‏لما يغار عليك ⁧ #الميزان ⁩ يغار من تحت لتحت .. بس مكشوفة.

‏⁧ #القوس ⁩ يحسون اذا انت كنت صادق او كاذب معهم..

‏يقول ⁧ #الجدي ⁩ عندما تريد ان تنتقدني .. ضع وجهك امام الحائط اذا استجاب لك الحائط حينها .. ساستجيب لك انا.

‏⁧ #الدلو ⁩ جميع الاحتمالات متوفرة في عقله لكل شيء لذلك نادراً ما يتفاجئ من شيء ..

‏⁧ #الحوت ⁩ يستطيع إيقاف اهتمامه لشخص او شيء معين بثانيه واحدة .. عند رغبته.

مساء الخير من بعد غياب طويل

حيل مشتاقتلكم🥺💔 وادري مقصرة عنكم فاهواي مسجات وصلتني ..اكثرية البنات عبالهم اتزوجت اصلا احنا بعدنا مامحددين الزواج😅 ولامقررين حتى

بس اللي صار أنو أني واهلي انصابينا بكورونا ..هاي سنتين دارينا روحنا بالفيتامينات والكمامات ومدنطلع اهواي حته لاننصاب
تالي من تالي من اقوى موجة اخذنا😔
وهالموجة دلتا انتشرت من يوم عرفة وكومة أهالي كربلا انصابو
واعراضه اقوى من اللي قبلهن هو نفسه كورونا بس متطور ويطول شفائه منا لشهر او اكثر

فشكرا لكل اللي سألوا عليه💋والقصة ان شاء الله كل يوم انشر و اعوض بيها 💜

#ملوكه

#بارت 11

________________

عفت بيبي وصعدت جان البيت فارغ كلها بغرفها .. ما اعرف شلون مأمنين بمهند حتى وان كان ابن عمي وخطيبي بس مو لهل درجه صايرين فري براسي .. يمكن يشوفوه عاقل ورزن ما متوقعين كل هذا منه ولا متصورين هيج يسوي .. من جاي اصعد الدرج انفتحت غرفه مياسه باوعت شفت رضا جريت نفس طويييل وصعدت لغرفتي

هو هم باوعلي بنضره شفقه بس ما حجه لان بعده تعبان من العمليه والعلاجات .. كعدت بغرفتي وتنهيده تجر تنهيده وجع بقلبي ما يخليني انام .. شعور يحتويني دائما احس نفسي انتهيت وما عندي شي بعد ..
شكد العالم قذر هواي خذلتني الحياة تعبت من كل شي اكو شي بداخلي يوجع بس ما اعرف شنو
ذبيت ملابسي و نمت بس عيني ما غمضت رجعت بجيت بس هل مره بصوت مسموع ما اكدر اسكت اكثر
دفنت راسي بل مخده لحتى ما ينسمع صوتي ابجي واشهك بصوت حتى المخده ما اخفت صوت بكائي
"يمااا تعالي شوفي حالي يمااا فدوه اروحلج خلصيني مااامااا تعبت والله تعبت جاي اتعذب ليش ما حسيتي بيه انتي مو امي ليش ما تحسين بيه ليش محد يحس بيه وبتعبي
ليش حتى انت يا رب تخليت عني .. ربي اني ضعيفه ما اتحمل ابد بسرعه افقد الامل من الحياة.. كافي يارب خلصني من هذا البلاء الي انزلته عليه .. ربي اكو شي يوجعني حتى اني ما ادري شنو بس انت اعلم بذات الصدور "
شكد حجيت بصوت ونحيب وبجي وشهكاتي شكت كلبي لحدما نمت اني ابجي واحجي
كعدت الصبح تعبانه ووجهي تعبان ومبين علي البجي ما اعرف شلون راح تمر هاي الايام وشلون راح اتجاوزها اذا من هسه فقدت الامل والصبر وتعبت بعدين شلون
غسلت وجهي بل صابون قوي اريد اخفي الاثار ما اعرف شلون .. غسلت بل ماي بعده وجهي احمر ومورم صفنت بوجهي وبرطمت
"كااافي كااافي لا تبجي ما مليتي ما تعبتي .. لا تصيرين ضعيفه على كلشي تبجين .. لا تنزلين دمعتج خليها بكلبج "
ما تحملت بجيت واباوع لحالتي يرثى لها بجيت على نفسي وعلى غبائي ولساني الي وصلني لهل مرحله
صرت اضرب بنفسي واكول لو ساكته لو موصلتله الفكره بعقل واحترام يمكن جان ابتعد وبعد ما وراني وجهه بس كل الصوج بيه اني وصلت نفسي لهنا واني استاهل ايي استاهل هذا جزائي واستحق ما لازم احجي اي شي بعد كافي
كمت من الكاع جنت بل حمام حتى ما اهتميت كعدت
اخذت ملابس من الكنتور ولرحت اسبح صرت افرك بجسمي قوي وابجي واتذكر كل الي صار واذكر نفسي بكلامي اني عضمة الامور واني السبب مو بس هو

استحق هيج يصيرلي .. سديت الماي وبقيت صافنه بمكاني سرحت بغير عالم اني نفسي ما ادري وين صفنت وشفكرت
قطعت تفكيري ولبست بنطلون وقميص .. جان لون البنطلون ابيض والقميص وردي وصخ .. وبي بلك وشغل هواي ورباط يصير منه وبي اني سويته فلونكه وطلعت من الحمام
مشطت شعري وجففته.. باوعت من فوك واكفه يم المحجر صحت ميااااسه قصص وبس
اجت ورفعت راسها .. اشرتلها تصعد
"لج والله ما اكدر موجوعه تعالي انتي بغرفتي "
اخذت حجابي ونزلت
"يااااااااا ولج شبي وجهج جنتي تبجين "
"ايي لعد ليش صحتلج .. تعالي مكيجيلي .. قبل لا يجي هذا الحقير السخيف "
"هههههههههههههههه ولج بعدج بطلي تغلطين صار زوجج رسمي .. ما الج كل حق تعارضين .. تقبلي الوضع افضل الج لان راح تتاذين ديري بالج واني لان احبج واعرج اكلج هيج .. خليني اكون صريحه وياج .. كل الي يصير هسه من ايدج .. لسانج شطوله جنج دلاله طيحتي حظه للولد وتكليله ديوث وتردي كلشي ما يسوي .. اني ما ادافع عنه .. ولا انطي عذر بأغتصابج .. بس الحق ينكال لسانج يرادله بتر "
"اوووووو دكافي لا تتفلسفين براسي .. مكيجي وخلص سدي الموضوع هو اكو غيري راح ياكل طن تبن .. فـ اسكتي ولا تضوجيني "
"بكيفج الي عليه كلته .. هسه تعالي خل اعدلج "
كعدت تسوي بوجهي نوب سوت الحجاب الي لفتلياه لفه حلوه ومرتبه .. اني ابد ما اعرف لا امكيج ولا اسوي الحجاب كلشي ماكو ما اهتم شوكت ما اطلع بس المهم استر نفسي واطل ما اهتم لشكلي ابد .. على الرغم كلها تمدح بيه وتكول حلوه بس ما مغروره او اتأثر بل كلام .. بس يعني بيني وبين نفسي اباوع للمرايه واضل اتغزل بنفسي .. احس هل شي ينطيني ثقه بنفسي .. لو جنت كل ما افوت من المرايه
اسوي بوسه النفسي مستحيل افوت وما اسوي هل حركه وامي من تشوفني تتخبل وتضل تحجي وما تقبل
لو وسام جان يستلمني اكس ومربع بل تصنيف ولا اهتم لحجي اي واحد سواء زين او شين اطبب من اذن واطلع من الثانيه .. بس من نفسي اسمتمع حتى مرات انطي النفسي نصايح .. هسه تكولون مخبله بس هاي شخصيتي هيج
بس بعد الي صارلي .. بطلت كل هل حركات وتغيرت

ماما كالت ما اكدر اجي .. بس عمتي وهنا اجو ويانا صعدت بل سياره ما سلمت عليه دايره وجهي منه وما اريد اصبح بخلقته الزفره
طلعت السياره وعمتي شكد حجت بل سياره انسطرت سطر شكد اكره الكلام الكثير وما افهم منه شي
نزلنا بل اول زرنا وبعدين طلعنا على الذهب نشتري مهند عايف امه واخته ولازك بيه يسحل بيه من ايدي
دخلنا للمحلات كلها نشوف اخر شي اقتنعت بموديل .. صار كل ذهبي ٣ ملايين
انوب اخذنا للسوك
مهند "شتردون اخذوا بس اشروا "
يحجي ويباوع عليه
باوعتله صفح ودرت وجهي
بقينا نفتر ونشتري وهو ما يكول لا اكو اشياء اصلا ما اريدها ولا محتاجتها اخذتها اريد اخلص فلوسه .. بس شو هذا يسحب كل شوي يطلع وعادي عنده اخر شي تعبت
"متتتت من التعب والجوع .. امشي اخذنا لاقرب مطعم "

هنا "لج انتي غير عروس ولا جنه خطيبج .. نوب اتمنى اشوفج تخجلين .. يمكن لو بمكانج تنسحن روحي .. لا ونوب تكله جوعانه "
شام "الحمد لله والشكر غير واحد جوعان اخذتوني سحل من الصبح حتى ما متريكه .. وبعدين عليمن استحي .. الاكل ما بي عيب .."
مهند يباوع علينا ويضحك هو وعمتي حسسني طفله ويضحك عليها
دخلنا لمطعم اكلنا ودفع الحساب ورجعنا للكراج ناخذ السياره
بقينا واكفين برى وهو دخل يجيبها
اكو واحد سرسري مثل مهند .. لزكلنا لزكه وعمتي كل شوي تذبله حجايه.. بس هو شنو وين ما نروح يباوع علينا ويلحكنا
شفت مهند طلع السياره واجانا هذا جنه طلي لزك بيه وصار يسوي حركات
عمتي من شافت مهند بسرعه اخذتنا وكامت .. ركبنا بل سياره ومشت مسافه هنا جفصت وحجت عليه
مهند التفت وصار يسال نوب كام يحجي ليش ما حجتن جان طيحت حضه ويغلط عليه سرسري صاقط ما عنده خوات
"يااا على كيفك هسه ليكول انت نبي ما تباوع على بنات "
يباوع بل مرايه ورافع حاجبه والسيارة صارت هدوء من حجيت
درت وجهي على الجام وسكتت
وصلنا للبيت هنا وعمتي نزلوا واني هم .. هما دخلوا للبيت ومهند سحبني "اوكفي شام "
"خييييررر "
"احجي عدل لج .. شلون هيج تحجن وكدام امي "
"اووووه عبالي مدري شكو .. هسه قابل جذبت هو اصلا من شفته ذكرني بيك انت هم مثله ابو بنات "

عرفت ما راح يسكت ف بسرعه رحت لبيت قبل لا يحجي

مرت الايام وقرب موعد العرس :

اخذتني امي عمود البدلات اختار للحنه والعرس افترينا المحلات كلها و امي ما مقتنعه ببدله على اساس اخذتني اختار تالي الي اختارها ما تقبل وما تعجبها عفت الامر عليها لحد ما شافت بدله مارونيه منفوشة بشكل نازك

و شغل بيها بسيط جانت راقيه كلش و سعرها غالي من الصدر مفتوحه

حجزت عند الصالون و رجعنا للبيت هلكانين ورجليها اذنها كلش دخلنا للبيت و صارت دخلتنا وي مهند امي سلمت واني غلست كامت تكرص بيه بس ما طخيت راس ابد
حجه مهند وهو يباوع عليه "عمه ياريت تعلمين بتج تحترم زوجها وتقدره شنو من صلافة شايله ولسان طويل اني ساكت عنها بس لان احترم عمي وأقدر والى تشوف غير تصرف مني ولو من تصير يمي راح اربيها من اول وجديد بس هم علميها لان تتاذى بعدين "عافنا وراح حتى امي ما ردت عليه بسرعه اتهمتني بل تقصير والبرود و قلة الادب

عفتها ورحت لغرفتي واني على الدرج اسمعها ادردم عليه وتحجي صاروا الكل يتخبلون من وجودي بل غرفه الفوك لان ما انزل ولا اشوفهم مدري ليش يكرهون كعدتي وعزلتي عنهم بس ما اريد احد صرت اكره وجود احد يمي احتاج اختلي بنفسي بعيدا عن كل الناس وحتى هذي الرغبة يحاربوني عليها و ياذوني بكلامهم بس جنت اطنش كلشي اسمعه
"حتى حزني لم يكُن حزُنا بل طريقة المعتادة ، لم ابحث عن كتف لأبكي عليه ولا اذن لتسمعني ، كنت اتوسل العالم أن يتركني وشأني فحسب "...
ثاني يوم رحت للصالون لتنصيف البشره و حفيت وشيره وكلشي كملته بل صالون بس شعري ما غيرت لونه احب شكله هيج
رجعت العصر تعبانه من كلشي و روحي كارهتها حتى ما باوعت لتغير شكلي ولا اهتميت سبحت ونمت للصبح كعدتني مياسه علمود اروح للصالون اليوم الحنه
كعدت حتى ما اشتهيت اتريك سبحت وبدلت واخذني بابا اني وعمتي لان امي ما تكدر ولا مياسه
سويت التسريحه والمكياج والبدله وكلشي يصير وياي ما متقبلته لا حجيت ولا علقت عمتي تكفلت بكلشي شيكلولي اسوي في سبيل اخلص
اتمنى لو ميته بذاك اليوم ولا هل يوم الاسود يحل عليه وجودي ببغداد صار لعنه بالنسبة الي اجه بابا اخذنا من الصالون جانت ساعه ب ١٢ ونص والناس بعدها قليل الي موجودين بس الي بايتين من البارحه
رحت فوك اتمنى اخرب كلشي و هايهيه بس كلشي طلع من ايدي كل ما اتقدم خطوه بهل زواج اتندم
اتصلت عليه مياسه تريد انزل الناس بدت تجي نزلت لجوه وكاعده على اعصابي اباوع ناس تركص وفرحانه بل عرس والبنات ممكيجات ولبس اتمنى لو اني بمكانهن اركص وافرح بس مو اني الي تتغير حياتي هل شكل

بدت تصير هوسه و مراسم الحنه بدت جابن الصينيه و الركص والديجي والجكليت فلش راسي
شوي واجوي بيت عمو ابو مهند انخمش كلبي من سمعت طاريه دخلت امه وخواته و خالاته يهوسن ويركصن والي تسلم عليه والي تباركلي
شوي وكالوا دخل العريس جنت اشوفها اسوء لحضه بس اكو منتضرني الاسوء
من دخل يهوسن ويصرون كعد يمي حتى ما سلم يله طززز بي شكد مكروه قطعنا الكيك و هاي السوالف من ورا خشمي كلشي يصير لو بيدي املخه من العصبيه الي اجتاحتني
يوكل بيه بل كيك و اني اخذتها من ايده و رجعتها للماعون انطيته الشوكه ب ايده تنرفز كلش والناس تباوع وتصور ادنه عليه "امشيها اليوم بس ثقي بالله ما تخلصين مني باجر اطلع كلشي من عيونج خلي بالج مني يحلوااا ...طالعه كمر اليوم بودي اكلج ... يعني هذا كله الي "

"لا مو الك ويله وخر مني شكد غثيث"
"امممم واضح مستغلة الوضع وتعتقدين اسكتلج لان ناس هنا مو؟؟؟ لااا يعمري أاذيج وداعة عيونج الحلوه بس لان مزاجي صافي راح افوتها بس لا اطوخيها اكثر تتاذين "
سكتت و هم يصيحون لبسها الذهب راحت امه جابت الذهب بل اول لبسني المحابس نوب السوارات ويتعمد يتأخر حتى يضايقني
وصل للتراجي لبسهم الي و هو متعمد اذيتي بحيث زرف اذني بل ترجيه
اخذتهم منه بقوه ولبستهم هم ولكلاده ما خليته يلمسني امه تضايقت مني "شبيج عيني شو مدري شلونج ليوم بس تتمضيكين"
"عوفيها يمه تدلع يوم عرسها وتدلع على كلبي عسل ...يعمز ويحجي 'موووو شامتي ؟!،،،"هااا
غلس و سكت طلع لبره البيت صارت المغرب بدوا يصبون بل اكل وكلها تاكل بره وجوه والبيت مخبوص
من شفت الاكل جعت من الصبح ولسا ما ماكله شي بس ماي كفوا السفره و بدوا يلملمون الاكل برى بدت حفلة الشباب
اني بدلت و لبست فستان ابيض ارتاحيت من البدله كعدت اكل بل مطبخ والبنات يطبن ويطلعن يضحكن لان اكل هزيت ايدي وكمت يمهن بل صاله بعدهم يركصن و يهوسن من يمي تعبت هنا من شافني جرني وياهن اركص بديت اهز وياهن شوي شوي بديت اتحمس وياهن
بيومها من صدك ذبيت لحم هههههههههههههههههههه اضحك على روحي عود ضايجه وما قابله على الزواج هسه اذا يدري مهند ما اعرف شيسوي يمكن ينجلط
امي كل شوي تكلي غيري الفستان طاح حضي من الردح والتبديل
اجتي نور تركض من فوك "بناااات تعااالن شوفننن بدوا يركصون جوبي تعااالن بسرعه "
كلها صعدت فوك يباوعن وطفت الاضويه حتى محد يشوفهن اني هم رحت وراهن اباوع الركص يخبل بل جوبي مدري شسمه كلها دشاديش ويفرون بل سبحه شكلهم حلو وكلها شباب البنات يابوعن وفصلنهم تفصال هذا حلو هذا محلو هذا خشمه مدري شبي ومن يشوفن واحد حلو يتخبل بزيادة
اباوع مهند ما موجود شوي وشفته مهيمن يكوم بي يركص جوبي وياهم جان مبدل ولابس دشداشة بيضه اجذب اذا اكول على مهند مو حلو كلش شكله حلو و مغرور واني اكره بسبب غروره وحقارته وياي
من شفته كبل ابتعدت ورحت للحمام سبحت و بدلت ملابس نوم و رحت على جربايتي هذا اخر يوم الي انام عليها براحه تنتضرني ايام سوده بس الله الي يعلم شلونها
ما غمضت عيني افكر واطحن بروحي وكلبي يتكطع من جوه على كد ما مقهوره
مدري شوكت نمت كعدت من الخمسه الصبح من القلق انام واكعد بقيت كاعده شوي ورجعت غفيت بل ٩ كعدتني نور للصالون جان يوم ثقيل عليه بكلشي بي مشاعري مخربطة احس بكره تجاه نفسي اتمنى اموت واخلص من هذا اليوم

نفس البارحه الصالون بس مكياج وتسريحة غير شكد والبدله لونها جان اوف وايت جانت حلوه لان ذوق ماما كلش حلو بل ملابس والبدلات
رجعت للبيت بسيارة بابا هم اليوم جان يختلف وكأيب بكل معنى للكلمة بالنسبة الي كعدت انتضر اعدامي ب ٣ صار وقت الزفه دخل العريس كعد شويه واخذ ايدي و غطوني وطلعنا
هنا مشاعري مستحيل اكدر اوصفها العبرة خانكتني والقهر على نفسي وعلى كلشي ودعته هنا حتى نفسي القديم راحت وي الراح
بديت حياة جديدة سوده مصير مجهول شخص يكرهني يحاول يدمرني شكد ما يكدر
مشت السياره والاغاني والهوسه وهو طاير من الفرحه وضحكته شاكه وجهه
وصلنا للمصور طلب مصورة دخلت عدلتني امه و وخرت الكب عني وانتضر المصورة
اللقطات جانت جريئة و بل كوه خلصت على خير اعصابي مشدودة و تعبانه كلش
طلعنا والتصوير والهوسه مشينه مسافه و نزلوا يركصون
وصلنا للفندق زفونا اللغرفه انطتني امي وصله وتعلمني عود ماتدري بتها منتهيه اااه يا امي ليش ما تفهميني وتعرفين الي بيه
دخل مهند للغرفه بدون مقدمات اتقدم عليه وهو يفتح بل بدله و يملخ بيه شمرتي على الجربايه وهو يفتح بملابسه "عبالج افوت الج كل شي مووو عبالللج بسسس حجي شوووفي شيصيرلج اليوم اله اخليج تعضين اصبعج ندم كلتلج اطلع كل هذيج الفترة من عيونج ما انسى طولت لسانج و إهانتي "

كل ما يتقرب اكثر اخاف وارجع ليوره اخير شي لزمني موتني يضرب بيه على جسمي و يعيد كلشي صار بس بوحشيه اكثر و يغلط عليه ويصيح
صوتي راح من كد ما صرخت وبجيت وتوسلت اكول بداخلي ليش محد يسمع صرخاتي ليش محد ينجدني معقوله هاي نهايتي
ولو اي نهاية و من اول يوم الي هيج اهاني ضربني اذاني اعتدى عليه
حتى ما همه صريخي وتوسلي بانو يعوفني ويرحمني جانت هاي اليله اسوء بكثييير من هذاك اليوم الي اعتدى بيه عليه
جان يتعب ويرجع يعيد كلشي حتى بل حزام ضربني وجهي شبعه راجديات جسمي كله اثار الضرب والزراك عاريه تمامًا ما احترم خجلي ما احترم مشاعري ما رحمني جنت احاول استر نفسي بس بدون جدوا
موتني ضرب وغلط اعتدى عليه بأبشع الصور ما اوصف الوجع والذل الي حسيته انتهك كل جسمي
لحد ما خارت قوتي وحتى صوت ما يطلع مني بس عيوني مفتوحه بألم وكل هذا ما اجه بعينه يغلط ويذكرني بكلامي ويا ويضربني ويحاسبني شعري تكطع بين اديه

جانت ليلة مرعبه مرت عليه ما حسيت هيج وجع بعمري ولا انضربت
خلصت طاقتي و فقدت الوعي
ما وعيت على حالي اله ساعه ب ٣ الفجر جسمي يون عليه واتلوى من وجعي وهو نايم على القنفه الي كبالي حتى ما حاول يصحيني يشوفني متت عدله

غطى ما مغطيني على حالي والغرفة بارده بسبب السبلت كمت اون من الوجع وهو مطمور لفيت نفسي بل غطه الي على الجربايه و غفيت شوي وكعدت اون راسي يفتر وجسمي يوجعني بقيت اليل كله اغفه وافز من الوجع

شام : وجع و برد وذل و جوع حسيت بل وحده وفقدان الامل من الحياة اكول ليش هيج اني يصير بيه ليش ربي ما يسمع دعائي وطلبي للمساعدة ثاني مره يتكرر الصار وذكر ربي واملي بي ما تبدل بل عكس صار اقوى بس تعبت
حتى الحزن والكأبه مليتها البجي هجرته صرت ابلع غصتي واسكت سمعت صوت بل غرفه بس ما فتحت عيوني من الدوخه حسيته تقرب يمي بس ماكو صوت ما يحجي
شوي وكام يندس بيه حتى اكعد "يللللله لججججج كوووومييي شكوووو مطمورة هييييوووو مو احاجيج "
ماكو رد (اني صاحيه واسمع بس ما اكدر افتح عيوني )
صار يضرب على خدي "شااام شااام تسمعيني شتحسين هاا "
ماكو رد
هنا تخبل مدري خاف عليه مدري على نفسه صار يحاول يكعدني و يقيس نبضاتي
صار يضرب بوجهي ويذب مي عليه بس ما كمت شالني للحمام ذب عليه مي و يكعد ماكو
بعد ما حسيت على نفسي غير لمن كعدت لكيت نفسي بغرفه وبيدي كانونه و لابسه ملابس الدوخه براسي و الوجع يون بجسمي بجيت على نفسي وحالتي أهِ يا امي وينج عني
رجعت فقدت ما حسيت بنفسي يمكن مخليلي منوم لان دوخه قويه ما اكدر ارفع راسي
ما اعرف شكد مر وقت وحسيت بمهند يمي يكعدني "شام يله كومي صار اليل وانتي نايمه كعدي لحيلج اهلي واهلج يسالوني عليج كلتلهم اليوم هم نبقى بل فندق
وما خليتهم يجون يله خل نروح "
كمت من مكاني و وخرت الممرضه الكانونه لان اذتني وهي تباوعلي بشفقة الضاهر يعرف شلون يتصرف عنده معارف هواي وجايبني لمستشفى اهلي
شلون سكتوا عن حالي ولو هو وين القانون والانسانية كمت عدلت حجابي وامشي بلا روح راد يلزم ايدي دفعته وابتعدت وصلنا للسياره خابرت ماما على موبايله انطانياه
"الو ماما وين انتي ليش جهازج مغلق وماكو من البارحه بشريني كلشي تم ؟"
"ما ادري بي يمكن خلص شحن ...ايي ماما كلشي بخير لا يظل ببالج "سديته منها و شمرت الموبايل على السياره ما انطيته بيده

"مو راح اطيح حضج ليش هيج ما تحترمين "سكتت ما جاوبت لان تعبانه مشت السياره و ما اعرف هسه وين ماخذني للبيت لو للفندق
وصلنا للفندق نزلت وهو يمشي واني ورا دخلنا للغرفه اخذت ملابسي واتجهت للحمام
فتحت المي و اباوع عليه بالي مشدود دخلت جوه الماي و دموعي تجري بحركه تاخرت بل حمام جسمي ما اشيله وحركتي بطيئة ما ماكله والضرب وكها التمت عليه سمعت بابا الحمام يندك "يله وين صرتي اطلعي "
شوي وطلعت حتى شعري ما مشطته يوجعني من التملخ باوعت جايب اكل اشكال الوان ابتسمت بستهزاء
جنت جوعانه كلش بس كرامتي فوق كل شي. عفته ورحت على الجربايه جريت الغطاء و نمت عليهم
"لعد اني المن جبت الزقنبوت كومي تسممي لا اطيح حضج لا تتدللين زايد اني مو ابوج حتى اتحملج يله كومي "
"ما ارررييييد كلشي غصبا عليه مااااا ارررريييييد موتتتني ضربتني اهانيت كرامتي وما رحمت ضعفي بعدددد شترررريدد منييييي هاااااا شتررييدد موتتتتنيييي اللللله يااااااخذذذذك ان شاءالله ما ترررررتاااااح بحييييااااتتتتك الله ياااااخذذذذ حقيييي منككككك وماااا تشوووووف الراحه يااااا ربييييييي ليشش ما تسمعنيييي شسوووووييييتتتت انييييي حتى هيييييج تعاااااقببنننننيي "

اصرخ واملخ بنفسي و الصوت يطلع من نص كلبي تعببببتتتت من كل شي انفجرت بوجه وهو يلزم بيدي حتى ما اضرب بنفسي ويسكت بيه "ولججج اشششششش فضحتينا كااافييي بسسس معليه بيج سوي الي يعجبج بس اسكتييي "
"ووووخخخخررررر منييي منو ضربني وخلاني اوصل لهل حاله غيررررك هاااا هسسسسسه جاااااي تمنعني اضررررب نففففسييي "
على صوتي اجوي اصحاب الفندق الله ياخذهم هسه سمعوني
"مرحبا اخوي ممكن تكول شديصير هنا من البارحه ولسه صوت العياط شكو"
"ماكو شي اني ومرتي "سد الباب بوجه واني سكتتت و غطيت راسي وابجي جوه الغطه هو بقه يفتر بل غرفه اخير شي طلع وركع الباب نمت بعد تعب وبجي وحركة اعصاب
كعدت من الفجر هو نايم على الجربايه يمي كمت اسبح واصلي كملت و رحت البس حتى نطلع للبيت مكيجت ولفيت الشال وهو ما كاعد بقيت العب بل موبايل لحد ما كعد ما حجه شي سبح وبدل اني بين ما سبح لميت كلشي و طلعنا
وصلنا للبيت و الهلاهل والناس ملتمه دخلت لبيت عمي ابو مهند وبل باب ذبحوا يم رجلي خروف بل اول خفت منه نوب بسرعه ذبحوا وابتعدت دخلت لجوه سلمت على امي ومرة عمي و دخل عمي وجدي وابوي يسلمون ويباركولي
البنات ملتمات يمي يسولفون اتقربت مني ماما "اكلج شو وجهج اصفر شبيج وما تحجين شصاير وياج ها والبارحه صوتج ما عجبني سوالج شي كولي .. شو مو على طبيعتج صاير شي بينكم"

"لا ماما كلشي ماكو بس تعبانه من الطريق وكاعده من الصبح "
"اححح هو انتي يا يوم سالتج وانطيتيني حجي كلشي ما تحجين "
بدوا يفرشون السفره حتى نتريك بس هل مره زلم وحد ونسوان وحد لان اكو خطار
مرت عمي ام مهند عزلت الي اني ومهند ناكل سويه بس اني كلتلها "لا عمه اريد اكل وياكم على الواهس وهم عيب يجي لهنا خلي يم الزلم "عاد اقتنعت وسكتتت
تريكنا و بقيت يم البنات كاعده صارت ب ١٢ بدوا يجهزون الغده شوي و صاح عليه مهند من فوك "شاااام شااام تعالي اريدج "
صعدت و دخلت للغرفه "هاا صحتني "
"اي تعالي اكويلي الدشداشة بسرعه بين ما اسبح"
اخذتها من ايده و كعدت اكوي بيها و جانت هاي اول مره افوت بيها للغرفه جانت حلو وراقيه كلش و ترتيبها فد شي الوانها ابيض و بنفسجي فاتح الوان هادئة ومريحه للعين اكبر غرفه بل بيت هي لان صايره فوك الاستقبال
كملتها وانطيتها اله اخذها و يلبس و يمشط وخله عطر و طلع اني كيفت لان صعدت تعبانه اريد انام
نمت بعد فتره حسيت ببت عمي اخت مهند تكعدني اتغدى وياهم رفضت و كلتلها شبعانه شوي وصعد مهند
"عووود شنو معناها ادز عليج تسممين وما تنزلين والبارحه تتزعلين ...شوفي لج اني خلكي كصير ف اكسري الشر وتعالي احسلج "
كعدت مجبوره و النعاس بعيني رحت غسلت وجهي من المكياج والنوم و نزلت مخليني اني ومهند بل مطبخ على الطاوله...تضايقت كلش هسه هو هذا هم يتكابل
كعدت اكل و اجه هو كعد عادي ثنينه ساكتين وناكل اني جنت بوقتها شبعانه لان اكلت هواي بل ريوك ف كمت اكل شوي شوي وما اشتهي
كام يفلس بل لحم ويخلي كبالي ...حيرني بتصرفاته مرات احسه يكرهني ويريد ينتقم مني ومرات يخاف عليه ويضوج من سوه هيج كمت من يمه
صاح عليه "شاااام تعالي لا تعاندين اكلي يله كلشي ما اكلتي بطلي هل حركات "
"ما اريد شبعانه "كام عليه خفت منه تقرب يمي وجرني من ايدي "لاااا تاكلين وغصبا عليج يلةةة هذا كله تخلصي"
اكلت شويه ورفعت راسي يباوعلي وخازر عيونه دنكت اكمل
ما اتحمل اكل هواي و نفسي ما تتقبل ابد دمعت عيوني وباوعتله "مهند والله شبعانه تريكت واكلت هواي ما اريد من اجوع اكل " ضرب الطاوله بيده وطلع عصبي
اني بسرعه صعدت فوك ارتب بملابسي وغراضي بل كنتور ومكياجي اعدله ما حبيت تصفيطهم خليت خانه وحده للملابس مال مهند و خليت بخانتي ملابسه مال طلعه بل تعلاكه رتبت كلشي من اول وجديد حتى مسحتها وعطرتها
تعبت حيل اخذت ملابسي ودخلت اسبح لبست تراك ربع ردن و بجامه مريحات كلش و خفيفات مشطت شعري و لفيته كبايه تسريحتي المفضلة و طفيت الاضويه وسويت الغرفه ضلمه ورجعت اكمل نومتي

كعدت واني اتمغط وشبعانه نوم فتحت عيوني صار بوجهي مهند لازم الموبايل ويباوع عليه من شافني فتحت عيوني بعد نضراته عني اني اخت دشداشه من الكنتور واتجهت للباب
"هووووب هوووووب ويييين "
رديت "ابدل بل حمام و انزل يم البنات "
رد"وهيييج طالعه للحمام يعني بالله شافج واحد من الولد "
رديت"لعد وين اروح غير ابدل ومحد يصعد لهنا "
رد "لو طلعتي رجلج اكسرها بدلي هنا "
رديت "زين اطلع واني ابدل "
رد وهو يغمز "هي علينا مو كلشي شفنا وملابسج هاي لو مصلخه افضل "
رديت "دشوف نفسك بس بل شورت لحمد لله والشكر حتى ما يخجل ويستحي "
ضحك بصوت عالي ورد "ههههههههههههههههههههههههههههههههه من صدك ضحكتيني يا فطيرة غير بغرفتي و نايم يم مرتي بعد منين استحي "

رديت "اوكي اوكي هسه اطلع اريد ابدل "
رد "ما اطلع "
بسبب عناده ردت بس اطلع من الغرفه لبست الثوب فوك التراك و الشال ذبيته على راسي وطلعت هو من شافني هز ايده ورجع على موبايله
الجو حار كبل للحمام ذبيت ماي على جسمي ونزعت التراك و لبست الثوب ...نزلت لجوه شفتهم ملتمين ...حجيت بصوت "هللللللللووووو كااااايييز "
كلها ضحكت استغربت شبيهم
رديت "شكو تضحكون "
ردت هنا اخت مهند الصغيره السنه اول كليه الها قسم ادارة واقتصاد "اول مره اشوف عروس هيج لا خجلانه لا مستحيه نوب وجهج ما بي قطرة مكياج شكو ولا عبالك عروس شوي حسسينا بخجلج...نزلتي علينا هلو ونوب كايز لا هاي ما ينسكت عنها "
رديت "واذا عروس لازم اخجل يعني وبعدين لو غربه عادي احاول اخجل غير اهلي يعني شلون "
كلها تضحك وتتشاقه وياي و فرحانين بيه خصوصا عمي ابو مهند كل شوي يصيحني لو يبوسني لو يسولف وياي فد فرحان بيه احتار شيجيب الي اكل خبصهم لمن عرف بعدني ممتعشيه كل شوي يسال شاكل
"عمو والله ما اريد اي شي موجود بل بيت اكل ماكو داعي قابل اني غريبه عنكم وبعدين ما احب اثكل بل ليل "
رد "لا عمو عروستنا كلشي تاكل هاي وين لكيتيها هسه ادزلج من بره صاح على مهيمن دز لفات همبركر و كنتاكي وفلافل يعني حسب البيت كله وياي "
التمو يمي البنات ويسولفن و يحششن العرس فصلنه تفصال
جابوا الاكل والتمينا ناكل عمي كال صيحوا مهند
ردت اكوم عمو ماقبل كال لهنا تصيحه
راحت ورجعت ورا دقايق نزل مبدل ولابس تراك صيفي كعد ويانا وتكابلنه كلنا ناكل بصراحه تضايقت بوجوده نوب بصفي وكل شوي يباوعلي وهما كذالك يباوعون عبالك فلم كدامهم كملنا الاكل كمت اغسل و باوعت للساعة
شهكت "عزااااا بعيييينيييي "
سمعت صوت وراي "شكووووو شبيج اشفتي "
رديت "ماكو شي "عفته ومشيت
دخلت يمهم ملتمين بغرفة عمي ويسولفون على العرس والحنه وطلعوا التصوير مال حنه والركص كلها تضحك ويكلون لمهند ذبيت لحم بل حنه ما قصرت ويصنفون عليه
ردت هنا "يااااا جا و شام هم ردحت لمن الله كلها بس بل حنه " هنا من صدك خجلتني و خلتني بومقف لا يحسد عليه اباوع المهند الضحكه بوجه و مبين خانك روحه حتى ما يضحك
رد عليها "لا ما اصدك جانت خجلانه وكذا ما اصور ابد "
ردت عليه "لا وعلي لعبت لعب حتى صورناها اجيبلك التصوير عندي "
بقيت بس اباوع بعيوني من الفشله اتمنى اطم روحي واكول بكلبي (نعلعله روحج هنا اله تحجي اخخخ الله اذا الزمها اله اطلعها منها بسيييييطططه )
من صدك اشتعلت نار واحس وجهي يطلع حراره ردت اكوم بس كلها تباوع عليه اتمنى الكاع تنشك وتبلعني
راحت هنا جابت الجهاز و رادت توصله بل عارضه حتى الكل يشوفه عاط بيها مهند عاد انطته اله يشوفه لان جان مهيمن و عمو موجود يعني مو بس بنات
البنات كلهم راحوا يمه يتفرجون ولا عبالك جانن موجودات هو يباوع بل تصوير ويرجع يباوع عليه وابتسامة واضحة عاط بيهن لان كلها التمت اخذ الموبايل ورسله على جهازه
لا يربيييي ليييش هيييج نوب اخذه وما اكدر احجي شي بقيت مصكوكه شوي وغيروا مجرى الحديث اني استاذنت وطلعت امشي على الدرج واغم بكصتي على سوايتي وادردم ما شفت دربي من الفشله
"امدااااج امدددداج ثوووول يربييي شسوييييت بحالييي الله ياخذني الله ياخذني شلون ركضت كبرررر كوووون اييي والله كبررر" قصص وروايات عراقية كرار صلاح
سمعت صوت ضحكه وراي التفتت لكيته واكف وراي ويسمع كلامي لاااا هنا الوضع صار ما ينسكت عنه
وكضت للحمام وقفلته عليه بقيت هواي بي بل نص ساعه سمعت مهند يدك الباب "شام شبيج بيج شي صار نص ساعه وانتي بل حمام "
حجيت بثكل "هااا اييي هسه اطلع"
ذبيت على نفسي ماي حتى يكول جنت اسبح وتغطي على الفشله الي اكلتها راح اسوي نفسي ما مهتمه طلعت من الحمام و هو دخل استغربت هذا شبي كل شوي يسبح
مشطت بسرعه ورحت انام حتى ما اتواجه ويا بعد دقايق دخل للغرفه اسمعه يفتر وشغل الاضويه واني مسويه روحي نايمه واني شبعانه نوم اصلا
شوي وهدوء تام الاضويه طفت وسمعته اجا نام بصفي وسحب الغطه ونام وياي هنا تشنجت و ابعد بروحي بحجه نايمه واتحرك

ابتعدت شوي ارتاحيت بعد دقايق مرت
ما احس اله و لزمني من خصري وسحبني لعنده


يتبع.......

قصه جريئة لفتاة تتعرض للتحرش و.............

#بارت 12

...........................

من ابتعدت عنه اتنفست شويه دقايق وما احس اله لزمني من خصري وسحبني اله
همس يم اذني "ما جنت اعرف هلكد فرحانه بيه حتى هيج تركصين ...لو ادري بيج هيج جان سويت هل خطوه من زمان ...هيج تحبيني و ساكته هااا يا حياله و تتدللين عليه ...ادري بيج كاعده ...من صدك ما متندم على ذيج اليله تذكرين "
جان صوته بي بحه ويحجي باستهزاء و حقاره "مو علمودك اركص ولا فرحانه بيك ...بس احب انفه عن نفسي ...ما احب يتعكر مزاجي "
ما اهتم لكلامي سحبني لحضنه اكثر وهو يشم بيه و دافن راسه بصدري
حجيت بصوت كوه يطلع "مهند مو كافي ..والله لعبت نفسي عوفني اني هم بشر ليش هيج تعاملني ...لبارحه اذيتني حيل مو كافي ارحم بحالي "
ابتعد و عافني دار ضهره ونام اني كيفت ما عولت انزل اكمل السهر اني والبنات
نزلت يمهم حجت هنا "هااا عيني شعندج نازله وتاركه العريس الوحده "
ردت اختها الي اكبر منها مزوجه ابن خالها اسمها مروه "دشوفي حالها مبين ماخذ حقه ...سبع هنودي ما يترك حقه وتغمز "
حجيت "اووووي شكد سخيفه "
ردت عليه "امممم هي من الاوي مالتج السخافه"
كعدت يمهم شويه ونسولف دخل علينا عمو "ها عمو شام شو هنا روحي يم رجلج ...وانتن يله بابا نامن باجر ورانا كعده من الصبح ...الخطار رايحه راجعه علينا "
رديت "يله اني اروح تصبحون على خير "
صعدت للغرفه وادعي ربي يكون نايم
دخلت شفت ما حجه كلت اكيد نايم اخذت مخده و اتجهت انام على الكاع ما ارتاح بل نومه هناك
"شاااااااااام شنووو هل حركاااات هاااا منو سمحلج تنامين بغير مكان "
رديت "عزااااا كمزتني على كيفك ...وبعدين ما ارتاح هنا اريد بل كاع "
رد "بلا عناد تعالي نامي لا اكوملج "
افففففففففففففف اجيييييت اجييييت "
نمت و درت وجهي عنه حتى ما تغطيت والغرفة بارده من السبلت كمت ارجف بس كرامتي ما تسمحلي اخذ الغطه من عنده واتغطى ويا قصص وروايات عراقية كرار صلاح
حاولت انام ما كدرت بقيت كاعده وارجف خشمي جمد من البرد بارعت عليه نايم بسابع نومه اخذت الغطى منه و عفته مكشف شوي دافيا
رد "افففففففففف يعني شلون بهل ليله ما تخلص "
رديت "بسم الله الرحمن الرحيم انت مو نايم شكعدك ...اعوذ بالله منك "
رد "يعني شكعدني غير خباثتج لج موتيييينننني ناااامي وبطلييي هل سوالف خل اناااام رحمه لجدج "
رديت "نام هو منو لازمك مدكلي اني شمسويه وبعدين شنو تكول خبيثه هااا شمسويتلك...اني ما اعرف اتغطى وي واحد اتضايق... وجنت بردانه ومابيه اكوم "

رد "ايي مو اكلج خبيثه هاي السوالف ما خباث ...و بعدين شنو ما تعرفين تجيبين غطى "
شمرت الغطى ودرت وجهي
ورديت "دهاااك والله موتتني عبالك مدري شماخذه منه هسه هو شحاله "
بقيت هيج بردانه و لامه نفسي من البرد ما كدرت انام حسيت اكو حركه على الجربايه اتشنجت واكول اهووو بدينا ليوم شيخلصني سحبني عليه شبكني و ذب الغطه علينا ثنينه
ما سويت اي حركه ما انكر ادفيت كمت اغفي الى ان نمت
كعدت الصبح بعده ما كاعد اريد اسحب روحي منه ما اكدر ما اريده يحس ويكعد
بقيت شويه وهم رجعت احاول اسحب نفسي منه حسيته قوها لزمته الي اووويييلللييي هم كعد جنت منطيته ضهري وهو مجلب بيه
دارني عليه ويباوع بوجهي هنا من صدك قطرة دم ما بقت بيه من الخوف والخجل مدري شبي هيج يسوي شو اول ليلة طيح حضي بس من اجينا لهنا شوي صار يتعامل زين
بقيت احير وين اخلي نضري وهو يباوع بوجهي وكلشي ما يحجي قرب وجه عليه حييييل و باس شفتي وكصته مخليها على كصتي حاولت افلت نفسي منه ما كدرت
اتقربلي واني مثل الجماد مره ادفعه ومره اسكت منه انتضرت يعتقني بفارغ الصبر
"مهند فدوه وخر "
ماكو رد مستمر ولا كانو سمعني
كل ما احجي كلمة يزيد صار يبوس بيه بقوه و يوخر بملابسي شكد اكره هاي اللحظة اتمنى اموت ولا هيج يصير بيه صرت اتوسله يتركني بس ما يسمعني او مطنش همه نفسه وبس شكد استحقرته
بقيت مشنجه نفسي و كلبي يبجي دم من القهر من صدك يحسسني اني رخيصه ويكرهني بروحي
ابتعد عني لبس ملابسه وطلع للحمام اريد اصرخ اريد ابجي ادمرت والله مقاومة البكاء أقسى من البكاء نفسه
اشعر برغبة ملحه بل انهيار الصراخ البكاء تعبت من كثر الكتمان ماعندي حل غير السكوت والتصرف بشكل طبيعي
اتمنى اختفي ما اريد احد يشوفني كرهي لنفسي يزيد احس بهوان نفسي صرت ما احس بقيمة نفسي اكو غصه بداخلي دمرتني وجعتني اريد تطلع دموعي واصرخ
ما جنت اعرف الحياة هيج تصير صعبه ما تخيلت بيوم اتمنى الموت صرت ما ابجي من كثر القهر اشوف البجي ما ينفع ولا يشفعلي

كلشي صار مو برغبتي اصعب شي انو تنجبر بشخص ولازم تسكت وانت الممنون بس الغصه تبقى بل قلب
حسيت صوت رجلين بباب الغرفه و الباب انفتح غطيت نفسي حتى راسي وبقيت بمكاني اريده يطلع جنت مرتاحه ببيت اهلي عازلة نفسي ومحد يزعجني ومطنشه كلام الكل هسه مجبوره اعيش وي الانسان الي دمرني ويبقى يوميه يأذيني ويجبرني صرت تحت رحمة شخص ما عنده لا ضمير ولا مشاعر اجبر نفسي اتعايش وي الوضع بس كل يوم يمر اشوف نفسي غلطانه وما اصلح للعيش بهل حاله يمكن اذا ابقى وقت اطول اموت قهر و حركة اعصاب

صرت احاول اضوجه وانكد عليه عيشته حتى يتندم جبرني بل زواج و اعتقد راح اكون تحت امره بس هيهات اذل روحي كااافي خوف ووجع وكبت لازم اكوم لحيلي وارجع لطبيعتي لااا والله مو ارجع لطبيعتي ارجع اقوى من قبل
اذا ما اندمه بسيطه كل هذا الكلام يدور براسي بس من اذكر افعاله وياي احس بل خوف والضعف
دخل للغرفه بدل و مشط وطلع شكد كرهته كمت من مكاني لبست ملابسي انقرفت من حالتي اخذت ملابس من الكنتور واتجهت للحمام
صار هو المكان الوحيد الي ارتاح بي من كل شي ابقى شكد ما اريد افكر و أتأمل ارتاح من وجود مهند ولو هو حتى من اتاخر يجي يدك الباب
طولت بل حمام كاعده جوه الدوش و صافنه تفكيري مشتتت افكر باكثر من موضوع بنفس الوقت هذا الشي تعبني
اااه واكثر شي يتعبني من اذكر الماضي وحياتي الصافية جانت حياة مثالية بالنسبة الي راحت بال ودلال وضحك وونسه مدرسه مستقبل هذي حياتي اكثر تفكيري بل مستقبل واخطط شصير وشسوي واسافر
اما هسه لا حياتي صارت عذاب ضغوطات تفكير وجع هنا احس كلشي توقف لا مستقبل ولا دراسة كله انهدم بلحظة ماكو شي يستحق اكافح لأجل
قطعت تفكيري لان صار يعذبني لبست بسرعه حتى اطلع
رحت للغرفه و عدلت نفسي وشكلي ردت اخلي مكياج بس بعدين فكرت ان ما يستاهل اخلي مكياج ابقى هيج على طبيعتي
نزلت لجوه شفتهم يتريكون وهو وياهم صبحت عليهم ودخلت للمطبخ ماكو احد رحت لغرفة هنا جانت نايمه
"هنااا هناااا كعددددييي ولجججج تعاليييي شووووفييي شصااااررر ساااالفه تفووووتج يلللة "
كعدت مخروعه "هاااا ولججج شكووو شصاااايررر منو مااات "
رديت "ووجع اسم الله "
ردت "لعد شكو مكعدتني من الصبح "
رديت "يلا كومي ولج يا صبح هذا ضايجه لوحدي وانتي نايمه "
ردت "روحي يم رجلج وخلصيني شكو جايتني "
رديت "مااااا مااا يلللا كومي فدوه من البارحه ولسا نايمه تعبت من الكعده والنوم "
"اوووووففف اوووففف كايمه "
شو هاي كعدت وكابلتني لا غسلت لا طلعت
"شكووو ولج كومي غسلي "
"شعليج بيه ما اريد اغسل ..تعالي سولفيلي شسويتوا ها "تحجي وتغمز
رديت "كبررر شكد منحرفة وادب سززز هسه كاعدتج حتى تساليني تففف عليج "
ردت "على كيفج عيني يل مؤدبه...هو انتي من لبارحه ولسه كل ما تنزلين مطكعه هسه من يمي صرتي تستحين ...بالله باعيلي شوف ركبتج شصاير بيها هههههههههههههههههههههههههه هذا هم ما يكعد هنودي "
رديت "انوب شلون بيه وين اولي كلها ادبسزيه اطلع من اخوج الكاج انتي ...والله متتت "
ردت "شبيج متي عيني ما عاجبج "
"لااا ما عاجبني عندج مانع "
ردت "لا لسا ما مشتريه عود من ازوج ...وتعالي شبيج متي ها "
رديت "من اخوووج موتني زهكني والله لعبة نفسي اريد انهزم بس وين اولي وانتي حتى ما تجيني تصعدين يمي "

ردت "لا عيني استحي شجايبني خصوصيات "
سكتت عنها
رجعت حجت "انتي ليش احسج ما عاجبج الزواج لعد ليش تزوجتي شنو الي جبرج تقبلين وحتى ما اشوفج مهتمة بمهند ولا تحبي ...بس من اشوف مهند احس عنده لهفه الج ويحبج انتي ليش هيج تعاملي حتى كل شوي يسالني اكلت شربت شسوت ...وحتى قبل لا تتزوجون يوميه يدزني لبيت جدي بحجه اشوف جدي وبيبيتي شيحتاجون... ومن ارجع ما يسالني اله عليج ...ترى كلها منتبهتله ...وامي جانت تريد تاخذله بت خالتي وهو ما قبل يكول اريد شام ...متدرين شكد جان يحجي بيج ويتمناج... من انخطبتوا ولسه وهو يوميه يحجي بيج يمي ويعبر عن فرحته بوجودج بحياته "
بقيت ساكته واكول بداخلي واضح شلون يحبني دمر حياتي كل هذا ما يشفعله الي سواه بيه واذيته الي
يحجي بيه يوميه وهو كل يوم يمر من الخطوبه يدزلي تهديد لو يخوف بيه ويتحلف شيسوي وفعلا جان كد كلامه ما انسى العجز الي حسيته و فقدان الأمل
مر هل يوم وخلصتها اني و هنا يا اما نسولف او تنضيف و ام مهند ما تقبل اشتغل تكلي بعدج عروس و شعدنا تنضفين
صار المغرب واحنا بعدنا خطار وناس تروح وتجي .. انهلكت من البوس احس فجي راح يوكع
هنا "هااا شام شبيج شو صافنه "
شام "ما بيه شي بس طاح حظي من الخطار والمباوس "
هنا "هههههه انتي ليش تكرهين البوس "
"يععع اتقززز مدري ليش خصوصا اذا عجايز او شايب احسهم يتفلون عليه .."

"هههههههههههههههه كبر اي والله.. شو اني احب البوس وعادي "
"ايي خيه طالعه على اخوج .. هو هم يحب البوس النهار كله يمصمص عبالك مدري شكو .. شايفه توم من يجلب بل بزونه ويطيحلها دك بوس .. اخوج نفسه .. امج مدري شتنست بي "
"ههههههههههههههههههههههههههههههههههههههههههههههههههه واكف وراج "
التفتت شفته واكف .. كرصت هنا
"شكد حقيره غير تكولين "
هو واكف ومجتف ادي ومبتسم "كومي هنا اريد احجي وياها "
لزمت هنا "لا ترحين وتعوفيني هنا اخوج منحرف "
"انجبي لج .. غير رجلج روحي هنا "
جنه كاعدين بغرفة هنا .. رادت تطلع وهو اجا يتقدم عليه
"عمووووو عمووو تعال "
اجت عمتي وعمو "ها شكو شبيكم "
"يابه ماكو شي بس هاي يرادلها ضب "
"عمو والله معليه هو واكف يسمع بحجينا غير بنات ونحجي بيناتنا "
"شبيك مهند صدك جذب حاط عقلك وياها "
شام "ها عمووو هيج صارت .. يعني اني زعطوطه وحاط عقله وياها "
ضحك عمو "لا حشاج بابا .. يله تعالوا بل صاله نكعد وبدون مشاكل "
مهند"والله يابه بنت اخوك ما تكعد راحه وتتحارش بيه .. ها شام اكله شتحجين "
ضربت على خدي واعض بشفتي لحتى يسكت ضحك وراح
هنا "هااا اله هيج يله تمشين عدل "
كرصتها من خصرها "انجبي الحقيره عبالي تضمضميلي تالي تفضحين بيه شكد جلبه "
سمعنا صوت الباب انفتح دخل مهيمن هو وبابا وماما وجدو وبيبي ونور
كمت سلمت عليهم وكعدنا سويه عمو كال حضروا الاكل
راحت هنا هي ونور وماما اخذتني يمها
"تعالي ماما سولفيلي شبيج شو ما عاجبتني .. صاير شي ولو اني ادري انتي السبب بكل شي لسانج محد يسلم منه الله اعلم شمسويه "

"اوووو ماما دوم تخلين اللوم بيه عبالك مو بنتج عدوتج "
"احجي عدل لا اطيح حظج "
"هو اني هاي الي اعرفها ياهو الي يلزمني يطيح حظي "
"هششش فضحتينا شبيج مكروصه .. تعالي سولفيلي شسويتوا "
فد خجلت اول مره ماما هيج تحاجيني "ها ما صار شي عادي "
ضحكت "هو شنو عادي "
"يااا ماما شبيج صدك جذب ترى عيييب "
"ههههههههه لا ماما ماكو عيب اني امج .. خوما تاذيتي وجهج اصفر من اجيتي "
"هاا لا يعني عادي "
"امممم عادي خوش لعد جا احنا شنريد منكم .. الف مبروك حبيبتي ان شاء الله اشوف حضنج مليان اطفال "
"اييييع ونوب اكوم اشطف وراضع لا ما اريد "
"مو هو على كيفج .. المهم عوفينا من هل كلام .. اخوج خابر عليه يكول ادك عليها وما تشيله حاجي ماما يريد يباركلج "
"مااا احاجي لعد هو ليش ما اجا وشافني "
"اولا مشغول ثانياً عيب يجي على عرس اخته قابل انتي ولد ويجي يركصلج "
"زين هو ما ناوي يرجع والله اشتاقيتله .. صار شكد ما ملتقين "
باوعت عليه نضره ما عرفت افسرها مدري ليش اجتاحني شعور مخيف
تنهدت ودارت وجها عني ما حجت
اني عفتها وكمت رحت بل مطبخ يم البنات واسوي زلاطه ولبن .. دخل مهند ابتسم "يمااا ليش مخلين مرتي تشتغل "
باوعتله صفح خطيه ميت عليه الحقير
ردت عليه عمتي "يا يمه اركض وراها ما تنرد "
"لا عمه قابل يروح نصي عليمن "
"غير بعدج عروس وبعدين شعدنا احنا هو بس انتي "
ابتسمت بوجها بعمري ما شايفتها هيج تتعامل دائما مبتعده على النسوان الكبار حدي وياهم بس السلام
ما جنت متوقعه هل مره هيج لطيفه
كملنا وصرنا نقدم بل اكل والتمينا كلنا بيبي صاحت عليه اكعد يمها رحت عليها
بيبي "يا يمه الف مبروك ان شاء الله اشوف جهالكم تارسين البيت .. يا خيبه صايره حلوه لايكلج الزواج "
شام "يااا هو اني من يوم يومي حلوه شنو على الزواج صرت .. بعدين شنو قصدج جنت مو حلوه "
كلها تضحك
مهيمن "شنو هل ثقه والغرور .. الله عليييج اهنيج طبعا "
هنا "هاي عاجبتها روحها "
شام "ايي طبعا عاجبتني روحي "
كنا كاعدين على الاكل ونسولف ونحشش
نوب بدا الجاي والماي والكعده الحلوه وجدو يسولف على ايام كبل جانت اللمه روعه بمعنى الكلمه
طلعوا بيت جدو والجماعه كلمن راح لغرفته هنا جنهم دجاج من وقت ينامون شكد اكره هاي العاده

صعدت لغرفتي مهند نايم .. اني هم تمددت بس النوم طاير من عيوني حتى ما ادري بيمن افكر

ثاني يوم اخوات هنا المزوجات كلهم راحوا اليوم بقيت بس اني وهنا بل بيت ومهند كل شوي يطلع حجه حتى اروح ليمه كل شوي جاي ماي شيلي هاي جيبي هاي بس كل هذا ما انطيته وجهه كل ما يصيحني ادز هنا
هي مستغربه فـ كلتلها استحي ما اعرف اقتنعت او لا بس موتها كل شوي يصيح اخير شي صعد لفوك وصاح بأعلى صوته "شاااااااام تعااااليي "
كلبي انخمط من الخوف صعدت ورجلي وحده تضرب بل ثانيه وصلت للباب مال غرفه كل ما اريد افتح اتردد اخير شي فتحتها كلت لا يصير عصبي
ومثل ما توقعت صاير بركان من العصبيه اول ما دخلت تقدم الي بسرعه ولزمني من زندي نبت اصابعه بيه ورافعني اله

"قسم برب العزه اذا ما تمشين عدل يا شام اندمج ...من اصيحج وادزين هنا شنو معناها هاااا ؟ اني كلللتتت هنااا ؟ مو صحتج الج ليش ما تجين ؟ لو تستنكفين تخدميني ؟ امحييييج من الوجود اذا ما مشيتي عدل خووووووش ؟
سكتت عادها مره لخ تسمعيييييين فهممممتتتتييي شكوووول ؟
هزيت راسي ومنتضره يعوف ايدي عاط بيه بقوه
"ارييييييييدددد اسسسسمعااااااهاااا منججج ...كوووووللللييي اييي لوووو ماتنزليييين نفسسسسج لهل مستوى مو من مقاااامج لااااازززممم ؟.."
رديت "ايي ايي بس هد ايدي وجعتني "
عاف ايدي و شمر عليه ملابسه "اكوووويييهمم "
اخذتهم اكوي بيهم و متحمله ما احجي او ادردم لو اعترض وجهي احسه صار احمر من العصبيه والقهر ما متعوده على هيج معامله كوه مصبره روحي
هو واكف يباوعلي شمرتهم على الجربايه وردت انزل لان اذا ابقى ما اضمن نفسي واصرخ وجهه
اريد اكله واشرب من دمه
فتحت الباب "وييييييييييينننن ؟ شكلللللتتت انييي هسه ؟ "
جاوبت "كملت كوي بعد رايد شي "
رد "اييي من اكمل اطلعين ما دام اني هنا ما تنزليييين اله تاخذين أذن " قصص وروايات عراقية كرار صلاح
رديت "ماااشي استاذ مهند ممكن انزل جوووه كمللللت كلللشي "
رد "لاااا "
"لييييش يعني ؟"
رد "بكيفي بمزاجي من يعجبني عود اكلج يله ارح اسبح اذا لكيتج طالعه اسحلج سحل "
طلع من الغرفه كمت اضرب على نفسي من العصبيه وادردم بصوت ما اكدر الزم نفسي موتتتتنيي
"ااااخخخ ياااابه راااااح امووووت والله الحكييييلللليييي يمةةة مووووتنييي والله موتتتتنييي رببببييي ليييييش ماااا تشوووووففف لييييييش ماااا تخلصنييي متتتتت والله متتت ليكوووولللل خددداااامة عند الخلفوووو مشتتتتترررررييينييي بفللللووووس ويعاااامللللنييي حالللللي حااااااللل الحيوااااان ااااااااااااااااه الللللللله ياااااخذكككككك ويخلللللللللصنييي رببببيي لو تاخذه لوووو تاخذنييي اررررييييد اخلللللص يضرررررببببنييي وااااسسسسكتتت يهينييي وااااسسسسكتتت بسسسس كااااففييي تعببببت "
اضرب بنفسي ملخت شعري من القهر والعصبيه صرت دم ما اشوف دربي لملمت الغرفه واني افتر وادرردم
جنت احجي بصوت ومنفعلة ما اعرف سمعني او لا بس ما اهتميت ولو هو الحمام بعيد عن الغرفه قريب على الدرج و بيناته غرفين غرفه مهيمن و غرفه لخ مخزن
جبت سطل ماي و وصله امسح الغرفه ولو هي نضيفه بس اريد اضيع وقت وما اشوف وجهه
رفعت ملابسي و دنكت امسح دخل للغرفه وركع الباب رفعت راسي من الكمزه واباوع عليه شعنده هل مره انوب باوع عليه شو سكت و راح بتجاه المرآيه يمشط ويخلي عطر عدل نفسه

من راد يطلع اتقرب مني رفعت نفسي اشوفه شيريد انوب "اوامر ثانيه "احجي ورافعة حاجبي

يتبع ............