خلي الكلوب تبرد والمشكله تهدء ونوب اكعدي ويا وتناقشي بحكمه وعقل خلي الحوار والنقاش بهدوء هو وسيله تعبير عن غضبج ولا تعاندين وتكابرين وتصرين على موقفج اسمعي كلامه وشوفي شلون راح يصير وياج .. ومن تتحاجون لا تضلين تتشكين وتزعلين خلي المشاكل بيناتكم لا تكبريها .. هسه روحي لغرفتج عدلي نفسج واهتمي بروحج اكثر .. البسي عدلي .. وحضري روحج اليله وانتي تعرفين شسوين .."قصص وروايات عراقية كرار صلاح
خجلت من كلامها الاخير وكمت بسرعه "ان شاء الله عمه هسه .."
اخذت ملابسي وصعدت سبحت
بوقتها اهتميت بنفسي واستعملت غسولات ومقشرات مال بشره .. تاخرت هواي بل حمام .. طلعت جديده

طلعت لغرفتي نشفت شعري بل شسوار وكويت كذلتي
لفيت شعري نوب كلت خل اغير التسرحيه هاي مليت

رفعته وسويته عالي وبدون ما اضفره اباوع الشكلي كلش تغير اخذني الواهس وكلت اكص كذلتي طلعت من اليوتيوب وسويتها قصيره وطلعت زلف هم سويته اني شعري ناعم يعني بس اشسوره يصير كانو كاويته او هو حتى لو بس ينشف يصير هيج
صفنت بنفسي .. "امممممح صايره قمرررر يااا عسللل انتي .."
ضحكت على روحي رجعت لسوالفي القديمه.. خطيت حواجبي وعيوني
خليت حمره ومسحتها لان اكرها احبها تكون طبيعيه
بعدها كعدت على الكناتير اريد اصفطهم
من شفت الهوسه غيرت رايي كلت على باجر لان تعبت ليوم
سمعت تلفوني يرن
رحت فتحته "الووو هلو شجن .."
ردت "هلو شاااام وااااخيييرا .."
رديت "شكووو. .. انخطبتي .."
ردت "لا وسم .. قصدي واخيرا خلص الدوام .. اريييد انااام مرتاحه واكعد متاخره يمااااييي ولللج متتت متتت اريد ارتاح من وجهج الخايس .."
رديت "كبر لفج اي والله هسه صار وجهي خايس مو بسيطه شكد حقيره .."
ضحكت "وسم اشاقه وياج .."
بقيت احجي وياها نوب كلت خل اشوفهم
نزلت لجوه عمتي مكمله الاكل ودتصب ساعدتها وهنا يمنه صارت توزع الاكل على السفره

التمينا كلنا .. مهند من الصبح ولسه ما بين ما اعرف وين راح وما سالته لان مزاعلني

بعدنا ما بادين ناكل دخل هو .. حجه عمو
"هلا يابه مهند غسل وتعال .."
رد "هسه .."
راح غسل واجا بصفي كعد اصلا ما يباوع بوجهي وعمتي تباوع عليه
حجت "شام شمسوي بشعرج .."
عود تريد تنبه الي
ابتسمت "كصيته.."
مهند بسرعه باوع عليه "لييييش تكصييي .."
استغربت رد فعله هو ابد ما يهتم ويمنعني عن شي عاجبني وابد ما محذرني انو ما اكص شعري

رديت "مو هو كذلتي مو شعري كله .."
سكت ورجع ياكل
مهيمن "اليوم تنويررر شااام .."
ضحكت ورديت بصوت ناصي .."كلك ذوووق .."
ضحك "اوووي عينييي ..شهل مياعه صايره مثل بنات الجامعه .."
"هههههههههههههههههههههه انعم الله عليك يعني شنو جنت زلمه بعينك .. "
رد "لا ما بيج انوثه جنتي الكليه عدلتج .. مليانه رجوله وشهامه .."
رديت "هههههههههههههه لااا مهيمن شدعوه .."
رد "واكثر بعد .. مو هنا .."
ردت "ايي صح صايره تتماوع.."
رديت على هنا "غير تستقر .. هو انتي شايفه نفسج من تتعاركين وياي .. جون سينا ما يلحكج .."
رد مهيمن "ااااه صدك هنا تتعارك وياج .."
رديت "وداعت شواربك .. تسحلني سحل .."بعدني ما مكمله
مهند "كافي عاااد .."
كلها سكتت .. اصلا عمو هم ما يحب نسولف على الاكل ف بعد محد حجه
كمل الاكل واني وهنا غسلنا الماعين
هنا "شام ميس شلون صارت امها .."

رديت "زينه الحمد لله .."
ردت "اريد رقمها .."
رديت "ليييش .."
ردت "حبيتها اريد اصادقها .."

كملنا الماعين واحنا نسولف على ميس وهنا كل شوي تسال عليها حسيتها تحقق وياي .. رحت يم عمتي كاعده تصب بل جاي والكل متجمعين
انطتني الستكان مال مهند واشرتلي اخلي يمه
اخذته وانطيته اله
اصلا ما باوع بوجهي انغثيت من عنده وصعدت لغرفتي
دزيت لهجران رساله
"موجوده.."
بعد دقايق مرت اجت رساله
"هلووو اي موجوده .. شلونج .."
رديت "هلو زينه الحمد لله انتي شلونج .."
ردت "بخير .. ولج شهل غيبه اشتاقيتلج.."
رديت "تشتاقلج العافيه والله ملتهيه بل امتحانات .."
ردت "شلونج مجاوبه لا .. مهند شلونه سلميلي عليه .."
رديت "ايي مجاوبه .. ومهند هم زين بس موتني والله.."
ردت "خير شنو متعاركين .."
رديت "اييي ولللج موتني صار فتره وهو حتى ما يباوع بوجهي ليوم عود غيرت وسويت شعري واهتميت بنفسي ولج ولا تحرك ولا باوع لوجهي .."
ضحكت "شوفي عيني هذا اني اعرف شنو دواه .."
رديت "شنووو كولي طلعت روحي .."
دزت رساله "خل اخابر ما يفيد رسايل .."
خابرت عليها .."احجي شنو الحل لان متت .."
"ههههه عابت حتى ما تسلم ..شوفي شام اني محمد هم هيج من يطنكر عليه وما يباوع لو شما اسوي وشكد احاول اصالحه ماكو راسه يابس

بس مره طلع روحي كلش وهم ما يباوعلي ولابسني.. اني هم سويت نفسي ما مهتمتله.. بس شنو احرك بكلبه يوميه البليل اعدل والبس قصير واعطر وامكيج وانام

وهم مثكله وجهي عليه .. ولج وحق ربج من اول ما سويت هيج تصالحنا .. وهو الي صالحني مو اني .. اليوم هم سوي هيج ورتبي حالج على اخر حبايه وشوفي شيسوي .. "

ضحكت "والله طلعتي مو هينه .."
"ههههههههههه اعجبج بهل سوالف .."
سديته من عندها وطلعت ملابس نوم
ثوب اسود ما بي ردن ومن الصدر تول قماشه حريري ناعم
وقصير فوق الركبه.. اني ما لابسته ابد من جبته ولسه اخذته اذكر من زرت كربلاء
لبسته اباوع لنفسي بل مرايه يجننن عليه
اخذني ولواهس
خليت بودرة لكل جسمي اني من قبل اخلي لان جسمي حساس واحب عطرها تنطي نعومه ونضافه
عدلت مكياجي .. وفتحت شعري
طلعت توب "بسيطه استاذ مهند اني اللك .."
اخذت كتاب مال روايات من كنت عند اهلي اقرا بي وما كملته بعد من الي صار ونوب انشغلت بدراستي
كعدت على القنفات ومديت رجليه على الطاوله اقرا بي اندمج حيل ورحت لعالم لخيال العالم الي كنت انغمس بي بكل مره اقرا بيها كتاب قصص وروايات عراقية كرار صلاح
اطير واحلق لغير مكان لغير واقع لغير حياة .. عالم ثاني ما بي اله اني .. اكون ملكه ومقدسه عند نفسي .. احس بقيمتها بذاك العالم .. قصص خياليه ترفعني لسابع سما
كنت اسلطن واتخيل روحي بمكان البطله .. كنت بهل شكل اشبع غريزتي من الحب واكتفي بهذا القدر من المشاعر الي اعيشها بل خيال .. لهذا كنت دائما احس نفسي مو بحاجه حب وزواج واطفال .. كنت افضل اعيش هل اجواء بل خيال مو بل واقع .. احب حياتي القديمه هواي افتقدها وافتقد راحة بالي .. افتقد عالم كنت عايشه بي بوجود ماما بابا اخواتي

لمت العائلة افتقد حتى العرك وي خواتي .. اشتاقيت الهم هواي .. شكد كنت اضوجهم واخرب لعبهم .. بس حبي كان الهم جنوني .. تندمت على اللحضات الي اذيتهم بيها تندمت على. الوقت الي قضيته وحيده وامي موجوده.. تمنيت لو يرجع الزمن وارجع شام القديمه الي امها يمها موجوده

تمنيت ابوي امي واعيش بنصهم وما افارقهم افتقد مكانهم الخالي الي ترك اثر عميق بنفسيتي
ما اعرف اندمجت وين بل قصه او بل ذكريات الي اجتاحتني .. استعاديت كثير ذكريات .. وعادات بطلتها من ازوجت ..
انفتح الباب عرفت هذا مهند .. ما رفعت راسي اله ولا اهتميت مثل ما كالت هجران سويت
حسيته واكف يباوع عليه .. اخذ حسره طويله واجا كعد على القنفه الي كبالي .. اني ما اهتميت بقيت عيني بكتابي

هو لازم تلفونه ويسرق النضرات احس بي كل شوي يباوع عليه .. ومسوي نفسه ممهتملي .. حسيت نفسي نعست
عفت الكتاب وكمت للفراش ..
مهند "شام .." فرحت من حاجاني
درت عليه "نعم .."
حك راسه "راح تنامين .."
هزيت راسي "تريد شي .."

تنهد "لا يابه روحي نامي .."
ضجت منه عفته ونمت

ما اعرف شكد مر وقت بس حسيت علي باس كصتي واخذني لحضنه .. اني صحيت بس ما حجيت ابد
مهند "شامتي كاعده .."
كنت اسمعه بس غلست
رد "اعوفج كاعده.. "
"اممممممم .."
رد "اشتاقيتلج .."
ما رديت
حجه "شنو ما مشتاقتلي .."
رديت "ابد .."
"هيج صارت يا شام .."
رديت "اي هيج صارت .. مهند تعبت ما اريد اجادل هواي خلي نسد كل المواضيع ونناسهم فدوه .."
تنهد "حجزت .."
رفعت راسي بسرعه "ويييين .."
ابتسم "للشمال .."
ضحكت "صدك تحجي .."
"شكد احب ضحكتج .. "
"امممم احاول اصدكك .."
"مو بس ضحكتج .. كلج على بعضج احبج .. وبعدين تعالي يا حياله منيلج هل حركات صايره وكيحااا .."
باوعتله بدلع "اي حركات .." وارمش بعيوني
صار فوكاي ويباوع بعيوني
تنهد "شكد احبج .. احاول اعبر عن حبي الي بكلبي بكل الطرق بس ما تفهميني ولا اني عارف اعبرلج .. غرامي بيج مو بس بجمالج او حركاتج .. انغرمت بـاسوء حالاتج .. واغلاطج .. احبج بكل حالاتج .. اتيه واعوف الدنيا كلها بس شامتي اندلها واعرف وين ربي خلاها ..
بس احبك وحده منج تصلح كلشي بيه .. شام ابد لا تعوفيني بيوم .."
رديت "ما اعوفك ليش هيج تحجي .."
ما رد عليه
بقى صافن بوجهي "عيونج حلوه .."
ابتسمت "شبيك صافن بيه .."
".. عيوني تخجل تبعد عنج .."
رديت "دتخجلني كافي عاد .."
رد "هي بس عيونج سالفه لو ابتسامتج الي ما تروح من بالي .. سبحان الصور رسمج .. ااااه يا شامتي لو تعرفين شنو اشوفج بالنسبة الي ... شكرا لوجودج بحياتي .."
ضحكت "هذا كله الي .. خايفه لا يجي يوم وتتغير عليه او تشوف غيري .."
خله اصبعه على حلكي "راح تبقين دائما وابداً الجزء الاجمل من قلبي يا شامتي .. انتي وحيدة حياتي وتبقين هيج .."
مثل كل مره يخلصها غزل وكلام مرات ما مفهوم
يفرحني كلامه ويرفعني لسابع سما مرات احسه يبالغ بوصفي ما اعرف ليش هيج عشقني ما اعرف ليش يشوفني مميزه لهل حد

**
حجز مهند للشمال تحديدا اربيل .. احلى لحضات عمري قضيتها ويا .. تونست وضحكت وشفت الدنيا ويا

زاد حبي اله .. شكد يدللني وشكد يعاملني حلو .. ما كو شي اطلبه ما ينفذه .. حتى مرات مجرد اباوع على حاجه بدون ما احجي يجيبها ويجي .. خلصنا العطله كلها هناك

اخذني لاحسن الاماكن والمناطق.. دخلنا للمولات والمطاعم شكد فترينا واشترينا .. حجز النا سويت كامل .. بهل رحله من صدك حسيت نفسي ملكه .. دلع ودلال وونسه وبس اني وزوجي .. شكد حلو الحياة لو على طول هيج

ما خليت شي بنفسي ابد .. كنت اكعد من الصبح لحتى نطلع يعني بين قوسين خلصتها يوميه بمكان الساعه ١٢ نرجع للسويت .. مهند هم كان طاير ومو واسعته الدنيا .. ما كنت اعرف بي هيج يحب الحياة ويشاقه ويضحك .. كنت اشوفه بس دراسه ومرات يغثني

كنا كاعدين سويه هل يوم رجعنا من ٦ العصر للسويت لان تعبنا من الفره .. هو طلع يجيب عشه النا .. واني حضرت الطاوله ..

كعدنا واكلنا .. لبليل كال سويلي نركيله.. رحت عمرتها اله وخليت حبشكلات وسوالف سهره

لكيته مطلع فلم .. كعدت بحضنه ونباوع سويه .. وهو يشرب بل نركيله .. خلص الفلم واحنا على هل حاله

باوع عليه .. "شامتي اريد اطلب طلب .."
ابتسمت "..انت مو تطلب تامر امر .."
رد "فدوه لهل حلگ الي ينگط عسسسسل .. اريد تركصيلي والله ظاله بنفسي من شفت الفديو مال حنه ولسه اريد اشوفج كدامي تركصين .."
والله من هل طلب خجلت بس هو صار يلح عليه
رديت "ماشي .. بس خل اكلك شغله من اجينا ولسه ظاله بنفسي .."
"كولي يروحي انتي .."
رديت "ما كنت اعرف بيك فرفوششش كنت اشوفك غثيث .."
ضحك "شكد تجفصين .. لو ما احبج جان سحلتج سحل .."
رديت "استغفر الله والشكر هسه اني شحجيت .."
رد "كومي رگصي وعوفي هل كلام .."
رديت "اني مو كلش اعرف ترى .."
رد"هي علينا .. فيفي عبدو ما تلحكج .."
رديت "لعد شغل اغاني يباشا خل اوريك فيفي عبدو الي بداخلي.."
رد "دقيقه هسه اجيج .."
راح للجرار طلع كيس اسود .. استغربت "شنو هذا .."
شمرها عليه "لبسي .." وغمز
فتحته ثوب مال رقص
ضحكت "شكد حيال محضر كلشي .."

لبسته وهو شغل اغاني .. بل اول خجلت لان يباوع عليه بس اني من اسمع ردح ابو الخجل انسى .. من صدك افقد على الرقص من كنت طفله اركص على مال اطفال بس ماما كانت تتخبل من تشوفني .. وتسال منين تعلمتي .. كلتلها لوحدي هو كذب بنات خوالي علموني خصوصا الشابات من كنت اروح عندهم ابات البليل يشغلن ويتجمعوا يركصن لان بيت خالي مو مثل اهلي شوي فرفوشين وكلشي يقبلون يعني مو مثل اهلي على النفس جانوا يحاسبون

هو يباوع عليه ويشرب بل نركيله .. رحت عليه كومته وياي يركص .. بل كوه قبل يله كام
رجعنا لبغداد بفرحة احس نفسيتي مرتاحة على الاخر انتعشت بهل رحله .. كلها لاحظتني ما اعرف شنو هل فرحه إلي اجتاحت قلبي الفرح مالي حياتي وكل هذا بوجود مهند
اتقربنا البعض اكثر من قبل .. احياناً كنت اخجل منه اما هسه احسه مثل روحي شلون روحي ما اخجل منها هو هيج
وهو يعشقني بمبالغة كبيرة صرت احبه واحب حياتي ويا اتغيرت ويا بشكل كبير صرت اهتم بي وبعائلتي الجديدة
صرت اشوف الحياة من جانب ثاني جانب مشرق كله طاقه وحيويه وحب صارت الضحكة ما تفارقني ابد وحسنت علاقتي وي ربي اكثر من قبل أحس بالامتنان للرب
احس كل الي اني بي هو من فضل ربي عليه .. حبيت حياتي الجديدة وصرت احاول شكد ما اكدر احافظ عليها واوازن بينهم وبين مستقبلي قصص وروايات عراقية كرار صلاح
مهند طاير بيه وبتغيري للافضل .. حياتي صافية وهادئ تخلوا من المشاكل والمنغصات .. نضمت وقتي ونفسي

صرت اهتم بشكلي اكثر من قبل .. صار الي واهس بل حياة حسيت نفسي اعيش من جديد بحياة مختلفةً ما كنت بيوم متحضر الها أو مفكره بيها .. حياة حلووووه بكل معنى للكلمة

مهند بعد ما فتح موضوع الأطفال وانا مرتاحه من هل ناحية مدري ليش لساني اتحسس واضوج من تتذكر اريد ابقى هيج مدى الحياة بس هل شي اكيييد مستحيل
احاول ابعد هل سالفه بل وقت الحالي ..
..............................
داومت النصف الثاني من السنه وشارف على الانتهاء تقريبًا وحتبدي الامتحانات والهوسة
بس انا مسيطره على الماده بس تبقى صعبه..
كنت كاعده بل سنتر اني وشجن .. ناكل ونسولف
كملنا و كمنه نطلع بره .. الجو حار صار والشمس عاليه
نمشي ونسولف
شجن "شوفي شام .."
اشرت الي على المسطبه بنيه كاعده ومبين وضعها مو تمام
شام "تعالي نشوفها خطيه .."
شجن "اوووي وشعلينا امشي .."
سحبتها غصبا عنها واخذتها لعند البنيه
شام "السلام عليكم .. شبيج حبيبتي وضعج مو تمام .. وليش كاعده بل شمس .."
ردت بوجع "كليتي موتتتني راااح اموووت .."
اباوعلها وجها اصفر وتحوس بمكانها .. وشعرها نازل على اكتافها .. لزمته بقوه وتلف بي

انقهرت عليها
".. كومي من الشمس ..عندج علاج .."
هزت راسها ..
اني وشجن وحده تباوع على الثانية احتارينا شنسوي
رحت اشتريت بطل ماي وانطيتها .. شربت
البنيه كامت وهي تتجه للمغاسل.. راحنا وراها اني وشجن
بل حمامات .. صارت تغسل وتبجي
اباوع لابسه بنطلون وبدي حصر كوه لابستهم يمكن.. اشرتلي شجن رحت يمها
شجن "عفيه ولا ارتاحيتلها شوفي لبسها وسافره شوفيها .. اكلج هي الكليه لو ملهى.. ولا ارتاحيت مدري ليش.."

كرصتها "ولج كافي خطيه وعيب عليج هيج تحجين وحرام تقذفين باعراض العالم .."
شجن "اوووي هسه شكلت اني .."
باوعتلها صفح
رحت البنيه "خابري على اهلج وضعج مو تمام .."
ردت "لا لا هسه اصير زينه .."
شجن "دشوفي حالج شصاير بيج .."
شام "تردين اخابر الخط مالتي ويجي عليج ياخذج لهلج .."
عافتنا وطلعت
شجن هزت ايدها وحجت "الحمد لله والشكر نوب ما عاجبها فوك ما نريد انساعده كله من وراج نزلنا نفسنا لهل مستوى شوفي شلون متجاهلتنا .."
شام "ولج بس هسه هي بيا حال خطيه .."
شجن "كبر يا فطيرة.. ما ارتاحيت ابد والله.."
شجن خلصتها تحلل من كيفها وما سكتت ابد لحد ما طلعنا
وصلت للبيت سبحت ونمت ..
كعدت ومهند نايم يمي وماخذني لحضنه ابتسمت "الله لا يحرمني منك .."
رد "ولا منج .."
رديت "عبالي نايم .. من شوكت اجيت .."
رد وهو مغمض ويحجي بنعاس
"قبل ساعتين.. نزلي تغدي حبيبتي لا تبقين جوعانه .."
باس كصتي ونام .. نزلت جوه اكلت وغسلت الماعين الي على السنك وصعدت .. قريت وكملت ومهند نايم
رحت يمه .. اباوع بوجه شكد حلو وشكد احبه .. بست راسه
"هنودي حبيبي يله كوم حيصير المغرب وانت نايم .. هسه عمتي تضل تحجي .."
مهند "اممممم .."
شام "دكوم يا عيني خل اشوفك اشتاقيتلك اليوم .."
صار يتمغط "اني حتى وانتي يمي اشتاقلج .. "
رديت "واضح الاشتياق من الصبح ولسه اني ما شايفتك .."
رد "عمري انتي والله تعباااان حيل و مشتاقلج هواي بس شسوي .. ننتضر الدوام يخلص واتفرغلج كلش زين .."
وباس راسي وراح يغسل

باوعت للساعة راح يأذن خليني اكوم اتوضى .. توضيت وكعدت اقرا قران .. دخل مهند نشف نفسه وطلع
كملت وصار وقت الصلاة .. جاي اكوم دخل مهند .. صفنت عليه وحجيت "انت عود ليش ما ملتزم بل صلاة .."
ضحك "راح تستلميني اكيد .. والله يا عمري انتي اصلي واكطع فـ عفتها نهائيا.."

رديت "روح توضى وتعال .."
ما قبل بل كوه قنعته يجي يصلي وياي

صرت كل يوم اجبره لحتى يصلي واذكره بل صلاه صرت ما اصلي اذا هو مو وياي
هو احسه عاجبه الحاحي على هل موضوع ومكيف بيه صرت اسويله واهس لحتى نقرا قران او نصلي
اني على كد ما خليت بالي يمه صرت اركز بصلاتي وعبادتي اكثر من قبل .. وهو وياي وياي

تعودنا بكل شي سويه .. عمتي وعمي فد مكيفين بيه لان هيج الح عليه يصلي .. عندهم اني فد شي جبير شكد يحبوني ويقدروني

اما هنا احسها متغيره عليه مو مثل قبل واذا تتشاقه او تسولف تضل تجفص لو تبسمر بس اني متجاهلتها ما بيه مشاكل وعرك وياها وخصوصا علمود عمي ما اريد اسوي مشاكل وتالي يكولون شام السبب

كملت السنه الدراسية بل عطله خلصناها طلعات وسفرات شكد تونسنه وضحكنا وافترينا.. اكثر الطلعات لوحدنا غالبا ما تجي هنا او العائلة كلها حياتي حلوه وماشيه بشكل طبيعي ومريح

صارت دورة السنه مال بيبي نسوان عمامي وعماتي نزعن الاسود على بيبي احنا بعد نصف السنه ذبينا

اني ومهند كلها ملاحظتنا وملاحظه حبنا لبعض كلها منتبها النا .. كله يكلوله عزيزتك لو حبيبتك لو مريتك ويستلموا تحشيش .. اني اضوج بس هو عادي وياهم يضحك

عمتي ام سوزان رجعت علاقتها بينا .. بناتها بل اول ما يجون لمن تجي .. بس بعدين لا عادي صاروا يترددون علينا اني من موجوده سوزان ما اطلع ولا احب اشوفها ابد اله مرات قليلة اصادفها

لا هي تطيقني ولا اني وحده تكره الثانيه ومنتحاجه ابد لساني ميطخ لسانها

مهند اصلا خاف قبل يكرها هسه يكرها قاطات فوك قبل وما يطيقها .. اني مطمأنه من هل ناحيه كلششش

اما مهيمن بدت عمتي تلح عليه لحتى يزوج .. هو ما معارض بل عكس عاجبته السالفه بس ما يريد من بنات عمي كل ما نفتح الموضوع يكول اكو وحده ببالي جدو من سمع ما يريد من بنات عمي صار يشيل روحه ويدكها اله ياخذ من بنات العم وهذا قافل صارت مشاكل وحاجه وفحطانين علمود السالفه هذي .. اخر شي مهند اخذه على صفحه يتفاهمون علمود هل سالفه

بعد ما حجه ويا حتى مهند سكت وصار يحاول يقنع جدو ياخذ الي عاجبته .. بالف يا الله يله قبل جدو .. كلها عبالها وحده ويا بل جامعه .. بس تفاجانا كل احنا بلي يريدها واني نفسي هم انصدمت ما كنت متوقعه انه حاط عينه على ميس

وهيج فحطان من بدت العطله ولسه وهما يحجون ويقنعون بي ياخذ كلام جدو بس هو ركب راسه .. بوقتها بسرعه رحت اخابر ميس قصص وروايات عراقية كرار صلاح
سالتها بل اول حسيتها خجلت وارتبكت بس بعدين صرت الح وياها لحد ما حجت كالت ان هي من اجت لهنا وهو ينضرلها وحست انعجب بيها .. وبل اخر جاب رقمها من هنا وخابرها صار يوميه يخابر ويضل ساكت وهي تكول خباثه كنت افتح خط واخلي يخلص الرصيد واكلب بل جهاز لو اضمه وهو مفتوح .. تكول كنت حاسه ان هذا مهيمن بس ما متاكده واكثر شي خلاها تشك هو تردده للجامعة ويراقبها من بعيد

تكول كل يوم يدز رسايل واشعار و يصبح ويمسي عليها وهي مطنشه الوضع

لحد ما شافت رقمه عندي تاكدت اكثر .. بس غلست عليه وما واجهت وكلتله اعرفك لحد ما هو بادر من كيفه واعترفلها

صارت علاقة بينهم .. وتعرف بكل المشاكل الي صارت وتعرف شكد تمسك بيها مهيمن .. فرحت الها بس كنت شايله هم خالو و اولاد عمامها خاف ما يقبلون او يردوها لواحد من الولد

جدي من عرف بميس هي الي يريدها بعد سكت وما حجه واكثر شي علمودي ما يريد يجرحني بل كلام فـ احسن حل هو السكوت

راحوا عمامي للبصرة واني بوقتها رحت وياهم وعمتي طلبناها من خالو .. بل اول حسيته ما قابل بل موضوع وتفاجا .. رجعنا وبعدها ب شهر يله دز خبر بل موافقة بعد ما مهيمن وعمو خابروا وصاروا يلحون على الاستعجال برد الخبر .. عاد هو اقتنع بعد .. اعتقد كان يريد واحد من ولد عمها يعارض ويريدها لان ما رايد تبعد عنه ويفترقون

تمت الخطوبه على خير وكان يوم حلو وفرحه جديده بعد وفاة بيبي ماكو اي مناسبه او فرحه هسه حسيت توهج البيت وفرح كلها التهت تحضر وتجهز علمود العرس بس خالو صدمنا وكال اله تكمل الجامعة... مهند ما قبل ومهيمن هم عارض بس عمو سكتهم وكاله تامر امر

بدت السنه الدراسيه وامورنا عال العال .. مهيمن يوميه بل جامعه علمود ميس .. مرات يطلعون ومرات لا يبقون بل جامعه .. اني بهل سنه صادفت هاي البنيه الي تخربطت مره ثانيه

صارت تصبح عليه وتسلم ويعني من تشوفنا واكفين تجي يمنا تبقى تسولف ما كانت عندها صديقات هي هاي اخر سنه الها بل جامعه..وهواي حاولت تتقرب النا وتدخل لمجموعتنا بس البنات كانوا دائما يصدوها ويبعدوها بس بل اخر فرضت نفسها علينا ودخلت لنصنا عرفت عن حياتنا واسرارنا ضميناها للمجموعة وصارت مثل اختنا .. بس هجران ابد ما اطيقها واذا نطلع وهي ويانا مرات تعتذر ومرات تطلع بس ما تحاجيها ولا تجاملها هي البنيه هم حست وما حاولت وي هجران

بس هجران دائما تحذرنا منها وتنصحنا نبتعد عنها من اسالها ليش وكلشي ما بدر منها تجاوب "شام اني عايشه وشايفه انواع البنات واعرف الشينه من الزينه .. وهاي البنيه ابد ما ارتاحيت الها .. تضحك بصوت وتلفت انتباه اكبر واحد بلبسها ومواعتها ما احب هيج بنيه ابد .. وابقى اكول ديروا بالكم منها ما حبيتها ولا راح احبها .. هذن الهيج اكبر لوتيات وملعبات .. هسه صار شكد وياها ابد ما تجيب سيرت العائلة او اكو الها حكيم ورقيب مثل التايهه .. ما اعرف شلون هيج احسها بنت شوارع مو بنت بيوت .. واكثر شي يضوجني بيها تتشاقه هواي وشقاها مو حلو للبنات.. ابتعدوا عنها راح تاثر على سمعتكم .."

رديت "حسستيني مافيا مو بنيه .. ترى فطيرة وفقيرة والله.."
ردت "والله يا حبيبتي انتي الفقيرة والفطيرة مو غيرج ضلي بهاي عقليتج لحد ما توكعين بمشكلة الها اول ما الها اخر .. واني الي عليه حذرتج منها .."

هجران بكلامها تخليني اخاف واقرر ابتعد عنها بس هي ما تنطي مجال ولازكه بينا وين ما نروح واني اصلا من اشوفها انسى نفسي وارجع طبيعيه وياها

هي اسمها شمس مرحلة رابعه .. بس شنو مخلصتها هنا وهنا ما اشوفها تدخل محاضرات اغلب الاوقات طالعه وتتونس

مرت الايام واجت نصف السنه امتحنت وكعدت بعد .. اني ومهند امورنا زينه وحياتنا ما اكول عاديه لا مليانا حب وغزل وحنان .. متفاهمين وواحد يحب الثاني

علاقتي ببيت عمي كلش حلوه ومتفاهمين ويحبوني اله هنا كلش تغيرت وياي

صارت ادور مشاكل وتحفر جواي

~~~~~~~~~~

هنا .. "اني هنا بنت ابو مهند .. اخر العنقود كنت المدلـله بين اخواني وخواتي ايشي اطلبه محد يرفضه الي وكلها تحبني شكد ما اغلط واجفص محد يحاسبني .. لحد ما اجت شام خانم حسيت تزعزعت مكانتي وشام اخذت مكاني .. وخصوصا بعد ما اهلها سافروا صار الكل يهتم بيها ويدللها حتى ماما خاف قبل اذا لحت شام تشتغل تقبل .. بعد ما راحوا اهلها وامها وصت امي عليها صارت ما تخليها تشيل الورقه من الكاع لو ابوي الي مدللها بل طالعه والنازله ينطيها فلوس لو يبوسها لو يشاقيها لو يخليها على كلبه من يسولف ويانا .. واني احترك من الغيره اجذب اذا اكول اكرها بس اغار منها هواي اخذت مهند واهلي هيج كنت اشوفها
هي تعاملني حلو ولسانها عسل وي الكل ابد ما تجرحني او تغثني شكد ما ادوس ببطنها .. بس مو بيدي ما اتحكم بنفسي وابطل اغار ما اكدر صرت اضوجها او اضل احجي اذا يشغلوني وامي توكع بيها وما تصخر شام ابد

وتصير تعارك بيه علمودها ولان معاملتي الها تغيرت صارت امي تشدد وياي وترزلني علمودها وكل ما احجي وكالت "ولج هنا حرام عليج البنيه اهلها مأمنينها عندنه وخلوها وحيده محد الها غيرنا .. تدرين اذا تضوجيها شتحس خطيه يا امي والله انقهر عليها من تضوج كانو طفله ما تسيطر على دموعها او تكبت ضوجتها بسرعه تتغير نبرت صوتها بس ما تحجي وتضيج خلكنا .. اخيتج يمه اوصيج بيها .. ومهند خطيه هم علموده قدري مرته .. هسه انتي قابل العمر كله كاعده هنا .. بس يجيج ابن الحلال ابوج يزوجج وتروحين خلي ذكرج طيب من بعدج .. واني هم ما متعبتج هواي بل شغل بس من يجينا خطار .. كافي يا امي خلي حياتنا هادية وصافية.."

مرات أتأثر واسكت ومرات لا ابقى ضايجه من كلامها ودفاعها عنها .. واعرف نقطت ضعفها وارد عليها
"هي لو بيها خير جان حبلت صارلها شكد مزوجه وهي ماكو لا طفل ولا تساعدنا حالها حال الحايط ما منها نفع بس نعلف عليها .. ونخدمها وهي كاعده تدرس .. ومغلسه ابنج هم يريد طفل بس هي الي ما تريد دائما تكول اني ما اريد هسه اطفال لا عبالج مهند راضي بس علمود حضرت جنابها ساكت .."
كنت احجي ومنفعله وامي تعض بشفتها .. وتاشرلي بس اني ما افتهمت كملت كلامي
التفتت واشوف شام واكفه تسمع بل كلام .. فشلت بوقتها بس ردت اضيع الفشله مالتي ورديت
"وتتسنط على كلامنا هي هاي الي نعرفها بي وحده ما تستحي فعلا .. يعني واحد حتى ببيته ما ياخذ راحته ويحجي .. لازم ست شام تسمع الكلام .. شعندج واكفه هنا وسمعين بكلامنا جان استحيتي على نفسج شكبرج تصيرين بعد .. يعني احجي وي امي وبيناتنا لازم تعرفين .."
صرت اخربط بل كلام هواي وهي ساكته
ابد ما حجت طلعت ماي من الثلاجه وطلعت من المطبخ
امي اول ما طلعت استلمتني بل رزايل والكلام حتى النعال شمرته عليه .. صرت ابجي واصرخ طلعت حركت كلبي بيها
امي من شافتني هيج اجت ضربتني واني ابجي واصرخ واحجي على شام وهي تحاول تسكتني بل ضرب
هاي اول مره انضرب بيها من ماما .. بعمري ما ضاربتني او مأذيتني .. وهل مره انكتلت بسبب شام
جان البيت ما بي بس احنا .. شام على صوتي نزلت تركض وتوخر بأمي عني لحتى تبتعد وتبطل ضرب
شام "عمه فدوه عوفيها كافي خطيه .."
ام مهند "وخررري انتي وخري خل اربيها هل عايقه تصيح بوجهي .. هي هاي تاليها بنتي تزمخ بوجهي .. هذا كله صوج دلالي الها .. اخخخخ مني اخخ .. وحده ما تستاهل طلعت عينها وتمردت .."
هنا "كلللله من وررراج انتي وابوي اتمرد بسببب تفريقكم وتغير معاملتكم الي .. كله بسبببج انتي كبرتي راس هاي
..وتاشر على شام ..
"انتي كبرتي راسها وخليتيني اخدمها وهي كاعده .. اني وحد منها هااا فهميييني وحد هي مو الكنه لهذا البيت شو من اجت انكلبت الايه وصرت اني الخدامه وهي كاعده .. تخافون لا يخرب نقش الحنه على ادين ست شام .. عاد لو تسوه هم زين .. لو ابوي الي اخذته مني وصار بجيبها .. ما تنلام سوزان لمن تكوللها الله اعلم شمسويه الهم وهيج صاروا محبس بايدج.." قصص وروايات عراقية كرار صلاح
ام مهند من شافت هنا هيج تحجي اخذتها من ورا شام وتعت بشعرها وتغلط عليها .. شام سحبت هنا ودخلتها لغرفتها
شام "مع كل الاسف عليج هنا هيج طلعتي تنضريلي اني الي كنت اعتبرج اخت مو بنت عم هيج تشوفيني .. بس صدكي بعد هذا كلامج خسرتي اخت الج .. وبعد هذا كلامج اكتشفت شكد عقليتج فارغه وتفكيرج محدود .."
عافتها وطلعت لام مهند تهدي بيها وتسكتها
لا يصعد ضغطها
شام "كافي عمه فرفحت روحج عليمن هي هيج هنا دومها تجفص .. وهل مره حقها ترى .."
ردت "شام لا تخليني اقسملج اسكتي واصعدي بغرفتج .. "
ضحكت "اروح فدوه لعمتو العصبيه .. كافي يا عمه لا ضغطج يصعد عليمن منو ينفعج اني لو هنا .. "
ابتسمت وراحت للمطبخ تكمل شغلها
رحت وراها اخذت الي بيدها
"روحي عمه اليوم عاجبني اشتغل والله تعبت من الكعده والقرايه .. اريد تغيير .."
عوجت حلكها "كولي من حجي هنا تردين تشتغلين .."
رديت "لا علمودج انتي .. هواي تعبتج وانتي ابد ما غثيتيني دومج بضهري .. صرت احسج ام مو عمه .. والله معزتج بكلبي محد يعرفها .. روحي عمه اني اكمل عنج ارتاحي .."
هي راحت واني كملت شغل البيت صرت اشتغل وافكر بكلام هنا واكول لنفسي لازم اتغير واشتغل هم حقها

وعمتي خطيه هي واكفه بنصنا .. افكر حتى عمي ابتعد عنه لان اشوف هل شي يضوج هنا.. ما اريد مشاكل بسببي


يتبع..........

#معلومة_طبية

كيف تخرج السموم من جسمك عن طريق القدمين؟🔮🙃



يعتمد الصينين في الطب القديم الذي يعتمد عليه نصف شعب صيني في علاجاتهم بأنه القدمين واليدين هو كل اجزاء جسم انسان يعالجون انسان عن طريق اليدين وباطن القدم
تستخدم فى إزالة السموم من داخل جسمك

#الطريقة:
ناخذ كميه من الماء الساخن ويتم وضع نص كوب من خل التفاح وملعقة من كربونات الصوديوم (كربونات الطعام) وتنقع فيه رجليك لحد ما تشوف لون الماء اتغير
فى الاول تشوف لون الماء اصفر بعد شويه يصير لون الماء يغمق كل شوية لحد ما يوصل لونها الى اللون المائل للأسود
وهذا دليل على خروج السموم من الجسم كله
ويتم الشعور براحة فى الجسم والقدمين وياريت قبل النوم تعمل الوصفة حتى القدمين ما تتعرض للرطوبة او تلبس بعده جوراب
وبهذه الحاله تكون خرجت من جسمك كل السموم و ريحت القدمين
ولو فيه تشققات او قشف يختفي وتلاحظ نعومة للقدمين
هذه الوصفه ممكن تكرر مرتين فى الاسبوع.


#اعـاده_توجيـــہ_لتنسون
#ملوكه
@stylegrils

شنو تفضلون أكثر شي؟🤔🦋

حلويات 🍰
لو معجنات🍕

@stylegrils

قال الإمام جعفر بن محمد (عليه السلام): كل الجزع والبكاء مكروه سوى الجزع والبكاء على الحسين (عليه السلام).


#مساء_الخير

برج الحمل اكثر برج طماع💞✨
--

برج الثور اكثر برج عنيد💞✨
-

برج الجوزاء اكثر برج السانه طويل💞✨
--

برج السرطان اكثر برج مراوغ💞✨
--

برج الاسد اكثر برج مغرور💞✨
--

برج العذراء اكثر برج يأكل وينام💞✨
--

برج الميزان اكثر برج ينتقد الناس💞✨
--

برج العقرب اكثر برج متشائم💞✨
--

برج القوس اكثر برج يتمرض ماعنده مناعه💞✨
-'