عالم البنات🙈🎀

هو ضل صافن ويبلع ريكه واني حسيت ركبته كامت تتحرك بيها تفاحة ادم تصعد وتنزل .وحواجبه انطبكن .
سحلتني امي سحل للبيت وطببتني بعدني بلطارمه نزعت شيلتها : تعاي ولج اذا ما اربطج مثل الهوايش والطليان متجرين عدل .

لا يمه حبابه . والعباس مالي شغل بي .
نزعت شحاطتها وضربتني بيها اله اليوم اموتج والله اله انهيج ترحين وتقلدين على الرجال شلج شغل بي .
يمه وين ما اولي الكا كبالي ...

شااارع الخلفوج . شعليج بي . ادنك راسي وامشي . انتي بنيه مو رجال ويهامز . اليوم يجي ابوج وتنتهي هاي السالفه دوووام ماكو ...

ضليت ابجي لا يمه حبابه الله يخليج كلها ولا هاي مروتج والله احب مدرستي .

يلا ولي وليييي منا جاي اكلج .

تمشي كدامي واني اتوسل بيها تواسيل .

صبت الاكل واني انسدت نفسي . عفت الاكل وكمت صليت بلقنوت دعيت : اني مسني الضر وانت ارحم الراحمين . وضليت ارددها . ودموعي تجري على خدي .

طب ابويه صفن عليه : شنو هاي اليوم الصلاه الي كلها خشوع ...

خلصت صلاتي واخذت السجاده وصعدت فوك : يا رب نزل زلزال بهذا البيت يا اللهي بيت الكفره يا ربي كون همه ينسجنون يا اللهي كون تخلص هاي الحكومه ونخلص من هذوله يا ربي كون ابويه يصير رئيس والله الا احركهم اول ناس ذوله . وضليت ادعي شيش ييش .
يا دعاء يجي ويطخ بعقلي ادعي واني مفرفحه وصايره نار وبس ابجي . يا ربي كولها ولا مدرستي . كون باجر اصبح من الصبح امي تكلي روحي وما عليج بي .
لحد ما العصر اجتي ام لواء تعتذر وكالت لامي عليج الله لتبطليها . خطيه ينكسر مستقبلها بسببنه .

وامي سوتلها فلم : لا احنه راح نشيل . وكامت تعزز بروحها وتكول : احنه جوارينه نحبهم وبلاخص انتو يكول السيد بيت ابو لواء شلون ناس اوووادم وما طلعت منهم العايبه . وهذا يكبر ويتغير بس مع هذا حته منتخارب والله احنه يعز علينه فراكم ...

ام تحسين تحجين صدووووك على حجي جاسر تشيلون ؟؟!!

اي ام لواء خو مو يضل مكابل البت هسه الناس شتكول واحنه ابن عمها رايدها من تطلع عليها حجايه بعد حته ما يكلبها بسوك النسوان .

ام تحسين دلعني للشيطان وكولي يا الله . واني عمي دا اتعهدلج اذا وصل صوبها انوبينه احنه نشيل والله .

امي سوت روحه تفكر شويه وكالت : الله كريم ...

لا ام تحسين كولي غيرها تحنه جورتنه ميخربها الزمن مو النوب ع حجي جاسر هو هذا شقاوجي هيج يحجي .

.
اني كاعده بره واحس صار عندي اسهال من الوكفه البره واخير ااااا الله استجاب دعائي وامي كامت تضحك يالله .
يلا بلكي باجر اداوم .

شويه وطلعت ام لواء واني ركضت هاي يوم شكالو .،

يتعذرون . والتفتت اليه التفاته قويه : والله يا ليلة ان سمعتج حاجيه ويا لو رافعه راسج وهو واكف بلباب اشنقج سمعتيني . وميكفيني شنقج اله افتر على بيت بيت واكل للناس صيحوله ليله البرصه ...

ميخالف . جريت اذاني كدامها . هاي اخر مره والله لو اموت بعد ما احاجي .

.
رحت اركض اقره حته اداوم ثاني يوم . وهذا الي خلاه واكف الساعه ب ٨ الصبح بلباب .
اول مشافني طلعت . ضحك. وكلي اني بس ردت اتأكد اداومين لو لا .

عفست وجهي ومجاوبته لبسته فقط مثل ما طلبو اهلي .

لو ممداومه جان اني رحت لامج ....

مشيت اركض من ورا . وهو عافني وطب .

اول واحد اصبح بوجهه شلون يوم شؤم دخيلك ربي من هلغراب هذا .

رحت للمدرسه وزعولنه الاوراق مال الامتحان جان الاسأله كولش سهله اتوقع اخذ درجه كامله . وثاني درس المدرسه سلمتنه اسأله الجغرافيه وجانت النتيجه ١٠٠ .

الحمد لله . طلع مو بومه . بلرجعه هم لكيته واكف مشه ورايه وسمعته كال : لو ممداومه اليوم جان رحت لامج وتوسلت الها تخليني اشوفج .

كلبي كام يرجف من الحجي مالته . بس مجاوبته ولا حاجيته اصلا وسرعت خطواتي بلمشي وهو هم عافني وراح .

طبيت للبيت لازمه كلبي . يا ربي شبي هذا راح يخبلني يوميه فلم .

ااااخ شيخلصني منه .
هاي كانت اول مره حجه وياي جاسر بهاي الطريقه . وبعد جاسر ما شفته . وكمت اشوفه صدفات كل شهر مره . لو شهرين مره . وكلما يشوفني كالب خلقته
وهو يسألني : منو هذا ابن عمج الي رايدج .

مجاوبته يوميه اعوفه واروح واشرد .

وهو يستمر يسأل نفس السؤال .

واني اصده بدون جواب . وهو يكتفي بتهديدي ويحجي بصوت ناصي : اني منتظر اخلص دراسه واخذج . وابن عمج اذا وصل صوبج اصلخه صلخ .

.
الخوف الي ينتابني من جاسر اكبر من كلمه احبج الي اسمعها منه ولا هامته الناس ... .

كاعد مستانس على الصبه مال بيتهم . بس يشوفني يكول : احبك والله احبك .
احبك يبعيون الزرك والله احبك .
لو يكلي فدوره رحت لعيونه الزرك .

واني ضامه خوفي بكلبي ونهائيااااا ما احجي ويا . لان اخاف الثمن ادفعه جبير . وهو تركي لدراستي !!!!

* احترك من غيرتي وشوكي .. واضل ساكت .
ويدفعني الهوى البابج ... واجيج رماد

يتبع

300 views”“S҉E҉N҉O҉R҉I҉T҉A҉""✿❧, 13:33