيني الصبر
....اني هم اريد الصبر
ودرت وجهي وابتسمت
اول مرة اشوف كميل هيج يتصرف ويريد بس يخلص مني ويريدني ماافتح حلكي بعد
دخلت جوة على ام ياسين
وكتلها
....ام ياسين امشي ويايه داريد اطلع
...وين تروحين
...عاجبني اغير لون شعري واريد اشتري ملابس
....كتيله لكميل
....اي كتله
....وقبل
....اي قبل بقيت اطلب منه فراد بس يخلص مني
....نزول عليج ليش دتسوين هيج مو كميل مومال وحدة تعانده
....سويت كل الطرق وياه شسويله بعد اني كتله انتي وفيصل تبقون هنا يمي وهاي الغرفه الجوة
اخذيها الج لان انتي صعب عليج اصعدين وتنزلين
....هههه انتي تريدين تصيرين قريبه منه مو
.....لا بس تعبت ام ياسين اريد اعيش ابقى مشلوعت قلب
.....اذا تحبي حاربي
....واذا هو ميريد
....حاولي
.....الله كريم ديله امشي نطلع
اني احجي ويا ام ياسين ودخل كميل وكال لاام ياسين
...ام ياسين اريد جاي
....اي بعيني وراح للصاله
اني هم تمشيت من كدامه ورحت فتحت الباب
وطلعت برة بالحديقه الاماميه وشفت فيصل
يمسح بالسيارة
صحته
...فيصل فيصل
....ها ام يوسف
.....فدوة اريدك توديني للسوك
....اي تدللين بس اكول لكميل
...كتله اني
....اي لعد انتظرج
....يله هسه تبدل ام ياسين ونجي
....اني واكف هنا
دخلت وشفت كميل واكف ورايه ومتخوصر
....شبيج شايشه من الصبح
....ليش شسويت
....كلبتي البيت تفترين منا ومنا
....ماسويت شي
....وثاني شي شلون اطلعين وهذوله مو رياجيل برة
....شنو يعني
....دخلي جوة ولتصرفين بشي بدون مادكوليلي
وفيصل ميتحرك اي خطوة اذا ميكلي وموانتي دكعدين ادزي منا ومنا
....مادزيته هواني راح اروح وياة افتر
.....بدريه لتحاولين تسوي

ن ويايه هاي سوالفج ترة اعرف شنو غايتج وحافظ سوالف النسوان خاف تريدين تغيرين شي بيج حتى اضوجيني فلتعبين نفسج
....لنفسي موالك
وتركته ومشيت وبدلت ليوسف
وام ياسين جانت دتودي الجاي اله وبكوة تمشي اخذته من ايدها
وكتلها روحي بدلي
وديت الجاي وحطيته كدامه
كلي
...اتصور اني كلت ام ياسين
.....اي اعرف بس دنطلع وراح نتأخر وهي بكوة تمشي علما اجيب الجاي طول
مد يدة واخذ الجاي واشرلي بيده
روحي
مجاوبته ولاحتى باوعت عليه
بس من طلعت من الصاله وكفت ورا الحايط ومديت راسي وباوعته
جان كاعد وبيده الجاي
مادري ليش من شفته كمشني وجع وخليت يدي على صدري وكانما كلبي راح يوكع
وردت اكمشه
جريت شمت هوى ‏ وعبالك شكو جان هوى بداخلي
خانكني
رجعت للمطبخ
وبقيت انتظر ام ياسين وجانت تفت القلب بكوه تمشي بس شسوي
مااعرف شي على الاقل هي ويايه
وصلت يمي
وصحت على يوسف وكتله
...ماما يوسف تعال يله دنروح
اجاني وفتح الباب وراح على فيصل وفيصل كعدة يمه ليكدام
ومن داطلع مد كميل راسه واشرلي
رحت يمه طلع فلوس وماخلاها بيدي
خلاها على الطبله ورجع لمكانه مرة ثانيه
وكلي من بعيد
...اذا تحتاجين بعد كولي لفيصل
ماكلتله شي
طلعت وجانت ام ياسين تنتظرني يم باب السيارة
وصعدنا اني وام ياسين ليورة
وطلعنا من البيت واول ماصارنه بالشارع
كال فيصل
....هسه وين تروحون
كتلها لاام ياسين
....اريد اغير لون شعري
...يعني لازم نروح لصالون
....اي
كال فيصل
...يعني وين صاير
كتله
...شمدريني
كلي
....لعد منو يدري
ام ياسين كالت
...دمشي يافيصل ونشوف فد صالون حلو مال زناكين
هههه
ضحك فيصل وكال
....اي والله ام يوسف تستاهل
....تسلملي فيصل والله انتو صرتو اهلي
......يابه انتي مرت كميل وتدللين
كلت لروحي كلهم يحترموني لخاطر كميل
غير لوتي ممبقي احد ممساعدة وكاسر عينه
هو يسوي هيج حتى يظلون تحت أمرة
...اي صحيح كميل
ضحك وكلي
.....الله كريم بنتي
هزيت راسي وبقى الرجال يفتر
لحد ماشاف صالون صاحت ام ياسين
...اي هنا اوكف فيصل
كللها
....هذا خوش
.....والله فيصل شمدريني هي لو اليوم بان طالعه حلوة وتخبل لو طالعه من هنا كرعه هههههه
كتلها
...لافدوة لتخوفيني ترة ماانزل
....هههه يله
نزلت وكتله لفيصل
....تبقي يوسف يمك
....كال اي بعيني
...تسلم عينك
مشيت وكمشت ام ياسين من يدها ودخلنا للصالون
وتلكتنه وحدة شلون لابسه لبس
وكالت اي تفضلو
ام ياسين كالتلها
...دشوفين هاي الحلوة تريد تغير لون شعرها يعني ترتبيها
باعتني كالتلي
...ولو انتي ماشاءالله عليج بس راح اغير شكلج لان لون الشعر يغير الشكل هوايه
بقت ادكلب ‏بالالوان
وكالتلي هذا اللون حلو
باوعته كتلها اي حلو
كلتلها لاام ياسين
...ها شدكولين
...اي حلو والله
....اوكي لعد نبدي
كتلها
... ابدي
كلتلي
..دكصين شعرج هم
كتلها
...لاعفيه طويل مااريد اكصه
....لاموهوايه بس نسوي بي حركه يعني يصير شكله احلى
...يله على مسؤوليتج ‏
بدت تشتغل بشعري وجنت اباوع هاي النسوان طابات وطالعات وام ياسين تسولف وياهاي وياهاي
ومابقت وحدة بالصالون ماحجت وياها
وتضحك
وبعدها غسلتلي شعري
وكامت شسورة
ومن خلصت كالتلي
...شوفي
بقيت اباوع على شعري واكمشه بيدي
كالتلي
...ها عجبج
...اي كلش حلو عاشت يدج
وام ياسين كالت
....ماشاءالله يمه هسه كميل يتخبل هاي الليله
ضحكت على سوالفها
وجانت وحدة كاعدة
كالتلي
.....حبيبتي انتي حلوة بس شعرج صار فدشي
.....تسلمين عيوني
ودفعت االفلوس وطلعت
من الصالون جانن بصفه
محلات مال ملابس
دخلت واشتريت ملابس هوايه
مثل المشايفه
واشتريت ليوسف
واشتريت مكياج ولو موًهلكد اعرف اخلي بس لازم اتعلم
حتى اغث كميل
ولمن كملت وطلعت من المحل
بقيت اريد اشوف فيصل
لحد ماشفته
واشرتله والتاف وكف كدامنا وصعدنا
ورجعنا للبيت
ولمن دخلت للبيت مجان كميل موجود
وظل لليل يله رجع
واني بقيت بالغرفه ماقبلت اطلع
وثاني يوم هم طلع من الصبح
ومن دارتب غرفتي
جتني ام ياسين بسرعه وكالتلي
....لحكي على نفسج
...شنو
..فيصل كال كميل كايله ليوم عدنه
خطار
وبكت لِسَان فيصل وكلي هاي البنيه الي خاطبها كميل
رجلي ماشالتني وكعدت
وبالي راح بدنيا سودة وحظ مايل
....شسوي
....منو احق بي انتي لو هي
بقيت اباوع عليها ومجان عندي جواب
وتركتني وطلعت
فكرت وكلت
(((الموضوع مو رجال عافني علمود وحدة يحبها الموضوع
كرامه لمن المرأة تنزل لمعترك الحياة وتشتغل
وتشوف نظرات الي يباوعوها وكل نظرة تتمنى تنهش بلحمها شويه وبرغم هذا تستمر يمكن تضعف لان هي مراة
وكلبها يصير رجيج
بس راح تتحدى وتوكف وتقاوم
التحدي إليّ اتجاة كميل غريب
يمكن اجيت يمه وحبيت ارد كل الي عشته
اني نكسرت ونذلبت وهوايه وتبعت
يعني مثلا
مادري ليش سويت شعري هيج
واشتريت ملابس
محابتها وقبل كعدت اقرأ كتب حتى اتغير
هذا كله تحدي
اني اعرف مراح اعيش وياكميل لان راح يبقى يشوفني اقل منه
ويمكن ساعدني بس ماكدر يسامحني على زله
وحدة

واعرف اول وتالي ارجع من وين مابديت لان
اني مولعبه اني انسانه احس واتألم
واغار واحب بس عيبي كلبي الي يحب بقوة وينجرح ويتأذي اضعاف حبه ))؛
هذا كان الكلام ويانفسي وهاي اخر فرصه انطيها لنفسي وبعدها اكلب
هاي الصفحه من حياتي
اخذت منشفتني ودخلت للحمام وغسلت وطلعت نشفت شعري وبقيت امشط بي
واني صافنه
وجتي ام ياسين
كالتلي
.....بدلي وتمكيجي وطلعي كعدي على اخوانيكهم
....لا مااطلع
...ظلي لحد ميروح من يدج
فكرت بكلامها وكلت ليش مااسوي هيجي
شنو الي راح يصير
فتحت كنتوري وبقيت اباع الملابس الي اشتريتهن
وجانن كلهن الوان
رجعت لبورة وبقيت اباع
وماعرفت شااختار
فتحت باب الغرفه وصحت
ام ياسين اجتي وصوت رجلها
وكفت بالباب كالتلي
...شكو مابيه حيل اروح واجي
.....تعاي شوفي شاالبس مداعرف اختار احتاريت
...يله بله هاي حجايه موانتي اختاريتيهن بالمحل
...اي اعرف بس مداعرف شاالبس هسه
...هاافتهمتج تريدين اضوجيهم ههههه
......يعني هيج شي
....ههههه خلي نشوف
بقت تباوع وطلعتلي تنورة رصاصيه وهاي هي اختارتها
وطلعت قميص كصير لونه وردي فاتح كلش
كتلها
...ام ياسين هذا ماكدرته بالمحل خاف اصغير
......دلبسي وشوفيني
راحت واني لبست التنورة ولبست القميص
جان حلو بس كلش ضيق عليه
رحت على ام ياسين بالمطبخ
كتلها
....شوفي
...الله شلونه ذوقي
كتلها
....صغير كلش
....دربالج تنزعي هو هيجي وانت بالبيت مطالعه برة البيت
....مامرتاحه
.....بكيفج
بقيت واكفه وام ياسين تباوع وتضحك
....والله انتي خبلتيني
....اني خبلتج لو كميل
.....والله الدنياخبلتني
رجعت لغرفتي وكملت ومكيجت وخليت حمرة
وطلعت كعدت اسولف وياام ياسين
وصارت ساعه ب8المغرب
واجى كميل وسمعت صوت وياه جان صوت بنيه
اني بقيت بمكاني وسويت نفسي ولايمي الموضوع ولاهامني
ام ياسين كالت
...دخل للصاله
بعدين سمعت صوت خطوات بااتجاة المطبخ وكف وجان ظهري عليه
وهو اول مادخل سكت بعدها
كال لاام ياسين
...سويتي عشه
....اي سويت وفيصل هم جاب اكل
...اي زين لعد قدمي شي داريد اصعد اغسل وابدل هدومي
...اي عيني براحتك
وراح وسمعت صوت الدرج
كلتلي
...من شافج بقى ساكت عباله تندارين
....وليش اندار
بقيت الوب بس اريد اروح اشوف الي جابها شلون شكلها
بس كمشت نفسي وكلت لازم اكمش لساني هم شويه
بقيت كاعدة واهز برجلي ومتوترة
وكلبي مادري شبيها دكاته
ورا شويه سمعت
يوسف يصيح
...ماما ماما ماما
هرج الدنيا هرج
كتله
....ها حبيبي
وكمت رحتله هدومه تراب وجه وسخ
....هاي شنو ابني
تعال
وسمعت صوت الدرج
وعرفت كميل نزل باوعت عليه ودرت وجهي
كلي
.....تعاي تعاي تعاي هنا
....ها
باوع بوجهي وعض شفته وعوج حلكه😒
.....هاي شنو
....شنو
....شنو هذا لبسج انتبهتي على جسمج
....شبي
....مدشوفي ضيق
...لاعادي
....بدلي بسرعه
.....لا
.....بدلي كتلج
...ليش محلوووو عليه
...لا محلووو
....لعد عجبني وام ياسين هم كالت طالع حلو عليج
....معليه اني بفلان وعلان احجي حجايه خلص
....لا اني عاجبني وانت شنو دخلك موكلتلي
انتي ضيفه
....احب الضيوف المحترمين
رفعت اصبعي بوجه مثل ماهو يسوي من يصير عصبي وكتله
....دربالك اني محترمه زين
...زين لعد
ودار وجه بعصبيه وراح
ورحت غسلت ليوسف وبدلتله
وجانت ام ياسين هسه راجعه من الصاله
كتلها
....ها
بقت تفر حلكها منا ومنا وتلعب حواجبها
....شكو احجي
....مبينه هاي قويه وحلوة هم
....صدك
..أي
...ها
....لعد مراح تفوتين جوة
...شكللهم
...تسلمين وطلعين
...لا موقفي محلوو
...لعد هسه موقفج حلوووو
...مادري
بقيت كاعدة لحد
مارجع كميل وحجي ويا ام ياسين
وخزرني وراح
ورحت ورا
وصحته
....كميل
...شتريدين
....مراح تعرف ضيوفك على مرتك
....لا
....ليش تستعر مني
...تعاي
خطواتي كلش ثكيله صارت ومن صرت قريبه من
باب الصاله وكفت
كلي
....ها مدخلين
....لاادخل
دخل كدامي وكف
ودخلت وكفت بصفه
وباوعت كدامي
جانت اكو مرة جبيرة وبنات اثنين
كال
.....اقدملكم ام يوسف
وكلي
....اقدملج شيرين
ابتسمت واني اباع بعيونه بس بكلبي نار
باوعت عليها جانت حلوة وصغيرة ولابسه
لبس كلش ضيق بس اني كامشني
ليش لابسه هيج
كتلها
....اهلا
ردت
...اهلابيج
سلمت وكتله لكميل
....... راح اروح
.....ليش كعدي
....اي اكعد
اشرلي بيده يعني امشي كدامي
مشيت كدامه وكعدت على التخم وهو كعد على الكرسي الي كدامي
كامت تحجي هاي المرة الجبيرة
واني ساكته
وكميل كل شويه واشوف نظراته عليه
كتلهم
...من رخصتكم
ومن كمت كام ورايه كميل
وصلت يم الدرج
وجان يجرني من يدي
....كتلج غيري هدومج مااريد اسوي مشكله
....ليش هاي الكاعدة جوة مشفت شلابسه
....انتي وحد
...ليش
....لتناقشيني
....شبيك كميل
...مابيه بس خلي يروحون ونتفاهم
...على شنو
.....راح اشوفج من كميل يكلب على شخص
.....وانت كلبت عليه
...وكل الي سويتي ممأثر بيه بكد الشعرايه
ضحكت
....اي اعرفك جبل ياعريس
.....ههههه اي عريس

والله النفسيه محتاجه
....اي
وسحبت يدي منه ورحت للغرفه ونزعت ملابسي
وماقبلت لااكل ولاحتى بعد ردت احجي ويااحد
واظاهر صدك ميفيد الي اسوي
وبديت اسمع اصوات وكلام وصوت ام ياسين وماادري لشوكت يله راحوووو
وكفت ورا الباب
وسمعته يكللها لاام ياسين
...صعدي نامي وحجى ويا فيصل
ونفتحت الباب ودخل شايل يوسف جان نايم
اني ولااهتميت ولاحجيت ولاحتى كمت من مكاني
حطه على الفراش
واجاني وكف كدامي مجتف
...كومي
....شكو هالمرة شسويت
وكمش يدي وجرني قوي
كتله
.....شبيك
....شتريدين اسوين اني جبتج بس كم يوم وتروحين مو كلما تجمعني الايام بيج تخربطين حياتي
....وهسه اني شمسويه حتى مافتحت حلكي وحجيت شي
...واني
...انت شنو
...اني كتلج لظلين تغريني وتسوين هاي شغلاتج اني مااحب هاي الأساليب
الي عندي بي رغبه اخذه ‏ ‏
....اي اعرف وانت مالك رغبه بيه خلص افتهمت
...انتي تعبتيني
وكام يفرك براسه وخله اصابيعه بين شعرة ورجع ليورة
....اشتاقيت ألج
...اني هم اشتاقيت الك هوايه كميل
.... جذابه بالج مويمي اني مااريدج بحضني وبالج بغير مكان
.....انت دياري كميل
.... نوبات اكو شغلات تبقى على حطت يدنا
وانتي من ضمن هاي الاشياء
دفعني حيل وتغير عبالك غير واحد
وكلي
....وج اني كميل توكفين بوجهي ودكوليلي اي احبه
وج لواموت بيج مااريدج بعد
وج اني كميل تعرفين شنو يعني
تجين انتي تسوين هيج ويايه
عبالج نسيت ‏
لاوالله
كتله
.....كافي تعبت اني طول هاي المدة الي رحتها كلبي يمك بس ماريد اذلل لااحد بعد
.... بعدج تحبي شكد كتلج يبيعج بس مافاد
وجبتها وياج من هذاك اليوم لهذا اليوم وانتي
بالج ولابمي ولافتحتي عينج وباوعتي زين
وكتلج راح اخلي كلبج يدك لكميل ومثل ماحبيتي لهذاك الحقير
راح اخليج تكرهي
وهم مرح اخليج ترتاحين
ومبين هاي قسمتج ويانه
.....سوي الي تريده كميل
.كمشني قوي وقربني منه وقرب شفته مني ولمن غمضت عيني وحسيت بقرب انفاسه سحب نفسه
......هههههه
وطلع من الغرفه
خليت يدي على حلكي وبقيت ابجي بدون صوت
صحيح
حبيت سعد بس ماعشت الي عشته هسه ماجان
كلبي يوجعني مثل هسه
ليش الي يدخل لحياتي يأذيني ويروح
ليش اني صرت مثل قطع الغيار اتبدل بسرعه
هيجي زين اني منو يحس بيه منو راح يداري كلبي من يشتكي من شي

.........
اتعبني القدر
وذقت انواع الاحزان وكان
ليلي طويلا وكله سهر ‏ ‏
أحببتك رغم اخطائي
وأحببتك وانت كلك اخطاء
أحببتك بطيبتي بضعف قلبي
ماذنبي
اذا كان الله خالقني بقلب صغير ‏
لايحتمل أوجاع القدر
و قلب قد يكون مختلف
عن قلوب البشر
هات يديك حبيبي ‏ ‏
فلقد تعبت
وانت تعلم بأن غيرك
ظالمون و على
مشاعري يقسون
‏ ‏ولي ابدا ‏لا يهتمون
يتبع....
#الكاتبه#روجمان

.....البارت الثالث عشررررر....

بقيت واكفه وكلبي يدكطع وماردت هاي الليله تمر بدون كميل
موبيدي اريد قربه
طلعت بسرعه ورا وشفته فاتح الباب وديريد يطلع برة
صحته
وكتله
....كميل
بدون ميندار عليه
كتله
.....اني مابيه حيل حيلي كله نهد لتصير انت والزمن عليه
بقى ساكت ومباوعلي
كميل...ليش تروح
اندار عليه
وسد الباب وبقى واكف ويباوع من مكانه ومااجى عليه
مشيت وصلت يمه وحضنته
قوي وجنت ابجي
كتله
....ياالله انت صرت هوى واشمه
....بان
....ها
....باعي
ماقبلت ارفع راسي لان جانت عيوني حمره والدمع مغرك خدودي
رفع راسي
وباوع عليه وباسني من كصتي
.......لج اني تعبان وجودج هم موراحه بان انتي تعبتيني ماعندج قرار وراسج يابسج وكلامج مر
...اسفه كميل
ومديده ولعب بشعري
....اريدج الي وحدي وانت مومالتي اعرف بيج دتقنعين
نفسج بشي محاسته مااريد احضنج واحس بالبرد
لان المرأة الي متحب زوجها راح يظل كلما يحضنها
يحس نفسه بردان واني مااريد بحضنج ابرد
...راح تزوج
....اي راح ازوج
....واني
... انتي مرتي بس على الورق مو جنتي تريدين ازوجج على الورق
هسه اني اقتنعت
.....هذا الشي الي تريده انت
مجاوبني وكلي
...روحي نامي
....تجي تنام بصفي
....دشدسوين انتي
....مداسوي شيً بس اريدك يمي
....كتلج راح ازوج
...اعرف بس اريد اصير يمك
....كافي راح اروح انام اني
مشى وصعد على الدرج
وشويه
وكف وندار عليه وشافني بعدني واكفه
كلي
.....بان تعاي
ومد يده
وصعدت الدرج وعيوني عليه وكمشت يده
وبقي كامشني لحد مادخلنا للغرفه
واتمدد على الجربايه
وكلي
...تعاي
رحت وكعدت بصفه
جر راسي وحطه على صدره وخله يده على شعري وبقى
يلعب بشعري
جنت بالبدايه خجلانه منه بس بعدين خليت يدي على صدره
وجنت اسمع صوت دكات كلبه
...بان
....ها
وكمشني قوي وحضني وعبالك اخذ وجع جسمي كله
ورفع وجهي وباسني من خدي وبعدها تقرب
وكلي
....من زمان جنت اريد انام واحضنج بشوك لحد مااحس عظامج تتكسر
...من زمان
...اي من زمان كلش مامريوم ماجنتي انتي بالي
وكل يوم يمر لهفتي زيد
.....لتعوفني
.....انتي مثل الدوه طعمه مر بس بي عافيتي
....انت الي بقيت الي لتروح وتاخذ كل عافيه بروحي
....اعشك هالنفس الي يطلع منج ويطخ كلبي
.....تحبني
باسني بكل حنيه وبوسته جانت داوي كل معلول
....نامي اني هم راح انام
وخله راسي مدفون بين صدره ويده على ظهري
وشويه ونفسه قوة عرفته نام
بقيت مااتحرك
بس كلت خاف مضايقته
ردت اسحب نفسي بس هو
سوا
....اشش اشششش نامي لدكومين
ظليت نايمه وحسيت الصبح جان كميل ماموجود
ونزلت بسرعه وظل بالي على يوسف
نزلت الدرج ركض ودخلت للغرفه وشفت يوسف ماكو
رحت للمطبخ جان ماموجود
رحت للصاله هم ماكو طلعت فتحت الباب البره الي تطلع على الحديقه
جان ماكو شفت ام ياسين وفيصل
صحت على فيصل
...فيصل
....ها ام يوسف
.....فدوة وين يوسف
ام ياسين كالت
...راح وياكميل
...وين راحو
...كلي فيصل
....راح كميل يجيب محمد من المطار
...صدك ليش محمد راجع اليوم
...اي
....زين لعد
دخلت جوة وجان عندي نشاط وفرحانه
وكل شويه ابتسم واكمش خدودي
واذكر بوسات كميل 😊😊😊😊😊
ورحت لبست ملابس حلوة ورتبت نفسي
ودخلت للمطبخ وجان عندي واهس اسوي اكل
وكمت افتر منا ومنا وشفت ام ياسين مسويه
اكل
جتي كالتلي
....ها شدسوين
...عبالي داطبخ طلعتي طابخه مدكوليلي ساعه بيش كاعدة لخاطر الله
...او ووووو من زمان كاعده ومن كعدت شفت كميل كاعد
....هاي ساعه بيش
...تقريبا بالسته
...هاي شنو
....اي والله كلت يجوز لان انتي يمه هههههه مانام الرجال زين
....ههههه وانتي شمدريج
....موجنتي منايمه بغرفتج وهو اخذ يوسف وياة يمكن ماراد يزعجج
...هااااااهههه
...اي والله الملابس والشعر سوة شغله
....ههههه
كتلها
...تريدين جاي
....اي والله عاجبني اشرب جاي وأكل حاجه حلوة
جنت اضحك بس من كالت هيج تغيرت ابتسامتي
وذكرت امي وشلون جنت اتعارك وياها علمود الحلو الي تاكله دائما
وكلش انقهرت
وكمت اسوي جاي بس مااحجيت شي لان عبالك فد جرخ
صار بكلبي من اذكرت
امي
ولمن خلص الجاي صبيت الي ولام ياسين
واني كعدت على الميز كدامها ومناك
وجان تنفتح الباب ودخل يوسف وكميل وفيصل وبيدة جنطه
وراهم يتمشى محمد وجان كميل يحجي وياه
ويضحك وهو هم يضحك لكميل
هاي المرة الوحيدة الي اشوف كميل هيج يضحك
ويااحد بس هو يحب محمد
وكفت بمكاني وعلى وجهي ابتسامه
وصراحه حسيت نفسي اشتاقيت لمحمد كااخ
طبعا لان هوايه جنت اشوفه وهم جان دائما يساعدني
وجان يسوكلي
شفته اجى وهو مبتسم من بعيد
وكال
...السلام وعليكم
وبقى صافن عليه
ودار وجه على كميل
كله
...هاي بان
كميل هز راسه
اني ضحكت
....ههههه حمدلله على السلامه محمد شونج
.....الله يسلمج هاي شنو صايرين احوال
شونج ام يوسف الغاليه
....والله الحمدلله انت شونك
،...والله تعبان كلش بس اخباري بخير
وكميل عاف الاول وتالي هناك عليه ورجع هنا
...زين سويت رج

عت
...ماااطول والله يعني اسبوعين وارجع
...كافي عد سفر ارجع هنا وازوج وجيبلك فد طفل
حلو
....ميصير اسبق كميل لازم كميل يجيب ولد حتى اني ازوج واجيب بنيه ويضطر كميل ياخذ بنتي لاابنه
....ههههه خوش مخطط من هسه
...اي لعد شلون
كتله
...ادخل اغسل وحتى تتغده وترتاح
.....اي والله لان صاير الحلقه الاخيرة
ندار وطلع من المطبخ وكف يحجي ويا كميل
شفته حضن كميل
وكله بصوت
عالي
....مشتاقلك بالله
كميل ضحكله واشرله يله
وصعد محمد فوك وكميل اجى
للمطبخ وكعد كدامي وام ياسين طلعت من المطبخ
باوعت على كميل وضحكت
....اليوم كاعد من وكت
....اصلا مانمت هاي الليله
...ليش
...ماادري
....اني نمت ماحسيت
....اي ماحسيتي من كمت من يمج برغم اول مانمنه اني غفيت بس لمن جنتي دتسحبين نفسج من حضني
كعدت
.....اي نومك خفيف انت
....لا احساسي قوي
وعبالك اليوم ضايج
....كميل شبيك ضايج
....وليش دتسئلين
.....موشفتك ضايح
...راح اروح انام
..متتغده هسه راح ينزل محمد
،....لتعيشين دور الزوجه الحبيبه ميلوكلج
.....ليش والبارحه
...ماكوشي البارحه وماصار شي بس انقهرت عليج
....صدك
...اي صدك ويله اريد اكل داصعد انام
لان متواعد العصر
كمت هو بقى كاعد ونزل محمد وجر كرسي وكعد
وصحت ام ياسين
وسويت الاكل وخليته على الميز وام ياسين كالت اني اكلت من زمان وراح اروح لغرفتي ارتاح شويه
واني هم كتلهم
...بالعافيه
ودرت وجهي
وصاحني محمد كلي
....بان شو متاكلين
....مااشتهي
...دتعاي انتي ويوسف اكلووو
....لا اني بعدين اوكل يوسف
كلي كميل
...صيحي يوسف خلي ياكل لان مماكل شي من الصبح
...لا
وتركتهم ورحت
وجريت يوسف جان كاعد يباع تلفزيون
جريته ودخلته للغرفه
وسديت الباب
وجان تنفتح الباب قوي
وجان كميل
وكف وصاح يوسف
وكله
....تعال يوسف
ويوسف كام راح يمه
باوع عليه وكله
...روح يم عمو محمد اكل
...اي
وراح يوسف
وجان يسد الباب برجله
....انتي هوايه تماديتي شنو دطلعيني جاهل كدام محمد
شنوهاي تصرفاتج مثل الجهال
....والله تصرفاتك انت مثل الجهال ومو راكزه
ماسمعت بس صوت الراجدي وراسي عبالك افتر
....لتتعدين حدودج وعرفي ويامن تحجين
ماكدرت اجاوب او احجي بقيت واكفه وفاتحه عيني اباع عليه
ودار وجه وطلع بسرعه وسمعت محمد يصحه
كميل كميل
وبعد ماسمعت صوت اظاهر طلعو برة
وبقيت كاعدة بالغرفه
وسمعت الباب تندك
كلت
... ادخل
....بان اني محمد
عدلت نفسي وكعدت
....ادخل عيني
فتح الباب ودخل وعافها مفتوحه
جر الطابوريه مال ميز تواليت وكعد عليها
.....شنو المشكله بينكم تعرفين اليوم كميل واصل لمرحله موطبيعيه يعني بعدله شعرايه وينفجر
....والله اسئله شنو المشكله اني ماعندي مشكله وياه
.....بان ترة كميل هوايه عندة مشاكل بحياته
منا سعد منامديكدر
يروح يوأجه اهله
منا هاي الباكت فلوسه وكأنما استغفلته وقشمرته
ومنا انتي
المفروض تراعين شويه
.....وشنو الي طالع بيدي تعاركنا وحجيت وغيرت
وتنازلت وبعدها. رحت. ورجعت لبيت ابويه ورجعت اشتغل واخبز ورد دز عليه فيصل وكلي سعد رجع وديتحلف تعاي
وهم من رجعت تنازلت بس تعبت يامحمد اني قابل
موانسانه شنو مكينه
الكل يريدون مني ولازم اسكت واتحمل وامشي
مااعرف شيريد البارحه صار زين اليوم نكلب
وماعده هو راح يزوج تعرف لولا
....اعرف بان و هوايه اكو كلام بس ماااكدر اكوله الج
بس انتي بالج يم هذاك الي ماعندة ضمير
لتنكرين بان من قبل شكد نحجي وياج وتعاندين واله خاضعه بشكل موطبيعي
وماتحجين وياه ولاكلمه بس وياكميل ماشاءالله السانج منشار
....محمد اني مااريد ابقى هنا اريد اروح لااي مكان او ارجع لبيت ابويه وخلي كميل يطلع نهائيا من حياتي
بس اني خايفه بس من سعد وخايفه ليسوي شي ليوسف
بس مااريد ابقى محمد وكميل هم ميريدني
هو كلي انتي ضيفه
......احجي وياكميل وتفاهمو واني ارتبلج الامور
....اشكرك كلش واني محظوظه عندي هيج انسان يساعدني مثلك دائما انت اساعدني
...لان اعرف ماعندج احد
....اوف يامحمد الدنيا لعبت بيه شاطي باطي
كلما اوكف من ضربه تجيبني بوحدة اقوه منها
كون انام واكعد واشوف هذا حلم
واركض على التنور واركض البس عبايتي واروح للسوك
واكبر هم بيه شلون اجمع فلس يفيدني باجر عكبه
......ماكو شي يبقى على حاله بان
كلشي يتغير وانتي الدنيا عاكست وياج
....اي والله عاكست فد مرة
....الله كريم
وكام وطلع وجتني ام ياسين جايبه صينه مال اكل ودخلت
....تعاي اكلي كلشي ولاواحد يبقى جوعان بعد ميعرف يفكر زين
....مااشتهي
ظليت اصفن لحد الليل
وكل الي بالبيت ناموووو بس اني كاعدة ومن اجيت داريد اطلع للمطبخ
سمعت صوت محمد وكميل ردت افتهم شنو يحجون
ماكدرت
طلعت من الغرفه على كيفي
وشافني محمد واشرلي
وكلي
....بان تعاي
رحت وجان كميل كاعد وهم ديشرب
ملتاف عليه ولاحجى شي
محمدكال
....تعاي كعدي
كعدت بلامااحجي
كله كميل
...احجي وياها
....ماعندي كلام واني وياها مانترهم
كتله
....اني هم اكول هيج
باوعت على م

حمد
...وكتله
....اني كتلك مااريد ابقى هنا
....اعرف وكتله لكميل واحنا اذيناج شلون ماشلون مااعرف وهذا الشي مانكدر نكره
ولان ماشفتي راحه كميل راح يرتبلج بيت
وراح نشغلج بالشركة مال كميل
هي شركه مال كمارك
...بس تعرف اني مااعرف شي
....اول شي انتي صغيرة ودكدرين كلشي تتعلمين شي ثاني راح نخليج بشغله كلش بسيطه مجرد
انج تحسين محد ديصرف عليج ودكدرين اصرفين على ابنج
.... ليش ماارجع لبيت ابويه
...منريدج بعيدة نريد عينه عليج
.....اي زين هيج وراح يطلكني مو
اندار عليه وكلي
....وليش تريدين تطلكين
....احسن
...موهسه
كتله لمحمد
...شوكت راح اروح
...باجر الصبح وراح ندز ام ياسين وياج هالفترة
وبعدها شوفي شلون تمشي
ابتسمت وكتله لمحمد
.....اشكرك هوايه مااعرف جان شسويت لوانت ماموجود
ولمن خلصت كلامي
شفت كميل يخزرني وعيونه مشتعله
محمد كال
....تدللين
كميل ضاج وكف وكام يروح ويجي
ومحمد باوعلي ورفع حاجبه
كتله
....تصبح على خير محمد وزين سويت رجعت
.....وانتي من اهل الخير بان
....قصدك بدريه
جان صوت كميل
ابتسمت بوجه ودرت وجهي ورحت
فعلا هذا احسن حل اروح
واعيش وحدي واشتغل واعتمد على نفسي وماابقى
هنا
الصبح حضرت غراضنا
وبقيت كاعدة بالمطبخ انتظر محمد لحد مادخل هو وكميل
محمد اجى عليه
وكميل راح للصاله
كلي
....ها خلصتي
...اي
.....لعد يله
مشيت ورا ويوسف طلع وام ياسين تتمشى على كيفها وشفت
كميل واكف وايده بجيوبه ومنتجي على الباب
ومن شافني باوعلي من فوك ليجوة
اني ماهتميت تركته وكملت طريقي
يمكن لو عايشه قصه من الي جنت اقراهاا ماجان مريت بكل هذا
حب كره ناس مامعروفين
شنو هما
انسان حبيته أذاني وانسان نقذني
وهم حبيته بس بعدها كسرني
تعبت واني الملم جروح كلبي المطشرة
مستحيل انسان يتحمل كل هذا الوجع
بس اذكرت مرة كالتلي امي الله يرحمها
دربالج من الدنيا بنتي لتبطشين بيها وتاخذيها بحيل صدر
ودكولين اني كدها وكدود
الدنيا اذا التافت عليج راح ادوسج
وتسويج مثل ورقه الشجرة اليابسه والواكعه
بالكاع
وكلما صار هوى اطيرين وياها
وهسه اني فعلا كمت اطير
منا لهنا
كميل ولامحمد
اثنينهم يحسون نفسهم مسؤولين عني
ومضطرين يرتبون وضعي
واني شفتهم هما فعلا مسؤولين عن الي عشته بطريقه
‏أبو باأخرى
اني هم مالي ذنب جابوني مناك لهنا وغيرو كل حياتي
خلي يتحملون الانسانه الي لعبو بعواطفها واحساسها
صعدت ويا محمد
وام ياسين ويوسف
وبقى يمشي وصلنها لبيت جان شكله بسيط
نزل وكلي
....يله
نزلت ومشى كدامنا وفتح الباب جانت بيها قفل
دخلت جان مابي حديقه وحوش صغير
وراح فتح باب خشب
ودخل
ودخلت ورا جان بيت حلو من جوة ومرتب
مومثل البيوت الي يعيش بيها كميل بس حلو
وصغير و كافيني اني ويوسف
جان بي اثاث مرتب
راح واجى جايب الجنطه مالتنا
وكلي
....هاحلو البيت
....اي عاشت يدك تسلم
....هذا واجبي بان
...اشكرك
....وشنو الي تحتاجي جبتا ويوميه يجي فيصل يشوف شمحتاجه لحد ماانتي ترتبين وضعج
ولتخافين سعد ميكدر يوصل هنا
...اي زين
....محتاجه شي بعد لواروح
....مااعرف شلون اشكرك
....موكلنا مابيننا شكر وباجر الصبح بدلي وتحضري ساعه بسبعه فيصل يجيج حتى يوديج للشركه
....هاي يداوم بيها كميل
....لا اكو غير شخص هو يديرها كميل ميروح بيها
كلش قليل
....ها
...زين هيج
...اي زين
من ديطلع لحكته
كتله
...محمد احلفك بالله كلي شنو شغلكم ترة عقلي راح يوكف
....ههههه هاي بعدج تسئلين
....اي بعدني
....تجار
....مال شنو
....مال كلشي
...ماكوشي اسمه تاجر مال كلشي
....لااكو احنا
....ليش تتهربون حتى كميل ميقبل يجاوب كم مرّة ‏سألته
....بان لدوخين نفسج انتي راح تبعدين عن حياة كميل ‏وأسراره ليش تريدين تعرفين
التهي باابنج وبشغلج. وراح ادخلين عالم مختلف
....بس مامرتاحه
ضحك ضحكه هادئه
واجتى صورت كميل كدامي وضحكته
الهادئه وشعره وعيونه
وحركته من يعجبه شي ويرفع حواجبه واكو ابتسامه على شفايفه
كلي
.....يله تريدين بعد شي
..لا
....مع السلامه
...مع السلامه
طلع وسديت الباب
ورجعت للهول وكالتلي
ام ياسين
...اكلج شي
...كولي
....انتي الله نطاج نعمه مدتحسين بيها
....الحمدالله على كلشي بس شنو هاي النعمه
.....هذوله الي داير مدايرج صح الله اخذ اهلج
بس انطاج رجال مثل كميل
وانطاج محمد الي جان البارحه يتعارك وياكميل علمودج
مع العلم محمد من زمان مجان يكدر يعارض كميل
ولافد يوم وكف بوجه
لان كميل قبل كم سنه راد يموت علمود محمد
لهذا السبب محمد ميكول لا لكميل
.....اني هم استغرب على حب محمد لكميل دورات اكول ليش هيج يحب كميل وكميل هم يحبه علاقتهم
مختلفه من قبل عن علاقتهم بسعد
كتلها بس اني موبنعمه اني تعبت
....انتي متعرفين تتصرفين لزعلين مني ويمكن هيج احسلج خليج بعيده وربي هذا الولد
وخلي كميل يعيش حياته
كتلها
....صدك ام ياسين متعرفين هما شنو يشتغلون
....تريدين الصدك
....اي
....جنت اسمع يكولون كميل

من صار السقوط كام يبيع اسلحه اويشتري ماادري هيج جنت اسمع
بس ماجنت اصدك لان كميل خوش ولد
بس مرات ارد واكول هاي قساوته منين اجايه
اكيد من ناس عاشرهم مايرحمًون
....يعني صدك الكلام الي كاله سعد
انتي اكيد تعرفين سعد زين لان انتي كلتي كميل جابني قبل هوايه قبل ميسافر للاردن
...اي صحيح
...شنو الي تعرفي عن سعد
....واحد حقير وجان دائما من يجي اسمعهم يتعاركون
...ليش ماحجيتي لعد من اول مااجيت
....كميل وصاني انو مااحجي شي ابد
...حتى الي يشتغلون يم كميل مايحجون شي وسرهم سر
...اني ماعندي احد وكميل ساعدني هوايه مثل ماساعدج هوايه
....اذاني بكد ماساعدني
....انتي اذيتي روحج
وكالت
...اكوم اشوف شسوي مااسوي اكل
وراحت للمطبخ واني اخذت ملابسنا ومجانت اكو غرفه جوة جانن اكو ثلاث غرف فوك دخلت لغرفه وفتح الكنتور وحطيت الجنطه على الجربايه وطلعت الملابس
ورتبتها بالكنتور
ونزلت جوه ومر هذا اليوم
وكلما اتعود على مكان اعوفه واروح وكمت احس بوحشه
بس صار حالي يوميه بمكان
نوبات نحس احنا كبار وعدنا اطفال بس يتيمين
يمكن يتم مشاعر لو احساس
جان هذا اليوم ممل بشكل
جنت هناك بيت كميل عيني على الباب واراقب شنو يسوي وكلما صعد وشفته وكلما نزل ولحكته
بس هسه مااكدر اشوفه
نمت وجنت مثل الطفل الي عنده مغص ومديخلي ينام
وكعدت قبل ساعه بسبعه
ودخلت للحمام غسلت وجهي وبقيت اباع على السود الي صاير جوه عيني
من التفكير والنوم القليل
ورجعت للغرفه وبدلت ملابسي وحاولت ارتب وجهي واخفي اثار التعب يمكن وجهنا نخفى اثار التعب منه
بس كلوبنا شلون
طلعت قميص اسود وتنوره سودة طويله ورتبت شعري
وشلت الجنطه مالتي
ودكيت الباب مال غرفه ام ياسين
وكالتلي
...دخلي كاعدة
دخلت جان تصيح
...اسم الله منو مات
...محد مات شبيج
...شولابسه كله اسود
...عجبني
...هو حلو لايكلج بس موكله اسود
...لاحلو احب لون الاسود
...اي تحبين القهر هو القهر هم يحبيج
....هههه فدوة عينج على يوسف ليلعب بسي
...بعيني
...اذانج يمه خاف يكعد
....ميخالف
وسمعت صوت الجرس
كالتلي
...صوت الجرس خاف اجي فيصل رحت على الشباك جانت سيارة مال فيصل
...اي اجى
كتلها
...اني خاف مااعرف اصرف واخرب الدنيا
ضحكت
وكالتلي
...صيري قويه بنتي وامشي بحيل صدر ومعليج بااحد روحي وتعاي بدربج والحجي الزايد مالج دخل بي
........هو هم هيج
نزلت بسرعه وركضت على الباب ودورت المفتاح
وفتحت القفل وصحت على فيصل
من ورا الباب
....صباح الخير فيصل
...صباح الخير ام يوسف راح نتأخر وهسه الشوارع تصير ازدحامات
...يله جيت
طلعت وسديت الباب ورايه
وكلي صعدي
فتحت الباب وصعدت ليورة
كتله
...فيصل جان صعدت بصفك لان انت تعرف انت موغربب بس هسه بالمنطقه بعدهم ميعرفوني خاف ياخذون عليه نظرة وتطلع عليه حجايه
...اي عفيه عليج جنبي كلام الناس بنتي لان الناس ماترحم احد وماتخلي احد بحاله
...اعرف وعيونك
وبدا يسوق ويدخل من شارع ويطب بشارع
والصبح الناس ماليه الشوارع الي كامش يد بنيه وعلى جتفها جنطه
والي كايد ولد صغير
والي تمشي هي وصديقاتها
والرجال الجبير الي مبدل وشايل فايل وحاطه على راسي حتى يحجب الشمس عنه
حتى لو الشمس جانت بعدها ماتحرك ومو حارة بس جان يمكن متعلم يسوي هيج
والي لابسه عبايه مال راس وبتها لابسه صدريه
ناس تمشي
الي يروح هيج والي يمشي هيج
والي واكف ينتظر سيارة
وتحس عندة صفنه وضوجه
ياترى هذوله الي كدامنا بشنو يفكرون وشنو بداخلهم وبشنو حايرين
سؤال طرحته على نفسي
وكلت اكيد كل واحد وبراسه فكره
كلي فيصل
... وصلنا
....ها تنزل ويايه
....اي انزل وياج لان محمد اكيد هسه موجود
....اي فدوة مااعرف شي اني
...تتعودين يوم يومين ويصير كلشي عادي
...ان شاءالله
نزلت وانتظرت فيصل يجي واجى وكف يمي
وكلي
...يله
تمشيت ودخلت و ماشفت محمد
...لعد وين
...مناك
...ها
وصلنا يم درج وكلي
...يله صعدي
جان طابق ثاني جنت اصعد وكامشه الدرج زين
كلت خاف اوكع وفشله من اول يوم
وعلما صعدت بكوة لان جنت احس نفسي كلسع راح اعثر
وصلت ليفوك ورايه فيصل
سمعت دك على الجام التافيت
جان محمد ديدك على جامه
واشرلي تعاي
رحتله ودخلت وجان هو واكف واحد كاعد على مكتب
كلت
... صباح الخير
....صباح الخير بان شونج
....الحمدلله
...تعاي اعرفج على المدير مالتج
تقدمت وكفت يم محمد
وكام وكف ولد شاب وشكله مرتب
ولابس قاط
كلي
...اهلا وسهلا ست بان
....هلابيك
...اقدملج نفسي اني اسمي ابراهيم
...هلابيك
...وبيج اني محمد كلي عنج واني احب اوضحلج شغله احنا ماعنده هنا نساء يشتغلن
هنا بس اثنين انتي وحدة راح تتعرفين عليها اسمها نسرين
باوعت على محمد هزلي راسه يعني ميخالف
..اي زين
....الغرفه الي بصفي راح تكون بيها مكتب راح ادكعدين بي انتي ونسرين عملكم اسهل من عملنا شي بسيط
وهسه نسرين تعلمج
...ان شاءالله
...واي شي تحتاجين اني هنا موجود وساعات العمل من
الساعه الثامنه صباحا الي الثالثه ظهرا
هزيت بر

اسي
وكلت والله جنه راح يشوي على اذاني بصل هذا يحجى مثل الكتب ظهرا وعصرا
....عندج شي حابه تسئلي
محمد كله
....خلص ابراهيم اني افهمها على الباقي
طلعني من الغرفه مال المدير وكلي
...محمد
..شغلج بسيط وتونسي بي احسن مدكعدين بالبيت
...اي ميخالف
....يله راح اروح
....الله وياك
دخلت للغرفه الي كلي عليها وجانت اكو بنيه محجبه
كاعده
وشكلها ناعم
كتلها
...صباح الخير
...صباح الخير الموظفه الجديدة بان مو
...اي
...اهلاوسهلا
....هلابيج غاليتي
...حبيبتي اني راح اروح للمدير ومن ارجع انطيج خلفيه عن عملنا
...زين
راحت واني بقيت صافنه
صدك الثوب ميلوك بس لااهله
الدنيا هنا مودنيتي حسيت نفسي غريبه عن هذا العالم
عالم ميشبه عالمي الي عايشته والي بقيت عمري ملتزمه بي
فجأة اكعد بمكتب
وابتعد كل هذا الوكت عن ابني
واخاف مثل ماجان سعد ينتقدني هنا هم ينتقدوني
بس اني شاافرق عنهم
ليش مااصير مثلهم
بس ليش كميل جابني هنا
معقوله يريدني اصير مثل هذول الي داير مدايري
بقيت افكر لحد مارجعت هاي البنيه
وبقت تسولف ويايه
وعلمتني شويه شغلات
وجانت حبابه
ولحد ساعه بال12الظهر
جانت عيوني على الاوراق
داحاول افتهم شي
وشفت خيال صار على الورقه رفعت راسي
وشفت كميل
بلعت ريكي
وسمعت نسرين دكله
...مساء الخير استاذ كميل
...مساء الخير نسرين
باوعني
كتله
....مساء الخير استاذ
عوج حلكه
...مساء الخير ست بدريه العفو بان
مجاوبته ودرت وجهي
وطلع وكف بالباب مال غرفه المكتب
وكلي
....تعاي
كمت وتمشيت وكفت كدامه
كلي
....محد يعرف هنا بيج مرتي زين
....اي احسن هيج
وعافني ونزل من الدرج وشفت هاي الي جابها بيته
وكال خطيبيتي واسمها شيرين تمشي بصفه تخبلت
ورجعت ركض للمكتب
وكعدت
وصاحتني نسرين
....وكالتلي
...روحي للمدير ابراهيم
كتلها
.....اي
بس
خفت اروحله وابقى وحدي وياة بالمكتب
بس مااكدر اكول
لا
طلعت من المكتب وجان تصير هاي بوجهي شيرين
كالتلي
...هاي انتي هنا
...اي هنا وانتي جابج
....اني هم راح اشتغل هنا
.....ها اي زين منا وجاي هوايه اشوفج دربالج على وجهج الحلو حبيبه
كالتلي
...اكلج شي
...كولي
يتبع ....
#الكاتبه #روجمان

....البارت الرابع عشررر....

.....ها اي زين منا وجاي هوايه اشوفج دربالج على وجهج الحلو حبيبه
كالتلي
...اكلج شي
...كولي
.....او لامااحجي وياج
.....هههه
...شو تضحكين
.....مااحجي وياج
.... شوفي ترة كميل ميحبج وتعرفين ليش ازوجج
...لامااعرف ليش ازوجني
....وانتي اصلا ماكو شي يثبت انو مزوجين يعني انتي ممزوجج
بالمحكمه كل زواجكم هيجي عبارة عنً كلام
....وانتي شنو الي مضوجج اذا زواجنا هيج المفروض تفرحين
....اني فرحانه كلش منو كلج مفرحانه
.....اي مبين عليج ولو اني اعتبر تهديد بالنسبه الج

.....هههههه اني عندي كميل تعرفين يعني شنو وحدة
تزوج واحد مثل كميل ويصير الها يعني دنيا ماجنت احلم بيها
كتلها
.....وتعرفين يعني شنو كميل يحب وحدة قلبه يرجف من يشوفها
....اكيد قلبه ميرجف الج
....المدير ابراهيم يريدني مااريد ادوخ نفسي وياج
مشيت وبقت هي تضحك ورايه
دكيت الباب على المدير وكلي
....ادخلي
دخلت وعيوني بالكاع صارت
كتله
....رايدني
...اي صحيح
....اي تفضل
.....محمد مكلي عنج مزوجه ولا لا واحنا لازم نعرف الموظفين الي ويانه
بقيت ساكته واذكرت كميل من كلي محديعرف مزوجج
كتله
.....اني منفصله عن زوجي وعندي ولد صغير
....ها اي تمام هيج ونسرين دساعدج
....اي بدت تعلمني
....اي هيج اوكي محتاجه تسئلين شي
....لااشكرك
ابتسم بوجهي وكلي
...دكدرين تروحين
ولمن انداريت صاحني
كلي
...اكو سايق حجى وياه محمد راح يجي ياخذج منا يوميه ويرجعج للبيت ويجيج الصبح يجيبج لهنا
....اي زبن
وطلعت وسديت الباب
باوعت من الدرج الفوك شفت كميل كاعد جوه على كرسي ويفتر منا ومنا ويدة على الميز
الدرج جان مفتوح ويبين كل الموجودين جوة
بقيت حاطه يدي على المحجر مال درج
واباعه لحد ماديحجي وجان يرفع راسه وشافني
ودار الكرسي بااتجاهي وبقى يباع عليه
وبيدة قلم ويضرب بي على الميز
وبقيت شويه ورجعت للمكتب
وبقي الدوام اعتيادي لحد ماصارت ب3وطلعت وكفت برة وشفت محمد واكف ومنتجي على سيارته
واشرلي من بعيد
مشيت بااتجاه وصلت يمه
وضحكلي وكلي
.....شلون جان يومج ياموظفتنا
....يعني زين
....المفروض يكون حلو
...المفروض
اشر لواحد
ونداريت شفت رجال جبير يطلع من عمر فيصل تقدم
واجى وكف كدامنا
وكال
....السلام وعليكم
كله محمد
وعليكم السلام
....هاي ام يوسف راح تروح يوميه الصبح واجيبها من البيت
وصفله البيت وعرف العنوان مال البيت
وكلي
...اوصلج
محمد
كله
...لا اليوم اني اوصلها
....براحتك استاذ محمد يله عن اذنكم
وراح الرجال
وكلي محمد
....هذا سايق مال شركه هذا راح ينتظم وياج يوديج ويجيبج يوميه احسن من فيصل لان فيصل ملتزم ويا كميل وميكدر كميل بدونه
كتله
....صدك محمد عود ليش هاي شيرين هنا
.....منو
...هاي المسلوعه الي راح يزوجها كميل
....هههههه ليش جابها
....اي
....كال ‏عالأساس راح تشتغل بالشركه لان كال كميل
انو منا وجاي يكثر بتواجدة بالشركه
....ها حتى يضوجني مو
...هههه والله ماادري بس انتي مالج دخل بي احسلج هيج
.....شعليه بي
....اي عفيه عليج اي هسه كوليلي تريدين شي
...لااشكرك
ابتسم
....يله نروح
صعدت وياه بالسيارة
وبقى يسولف ويحجي بهوايه مواضيع بس اكو كلام يبتعد عنه ومايحجي بي ابدا مثلا زواج كميل
شغلهم
كتله
.....محمد
...هاعيني
....تسلملي عيونك مارحت لعمتك
....لاوالله وكلش عاجبني اروحلها لان. ‏مشتاقلها
....ها
....تجين ويايه هسه نروحلهم
صار عندي فضول اروح وياه بلكي اعرف شي
....اي اجي
...يله لعد
لاف السيارة وكام يسوق وبقى يسوق
لحد ماوصل لبيت اهل كميل
البيت نفسه مثل مااذكرى
ومن اول ماحطيت رجلي على عتبة الباب اذكرت
قبل كم سنه من اجيت هنا ولابسه عبايتي
ودشداشه جنت ضامتها للمناسبات
وضحكت
وشافني محمد ابتسمت كلي
....شكو
....ههههه اذكرت من اجيت اول مرة هنا
...ضحك
وكال
...اي ذكريات مو
......اي والله ذكريات
سوالي يله
وراح على الباب الخشب الي اذكر اول مرة دخلت قريت الآيه القرآنيه المكتوبه عليها
وكف محمد ودك الباب وبقى
هوايه يدك يله فتحتها مرة
من باوعتها زين جانت هاي ام كميل
بس جانت كبرانه وشعرها جان ابيض
وسمنانه عن قبل من
اجيت قبل كم سنه جانت أنيقه ولابسه بنطرون
بس هالمرة لابسه دشداشه وفوكاها روب خفيف
‏كاللها
....عمتي حبيبتي
...محمد
حضنته وعيونها كامت ادمع وبوسها من راسها ومن يدها
...ادخل حبيب عمتك
واشرلي محمد تعاي تقدمي
كالتله
....منو هاي الحلوة
ضحك محمد وكاللها
.....هاي بان مرت كميل ابنج
تغير وجهها وبقت تباع ولبست المناظر الي جانت معلكه
بركبتها
جان دكلي
...انتي مرت سعد بدريه مومرت كميل
كللها محمد
....مراح ندخل
....لاشون مدخلون تفضلو
بس المراة تغيرت كلش من شافتني
بس ماحجت شي
دخلنا لغرفه الكعدة مالتهم
شفت ابو كميل كبران ومدد رجله على التخم ومغطي رجله ويمه طبله جان عليها بطل مي ودوخ وكتب ومبين الي سوا وياه سعد مدمرة خطيه
واكيد قهر كميل وحد
كتله
.

...السلام وعليكم
عدل مناظره وكلي
...السلام وعليكم
وشاف محمد ومحمد راحله وبوسه
وكعد يمه وكام يحجي وياه ويضحك
واني جنت بعدني واكفه
كلي
...ليش مدكعدين بنتي
كعدت وبقيت اباع على هذا البيت وشفت الكرسي الي جان كميل كاعد عليه قبل كم سنه
وكعد يحجي ويايه وانتقدني
اجتي ام كميل وشايله بيدها صينيه وبيها كلاصات مال شربت
خليت الجنطه مالتي على التخم وكمت اخذت الصينيه من يدها
وضحكتلها
وقدمت لمحمد
ولاابو كميل بس ابو كميل كلي
...اشكرج بس اني مااشرب عصير
...براحتك وخليت الصينيه على الطبله وكعدت
وكله ابو كميل لمحمد
....هاي البنيه اني شايفها
ضحك محمد
كله
....هاي بان شبيك عمي وهسه صارت مرت كميل من كله كميل بقى ساكت
ويباوعلي
كلتله مرته
.....هاي بدريه مرت سعد
محمد كال
...اي هي طلكت من سعد وزوجها كميل صار فترة
كالتلي ام كميل
....وهسه سعيدة وياكميل
باوعت على محمد كتلها
....اي الحمدلله كميل خوش كميل
....الله يسعدة وين ماجان
كالت ام كميل
شفت يامحمد ولااجى ولاوصل
صاح ابو كميل
...كتلج طول مااني عايش كميل ماله دخله لهذا البيت وخلص تريدي روحيله
محمد كله
....يعني انت صدكت بكلام سعد منو الي سوا هيجي بيك ابن اخوك
...اني اعرف ابني واعرفه من يغلط ميكدر يواجهني
...لشوكت ياعمي راح تبقى هيج وياه
....لحد مااموت مااريدة وحتى بفاتحتي ميكعد
...ليش هيج عموووو انت تعرف كميل شكد يحبك

...للاسف اني جبت ولد واحد وخليت كل تعبي بي
وكلت يشيلني بكبرتي ويرفع راسي
ودار وجه عليه
وكلي
....مااتصورج سعيدة مثل ماكلتي
....لاسعيدة
...موصادقه
كتله
....كميل قوي بس كلبه طيب
...كميل كلبه مات من زمان
كله محمد
....راح تعرف الي سمعته كله جذب اني مااكدر ابررلك شي لان كميل مايقبل وراح تعرف انو كميل بكد ماهو قوي من الخارج بكد ماهو هش من داخله
....هههه بعدك وفي لكميل
....اي بعدني واعرف كميل اكثر من مااعرف نفسي
صارت سكته والكل صفنو
ورا شويه كالتلي ام كميل
.....انتي موحامل
سكتت
...لا
.... شنو ميريد كميل طفل هو كلش يحب الجهال جان دائما يكلي اتصير عندي بنيه واسميها
على اسمج
....ان شاءالله وتطلع حلوة مثلج
...تسلمين
ماعرفت شنو اكللها غير هذا الشي
باوعتلي زين
وكالت
.... وتصير تشبه كميل مثل عيونه مثل شعره تعرفين صار شكد مشايفته اني وشكد مشتاقتله
بس هوايه صاير قوي مجان هيج
باوعت على زوجها
وكالتله
.....مسئلت نفسك ليش هيج صار شنو الي خله ابنك يتغير
ابو كميل مجاوبها
انقهرت كلش عليها وتخيلت ابني يوسف هيجي ومااشوفه وماعندي غيرة يمكن اطك واموت
بقى محمد يحجي واني ساكته وجانو يحجون بموضوع بس اني مفتهمت منه شي
وبعدها محمد كلي
....يله بان
كال ابووو كميل
....شكد يحبك لعد كميل وخال مرته تطلع وياك
سكت محمد وكأنما اجى شي باله
وبعدها كال
....اي صحيح وكاللهم اني امرلكم عود
كامت ام كميل وكمشتني من يدي
وكالتلي
....دربالج عليه وطولي بالج وياه ترة هو هيج قاسي من بره
بس كلبه ماكو مثله
....اعرف بي
كالتلي
....اني فرحتي بكميل مكسورة
كون اشوفج فديوم اجايه وبيدج طفل دكولين هذا من كميل
حسيت دمعتي راح تنزل كلش نقهرت وتأثرت
وكتلها
...ان شاءالله
وسلمت عليهم وطلعت
ومحمد ورايه طلع وصعدنا بالسيارة
وبقى محمد ساكت ومايحجي لحد ماوصلت للبيت
وكفني كدام باب البيت
وكلي
....بان اني موجود من تريدين اي شي وبااي وقت
...اعرف بيك متقصر واني ألجئ الك بشدتي يامحمد
....دربالج على نفسج
..ان شاءالله
نزلت وفتحت الباب مال بيت ودخلت جوة وتلكاني يوسف وحضني وجنت مشتاقتله هوايه
وكأنما هاي الساعات الي مرت عليه ايام موساعات
وكت افكر بكميل واكول يالله شكد قاسي انت
حتى ويا اهلك
واليوم جان متعب وطويل
وماكدرت اظل كاعدة هوايه ونمت
من وكت
وكعدت الصبح وبدأ يوم جديد بحياة جديدة
بشغل جديد بعالم جديد
اجاني السايق وصلني للشركه
وراح دخلت
جوة وصعدت لمكابي
واجتي نسرين وكعدت اسولف وياها
واجاني موظف اسمه حيدر
كلي
...ست بان
...نعم
...استاذ كميل يريدج ‏
....وين بغرفه المدير
....لا جوة بمكتبه
وراح
كمت واجر بروحي جر
وكلت لنفسي اريد افتهم محمد موكال هو ميشتغل هنا
وميجي شو طلع عنده غرفه هنا
نزلت من الدرج وبقيت واكفه ومااعرف وين الغرفه
مالته
سئلت واحد ولد جان واكف
وكتله
....وين مكتب استاذ كميل
...هناك
واشرلي على غرفه كدامي
تمشيت وكفت كدام بابه
ودكيت الباب
كال
...دخلي
دخلت
وصار وجه بوجهي
كتله
....نعم
كلي
...مرتاحه هنا بالشغل
..الحمدلله
..والبيت مرتاحه بي
...اي
....اني هم مرتاح
...ان شاءالله دائما مرتاح
...اشكرج
...رايد مني شي
....اي داعزمج على الحفله مال خطوبه مالتي
...اي
....شنو
...شايف كل خير
..مراح تجين
....لا
...ليش
....ماعندي وكت
....سويلج وكت
..مااريد
...ليش ماتفرحيلي
....لا
صايرة صريحه
...كل هذا الي سويته الج وانتي مستحيفه بيه اعيش وارتاح ويصير عندي اطفال
...وان

ي شنو دخلي
....مثل مااني من البدايه مجان لازم ادخل لحياتج واتحمل ‏مسؤوليتج نفس الشي
...انت صحتني علمود هيج دكلي
.....اي صحتج حتى اشوفج بحفلتي
....وشيهمك
....يهمني الي يهمني الي وحدي
...اني اعرف بيك دتسوي هيج حتى ضوجني بس لزيدها لان راح اكوم اكرهك
...ليش انتي حبيتيني حتى تكرهيني
....اي حبيتك
.....والله شلون
.....لان اسمك من اكوله ادفه وكلبي يموت
وتوكف نبضاته وبعدها يرجع يدك حتى يعذبني
بقى ساكت
وكأنما الكلام مأاثربي
....اي
....اني اتمنالك السعادة وكون اجيب بنيه وسميها بااسم امك
باوعني وفتح عينه
....شنو شكلتي
...كلت انت واحد ماعندك كلب حتى اهلك قاطعتهم ومامهتم تروحلهم وتشوفهم وتكسب رضاهم
شايف نفسج على الكل الخلقك خلق غيرك وخلق الي احسن منك
لاعبالك وحدك الي عندك شكل وفلوس
انت عندك شي بس خسران هوايه اشياء
وماعندك شي بحياتك عزيز وتخاف عليه
والي ماعندة غالي مايعرف قيمة الحياة
.....انتي شفتي امي ‏
....اي
اظاهر محمد مكايله
.....شوكت
...البارحه وشفت ابوك هم ياكلبك شلون انت هنا وقريب منهم ومتروح تحجي وياهم
...انتي متعرفين شي فلاتحجين خليج بحالج
....امك عرفت اني مرتك وكالتلي اتمنى تجيني فديوم وياج طفل
تريد تشوف جهالك لان هما ماحظو من شي بهاي الدنيا الجبيرة بس حظو بيك
جر الكرسي وكعد
وكال
.....محمد وداج
....اي
...انتي تعرفين انتي مرة مزوجه ملازم اطلعين ويااي شخص غير رجلج
...ورجلي هم مزوج ملازم يصيحني ويعزمني على خطوبته بكل دم بارد
....اعترضي على شرع الله
....انت متعرف شرع الله
.....الااله الاالله هاي اني
....اي
وندكت الباب ودخلت هاي المسلوعه وسدت الباب
كمت وكفت وباوعتها
وتمشيت وكفت يم الكرسي مال كميل ودنكت وبسته من خده
وتمشيت بصفها وضربتها بجتفها
وطلعت وسديت الباب ورايه
وكفت ورا الباب وكلت عزة بعينج بدريه اني شلون سويت هيجي شكد عيب اني هيجي صايرة مااخجل

وبعد ماشفت كميل
واليوم الي بعدة هم ماشفت كميل ولاشفت محمد
ايامي اختصرتها ابني
وشغلي
وخلص
هذا يومي وينتهي هيجي
بس اليوم اجاني فيصل من طلعت من الدوام وجان السايق مال شركه ماكووو
صاحني
..ام يوسف
...فيصل شلونك
...ام يوسف شخبارج
...والله بخير انت شلونك
....زين الحمدلله كميل كلي تريدين اطلعين تشترين ملابس
....اني
....اي
...لويش
نزله راسه وبخجل كلي
...علمود الحفله
سكتتت
وكتله
.....اي صح
ماردت اكسر بنفسي اكثر
....هسه تريدين اوديج لمكان محدد
...لا
...زين لعد اوديج للمحل الي كلي كميل عليه
....ليش هي شوكت الحفله
....الخميس
....وين
.....بيت كميل تعرفين الحديقه جبيرة
....يعني هي حفله وناس هوايه
....لاليش مكلج كميل
....لاماكال شي
...هي مثل الكعده اهلها وانتي ومحمد وكم شخص كميل يعرفهم
يعني تقريبا 20شخص بس وراح يسوي عشة
يعني موشي جبير
...ها
.....اي
...وشنو الا داعي اني اروح
باوع على بالمرايه الي كدام
وكلي
...الانسان تمر علية اوقات لازم ‏ ‏يواجة ميكدر يضم راسه وانتي بموجه لازم مظلين ضد التيار
...صحيح
وصلنا وكال ‏
....هذا المحل
نزلت وهو ويايه
ودخلت وشفت وحدة واكفه
كلتلي
...تفضلي حبيبتي
....عندي حفله واريد اختار شي بسيط
...شنو نوع الحفله
فيصل كاللها
...حفله مال خطوبه بسيطه
....يعني انتي العروسه
...لا
.....اوكي تعاي ويايه شوفي بقت دكلب بالملابس واني عيني غوشت من كثرت الدور والالوان وماعرفت اختار شي
كتلها
،..والله ماادري دخت
باعتني
كالت
...اني اشوف تلبسين شي يليق بيج شكلج هادئ يرادلج شي مابي شغل هوايه
ونازك
...اي والله ياريت لان اني ماهلكد ويا الملابس
...ولايهمج هسه نختارلج شي حلو
راحت ورجعت بيدها
فستان موكصير كلش لونه أسود وبي ردن شفافه طويله
وبي سحابه من كدام بس بشكل غريب
وجايبه تنورة كصير وياها سترة ولونه
جويتي
عجبتني التنورة والسترة لان كلش حلوة وبسيطه كلش
كتلها
...هذا حلو كلش .
...عرفت راح يعجبج
...اي حلو
...هسه تريدين هذا
...اي
راحت البنيه ورجعت بيدها علاكه
وكالت سعرها هلكد
طلع فيصل فلوس وانطاها
وكلي بعد تريدين حاجه
كتله لا
رجعني للبيت
ودخلت للبيت وكعدت على التخم ردت ارتاح
وبي هوايه احاسيس
بس يمكن
التعب نوبات يخلينا مابينه حيل
نبجي وننقهر
فنسكت وبينه خنجر يقسم القلب نصين
حتى كلامي وياام ياسين صار كلش قليل
واجى يوم الخميس ومن جنت بالدوام شفت
محمد ورحت سلمت عليه
وكلي
...راح تجين اليوم
....مااريد اروح
....لاتعاي لخاطري
...ليش
....لتكسرين بنفسج خليج قويه خليج بدريه الي عرفناها
وعجبتنه سباعيتها كميل يريد يضوجج
...هو ديأذيني محمد
.....اعرف وداحس بيج بس لتخلين هاي شيرين تحس نفسها فازت عليج اذا راح تجين راح تتخبل
لان راح توكفين بوجهها وراح تحسبلج الف حساب
....اوف تعبت ومدالكي شي يريحني
باوعت على الباب مال مدخل الشركه
وشفت كميل دخل
و بدون مايلتاف محمد ويباوع ضحك
وكلي
...كميل مو
...اي
ابتسم وكال
...هو ولايجي هن

ا بس هسه كام هوايه يجي
....اي حتى يغثني ويروح
....هههه اليوم فيصل يجيج يجيبج
....الله كريم
...جيبي يوسف هم وام ياسين هم خلي تجي
...ان شاءالله
...يله عود اشوفج
...اشكرك
...موكتلج لتشكريني بس اريد اسئلج سؤال
...شنو
...ناهز ازوجت
...اي وصار عدها ولد وبنيه
...صدك
..اي والله وهي هم سئلتني عليك اذا ازوجت لولا
...وشكلتي
...كلتلها مامزوج
...هي سعيدة
....ماادري
...الله يسعدها بس حرمات مابيها ولاشي صغير منج برغم انتو عشتو تقريبا نفس الظروف
وسلم عليه وراح
كلت معقوله يحب ناهز
وشفته راح لمكتب كميل
واني رحت للمكتب مالتي
وهسه كمت شويه
اعرف اشتغل وكمت احس نفسي تعودت شويه
وكامو الموظفين يعرفوني ويسلمون عليه
ويحجون ويايه
وخلص الدوام واجاني السايق وداني للبيت وكلت لاام ياسين
...تحضري دنروح للحفله مال كميل
...اي اعرف
...شمدريج
...اليوم اجى الصبح شاف يوسف وكلي
...ها
...اي وكلي تعاي وجيبي يوسف
...هي موحفله
...اي كلي كعده بسيطه مسوين
...اي لعد تحضري واني هم اروح ابدل واحضر يوسف
واحنا بعدنا دنبدل اجى فيصل
وبقى ينتظر برة علما خلصنا وطلعنا
وصعدنا بلسيارة وصلنا
لبيت كميل جانت اكو كم سيارة
بس من وصلنا
طلع محمد وكال لفيصل
...صارت بيت اهل شيرين
كله
..لبيت اهل منو
....بيت اهل البنيه
...ليش
...ماادري كميل كال هيج
...ديله
ومشى فيصل مرة ثانيه
وصلنا لبيت هاي شيرين
وسيارت محمد جانت ‏ورانا
نزلنا وانتظرت محمد يطبك السيارة
وادخل وياة
اجى وكف يمي وكلي
.....اليوم كلش انيقه اي هيجي
دائما
.....هههه
ودخلنا جوة جانو
اكو ناس هوايه
ورحت كعدت ويوسف كعد بحضني وام ياسين كعدت تاكل جكليت
ومحمد طلع ماادري وين راح وشويه ورجع كعد على الكرسي الي يمي
والكل تقريبا التمووً وكميل ماكو
محمد كال
...اروح اخابرة
طلع ورجع كال
...ميجاوب ماادري شنو فلمه خاف صار شي
...وين جان
...هو جان بالبيت من طلعت اني كال روحو واني اجي وراكم
....خاف اكو شي
..... ‏خلي اخابر الحرس الي بالبيت اسئلهم
كميل طلع
......اي بسرعه خابرهم
ودك على الحرس
وكالوله
...من زمان طلع من البيت
تخبل محمد وكام وكف وراح على شيرين كاللها خابرتي كميل
..كالت ميجاوب
رجعلي كلي
...شنو السالفه
اني كلبي نفض كتله
....شوفه وينه الله يخليك
طلع ورجع وكلي
..مابين ظل بالي
وبقينا ننتظر فوك الساعه وهو ماكو
محمد كال
...راح اروح أدور عليه لان بعد مااكدر اكعد
كتلها لاام ياسين
....خلي يوسف يمج لتخلي يكوم
وطلعت وكفت بالكراج
والعبرة خانكتني
وعيوني دور بالوجوة
وين صرت كميل
ومر تلث ساعات والناس بدو يطلعون
واني على نفس الوكفه ماكدرت اروح من يم الباب وكلبي مشتعل عليه
بقيت اكول
خاف صار بي شي
خاف سعد قتله
خاف خطفووووو
وكمت استنجد واكول
ياربي لايصير بي شي والله اموت
...وينك كميل اني محتاجه بس اشوفك
،،،،،،،،،،.....
لم يختفي ولن يختفي
‏وأثرة في قلبي
سوف أرضى بنار الفراق
اذا كان هو يتنفس
هي لحظات مرت على غيابه
وعلى قلقلي
ولكن شعرت بها كأنها أعوام
يامن هربت من قلبي
يامن تملك قلب لايعرف
العشق كثيرا
سوف اكون انا خلف
قلبك وسوف
اقف خلف باب
جليدك
وسوف اقتلع
كل أشواكك المغروسة ‏ في جسدي ‏ ‏
لكي أحيا بحبك من جديد
،،،،،،
عندما نعشق لانهتم بمدى وجعنا وسوف تكون
جروحنا اخر همنا
عندما يغيب عنه من نحب نشعر
بشيء لايوصف
ونبكي بدمع لايتوقف
يتبع....
#الكاتبه #روجمان

وحده من بنوتات✨ رادت ديكورات عل صيدلية

حلوة الفكرة😍😂خل اشويه نطلع من جو الماسكات

#ملوكه

رح انزل ديكورات من الخارج والداخل🌚👇🏻

#ملوكه