#معلومه ع الماشي🎀
🌼👄🌼

💫1- وضع الفازلين على الحواجب 👀 للتكثيف

💫2- تمرير الثلج على الوجه 💆 لغلق المسامات المفتوحة

💫3- شرب ليمون 🍋 مع الماء 🍶 لتنحيف المعدة

💫4-لرائحة الفم مسحه بزيت الزيتون 🌿قبل النوم

💫5- لتبييض الأسنان 👄 ملح وليمون 🍋

💫6- للهالات السوداء وضع بطاطس تحت العينين للتفتيح

💫7- لجعل العطر فواح ويدوم اكثر وضعه في الثلاجة وفي أماكن النبض 💧

💫8- لتقشير الشفاه 💋 سكر 🍨 وزيت الزيتون 🍸

💫9- بعد نزع شعر الجسم مسح نشاء للتفتيح 😍

💫10- لجعل لون الكحل أغمق وضعه في النار 🔥

💫11- تمرير ليمونة 🍋 في الوجه 💆 لتفتيحه مع الإستمرار

💫12- شرب ملعقة عسل 🍯 مع ماء دافئ تعطي نضارة للجسم

💫13- قبل وضع الماكياج 💄 رش الوجه بماء الورد مخفف بماء عادي

💫14- لبشرة مثل الكورين مسح الوجه 💆 بماء الأرز لمدة 15 دقيقة ثم غسله 💧

💫15- إستخدام الفازلين لتثبيت إضاءة الوجه للبشرة الجافة😘

#اعـاده_توجيـــہ_لتنسون
#ملوكه

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ


الخمسون


تحت طيات يديه اشعر كاني وردة ارتشفت مياه عذبه واستنقة هواء الربيع فأزهر وتتلون اوراقي ليكون عالمي بألوانك لاحتضن سمائك لا افترش ارضك
قربك وبعدك يقطع عني الانفاس اختنق استنجد بك
فأذبل وتساقط احلامي كأوراقي

ارتعشت رجليه كعدة ابجي ابني شذذذنبه بيناتنه ميعيش بدوني فدوه عوفني بحااااالي

ابتعد كعد على القنفه وهوه يفور

ابنج ذابحه بت الكلب شمسويله اليسمعج يكول مكومهم بكفخه ومكعدهم بكفخه

كال يعني شتردين اجيبج على رجليج اطيحين على راسج كبل وفهمتج وكتلج يابنت الناس اخذج مو بس لجل يمن الي اريدج نهلة مااحبه ومعيشه ملكه

لعد الج شسوي ثقي اخليج تمشين وتتباهين وابنج بحظنج شتردين اكثر بيت وحال ومال وعمتج تحبج واهلج يمج

سكتت الهبطه عكدة لساني بس عيوني تباوع التفت

متحجين لضلين ساكته

احجييييي كليلي شصرف وياج

باوعتله ليش حبيتني انت مو جنت تعتبرني بتك وتكلي بويا مو هاي الكلمه على السانك لحد مخليتني احسك صدك ابويا او خالي

صفن عليه وهدء شويه شافني احجي وصوتي كوه يطلع واتوسل

كال وهسه شحاسه
ينصي ويرفع راسه ينتظر ردي

اني خايفه ومااريد اجازف اعرف بدة مشاعر جديده بداخلي عايشه الابني

شافني على سكوني حايره بردي

طلع للمطبخ
رجع بيد جداحه
ورث اسكتي ضلي ساكته شكد مابيج

كتله شتريد

تعالي كعدي واشرلي على القنفه

كمت كعدت على طرف القنفه

هوه ينفخ ويجر نفس طويل خلصه شمر الكطف ورجع طلع الثاني

بداخلي متوتره ومااعرف اصرف حايرة ابني اريده وهوه متخذ ابني وسيله اقبل بي

مواثقه منه انسان عصبي يفقد نهلة بقوته ومااتحملت اني الضعيفه اتحمل يمكن كتلتين اموت جوه ايده
شكد قتيبه كان يضربني بس مو بقساوة قادر

اجاني صوته رفعت راسي باقي على وكفته

اي يابه غردي اريد موجز اليدور بالج هاااا ولا تعيدين الحجيتي قبل شويه مااقتنع بي ولاتقنعيني شعندج جديد

ساكته مااعندي شي اكوله غير اريد ابني

كتله ميدور بالي غير ابني اريد واستقر بيت اهلي حتى زواج ماازوج

كعد بعد اشبار

هااا خوش متردين تزوجين والثور القاري فاتحتج منو

كتله مجرد قراية فاتحه معاقدين وممفكرة اعقد منا لمن اتقبله

صاح ااااانوب تحجيه يربي ولج انتي تتعمدين سوين هيج لو طينتج من الله
يعني ابن عمج مقتنعه بي

خفت اكله اي ويزيد اعصاب واذا اسكت يكلي انتي كلتي مقتنعه

ماادري بعدني ممفكرة عدل

كال لايابه ممفكره عدل وقارية الفاتحه لو مقنعه ثاني يوم تزوجين صفك ايد بأيد شسوي فهميني رسيني على بر شسويلج وتقتنعين

بيه عيب ومترديني انسان فقيره وتخافين اجوعج مقصر بشي كلتي على شغله ومااجبت اضعافهه

خالو بس

عاط لصيحلي خااااااالو اني مو خالج احل عليج تعرفين يعني شنو اكد اخذج

عيوني غرغرن وهوه يكعد شويه ويكوم يفتر ويحجي
كعد قريب عليه

شترررردين احجي فهميني

مااااريد كلشي مااريد كرهتني حتى بروحي لا اريدك ولا اريد غيرك كلششششي ماريد منك بس عوفني والله كلبي كام يوجعني

بجيت بحركه

تنهد هدء ثواني سكت

رجع دار جسمه عليه تعرفين شكد عمري

هزيت راسي

اي شكد

٤٢

لا ٤٣ تنهد ورجع كمل

لهذا يومي امشي بعقلي اضحك على اليكول احب ومااكدر دونه زوجت بقناعه متخذ كلام الله طريقي
وجعلنه بينهم موده ورحمه ازوجت وحبيته على كد العشره قنعت عقلي اني احبه هذا مفهومي للحب اذا غلطت اعاقب ومراة اضرب من اهدء اتندم واصالح وابوس في سبيل ترضه صار ١٣ سنه ماشي على هذا المنهج مااشتكيت لحد سوء تصرفاتهه

شكد تغار وتعارك وتعرف بيه اني مااهوه النساء كلشي بلحلال ارغبه ايصيرلي بي طعم

مكان شغلي عبارة عن بقعه حرام شرب وكحا......
جنود وبعيدين عن عوائلهم واغلبيتهم محافظات والرجال يحتاج

بس اكو بيهم يصبر واكو بيهم تركبه شهوته

اشكال شفت يجني للمكتب يطلبن مقابل واكو بدون مقابل مااستسيغهن تلعب روحي من اشوف تصرفاتهن اذب من راسي شكد حاولن مكدرن لحد مكامو يسموني محافظات لان جنوب وعشائر محافظين

يسولف واني مدنكه من كال يجني هيج حسيت بغيره ضجت رفعت راسي

كال اي لاتتفاجئين مسامعه من خوانج من احد السلك العسكري الشرطه الداخليه بلمجمل

المحافظ على روحه ذاك من ذاك ينعدون على الاصابع

جميع الدوائر الحكوميه متخله من هيج اشياء غير نهلة مجست

حسيت بحراره صعدة الراسي نترت اي ادري غير زوجتك

اي حلالي مسويت حرام بس من يوصل الموضوع يمج
حتى الحرام اعبره

استفهمت يعني شنو

مد ايده اخذ ايدي

نصيت خجلانه ومرتبكه احس روحي ارجف ماادري متوهمه

تنهد كال محاس بهيج احساس عبارة عن كهرباء لمستج

وخر ايده ضل يفرك بوجهه ويستغفر

كال مااريد عر وجر انتي الي مستحيل غيري يلمسج افتهمتي

راح شرب مي كال كومي ارجعج

ابني

نتر وسم ابني وابني ماخذه منج هسه اجيبه

ضل يدردم عليه شفتهم منج بس ابني ماكو غيره تفكرين بي

دخل للغرفه طلع مغير دشداشته عبر للمطبخ سمعت طكت جداحه