قصه جريئة لفتاة تتعرض للتحرش و.............

#بارت 6

قَلبِي مُشتعِل بِحرئِقٌ صَعبُ أخمِادها ، أشعُر بأنِي احتَرقُ بِينما جَسَدي باردُ المَلمس ، شُعَور الذَنبُ يتفاقمِ بِداخليِ ، أتأمُلِ مضَجعُي وقلة حيلةَ ، أيامٌ بِانتَ ، مكررةَ ثقيلةَ ، المياةَ المالحَه غادرتنِي ، والعيُون تَعبة ، لم اعُد اذگٌر متىَ أخر مُرة غبتٌ فيها عن واقعاً مريراً باتَ لا يفارقُني ، لا أذكُر ...


لمن حجيت كلشي تعبت وتعذبت كلشي تذكرته جنت اريد اخلص من الحمل الي بداخلي بس ما خلصت
تعبت نفسيتي انعاد كلشي بمخيلتي ادركت ان شام القديمه راحت اختفت اتبخرت ابتسامتها و حبها للحياة و اختفت الطاقة الايجابية الي كنت حاملتها
صار بمكان شام القديمه شام الضعيفه المهزومة المكسورة المحطمة الكأيبه
صرت مختله نفسيًا تفكيري كله تركز بذيج الليلة تعبني التفكير المستمر بيها اتذكر بوقت الي حجيت كلشي لنور ومياسه
بقيت اتكلب بفراشي مخنوكه تعبانه اريد اعيد محاولة الانتحار بس فكرة الموت ترعب ما ادري شلون تجرأت وانتحرت بذيج الساعه جانت لحضه غباء مني وتراجعت عنها
ادركت انو ربي ما رايد اموت بذيج الساعه و خلصني من الموت ما اعرف وين نهايتي وشلون تكون
تعبت من عدم البكاء امر صعب فعلًا انو تكون مخنوك وداخلك نيران تسعر وتحرق قلبك وادمر ما تبقى منك ضوضاء بداخلي ووجع وحلم محطم
وكل هذا الي بداخلي ومن الخارج قطعة جليد الامر أشبه "بأخرس" سقط على جرحه ملح فـ ألتهبت روحه وأشتهى الصراخ ولم يستطع!..
كنت بصراع مع روحي الملتهبة صرت اتمنى ابجي اتمنى اصرخ اريد اصرخ بأعلى صوت
ملامحي هادئة بس بداخلي ضجيج و وجع اااااخ على هاي الايام شيخلصها
تعبت من نفسي ومن حزني احتاجيت لربي اريد اشكيله وجعي محد يفهمني غيره محد الي غير الجليل
اريد اشكيله أذى مخلوقاته شلون عذبني ونهش لحمي
رحت اصلى جانت الغروب بس بعده ما مأذن
رحت اتوضى امشي. دايخه من قلة النوم وعذاب الضمير بسبب محاولتي للانتحار
جنت خجلانه من لقاء ربي بس هو اعلم بذات الصدور من صدك احتاج اله ينور دربي ويهديني
قريت قران بهدوء تام وكلبي ينعصر بعد كل ايه من ايات الله كأنو القرآن يكلمنا ويطمنا فعلا هو شفاء لذات الصدور

ايات القران سكينه و رحمه نزلت علينه اقرا بتجويد جان صوتي حلو بل تجويد تعلمت من امي التجويد وصوتي احلى من امي صرت
طابت روحي للقرآن وارتاحيت نوعًا ما سمعته أذن تصدقت وكمت اصلى صليت المغرب وتأخرت حيل بيها وكأني اناجي ربي ما اريد بعده عني
اريد اتقرب لربي وتكون علاقتي قويه بالله عزه وجل عسى ولعل يحل مشكلتي وينور قلبي
كنت من اسجد اطول هواي الحمل كله انزاح من على قلبي احس نفسي خفيفه وكأني من اسجد للجليل اذب كل التعب والحزن كلشي اختفى تجدد امل بداخلي
وقوه غريبه اجتاحتني بعد ما كنت فاقده الامل من نفسي اخر شي من كملت الصلاة سجدت وصرت احجي كلشي
صار واحجي مشاعري واحاسيسي ووجعي واطلب واناجي ربي اريده يستر عليه ويريح ضميري
ضميري يأنبني وكأني كنت السبب بلي صار خليت اكثر اللوم على نفسي ونسيت حيوانيته ووحشيته الي ببالي اهلي راح شرفهم اتلطخ
جنت كل غلط ما اسوي حتى ارفع راس ابوي جان مدللنه ويحبنا وكلشي نريده يتنفذ
ما اريد اكسر اهلي بيه كنت قدر المستطاع ارفع بيهم واحافظ على نفسي في سبيل يبقون مرفوعين الراس
بس كل الي صار خارج إرادتي ... حتلو ما يعرفون شرف بتهم ضاع فـ هذا بحد ذاته مأذيني كسرتهم بدون علمهم يا ترى شيصير بيهم اذا عرفوا اكيد اخسرهم اكييييد
و من جهه لخ عذاب ضميري بسبب محاولة الانتحار استغفرت ربي هواي بذيج اليله
لساني يرد بل استغفار واطلب السماح حتى واني بفراشي استغفر
ابد ما اكلت بذيج اليله عفت كلشي واتجهت الربي
نمت واني اردد بطلب السماح من ربي جانت احلى نومه نمتها بعد ما انتحرت صار النوم بخانة المحظورات بالنسبة الي
بس بهاي اليله نمت مرتاحه ومطمئنة و خفيفه كألفراشه
نمت هواي بيومها لان ما نايمه زين بذيج الفترة
كعدت الصبح مليانه حيويه نزلت لجوه لكيتهم يتريكون كلها فرحت بوجودي و اطمأنوا انو اني بخير
ورجعت لطبيعتي بس اني ساكته وهادئة مو مثل قبل صارت عندي الضحكه بفلوس حتى قبل اضحك لاشياء تافهه هسه حتى مجامله ما اجامل وابتسم
صبحت عليهم وغسلت وكعدت اتريك
جدو : تعالي يبعد بيتي تعاي يمي ابوي انتي مشتاق لسوالفج لحلوه ليش هيج حارمتنا من شوفة هل وجه السمح
كمت من مكاني كعدت بين ابويه وجدي اول ما كعدت باسني جدو براسي
جدو : اي هيج اريدج تسمعين الكلام و ترجعين النه
ابوي من ذاك اليوم الي ضربني وحتى من انتحرت ابد ما حاجاني وضايج مني بس امي بجت بجي عليه ما انساها دموعها تنزل بغزارة على خدها وهي تبوس بيه وتشبكني وجني راح اطير منها

اما بابا الي عرفته من انتحرت انجن عليه وحتى متخربط واني بين الحياة والموت
بس من صحيت رجع للبيت و ما شفته ابد
كعدت اتريك كلها تحجي وتحاول تضحكني بس جنت مثل الصخره ما ابالي بشي بس مو مثل قبل بس ابجي هسه اي شعور ماكو بداخلي
تجمد احساسي بقيت اليوم كله ما صعدت غير وقت الصلاة ساعدتهم بل تنضيف بس محد يخليني امد ايدي وامي طايره بيه و نور هم كذالك مكيفه

خلص اليوم و صرت انزل بس قليل ومن اشوف احد يجي اصعد فوك ما خليت اي شخص يشوفني بس علمود اهلي بس كل هل فتره وبابا ما يحاجيني مر تقريبًا شهرين من محاولة انتحاري بهذا الوقت تقرب الربي و بينت ندمي على قدومي للانتحار بنيت علاقة متينة مع الخالق

وبيوم من الايام كمل اليوم شلون ما كان بدون اي احدث يذكر
صعدت سبحت ونمت كعدت الفجر جسمي ما اشيله من الصخونه و صوتي مطبك وبلاعيمي ملتهبه وجسمي يون ويرجف
بقيت هيج انام واكعد لحد ما الصبح اجتني مياسه تريد اكوم اتريك
من شافت حرارتي تخبلت ونزلتلهم تركض ابوي حضر سيارته و البنات بدلولي و نزلت اسحل بروحي
راحت ماما وياي للدكتور
انطاني علاج و كتبلي ابر و بخاخ لان صدري ملتهب ورجعت للبيت
نمت جوه ما اكدر اصعد لفوك للعصر كعدتني مياسه علمود اخذ علاج و اكل
بل كوه اكلت و شربت علاجي جنت ملفلفه بل بطانيه كدام الصوبة بل صاله دخلت مياسه

مياسه : من شفت حرارت شام تخبلت رحت ل عمو كلتله عليها بسرعه لبسناها وراحت للدكتور
اول ما اجت من الدكتور نامت من الابر والعلاج حتى ما اكلت شي بهل فتره ضعفت حيل بسبب القهر والمرض صارت حياتها مستشفيات

نامت للعصر كعدتها و جبرتها تاكل حتى تاخذ علاجها اكلت وكابلت الصوبة وكعدت صافنه بل نار
وكاعده رحت سويتلها حليب دافي زين لبلاعيمها و جبت كعك واخذت الي هم كوب حليب
كلت الها
شام اشربي حليب زين البلاعيمج وصدرج
شربت و اكلت كعك ويا

مياسه : شام مو كافي كومي لحيلج شبيج ارجعي شام الي نعرفها ليش هيج محطمة نفسج ومن مستشفى لمستشفى اهلج يوميه مهبطتهم كل فكرهم يمج وبلي يصير وياج ترى حالهم يبجي الكافر حايرين ويتناقشون بوضعج وساعه يتعاركون علمودج كافي لخاطرهم كافي
ارجعي النا اشتاقيتلج ولضحكتج والله البيت كله طافي بلاج
شام : اخذت حسره

اااه يا مياسه ياريت الموضوع بهل بساطه جاي اموت من داخلي اتعذب خلي الحجي هسه ما اريد الموضوع ينفتح كل شوي لا احد يسمع وابتلي فوك بلوتي

بقيت مكابله الصوبه وكاعده صافنه بل لا شيء افكر بحياتي مستقبلي الي صار اهلي سمعتي شرفي كل هذني ببالي

"يا لكثافة ما تراه في شرود ذهنك وانت تحدق في شيء صغير "

سمعت صوته المقزز المقرف اجاني المغص ردت اكوم

فات للصاله
مهند : السلام عليكم

يتبع...........

قصه جريئة لفتاة تتعرض للتحرش و.............


#بارت 7

****🌹****************🌹****

شام : ما لحكت اطلع من الصاله حيلي مهدود وهو كبل دخل
مهند : السلام عليكم
مياسه : وعليكم
شام : ما رديت عليه السلام كمت اروح لفوك
جدو دخل
-وين بويه اجه يشوفج من سمع مريضه
طيبي بسرعه حتى تصيرين مرته رسمي
(كلبي صار بي خفقان وفحطت لعبت نفسي عيوني فتحتهن كل قوتي خوف على قرف على مغص )
-جدو اني ما اريد ازوج اريد ابقى هيج ماااا والله ما اريد سد الموضوع
-جا هو متانيج من كبل وهسه انتي لا مدرسه لا عندج شي عليش ضاله هيج ابن عمج رايدج احسن مما ترحين للغريب
-ما اريد وخلص سد الموضوع فدوه والمدرسة ارجع ما ابطل بس جنت تعبانه
-حجه مهند : اجت نصف السنه وانتي كاعده شلون ترجعين وبكلوريه خلينا نخطب حتلو تضلين سنه يله نكمل الزواج
-مااااا مااااا والله ما ازوج والله ما ارييييدك لو تموت ما ازوجك
-ووجع حتى وجع لو ما اكول مريضه جان عرفت شصرف وياج شلون هيج تحجين وي رجلج شو ما تستحين الضاهر ادللتي زايد
-سكتتت لا تكبر السالفه وتصير عناد صعدت الغرفتي وكلبي يرجف من الخوف
صعدت وراي مياسه هي و نور
مياسه : ليش هيج تسوين ولج لا تنفضحين الله ياخذج على هل دكه خل ياخذج ويصلح غلطه يعني شنو تبقين منو ياخذج ننفضح والله اقبلي بي لا تعارضين
نور : كلام مياسه صحيح وافقي لا نبتلي بعدين الله وكيلج تخسرين روحج طمطمي السالفه نوب اني خايفه لا اطلعين حامل وتبلينا والله تنكلب حياتنا اذا صار هل شي
شام : لاااااا لاااااا مستحيل حامل الدكتوره انطتني علاج

مياسه : هي دكتورتيش لخاطر محمد بس خيطتج و حتى التقرير من ورا خشمها دفعتنا شلون ما جان ولج بس لا صدك وتحبلين يمااااااي الله لا يكولها

هو جذب بس تريد تخوفني حتى اوافق
شام : والله شككتني بروحي اسم الله اذا صار هل شي اموت ولله
نور : اكلج هم عندج لعبان نفس تحسين بشي انتي حتى خامله مدري شبيج لا صدك واطلعني حامل تتصخم وجوهنا
شام : لا ماكو شي لا توهوسين وتخلين اشك بنفسي
بقت مياسه ونور يقنعون بيه بموضوع مهند بس تفكيري غير ما اخلي يحقق مبتغاه ويخليني امام الامر الواقع حتى اوافق بي

تعبت من التفكير بل موضوع بس كل البالي ما اوافق عليه مرت الايام واني بين الغرفه وبين صلاتي الي التزمت بيها وتقربت من ربي بهل فتره كثير كانت هل فتره اشبه بعلاج نفسي الي طابت روحي للقران ولقرب ربي
جنت حتى اذا ما اقرا اشغل القران بل تلفون واستمع للآيات من انزل جدو كل شوي يصيحني على صفحه ويقنع بيه ويوصيني بمهند
و منا مياسه و نور يلحون ويقنعون بيه اوافق لان الموضوع يزيد ما ينقص كلما نتأخر اكثر كلما تكبر السالفه كالت مياسه طمي عارج ولج لا تخلينا ننفضح وافقي وكافي دلع
هنا كلش انضغط عليه و صار تفكيري كله بل زواج و اخذها منا واردها منا لحد ما قررت اخذ استخارة يالله اوافق
صليت ونمت تحلمت وكان زين الموضوع قررت اتوكل بربي واقبل لان بل حالتين ماكو خيار ثاني
واني المبتليه وافقت بوكتها جدي طار من الفرحه راح ل ابوي و طلبني لمهند ومثل ما توقعت ما يعارض على مهند بس اني نعصر كلبي و متتتت من القهر ما اريد زواج
بقيت الوم بروحي على الموافقة بس بعدين كلت الي يصير يصير ما يهمني شي بعد
صار كلشي بسرعه لان العطله بدت تنتهي يردون يفضون السالفه حتى بل عطله الجبيره الزواج
امي جابت الفستان و حجزت عند صالون راقي
"جان الفستان لون ذهبي وبي هواي شغل كلش راقي مفتوح الضهر والصدر و طويل بس بي جاكه من وره "
رحت للصالون طلبت تسريحه يكون شعري مفتوح وبسيطه ما اريد هوسه وتعبني
سرحت شعري و ما صبغته عفته على طبيعته سوتليا مبروم من الاطراف و بف بسيط وزغير و و ثبتت البف ب ماشات راقيه
سويت تنضيف بشره وحفافه والشيره مال جسم تكفلت بيها مياسه و نور مكياج بسيط مو هواي اكره المكياج المبالغ بي
طلعت غير شكل بل خطوبه شكلي راقي ونازك
اجاني بابا اخذني من الصالون و رحنا للتصوير مياسه طلبت اني ما اريد ايشي
دخلنا وصورنا وطلعنا كبل للبيت اني حتى ما باوعت بوجه احد كبل لفوك صعدت
قفلت الغرفه و حزت بنفسي اني المدلله ابوي ما يباوع بوجهي حتى ليوم خطوبتي و انجبرت بحيوان بسبب تسرعه ورعونيته شخص اكرها من كل كلبي راح يشاركني حياتي
واكابله و طاري الزواج الي جنت اتهرب منه اليوم انجبرت بي و راح ازوج ااااه يا شام اااه بس على الزمن الي غدرني
كلشي اكره صار كلشي ما احبه انجبرت بي طولت بغرفتي جنت صافنه بوجهي وملامحي الباردة ليش كل هل برود والنضره الجامدة و خاليه من الحياة ما جنت هيج شلون انكلب حالي
اندكت الباب فتحته
مياسه : ولج شعندج هنا الناس منتضره جوه كلها تصيح وين العروس ما شفناها يله حتى السيد اجه كووومي

شام : نزلت بكل هيبه و ثقه جان هذا الي مبين عليه بس كلبي ميت
سلمت على الكل واختصرت بجمله
'السلام عليكم "
وكعدت على الكوشه الي بل صاله والنسوان والبنات كلها تباوع عليه لان ثكيله مو مثل ما متعودين عليه
و اضحك و احشش
" يله السيد منتضر خلي يعقدون بغرفة جدو وبيبي "
رحت و جابن البنات ايزار الصلاة و كعدت
دخل السيد ومهند و ابوي وعمي
سالني السيد على الموافقه وافقت وهو كذالك رددنا بعد السيد وكملت هاي هي صرت على ذمة مهند
طلع السيد بدت الهلاهل والكولات والركص والديجي باعلى صوت مشتغل
دخلونا يم النسوان و رفعن عني الغطه ودخل مهند بعدي مدنك راسه لان كلها بنات ومفرعات عود يستحي عشتووووا
اني اباوع على الركص وهو منحرج و اصلا ما عرت لوجوده اي أهميه ما اهتزت مني شعره
اني الي اعرفه البنيه تخجل بل خطوبه وتصخن و كذا اني عادي عندي بس هو من النسوان متضايق
صاحت امه لبسها الحلقه راحن جابنه و يلبس بيه و يباوع الي بدهشه ازعجتني نضراته
ردت يخلص الموضوع بأسرع وقت لبسني الحلقه واني شمرتها بيده و درت عنه
عبالهم بسبب الخجل هيج اتصرف
من طلع تنفست شويه البنات يلحون اركص كمت شويه ورجعت لمكاني بدت العالم تخف و راحوا فرغ البيت دخل جدو وبابا
رحت بست ايد جدو و باركلي وانطاني فلوس وابوي كذالك بس جانت عيونه مدمعه من شفته هيج شبكته
هو صار يبجي واني ساكته بس اتكطع من جوه وخرت من حضنه " بابا اعتذر عن كلشي بدر مني وادري اذيتكم هواي وتعبتكم وياي كلش اسفه عن كل يوم سببت الكم الاذيه "
باس راسي
" مقبول اعتذارج بويه وماكو اذيه كلشي منج يجيني مثل النسمه ما تدرين معزتج بكلبي اكثرهن انتي "
بسته ودرت وجهي اصعد لان تعبت وصارت المغرب
" وين بابا خطيبج ينتضرج بل استقبال يريد يحجي وياج "
هزيت راسي و صعدت تلكتني مياسه ويييين يا حلووووه ما اخذت وياج صور لج طالعه اله بشده
خلينا نوثق هل لحضه بعدين تتندمين والله
رحت وراها بل غرفه وبدت تسوي حركات وتعلمني و نصور رغم كلشي هل انسانة ما ارفضلها طلب حتى لو ادوس على نفسي محد وكفلي بكدها
رحت لغرفتي جنت اريد ابدل السحاب ما نفتحت طلعت مياسه نازله دزيت رسالة تصعدلي
اجتني
" ولج يمعزايه الولد منتضر جوه وابوج يمه كل شوي يودي عليج يلةةة بسرعه "
"اوكي بس ابدل "
"ابد والله شو نزلي عليمن خايفه صرتي مرته لا تستحين منه عادي ومو حرام يله "
خليت شال على نفسي ونزلت
دخلت شال عينه وباوعلي
دخلت بدون سلام كعدت بعيد عنه ابوي ترخص وطلع بقينا على هل وضع دقايق بعدها حجه
" مبروك عليج اني ويباوع بانتصار"
سكتت و بس اباوع بقهر عليه
اتقرب يمي وسحب الشال ما كدر يخفي اعجابه واضح على ملامحه
بقى يباوع عليه ومركز نضره
واني احاول قدر المستطاع اضبط اعصابي وما اسوي فد حركه يلزمها عليه
تقرب مني بسرعه وهو يبوس ويحضن غط راسه بصدري ويتنفس بعمق ولازمني كل قوته
ما سويت اي حركه تصنمت اخذني على القنفه وتمدد بصفي وهو مستمر
"كاااافي "
"اششششش اذا تعترضين ما تعرفين شسوي استري على روحج هسه صرتي الي ملكي كلشي بيج تابع الي وبأسمي ما الج حق تعترضين ويطلعلج صوت هششششش هواي صبرت عليج و ردت كلشي يكون برضاج و على حب الله بس انتي الي تحديتيني منو هسه ربح غيري وانتي خسرتي لو جنتي آدميه جان الوضع يختلف انت اضطريتيني اسوي هيج بعد كل حق ما الج "
" كل هذا ما ينطيك الحق بلي سويته بيه "
ما سمع مني وكمل الي بداء جان مثل ذاك اليوم تعامله وياي بوحشية اذاني حيل و كلبي يتكطع على روحي الي صارت رخيصه
حزت بنفسي ضعفي امامه ادفع بي وهو يزيد كانه عناد فتح السحاب جان مغطي نص ضهري لان هو مكشوف الضهر الفستان يتلمس بجسمي و يعاملني بوحشيه
صارت لمساته اكثر جراءه تنرفزت حيل دفعته وكمت ركضت للباب اريد افتحه
اجه يركض عليه يمنعني وهو لازم شعري يهدد بيه ويتوعد لان دفعته
ضربني على حلكي و نشك و دم يجري مسحت الدم بل شال وركضت لحتى ما يشوفوني
كمت ادعي عليه و سلمته بيد ربي نمت بيومها مقهوره مهزومه ضعيفه
كعدت على صوت صريخ نزلت لجوه بكل ما بيه من سرعه
نزلت واسأل شصاير
وبس صوت الصريخ ماااااااتتتت مااااااااتتتت موووووو ماتتتتتتتتتت يااااااللللله ليشششش هيج
صوت ضجه وهوسه وكلها تركض وتصرخ وتبجي اريد افهم شنو السالفه ماكو

حتى جدي طلع برى البيت و ابوي واني اسال بيهم شكو


يتبع ......

قصه جريئة لفتاة تتعرض للتحرش و.............


#بارت 8

................❣️..................❣️.................

في دروب الحياة التقينا ، ومضى الزمان ، ومضينا لنجد أنفسنا فجأة على مفترق طريق الرحيل ، عندها تتصافح الأيادي وتغرق العيون بالدموع لتبقى تذكاراً بين الاحبه سيعود الغائبون في اليوم الذي لا ننتضر فيه عودتهم

تخبلت واني اباوع واصيح منو مااات منو عيوني مفتوحه بكل وسعهم وكلبي يدك بسرعه
لزمت نور وهي تبجي
شام : ولج نور شكو منو مات ليش ما تحجون مهند مات مو مهند مات ليش ما تحجون
نور : تشهك وتحجي
ولج اسـ...... استشهد رضا زوج مياسه.. انفجار بل طريق
شام : عزاااا العزانييي ان شاء الله شلون مات منو كللكم
نور : مياسه خابرته و طلعلها واحد يكللها صاحب الموبايل استشهد
شام : يمةةةة صخاااام خطيه ما يستاهل واللة
رحت يم مياسه فاقده وتصرخ وتبجي اريد الزمها ماكو ملخت روحها

شبكتها بكل قوتي شوي سكتت ونوب رجعت تصرخ بحضني
" ولج شااااام رااااااااح وعاااااافنننننييي راااااااحححح بعد منو اليييي سوووووده علييييه والله كلببببي حاسني من الصبححححح اخخخخخ اللللللله لوووو ادررررري ما اخللللليييي يطلللللع.. ربيييي ليييييييش اخذته مني منو الي بعدددددده منووو حتى هذا تحرمني منه ربيييي ارييييييييييددددده منككككك ولجججج يمااااااااااا ولجججج يمااااااا شوفييييي حااااااالللللي كلشي احببببببه وااااااريييييده يررررروووووح منييييي ويعووووووووفنييييي لللللللييييش هيييييييييج انيييييي فكرررررررر بل اوللللل راحححح ابووووووووي وانتي بعععععدددددده للللللللييييش كل الاحبهممممممم ربيييي يحرمني منهممممم وياااااخخخخذهههههممممم منيييي لللليييش مااااا ياخذذذذ عمررررري ويخلصنيييييي كضييييييت عمرررريييي يتيييييييمه لااا امممم ولااااا اببببببب لييييششش حتى حبيييييييب عمرررري انحررررررررررم منه اااااااااااااااااااخخخخخخخ ربييييييي اااااررررريييييدد امووووووتتتت "

شام "كطعت كلبيي بحجيها وهي شابكتني وتصرخ بحضني فقدت صوتهااا يطلع من نص كلبها كلها مكابلتها وتبجي على حجيها وصريخها متتتت من القهر و عيوني يحركوني و غصه ببلعومي اريد تطلع دموعي ماكو بس اصرخ بلا دموع حتى دمعتي عزت عليه وما نزلت "

اسكت بيها ماكو بقت تحجي و تبجي بصريخ دخلوا ولد عمي يستفسرون ويشوفون شكو وراحوا ورا ابوي وجدي راحوا لمكان الانفجار
مياسه مستمره ببجيها وصريخها ما بطلت نحيب وكل شوي تضرب نفسها فرفحت روحها من البجي

لـ ٣الضهر وهما ماكو نخابر ماكو اشرتلي امي رحت يمها
" ماما خابري على مهند شوفي وين صاروا شصاير وهلكد تاخروا وما يردون على التلفونات شكوووو ولججج "
" ماااا اخااابرررره ومااا عندي رقمه "
" اخذي موبايلي وخابري "
(لو ما مياسه وحركة كلبها فلا اخابره لهل عااار )

اخذت موبايل ماما و اتصل واكول عسى ولعل ما بي شي بس ارجع واكول اذا انفجار اكيد فحم و ما بين بعد
ماكو رد دكيت مره لخ هم ماكو دزيت رسالة "مهند رد عليه اني شام شكو شو محد يرد على موبايله فرفحت كلوبنا ومياسه ملخت روحها ليش ما تردون "
شوي وخابر "ها شام شنو الوضع يمج "
"يعني شتتوقع الوضع ندك ونلطم وانتم حركتوا كلوبنا محد يرد ما لكيتوا اثررر للولد "
"ماكو دورنا الثلاجات كلها وفرينا المستشفيات وماكو اثر اله .."
"زين ليش محد يرد على موبايله ؟؟"
"احنا بيا حال شيبت كلوبنا على الشفناه ناس محروكه وناس ماتنعرف على الحرك والموته مطشره الدنيا مكلوبه و ابوج تلفونه مو ويا ترى يكول ضاع مدري نسيته بل بيت شوفي"
"لحضه رحت دورت لكيته على الشاحن واحنا كلبنا الدنيا بل اتصالات وهو هنا جاوبت مهند (موووجود هذااا يله باي عود من يصير شي خابر )
"اوك
نهيت الاتصال و رحت لماما سولفتلها
"لطمت خدها ... يماااي سوده علييية الله لا يوفق الارهابيين هيج هاي الناس ما الها ذنب تروح بل رجلييين الله اكبر "
رحت يم مياسه و اسكت بيها واصبرها
"يلة حبيبتي ان شاءالله ما ميت يكولون دورنا الثلاجات كلها مالكينا "
اني كلتلها هيج وهيي ماتتت من البجي وزادت ما نقصت عود جنت اطمنها وهي انهدت بل بجي والصريخ
بقت هيج لحد ٤ الضهر لا تاكل و لا تشرب وبس تلطم وتبجي لحد ما تخربطت بدينا حرنا بيها ومنا ماكو احد بس نسوان رحت للموبايل ركض خابرت على مهند "الللوووو مهندددد تعاااااللل لللبيت بسررررعه ميااااسه تخرررربططططت ييييللللة فددددوه "
ما حجه كلمه سده و اني رحت يمهم يحاولون يكعدون بيها ونور تقيس الضغط
طلع صاعد الضغط تخبلنا راحت مرة عمي الجيران ياخذونها للمستشفى

اجه وياها ولد شاب جاب السياره ودخلها لجوه البيت حاولنا نشيله و ماكو صارت مثل الميته
كمنا نصرخ ونبجي دخل الولد يركض شالها وطلع بيها لبره البيت
دخل مهند تلكاه بسرعه اخذها منه وخلاها بل سياره هو والولد ركب ويا يسوق
اني ما رحت وياها لان ما لابسه و مهند ما قبل بقى يخوزر بيه دخلت للبيت وكل شوي اخابر وما يرد احترك كلبيييي لييييش مااااكو.

بقيت احوس بل بيت و الناس طابه طالعه و نور ابتلت بيهم هي ومرت عمو ام مهند
اجتني وهي تكول "تعاي عمه عاوني اخيتج طاحت رجليه اريد اكعد و امج ما تكدر خطيه "
"ايي عمه هسه "رحت لنور واسوي بل جاي والمي وامي ونسوان عمي كاعدات يسولفن هم والنسوان
راحت رجليه من الوكفه والملم بل بيت صار زباله و اجت عمتي اخت ابوي هي وجهالها لوصوا البيت رحت الملم وكل شوي اخذ نضره للجهاز خاف يرن لو يدز رساله رحت امسح الطرمه اخذته خليته بصدري و اشطف بيها
راحت روحي من التعب للـ ٨ البليل هم ما مبينين و ماكو خبر ظل بالي يم مياسه رجعت خابرت مهند
اول رنه رد عليه "اكللللك انت عوووود لللللييييش مممماااا تررررد ترى مو وكت حركااااتك كلللللبي خللللص من القلق"
"احجي عدل لا اجي اكسر راسج "
"هو انت بس بهاي فااالح "
"مووو اجييييج والله لا عبالج ما اسووويها "
"امممم زييين ززززيين هسه كلي شلون صارت مياسه و ما لكيتوا رضا سوده عليه "
"مياسه زينه و ما لكينا رضا بببععععد رايددده شييي "
"لا "
"لعد يللللة ولييي "كبل سديته بوجهه قبل لا يسده هوه وجني انتصرت عليه رحت ابشر ماما و مرت عمو ام مهند
حجت ام مهند "اااايييييية بسسس انتي يرد علللليج احنا نبززز صرنا صار ساعه ادك عليه وما يرد "حجتها وغمزت كلت بكلبي الحمد لله والشكر شبيها هاااي طلعت من يمها واني ادردم على روحي هه عبالها ميت عليه ابنها العار ابو النسوان ما تدري بي شسوالي جان طمت روحها
والله بل تسعه وسمعت الباب انفتح و صوت سياره ادك هورن
طلعت اركض لبره شفت مياسه بيدها كانونه و وجها اصفر و مهند يمشي بيها رحت الها اخذتها من ايده
"هااا حبيبتي شلون صرتي "ما حجت اباوع لمهند يخزر بيه نوب هذا شبي بس لا متحلفلي اجذب اذا اكول ما خفت لان نضراته ابد ما ارتاحلها
دخلت لجوه وخليتها بفراشها وطلعت ردت اسال شبيها شو ما تحجي ومنتهيه
ردت اشوف مهند شيكللهم ما ردت اساله بنفسي لكيته يسولف ل امه و يباوع عليه "يمة ديروا بالكم على مياسه مشكل عدها السكر والضغط اخذوا حذركم وشوفوها كل شويه "
من سمعت شهكت وخليت ايدي على حلكي كلها باوعتلي ورجعوا يحجون طبيعي
طلع مهند رحت للمطبخ واباوع واكف بل طرمه ويدخن من شافني ذبها وداس عليها اشرلي اروحله عفت الي بيدي ورحتله
عصر ايدي حيل "شلون اطلعين هيج بدون شال هااا ؟
"هااا هو منو غير انت ماكو احد شبيك
"مره ثانيه ما اسكت فهمتي بلة طلع ولد عمي احد غريب ويشوفج هيج "
سكتت من الخوف لان هو ما ينحزر ابد طلع ركب السياره اشرلي اجي تضايقت منه "اهووو نوب شكووو "

"ووجعووووا ما تعرفين تصمين حلكج شويه لو اله تذبين سم هاج هذا علاج مياسه تعاي اعلمج عليه نسيته هنا "
رحت يمه و هو يسولف شلون وشوكت انطيها سواها عضمه اخذته ودخلت لجوه البيت
انطيتها علاج وسويت شوربه الها جبرتها تاكل
بقينا اليل كله نحوس نريد خبر على رضا ماكو جدي تعب ورجع وابوي كذالك بليلتها كلها تبجي وتشرح شصار زلم ونسوان التمت ل ٣ الصبح واحنا على هل حاله رحت لمياسه شفتها وطلعت
جيت اصعد فوك لكيت مهند كاعد على الدرج ومخلي راسه بين اديه ومدنك اتصورت يبجي بس من تقربت يمه
رفع راسه وعيونه حمر و فعلا جان يبجي انقهرت عليه بس عفته و مشيت ما كدرت اصعد لفوك لان كاعد و ما اريد احتك بي
بقيت احوس كلش قهرني والي حرك كلبي نضراته الي حسيته طفل كمت اشوفه و رجعت لكيته على وضعه "مهند شبيك يوجعك شي "
رفع راسه و عيونه مدمعه "كلبي يوجعني على رضا اخخخ راح و هو زعلان عليه "
تقربت يمه و كعدت "ليش زعلان "
رفع راسه وباوع بعيوني "علمودج "
استغربت من كلامه ... ليييش واني شكو ؟؟
تنهد ...يدري اني اعتديت عليج ...انصدمت وبقيت صافنه عفته وصعدت اريد استوعب شمدري؟؟ شلون عرف؟؟ وليش سكت اصلا ؟؟ليش ما فضحنا ؟؟
نمت بعد دوامه من التفكير كعدت الصبح و لكيت نور نايمه يمي عفتها و طلعت اغسل وجهي
نزلت لجوه الوجوه مكلبه وكلها باين عليها التعب و البنات يحضرون بل ريوك صبحت عليهم و دخلت للمطبخ سلمت على بنات عمي و ساعدتهم
اخذت السفره و افرشها اخذها مني مهند من شفته استغربت وجوده لسه هنا يعني ما راح لبيتهم بات هنا
وزعنا الريوك على السفره و ولد عمي واحد ورا الثاني يدخل و عمامي هم جدي ما قبل ياكل بس كلها بقت تلح لحد ما كعد و كابلنا كلها تنقش وما الها واهس للاكل

طلعوا كلهم ويخابرون ويستفسرون و يدورون ماكو اثر فقدنا الامل بوجوده يعني حتى جثه ماكو اله ومياسه كامت تدوخ وتوكع بل كوه اكلت لكمه وراسها شادته و ما بطلت بجي ما تحملت كمت خابرت مهند يجي عليها لان اذا تبقى هيج تموت روحها اول رنه جاوب سولفتله على مياسه "هسا اجي
انتضرته وحضرت نفسي و لبست مياسه شالها وحضرت العبايه دك هورن طلعتها بره شفت مهند من شافني اجا يركض "هاااا وييين خانم ...شنو تجين ويانه ...يلللله رجعي ماكو روحه ...كم مره نبهت عليج البارحه ما اطلعين "
"ترى مصختها مهند ... يعني جاي العب اني .... غير البنيه مريضه ... وبعدين ما طالع لوحدي مو انت ويانه ...بعد عليش هل حجي ...وهل مره ما ارجع اريد اررروح ...علمود مياسه مو علمودك "
"المستشفى كلها زلم ... شعندج جايه احير بيج اني ...يله روحي "
"ماااا ماااا معليه اجي ... شعليه بل زلم ..وانت شايلني على راسك معليك بيه "
مياسه : اكلكم ما بيه حيل نكره راح ارجع للبيت
"لا مياسه وضعج مو تمام "تقدمت فتحت الباب وكعدتها وره ورحت للباب الثاني كعدت بصفها مهند ما حجه بعد
مشينه للمستشفى و فعلا كلها ناس وهوسه لعبت نفسي من الريحه كمت استفرغ ومهند يلوم بيه ليش اجيتي وما تردين
سكت شويه وراح جاب بطل مي و عصير و بسكت ويريد اكل "هو اني بيا حال وخر مني "
عافهن يمي وراح لمياسه علمود طلبوا تحاليل وعلكولها مغذي بعد ساعه طلع التحليل

اجاني مهند وهو يكول "مياسه حامل الففففف مبروك "
هنا مياسه جبت و صرخت بصوت "وووويييينك حبيييييبي تعال شوففف ابنك ببطني وانت عفتني ورحت مو جنتتتت تكوووول ما اعوووفج للموت للللللليييش هيييج هااا لللليييش بسرعه عفتني اني وطفل بهاي الدنيا

يتبع........

قصه جريئة لفتاة تتعرض للتحرش و.............

#بارت 9

..........❣️..............................❣️..........

بقينه ندور وماكو للضهر وهم ماكو خبر عن رضا تعبنا هلكنا طاقتنا خلصت
النهار بداء يخلص وماكو كانوا يجون واحد بعد لخ اتجمعنا بصمت كمن بهمه و تعبانين فرشنا من ٨ ونص ونمنا الي نام والي بقى اني من تعب المستشفى نمت جوه بغرفه جدي ما حسيت على روحي جنت يم بيبي اسولفلها الصار وعلى مياسه هم شبعت بجي والسكر يصعد تمددت بدون فراش ولا بطانيه و نمت ما حسيت بروحي
الصبح كعدت و لكيت عليه بطانيه و مهند نايم كبالي بس مسافه بعيده عني و مبين هسه كاعد مفتح عيونه وصافن كمت بسرعه طلعت لماما
صباح الخير ليش ما كعدتوني وليش مهند نايم هنا
"صباح النور ... غير ماكو مجال محد راح البيته فرشناله يم جدج ونام بعد شبيج مكروصه صار شي سوالج شي شو بعيد عنج "
سكتت رحت الغرفتي اكمل النومه جسمي مكسر من النومه على الارض ردت انام ما اجاني نوم سبحت مشطت بردت حيييل نزلت لجوه مخبوصين و يسوون بل ريوك و الجهال تهوس
حجت ماما "ها سبحتي اليوم بارده لا تتمرضين روحي كعدي على الصوبه بغرفة جدج
رجعت بغرفة بيبي مهند بعده بمكانه بس نايم اني كابلة الصوبه وكعدت
من ابقى هواي عليها انعسسس و اغفي بقيت يمها الى ان نمت للضهر امي كعدتني الملم البيت كمت و لكيت خطار وناس هواي يمنه والجايات كل دقيقه
بدت الناس تجينا من كل صوب لان هسه انتشر الخبر ولد عمي هم طلعوا يدورون و يستفسرون ماكو فص ملح وذاب كل الثلاجات دورناها ما لكينا اله اثر
شوي وسمعنا المصايح بل استقبال وهوسه مدري شبيهم كبوا رحنا نتصنت اني ونور وبنات عمي صارت مدافع بيناتنه بنات عمو نص راحن من بره يم الشباك ونص هنا يم الباب شوي خفينه ونسمع زين بس كلشي ما فهمنا
بس حجي و يتناقشون شوي وطلعوا يركضون عمامي كلمن اخذ سيارته وراح ظل جدي و ٣ من ولد عمي علمود الخطار
اجه ليث ابن عمو
سالته "شنو السالفه شبيهم طلعوا يركضون سمعتوا خبر "
"ايي خابرونا ولد جماعة مهيمن هم جانوا يدورون ومكلفين دكتور بل موضوع حتى يدور و نشرنا صورته لان هو موبايل واكع منه ولا جنسيته ويا ف يكولون يمكن لكوا ويا الجثث بس ما مبين شكله زين "
هنا البيت وكف على رجل وحده من القلق والخوف و خابرونا كالوا مو هو هنا شوي تنفسنا صار عدنا امل يطلع عايش هسه صاروا يدورون بين المرضى
تاخروا بل رجعه خابرت على بابا
"الووو ها بابا شام شصاير "
"بابا ماكو شي بس بالنا يمكم ليش لسا ما وصلتوا"
"والله يا بابا بعدنا ندور بلكي نلكاه تعبنا وهو ماكو هسه دندور بين المرضى بلكي موجود والستشفيات بعدهي هوسه نريد تخف العالم ماكو محط رجل "

"الله كريم بابا اكيد تلكوه ما دام ماكو بل جثث ان شاءلله بعده عدل "
سمعت صوت مهند وهو يلهث ويحجي بصوت "عمييي رضا عايش والله كلبي حاسني خابر ولد كلفته يوصي اخوه دكتور هسه خابرني يكول اكو حاله عدهم بل مستشفى ماكو احد سال عليه صارله يومين و حالته خطره
"يااا الله يا الله الله يسمع منك وصدك عدل حتى لو حالته خطره المهم يتنفس"
هنا كلبي كام يدك و جيت اصيح للبنات علمود ابشرهم من الفرحه وادعي ربي يطلع صدك هو
"بابا شام لا تحجين وتخبصيهم خلينا نتاكد خطيه مياسه لا يصير بيها شي "
كال هل كلمه وسد الموبايل بقيت ادعي بكلبي صعدت لفوك بل سطح دعيت ربي يرده سالم النا شوي و نزلت مدري شكو صعدت ونزلت حرت شلون اضم الخبر
رحت لمياسه
كعدت يمها واصبر بيها و اكلها ما موجود بين الموته والله صاروا يدورونه بل مرضى والمصابين ادعي ربج صلي بدل ما تبجين وفاقدة الامل اكلي لخاطر الي ببطنج ليش هيج حرام عليج تموتين الطفل هم يحتاج غذاء
طلعت منها و حميت الها معلاك مسوينه من الغده علمودها وما قبلت تاكل و زلاطه ووديته الها بل كوه اكلت اله كلتلها لخاطر رضا يله اكلت
لحيت عليها تاكله كله و حتى الزلاطه تخلصها كملت كومتها تسبح ردت ادخل وياها ما قبلت حضرت ملابسها وشغلة الصوبه الكهربائيه و دفيت الغرفه و فوتتها تسبح
بقيت واكفه يم الحمام انتضرها تطلع شوي وصاحت عليه
الضاهر ما تكدر ساعدتها بل لبس لان كانت مكمله سبح
اخذتها للغرفه و كعدت كبال الصوبه و اخذت علاجها علمود الطفل انطاها الدكتور مقويات شفتها بدت تغفي كومتها لجربايتها و غطيتها و طلعت
خابرت بابا "ها بابا شصار بشرني "
"بابا ازدحامات لزمتنا وهسه دخلنا المستشفى دخل عليه مهند ما خلوني ادخل ويا "
"بابا الله عليك خابرني اول ما تعرف شي فدووووه "
سديته و رجعت فوك السطح اروح وارجع من القلق
رن الموبايل على كد ما طرت من الفرحه وكع من ايدي ونفطرت الشاشة بس الحمد لله مخليتله حمايه

رجعت شلته بابا يااااربي "الوووووو هااا بابا. "
"مياسه وييين بشريها موجود لكيناااااه هذاااا ما مييييت عدل والله "
"الحمد لله والشكر الحمد لله بابا زين شلون حالته "
"والله لسا مو زين بس ان شاءالله الله ناخذه على حسابنا نعالجه وفايت بغيبوبه الضربه براسه "
"بابا اهم شي زين يله اروح ابشرهم "نزلت اركض جوا طايره رحت لمياسه كعدتها فزت حتى خوفتني بس ما سكتت
"ولج ميااااسه هللللهللللي عدللللل والله موجود بل مستشفى طلع عدللل "بجت و حضنتني كلها اجتي على الصوت و بداء الخبر ينتشر بلبيت حتى جدو دره الهلاهل والبجي والاصوات وكلها تحمد الله على وجوده بل دنيا

كلها راحت للمستشفى حتى اقاربنا بس ما قبلوا يدخلونهم كلهم هو مهند وبل كوه دخل الدكتور نصحهم ياخذوا لمستشفى خاصه وعنايه خاصه بسرعه اخذوا ل احسن مستشفى وراحت مياسه لوحدها لان بس زلم مليانه
ف بل كوه راحت هي وابوي اخذها
شوي شوي بدت ترجع حيوية البيت و تنفسنا مر تقريبا اسبوع صحه من الغيبوبة و طلع من المستشفى و مياسه طايره بي من الفرحه ممصدكه عيونها
بل يوم الي طلع البيت مخبوص وناس رايحه راجعه علينا تعبنا كلش ريوك وغدا وعشا خطار و نطبخ البيت انتلف بسبب الاطفال اني ملتهيه الملم وراهم وامسح كل شوي يله سيطرنا على البيت بس انكسر ضهري بهل فتره كلش تعبت
مياسه ملتهيه تحضر وتعدل علمود راحت زوجها و هم ما نخليها تشتغل لان حامل وهذا اول حمل الها

من دخلوا للبيت بقت تحوس لان خطار يمه وما تكدر تشوفه ف لحد ما صار الليل وكفت العالم يله راحتله شبكته وتبجي وتشكي حالها وخوفها عليه
.....................

مياسه:اني مياسه اصير بنت عمه رضا يعني هذول خوالي من جنت صغيره اول ما ولدتني امي استشهد ابوي الي يصير ابن عمها لماما ف بقينا يم بيت جدي اهل ابوي لحد ما صار عمري سنتين بل اول ماتت بيبيتي و بعدها بسنه

مات جدو عمي اتكفل بينا دللني وكلشي اريده يصير عندي
بعد ما صارت صف اول متوسط

عمي قدم لجوء هو وعائلته بوقتها بجيت من كل كلبي عليه وهو يهدي بيه ويكلي ارجع بس ما رجع بعد ابد ما شفته

امي بدت تاخذ غراضنا و رحنه لبيت جدي هنا جنت صف اول متوسط بدت ملامح جسمي بل نضوج و بديت أوعى وافهم كلشي
بدت مسيرتي بل حياة و معاناتي بعدم وجود ابوي و اليتم الي اشعر بي صعب هل وضع صار عندي وجود ولد خالي بيناتنا و اني اعيش بنفس البيت وياهم وهم محرمين عليه وما ارتاح بحركاتي كله بحساب وامي دائما تحذرني وتكلي حافظي على شرفج و هم ولد خالج لا تدنيهم او تسولفين وياهم لان شباب واخاف عليج حتى لو ولد اخوتي الشيطان شاطر و لبستني حجاب حتى بل بيت
لمن جنت ببيت عمي جنت اكبر وحده بين ولد والبنات ف ماخذه راحتي عمي دائما يدزون مصرفي كل شهر ما خلاني بعازه ابد
جنت بل مدرسه اخذ طريقي وارجع ابد ما بيه اذيه وهادئة كل المدرسات يحبوني جنت مو شاطرة حيل بس يعني شايله روحي واقرا
جانت اكثر وحده احبها هي شام تضحك للهوى و امها دائما توصيني بيها اخذها واجيبها وياي للمدرسه احب سوالفها
من صارت هوسه بل بيت خالي ابو شام راح للموصل اجر بيت لان طلع نقلة للموصل وتعب من الروحه والرجعه لبغداد و راد يطلع من الهوسه هنا اني فارقت شام من جانت صف خامس ابتدائي على الرغم الفرق الي بيناتنه بل عمر بس احبها واحب سوالفها
فجدي ما قبل بوضعنا ومتقيدين والعائلة كبرت وصارت حزازيات وعرك بين النسوان ف جدو بداء يدور النا على بيوت صفه حتى ما نتفارق
بقى يدور لحد ما لكه مساحة كلش جبيره جانت بستان صغير اشترى وسواه بيوت اربعه وكلهم كبار وحلوات اقترح على خالي ابو شام يرجع بس ما قبل
صارت البيوت واحد قريب على الثاني والحديقه مفتوحه بيناتنه جنا كل عصريه نتجمع لو ببيت جدي لو بل حديقه
صرت ثالث متوسط امي هنا تمرضت بمرض السرطان و طلع منتشر بجسمها
تعبت كلش وتعذبت اني تركت المدرسه و كابلتها و ابجي ليل نهار عليها اشوفها تتعذب و تتوجع كدامي وما بيدي شي عليها لو من تاخذ الكيمياوي تنتهي من الوجع
ما طولت سنه وماتت اني تمرضت من بعدها و صارت عندي حاله نفسيه لا اكل لا اشرب كله مغذيات عمامي لمن ماتت امي طلبوا ياخذوني بس بيبي ما قبلت و عافوني
مرت الايام وكلها تعب وقهر على حالي واليتم الي محاوطني شكد ما جانت بيبي تحبني وجدي بس ما عوضوني فقدان اهلي جانت احس بوحشة و غربه لا اهل لا ام لا اخ او اخت الي يعوضوني غيابهم
جنت اتكطع من اشوف بنات خالي مدللات بوجود اهلهم وانقهر بداخلي اااه يا كلمة البابا والماما الي انحرمت منها بعمر صغير جذب مثل عز ودلال الاب والام
المدرسه ما ردتها بعد و كلها تلح عليه ارجع حتى جدي لحد ما اقتنعت ارجع جنت طافية الدنيا بعيوني

بل اخير بيبي قنعتني وكالت رفعي راس امج تحس بيج وتسمعج شكد جانت توصي بيج على دراستج تتذكرين اذا هيج تحبيها ارجعي داومي
وصارت تقنع بيه ارجع وصدك قنعت وداومت وصلت للسادس ونجحت بمعدل يقبلني كلية ادارة واقتصاد بل اول ما حبيت القسم بس بعدين تعودت
بهذا الوقت جان وياي رضا بس هو مرحلة ثانيه واني اولى اتقربنا لبعض وصرنا مثل الاصدقاء
لحد ما بيوم اجه واحد من الجيران جان اربع وعشرين ساعه يراقبني ويباوع
تقدملي بل اول رفضت بس بقوا يلحون لحد ما صرت مرحلة ثالثه وافقت لان شفته متمسك بيه
رضا من سمع وافقت تخبل وما قبل و ثاني يوم طلبني من جدي عاد هنا كلها فرحت ما يردوني اطلع للغريب هذا طبعهم
بفترة الخطوبه تقربنا اكثر صرت احبه ويحبني جدو اقترح يسكن هنا لان البيت فاغ ومتعودين عليه رضا ما عارض
ازوجنه وبعدها بفترة اجوا بيت عمي ابو شام وصارت هواي احداث
كعدت الصبح تريكنا سويه هو توضف بدائرة حكومية بس ما قبل اتوضف
تريك وطلع مدري شبي كلبي من الصبح احس راح يصير شي بقيت كل شوي اخابره لحد ما عاط بيه وكال هسه راح ارجع للبيت

جانت ساعه ١٢ ونص تأخر خابرته طلعلي واحد يكول صاحب التلفون استشهد بل انفجار هنا تخبلت عقل ما ضل براسي

شعور صعب من تخسر اعز شخص عندك بعد ما فقدت امك وابوك من اول طفل ينبض ببطني ابو يتركني بنص الطريق ويروح

يتبع ...........

قصه جريئة لفتاة تتعرض للتحرش و.............

#بارت 10

..........❣️........................❣️...........

شام : بدا رضا يكوم على حيله ويمشي شوي شوي رجعت صحته الناس بعد خفت مو هواي يجون قليل

المدارس شارفت على الانتهاء كل يوم يمر ادعي ربي ياخر الزواج صرت اليل ما انامه على التفكير والقلق 'اه اني شلون قبلت بي ليش استعجلت كان اضربت عن الزواج أفضل لو مكمله السادس كنت تخرجت و صرت كليه و ماكو احد يحكمني

واذا فقدت دليل طهارتي مو بل لازمه ازوج كان بقيت هيج احسن اكون نفسي و اكعد ليش استعجلت ذبيت روحي بنص النار يعني كل يوم راح ينعاد الي صارلي بذيج الليلة اااه

يعني راح اعيش تحت رحمة مهند وهو انذل خلق الله حتى من تقدملي وقبل يتزوج لان بداء الموضوع ينكشف ورضا عرف ومتعارك ويا هذا الي كالته الي مياسه بل بداية قبل لا اعرف حاولت أتقبل الموضوع واكول لنفسي راح احاول اعيش ويا و انسى الي صار بس بعد ما عرفت مو علمودي بل لان انكشفت حقيقته السوده و عاره حاول يغطي
على فضيحته
ااااه منو يخلصني منه منو يرحمني ويبعده عني كلبي يتكطع قهر على نفسي الي ضاعت مني صرت انسانه ثانيه بكل تصرافاتي "
احجي واباوع لمرايتي اااه كم اتمنى ان اعود الى الماضي لا ابالي بشيء ولا اهتم
ادمرت من صدك احجي و اكل وامشي بس روحي باهته ميته كل هذا الخراب بحياتي اجاني دفعه وحده
خلصت المدارس وبداء العد التنازلي للزواج بدت امي تحضر والعائلة كلها طايرة بينا و يردون عرس البنات يجهزن فساتين و مكياج و يحضرن شيسون بل عرس و شلون يزينون البيت
اني كل هذي الفترة خلصتها بغرفتي المشؤومه الي حامله كل اسراري واوجاعي و همومي هاي الغرفه تشهد على وجعي و قلة حيلتي وتعبي من الحياة الي اعيشها بسبب واحد ارعن ما يعرف يتصرف
مياسه بطنها بدت تكبر و تتعب بسرعه و ملتهيه بزوجها وطفلها عني ونور هم صار الموضوع عادي لان بحكم انخطبنا عبالها تقبلت الموضوع بس ما تدري الي بكلبي شنو ولا احد يعرف لازم اسد حلكي واكبت صرخاتي بداخلي صدك شي يقطع القلب انو تكون مجبور على شخص ما تريده ولازم تسكت و ما تفتح حلكك
التزمت الصمت والبرود تجاه كل شي و مهند مرات اصادفه من انزل ما شايفته هواي و هو يريد فرصه يختلي بيه كل ما يشوفني يضايقني بتصرفاته ونضراته الخبيثه لو ابتسامته الي كلها حقد ووعود بتعذيبي صرت اشوفه انسان مثل الافعى تلدغ من جوه الجوه ولو حرام اسمي انسان على حقارته وحيونته قصص وروايات عراقية كرار صلاح
صرت اتجنب وجودي جوه لان صار يتعمد يجي يضايقني ويسمم عيشتي والبيت ما يفرغ وما تصيرله فرصه يصعدلي مرات يدز عليه انزله بس اغلس نوب مدري منين جاب رقمي وصار يوميه يراسل و يتوعد

صرت اكره اكثر من قبل جنت اشوف الرسائل ومطنشه الوضع حتى الخوف منه ومن بطشه بيه تبخر
صار شي طبيعي بحياتي تهديده و وعودة لي جنت اذا ما اشوف رسالة استغرب مشت الفترة هاي و كلشي ما فهمت من الايام على كد ما سريعه
من رحنا للمحكمه حتى نعقد اجا بابا وياي بقيت لازكه بي وما عفته بعدها بيومين اجت هنا اخته كالت باجر حضري نفسج يكول مهند علمود الذهب والنيشان من الامام الكاظم هم زياره وهم تكملون النواقص
رديت عليها "خل يروح هو وعمتي وامي اني ما اروح تعبانه "
"شلون ما ترحين هما رايحين علمودج لو علمود امج .. غير انتي العروس وتختارين الي يعجبج "
"واني كلشي ما يعجبني خل يروح هو يختار "
عوجت حلكها و راحت
بعد ما طلعت بنص ساعه شفت تلفوني يرن باوعت عليه
مهند فصلته دز رسالة "شلون تردين لو اطيح حضج .. "
غلست ورجع يدك هم ما شلته
اجت رسالة "بسيييييطططه يا شام اذا ما اندمج بسيطه وتجين باجر واشوف منو الي تكسر كلمتي "
غلست عليه واني فرحانه لان حركت دمه وخليته يفور بتجاهلي اله
صار اليل ونزلت احضر بل عشا ويه مياسه لان تعبت من حملها والسكر شكل عدها من الهبطه مال زوجها
التمينه ناكل حجه جدو
"شام شلون تعاندين مهند وتكليله ما اروح مو عيب جدو رجلج ولازم تحترمي اني لو ما احبج جان الي غير تصرف وياج .. بس انتي عزيزه عندي "
باوعلي بابا "حجي جدج صحيح شام ؟!"
رديت "هاا بابا .. هو مو هيج الموضوع وما معانده .. بس تعبانه وما اريد اطلع .. خلي امي تروح "
رد "لااا انتي ترحين ما دام جدج كال و مهند طلب ترحين .. شنو انتي جاهل وهيج تسوين .. ترى بدت تصرفاتج ما تعجبني لا تخليني اتبع غير اسلوب وياج صايره ما تحترمين وتعاندين هواي .. بس ساكت عنج لان ما ضل شي وتروحين لبيت رجلج ما اريد اخلي بنفسج اثر "
سكتت وهزيت راسي
ردت اكوم
امي "وييين "
"شبعت "
جدو "اكعدي اكلي جدو لا تسوين هيج غير احنا اهلج وننصحج ونريد مصلحتج "

رديت "ايي جدو اعرف واني ما كلت شي الي تردوا يصير "
جدو. "لعد ارجعي اكلي ما اكلتي شي "
رديت "بس .......
بابا "مو كلج اكعدي ليش تعاندين "
امي "ولج كعدي مو جدج وابوج يحجي شنو هل عناد الي شايلته كعددددي"
كامت تخزر بيه كعدت واكل على اعصابي اريد ابجي بيبي تباوع عليه ومحروك كلبها اكثر من امي عليه
بيبي "ياااا شبيج جده لا تقهرين روحج حبيبه .. وانتم عوفوها على راحتها جا هو كلشي غصبا ما يصير هيج اني شام احبنها الي يحاجيها ما يلوم اله نفسه موتوها من ذاك اليوم لهل يوم .. وانتي عود امها شمالج خيبه ما بيج حنيه عليها وما ادافعين عليها شو اطبكين وي العالم عليها .. اله تهججوها.. هي شكد ضاله عدكم هنا بس كم شهر وتروح .. تخلوها تطلع وكلبها شايل عليكم ليييش "

بيبي تحجي وتفرفح وابوي يهدي بيها وجدو ساكت تالي كلبت على جدو وتحجي عليه
رحت بست ايدها وكلتلها ماكو شي وما ضجت غير اهلي لا تقهرين روحج موزين عليج
عاد شوي سكتت
مياسه ونور يشيلون بل اكل وهي مخليتني بحضنها ما تقبل اكوم و تلعب بشعري وتسولف
وجدو وبابا ملتهين بل اخبار بالهم مو يمنا
بيبي من النوع حساسه وحنينه حيل اي شي يبجيها يا هي تتزوج من البنات تشبع بجي بنات عمي كلهن ازوجن تبجي اكثر من اهلهن عليهن على الرغم مو نفس البيت بس هي تتاثر هل تريد هي وجدو كلنا ناخذ من ولد عمنا حتى ما نبتعد وتنكطع العلاقه تريدها تقوى اكثر
بقت تسولفلي وتنصحني كله نصايحها قصص بيها عبره جانت حنينه وياي حيل اشم بعطرها مال عجايز اوليه
فوطتها ريحتها بخور وملابسها كذالك جانت ما تلبسهم اذا ما تبخرهم لو ريحت المسك الي بيها اوووف شكد طيبه ريحت العجايز وسبحتها بركبتها وتسبح شوكت ما تجيها
ماما كاعده وتسولف هي ومياسه واني يم بيبي ونور كاعده هم يمنا وكل شوي تحجي من يمها
عاد بيبي عاطت بيها وخلتها تكوم تكللها اريد احجي وياها على راحتي
بس كامت نور صارت تحجيلي على الزواج وتنصحني وتكلي كون تتلكي بابتسامه وما اتعبي من يجي تعبان اذا شي مضايقج تاجلي وهواي حجي
واني بس اي واي
صارت ساعه تسعه ونص وهي بعدهي تنصح بيه
شوي وسمعت صوت الباب ينفتح دخلت هنا وبعدها عمو وعمتي ومهند بل اخير بل اول توقعت ما جاي بس من شفته انصدمت
كمت من حضن بيبي بسرعه وسلمت عليهم كلهم بس من بعيد جاي اصعد صاح مهند
"وين شو كل ما اجي تنهزمين كعدي خل اشوفج من خطنا ولهسه كل ما ادز عليج ما تجين "
امي تاشرلي ابقى وعمتي ام مهند حجت "هسه بلله هو رجلج ومستحيه منه اني وعمج هم مستحيه لا نشوفج لا تكعدين يمنه صدك جذب "
كعدت يم بيبي اجا مهند عود بحجة بيبي وهم كعد يمها ويشاقي بيها
انوب دار عليه "شنو بيبي جنتي تسولفين وي مرتي "
"اي جده .. انصحها واوصيها بيك وانت هم دير بالك عليها ترى عزيزه عندي .. بس تحاجيها اخلي جدك يطيح حضك وازعل عليك .. دير بالك عليها هاي بنت عمك .. خلوا الاحترام بيناتكم اهم شي بعلاقتكم و وووو هواي بقت تنصح
ومهند كله من عيوني اخليها بعيوني كل ما يكول هيج اباوعله صفح هو من يشوفني هيج يريد يكوم يكتلني
بيبي تحجي قاطعها عمو بسؤاله
"بابا شام كالت هنا ما تردين ترحين باجر تختارون الذهب .. اذا ما تكدرين نأجلها على غير يوم "
رد بابا "لا تروح بكيفها قابل "
رد عمو " ايي بكيفها غير هي العروس وتدلل علينا .. شتريد يجرالها.. ها بابا شكلتي شوكت ترحون معليج بابوج.. بعد انتي بنت الخامسه .."

رديت "بكيفكم عمو ما عندي شي "
رد "شنو بكيفنا مو اليوم كلتي ما اروح .. حددي يوم ترحون بي "

"باجر .."
كلها سكتت بس اني صرت دم من العصبيه والقهر انجبرت اقبل يمكن لو معترضه بابا يطيح حضي وخصوصا هل فتره كلش متغير وياي مدري شبي ف ماكو كدامي غير اقبل

مهند يباوعلي بانتصار ويبتسم ورافع حاجبه درت وجهي عنه وما باوعتله بعد
اجت مياسه جايبه العصير
صاح عليه بابا اخذه منها لان ما تكدر رحت عليها
وصرت اوزعه عليهم وصلت مهند دنكت اخلي يمه اخذه وصار يباوع عليه ويخنزر وياشر ما فهمت
تجاهلته ورحت انطي لرضا هم كاعد
شو هذا كام وجر الصينيه من ايدي بحيث راد ينكلب
اني رجعت يم بيبي كعدت وسكتت هو وزع للبقيه ورجع كعد بس هل مره بصفي مساع جانت بيبي بيناتنا
قرب حلكه يم اذني وكرصني من خصري بقوه جيت ابجي بس صبرت نفسي
"مره ثانيه ما ادنكين كدام احد طايحة الحظ انتبهي لنفسج صدرج كله طالع ونوب لابسه تراك ادب سز ما تستحين هيج تفترين يم رضا حيوانه "
عيوني تجمعت بيهم العبره بس كبتت دموعي لان كلها صارت تباوع
عمو يباوع ويبتسم عباله يتغزل بيه يتوقع يحبني وكذا وبابا باله يم الاخبار
بس عمو وهنا سويه يتنادسون ويضحكون .. اني من اريد ابجي لو اختنك اصير حمره ف هما عبالهم من الخجل يمكن

جيت اكوم سحبني ورجع كعدني
ويشرب بل عصير وخال ايده على التخم الي ورانه وكل جسمه وراسه صاير عليه ارتبكت يباوعلي ويرفع بحاجبه والبيت كله موجود
ناس تسولف وناس تباوع .. وهو ولا كانو اكو بشر يمه
اني عيوني بغير مكان وهو مكابلني ويباوع
خله ايده على كتفي ويلعب بل ترجيه الي بأذني .. تخبلت من الجرأه الي عنده لا يستحي من بابا ولا من عمو شد سخيف
"السخيف وخر ايدك شو ما تستحي الناس كلها كاعده "
رد "ههههههههههههههههههههههههههههههههههههههههههههههههههههههه غير خطيبتي ومرتي عليمن استحي .. شسوي اسوي هسه عندي استعداد اخذج لبيتنا وبدون عرس اسوي الي يعجبني "
هو يحجي وكلها التفتت على ضحكته ما اهتم الهم وهما هم عافوا وكلمن التها يسولف
باوعتله صفح "مو تايهتلك "
رد "ايي تايهتلي والي يفتح حلكه ادوس ببطنه بعد محد اله حق يحجي لو يعترض ،، وهذا السانج ضبي لا اكصه الج ماشي يا حلوااا "
سكتت عنه
وهو بعده يسوي بل ترجيه بس حقير وسخيف يتلمس بيه ويسوي حركات ما تحملت اكثر

دفعت ايده وردت اكوم
لزم ايدي ونبت اصابعه بيها
"بس تكومين اطيح حضج وحق موسى ابن جعفر .."
بقيت كاعده وهو كل شوي يسوي حركه نرفزني
جنه كاعدين بل كاع والتخم مرتجين عليه جيت اكعد على التخم بلكي اخلص منه
"وييين "
"اكعد على التخم "
"تؤ تؤ تؤ ابقي بمكانج "
عمو كام هو وهنا حتى يرحون وعمتي هم كامت
عمو "يله مهند .. كوم بابا لو اليوم ناوي تبات هنا "ويغمز
رد مهند "يابه اريد اشبع من مرتي .. خليني شوي واجي وراكم "
كلبي صار يدك بقوه من الخوف .. عمو ما حجه بس كله لا تتاخر .. باوعت لبابا تمنيت يعترض لو يمانع بس ساكت ما حجه بس رضا يباوع عليه صفح احسه يريد يحجي بس كل حق ما اله يفتح حلكه
طلعوا بيت عمو وجدو وبابا وراهم ردت اكوم
"استغفر الله شلون ليوم بهل زعطوطه .. كعدي بابا قابل جاي اكابل ابوج اني "
"اء.... ا اريد اسلم على هنا "
"صارت هنا عزيزه عندج مو .. روحي بس اذا صعدتي ما تلومين اله نفسج "
عفته ورحت وراهم هو هم طلع وراي هما واكفين بل باب يكملون سوالف خرب شكد اكره هل حاله
اني عود وكفت يم هنا شو هذا جلب يمنه
حتى ما عرفت شحجي بس اباوع بعيوني وهاي كل شوي وذبت حجايه
لحد ما طلعوا واني لزمت كلبي بيدي
دخلت لجوه شو هذا سحبني من ايدي ودخل للاستقبال هنا من صدك تخبلت
صرت ادفع بي واريد اطلع وهو مجلب بي
"هشششششش اسكتي ... لا اطيح حظج شنو طفله انتي وهيج تسوين "
دفعته بكل قوتي لزمني من ايدي ولواها الي بحيث رادت تنكسر وضربني راجدي
سكتت من الوجع بس دموعي تجري .. لزمني من فكي
"ادفعيني مو ؟! هل مره بس ضربتج مره ثاني اكسر ايدج واعلكها بركبتج "
لزم اديه ثنينهم وصار يتقرب على وجهي واني ابعده
باس حلكي لعبت نفسي من عنده بس ما اكدر احجي شي
عاف ايدي وصار يتلمس بجسمي انقرفت كلش والغصه واكفه ببلعومي صرت اتوسل بي يتركني
"مهند فدوه عوفني لا يدخل بابا .. عليك الله وخر .. لا يجي احد ويشوفنا "
"ويشوفنا قابل شمسوي غير مرتي .. عاقد عليج سيد وكلشي حلال "
بقيت اتوسل بي وهو مستمر لو يرد ما خايف بل عكس عادي
سحبني على التخم و كعد خله راسه بركبتي ويبوس بيه
تمنيت اكتله واطيح حضه بس كلشي مو بيدي
صار كلش جريء خلاني اتخبل .. مد ايده على ملابسي الداخليه من ورا وفتحهم
صرت ادفع بي وما يخليني اؤخر مد ايده بصدري موتني من القهر دموعي تجري بقوه اريد يعوفني
اريد واحد يجي ينقذني من عنده ماكو .. صرت احسه مثل الحيوان يجي يشوفني بس علمود غريزته الحيوانيه
كرهته فوك كرهي اله قاطات ..
"مهند فدوه كافي والله استحي وخر "احجي وابجي
مدري شعجب هل مره سمع مني ووخر
صار بس يباوعلي وساكت
بقيت ابجي ومرتبكه من نضراته لميت نفسي وبعدت عنه بنهاية القنفه
هو فرك وجه وعدل نفسه وطلع
بقيت بمكاني ومخليه راسي بحضني وابجي بكل مره يخليني اكره نفسي ويحسسني اني ورخيصه هل احساس صار يرافقني بكل وقت وما يتركني
صوته وكلماته لساها ترن باذني لو لمساته الجريئه الي صارت تكرهني بحالي
بقيت هواي بل استقبال ابجي ولامه نفسي
دخلت بيبي وشافتني ابجي تخبلت اجت تقربت يمي
"ياااا يااا يمه سوده عليه شبيج جده عليش تبجين .. هذا مهند مو بس كليلي واني اطيح حظه الج "
رفعت راسي باوعتلها وبجيت اكثر
رحت شبكتها وابجي صارت تمسد على راسي وتهدي بيه وتحجي على مهند وتغلط
"كومي جده كومي غسلي وروحي ارتاحي باجر اله اكول ل ابو واخلي يطيح حظه بسيطه .. هاي عود اني موصيته بيج "
رفعت راسي بسرعه"لا بيبي كلشي لا تحجين فدوه .. اني ضوجته بل حجي وصار عصبي .. لا تحجين عليج الله "

ما حجت شي بس كالت روحي هسه ارتاحي ومعليج
خفت لا تروح تحجي انوب هم يرجع عليه ويعرف شلون يكرصني

يتبع ..................

ووف..من هالحر اللي دمر😭💔بشرتنا بالحبوب
عيوني طبيعي هالشهرين تلكين كل يوم فد جم حبايه طالعه عادي كلنا هج

فأنتي سوي عناية حتة تقللين منهن..يوميا صبح اول ماتكعدين من النوم غسلي بغسول اللي يناسب بشرتج وبعده لفي الثلج بوصلة ومسحي عل بشرتج لمدة 3دقايق وبعدها رطبي بأي مرطب يناسبج وبعد ساعة خلي واقي شمس حتلو بالبيت هم خلي لان حارة ومنا طبخ وشغل البيت
وعصرية سوي ماسك مثل ماسك التمن لو لبن وخيار لو ماسك بياض البيض..الخ
وبليل قبل لاتنامين هم غسلي بغسول ورطبي

بهالعناية البسيطة البشرة ترتاح لان كثرة العرق والدهون تطلع الحبوووب

والجسم لاتهملي ضرورري كل يوم تسبحين حتلو بدون ماتغسلين شعرج فقط دوش للجسم..واذا جسمج من النوع اللي اهواي تعركين او يطلعلج طفح وطكع من الحر فسبحي مرتين باليوم

فهالروتين بنوتات التزمو بي يوميا👍منا لمدة 3 اشهر

#ملوكه