#بارت37

_
مثل شجره بخريف يبس عودي ونكض حيلي وما عاد حتى الكلام يهمني .
مثل ليييل طوووويل ما مر عليه بمره ...
راح كلشي ويااااا . وصار الاعتزال انيسي . انيس وحده شافت ضيييم وقهررر وذللل واخر كارت جان مضموم للعازه احترك وراح .
ومثل ما حانت امي تكول العكازي الي راح اعتكز عليها بكبرتي . راااح وعافلي طفل صغير ماا يقبل ينسى جية ابووو قصص وروايات عراقية كرار صلاح ..
هذا العمر الي كضيته كله بتشحرج وقهر وخوف جان كله لو اني ما مولوده ابغداد ؟؟؟
او حتى لو اني تزوحت ابن عمي وخلصت . وما عشك كلبي الاول وتورط بلثاني . ورجعت عشكت الثاني واتهمت بلاول .
الانسان ينسى كلششي وكل زين يتحول الى شين لمجرد تهمه .
الشيب الي اكتسبه شعري مو كبر لااااا .... شيب القهر وما ادري بلجاي والخاظر شمضموملي ....
.
.
.
التحقيقات مستمره فبعد يوم ١١ / ١ / ٢٠٠٧ وهذا اليوم المشؤم الي انقتل بي لواء بسيارته ضربه طلقه بصدره مخرقه ظهره خله العااالم كله بقلق ومرتبكه . والي يأيد انو لواء جان يعرف الشخص القاتل ؟؟؟؟؟
بسبب انو منزل الجامه وحاجي ويا ....
وهذا يشير الى انو جاسر هو المتهم الرئيسي ....
بس اني جنت متأكده مو هو . صح عشت ويا ٣ سنوات . صح ٣ سنوات جانن حرب بس اعرفه شنو . اعرف جاسر ونفسته شنو . وهذا الي خلاني متمسكه أبرائته كدامي وكدامهم وبنفس الوقت شده تمسكي ابرائته اشارت الى اصابع الاتهام اليه بلتواطئ مع جاسر ....
ساره ويزن انتهو وتبخرت كل علاقه الهم والشي الي جان جامهم انتهى بأول ايام وفاه لواء .
.
بترقب منتظرين نعرف سبب اختفاء جاسر وهروبه من الساحه حاليااا ؟؟؟
والكل تفاجأ بدخوله بعد مرور اسبوع وكان شي ما حصل . حسب ما سمعت انو صار الهجوم مثل قطيع ذئاب جائع على جاسر .
لواء اولاده كووولهم على كلب واحد حتلو كانو يختلفون ويا عن المبدأ ،... لكن الغايه هيه وحده ... وهيه انو عدم تشتتهم لان يرجعون الى لواء وهلأسم يعنيلهممم هووواي مثل ما هو جان يعنيلي ....
.
سوزان فقدت اخر طاقه جانت تمتلكها بموت لواء وهذا الي خلاها تفقددد النطق . وبدأت بأضطراب حالتها النفسيه والانتكاسه الي واضحه عليها وحتى على عضلات وجها . صاااارت بلموت يلا تفتح فكها للاكل . واذا فتحته صعبه تسده . وهلشي الي خله يزن يتصل بمايا ويخبرها عن حاله سوزان ويحجز اول طياره لسوزان هناك للعلاج وارسال عدي وياها . وهلشي بسابع يوم بعد الوفاه ...
.
_
ما بعد رجوع جاسر .....
__
مجموعين كل احنه بلبيت الجبير وكل من دخلت لغرفه تختلي بيها عن نفسها . شويه وصارت العيطه والصوت واضح وكل من يصيح بكتر وصوت بناتي واضححح من بيناتهن .

احساسي نبهني عن سبب هلصوت بدون حتى ما اشوفه .
وهلشي الي خلاني اخاف اطلع واواجهه اولا لان اني معتده ...
ثانيا اخاف يكولون طبخت الطبخه وما ضل الها بس تاخذه وتشرد .
ثالثا والاهم . اذا جان هو القاتل فمو طايقه حتى اشوف خلقتنه قصص وروايات عراقية كرار صلاح ...
ضليت كاعده بمكاني واني اشوف صوت يزن الي بده يحتد . وكلامه الواضح . وهو يمول : وين جنت . كولي دليل يكول مو انت . فمني كلي يابه هيج الموضوع حتى اعذرك ....
وصوت ظاهر الي يصيح : حتى لووووووو موووو ااااانت الكاتله همممممم اكتلك من اجيت جبتلنه الهم والغمممم ...
وساره وكوثر الي يبجن ويصيحن . وصوت وياهم لأول مره اسمعه .
ما حست الي ثواني وطب ظاهر دفع الباب بحركه ويصيح : كوووومي اجه حبيب الكلب .
ليلى: طفرت من مكاني خايفه منه احس بقمه قهره وحركه كلبه على ابوه : شتريد مني يا حبيب كلب هذااا ....
ظاهر : كوووومي لجججج سااقطه ...
ما حسيت اله على يزن هو ويسحله من غرفتي . ويحاول يجتفه بأديه وظاهر يصرخ والكلام يطلع من الحنجره : لكككككك عووووفني هلسخخخيفه هاااي . هيه كتلت ابووووويه . لككك هدددني وخررر عنننني . وخررررووووو .
شويه شويه بده صوته ينقطع عني واني جسمي كله يرجف دخل يزن : لطلعين من غرفتج . وي حجايته دخلت ساره : شتغدون (شتردون ) من امي .
يزن جاوبها بكل عصبي : انتي لتدخلين وطبي جوه .
وسد الباب وراح . واني ضليت صافنه بس دموعي تجري واسال الله ينطيني الصبر والراحه .
اجن ساره وكوثر وهنه يشبكني ويطيبن خاطري : سوده عليه ماما .
ليلى : اجه ابوج ....
كوثر : اجه وجايب ويا عجوز البين ،....
ليلى : منو ؟؟؟
كوثر : زوجته وجهاله ماما . .
ليلى : اي بلعافيه عليه . كولي بحظ امج الاغبر . لا عرسي سويت الاوادم ولا موتت رجولتي سويت الاواددددم ...
كوثر : بدت امي تضرب على خدها وهيه تندب حظها العاثر .
ليلى : شرريد بعددد شرريد . حبيت ؟؟؟
مات ابويه وحرمني من فرحتي ..
تزوحت من دوووون خلق الله لا حفله لا بدله .
رراح ومات واني ادولب وعشت سنين انتظره وعد يوم عن يوم .
وتالي عرست مره ثانيه ولا ونفس حظ الاول هم بهم وغم بغم .

وينكتل ويرجع اخوووو وفوووكاااهااا اطلع اني الكاتله ابوهم .
انتفظت امي وهيه تكول : والله ولا اضل . راح تريد تطلع ورجعت .
اخاف اطلع خاف يكولون حققت الي ابالها وراح تشرد وي جاسر .

ااااااخ سوده بوجهي على هذا الحظ ....
ااااخ يا ربي امانتك اخذ عمري وخلصنييي ....
اااااخ سوده بوجهي عليك لواء رحت وضليت وراك يعيروني بكتلتك ......
اااخ يابويه ما عندي لا سند ولا معين غيرك ربي بس انت جوه صايتك خليني مروتك وخلصني .
كوثر وساره : الموقف الي جانت بي امي ما اتمتا لعدوي بحيث مثل الطير المذبوح تفرفح تروح منا وتجي منا وصارت تخاف من خيالها . وهيه تكول ربي خلصني ربي ارحم بحالي .
.
.
.
.
جاسر ....

اول شي اني ما اسمح الكم تتهموني هلاتهام . وهذا اخويه وعزيز عليه مثل مهو عزيز عليك . ولا عبالك اني بكد ايدك وحاي تتمرجل.براسي بحجايه مني اخليك صرصور جوره نعالي . بس اني حاسب حساب لابوك .
ظاهر : اني ما اتهم بيك واني اعرف شلون افرفح كلبك ....
هههههههه لا عبالك اخليك تتهنه ؟؟؟؟
لاااا والله رايح بعيدددددد اني ما انكس ايدك بقذر مثلك ....
يزن : كافي ظاهر . خل تطلع التحليلات وبعدين نحجي ....
جاسر : انتظرو التحليلات واذا اني حنت مسؤل عن شي اني اقدم نفسي للعداله بنفسي بدون ما واحد ياخذني ....
ظاهر : حتلو مو انت بس انت الك يد بيها .....
جاسر : هو شنووو كوووه هيه ؟!!!! انت متفتهم هلحجي ....
مو اني الي اكتل اخويه . اكو خلاااف اي ... والكل يعرف لبلى مرتي وام بناتي ....
ظاهر : ليلى مو مرتك . وحرب اخويه وابن لواء مو ابنك . وهيه حبت ابويه وتموت عليه ويااامااا ويااا مااا نامت بحظنه ... اصلا ليلى جانت زوحه ابويه المفضله .
يزن : كافي لللك شنو هلحجي ....
ظاهر : خل يعرف الافندي خاف عقله متوقف على سنه ١٩٨٨
.
.......
حسناء .....
_
البيت صار عباره عن حلبة مصارعه وحان ظاهر يحاول يثير غضب عمه جاسر بكل دقيقه وبكل ثانيه عكس يزن الي ساكت ومنتظر نتيجه تحليل الطلقه الي بصدر عمي لواء .
اجواء البيت صارت اكثر ارباك . واني اكثر قلق وخوف ما ان يكون هذا جاسر الي منتمي لحزب معين يمكن انو يأذي ظاهر قصص وروايات عراقية كرار صلاح...
صار ظاهر كتله مال نااار مشتعله وتمشي بلبيت صب غضبه على كل من يتعده بصفه . وهو يوجهه الضربه القاسيه لجاسر ويطرد زوجته طرددد من البيت .
جاسر : اني لحد الان متمالك اعصابي وياااا . يزن فهم اخوك انو هلبيت باسم بناتي واذا كاعد بي هو فاني الي سامحله بهلشي ...
ظاهر : اااي عال العاااال. . احنه نطلع وضل انت بلبيت . وبناتك وست الحسن ...
يزن : ظاااهر انت ليش متسكت. ..
ظاهر : لاااا هيه اجتي برجليها . ست ليلى اذا تريد تضل وي جاسر شكو بيها . بس بيتها باسم ابويه واخويه ناخذه النه ....

ليلى : ظاااق عندي كل صبرر وي ظاهر . لبست عباتي وطلعت ...
ظاهر انت شتريد ...
ظاهر : هعععععه طلعت سمعت بطاري البيت . مو انتم ثنينكم دبرتو موتت ابويه . ؟؟؟ البيت هذا الكم وهو اساسا مسمه بسم بناتج . حرب النه .
ليلى : شنو حرب الك ع يا اساس ؟؟؟؟
ظاهر : ههههههه يعني مهامج بلموضوع غير حرب . ههههههه اخلي الكم يلا . وتعيدين الزمن . وجاسر يربي حرب مثل ما ابويه ربه بناتج . هااااااا * بدن دموعه يصبن * كوووليلي بلكي بعد ١٧ سنه يرجع ابويه . والله اذا هيج اقبل . كوليلي اذا رجع ابويه اقبلللل
صار مثل البي هستيريا بسرعه تحول الى انسان ثاني وبده بلصياااح : بسسسس منااا لمن يرجع ابووويه حرررب مراح تشوفي ....
اخذه يزن بسرعه طببع للغرقه . واشرلي اطب . واني دخلت عرفت ظاهر حاليا مو طبيعي .
مو مال احجي ويا . وافكر شراح يكون النتيجه عن الطلقه واريد اعرف سبب بالتأخير ....
.
.
.
مرت الايام ويزن ما خله مكان ما راح اله والنتيجه كلعت مسدس غير مرخص . وهو يفووور اخر شي راح لابو سلسبيل وطلب منه الحقيقه وخبره بأكبر حقيقه انو ممكن اسمع عنها .
لواء جان مسؤل بلدوله وجان انتمائه لمكون معين بلدوله . هو لواء اساسا يحب العراق بس يحب العراق بطريقته هووو .
بمرور الايام صار حلف مع احد مسؤلي الاحزاب (ص .م ) وصارت بيناتهم شراكات معينه لحد ما اختلفو على شغله معينه تهريب الاعضاء . جان لواء رافض هلشي رفض قاطع . وقرر انو ينفصل عن هلحزب . وبلتالي اكو وثائق عد لواء ادينه لهل شخص . فقرر انو يكتله . ويتخلص عليه .
همه ميعرفون بلاحداث الي يمر بيها لواء بس صارت ثنيناتهن بفترات متزامنه وبلتالي تم اتهام جاسر .
هذا الشخص محد يكدر يكول انو الطلقه طلعت من سلاحه لان هلشخص صاحب نفوذ وصاحب جنسيه امرررريكيه ....
.
كل احنه چنه متفاجئين بلنتيجه والخوف صار اكس مربع ... يعني اكوو وثائق ادين شخص معين واحتمال اخو خطر على كل العائله . بس ليش لحد الان ساكتين مندري ؟؟؟؟؟
يزن جان كلش خايف والاكثر شي جان على اخوته .
كعد حجه وياهم : ماكو ضله بعد الكم بلعراق . الوضع مو امن . يلا كلمن يحظر روحه حتى تسافرون بعد منضل .

بدت اول قافله بلخروج ساره وسلسبيل وقصي .
وحسناء و جيهان تلحك ابنها عدي . لحد ما يكمل ظاهر شغلته ويلحكها .
الي ضل بلعراق فقط اني وحرب ويزن وكوثر ....
كل كعدته ويانه جان مجرد حتى يصفي اخرر اوراق اله هنا جان الوضع مقلق . واني جنت منصاعه لاوامره من خوفي حتر من يطلع ياخذنه لفندقزيحبسنه بي ومن يرجع يرجعنه وميدري اذا جان متراقب او لا .
اني خلال هلفتره رجعت لبيتي . ويزن وياي . يطلع الصبح ويرجع بلليل . وجاسر بلبيت الجبير .
.
سنه مرت ابشع من السنه الي قبلها وكلما تمر علينه سنه . اكول مصخمه وتجي الي وراها تخليني اترحم على الكبلها ....
اخذت اجازه بدون راتب لغايه متصفه حياتي واشوف وضعي وين راح ياول بي الامر ....
.
اخذ يزن ترتيب هلاشياء شهور تفاجات بجيه ام عادل جوارينه الي كثرت هلايام وهيه تحاول تنسي همي وفتحت باب جديد : ام ساره متنطيني كوثوره لعادل .....
ليلى : على بختج ام عادل متدرين عمها لسه دمه ما نشف وينه وين هلحجي ....
ام عادل : ما اريد بس حجايه الله يخليج ....
ليلى : ياااا شلون انطيج حجايه واتجاوز ولد عمامها وابوها . غير حتى يكتلوها بكاعها ....
ام عادل : احنه نروح الهم والله الولد هاويها . الله يخليج ....
ليلى : اي دخل ادور سنه عمها والله كريم ...
.
ام عادل حجت هلحجايه وضلت كل سبوع تكرر جيتها وتلقي نفس المحاظره وهيه تحاول تجذبني لحياتها : ابووو عادل مدللني كلما يجرحني بكلمه يجيبلي ذهبه بمكانهم .
صح احنه ناس بسطاء بس ولدنه يحبون زوجانهم وميفرطون قصص وروايات عراقية كرار صلاح بيهن .
ابن اختي يكول ما صدكت اخلص من صدام يوميه حاط مرته ويفتر بيها من دوله لدوله تصدكين هسه مرته تكله عمري وحياتي اروح للهند ههههه وهو يكلها والله اخذج ...
كلماتها الي كامت تحشوهن بذاني خلتني افكر ليش لا ؟؟؟؟
خو بنتي تاخذ واحد شغلته بسيطه ويدللها مثل مجان ابويه مدللنه مو اله تاخذ واحد عنده سلطه وتالي ينكسر ضهره مثلي . واني اشوف بتي مكيفه . وفؤحانه وهاي تصيح الها هلا بجنتي . مجنت حاسبه حساب مستقبل بس بنفس الوقت جنت خايفه من على بتي ما اعرف شنو السبب .....
.
.
.
*
الحياة كالبيانو 🎹
هناك أصابع بيضاء : وهي السّعادة
وهناك أصابع سوداء : وهي الحزن
ولكن تأكد أنّك ستعزف بالاثنين
لكي تعطى الحياة لحناً.*

يتبع..

#بارت38


__

يزن :

التحديات الي واجهتهن هووواي بتسفير حرب اخويه فليلى كانت رافضه رفض الموت انو هيه تتسفر . وبلحقيقه ما جانت غير اضغط عليه بخطف حرب وهددتها اذا ما قبلت تسافر ويانه راح تضطر تنازع الموت وحدها بدون حرب .
...
ليلى : انت تحجي كل عقلك يزن ؟؟؟ هذا ابني تريد تبعده عني ؟؟؟؟؟
يزن : لمصلحته يبتعد الوضع مو تمام . والوثائق هواي والتهديدات شوفه عينج يوميه فلم . لو ما رتل واكف اباب البيت وحتى منبه السفاره الامريكيه ...
ليلى : اذا كاتل روحك ع امريكا متروووح منو لازمك ما الكم بعد شغله بيه خلااااص ....
يزن : ليلى لتخليها توصل الشغله جبيره وطاوعيني . وامريكا الي تحجين عنها افضل مكان النه حاليا ....
ليلى : روحووو اطلعووو . اطلعووو من بيتي . وجفوني شركم . ما اريد شي منك . ولا من عمك ولا من ابوووك ... ساعه السوووده يووووم الله راواني هلخلق روووحووووو وعوفوووني بحالي .
يزن : انطيني حرب وضلي هنا ....
ليلى : تحلللم ابددد تحلمممم تلزم شعره منه ....
يزن : اني قدمت حرب ودرجته من ضمن المضطهدين وهو طفل ومهددين بلقتل . بضمانة جنسيتي ... فكري بلموضوع . بس اتم الموافقه تحلمين حرب يضل هنا يوم واحد .....
.
.
يزن :
_

علمني علم النفس انو ما احجي عن الخطه الي ابالي لان راح تفشل . وهذا الي صار بعد ما طلعت من البيت رجعت ما لكيت ليلى ولا حرب . ومتأكد محد طب لان اني بلغت السفاره الامريكيه بوحود تهديد على حياتنه . ومقدم اسمه حرب بلمعامله . واكو رتل بلباب اذا هيه ماخذته وطالعه .
رحت ادور عليها عد اهلها وين تروح قابل ما خليت مكان ما دورت عليه . اسواق محلات مستشفيات . بس ما كدرت اقدم بلاغ بلاختفاء اله بعد مرور ٢٤ ساعه .
مو ٢٤ ساعه لاااا ٢٤ سنه مرن عليه واني منتظر بلكي ولعل الله ترجع وضليت انتظر وانتظر لحد ما صار ٢٤ ساعه ورحت بلغت على اختفائها .

ليلى ::


تركت البيت وطلعت وما جان عندي حل بظهريه صفره والشمس ادك على راسي وانيزاشوف القوات الامنيه الي واكفه كدام بيتي . طلعت امشي ما اعرف وين اروح ومماخذه وياي ولا اي شي غير ملابس وفلوس وذهبي .
سارت رجليه بدون علم وتحديد مكان لحد ما شفت قبه الجوادين . نزلت دموعي واني ابابه : مووولاب دخيلك داخله على الله وعليك . رايده حرب ميروح مني وتجفيني شر يزن .

دخلت واني ما اعرف وين اروح ارجع للبيت ؟!!!
لو اطلع و اخليهم يأيسون مني ...
كل العاده مشاعري هيه الي حركتني بدون تخطيط
وبدون ايي شي . بتت هذا اليوم بلامام الكاظم اني وابني . وحرب نام بهدوء بعد عاش سنه خلته جلد وعظم وصار اشبه بلطفل المفطوم .
وصار بسسس يبجي . ومتطلب ولئيم الى درجه . شفته غفه على رجليه . بجيت بحركه والم . سيدي مووولاي واكفه ابابك ارحمني وارحم عذابي وخلثني وخلص ابني من فراك ابو وصبره لهل طفل .
صليت سهرانه الليل كله بصحن الامام وازور وقريت قران وحرب ولا كعد ولا مره . بنفس اليوم قررت اطلع من حياتهم والاسم الي ارتبطت بي عافني وتركني فمو حاجه بعد اضحي . وقررت اخذ بناتي وياي الي تريد تجي براحتها والي تريد تكمل حياتها هم براحتها ما حرب اني مسؤله عنه ومراح اتخله عنه نهائيااااا ....
.
.
ثاني يوم رجعت لكيت الدنيا مكلوبه وجان يزن هو يتخبل اول ما شافني تقلصت عضلات وجهه حسيته يريد يضربني وحاحاني وهو يكز على سنونه : ووووين جنتي ....
جنت ازور ... اكو مانع ....
ابيييييييييي اكوووو من انتي تطلعين وهلوضع الخطرررر وانتي تعرفين حياة ابنج هم بخطر ....
يزن انتم ماوالكم دخل بيه . وحرب اني امه ومن اليوم انتهت كلشي وياكم ....
كلمات ومجادلات بيناتنه وتهديدات يزن ياخذ حرب مني وكأن الزمن ديعيد نفسه نفذت كل كاااقه صبر عنددددي : سلمممماااان وبن ما اولي كون موجووود ... يموووت وما اخلصصص ؟؟؟ اشيب وبعده وووراااايه .... شنوو انتم من بشرررر كضيت عمري كله خرسه وياكممممم جفوووني شررركم عمي مطلوووبه طلابه . فصليه عبددده اني خدامه الخلفوكم .
يزن : اسلوبج بلكلام عدلي وهلشي جاي نسوي على حساب ابنج يعني لو تردينه يموت ؟؟؟؟؟
ليلى : اطلعو من حياتي وميموت واذا مات كتلوني بس طلعوووو وجفوني شركم . اخذو حقوقكم كلشي ما اريد بس اريد انام يووووم مرتاحه ....
يزن : تاحذينه وبن ترحين ؟؟؟ يعيش وحده لا اخ لا اخت لا اهل ؟؟؟؟
عنده ٤ اخوه تردين يعيش وحيد ليششش ....
زايد علينه هووو ...
ثاني شي شنو الي مسوينه غير خايفين عليه وعليج.
ليلى : خلاااص بعد معندي شي تخافون عليه ومساحيل هلكره ارضخ . كبل جنت ضعيفه ما عندي ماده ارتكز عليها هسه راتبي ٧٥٠ عليمن خايفه اجر بيت واعيش اني وابني احلى عيشه .....
يزن : لااا والله . واحنه طراطير يعني ...
ليلى : انتم الظاهر الحجي عقيم وياكم .

ولهذا اني بعد ما احجي . وهلمره صارت يوم واحد المره الثانيه العمر كله . متشوفون خلقتي .....
.
.
.
كوثر ......
___
بعد مرور سنه كامله على وفاه عمي الله يرحمه . واستمرار جيت ام عادل هواي ونظرات عادل الي ما عاد تفارق عيوني وذاكرتي .
فوووك الغيوم عيشتني جره عيونه . واحلى ما بيه عيونه .... اااه عادل شكد حبيته بصمت سنننين مرت عليه . حب طفوله هم مو قليل .

ومرت الايام والاشهر ما كدرت اتنفس او احجي ويا لان يزن موجود ويزن مثل الضل يتحرك بدون مينسمع شي منه .
واخاف يلكفني واصير بأعداد الاموات .....
.
.
لحد ما صادف يوم من الايام عزمتني * مرفت * اخت عادل على عيد ملادها . امي ما قبلت تروح وكالت مره لابسه اسود ويني وين اعياد الميلاد واستنكرت طلعتي : متشوفين اني مغضوب عليه كلها تريد تنهشني نهش وهاي تريد تطلع .....
كوثر : شنو الجديد بلموضوع ماما كضينه عمرنه احنه بضيم . انتب جنتي تبجين على بابا وبعدين تقبلتي عمو ورجع طلع بابا النوب طفر عمووو . هههه هاي قصه واحنه بدوامه عايشين خلي شويه نطلع نغير جووو والله راح اتخبل اريد يوووك واحد بدون مشكله ومصيبه ماكو ....
اقنعها كلامي وضلت تتخبط برأيها كل شويه تكلي روحي وحدج . وره شويه رحعي لترحين . لحد ما كالت روحي انتي اني ما اروح .
مثل الطلقه رحت ابدل ولبست عباتي اسرع من بيب بيب . بلباب لاكاني يزن كلت بكلبي : ايييي هيه شوكت يكعد حظي حتى متجي انت النوب .....
يزن : خير شو كابعه ....
كوثر : عيد ملاد صديقتي عزمتني ....
يزن : روحي رجعي يلا .....
كوثر : لا فشله والله ....
يزن : رووحي يلا بلا لغوه زايده ....
جانت هاي القشه الي قصمت ضهر البعير بلنسبه اليه . هاي الي خبلتني . رجعت واني اريد اتخبببل : يوووم حاجي الله يخليج يمه والله كلبي طلك ...
ليلى : دكعدي يا امي متشوفين وضعنه ....
كوثر : اني شنو ذنبي . هم اريد افرح اريد اطلع شنو ذنبي والله راح امووت ....
ليلى : احنه بيا حال وانتي بيا حااال ....
كوثر : يوووم صار النه سنه محبوسيننن ... انكس من السجن لا طبه لا طلعه لا اختي موجوده لا عزه لا لطاااام وووين اروح كوليلي وين ارووووح ....
ليلى : ما رحتي وي اختج شعدج ضليتي ....
كوثر : امي مجاي تفهم الي دا اعاني منه . اني اعاني من فراغ بحياتي . اني معندي عائله كامله . عشت عمري بدون اب .
وعمي مقسم عاى ٣ نسوان صح جان يحب امي بس يضل مقسم . تمنيت يكون عدنه اخ اكبر منه نحجي ويا ويخاف علينه هسه دا اشعر بوحده .
وبس عادل مالي كلبي . ما حسيت بلحب غير بس وي عادل . صح ما حاجيته لحد الان بس اني احبه وكلبي متعلك بي . واريد ابني حياتي ويا .
من اني وصغيره متخيلته اب اولادي . مضل عندي حل غير بس ابويه جاسر واتزوج وخلاااص هلشي لا بد منه .
طلبت من يزن ياخذني لابويه وهو هم اخذني ويا .
استقبلتني فاطمه بود واحترام وكأنها اداه جذب مغناطيسي لانشاء علاقات .....

فاطمه : اهلا حبيبتي تفضلي ....
كوثر : اريد اشوف ابويه ....
فاطمه : اي حياتي هسه اصيحه الج ....
كلت بكلبي شوكت صرت حياتج وحبيبتج . اجه ابويه وهو يبوس بيه مشتاقلج ليش متجين وتشوفيني ....
كوثر : وانت ليش متسأل عني ....
جاسر : هاج هذا موبايل جبته الج . كلما ترديني خابريني عليه .....
كوثر : ههه شكرا بابا ....
ضلينه نسولف اني ويا هواب وهو سالني ما اذا امي هدأت وسولفتله بمساعي يزن لاقناع امي بلسفر لامريكا وهيه رافضه والضغط عليها بشتى الانواع ....
ابويه حسيت مثل الخايف من المواجهه وي امي ويعتبرها الكارت الاخير . ويخاف يخسر هلكارت ومنتظر الزمن يجيبها اله بكل وسيله او بأي ثمن يمكن انو يدفعه ....
كوثر : هههه انت بابا جايب هاي وياك حتلو اكو امل يتفركش ...
جاسر : امج ما حبتني ولا عرفت معنى الحب شنو !!!
الحب تضحيه . اذا متضحين متنالين الي تحبي ....
كوثر : ههههه والله بابا ماما الخاسر الاكبر بكل هلعمليه الي صارت ....
جاسر : مستعد اعوضها عن كل يوم حزن عاشته بسنه فرح . وهيه عاشت وياي وشافتني ما رفضت الها طلب . بس خل تقبل . الحب الي حبيته الها حتى بلقصص مصار ولا دار .
كوثر :
ضل بابا يسولف عن الحب الي بداخله اتجاه امب وكل مغريات الحياة الي مستعد يتنازل الها عنه . ومتأكده حتى ست فاطمه مستعد يستغني عنها . ومستعد على اعلان الحرب العالميه الثالثه .
.
وبين كل الكلامات الي حجينه بيهن كوه طلعت مني وكلت لابويه : بابا اني متقدملي احد ! وهلاحد اني موافقه بي .
جاسر : هههههه والله كبرت بنوتي وصارت مره ....
كوثر : هههه الله يخليك بابا .
جاسر : بعدج صغيره واني سامع تردبن ابن عمج ....
كوثر : لاااا بابا الله يخليك ما اريده . هو اني اريد هلشخص حتى اخلص من عدي الي تلزك براسي ....
جاسر : منو هذا الشخص ...
كوثر : اسال يزن عنه الله يخليك ....
جاسر : حاجيه ويا ؟؟؟؟
كوثر : لااا ابد والله . بس اني ههه عاجبني هو ....
جاسر : هههههه هاهيه اعتبريها صارت ....

كوثر : بابا حباب لتكول لاحد اني كوتلك ..
جاسر : لعد اشتم كفه ايدي ...
كوثر : لا لتكول اني كوتلك موافقه عليه .
جاسر : هههه خوش .
استمر حديثنه وكلامنه الشيق وفاطنه سوت اكل اشكال والوان بهلاثناء اجه يزن وكال : امج ودتني عليج .

جاسر : يزن ودي كوثر وتعالي احجي وياك ...
يزن : ميخالف ...
.
.
اخذني يزن وطول الطريق هو يحاول يفهمني انو امريكا حلوه وبيها اشياء تخبل ومن هلحجي ودراسه ويوووووه كومه حاجات هو ميدري انيزعقلي وين قافل .
وصلت يم امي وضلت تستفسر منو هناك . وشصار وشكو . واني اعرف بخلايا كلبها الها رغبه بابويه بس حاليا صعبه .
كل الناس تفكر بروحها محد يفكر بغيره شيريد . وقررت من هلحظه الحياه الي تمنيت اني اعيشها راح اني اصنعها لاولادي وي عادل وراح نعيش احلى حياه واضل منتظرته لاخر عمري .....
.
.
تفاجأت بجيه يزن وهو يدك الباب عليه : كوثر ممكن احجي وياج ؟؟؟؟
كوثر : تفضل ؟؟!!!
يزن : اني راضيه بعادل ؟!!!!
ارتبكت من حاجاني واخاف اجاوبه : ما ادري بكيفكم ....
يزن : اني ممقتنع بي ؟!!!
وما اريدج تاخذي .....
كوثر : ما ادري ....
طبت امي بسرعه : شكووو ....
يزن : جاسر اليوم حاجاني على كوثر موافق بزواجها من عادل : ذوله اصلا داخلين على طمع .
كوثر : شمدريك ؟!!!!
يزن : شنو الي يخلي شخص يرتبط بوحده لا من ثوبه ولا من مستواه اله لغايه ؟؟؟؟
كوثر : ليش شبيه ....
يزن : مو انتي شبيج ؟؟؟ هو شبي ؟!!! هو حلاق هو وابوه وخمسه من اخوته والبيت الي كاعدين بي ورث يعني مستقبل صفر . شلون راح تعيشين ويا ....
ليلى : شنو حاسر شمدري بعادل ....
يزن : اكيد كوثر مسولفتله ....
كوثر : سأ لني وجاوبته ....
يزن : شسألج ؟؟؟؟
كوثر : هواي حاولت امتمت واخفي هلموضوع ويزن متنطلي عليه كذباتي .
وافتهم من خلال كذباتي انو اني موافقه
يزن : اني مموافق بي وتذكري كلش زين . انتي الي وافقتي بأراتج. ...
ليلى : شنو هلحجي ....
يزن : ليلى ممكن تطلعين احجي وياها ؟؟؟؟
ليلى : لا شنو اني غريبه .ظ..
يزن : رجاءا طلعي . اريد افتهم شي .
طلعت ليلى وحتى ما تتصنت طلبت منها تحظر كهوه وسديت الباب واتجهت لكوثر : كوثر قبل سنين هواي جان بدفترج نقش A وهذا النقش يعود لعادل مو عدي !!!
عمج لواء جان كلبه عليج وحاس بيج تحبين ووصاني بيج كال اذا صار عليه شي حاول تجمعهم . بس هو ورغم ذكائه منتبه انو حرف * العين وA *
يعودن لعادل مو عدي الي يعودن اله *ع وO *
وهلاخيار الي اختاريتي غلط واني انصحج بي ثقي اني عندي كللل القناعه الانسان الي بارزه عظمة الجمجمه مالته نحس ولئيم ومخادع . وهلشي كله شفته بوجهه عادل. راح انطيج فرصه تفكرين مرتين واذا تغير تفكيرج تعاي كوليلي . واذا لا حظري روحج للقادم . واني ازفج وراح اكون اني بضهرج شنو الي تحتاجي موجود .
.
.
.
كوثر .....
____
هلكلام الي دار بيناتنه جان اصعب كعدة اعتراف كعدتها بعمري كله منطقت ولا حجيت ولا حجايه ولا دافعت عن روحي . يزن تحس مثل الي مكشوف عنه الغيب وهلاحرف الموجودات بدفاتري ايام زمان صارت دليل ادانتي حااالياااا ....
صراحه خفت من القيام بخطوه الزواج وحاولت اجلها علما اشوف واتأكد من مشاعري ومشاعره .
انا تحليل يزن لتقاسيم وجهه ارعبني اكثر من القيام بخطوه ممكن انو ادفع ثمنها لاحقا ...

.
.
.
.
*وأن يبقى قلبك فارغ أفضل من أن يمتلئ بوهم .*

.
.
احب انوه انو الانتقاص مو من الحلاق وانما جان بضروف المعيشه يعني الي دخله ٥٠ بليوم يختلف عن الدخله ٥٠٠ بليوم وامو فوارق طبقيه واجتماعيه .
.
خلال سنه كامله يزن ضل وياهم ما رجع لامريكا
يتبع..

#لبارت39

___

وفاه بيبتي ام تحسين بدايه لمأساه جديده بحياتي زاد الهم همين والبركه الي الله ينطيها للانسان الجبير حسيتها راااحت وي العلويه بشوشه الله يرحمها ...
ودخول امي بحاله هستيريا كأنو كل المشاكل والمصايب طاحن فجأه عليهن وصارت ساااكته وهادئه وبس دموعها تجري قصص وروايات عراقية كرار صلاح.
راح الجمال وراح البياض وسنه بعد سنه تحمل كاهل امي التعب والقهر والالم .
وراح جمال الشعر النحاسي وصار عباره عن شعر ابيض مجعد يتخلله خيوط الحناء المتموجه .
.
كلام يزن الغير منطقي برأي ويعتقد بلفوارق الطبقيه . اني ما الي شغل بيهن فهاي امي : الاول عيشها ملكه . والثاني نغنغها فلوس وحب وغرام .
وامي ما ارتاحت ولا ضاكت طعم الراحه وعلى كولتها خلص عمري ون وقهر .....
حتلو فقير ويحبني وارتاح ويا ...
هاي عندي تسووه الدنيا ....
حاولت اطلع من دائره العلاقات العامه .
حاولت اطلع من دائره الفلوس والمناصب والمراكز .
حاولت اطلع من البيوت الفخمه والفلل فاحشه الثراء .
وردت اعيش ابساطه وي انسان يحبني ويداريني . ويقدرني قوت يومه هو قوت يومي . وفرحتي من فرحته .....
وجان قرراري بلموافقه على عادل وهلشي ما رفضه يزن اليه رغم عيونه الي ضلت تراقبني يووومين وتلاثه واربعه وخمسه منتظره مني اغير بقراري او استثناء مني ...
لكن صار رفض امي الغيررر متوقع : بيبتج بعدها مصار عليها من توفت شهرين تردين تزوجين هسه شنوووو ....
كوثر : احتاريت بيا صيغه احجي وي امي . وفكره بقائي بلبيت اصبحت لاااا تطاااق .
وبنفس اليوم اتصلت بساره شرحتلي عن وضعها وهيه تكلي جاي تواجهه متاعب كلشش جبيره بوجود سلسبيل وجيهان ويمثلن دور الام براسها وهم مقسمات الشغل ورايحه طلايبهن وراها . ضليت اموووت واحتار المن اشكي همي ... منو الي يسمعني بصدر رحب وهو خالي من المشاكل ويحس. بيه بدون ميسولفلي مشاكله ويشيلني هم فوك همي . وما لكيت غير بس مرفت صديقتي . وحاولت اتصل بيها على رقم امها ...
الوووو ....
مرفت : هلا كلبي شلونج .
كوثر : مشتاقتلج والله . وكلش ضابجه وكلبي خلصان ومحتاجه احد احجيله ....
مرفت : هلا ولله . اكلج اكو خدمه وره ال١٢ تنفتح اني مشتركه بيها خاف يخلص رصيدج بس ادك ال١٢ اتصل بييج ونض نسولف براحتنه. ....
كوثر : يااا اي والله خوش لعد ....
مرن السويعات يركض ركض واني بأنتظار اتصالها لحد ما اتصلت هيه كيفت بأتصالها حسيت الله بعثلي صديقه اقرب من روحي وبديت اسولف الها عن روحي وهمي وهيه تسولفلي عنها وعن حياتها واني اسولف ما خليت شي مسولفته فرحت كلش بحيث ضلينه فوك ال٣ ساعات لحد ما صار اذان الصبح ما حسبت على مرفت صرخت : اااااه .
واسمع صوت حجيها صديقتي كوثر والله كوثر ....

عادل : يااا كوثر هاي بنص الليل ؟؟؟
اسمعها والله كوثر .
شال التلفون وبدت انفاسه تضرب بسماعه التلفون وهو يكول : الووو .
جاوبته والكلمه طلعت من كلبي مو من لساني : الووو ...
عادل : كوثر قصص وروايات عراقية كرار صلاح؟؟؟
كوثر : ايي اني صديقه مرفت .
عادل : اهااا انتي مو بت ام ساره ....
كوثر : اي ....
انطه التلفون لمرفت وهو يكوللها : مو تتأخرين كافي بعد صار استهتار ....
مرفت : لا والله ما اتأخر هسه شويه واسد التلفون ....
.
مرفت : يمه ووولج كلبي راد يوكف ....
كوثر : عابتلج روحي رادت تطلع ....
مرفت : ههههه طبلي عبالك مداهمه ههههههه . اكلج صدك امج ما الله هداها ووافقت ....
كوثر : هيه موافقه بس تكول خل تخلص دورة السنه مالت بيبتي ....
مرفت : شنو الفرق يعني ....
كوثر : امها هم خطيه . هسه اني اخلي روحي بمكانها اسم الله على امي غير اكتل بناتي .
مرفت : كوثر تره اكو وحده بت خالتي دتحوم على عادل واخاف اطبقه ....
كوثر : منو هاي النوب ....
واذا هو رايدني يتحملني .
مرفت : لا هو خطيه رايدج والله ....
كوثر : اي هاهيه لعد ....
يلا خيه مودعه فشله هسه يكول اخوج متعوده على سهر اليلالي ههههه مو خوش مره ....
مرفت : هههه ياااا لا ميكول . هههههه
يلا حبي بيباي .....
كوثر : الله وياج مع السلامه .......
.
سديت التلفون واني مرتاحه حسيت اكو احدد اكدر احجي ويا امنيت اكدر اطلع اني وياها سويه مو كضيناها من سجن لسجن لو عمو لواء ساجنه ونكلع بكيفه وهو واكف على روسنه وظاهر الي خنكني خنك . لو هسه يزن كاعد على كلوبنه .
شويه واجتي رساله : شبعتي حجي ؟؟؟؟
ضليت اباوع رقم غريب منو هذا . خاف يزن ارد عليه لو اضل ساكته خاف من طرف ابويه .
ضليت خايفه لا ابويه يتوقع ولد واحجي ويا الليل كله .
شويه دزيتله رساله : منو ؟؟؟
جاوبتي برساله : عادل ...
اني قريت هاي الرساله اجتي تموع روحي . غابت عني كل فكره وما اجه ابالي غير واقع واحد انو ابدي بعلاقه غراميه ويا وبدا شعوه الحب يتسلل شياً فشي ع اوتار قلبي .

فتاره يكلمني بحب وتاره يطلمني بعشق وانا طائره في اعنان السماااء هنالك من يفتقدني هنالك من اكون انا اول صباحه واخر مسائه هنالك من يفتقد وجودي بخبايا بيته ....
.
.
.
عاهدت نفسي اوكف بصف عادل مهما تكون الضروف وراح اصنع منه شي .
عاهدت روحي اكون اجمل عائله واجمل عيشه ويا ...
عاهدت روحي اعيش الحب . ولو يطلب عمري هم ما راح اقصر ويا ....

وتفاجأت بكلامه الي جان قليل وكل الي يكوله : رايدج حلالي ما اريد اتونس وياج . وجان همه اول وتالي زواجنه .
ضليت الح على امي وام عادل ما توانت عن الجيات الي زادت يوميه توزد ساعه زياده جن جيتها الي كبلها . وصلت بيه الحد توقعت هاي المره راح تبات عدنه .
جيات ام عادل هواي خبلت امب وصارت امي تكلب خلقتها وي كل جيه او مرات تكولي كولبهاومريضه ونايمه بلفراش لو مرات تكولي لتفتحين الباب خل ادك وتولي وهيه اذا خلصت من جيتها راح تتصل بيها . مرت ايام واشهر على علاقتنه واخر شي كال انو هو اما يزوج او ينتهي علاقتنه وحسب ميكول انو ميريد يستمر بلحرام . مع العلم جانت كل مكالماتنه مكالمات بسسسيطه جدا ....
بديت الح على امي بموافقتي بعادل بصيغه غير مباشره بس امي رافضه هلموضوع وتكول لمن ادور سنه بيبيتي ....
ما لكيت غير الحل بس اكله خل يروح يطلبني من ابويه شويه الموضوع اسهل من يمه وهو بلفعل راح طلبني من ايد ابويه .
وكلي رحب بيه وكال اني اردلكم خبر .
لحد ما اجه ابويه يواجهه امي بعد ما مرت هلفتره من وفاه عمي لواء لحد الان .
وجان يزن حاظر طلعت امي لابسه اسود باسود حواجبها ممحفوفوات علامات الحزن باديه عليها سلمت عليه : سلام عليكم شلونك ابو ساره .
ما اعرف اذا جان هلسلام تريد بي شي لو لا ما ادري ؟؟؟
جاوبها هو بنفس الوتيره : وعليكم السلام ام ساره .
دخل ابويه مباشرة بصلب الموضوع وكال انو الولد طلب ايدها مني ويريد يزوجها واني اشوفه زين ومو مهم شغله اني اشغله وياي واهم شي سعادتهم . مدام هيه مقتنعه بي قصص وروايات عراقية كرار صلاح....
ليلى : خل ادور سنه امي يلا تزوج كوثر ....
جاسر : الولد صارله هواي منتظر ....
قاطعه امي كلامه بصوت عصبي : جاسر اترك بناتي ولتدخل بيهن كافي الي شفته اننني . مو تريد حتى كوثر تزوج نفس ما اني ازوجت .
ضاج ابويه وهو يكول : على شنو هلصياح اذا هيه موافقه انتي توكفين كدام سعادتهم ليششش ...
صاحت امي بعلو صوتهااا : كوووووثررررر ....
منظر امي وهيه تسألني : صدك انتي موافقه بي ؟!!!
نهائياااا مو مال اكوللها اي .
لان احتمال تكطعني وصل .
ما لكيت غير : الي تشوفو انتم اني قابله بي ....
ليلى : واني اشوف بعد السنه ....
جاسر : ليش تخلين عااادات وتقاليد يوكفن بوجه سعادتها ... والحي ابقى من الميت . وهذا زواج وفرححح .. ليش خطيه ....
بدت الوتيره تشتد بينهم ويزن ساكت مكال ولا حجايه . وامي تريد تتعارك
ليلى : جاسر الحياااااه معلمتتتتك الحيااااه مفهمتتتتك منطتك درسسس مثل الي انطتنياااا . لو بسسس اني دروووس توكع على راااسي . معلمتك اكو شي اسمه صبر بلووجوددد ....

اول مره ابويه يحجي وي امي بنبره خشنه .
جاسر : انتي حاقده وعمرج معرفتي معنه الحب . لساااج تذكرين زواجنه واني قاتلت في سبيل تضلين وياي ....
ليلى : اي اني حاقده وانت ميت صارله ١٧ سنه هسه شكووو طلعت تريد تكركب حياتي من اول وجديد عوووووفني . وجفيني شرررك ...
جاسر : ميخااالف لعد احسبي حسابج كوثر تزوج هذا الشهر واذا معاجبج لطخي راسج بلحايط ....
ليلى : والله لو تموت يعادل هذا مياخذها اله واني مجفنه ....
جاسر : لو اعرف باقي على قيام الساعه يوم واحد ازوجها ولعادل وبسس .....
ليلى : اطلع برااا ..اطلعععع براااا ....
جاسر : بسيطه اطلع برا ....
طلع ابويه وكامت امي تصيح وهيه منهاره واني هم ما اعرف شحجي متوقعت هيج الامور راح تصير . وكامت امي تكول ليزن : اني مستعده اطلع لأمريكا واني وكوثر خل نطلع ...
يزن : زوجيها ....
ليلى : شلوون شلووون لعد وين حجيك وانت متريده وما مقتمع بي ؟؟؟؟
يزن : هيه تريده على شنووو رافضه انتي ....
ليلى : اي خل تنتظرر اني شكايله لو تريد زواج سكيتي ... وينج كوثررر .
كامت تصيح بعلو صوتها : ولج اني سننننين احلم بزفه الج ولج اريد اشتريلج الشي الي انحرمت منه .
اريد اجهز جهاز عروس واحس بفرحتي بيججج ليش حتى هاااي الزمن مستكثرها عليه .
كوثر : خلاص ماما اني ما اريد اله رضاج واني اسفه والله . وهسه اخابر بابا .
ليلى : خابري وكوليله ليجي بعد ...
كوثر : ميخالف ماما .
رحت اركض واني احجي وي بابا : الله يخليك كوله وره السنه . لان ماما مموافقه .
وهو وضعه صاير عصبي : امج شبيها .
عاف الموضوع الرئيسي ويسألني عن سبب تصرف امي .
بابا امي من يوم وفاه بيبيتي وماما منهاره ....
جاسر : ليش هيج تكرهني . بس اريد اعرف
ليش هيج كارهتني مو هاي ليلى . مو هاي الي عاهداني بلوفه لحبي .
كوثر : بابا يا وفه مد تشوف ماما وين وضعها

جاسر : الي اعرفه اني احبها وهيه متحبي وهذا اكتشفته .
ضل بابا يوسلف عن امي ونسين زواجه وياها وذكريات قديمه شبعتنه امي من عدها .
لحد ما انطع الاتصال بيناتنه .
اتصلت بعادل وفهمته واول كارت تمسكت بي فهمته انو بابا يريد يضمه ويا للحزب وما عنده مشكله بشغله ....
شفت عادل استحب هلفكره وقرر انو ينتظرني . وكال بصريح العباره : اذا صدك لج كوثر واشتغلت وي ابوج ااأاااخ اشتريلج بيت ونكعد اني وياج واسوي مشروع كامل مال تعليم حلاقه .

وضل عادل يخطط بلفلوس الي راح تجي مسبقا ...
.
مرت الايام والاشهر ودورة السنه قربت واستعدينه على دورة السنه ويزن رجع جاب ساره هلايام بس احس علاقتهم متوتره وكأنهم اخوان .
واجتي ساره وبدت تمشي بمشوارها وياي بتقديم ذوقها بكل ما هو جديد من صيحات الموضه متباركه اليه بزواج عن
حب قصص وروايات عراقية كرار صلاح.
وجابو النيشان مشترين كله من الفاخر والعالي بحيث حتى كل احنه توقعنه انو الحلاقه تكسب ذهب . هههه
ملابس مال نوم اشكال ذهب كووومه سيتات منوعه بدلات اضافه الى السجاده وجلباب الصلا والقران . بيومها اني كلش فرحت وحسيت انو عادل شاريني ورفع راسي كدام كل اقربائنه .
علامات الاستفهام الي شفتها بوجوه جميع الحاظرين حفيده سلمان صاحب اكبر معامل لانتحار التمور والعسل الاصلي . مسؤل باحرس الجمهوري السابق وبت قيادي كبير سابقا وحاليا وعمها لواء سابق ومعروفين شلون تتزوج من حلاق بيتهم ١٥٠ متر .
مع هذااااا واا حسبت لاي احد حساب وكل هلالقاب الي تتمتع بيها سيرتي الذاتيه مجنت اشوفها جابتلنه بس شلاع الكلب مقرره اعيش حياتي ابساطه مع الانسان الي احبه .
كضيت اياااام واياااام واني اعد والبس الملابس الي جابوها ومنتظره العقد . ويزن صاير عباره عن كتله من النار رافض دخول عادل لأي مشروع وي ابويه وعلى كولته : راح اطمعو بلزايد وبلتالي راخ يتوقع انو كوثر عمله رابحه شوكت ما راح يكون غني راح يتخلى عنها ....
صرت ضده بكل قوه : مراح اخلي الانسان الي يعاشرني يستبدلني ؟ انسان انطي حب واهتمام ليش يستبدلني ....
يزن : على شنو مستعجله مراح يجيبلج بس شلاع الكلب مو كفئ الج نهائياااا .
كوثر : رجاءا لتدخل بهلموضوع . وهذا قراري واتحمل كافه التبعات ....
يزن : براحتج ...
توجهت انظاره لأمي : اني موصيني ازفها اذا تحبين انفذ الوصيه معندي مانع واذا رافضين اني باجر احجز اول طائره واسافر ....
امي وهيه تريد تزيحه زيح بس متكدر احتراما لعمي لواء : لا نفذ الوصيه وروح الله وياك .
.
.
.
ساره ::::
___
وضع متخربط وامور صعبه بيناتنه اني ويزن وكل شي ردته وحلمت بي بيوم تبدد وراااح
لحد ما رجع اليه وشوفته ردت روحي ويا . ما اعرف شسويله هلرجال راح يخبلني . بس بنفس الوقت كرامتي مو كادرة اتخله عنها واني لحد الان مدا اشعر بلحب ويا .
قررت اواجه مخاوفي وحتلو جان يواجهني بلرفض راح اكون قويه وبلفعل واجهته : اني مقرره انهاء هلزواج .؟!!!!!
تفاجأ بكلامي الي حجيته دفش كله .
يزن : والسبب ؟؟؟؟
ساره : ما احسك تحبني ....
يزن : شلون متحسيني احبج ؟
ساره : ما مستعده اضيع عمري كله بجانب رجال ميحبني . وانت الك حريه الاختيار واذا تحس نفسك تورطت فأني حتى مستعده اكول اني ما اريده .
يزن : لااا ومحظره الجواب . عايشه الدراما ....
ساره : يزن انت تحبني ؟ ارجوك لتضحك عليه ....
يزن : جاي من اخر العالم علحساب ابويه ؟ غير علحساب ارجعج بيدي . يعني هاي مو شي اسمه حب ؟
ساره : لاااا الحب اهتمام مو عبالك بس هيج .
يزن : باعي ساره اني ما اعرف اعبر .
قاطعته بسرعه يعني افهم منك شنو متعرف تحجي حجايه وحده وياي ؟
يزن : ههههه بعد الزواج راح اتغزل بيج عود ....
ساره : تعذرني اني مناويه ارجع وياك ...
يزن : انتي شنو شايفه شوفه لو شنو ؟؟؟؟؟
ساره. شنو هلحجي يزن ؟
يزن : حجي زايد لتحجين . شنو ما ارجع لعد وين ناويه تضلين ؟!!!
ساره : انت متحبني يزن متحبني ....
يزن : بابا والله احبج . يووولي فتحي مخج احبببج صارلي عمر منتظرج ....
ساره : اووويلي ممتظرني ع اساس جنت صايم وصلنه خبر جيسيكا وشيري وديما وفلانه وعلانه ....
يزن: اهااااا هيج كولي اكو من شاحنج عليه
ساره : محد شاحني بس دا احجي واقع ....
يزن : كملي دراستج واخذي شهادتج وراح تشوفين وياج يزن ثاني قصص وروايات عراقية كرار صلاح....
ضليت ساكته متفاجاته بكلامه شنو المغزى من دوامي هذا الي يلح هيج ويلهج عليه ؟؟؟؟؟
منتظره يوم من الايام اسلمه روحي وهو عاشقني منتظره هليوم . وراح انتظره عمر بحاله ....
.
.
.
.
* عبرتُ أياماً كنت أظن أنها الأخيرة .*

يتبع..

#بارت40


___
لابسه الطرحه البيضه ومنتظره اشوف الانسان الي احبه من خلال التور .
وكل دقيقه تعدي تزيدني اشتياق . لحد ما صاحو اجو العريس . واني اباوع عليه دخل بطولهوالفارع وعيونه الحلوات ورصعه خده الي مبينه من وره لحيته وهو يضحك ويسلم على امه .
كلبي كام يدك خوف وفرح تمنيت اعيش اسعد ايام حياتي تمنيت منا وجاي اضغط على زر انتهاء المشاكل وكل شي راح يبدي راح يكون وفق قانون واحد وهو : الحب .....
كعد بصفي يضحك وهو يكلي : طااالعه لعابه ....
فرحت لحجايه : يااا الله اول حجايه حلوه بلقفص الذهبي .
جاوبته بخجل : وانت هم ....
اباوع للموجودات كلهن منبهرات بجمال عادل الجمال العربي الاصيل رفعه الحاجب وي العيون السود .
بده موكب الزفه يتحرك وبدت امي تنقل اخر جنطه اليه بسياره العريس .
واثار انين الوداع ما قبلت امي تبجي وحاولت كل وسيله اوخر دموعي وحاجيتها بتوسل : يوووم فدوه لتبجين افرحيلي بلكي الله اعيش حياة سعيده ....
ليلى : الله يسعدج ويهنيج جول عمرج ....
اما ساره فجانت حامله الهم الاكبر من فراق اختها : وج عيني كلبي حيطك عليج . ما حاسه بفغاكج (فراكج ) من جنت بامغيكا (امريكا ) هيه احسج غاح تغحين (ترحين ) بجزغ (بججزر ) الواقواق ....
كوثر :ههههه دمسحي وجهج لا يشوفج يزن خشمج جنه كلوب احمر ههههه ....
طلعت واني فرحانه تاركه ثنين ورايه يبجن وحرب اخويه الصغير يبجي لفراقه اليه . من كل عقله انتظره من يكبر حتى يزوجني بعده لحد الان ما رابط وي الواقع .....
صعدت بلسياره جان لازم موبايل اشرتله موبايلك وين ....
شاله وانطانيا :
دخلت على الرسائل وكتبلته : خايف ....
شافها وكلي : لا
سألته : وين راح نروح ؟؟
جاوبني : مفاجأه .....
خلال دقايق وصلنه لبيت صغير ونزلنه يمه . ضليت متعجبه شنو هاي ....

هو يكول لامي : خاله راح نزوج بهذا البيت ....
اني : بيت منو هذا ....
خاله اني اجرت بيت وصراحه اثثته وبعد معندي فلوس للفندق اعذروني ...
امي جانت فرحانه بطلعتي مباشره بيت على كتر افضل ١٠٠ مره من الفندق . جان ودها تهلهل من الفرحه . وهيه تكول ياااا لو كايلي جان ساعدناك خاله باثاث البيت ....
ضحك وحاجها بشقه : ههههه بعدنه خاله باولها ههههه....
ضحكت امي ويا : يااا من عيوني هسه اشوف شناقصها ومن باجر يجي عدكم ...
طبينه للبيت وصدحت بهجتي وفرحتي بانت اول ليله واول ساعه من ساعات العرس واني اشوف امي فرحانه بي .
طبيت اني ويا شفت البيت بسيط ١٠٠ متر . ما مفروش الاستقبال . بس مطبخ بسيط والغرفه وصاله محوط بيها زوليه بسسس .
كعدت بلغرفه واني ابدلتي طبو الزلم وكامو يهوسون ويتغزلون بامي واحد من الزلم كام يصيح : جبناها وجبنه امها وياهااا ... جبناها وجبنه امها وياهااا ...
وهو يتشاقه ولك اذا عمتك هيج مرتك شلون .
ابتسمت ماما ودارت وجهه وطلعت .
ضحك عادل وكله : امشي لك والله اذا يسمعك عمي يذبحك ....
.
وبدت الناس تخف شويه شويه لحد ما فضينه بس اني ويا .
عادل : سبحان من خلقج ضل يبدع بيج ساعااات ....
كوثر : لااا والله لعد من خلق عيونك كم وقت اخذ .
عادل : فدوه الج عيوني لو ينشلعن مجان قصرت وياج اشيلهن واكطفهن عليج ....
كوثر : اريدهن سالمات وميشوفن غيري ابد ....
عادل. وحقج من ساعه الطفره لساااا واني ما اشوف غيرج .....
كوثر : هههه الله يخليك اليه .....
بدت لحظات الاقتراب وهو يداعبني من كل الجوانب ويختار من الكلمات الطفها واجملها تدخل بمسامعي على شكل سمفونيه معزوفه على اوتار متناغمه
اوتار تبث بحياه جديد وتبعث بلامل .
تزهق روحي عند كل اقتراب يتقربه مني محاوله تلوووه الاخرى فلاالم فضيع ولا يطاق .
صارخه منه الغوووث .
جان ودي اصيح لامي تاخذني لحظنها : ما اكدر والله ما اكدر ....
وهو يتفاحأ : على كيفج شبيج بس خل نخلص ..
الم عادل مو طبيعي ....
ادري شنو تحملي شويه ....
اي لعد شلون يكولون جكت ابره ....
عادل : استرخي ولتخافين ..
حاولت استرخي ويااا لحد ما حسيت عضم عندي طك . واني طكيتها بجي وفاض الدم . وهو يحاول يدارك الموقف وياي : هاي شنو كلبي شبيج يمعوده ...

راخ يركض جاب بلوز مالته وخلاه جوايه ...
خلي جواج حتى يمتص الدم ....
شيمتص الدم . خابر امي خل تجيني ....
عادل : شخابر امج كلبي غير تصير سيره ع كل لسان . اذا متوقف اخذج للمستشفى ...
كوثر : يلا خوش .
وانتظرت شويه لحد ما توقف .

واني احس جسمي صار عباره عن شضايا متناثره . وهو واكف فوك راسي ويلزم بخصل شعري ويبوس بيهن : شلون حبيبتي . كومي سويتلج عصير ليمون ....
كوثر : منين جبت الليميون ....
ولج خابرت صديقي كتله جيبلي ليمون ومعصاره . عباله روحي تهات يكلي خل اجيبلك حبايه وعدي.هليله على خير ولا تفضحنه .
كوثر : ههههه اي وشكتله . اكيد كتله مرتي تفيضت ....
عادل : شنو اكله مرتي تفيضت قابل هيج معندي غيره : كوتله احتاجه وخلاص ....
كوثر : هههه احبك والله ....
عادل : انتي روح عادل وكلب عادل وعمر عادل شلون تتوقعين هيج احجي وانطي بيج كدام العالم ...
كوثر : عادل والله اشاقه وياك . وادري بيك تحبني وتغار عليه ...
ضل عادل كل شويه يمسح عن شعري والليل كله ضل سهران وياي . وهو كل شويه يسالني ها كلبي اكو شي بيج شي اخذج للمستشفى مدام ليل ومحد يحس بينه ....
كوثر : حبيبي خليني انام والله نعسانه . مبيه شي . وباجر الله كريم .....
عادل : اخاف على دمج لا يخلص غير .
شبكته بقوه
كوثر : اذا خلص دمي خلبلي بطل من دمك واعيش ....
عادل : بطل ؟؟؟؟ غير انطيج روووحي ....
.
ثاني يوم من الصبح كعدت من النوم واجتي ماما وهيه فرحانه وجايبه وياها الريوك والكيمر والكباب والمعلاك . وساره ويزن . ويزن يحاول يظهر موافقته مجبر واحس بي يجامل كوه على اعصابه .
نهاااائياااا ما تقبل عادل وخلال الكعده جان حيل متشنج لحد ما اجه ابويه هو شويه اعتزل وضل يسولف هو وابويه . واعلنو عن خبر سفرهم هو وساره باجر تنطلق طائرتهم .
من خلال كلامهم حسيت امي ضايجه وهيه تكول : والله ولا ودي ساره تولي ويا ....
كوثر : ليش ماما شبي ....
ليلى : يمعوده مدري شبي يقبض الكلب جنه رحال الي . بس شسوي عمي شيخلصني اذا فتحت حلكي ....
كوثر : خو هيه شتكول ....
ليلى : اويلي على ساره والي راح تحجي ساره . متدرين بيها انتي . . عوفي هذا الحجي اكلج بشري رجلج شلونه .
سولفتلها عن الي صار وهيه كالت والله ما ادري خل اغافل يزن واخذج للدكتور بلكي الله باجر يروح واجهزلج البيت ....

كوثر : ياماما عليمن يمعوده ....
ليلى : لا ليش شعندج ماما راتب وعندي ليش تكعدين بيتج مخربط . اسويلجيا احسن بيت وارتب بيت . خطيه الولد مدام متحمل ايجاره خو احنه نكوم شويه نساعده . باثاثه هسه انتي تدرين اقل شي ايجاره ٣٥٠ لو ٤٠٠
كوثر : والله ما ادري ماما بكيفج ....
.
ما اعرف شنو الي خله امي تكره يزن وشنو هلنفور الي اجاها فجأه لكل هاي العائله وحتى مو طايقه تشوف ابويه وما اعرف شنو السبب . فدار بخاطري استوضح منها : شبيج كالبه عليهم ؟؟؟؟
ليلى : ما ادري شبيه احس روحي ما اطيقهم من شفتهم وشافوني واني الهم يركض ورايه ما يفاركني ابد ....
كوثر : ماما فكري ابابه حبابه خطيه والله يوميه يتوسلي اقنعج ....
ليلى : شيكلج يعني ؟؟؟
كوثر : يريدج ترجعين ويخاف يحجي وياج والله ...
ليلى : ما اعرف ما طايقتهم حاليا . اخذو عمر مني واني بلقهر . ناويه اعيش حياتي بوحدي اني وابني وانتن ما اريد واحد منهم نهائيااا . ودي حتى ساره تترك يزن . بس احس بيها هاويته ....
كوثر : والله ما اعرف شكلج . ماما بس ساره تحب يزن خطيه ....
.
ثاني يوم اجتنه امي وهيه ضايجه على فراك ساره ضليت وحدي وحشتجن شكبرها وبلذات انتي . احس روحي مفتقدتكم من راحت لسا واني كلبي لايب وحدي ضليت اتصفن بلبيت .
ضحكت وياها : يوووم كولي اريد رجل ....
ليلى : ههههه اذا اريد رجل وين عني ذاك ويا متاني . بس اني ناويه اغير حياتي اريد بعد ما اكعد بلبيت نازيه ان شاء الله من دوله لدوله اسافر . اجمع راتبي وراتب ابوجن وانطيجن ححصجن وكل متصير عندي جم فلس اسافر هم اتونس وهم اغير جووو . ع الاقل اكول شفت شي من الدنيا ....
كوثر : يلا بلكي هم احنه نجمع جم فلس ونسافر وياج هههه ...
ليلى : اي يلا الوااا ... اندكت الباب .
رحنه اني وامي وخطيه اجتي سياره ونزل التخم يم باب بيتي . ومزلته وفرشنا ومشتريه زوليه وفرحانه بيها . وهيه تسألني ولج اني نسبت الاكل . ما عندج طباخ ...
كوثر : معندي والله وامي عادل طابخه يوميه يجيبلي الغده منها والعشه من يرجع من الشغل كال هليومين يتشرتي طباخ بس بابا ما قبل كال اني اجهز البيت كله ....
ليلى : وابوج شدرااا ....
كوثر : هو سالني لمن اجاكم واحتمال هسه ع جيه لانزكبل لتجين كلي راح اجيكم ....
ليلى : ياااا لعد خل اروح كبل لا يجي . وامرلج لمن تخابريني سمعتي . اذا النزف قوي اخذج للدكتوره ....
كوثر : لا مو قوي صار كلش قليل . واذا ضل اني هم اخابرج .
ليلى : طلعت اركض واني منتظره تكسي تجيني . اجاني جاسر : اصعدي اوصلج ....

ليلى : لا شكرا ما اريد ....
جاسر : صعدي ليش مسويتها طلابه . شمسويلج . لو ادري بيج هيج عاجبج لواء جان ما اجيت ....
حاول يتستفزني بكلامه وبلفعل نجح . وجاوبته بعصبيه
ليلى : اببددددددد مو رااااااهم هلحجييي وانت جايبلي وحده وجاي وتحجي بلحب امشي يلاااا ...

جاسر : ولج جنتي نازله على ثنين ما تحجين هسه على وحده وحددد . لو هذا حظي ....
عفته ومشيت وهو نزل من السياره ركض ورايه : اصعدي بلسياره فضحتينه . جريت ايدي حيل : وخررر شنو هلحجي هذاااا . اني ما اريد اربط روحي بيك بعد انتهت وياااكم . تحرم عليه دوست عتبت بيتكم .
عفته ورحت اخذت تكسي واني احس روحي شايطه منه .
اني اتذكر حجايته : جنتي على ثنين وقابله هسه على وحده ومتقبلين .
...
ساره ......
_
رجعت للبيت لامريكا وظاهر صاير عباره عن بارود من هذاك ظاهر الي عفته وهو يتخنس وي يزن وفهمت هو لسا رايدها ويزن ما قابل : شنو رايدها شنو هلحجي ....
ظاهر : اني مو كتلك امنع هلزواجه ....
يزن : لك باااابااااا شبيك متريدك انت مخبل . اخذها قاعده اخذ الخد التدوسه ولتاخذ الخد التبوسه .
ظاهر : لك مجاي اكدر اعيش بدونها راح اتخبل من وراهاااا ....
يزن : سبحانه الي خلقك . عمي جاسر ومقسوم بلنص . لاطشين لطش . حتى اذا اكو امل المره تحبكم تخنكوها وتشرد الي تحبه انطي حريته باخيارك مو هيج الحب ....
ظاهر : ااااخ كلبي والله احسه جاي ينزف دم حتى ابني هليام مالي خلكه ....
يزن : انساها بابا خلي تعيش حياتها . التفت لحياتك ....
.
سار ه ...
......
جان عندي سؤال ابالي ليزن : اني هم شايفني الخد التدوسه . ضلت هلكمه تحفغ (تحفر ) بكلبي حفغ. لحد ما سالته : يزن اني الخد التدوسه ....
ضل صافن شويه وكلي : استراق السمع لا يجوز ...
ساره : شنو يعني معانتها هلكلمه .
يزن : يعني المره الي تمشي طوع امري وتحت ولايتي ...
ساره : اهاا وانت تشوفني الخد التدوسه مو ؟؟؟
يزن : اني اشوفج تحت ولايتي .....
ساره : تحت غحمتك ؟!!!
يزن : لااا ابد اني ممفكر بيج هيج . اذا اريد اخليج تحت رحمتي جان تزوجتج وانتي قاصر بعدج حتى ١٨ ممخلصه واذا اريد اخليج تحت رحمتي مجان اني اول الناس اريدج تاخذين شهادتج . ومنتظرج تتعلمين على طبعي ووضعي وانتي تطلبين الزواج مو غضبا عنج ....
ساره : لا بلعكس انت اصلا شايف هلشي مفخغه (مفخره ) وانجاز انت سويته . واحتمال اني اكون بحث تغيد تجغبه وتختبغه عليه واطبق دغاستك عليه ....
يزن : الي دتفكرين بي بعيييد جداا . اني مو هيج . اني أمن بلمرأه اذا حبت الرجل تسعده حتى لو كان هو ميحيها ومع هذا هلكلام مو يعني انو اني ما احبج . بس فرحان بحبج اليه ....
ساره : ذكغني (ذكرني ) منا وحاي اغيغ تصغفاتي ....
يزن :خليج عفويه ولتصنعين ....
ساره : هههه قصدك خليج غبيه اضحك عليج ....
يزن : احترمي نفسج ولتحجين وياي بهاي الطريقه . ولتضليت ترمين اتهامات خاليه من اي دليل ....
ساره : عن يا دليل وانت ددكول عني الخد التدوسه . يعني الي يضل طول عمغه تحت غحمتك ....
يزن : اولا لتصيحين بيبيتيج مريضه ونايمه بلفراش . ثانيا عن يا رحمه دتحجين عنها . وبلتالي كل انسان وعنده طريقه يعبر بيها عن حبه ...
ساره : وللاسف اني طغيقتك ما وصلتني .
.
.
.
.
الرب لم يخلق الحزن للضعفاء بل خلقه للأقوياء الذين يستطيعون حمل جبالا من الهموم 💔

يتبع..

أي شي ببالج وتريدين تحققي سوي..لاتخليني الاحباط والكسل يسيطر عليج
اشون يصير الج واهس؟ شوفيلج فد بطرون لو فستان مو بكدج وكولي وي نفسج اني لازم اضعف حتى البسه ومو صعب عليج
خططي والتزمي منا لشهرين عالدايت والرياضة اهم شي فتضعفين وتلقائيا معدتج تتعود ومتشتهين اكلات ثكيلة فخلي يكون عندج ارادة واصرار☺️🌸


#ملوكه

والله خيه حالي من حالكم..اني هم مااعرف بيها😂🤧

#ملوكه