البارت السادس والاربعون

(الرتبه والحشمه )

...............................................

أقرب ناس للك ..... هو من يلاحظ تغير مزاجك

من حروف تكتبها ..تلك مهاره لايتقنها الاالقليل !

.............................................

سمر.بعد ما خلصت الهوسه صارت بحياتنه رجعت وي مصطفى للبيت بس خايفه من جاي ماادري شلون اتواجهه وي نصير بعد كلشي صار وتجاوزه عليه جنت صافنه لحد لزم ايدي مصطفى انتبهت عليه كال

مصطفى. شبيج حبيبتي شو لونج انخطف

سمر.ها لاماكو شي هيج مجرد تعب

مصطفى. معناتهه تعاي خل ندخل بس نبقى شويه يم اهلي كاعدين مو راسا نصعد ماشي

سمر.ماشي

نزلت وياه بهدوء دخلنه للبيت جانوا كلهم مجتمعين اول ماشافونه حسيت تفاجئوا لان مصطفى رجع للبيت واني بقيت يم اهلي بادرت اني ورحت بوست الحجيه وسلمت على خاله والبنات بس خاله تباوعلي بستغراب جانوا الولد كلهم كاعدين كمال ومنهد ونصير بس القيت سلام وهمه ردو كعدت يم مصطفى كالت خاله

خاله. سمرر شبيهن عيونج ليش هلكد باجيه وجهج مزلغ شبيج يمه

سمر.باوعتلهه مدمعه عيوني حجيت بغصه . لاخاله مبيه شي بس مرت اخويه ان

مصطفى. سوت حادث وجانت حالتهه خطره وهيه متعلقه بيهه تخبلت عليهه

باوعتله متفاجئه اشرلي بعيونه انو اسكت اني هم ماحجيت بعد خاله ضلت تستفسر ومنو بيهم من عرفت مرت اثير ضلت تبجي عليهه تكول هاي البنيه يتيمه وشبعت قهر واني مامصدكه متت بجي عليهه اخر شي كومني مصطفى ورحنه للغرفه ماحجيت ويا عفته ودخلت سبحت من طلعت لكيته مقلل لاضاءة ونايم مبين علي تعبان اني هم نشفت شعري ونمت يمه حس عليه سحبني لحظنه ورجع نام

كعدت صبح صوت تلفون مال مصطفى يدك جاوب يمكن من دوام كالهم مااجي اليوم وسد باوع عليه لكاني كاعده كتله

سمر.صباح الخير حبيبي

مصطفى. صباح نور يعمري بس اني نعسان اريد ارجع انام ليش صبحين عليه

سمر.هههههههه ارجع نام منو لازمك اني راح انزل لان تاخر الوقت

مصطفى. لا يحلو ماطول اني هنا ماكو نزله جوه ضلين يمي

سمر.والله لاعفيه مصطفى خل انزل عيب منهم

مصطفى. شنو جنج ناسيه اني عريس واريد وجبات اضافيه غير الاساسي ولو اني كلشي مامحصل واريدج تحسين شويه ماكو

سمر.طفرت من يمه راسا .اني نازله كمل نومتك نوم العوافي

مصطفى. تعالييي لججج

ركضت اريد ابدل بس هوه جان اسرع مني رجعني لحظنه واخذ الايريده وفوكهه زياده هم ماعافني لمن كمت ابجي بعد مابيه حيل كمت سبحت وبدلت ونزلت هو دخل يسبح بعدني جاي احجي وي شهد هوه نزل مبدل ملابس دوام استغربت مو كال مااجي شافني صافنه علي كال

مصطفى. شبيج شو صافنه

سمر.مو كلت راح ترجع تنام شو مبدل

مصطفى. خابروني لازم اروح

سمر.براحتك احطلك ريوك

تقرب همس يمي اذني

مصطفى. شبيج ضجتي ترديني ابقى يمج شو انتي شردتي وعفتيني بس يلا المهم اخذ جرعة منشط قويه انوب يوميه صبح هيج اريد مفهوم

سكتت بالله شحجي وياه تريك وطلع واني بلشت بلروتين اليومي رجعت لدوام ومشت الايام رهف الحمدالله رجعت لطبيعتهه وصار زواج مرح وبتواسيل يلا قبل مصطفى اروح ودعناهه للفندق ورجعنه صح تونست بزواجهه بس ماما كسرت خاطري وهيه تبجي تكول ثنينجن عفتني ورهف تكلهه اني مكانهه وذيج العوبه سحر تكلهه لااني مكان مرح مايشرفني مكان سمر لاتفسد اخلاقي ههههههههه

وهيه صايره اخلاقهه سزز فد مره رجعت من العرس وطبعا مايفوتهه اليه مصطفى بيومهه بقينه لصبح كاعدين وثاني يوم هم ضربناه ضلينه كاعدين بلغرفه مشت الايام وحياتي ستقرت الحمدالله بس سالفة الخفر هاي روحي تطلع من يروح مصطفى خفر اهله الحمدالله زينين وياي ويحترموني واني هم حاطتهم على راسي نصير بعد ماله علاقه بيه من اخر مشكله صارت بس الجديد صار انو بلشت عندي اعراض الحمل كلت لمصطفى ورحت حللت وفعلا طلعت حامل بيومهه طرت من الفرح حسيت ملكت دنيا كلهه طلعت لمطصفى جان واكف بره من شافني اضحك وعيوني مدمعه من الفرح اجاني يركض

مصطفى. ها بشري سمسم

سمر . راح تصير أب ياروح سمسم هههه.

مصطفى. يالله اللهم صلى على محمد وال محمد لج سمر مامصدك امشي خل نروح للبيت

صدكنه رحنه للبيت وبشرناهم والكل فرح بلخبر وباركلنه رحت لااهلي بنفس اليوم أبشرتهم بحملي الكل فرح رهف كامت تطفر كدامنه تكول بس اني فارغه راح اطلع اغاني اركص كدامجن وانتن ضلن باوعن عليه وصدك سوتهه الخبله عاطت بيههةسحر

سحر.ولجججج فيفي عبده على كيفج عيني من شوكت متعلمه ركص خاف تركصين لااثير

رهف.اذا لااثير مااركص المن اركص

سمر.صايره وكحه ولج ماعرفتج

رهف.هيه تاخذ اخوج ضل عاقله

أثير.شبي اخوههه ماعاجبج مدام

رهف.لاشنو ماعاجبني غير اموت عليه وقصدي طار عقلي بحبك حبيبي

سحر.لايا جبانه جريتي بوش مو هههههههه

رهف.سحر شبيج شو انخطف لونج

سحر. بألم .ب بس صي صيحي عمر من بسرعه

سمر.بس لا راح جيبين ولج

سحر. أاااااااخ ولجججججج يمممممه لحكيلي

رهف.عززززه حجيب راح اصيح بيبي وعمه

طلعت رهف تركض صاحت بيبي وماما لبسناهه على سريع واخذوهه وراحوا وهيه ميته من الوجع خطيه تاخرو كلش صار ليل وهمه ماكو بعدين كالو جابت ولد بقوا فوك ساعه واجوا خطيه تعبانه كلش بس ماشاء الله الطفل يجنن

سمر.مبروك يروحي يتربى بعزكم انشاء الله

سحر.الله يبارك بيج يوم التكومين بسلامه

سمر.ان شاء الله مبروك عمر ماشاء الله يخبل

عمر.غير يطلع عليه اكيد يخبل

أثير.على اساس احلى واحد بلعائله انته ويطلع عليك بابا بطلوهه هاي سالفه مصلبخ وبس يصير عدك ولد كلت طالع عليه ليش ضلمه وتسدهه بوجهه من هسه ههههههههه

عمر.شنو ماعاجبك ولك لو انته متعجب بروحك لان البنات تتغزل بيك وين ما تروح

أثير.ههههههههههههههه موت بحصرتك لان مايعبرنك مو لك بابا شخصيه وضابط والشكل الحمد الله بس رغم هيج لعبانه نفسي من هاي سوالف احس اكتفيت

سمر.بالله اثير بماانك اكتفيت بخبارك مصطفى هم اكتفى

أثير. وجهي سؤالج لرجلج اني مالي علاقتي بي شي وزواجج منه شي ثاني

سمر.نفس جواب مصطفى من اسأله عليك ادري متفقين شني

رهف.اكلكم سحر انتي موتعبانه اطيني هذا الكيوت اصعده وياي واريحج منه

عمر.بشرفج رهف لاسويله كيوت وهاي سوالف اريده زلمه معدل لاتخربينه بهذا الحجي

أثير.افااااا عوفي عمي معليج بي خلي يطلع معدل على اعوذ بالله منك يلساني كومي يابه يلا نرفع زحمه ورانه دوام باجر

صعدو اثير ورهف واني اجه عليه مصطفى ورجعنه للبيت حياتي صارة عن دراسه ونوم تعبت كلش بهذا الحمل وكلما تمر اشهر كلما اتعب اكثر اهلي كمت مااروحلهم ومصطفى حاير بيه خطيه حتى مايطلب مني شي لان يشوفتي تعبانه خلصت المرحله الاولى الحمدالله والاهم ولادتي صارت بلعطله لان تبهذلت حامل واداوم ولادتي جانت عمليه ماكدرت اجيب طبيعي جبت بنوته سميناهه غزل وصدك غزل اخذت عقلي بسوالفهه ومصطفى مكابلهه وكاعد يجي ملهوف عليهه حتى من يروح خفر يفتح كام ويشوفهه شلون تنام لو تلعب وهيه هم تعلقت بابوهه بشكل موطبيعي بحيث من اروح لاهلي وشوف خوالهه ضل بس تبجي منا لمن يجينه مصطفى حياتي استقرت الحمدالله وي زوجي وبنتي الله يحفظهم الي ويحفضلي اهلي اتمنى مااكون طولت عليكم بس ياريت تاخذون العبره من قصتي ماتخلون ثقتكم بشخص هوه مو اهل لثقه .

.....................................

مرح. حياتي وي وسام عسل ايامنه كلهه عسل يطب ويطلع يتغزل بيه وعمه فرحانه بينه تكول مامصدكه اشوفج بيتنه من جنتوا زغار واني اتخيلج جنتي وهنا وياي بلبيت عمه خطيه عدهه بس تلث ولد معدهه بنيه وماتقبل واحد يطلع وحده تكول اني مااصدك اجمعكم بيت واحد واكبر عائلتنه تكومون طلعون طبعا احنه لاغينهه هاي الفكره بس حيدر يريد يطلع طبعا حيدر ازوج ورانه بشهر وحده ويا بجامعه حبهه وخطبهه البنيه حبابه ومرحه مهونه عليه فراك البنات رغم كل يوم نسوي مكالمه جماعيه كلنه سوه اني حامل وهذا شهري تاخرت بلحمل لان وسام ماراد اطفال بلبدايه يكول خل نتونس اليوم عمه طلعتني امشي لان كالت دكتوره امشي طبعا حسب كلامهم لان اني ماافهم كردي كلت لعمه واحنه نتمشى

مرح.عمه مشتاقيتي لبيت جدو

عمه.ياا دكولي طك كلبي على شوفتهم بس مااكدر اعوفج واروح وهذا الخبل مايخليج ترحين وياي والله شنو يريد ابنه ينولد باأربيل

مرح.هوه غير يطلع والله متت تعب ادري شنو لاطش

عمه.انتي سويتي الكالت علي دكتوره لو لا

مرح.اي والله عمه بس

عمه. بس وسام يخاف على ابنه موو

مرح . اي والله عمه

عمه.امداني لاجبتي هواي ايدج بيد سمر هم عمليه على هذا الحجي

مرح.ههههههههههههه ذكرتيني برهف عمه من كتلهه على حجي دكتور تكول هذا لو اثير جان دخل باسهه براسهه على هاي توصيه

عمه.هههههههههههههههه هاي البت طالعه عينهه كلش

مرح.خليهه عمه شبعت ضيم يايوم ارتاحت هسه هيه بقت ان شاء الله الله يفرحهه بطفل وتكمل سعادتهه

عمه.ان شاء الله والله لساني مايبطل دعاء الهه

مرح.عمه بعد مااكدر جني راح اجيب يمممممه

عمه.اكعدي اكعدي خل اخابر وسام

مرح.بسرعه عمه بعد مااتحمل كتلج وجع قوي عندي كوه جنت امشي

عمه اصبري يمه هذا رجلج اجه الله يسهل عليج بجاهه ام البنين

وسام.هاااا شبيههه

عمه.دتولد بسرعه تعال صعدهه بسياره

وسام.اي تعاي حبيبتي

مرح.لك وسام حمووووت من الوجع بعد مااتحمل

وسام. اصبري يعمري هاي راح نوصل مابقى شي

مرح.أااااااااااه يممممه اريد امييييييي وسسسسسام ولججج عمه لحكيني

اصعب يوم وأصعب ساعات مرت عليه هيه يوم ولادتي لاابني مااكدر اوصف كمية الالم الشفته والتعرضتله تعبت وذني اصرخي ادفعي موتني منا لمن صرخت صرخه قويه اعلنت عن امومتي ونور ابني حبيبي الدنيا الي من شفته نسيت الوجع والالم المر عليه طلعنه بعد مابدلنه ملابسه ورحنه للبيت عمه هيه حاظنته وتبوس بيه تكول يمه اول حفيد هذا محد يوصل لمعزته بعد وسام عيونه تلمع بفرح من يشوفه صار عمر تيم ست اشهر مارحت لاهلي غير مره وحده والله شنو استاذ وسام ميكدر يفارك تيم افندي جنت كاعده اراتب ملابس وسام وتيم يمي بلحجله مالته يفتر

اجه وسام وكلعاده يكلب دنيا بصريخ علي علمود يشيله

وسام.ياروح ابوك عليمن هذا البجي كله تعال نطلع اني وياك نروح نشتري

مرح.ههههههه حبيبي ترى مايعرف الحجي وانته كاعد سولف ويا

وسام.لاهوه يعرف يحجي وياي موصح باباتي ارووح فدوه لهل ضحكه هاي

مرح.اكول عيني شو ماعبرنه صاير كله لااستاذ تيم عود شيسموهه هاي

وسام.هههههههههههه لك تيومي بابا ماما تغار منك

مرح.لاشنو شوكت غرت من ابني اني لاسوي هاي سوالف.

ذب تيم بلحجله واجه حظني ورفعني حطيت رجليه على خصره وحاوطت ركبته ماحجينه شي عفنه مشاعرنه هيه تعبر اشتياقنه واحد لثاني لهنا وتنهتي قصتي اتمنى اكون خفيفة ضل عليكم ومامليتوا وتغثيتوا مني ادعولي الله يحفظلي زوجي وابني من كل شر 🙏

.......................................

سحر. طول فترة حملي واني نايمه على ضهري متت ولعبت نفسي من الكعده عمر لو بدوام لو طالع ابد مايكعد وياي امي وابوي انتقلوا لبيت خوالي بلبصره امي اصلهه مناك رادت امجد يروح وياهه بس رفض وبقى كاعد هنا ندى مرته جرت عدل ومالهه شغله بأي واحد مااعرف ليش عقلت هاي البنيه فجاءه معقوله جانت تخبث بتحريض من امي لو رادت تكسبهه بهاي سوالف الله اعلم اهم شي جرت عدل خلصت فترة حملي اقره قصص بلفيس بعدين من خلال تعليقات عرفت اكو برنامج اسمه واتباد نزلته وصرت مدمنه علي ماادري شكد تمر ساعات واني اقره بي قررت اكل للبنات ونزل قصتنه بلبدايه رفضن بس من حملتلهن البرنامج وبلشن بي خاصه رهف كتلت روحهه عليه لان خطيه لحد الان ماكو حمل رغم صارلهم فوك سنه من زوجوا بس لان كعدوا ماكو دوام بسبب الاوضاع والكرونا كل شويه وجايبتلهه بطل جديد وتتفاعل بتعليقات بشكل يموت ضحك اني حياتي صارت عباره عن البيت وعمر وابني علوش ابو لسان شالع كلبي بوكاحته جنت كاعده على جربايه وناصبتهه مناحه وعلووش يمي دخل عمر ضل صافن عليه و بعدين طكهه ضحكه

عمر.هاااا هلمره عليمن البجي شمسوي علوش مكسر مكياجج لو تقيئ عليج لو فلش الملابس

سحر.اضحك انته شهامك اني الماكلتهه وطايح حظي من وره ابنك انته شوراك

عمر.ههههههههههه لج بابا كل عقلج تبجين على هيج شغلات صدك جذب تعال باباتي شوف شجبتلك

علوش.بابا ان ان تحل نني( بابا صيح بسحر طكني)

عمر.افااا صدك سحر طكينه اليوم املصلك اذاناتهه على هاي طكه

سحر.ابن زفره غير امك تروح تفتن عليه ولك انته ليش تكرهني جني مرت ابوك مو امك

عمر.ولجججج سحر شلون تحجين كدامه هيج صدك بالله

سحر.والله محد مطلع عينه ومقوي عليه غيرك انته واثير ماخله سالفه عوجه ماعلم الطفل عليهه

عمر.يعني اعترفتي بلسانج بعده طفل شلون تعاملينه هيج سحر على كيفج ويا مو هرمونات الحمل طلعينهه على علاوي المسكين وابو

سحر. انته وابنك مساكين انته لو صدك مسكين ماتقشمرني وتخليني احبل بهلسرعه هاي وابنك بعده زغير

عمر.اذا انتي حايره بلقصص وتندمجين وياهن بحيث تنسين روحج شسويلج اني هم من شفتج تفاعلتي اخذني الواهس وصار طفل

سحر.كرهتني بلقصص من وره هاي السالفه انوب اقره على مصاصين دماء حتى بس تتقرب اكتلك واشرب من دمك نيهههههها هههههههها

عمر.حمس شنو هاي الضحكه ولج ذكرتيني بريه وسكينه طاحظج ماتكبرين انتي

سحر.هسه شوفلك حل لاابنك لو لا ترى راح ينزل البارت واريد اقراه خل اسويلك عشا الزم ابنك

عمر.اذا ماامسحه اليوم والغي حساب الفيس اني اعلمج ام القصص
.

سحر . انته شبيك متناصب وياي على الواتباد جنك لاكفني وي واحد

عمر.انتي شايفه روحج من تقرين ساعه ضحكين وساعه تبجين وحدج جنج مخبله ادري شموازيج ماتكليلي

سحر.مو مشاعري رقيقه وبسرعه اتأثر عبالك مثلك ماعندك مشاعر

عمر.دروحي سوي عشا اريد انطمر وراي دوام وعود ادورلج مشاعر من تجين وهاااا لاتلتهين بسوالف وي رهف خليهه لباجر وتناقشن بلقصه الجديده

سحر.هههههههههههه لا بسرعه اجي

نزلت سويتله عشا وصدك لكيت رهف جاي سوي لااثير عشا ومتعاركه ويا ماخذ تلفونهه لاكيهه تبجي قاريه قصه على وحده يتيمه وكلهه لطم بس بواجي ادري اليوم اثير هنا مو خفر وطيتهه الهه العصر كتلهه تخبل وهاي ثوله من كل عقلهه تنحب عليهه كملت العشا وصعدته الهم لكيت عمر منطي تلفوني لعلي مكنك بي مايبطل هاي الحاله مايكدر يحط عينه علي ينطي تلفون ومن يجي يلكاني مكعدته ومنطيته تلفون يضل يحجي عليه ومضر بلصحه ويسوي توحد ومحاضره ساعه بس هوه لاعادي ينطي اله تعشينه ونزلت الصينيه وصعدت جاي لعمر على مابدلت وبدلت لعلوش وكعدت انوم بي واقره وعمر يتخبل من هاي الحاله بس شسوي موبيدي تعودة بعد هاي حياتي واخيرا ستقريت وي عمر وابني وبنتي البعدهه بطريق ادعولي اكوم بسلامه واتمنى تفتحون عيونكم قبل لاصادقون ترى مو كل اليجي يريد صداقتنه نأمن بي ونطي ثقه كامله كافي نتعامل بطيب وي الكل خلي لكل شخص معامله خاصه تليق بي اتمنى مااكون طولت عليكم وان شاء الله كدرنه نسعدكم بقصتنه وشكر خاص من كلبي الكم كل الي دعولي بشدتي واهم شي صارو وياي ضد عمر ههههههه.
...............................

رهف. حياتي ماشيه الحمدالله خلصت المرحله الاولى بتفوق واثير جان مساندني بكولشي حياتي ويا يوم عسل ويوم نصير من روس هوه عصبي واني مااعرف اسكت صراحه ولان ادري بي يحبني ومايأذيني كمت ارادد ومطلعه لساني علي عشره عشره هههههههه

بس فرحتي ناقصه حياتنه ناقصهه طفل يزينهه بس لااسف بكل شهر اتأمل يصير وماكو رحت لدكتوره كالت مابيج شي حتى ماانطتني اي علاجات عطلنه وكعدنه بلبيت تكأبت نفسيتي بلزايد كمت روحي مااطيقهه بس علوشي مهون عليه شويه لان سحر شمره عليه وتروح تسبح لو تنظف وهوه ماشاء الله لسان طركاعه عود يحجي مكسر بس ينفهم حجيه خاصه اذا أثير هنا واشوفه شلون يلعب ويا اموت من القهر ومااسيطر على دموعي كل يوم عركه على نفس الموضوع اني ويا بس بلا فائده هذا شي صعب عليه شلون اكدر تجاوزه اليوم كاعده وحدي بلغرفه كلعاده وجاي اكلب بلفيس شفت وحده ناشره على دعاء مال الحمل وهاي شغلات صفنت حسبتهه صارلي عشرين يوم ماجايتني معقوله يربي راح تجبر بخاطري بعد هذا الصبر طفرت اخذت اختبار الحمل لان اني جنت كل شهر اشتري واضمه بس تغيب عليه يوم اسوي الاختبار بس هلمره ماسويت لان شبهه ايست اخذته بسرعه ودخلت للحمام سويته وطلعت دكعدت على جربايه لان احس جسمي كل ينفض من الخوف والتوتر مرت خمس دقايق دخل اثير شافني ارجف ولوني مخطوف اجه بسرعه كعد يمي

أثير.عمري شبيج

رهف. اثير الله عليك انته شوفه والله حيلي كله يرجف ومااكدر اشوفه

مديتله الجهاز هوه شافه لو تخبل عليه

أثير. استغفر الله وتاااالي وياج رهف جم مره كتلج بطلي من هذا الزفت ليش كل مره سوينه وبعدهه توكعين بلفراش من القهر لججج والله تعبت تعببببت شوووكت تفهمين مابيه بعد اشوفج واكعه كدام عيني انعلل ابو الطفل لابو الحمل كافييي جوزززي من هاي سوووالف والله وروح عمي اذا شفتج مشتريته بعد نخرب من صدك مفهوم وهسه كومي ذبي بزباله كووووومي

طفرت مخروعه خرررب يومك اثير خلسني خلس رحت اريد اذبه بزباله شمرته بسطل زبل انكلب ضليت صافنه علي لااااا معقوله كعدت على ركبي وطلعته من زبل ضليت لازمته ودموعي يجرن ماادري شوكت بجيت رفعت راسي على اثير لكيته خازرني خزره همست بصوت يرجف اول ماحجيت اثير طفر مصدوم واجاني يركض انكلب شكله كله

رهف.برجفه وبجي.اثير اني حاملللل.
.
.
يتبع

البارت السابع والاربعون والاخييير

( الرتبه و الحشمه )

...........................................

سأكون .. معك دائما في كل مكان

سأكون .. عونك وحمايتك ..

وقلبا بنبض ..لااجلك ❤.

.............................

أثير.عمري شبيج

رهف. اثير الله عليك انته شوفه والله حيلي كله يرجف ومااكدر اشوفه

مديتله الجهاز هوه شافه لو تخبل عليه

أثير. استغفر الله وتاااالي وياج رهف جم مره كتلج بطلي من هذا الزفت ليش كل مره سوينه وبعدهه توكعين بلفراش من القهر لججج والله تعبت تعببببت شوووكت تفهمين مابيه بعد اشوفج واكعه كدام عيني انعلل ابو الطفل لابو الحمل كافييي جوزززي من هاي سوووالف والله وروح عمي اذا شفتج مشتريته بعد نخرب من صدك مفهوم وهسه كومي ذبي بزباله كووووومي

طفرت مخروعه خرررب يومك اثير خلسني خلس رحت اريد اذبه بزباله شمرته بسطل زبل انكلب ضليت صافنه علي لااااا معقوله كعدت على ركبي وطلعته من زبل ضليت لازمته ودموعي يجرن ماادري شوكت بجيت رفعت راسي على اثير لكيته خازرني خزره همست بصوت يرجف اول ماحجيت اثير طفر مصدوم واجاني يركض انكلب شكله كله

رهف.برجفه وبجي.اثير اني حاملللل.

أثير.شنو شنووو صدك تحجين انتي

رهف.بصوت نحيب.والله اثير شوف هذا خطين يعني حامل اني حامل مامصدكه والله

اثير.كومي وياي

رهف.وين ماخذني

اثير.امشي خل نروح نحلل ونتاكد ليش نضل بشك اني هاي لاجهزه ماعندي ثقه بيهه

ماحجيت شي كمت لبست وطلعنه وصلنه لمجمع قريب نزلنه حجه وياهم اثير كاله نريد تحليل مال حمل صدك اجه الولد سحب من عندي دم وكعدنه للانتظار يمكن هاي اصعب لحظات مرت عليه واني منتظره تحليل يطلع دخت وبطني موتتني من لويه بسبب توتر ماخليت ايه ماقريتهه تقريبا ختمت القرءان

من كد الخوف والزاد خوفي وحيرتي هوه خوف اثير وشكه بجهاز لاختبار بس هم جان متوتر طول ماهوه كاعد يهز برجله بعصبيه اخر شي كام وكفت ويا لان معصب سالته بخوف

رهف.شبيك

أثير. بعصبيه.ادري شنو سالفه ماطلع تحليل هذا لعبت نفسي واني انتظر خل اروح اشوفه ماخلص

تفاجئت بي طلع منتظر ومتوتر اكثر مني حتى راح واجه بيده ضرف ولابس نضاراته استغربت شكو لابسهن ودنيا ليل اجه وكف يمي كال

اثير.يلا امشي خل نروح

رهف.شنو شطلع بتحليل

أثير. امشي هسه يلا

سحبني من ايدي وطلعنه دموعي كامت توكع بدون توقف اكيد ماكو واله أثير ليش هيج معصب وصلنه لسياره باوعلي متفاحئ من دموعي

أثير.هاي انتي جنتي تبجين من طلعنه من المجمع

رهف.بس هزيت راسي ماحجيت شي ودموعي تجري

اثير.اكول ليش العالم تباوع علينه بعدين انتي شعرفتي من نتيجه حتى تبجين

رهف.احس الشهكه شكت صدري.هوه اكيد ماكو والا ليش ماحجيت ولامبين عليك

أثير.شو باعيلي حبيتي لج انتي راح اصير احلى ام على هذا الكلب العندج والحنيه

رهف.لاتواسيني اثير الضاهر اني مامك...

راسا قاطعني وحجه بفرحه وصوت شبهه عالي

أثير.ولجججج انتي حامل شبببيج

رهف.باوعتله بصدمه.ي يع يعني اني حاممممل والله اوووف ياربي الف الحمد وشكر الك يارب 😭😭

أثير.كافي بجي ادري فاتحه تانكي مال دموع عندج على كلشي تبجين شنو سالفتج

رهف.والله مامصدكه احس كلبي راح يوكف من الفرحه واخيرا ياربي جبرت بخاطري وماخيبت ضني

اثير.يلا وصلنه تعاي خل نبشرهم

نزلت وياه مسحت دموعي بس وجهي مبين عليه باجيه لان صايره خريطه دخلنه لكيناهم كلهم مجتمعين بلهول عمر كاعد وحاط علوش بحظنه وسحر كاعده يمه هيه ويطنهه كوه تتنفس وقتيبه وندى والتؤم وعدهم ولد صارو وره التوم وامجد وندى الكل مجمع وبيبي وجدو وعمو وعمه اجينه يمهم باوعو علينه لان مبين عدنه شي

جد.شبيكم وين جنتوا شبيهه رهف جانت تبجي

اثير. ياجماعه باركولنه راح يصير عدنه نونو

الكل.😯😯😯

سحر.يااااااااا ررررهف والله يعني انتي حامل الف الحمدالله وشكر يا ربي الف الحمدالله

اجت سحر تركض تبوس بيه وتتباركلي علىالحمل اجه عمه وخرتهه

عمه.شو ولج وخري اطيني مجال خل اشوفهه يممه بعد عمري ربي يتممهه عليج وتكومين بسلامه بجاهه الحبيب محمد

بيبي . يمه صلوات على محمد على الخير بيبي يوم تكومين بسلامه انتي ويا

هدى.مبروك يروحي ربي يسهل عليج حملج وتكومين بسلامه

رهف.الله يسلمكم

كمت مااعرف احجي بس دموعي تصب وتشرح حالتي كعدنه يمهم وعمه بدة بنصايحهه هيه وبيبي سوي هيج وسوي هيج واني اسمعلهن بتركيز مااريد اي شي يسببلي خطر بحملي جابن البنات العشا واني كاعده وهاي سحر نست نفسهه حامل حاطتني وكاعده توكل بيه مثل الطفل اكلهه حرام عليج البوته جاعت وهيه ولاكانوا تسمعني كملنه عشا وصعدنه فوك بدلت ملابسي اول ماطلعت من الحمام شالني اثير وضل يفتر بيه ويضحك

أثير.لججج رهف مامصدك والله احس روحي جاي أحلم جذاب اليكول الابو مايحس لمن يشوفه ابنه بعينه يلا اقسم بالله احسه محبته نزرعت بكلبي من لحظة الاستلمت الضرف مال تحليل بيدي

رهف.حبيبي يوم تستلمه بيدك انشاء الله وتفرح بي من تحطه بحظنك وتشوفه

أثير.لج لاتحجين هيج وتحمسيني زياده هههههههه

رهف.هههههههه تدري اثير ابد ماتخيلت راح تكون ردة فعلك هيج بحملي

أثير.ماراح احجي شي خليهه الايام تثبتلج مدى سعادتي بيج واباابني

رهف.لاتحجي بصيغة مذكر احتمال بنوته

اثير . ولد بنيه كل جاي من الله يامحلاه مجرد صوت ضحكتخ وبجيه يملي علينه الغرفه هنا تسوى الدنيا

رهف.الله يتممهه النه على خير يارب ويطلع بخير وسلامه

أثير.امين الله يكومج الي بسلامه هذا اهم شي عندي صح الطفل مهم وكتلج وجوده راح يفرق عندي هواي بس مستحيل ياخذ مكانج عندي لو اجازف بيج علموده

رهف. حباب لاتخوفني بهذا حجيك

أثير.تعاي خل نام لو عجبتج شايلج واسولف وياج

رهف. استوني انتبهت . ياااا عزززه اثير نزلني نسيت والله حباب نزلني

أثير.لا ماانزل عاجبني اشيلج و بعدين اليوم عدنه مناسبه كلش مهمه غير لازم نحتفل بيهه 😉

رهف.ههههههههه بس خاف موزين

اثير.هااا بلشنه بعدين لاتخافين خليهه وراي خل اخذ راحتي اليوم وياج وباجر اخذج لدكتوره وعود سأليهه يصير لو لا ها شكلتي

رهف. واني اكدر اكلك لا هههههههه

أثير. اموت على ربج 💑

من كمل ابتعد ردت اكوم اسبح مخلاني لان سبلت مفتوح كوه كمت سبحت ورجعت لكيته مطفي كام هوه سبح ورجع وخلانه نايمين بلحر تالي من حسيته غفى كمت شغلته واجيت على كيف مددة طلع كاعد كال

أثير.ليش شغلتي حتى تتمرضين ترى جو صاير بارد ليش ماتحتمين انتي

رهف.وينه بارد اثير كول يالله

أثير.هههههههههه دنامي لاابتلي بيج انتي وابنج

صدك نمت بحظنه بدون كلام كعدت ثاني يوم مالكيته طالع استغربت شعنده طالع من وكت باوعت على ساعه جانت بلعشره يااا عززه كل هذا الوكت نايمه وماادري بروحي ردت اكوم من الفراش ذكرت احداث البارحه حطيت ايدي على بطني وصبحت على ابني وبقيت احجي ويا بعدين كمت بدلت ونزلت جوه تريكت وردة اشوف شغلي بس عمه وبيبي ماقبلن اسوي اي شي كالن اكعدي واسكتي واني ماصدكت صعدت فوك تمددة وفتحت الموبايل ورجعت اكمل القصه جديده ستوني مبلشه بيهه فزيت على صوت الاذان عزه هاي شبسرعه الوقت هيج مر كمت صليت ونزلت شويه واجوا الولد وجدو وعمو وصبينه الغدى طبعا كوه خلني اساعدهن واثير يخزر بيه كملنه هوسة الغدى من دنريد نصعد اثير كال لعمه تحظر نفسهه حتى نروح لدكتوره صعدنه نام شويه وكعدته رحنه لدكتوره الحمدالله كالت حمل طبيعي ومابي شي بس علاج بنظام واكل صحي وراحه ومن اليوم بدة معاناتي وي عمتي واثير مايخلوني اسوي اي شي بس اكلي نامي اكلي نامي لحد ماوزني طك فد مره واثير ناصب عليه جنج ركه يكلي واني اكوم ابجي من صدك دخلت بشهر الخامس ورحت اخذت سونار طلع ولد اذكر بيومهه اثير محتار شنو يسوي حتى يعبر عن فرحته مرت الأشهر وبديت اثكل كوه اتحرك اسويلي شغله يصير عندي خفقان قوي بيوم جنت كاعده بلغرفه وافرك بخشمي دخل اثير ضحك عليه لان خشمي احمر وابجي ميته قهرر

أثير.شبيج هاي شمسويه بوجهج

رهف.مشتهيه شي وادري بي مضر بلصحه شسوي صارلي يومين بعد مداأكدر اتحمل 😭😭

أثير.اي ليش ماتحجين بعدين انتي عليمن تبجين هسه كوليلي شنو مشتهيه

رهف . برتباك.شوف موتضحك عليه والله هذا ابنك دمرني دمار صار يومين على هاي الحاله اضل ابجي لحدما اروح اتقيئ بلحمام يلا ارتاح

أثير.شنو هاي المشتهايه التعجيزيه شريد ابني بالله احجي خلصيني رهف

رهف.حجيتهه كوه طلعت مني . ج جك جكاره

اني حجيت هيج واثير فتح عيونه مصدوم باوع عليه وبعدين طكهه ضحكه بصوت عالي لحد ما اختنك

أثير. هههههههههههههههههههههههههه الله عليج صدك تحجين تردين دخنين ههههههههههههههههه

رهف.اضحك شهامك انته اصلا كله من وراك امس غسلت ملابسك جانن كلهن ريحة جكاير لو متت عليهه اول مره اشتهي شي بهاي طريقه والله العظيم

أثير.انعلج ابو جكاير تعاي دخني بويه منو لازمج هههههههههههه

رهف.غير موزين شلوون

أثير.معليج ماطول هوه رادهه يعني هوه ادره مصلحته خلي يدخن هههههههههههههههههههههه

رهف.كافي ضحك شنو حاجيتلك نكته حتى تضحك هيج

أثير.وهيه هاي هم سالفه منج بالله همزين بطلت الشرب جان كتيلي اريدلي بطل عر** اتونس بي ابنك مشتهي

رهف.حكيت خشمي حيييل من وراه وعطت بيه عيطه.... انتتته شسويت اثيررر اله تحجي كدامي يربي شهل ورطه هاي 😭😭😭😭

أثير.ههههههههههههههههههه لايالله لاتكليلي شتهيتي ولج

رهف.ولكم شنو هذا البطني اكو طفل يشتهي هيج شغلات يربي نسوان تشهى بيتزا كنتاكي نوتيلا اله حظي معسل انجبيت واكلت انوب جكاير وهسه الكارثه هاي ليش هيج عود

أثير.شنو شننننو شمسويه ست رهف

رهف.شمسويه شبيك

أثير.ماكله معسل مال نركيله رهف صدك والله

رهف.غصبا عليه قابل بيدي يومين اني منايمه من الحكه لازمتني ونفسي تلعب من اي شي اكله انجبرت اكل منه وهاي من شهر ثالث ترى مو هسه

أثير.اكيد مو مره وحده مو

رهف.لاابني مؤدب يضوك شغله مره وحده مايطلب مره ثانيه هههههههههه

أثير. والقرءان خبله اكو وحده عاقله تاكل معسل مال اركيله يجوز حتى شربين من وراي

رهف.لاوالله مشاربه وكافي لاتلح بسالفه لاتروح نفسي عليهه هسه وهوه موزين

أثير.ههههههههههههههه والله بديت اخاف منه هذا البطنج من هسه يريد هيج هذا اذا طلع يضل سايب من مكان لمكان

رهف.اني العليه اجيبه وانته مهمتك تعلم وتربي اكيد ماتريده يوكع بنفس الاغلاط الوكعت بيهه انته

أثير. هذا شي اكيد وبما انج نسيتي شتردين تعاي اريد انام ميت من تعب وانتي ماشاءلله صارلج سبع شهور مخليتني بجفاف

رهف.ههههههههههههه شسويلك غير موزين

أثير.لكك ساقط ماتخلي امك تشتهي **** وأوعدك مااقصر وياك..

رهف. عززززززه انته شدتحجي اثير

أثير.يعني اليشتهي ذني ضلت على هاي هم خلي يشتهيهه 😉

رهف.اني راح انام احسن ولعلمك حتى اذا راد مستحيل اطلب منك هيج شغله

أثير .اي مو بكيفج يطيح حظج غصبا ماعليج تجين لحظني ركض ههههههههههههههههههه

رهف.هههههههههههههههههههه

رحت نمت بحظنه شكد لحيت علي وشافني ابجي وماقبل أدخن يمه ان مضر بلصحه تالي ايس مني كام هوه يدخن وينفخ بوجهي حسيت ارتاحيت ونعست راسا نمت كعدت صبح مالكيت اثير كلعاده من حبلت لحد الان هون يطلع بدون ماادري بي مرة اشهر حملي بصعوبه متت دخلت بشهري دتحددة موعد العمليه لان مااكدر اجيب طبيعي جنت لابسه ملابس العمليه والكل يمي حتى البنات ومرح هم اجت اجه اثير دنك باس راسي ماحجه شي لزمت ايده قبل لا ادخل كدامهم كلهم هوه ضل مستغرب تصرفي

أثير.شبيج

رهف.أثير الله عليك بروح عمك هذا الماتحلف بي جذب اريدك توعدني كدامهم كلهم اذا ماطلعت من العمليه تخلي ابنه بعيونك ودلله ولاتحرمه من شي ولاهم تربي احسن تربيه

أثير.شنو هذا الخرط انتي ليش تحجين هيج شبيج ماراح يصيرلج شي وانتي راح تربينه وتفرحين بي

رهف.شبيك عصبت مجرد امانه لازم اوصيك بيهه لاضوج

د. ها ماما جاهزه حتى نتوكل

رهف.اي دكتوره جاهزه

د. زين زوجج وقع على اوراق العمليه

رهف.بهت لوني وضليت مااعرف شحجي اني مبلغت اثير وردت ادخل قبل لاتجي دكتوره وتكلهم كدامي اباوع على اثير صافن على دكتوره منتظرهه تكمل حجيهه

د. ها ماما شبيج صافنه ترى ماعدنه وقت وراج هواي مرضه

أثير.شنو من ورقه دكتوره غير طبله مال العمليه وقعت عليهه

د. لا موهاي لازم توقع على دخول زوجتك للعمليه على مسؤليتك حتى اذا صار شي يكون بعلمكم بحالة مريضتكم

أثير.ليش شبيهه رهف دكتوره احجي بوضوح ترى مجاي افهم شي

د. الضاهر زوجتك ماحجتلك شي بس اني من واجبي ابلغك بهذا شي قبل ولادتهه زوجتك عدهه ضعف بلقلب وخفقان كلش قوي يصير عدهه وبعد الفحص تبين انو احد عضلات القلب تعبانه والحمل زايد تعب عليهه فوك طاقتهه لذلك طلبت منهه اسويلهه عمليه لان الولاده الطبيعيه تريد مجهود وهيه ماتكدر على هذا التعب

اباوع الكل علامات الدهشه مرسومه على وجوهم بس اثير ملامحه متهجمه وغضب دنيا كله بيهن باوع عليه خزرني خزره وتقدم عليه راسا دخلت لصاله سمعته يصيح بااسمي عفته ودخلت اني ماردة اكله لان اعرف ردة فعله كلش زين تاخرت دكتوره يلا اجت بقت تحجي الفهمته منهه كوه مقنعه اثير انو هنا الكادر الطبي كولش ممتاز وانو اكو دكتور خاص بلقلب راح يكون موجود ويشرف على عمليتي أثناء مدتحجي وياي حسيت بنفسي بعد مااسمع ثواني وغبت عن العالم ........وين يلا كمت اسمع هوسه يمي وخبصه اريد اركز مااكدر فتحت عيوني بثكل احس المكان عالي وكله ابيض بس بغواش حسيت بدكتوره تحجي وياي وتفحص بس اني دايخه كلش ولساني ثكيل مااكدر حتى احجي شي حسيت رجعت نمت ماادري شكد وفزيت على صوت بجي مال طفل الي شغل كل حواسي وخلاني مركزه بصوته همست بصوت كوه طلع مني من كد الالم الجاي احس بي موت احمر مو وجع

رهف.أ ث أثيرر

سمر. رهف كعدت حمد الله على سلامتج فوفه ولج اكعدي شوفي هذا الصاك مالتج اني من هسه ناسبتك اثير

أثير.لا بتج اكبر منه سويله وحده زغيره بس كون بجمال غزاله مصطفى

مصطفى. انوب تشرط عليه فوك ماقبلت اناسبك

أثير. ترى انته مناسبني هسه انتبه لكلامك

مصطفى. ولايهك ياصاحبي نسويلك بنيه شورانه بس جفينه شرك هههههههههه

مرح.رهوفه سمعينه لج اكعدي خطيه جوعان يمكن يدور عليج

رهف. كوه كدرت افتح عيوني تقرب يمي وباس راسي كدامهم كال

أثير.حمدالله على سلامتج

رهف.حسيت بي وجهه ثكيل عليه كوه يحجي همست بأالم كوه طلع صوتي ... ابني شلونه خو مبي شي

أثير.لا مابي شي اخذته لدكتور لااطفال لهنا جيك وضعه كال تمام صحته مابي شي الحمدالله

رهف.الحمدالله اريد اشوفه

أثير.جاي ترضع بي امي خل تخلص واخذي لحظنج هسه بيج شي متوجعه

رهف.حموت من الالم وجع يذبح والله

أثير.هسه راح اصيحلج الدكتوره تشوف حالتج او وحده من الممرضات

رهف . استعجل حباب

طلع اثير وره دقايق رجع ويا وحده جبيره لابسه ملابس مال المستشفى اجة ضربتني ابره بلكانونه وحده بلمغذي بقيت اتلوى من الالم البنات سلمن وراحن اجة عمه انطتني ابني شلته وسميت عليه يمه فدوه تروحلك ماما شهل جمال ماخذ جمال ابوه كله نسخة اثير بس مصغره بس كون مايطلع مثل طبعه هههه بوسته ورجعته لمكانه عمه واني رجعت نمت بتنه بلمستشفى بقن وياي عمه سعاد وعمه نوال واثير طبعا ماعافنه دقيقه بس اني متاكده من نظرات عيونه ماراح يعديهه اليه على خير ثاني يوم طلعنه لبيت عمو مسوي غدى على شرف ليوثي ابني بقينه بغرفة بيبي خطيه معافتني لاهيه ولاعمه بقن بس اكول ااه يجن يركضن اثير جان يدخل يلعب وي ليث شويه ويبوسه ويطلع مجرد سؤال عادي شلون صرتي بعدج متوجعه اكو شي يوجعج ماعنده غير ذني الاسئله ويروح يصعد فوك خلصن العشرة ايام وفتحت الخياطات مر على ولادتي اسبوعين قررت اصعد خطيه جدو متبهذل من ورانه صعدت قسم من اغراضنه صبح وبعدهه عفت ليوثي بعدما بدلتله ونومته يم بيبي وصعدت بلشت بلغرفه كلبتهه كلاب وسويت مكان لجربايه ليث ماخلصت اله وي الاذان استغربت حتى ماصاحو عليه على ليث معقوله لسه نايم يمه رجف كلبي بدلت ملابسي بلحمام وطفيت ضوه ونزلت اركض لكيته محلل واثير شايله ويلعب بي تفاجئت من وجوده شوكت اجه حجت بيبي

بيبي.تعاي يمه رضعي جاع همزين اجه ابو شاله

رهق.تقربت كعدت يمه همست.شنو شوكت رجعت ماادري بيك

أثير.قبل شويه انتي وين جنتي وشلون تعوفي وحده تدرين لكيته محلل وجهال ملتمه علي محد منتبهله

رهف.ياااا صدوك والله غير بيبي بقت يمه

اثير.وهيه وين تكدر لجهال وبعدين ديري بالج من علوش هذا مايكعد حطي عينج علي رهف هاي اخر مره احذر مفهوم

رهف.مفهوم انطيني خل ارضعه

اخذته من رضعته بس ضايجه كلش طلعت روحي من أسلوب اثير وياي محسسني مسويه كارثه بدون علمه خلصنه الغدى وجان تدخل مرح وسمر التهينه بيهن والبيت زادت بهجته بوجود تيم وغزل بليل كاعدين كلنه بلهول وحدنه وجهال يمنه لان جدو عرف اليوم رجعت لغرفتي فكاعد من المغرب بغرفته ههههههه

جنت انيم بليث وسمر وبتهه ياخذن سناب سوه ومرح دتلعب العاب وي ليث اما سحر فكاعده وحاطه كدامهه ماعون فواكهه تشكيله وكاعده تاكل وسولف ضحكت سمر

سمر. شوفن شلون تغيرت حياتنه وصرنه امهات بعدماجنه نكرهه شي اسمه زواج وارتباط وحب

رهف.والمصيبه ولاوحده تحب رجلهه بلعرس هسه صرنه نعبدهم عباده

مرح.بستثنائي اني وسام ههههههههههههه

البنات.ههههههههههههههه

رهف.صدك شو اجيتن سوه العصر وين جنتن اعترفن بسرعه

سمر.ولجن مصيبه غير اني حامل 😥

سحر.ههههههههههههههههههههه اوووووف ربي رحمتك حتى تبطلين ضحكين عليه

سمر.عابتلج اي والله ولج على الاقل ابنج جبير اله اني بتي زغيره بعدهه

سحر . والله نفس شلاع الكلب جبير زغير نفس ضيم وداعتج

رهف.بنات ماتخلنه ناخذ صوره جماعيه لذكرى احنه وأطفالنه سوه

مرح.اي ولله خوش فكره

سمر.وسنه جايه هم نكررهه بس الفرق اني وسحر جايبين وانتي ومرح حوامل

البنات . ههههههههههههه

ثبتنه التلفون واخذنه اكثر من لقطه سوه بعدهه تفرقنه ليوثي كام ييجي تنحس اخذته وصعدت فتحت الباب اثير جان نايم على بطنه من شافتي رفع راسه متفاجى فجاءه طفر من جربايه كال

أثير.هاا خومبيج شي لاانتي ولاأبني

رهف . لا لا لاتخاف مبينه شي بس نعس يريد ينام وصعدنه

أثير . ها يعني صعدتوا من اليوم

رهف.اي ماراح ترحب بينه

أثير.هههههههه ياهلا واسهلا بيكم نورتوا الغرفه وكبلهه نورتوا كلبي

رهف.يسلملي كلبك حبيبي

اخذ ليوثي مني رحت طلعتله ملابس وبدلتله وانطيته لااثير رحت بدلت ملابسي ورجعت اخذته منه كمطته ورضعته نام خليته بفراشه ودرت على اثير لكيته مرتجي على تاج جربايه ومكنك تقربت يمه وحجيت بهدوء

رهف.شنو عقابي يلا اني جاهزه

أثير بستغراب . عقاب شنو

رهف.عقابي على زعلك هذا وتجاهلك لوجودي اثير اعرف غلطت من ضميت عليك سالفة كلبي بس والله جنت خايفه عليك ضل ماكل همي وتخرب فرحتك بشوفت ابنك هذا جان كل همي صدكني وهيه دكتوره طمنتني كالت ماكو شي خطر بس لاااحتياط لازم توقع على مسؤليتك

أثير.ماتدرين شصار بيه من سمعت حجي الدكتوره وتوصيتج اليه تخبلت وتأخيرج جوه خله عقلي طار من راسي والله تندمت لان خليتج حبلتي على هذا القلق وشلاع الكلب لجج والله طلعولي ليث ماستلمته منهم لمن شفتج واطمنت عليج يلا اخذته لحظني واذنت باذنه

رهف . هوه يحجي واني شبعت بجي رحت حظنته ماتحملت يربي اني شمسويه ورزقتني بهيج رجال است كتفه وهمست

رهف.احببببك يااحلى شي صار بحياتي يااحلى دعوه امي دعتلي بيهه ياحلى قسمه ربي رزقني بيهه وخلاك قسمتي وخلاني من نصيبك

أثير.ياعمري اروحلج فدوه انتي وهذا الكمر الجبتيليا ونورتي حياتي انتي ويا رهف اني صرت مدمن بيج وحبج صار مثل الاوكسجين مااكدر اعيش بدونج وهذا سبب الخلاني ازعل عليج من خوفي وحبي الج صرفت هيج

رهف. اعرف يعمري واريدك سامحني وعد بعد مااضم عليك اي شي وغلاتك عندي مستحيل تكرر هاي الغلطه

أثير.واني راح اعتبرهه هاي كرصة اذن الج حتى مايتكرر صار بلمستشفى وهسه كافي حجي تعاي نامي بحظني لايكعد هذا المفعوص

رهف .هههههههههه اي صدك حيكعد النه هسه

رحت نمت بحظنه براحه وامان واخيرا كدرت احط راسي على المخده وانام براحه بدون مااشيل هم شي بدون ما انام ودمعتي على خدي الحمد الله وشكر الك يارب من جبرت خاطري باأثير المعوضني عن حنان ماما وبابا وصايرلي الاب والاخ والصديق والحبيب والزوج والسند الخليت حملي علي واني مأمنه ماراح يغدرني بيوم من الايام مرة لايام بدون منحس بيهه وليث كبر وبلش ينشش شويه وروحه بابوه مااعرف اني بس ابني ميريدني من يشوف ابوه لو كل جهال هيج ههههههه

صار عمر ليوثي ست شهور والوضع تقريبا استقر بس بعده الخوف مسيطر على العالم دخلنه مرحله ثالثه اني وسمر واحنه مخلصينهه الكتروني ونجحنا الحمدالله عاد ماندري سنه هم الكتروني لو دوام الله اعلم

سحر جابت بنوته جنن سمتهه عسل وصدك عسل وسمر جابت ولد ههههه هلمره تعاكسن صارو عدهه غزل وايمن و مصطفى ماشيهه بخبالهه وهيه مكيفه علي حتى متجي لهنا قليل تكول مايكدر يفاركهم مرح حامل بداية حملهه بس اني مأجلتهه شويه منتظره ليوثي يصير عمره سنه لان بعده زغير وحتى سنه قليل بس شسوي مليت من الحجي ولاجن ابني بعده سنه مصاير اما بلنسبه لااثير يكول مااريد اجازف بيج مره ثانيه

طلبت منه ياخذني للمقبره اريد ازور اهلي واخذ ابني وياي يتعرف على اجداده ااااه احس كلبي ينكسم نصين من افكر بهذا الموضوع جهالي الوحيدين مااراح يكون عدهم اخوال من افكر هيج احس دموعي ماتنشف عليهم ولاراح تنشف بس مانكدر نعترض على امر الله ...

كوه اقتنع اثير واخذنه وصلنه جنت شايله ابني واثير لازم ايدي صرنه كبالهم اني مكدرت اسيطر على دموعي بس اثير حجه هلمره مو اني

أثير.هاا عمي ان شاء الله راضي عليه هاي اني صنت الوصيه مالتك وامانتك وحمامتك صارت حمامتي والعهد الاخذته كدامك عمري مراح انساه صح غلطت وتناسيت بس القدر رجعهه وحطهه كدام عيني وصارت نصيبي وام ابني هذا حفيدك عمي ردت اسمي على اسمك بس ذكرت ججايتك من مره كلت اكرهه واحد يسمي على اسمي اذا صار عليه شي انته تعرفني اكثر واحد متعلق بيك واكثر واحد تشكيله همك اني رغم جنت زغير وماافيدك بس انته العلمتني وكلامك لحد لان مطبوع بالي الله شاهد اتمنى تعذرني اذا بيوم خذلتك بس غصبا عني وربي شاهد عليه

اثير يحجي واني صافنه علي اول مره اشوفه ييجي وجان يحجي وي بابا بكلام مافهمته بقينا كاعدين تقريب ساعه وبعدهه قرينا الفاتحه وطلعنه رحنه لاامام زرنه وصلينه بس شنو ركض ركض نخاف من تجمعات وليث دخل وي اثير صليت وطلعت لكيتهم كاعدين بره منتظريني رحتلهم لزم ايدي اثير ورحنه صرنه مقابيل لاامام طلب من المصور ياخذلنه صوره سريعه فعلا جانت كلش حلوه اخذ لقطه ليث رفعه لفوك صار قريب من الضريح مال الامام علي عليه سلام وحده وكفه وضل لازمه من وره لقطات جنن صارن بحيث من ستلمناهن بقيت ابوس بيهن رجعنه كعدنه مكان معزول على جهه وليث يلعب بحظن ابوه رفعت ايدي لدعاء ودعيت بصوت عالي اثير ضل مركز وياي

رهف.يارررب دخيلك دخيلك ياباالحسن تحفظلي زوجي وأبني من كل شر ماعندي غيرهم يالهي دخيلك تحفظهم الي ولاتراويني مكروهه بيهم

أثير. ويحفضج اليه انتي وابني لان الحياة بدونج مالهه معنى

رهف.أحبك واعشكك وهذا ابو الحسن شاهد عليه

أثير. اعشكج يبت يعمي وعشكي الج طاهر وعشك صافي مابي دغش وراح يضل هذا الكلب ينبض باسمج منا لمن ترجع روح لباريهه

رهف.اسم الله عليك حبيبي من عمري على عمرك

أثير.يفدوه يروحلج اثير وكل عشيرته ههههه

رهف.هههههههههه العشيره فد مره موهواي عليه

أثير.مو بالإمام مااكدر اغرد عليج ام ليوثي

رهف.تروح فدوه ام ليوثي لاابو ليوثي

أثير.تعالي

شبك ايدي بايده ودنك باس راسي كدام العالم بس هوه مامهتم ضلينه كاعدن نعس ليث ونام بحظن ابوه واحنه على هاي الكعده كبال لاامام حمدت ربي وشكرته للمره لالف على تعويضه الي بزوجي وابني.

لهنا ونختم وياكم قصة اثير ورهف ونسد الباب على ابطالنه ونتمنالهم السعاده بحياتهم القادمه رهف تاذت هواي ونظلمت هواي كله بسبب طيبت كلبهه وخوفهه من الناس وحجيهم انجبرت تاخذ دور رجال والمعيل للبيت ودارت امهه المقعده بس القدر جان اله رئي اخر بحياتهه وجمعهه بزوجهه صح لقاء سئ ومامعترف بي وللعلم هيه واثير جددو العقد مالتهم قبل زواج لان اثير ماجان مقتنع بي من ناحية يتقرب منهه بس جان متحكم بيهه لدرجه بس بلاخير كدر يحتويهه ويحافظ عليهه وعلى ابنه الله يسعدهم ويريح بالهه لان تعبت وتاذت من اقرب ناس الهه

#اتمنى تكون عجبتكم نهايه احنه نعرف انو ماكو نهايه بس نكدر نكول ستقروا بحياتهم بعد هذا التعب بس تبقى المشاكل بين المزوجين متنتهي هاي الحياه ولازم نمشي حسب مسارهه

صدك جذب..مو بهالسرعة😅😕 عيوني ينرادلج استمرار ل3_4اشهر يله توصلين اللي تريدي

هو بعد 3 اسابيع من الرجيم والرياضة تنزلين كيلو او كيلوين..حسب جسمج ووزنج وعمرج

فينرادلج صبر واستمري عل رجيمج والرياضة اليوميه
وبعد شهرين او 3 اشهر تعاي بشريني

#ملوكه

حبي الأفضل تراجعين دكتور مختص اهواي اله اسباب لانتفاخ وتورم الايدين يمكن لو سوائل الجسم منحبسة بي او بسبب الكلى او بسبب التهاب بالمفاصل او غيره
فلاتهملين الموضوع☹️

#ملوكه

عيوني يجوز استعمالج غلط😕💔
المرطب كون قبل الواقي يعني بالبداية خلي مرطب وبعد نص ساعة خلي الواقي وبعد نص ساعة اطلعي
واخذي واقيات اللي نسبتها 50 والنوعية حسب اللي يوالم بشرتج وكل ساعتين جددي

#ملوكه

فدوةة الج عمري

كل 3 ايام مسحي الايدين بليمون وملح..طبعا عل كيف ومو بقوة..لان القوة بالجلف😅💔 يسمر وتصير نتائج عكسيه

وماسك التمن هم يفتح..وبعد كل ماسك او تقشير او سبح..ضروري ترطبين حته لايصير جفاف ويسمر

#ملوكه