خطيه ضليت احاول اهدء من رجفتهه شويه بس بلا فائده خلص الوقت واجه علينه الخط وصلني وراح يوصل رهف دخلت للبيت سلمت عليهم وبلست اساعدهن بس من دخل نصير للبيت راسا طلعت رحت لغرفتي انتظرتهم يكملون وطلعت اساعد البنات غسلت الماعين ونظفت المطبخ ورجعت لغرفتي بعد ماطلعت ضليت اقره ليل طلعت سويت العشا وانطيته الهم ورجعت لغرفتي حضرت ملابسي ونمت ثاني يوم انتظرت نصير يطلع وطلعت وراه ومن ارجع هوه طالع وهيج مخلصتهه رهف رجعت لوضعهه طبيعي رغم جانت خايفه من اسعد وماتعرف شنو سر هذا الخوف العدهه بس الحمد الله من طمنت بعد مايجي رجعت لوضعهه طبيعي مر سبوعين على دوامنه تعب البيت يريد مني ودراسه بس احسن مااضل فارغه عاد اكو هدف بلحياة لازم نتعب حتى نوصله اليوم جنت راجعه من وكت لان خميس وضايجه الضوجه عندي فول من وره مصطفى صارله سبوعين مختفي كل ماادك علي يدزلي رساله يسأل شلونكم شخباركم محتاجه شي ويغلق جهازه طلعت روحي من هاي الحاله وفوك ضيم صارله تلث ايام ماكو انكطعت اخباره حتى رساله ماكو دخلت للبيت بعد ما ودعت رهف وعدتهه باجر اجيهم لان شتاقيت لااهلي كلش من زواج اثير واني لسه ماشفتهم بس على تواصل دائم بينه اول ماوصلت للباب المطبخ وجان اشوف نصير كاعد ماادري ليش خبطت بطني من الخوف مع انو مامسويه شي غلط

سمر.السلام عليكم

الكل.وعليكم سلام

نصير.انتي ليش ماتحترمين نفسج وسمعين الكلام لوتحبين الاهاين تعودتي عليهن

سمر.عفوا شنو قصدك

نصيير.اقصد على هذا لبببس لابسته كح**** انتي شلووون طلعين هيج ماكو زلم بلبيت ماخذه راحتج زياده عن لزوم بس لهنا وكافي اليوم حظج اطيحه اني جم مره كايلج طلعه بدون عباة مال راس ماكو هاااا احجي

سمر . ب بس بس اني معندي عبا ومجنت لابسه عبا بيت اهلي وغير هيج مااكدر اداوم بيهه تقيدني

نصيير.اي طبعا تقيدج تردين تبرزين جسمج كدام طلاب حتى شبعين غزززل منهم واحنه هنا نشدلنه كرون ونكعد واولهم الشفيه مالتج

سمر.عموووو رجاءا لهنا وكافي اني تحملت بمافيهه الكفايه بس لهنا وخلص صبري اني اريد ارجع لااهلي وعود من يرجع صاحب الشأن هوه يصرف وياك

نصير. لازم ماعاجبج واذا كتلج حتى روحه لااهلج ماكو وهسه دفعين ضريبة اليكسر كلامي بهذا البيت شيصير بي

سمر.شنو يعني

نصير.هسه افهمج شنو يعني

بعده يحجي وتقدم عليه ضل واكف كدامي ورفع ايده بقسوه عليه ضليت جامده بس قبل لاتوصل لخدي لزمت ليده باوعت منو لازمه ضليت صافنه هذا شوكت اجه .
.

يتبع

البارت الثالث والاربعون

( الرتبه و الحشمه )

............................................

#گولولـة

صارت بعد والكلب حب عيونه

#گولولـة

هوه الشمس ودنيا ضلمه بدونه ❤

....................................

سمر.السلام عليكم

الكل.وعليكم سلام

نصير.انتي ليش ماتحترمين نفسج وسمعين الكلام لوتحبين الاهاين تعودتي عليهن

سمر.عفوا شنو قصدك

نصيير.اقصد على هذا لبببس لابسته كح**** انتي شلووون طلعين هيج ماكو زلم بلبيت ماخذه راحتج زياده عن لزوم بس لهنا وكافي اليوم حظج اطيحه اني جم مره كايلج طلعه بدون عباة مال راس ماكو هاااا احجي

سمر . ب بس بس اني معندي عبا ومجنت لابسه عبا بيت اهلي وغير هيج مااكدر اداوم بيهه تقيدني

نصيير.اي طبعا تقيدج تردين تبرزين جسمج كدام طلاب حتى شبعين غزززل منهم واحنه هنا نشدلنه كرون ونكعد واولهم الشفيه مالتج

سمر.عموووو رجاءا لهنا وكافي اني تحملت بمافيهه الكفايه بس لهنا وخلص صبري اني اريد ارجع لااهلي وعود من يرجع صاحب الشأن هوه يصرف وياك

نصير. لازم ماعاجبج واذا كتلج حتى روحه لااهلج ماكو وهسه دفعين ضريبة اليكسر كلامي بهذا البيت شيصير بي

سمر.شنو يعني

نصير.هسه افهمج شنو يعني

بعده يحجي وتقدم عليه ضل واكف كدامي ورفع ايده بقسوه عليه ضليت جامده بس قبل لاتوصل لخدي نلزمت ايده باوعت منو لازمه ضليت صافنه هذا شوكت اجه ضلت نضراتي متركزه على نصير مااعرف شنو اوصفه بهاي لحظه يعجز لساني عن وصف حقارته والله

مصطفى. نزل ايدك لاوالله اصرف تصرف اغضب بي حتى ربي

عمو.بويه مصطفى على كيفك موهيج اكعدو وخل نتفاهم

مصطفى. ماكو تفاهم حجي اذا مايفسرلي نصير شنو معناتهه يمد ايده على مرتي يعني لو ما واصل اني جان ضربهه وانتو واكفين تباوعون علي

مهند. حقك والله بس صدك حجينه ردنه تعاركنه يااخي مايفيد وياه انته صرف

عمو.مهنددد لاتعلكهه خليك محضر خير

مهند . يابه الحك ينكال احنه لو سهى صاير وياهه هيج نسكت لاوالله فلا نسكت بعد ليش راضين هاي المسكينه تتحمل اهاين من وره ابنك وماتفتح حلكهه ولاترد علي بلعكس محترمته المفروض يصير بعينه اسألك بالله اذا راحت وكالت لااخوتهه احنه شنو راح يكون موقفنه واحنه مطيحن حظهه ورجلهه ماهوه وضاله لاحوله ولاقوه عبالكم يسكتون والله يحركون دنيا علينه اسألني اني ابنهم صديقي فد مشددين على بناتهم بشكل ومايرضون طير طاير يمسهن بحجايه

كمال.نصير انته ماالك اي حق تدخل بيهه الف مره كنالك عدهه رجال وهوه يحاسبهه رغم البنيه ماغلطانه بشي بس انته متناصب وياهه كافي عيب عليك فك ياخه عنهه

نصير.هسه كلكم صرتوا شرفاء براسي مو وانته منو هذا ابنهم المصادقة شوكت تعرفت عليهم وعرفت مشددين همه لو فعلا مشددين ماجان خلو بناتهم سايبات بلجامعات بلبس سفور ورجال غريب ياخذهن ويجيبهن

مصطفى. احتررررم نفسك ولاتجاوز حدودك وبعدين اذا انته هيج خايف على عرضك ماوصلتهه ورجعتهه انته لو بس تعرف تحجي وتسطر سوالف

نصير.غير اخوهه الكواد حاطلههه سايق هيه وذيج الثانيه

مصطفى. نصيررررر دير بالك تحجي على اثير هيج والله العظيم انسى شي اسمه اخوه بيني وبينك

خاله.ولكم يمه صلوا على محمد شجاكم اكعدو وهيه تنحل مو بصوت العالي

مصطفى. اريد اعرف هاي لغوه المسويهه على شنو وانته بأي حق تحاسبهه وتدخل بيهه منو سمحلك تجاوز وتمد ايدك على مرتي هااااا

الحجيه.يبوووو تعزينه وتصخمنه الولد راح يتكاتلون من وره امهات الجامعات

مصطفى. حجيه رحمه لنبيج لاتزيديهه عليه وانته جاوبني يلا عليمن هاي الهوسه

نصير. ماتسأل الخاتون الواكفه يمك عليمن هاي الهوسه بلكي تحس على نفسك وعلى رجولتك من تسمع جواب مالتهه

مصطفى. شنو قصدك احجي بوضوح

سمر.كبل لاتسأل مصطفى والله لبسي هذا كدامك مبي شي اني طلعت صبح كدام عمو وخاله محجو شي مكالو لاطلعين هيج والله لو كايلين جان بدلتهن وانته تعرف بيه اني سافره ومعندي عباه واقسم بالله مجان عندي نيه أعاند بس والله مااعرف امشي بيهه وخاصه بلدوام

مصطفى. منو طلب منج تلبسين عباه بدوام

سمر.دنكت وسكتت

مصطفى. احجيييي طلبت مننننج كتلج البسي لاتبقين ساكتتتته جاوببيني اكللللججج

استهضمت حيل منه يضرب براسي بطرف اصبعه ويصيح عليه كدامهم وكعن دموعي جاوبته بصوت متقطع

سمر. ن نص نصير هوه طلب مني

مصطفى. انته وتالي وييياك ليش ماجوز عني وعن مرتي شتريد اخذهه واهج منك شلووون .

نصير . اني من حجيت هيج من خوفي عليهه وعليك مااريد تجيك حجايه من وره مرتك وهيه هم تخلص من المضايقات ومحد يتعرضلهه بلجامعه وهم ناس تاخذ نظره عنه شنو جنتنه كل يوم سيارة واكفتلهه بلباب حتى تروح لدوام من شوكت الجناين كامت داوم وتوضف وتطلع بيتنه

كمال.نصييير كافي كتلك احترم عادد اني اكبر منك على الأقل خليلك احترام اليه واسكت كافي ماشوفه حلكه يابس تلكيته بلمشاكل يااخي ملينه وزهكنه منك ومن تعقيداتك لو تطلع لو احنه نطلع من البيت شنو مسوي حصار على نسوان حصره على وحده تتنفس كاعد على كلوبهن يااخي مرتي ومرت مهند على ساعه يهجن من وراك وهسه بلشت وي مرت مصطفى مااكول غير الله يكون بعونج ياخويه شلون متحملته ومتحمله خباله ماادري

خطيه مرت نصير دنكت للكاع من حجه وياهه كمال

مصطفى. شوف نصير هاي اخر مره احذرك مالك علاقه مرتي افتهمت لاتدخل بيهه اكو شي ماعاجبك كلي واني اصرف بس مامسموحلك لاتعلي صوتك عليهه ولاتحاسبهه اما سالفة رفعت ايدك هاي فااحترام لاابويه هوه الواكف بعيني جان عرفت شرد عليك تعاي سمر

سحبني وراح للغرفه طلعت المفتاح اريد افتحهه حط ايده على القفل ورجع سحب ايدي ونزلنه ماحجيت ويا اي شي طلعنه من كدامهم كلهم ضلوا صافنين علي خاله ركضت ورانه وهوه يجر بيه جنطتي وكتبي بيده ولابسه كعب اجيت اوكع على وجهي

خاله. وللك يمممه اوكف لاتشلع كلبي وين مودي البت ماخذهه سحل

مصطفى. حجيه لاتعرضين بطريقي خل اولي الله يخليج

خاله.بس كلي وين رايح

مصطفى. اوديهه لهلهه وارجع للبصره اني المن اجيت اصلا اضل هناك بشلاع الكلب ولاهاي دوخه كل شويه طالعتلي سالفه

خاله.يمه على كيفك وي روحك لايصير بيك شي بعدين مودي البت لاهلهه شتكلهم والله عيب علينه دتعال يمه طب ارتاح بغرفتك وخلي مريتك يمك خطيه شافت منك هيه كضيتهه عليهه دوام وخفر تعال يبعد امك لاتردني شوف حالك شلون صاير وعوف اخوك معليك بي

مصطفى. خل اوديهه لهلهه وارجع ابقى يمج ليل واطلع

خاله.يااا ليش توديهه جا ولك مامشتاقلهه خطيه مفرفحه من وراك لاتاكل ولاتضحك ذابتهه على صامت متانيتك ترجع وانته خوش اجيت توديهه لهلهه حتى الله مايرضه هيج حرام عليك ولج طلع مامشتاق لحظنج وانتي ثوله تبجين علي ههههههههه

خاله غيرت الموضوع عود تلطف جو شويه ماتدري هذا الموضوع بلنسبه النه اصعب من الهوسه صارت جوه ردت اماشي خاله بحجيهه لان خطيه وجهه محتقن وعيونه مجمره من العصبيه كتلهه

سمر.اي والله خاله صدك ثوله اني شكو منتظرته اروح اكعد عد اهلي احسن وخلي هوه مكابل المركز وكاعد

مصطفى. خو كيفتي عيد وجابه العباس بس تردين تخلصين من مصطفى اي بعيني تردي يجرالج امشي اوديج لهلج ورتاحي مني اذا هيج غاثج

سمر.اني مو هيج قصدي اعتذر والله

خاله.كافي شجاك جاي حامي عليهه ترى ماارضه تحجي وياهه هيج

مصطفى. حجيه اعذريني لازم اطلع لان اذا ابقى بلبيت اتخبل ومااضمن تصرفاتي فخليني اروح وبس ارتاح اني ارجع من وحدي

خاله.هذا هوه براحتك يمه اني شريد غير راحتك

مصطفى. يلا مع سلامه

سمر.واني شو راح تطلع وحدك

مصطفى. ارجعي لغرفتج لوتردين لااهلج امشي

سمر.لاجايه وياك

خاله.يااا ولج يمه لاتكبريهه اكعدي بغرفتج لمن يرجع

تقربت عليهه حظنتهه وشاروتهه

سمر.خاله مرايحه لااهلي ماشوفين حالته خاف كلشي يصير خليني ويا احسن

خاله.الله يريح بالج يايمه ويريح باله هوه هم

سمر.انشاء الله يلا راح اطلعله لايضل يصيح

خاله.الله وياج ومن ادك عليج جاوبي حتى يرتاح كلبي اني شلون بيه بهذا الولد رب العناد والخبال

سمر.انشاء الله خاله يلا مع سلامه

طلعت لكيته مشغل اول ماصعدت حرك سياره حتى كبل لااسد الباب جان يسوق سريع ويدخن خفت احجي اي شي وتجيني لطمه على حلكي باوع عليه بخزره يمه وكع كلبي والله كال

مصطفى. ليش ماحجيتي هاااا ماتعرفين تخابرين وتكليلي ليش سكتين ليش خليتي يتمادى وياج هاااا لو اني حاجي وياج ماطلعتي لسانج عليه مترتين احجيييي

سمر.والله ماحجيت احتراما الك وللكبار الموجودين حتى محد يسمعك حجايه على ابو جاوزت على ناس الكبار مااعرف مصطفى هاي تربيتي وهاي الأشياء التربينه عليهه ماعدنه وحده تعلي صوتهه على الاكبر منهه صح مرات صير حجي بيني وبينك بس اني موقصدي اتجاوز والله

مصطفى. راح يخبلني ماخليت طريقه مااجيته بيهه ونفس الحاله مايفيد ويا شسوي يالله شسوووي

سمر.الله عليك كافي تحرك بأعصابك والله موزين عليك اهدء شويه وهيه تنحل انشاء الله

مصطفى. مااكدر صعب والله احس عقلي راح يوكف يعني لو ضاربج وابوي موديج لهلج شنو موقفي ساعتهه كدامهم اكدر احط عيني بعينهم مستحييل والله لان بيا عين اجيهم واني ماحافضت على اختهم

سمر.سكتت شريد اكله حقه الموضوع صعب وماينحمل اصلا اني مستغربه من نفسي شلون هيج هادئه وكاعده اهون على مصطفى رغم احس روحي فايره من القهر انتبهت علي رايح بطريق بيتنه راسا لزمت ايده

سمر.وين رايح اني مااروح لااهلي لاتروح لهم

مصطفى. شنو ضحكين عليه موكتلج ترحين لهلج لو تبقين بغرفتج ردتي اهلج بعد شنو هاي هسه

سمر.اني مكتلك اريد اهلي كتلك اجي وياك

مصطفى. والمعنى

سمر.يعني ابقى وياك وين متروح مااكدر اعوفك وانته بهاي الحاله ولاهلي مااروح لاتحاول

مصطفى. انتي لبطلي خبال مااكدر اخذج وياي روحي لااهلج واني امرلج من اريد ارجع للبيت

سمر.كتلك مااروح بعدين انته وين تريد تروح حتى هيج صعب تاخذني وياك

مصطفى. لاحول ولا قوة إلا بالله سمررر بطلي خبال ونزلي لهلج اريد اروح لل ** اخذج وياي شلووون

حطيت ايدي على حلكي ونزلت دموعي من تخيلته يدخل بهيج اماكن قذره هوه باوع عليه مستغرب لان نزلت دموعي همست بوسط شهكاتي

سمر. انته معقوله تدخل لهيج مكان يعني هم 😭😭

مصطفى. اوكفي انتي فهمتي غلط اني اذا اروح بس اشرب بس البالج لاماكو هيج شي واذا سألين ليش لان حاليا مزاجي مو مال هيج بس ماانكر جان عندي هلي سوالف

سمر.😭😭😭😭 يعني انته ماشي بطريق الحرام لهدرجه

مصطفى. كتلج جنت بس من خطبتج لحد لان مامتقرب من هاي سوالف

سمر. وشلون اصدكك اني هسه بعد سمعته منك وبلسانك هم

مصطفى. لاصدكي لان كتلج وكتي كله شغل انتي عقليهه لو فارغ لهاي سوالف مجان انتي بعدج بنيه جان احتمال هسه حامل ههه

سمر.والله بس هذا مو مبرر لحظرتك يعني من تفرغ ترجع لهاي سوالفك

مصطفى. لامن افرغ ارجع لحظنك يحلو شنسوي بعد بلحرام والحلال العندي يكل للكمر كوم واني اكعد مكانك

سمر . انته شكلبك هيج مو جنت ضايج

مصطفى. دموعج بردني مااكدر اشوفج تبجين سمر واني اسف لان صيحت عليج كدام اهلي بس الله وحده يعرف شجنت احس بساعتهه

سمر.عوف هذا الموضوع كافي هسه وين راح تاخذنه

مصطفى. للفندق 😉

سمر . شنوو يافندق صدك تحجي

مصطفى. والله قافل عليج اليوم اخذج اخذج تمام يعسل انته

سمر.لاعفيه مصطفى وين ماخذنه حتى مامجهزه نفسي والله وحتى

مصطفى. ماكو اذا كلتي عليه شهريه ابتلي بيج والخلقج

سمر.هههههههههههه شمدريك

داس بريك حيل وكف

مصطفى. لابربج عود صدك هم مشرفه ادري رب الحلو متفقه وياي هايه

سمر.ههههههههه على كيفك شبيك لا ماكو ارتاح

مصطفى. جنتي ضحكين عليه شنو

سمر.لالعفوا بس ردت اشوف ردة فعلك

مصطفى. هسه اراويج ردة فعلي

سكتت بعد ماحجيت شي ويا وصلنه للفندق صدك سواهه نزلنه حجزلنه وصعدنه يربي كلهه تباوع علينه هوه ملابس دوام مال الجيش واني ملابسي مال الكليه منو يشوفنه يضل مركز ويانه وصلنه للغرفه اول مادخلنه ضحك

سمر.شبيك

مصطفى. شفتي العالم شلون تباوع علينه بيش ادعي عليك هسه نصير على هاي طلعه

سمر.ههههههههه هسه عبالهم صاحبتك من ملابس دوام وجايين

مصطفى. اروح فدوه لصاحبتي انتظريني خل اسبح واجي

سمر. اي حتى نطلع نتغدى بفد مطعم شتكول

مصطفى. اكول اجليهع خل اسبح واجيج

عافني ودخل للحمام كمت فتحت شالي ورتبت شعري همزين خاله مكياج احتياط مااعرف شسوي بي بس هو طبع عد البنات لازم احتياط عدلت وجهي شويه اول ماكعدت طلع مصطفى لابس المنشفه بس يربي ولا يبطل هاي العاده العنده

مصطفى. حبيبي ماتكومين بس طلعي الملابس خليتهن بلغساله لان وصخات واستحي اطلع بيهن

سمر.استغربت اول مره يكول حبيبي حسيت كلبي طلع من بين ضلوعي من كد ما دك بس جاوبت بثبات . ليش ماعفتهن اني اغسلهن الك شنو سالفه

مصطفى. دروحي طلعيهن واذا تردين اسبحي بين مااطلب اكل من بره لان ميت من جوع

سمر.ماشي

صدك رحت غسلت ملابسه همه خالين مثل المشر مال الملابس بس زغيره خليتهن عليهه علكت ملابسي غسلت بس جسمي لان صبح اسبح قبل لااروح لدوام نشفت ورجعت على ملابسي طلعت لكيته كاعد وجايبين الاكل يمه رفع راسه عليه كال

مصطفى. اذا ماسبحتي شجنتي سوين

سمر.لاسبحت وغسلت الملابس وطلعت

مصطفى. هااا تعالي تغدي يلا

كعدنه تغدينه بهدوء بعدهه لميت الاكل وهوه كام غسل واجه سحب ايدي ورحنه للغرفه

سمر.بس خل اغسل اديه

مصطفى. تعاي يلا

اجه وياي للحمام غسلت وطلعت لازملي الباب خاف اسده حظني من خصري ومشى بيه لجربايه جان هادى ورمانسي بحيث من يأذيني بس الزم ايدي يوخر تمت العمليه بنجاح هههههه وصرت زوجته فعليا وخر مني وباس راسي كال

مصطفى . مبروك ياعمري الله يقدرني ومااخليج تحتاجين شي ولاخلي دمعه تنزل من عينج بسببي

سمر. الله يبارك بيك انشاء اكون عد حسن ضنك واكون الزوجه تتمناهه

مصطفى. هذا شي اكيد و هسه تاكدة اكثر بعد انو ماانتي زوجه التمناهه 😉

سمر.😊😊

مصطفى. اكول اكو كلمه سمعتهه واريد اتاكد منهه لان ماجان الوقت التوقف بي واسمع منج

سمر . ياكلمه

مصطفى. مو كانوا عترفتي اليوم لو اني متوهم

سمر . ليش منو الاعترف اول شي اني لو انته

مصطفى. هههههههههه لااني وارجع اعيدهه عليج عشكتج يبت كلبي

سمر.احبك مصطفى

مصطفى. ياروح مصطفى انتي ولج بيج داس ثاني بس وضعج مايساعد

سمر.عفيه لاتحجي وياي هيج والله استحي

مصطفى. علينه حبيبي جا منو قبل شويه جان يصيح أااه حبيبي دتأذيتي اووي مصطفى على كيفك ههههههههههههههه

سمر.وخر عني خل اكوم صنف مو دشوف منو يخليك تاخذ داس بعد وخررر عني

مصطفى. اويلي زعل الحلو مالتي يلا كومي غسلي وهاا ترى موعبالج لان هددتي لا لان موزين عليج طيبي وادور * ههههههههههه

سمر.يبوووو عود اكلك لاتحجي هيج وخر

عفته ميت من ضحك ورحت لحمام جنت خايفه خاف بيه شي بس دم قليل الحمد الله ماكو شي خطر سبحت وطلعت بس بصعوبه الم موطبيعي نشفت روحي وضليت حايره شلبس هسه بالله

مصطفى. شبيج صافنه

سمر.اريد ابدل شلبس

مصطفى. وشكو لابسه تعاي نامي بحظني هيج

سمر .لاشنو هيج مااستحي والله

مصطفى. اني راح ادخل اسبح واطلع انام عود ضلي افتري هيج

راح مصطفى دخل يسبح ردة ارجع على ملابسي ما عجبني الوضع ماادري ليش صدك نشفت ولبست بعدني بلقميص و هوه طلع ينشف بشعره ضل صافن عليه بعدين كال

مصطفى. ها وين ان شاءلله عندج طلعه

سمر.هههههه غير ماجايبه ملابس شنو ابقى هيج

مصطفى. وشكو بيهه هوه اكو احلى من هيج

سمر.بس م....

مصطفى. اشششش تعاي خل نام يلا

شمر التنوره بلكاع بقيت بس بلقميص سحبني وطفه لاضويه ورحنه نمنه نمت بحظنه والاول مره ارتاح ومااشيل هم جاي شنو يارب ديمهه علينه وتحفضلي زوجي ولاتحرمني منه .

.............................

رهف.اول يوم داومت بلكليه جان بااشبهه حلم صعب يتحقق بلنسبه اليه بس شاء القدر ودخلتهه تمنيت بابا يكون موجود وياي واكله شوف بابا اني دخلت كلية قانون مثل ماجان حلمك انو اصير بلمستقبل بقيت افتر اخر شي دخت كعدت مكان معزول منتظره سمر طلعت تلفوني اريد اراسل اثير شفت خيال واحد واكف فوك راسي رفعت راسي علي طلع اسعد احس دم نشف بعروكي ماادري ليش نهبطت هيج احس جسمي كله كام يرجف ليش هيج يصير وياي من اشوفه ماادري ماحجه اي شي بس وخر سترته طلع سلاحه اشرلي علي وراح خلاني ارجف اجت سمر حجيتلهه وبعدهه رجعنه للبيت الكل انتبه عليه وجهي اصفر وخايفه ماادري عندي احساس راح يسوي شي مو صدفه جاي يطلعلي وين ومااروح بدلت ملابسي ونمت راسا ماحسيت اله لمن كعدني أثير راسا حظنته وبجيت من خوفي

أثير.حبيبي شبيج ليش ترجفين شصاير وياج واني ماادري بي

رهف.اوعدني اول شي ماتعصب واني احجيلك

أثير.رهف لاتلعبين باعصابي شبيج احد متعرضلج صار شي بلكليه

رهف.جنت كاعده وحدي بلحديقه وفجاءة صار كدامي اسعد

اول ماكلت هيج تحول اثير لواحد ثاني

أثير. شسوالج احجي بسرعه

رهف.ماسوه شي ولاحتى حجه اي شي بس وخر سترته راواني سلاحه بخصره اشرلي عليه وابتسم بستهزاء وراح عفيه اثير اني خايفه منه كلش والله مامرتاحه

أثير.لاياااا ابن الكلبببب معناههه متفق وي وليد بسيطه والله اذا مااخلي دمه بطوله اليوم مااسمه اثير

رهف.اثير الله عليك اهدء يمكن هوه جاي يسوي هيج حتى يورطك انته موتكول متفق وي ذاك بعد شلون تامن بي اكيد عدهم خطه ثنينهم وهاي بدايتهه يجوز يردون يوكعوك عن طريقي حباب عوفه والله اخاف عليك اثير الله يخليك لاتفجعني بيك اني مالي غيرك والله

اثير.واسكت عنه واخلي كل شويه طالعلج بصفحه لحد ما تنجلطين من الخوف انتي شايفه وجهج شلون صاير لولا

رهف.حبيبي بغلاتي عندك عوفه لاتندك بي هذا واحد زباله وضميره ميت خليك بعيد عنه

أثير.كافي لاتبجين راح يوكف كلبج اسكتي

سحبني لحظنه واني ميته بجي

رهف. اثير حباب دير بالك منه والله اموت اذا صار بيك شي

أثير.اششش اسم الله ماكو هيج حجي لاجيبين طاري الموت بعد على لسانج مفهوم

رهف.مفهوم

اثير.منا وهيج اخلي واحد يراقبكم طول ماانتن بجامعه انتي وسمر لان مدام عرفوا بيجن اكيد راح يدكون ناقصه وساعتهه وروح عمي يكون حفر كبره بايده لاابن النعال هذا

رهف.سوي تريده بس خليك من بعيد حتى مايأذوك

سكت مارد عليه واني متاكده مايعوفهم صرت حافظته حفظ بيومهه عشنه بتوتر مو طبيعي واثير تلفونه ماوكع من ايده ثاني يوم داومت واني أتلفت بس الحمد الله مااجه ضليت سبوع كامل عايشه بقلق نفسي بس هوه نكطع بعد ماوصل رجعت لوضعي طبيعي بس اثير بقى مامرتاحله اليوم كعدت علمود دوام جام خميس بيومهه لكيت اثير كاعد يدخن جانت ساعه بسته ونص ومبين من عيونه مانايم ابد

رهف.صباح الخير حبيبي

اثير.صباح نور يعمري

رهف.شنو لسه مانايم لو ستوك كعدت

اثير . لاوالله عيني مااخذت نوم مامرتاح لهذا ابن الكلب سكوته هاي الفتره كلهه وراه شي متاكد

رهف.يو اثير انساه هاي صارله اسبوعين بعد لااجه ولاشفنا شبيك بعد

أثير.وهذا المخوفني غموضه اكيد وراه كارثه

رهف.اذا هيج خليني بلبيت مااداوم لحد ماتشوفلك صرفه ويا

أثير.لا ماكو هيج حجي كومي تحضري اليوم اني اخذج لدوام

رهف . ماشي بس اسبح على سريع واجي

أثير.تعاي خل أصبح عليج اول شي وبعدين اسبحي

رهف.مو ورانه دوام خاف نتاخر

أثير.طزززز بدوام تعاي 💑

كمت سبحت قبله وطلعت بدلت وجاي انشف بشعري لفيت شال طبعا اثير مانع عليه المكياج بشكل نهائي بدوام لبس ونزلنه تريكنه وطلعنه وصلني وراح جان طول طريق لازم ايدي وتلفونه ماسكت حتى ماحجينه اي شي سوه نزلت لكيت سمر موجوده لان السايق جابهه بس مفوله من ضوجه ماعرفت سبب ماحجت شك.لحيت وياهه ماحجت طول اليوم اثير كل شويه متصل عليه ها شنو لاخبار ماادري شبي اليوم خلص الدوام وطلعنه وصلنه سمر للبيت واحنه اول ماوصلت لباب دك عليه اثير

رهف . ها حبيبي

اثير.انتي وين هسه

رهف.هاي وصلت باب البيت

أثير.بسرعه ادخلي رهف بسرعه دخلي للبيت سمعيني

رهف . ماشي حبي.....

مالحكت اكمل كلامي حسيت احد حط شي على حلكي دخت وكعن كتبي مني وتلفوني درت وجهي عليه شفته اسعد شالني بحركه سريعه وصعد بسياره جنت ارفس اريد يوخر عني بس بلا فائده ضغط على الوصله حيل البوجهي اغمى عليه راسا .

يتبع

البارت الرابع والاربعون

( الرتبه و الحشمه )

.....................................

كم اتمنى ان اعيش براحه
وامان كأي انسان عادي لاكن

لااعلم لما الحياة تعصف بي
من هاويه الى اخرى هل هذا

سوء حظي ام اختيار القدر 💔

.............................

مرح.الصار ويانه اليوم حتى العقل يعجز عن وصفه البيت كله مخبوص بخطف رهف الي نخطفت من باب البيت طبعا اني اتصل عليه عمر كال خل ابوي لو قتيبه ينتظرون رهف بلباب بس مجرد ماوصلنه لباب لكينه بس كتبهه وجنطتهه واكعات تلفونهه جان مفتوح خط وي اثير تخبلنه مانعرف منو خطفهه وليش جنه واكفين كلنه بره منتظرين منهم خبر عسى ولعل يلحكون عليهه دخل علينه اثير مثل الاعصار اباوعله عمري كله ماشايفه اخوي بهاي الحاله حتى مااكدر اوصفه عبالك شيطان متلبس بس مو اثير اول مادخل عاط بجدوو كلنه تفاجئنه منه

أثير . عاجبببببك هييييج هوه هذااا جنت دافعله وسويته زلللمه براسي انته سبببب لو مخليني كاتله بيومهه ماجان جاوز علينه اليوم ولاداس راسي بلقندره من خطف مرتي من باب البيت

جد.انته جاي تحجي أسعد هوه الخطف رهف

جد.وروح عمي الماحلفت بي جذب يااسعد اله انومك بلنجف اليوم اطلع عاررررر على زلم اذا خليتتتتك شم الهوا ياابن الكلب

بابا.ولك بووويه فهمنه انته شلون عرفته هوه الخطف مرتك خابرك ودالك تهديد شمدريك بي

أثير.ابن القندرررره هدددهه اكثر من مره بس اني ماصارلتي عببره مااخذته بعين الاعتبار بس والله كلبي جان حاس بي راح يسوي كارثه وهاي اليوم اخر ساعات اله بدنيا لو يطير أكتله اكتله

جد.شلون وشوكت هددكم وليش ماتحجي هيج احسن هسه جان كدرنه نحطله حد

أثير.تحجي صدك جدي شووووف اسمعوني كلكم تبلغون اهله الزبايل ابنهم دمه نهدر وعلى ايدي اذا مامددته بابهم اليوم مااسمه اثير وشاربي موعليه اذا خليت واحد قندره مايسوه بسوك زلم يطاول عليه ويمس عرضي

جد. ولك اوووكف فهمنه وييين رايح ولللك اثيييير

قتيبه. عوفه جدي والاحسن هسه تبلغ اهل اسعد بهذا الحجي لان اثير مادام حلف وروح عمي يعني اليوم كتاله مابيهه مجال

جد.ولكم شلون اركعهه هاي اذا ورط روحه وكتله ومرته حاجوني اذا سوالهه شي شلون بينه وين نطي وجوهنه واحنه ندري بيهه كلش زين شلون فاهيه

امجد.دخليك جدي لازيدهه علينه امشي قتيبه خل نروح وراهم ذوله ماينعافون وحدهم لااثير ولاعمر

قتيبه . امشي يلا

طلعوا الولد كلهم وجدو اخذ ابوي وعمو علي وراحو لبيت جدو طارق من الله لا يوفقهم ماتجينه من وراهم بس المصايب

سحر . ولج مرح بس لايعتدي عليهه وعلي جدي يكتلهه خلاص اذا صار هيج

مرح . يمه اسم الله الله لايكولهه رهف تموت والله اذا صار بيهه هيج واثير يمه يمكن ينجلط والله

سحر.يربي الله راح يوكف كلبي من الخوف شلون بينه وين يلكونهه هسه 😭😭😭

مرح. اسكتي اني مااكدر حتى اوكف جسمي كله يرجف وعلي 😭😭

عمه.هايمه سحر شبيج

سحر.عمه بطني شو تلويني حيل

عمه. سوده عليه يمه هاي من الهبطه لاتخافين تعاي تمددي يم بيبيتج فدوه لوجهج ماناقصين مصيبه ثانيه كافي علينه عملت هذا المصخم الماندري وين وده البت

سحر.زين عمه معقوله يكتلهه خلاص 😭😭

عمه.والله يمه ماادري ادعلهه الله يفرجهه عليهه هاي البت مكتوب عليهه شلاع الكلب والضيم طول عمرههه ماشوف الراحه

مرح.اي والله مالحكت تتهنى بزواجهه من وره سالفة الدكتوره وهسه عود رتاحوا شويه شوفي شصار

عمه . اوووف عمت عيني عليج عمه منين تتلكينهه من مصيبه لمصيبه وانتي عمه مرح وسام ماخابرج شو ادك علي وماكو مايرد من زمان وصل جا وين راح

مرح.لاوالله عمه ماادري بي وين راح

عمه . اذا خابرج كليلي ترى كلبي نار علي يمه

مرح انشاء الله عمه

طلعت عمتي من المطبخ واخذت سحر وياهه لان خطيه وجهه اصفر صفنت على عمتي عبالهه الوضع طبيعي بيني وبين وسام ماتدري صارلي سبوعين لاشايفته ولاسامعه صوته لان طلع الاخ مسافر لااربيل واني ماادري وعلى اساس اليوم يجي جنت مقرره احجي وياه واخلص من هاي سالفه لان حياتنه اني وياه شبهه مستحيله جريت نفس وطلعت كعدت يمهم وندعي لرهف مابيدنه شي غير الدعاء الله يفرجهه عليه ويحفظهه منهم 🙏

.....................................

سمر . طفرت على صوت مصطفى يصيح بتلفون ومتخبل جان يلبس بهدومه ويحجي حتى بعدهن رطبات ولبسهن اشرلي وهوه يخابر انو البس بدلت على سريع اريد افتهم منه شي ماكو طلعنه وهوه مستمر يتصل على هذا ويرجع على هذا وبس يصيح ويغلط طلعنه على سريع جان يركض مو يمشي والله خفت معقوله واحد من اهله بيهم شي وصلنه لسياره اول ماسد تلفون سألته

سمر الله عليك تفهمني شكو ترى كلبي راح يوكف والله

مصطفى . فرك وجهه بتوتر .. مرت اخوج انخطفت من باب البيت اقصد رهف انخطفت

سمر.😱😱😱😱 يممه عزززه العزاني سواهه اسعد وخطفهه

مصطفى. اسعد وانتي شلون عرفتي اسعد خطفهه !!!

سمر.هوه مرتين من شافهه هددهه بصوره غير مباشره

مصطفى. احجيلي بتفصيل من البدايه

سمر . اول مره من طلعنه من دكتوره صار بوجهنه هوه ضل صافن عليهه بعدين ابتسم بستهزاء وعافنه وراح رغم بوكتهه اثير جان موجود يم سيارته وشافه وثاني مره اول يوم داومنه بلكليه اني عفتهه ورحت اجيت لكيتهه تبجي وترجف من سألتهه كالت اجه وكف كدامي واشرلي على سلاحه وابتسم وراح من بعدهه ماوصل ولااجه

مصطفى. صدددك تحجين هذا كله صاير وياجن وماتحجن

سمر.لااا لاوالله اثير يدري بكلشي وهوه طلب مني ماافتح الموضوع كدام احد وكال هوه راح يصرف بس شلون خطفوهه اليوم وهذا النذل خاف يأذيهه لو يكتلهه

مصطفى. صدكي يكتلهه ولايعتدي عليهه هيه تموت واثير هم يموت وراهه اذا دنس شرفه

سمر.😱😱 يمممه الله لايكولهه دخيلك ربي توكفلهه وتنقذهه منه دخيلك

مصطفى. اوديج للبيت لو ترحين يم اهلج

سمر.لااروح يم اهلي مااتحمل اكعد بلبيت بلكي يكدر يوصللهه اليوم

مصطفى. هوه حالف يكول عمر مايطلع الصبح اله وجثة اسعد باب اهله ومرته ترجعله

سمر.لامصطفى فدوه لاتخلي يكتله مايستاهل يدمر مستقبله من وراه

مصطفى. ولج يامستقبل ياصخام اثير هسه مايشوف كدامه غير دم اسعد المهدور

سمر.اووف يارهف شوكت تضحكلج دنيا وتبطل تلطش بيج 😭😭😭😭

وصلني مصطفى لاهلي وراح دخلت للبيت بس نسوان بي وصوت البجي مال امي وعمتي وبيبي حتى ماسلمت همه بيا حال بعدنه كاعدين ودخلو جدو وابوي وعمي بس وجوهم ماتتفسر اول ماكعدو سألتهم بيبي

بيبي.هااا بشرو وينهه البت لكيتوهه

بابا.نكروا يكولون مو ابنه اسعد صارله شهر مسافر خارج العراق

الكل. 😱😱😱😱

سمر.لاوالله بابا جذذذاب مامسافر اني شفته بعيني من طلع بوجهنه يم دكتوره ومن اجه للكليه اول يوم داومنه

جد.هذا اكبر غلط لو حاجيات بساعتهه مجان صار هيج جان هددنه اهله حتى ماالهم شي يمنه بعد بس هسه بس ينجاس ابنهم نطلع احنه العايلين وصوج كله بينه

بابا.ابني واعرفه كلش زين مايعوفه ولاراح يعوفه منا لمن يجرم بي هاي اذا ماكتله خلاص بساعتهه

ماما. وتبقى تباوعله لمن يسويلنه مصيبه روح وراه شوفه كبل لايتورط

جد.مايفيد محد راح يكدر يمنعه البراسه يسوي يعني يسوي

سمر. بقوا كاعدين والكل لازم كلبه بيده وكل واحد تفكيره شكل بلمصيبه جايتنه بلطريق بابا تلفونه ماوكع من ايده ساعه على عمر ساعه على قتيبه وماكو خبر عنهه .

...............................

رهف. كعدت كوه افتح عيوني اباوع عيوني مغوشه ركزت زين هاي غرفة نوم انتهبت لنفسي نايمه على جربايه طفرت بفزع اباوع الغرفه مرتبه واثاثهه راقي كلش يعني مبينه مال واحد متريش اخترعت على فتحت الباب شفت وحده دخلت عليه لابسه مال خدم اجة وكفة كدامي وقدمتلي علبه بيهه ملابس

تفضلي مدام الباشا يكول خل تجهز نفسهه منتظرج جوه

رهف.شنوووو منو هذا الباشا مالتج وين هذا الكلببببب اسعددددد وييينك ياساقط يانذل لكك والله متخلص من اثير اله يسويك وصل ويذبك لجلاب يانذذذذل

اهدي مدام لايسمعج الباشا ويتعصب عليج

رهف.طززززز بيج وبلباشا مالتج اطلعي صيحي اريد اشوف يانعال هذا الحابسني هنااا

مدام ترى يأذيج على كيفج

رهف.شو دروحي

دفعتهه وطلعت اركض اريد اعرف اني وين هذا موبيت اهل اسعد هذا قصر وكله غرف اريد طريق اطلع منه ماكو تيهت اخر شي وصلت لصاله شكبرههه تكول قاعه واحد كاعد على ميز طعام بس ضخم كلش واسعد كاعد مقابيله وجاي يزقتبون انتبهوا عليه دار وجهه هذا الباشا على كولتهم وجهه مابي اي رحمه شيطان بحد ذاته

انتي شلووون دخلين هيج بدون استذان

رهف . انتو شتردون مني اسعد منو هذا وليش جبتني لهنا

أسعد.هههههههههه حتى اذل الكواد رجلج وانزل راسه بلكاع اريد اشوفه شلون يمشي بكل حيله وشايل خشمه على العالم جن ماكو واحد غيره

رهف.وعبالك تكدر تخلص روحك منه انته اليوم كطعت اخر خيط رحمه بينك وبينه

أسعد.ههههههههههههه فعلا كلامج صح بس مو هوه راح يكطعه اني بعدما نخلص ليله وي حرمه المصون لحظرة الرائد وبعدهه موته يصير على البطيئ وهو يشوف ناس كلهه تحتقره لان سلم مرته النه حتى نام وياهه ههههههههههههههه

رهف.لو تموت ماطول اضفري والله ويشهد عليه ربي اكتل نفسي ولااخلي واحد نكس مثلك يلمس شعره مني

أسعد.ههههههههه شفت موكتلك لبوه وتخرمش هم هههههههههههه

كلامك صحيح ولهذا سبب ماراح اخليك تتقرب منهه هاي لبوه اليه وحدي ومامسوح لاي بشر يحط عينه على شي يخص الباشا

أسعد.بسسس احنه ماتفقنه هيج ليش كلبت هسه وترى الافندي لاعب لمن شبعان كبلك بعد على شنو محد ياخذ شي يخصك

انجبببببب كلبببب ادفنك مكانك اذا تعديت حدودك وياي نسيت اني منوووو لو اذكرك اني وليد باشا اكسر راسه واحطه جوه قندرتي اليتعدى عليه

رهف.نصدمت ونلجم لساني من عرفت هذا نفسه وليد انعاد عليه كلام اثير عنه من جان يكول هذا واحد واصل بلدوله وكلشي يريده يجي ماعنده شي اسمه مستحيل صافنه علي وذكرت دموع سحر وتوسلاته بعمر حتى مايقتلهه بسبب هذا الحقير لاوالله شيطان حسيت نفسي راح انتهي على ايد ذوله ثنين لايربي دخليك كلشي ولاشرفي اموت والله وييننك اثير تعال خلصني بس لامااريده يجي خاف يكتلونه واني منو اليه بعده اوووف يمه شلون بيه وين اروح شلون اخلص منهم الله لايوفقك يااسعد الكلب ولك ياناقص اني عرضك شلون هيج تبيعني تعال شوف جدو هوه هذا ردة تأمني عنده يريد يتاجر بشرفي انتبهت عليهم اصواتهم عاليه يمكن اختلفوا

أسعد.وليد لاتطعن بيه احنه جنه متفقين اجيبهه الك بعد ماازوجهه اني واطلك وانته تاخذهه بس هسه هيه مزوجه شلون تريد تاخذهه وهيه مزوجه غير تطلك يلا واني اكلك من سابع المستحيلات اثير يطلك متمسك بيهه بايده وسنونه

وليد.يطلك وغصبا على شاربه اني البنيه عجبتني ومااريدهه بلحرام وهسه تسوي الكتلك علي وتخلي يجي لهنا وجيب سيد وياك حتى يطلكهه.

اسعد.اكله اذا شافني ينهيني هذا رايح لهلي وهادر دمي يدري بيه اني الخطفت مرته

وليد.هادر دمك مودمي بعدين اذا انته موكده ليش طلبت مساعدتي علمود تاخذ حقك منه

أسعد.ضغطت على اهله بكل طرق بس ماجاب نتيجه ماعافهه وهاي الجلبه هم جانت رايدته ومتمسكه بي

وليد.اذا نريد نحجي الحك ماكو اي وجهه مقارنه بينك وبينه بس ارجع واكلك انته الورطتنه ويا وانته تطلعنه منهه بس اني وهاي الحلوه لان مو اغبر مثلك حتى اضيعهه من ايدي

أسعد.والله مااطلع شبر منا انته صرف تلفون واحد منك هسه يجي يركض علمود المدام

وليد.لاتكوووووول المدام هيه كلهه دقايق وماتنتميله بعددد راح صير باسمي وانتهى الكلام

أسعد.ههههههههههههه يلا خل نشوف

رهف.واكفه واباوع عليهم رغم همه الخاطفيني بس وجوهم ماتتفسر وخوفهم من اثير واضح بعيونهم للحظه خفت معقوله اثير يشتغل شغل غير قانوني لان طريقة حجيهم تخوف بقيت واكفه بزاويه وارجف من الخوف هذا الاسمه وليد تقرب وكف يمي كال يهمس وقريب من وجهي

وليد.كلهه ساعات وراح يصير كلشي بيج ملكي وبس ملك حصري لوليد باشا

رهف. ههههه لاتحلم بلخالي بلاش عمري ماراح اصير ملك لغير اثير من يوم النولدت واني باسمه لاتتوقع يتنازل عني لوتموت مراح يفرط بيه

وليد.شهل الثقه القويه هاي واذا كتلج هذا المفتخره بي راح يتنازل عنج مقابل حياة اهله وكل عائلته

رجف كلبي من كال هيج يعني يريد يدمر العائله كلهه الله لايوفقك يانذل يربي خلصني منهم مثل مانجيت يوسف من البير

وليد. هااا شوسكتي متاكد راح يبيعج واني شراي لاتخافين

رهف.كتلك مستحيل يتخلى عني وراح شوف بعينك شلون يدخل وياخذني من نص عيونكم وخوفكم ساعتهه شراح يسوي بيكم وشلون تخلصون منه

أسعد. كتلك لاتحاول معميه بحبه الله يسلمهه وماشوف غيره رجال

وليد.لاشوف وراح شوف هيه حبابه وتسمع الكلام مو رهف ودليل هسه راح تكوم وياي للغرفه نحجي براحتنه

رهف. مستحييييل دير بالك تفكر تلمسني والله اكتل روحي وابليكم بيه

وليد.لججججج اني ما احب تعاند جري عدددل احسلج لاصيرين ثوله مثل ذيج وشفتي شنو جانت عاقبتهه لان رفضتني

رهف.هههههه دروح شوفهه الحمدالله انو رفضتك لان الله انطاهه انسان يعرف شلون يصونهه ويحافظ عليهه وللعلم راح صير ام منه بعد شلون عاقبتهه

وليد.انتتتتي شنو هذا لساننننج المفروض هسه تكعدين تتوسلين حتى مااعتدي عليج بس انتي لسانج شطوله ويرادلج تربيه لان تربيتج سززز 🖐حيووانه حتى ماتفكرين مره ثانيه تجاوزين عليه ياكلبه ٠🖐🖐🖐

رهف.عبالك هاي رجوله من تمد ايدك عليه وانته تدري اني مره لاحوله ولاقوه تريد تبرز عضلاتك عليه مع الاسف على هيج زلم تفووو عليك 💦

وليد.🖐🖐🖐🖐🖐🖐 اله اربيج اليوم اله اطلع حليب امج من خشمج ياحشره واريد اشوف منو اليطلعلج حيوووانه ساقطه

باشا باشا الحك الشرطه طوقت المكان ويحاولون يقتحمون البيت

وليد. اسعددددددددد

اسعد.ها ها باشا

وليد.شلوووون عرفوا بيهه هناااااا جاوبنيييي

أسعد.ماادري والله اني جبتهه راسا لهنا ومحد وياي والله العظيم

وليد.بسيطه والله اذا عرفت بيك لاعب بذيلك من وراي طلقه ماتكلفني ههههههه هاي اذا عافك عايش تعال اسحل هاي الحيوانه للغرفه بسرعه

رهف.وكعت بلكاع خشمي وحلكي يجرن دم قميصي كام مايبين من دم اجه هذا جلب يريد يكومني دفعته بس مااكدر جسمي خدر من ضرب ابن ال ** موتني تموت تكول عدوته ابن الكلب اجه يريد يشلني اول مادنك عليه سمعته صوته يممه لو ردتلي روحي بس خفت علي منهم لايغدرونه كوه كدرت افتح عيوني جانوا كلهم جايين وياهم كومه ضباط من شافني اجه يركض هذا الحقير سحب سلاحه وحطه براسي وجهه كلامه لا اثير

وليد.تسحب هاي شله جايبهه وياك وتطلع لاافجر راسهه كدامك هسه

أثير.انته المس شعره منهه وشوف مصيرك شنو وخرررر ايدك عنننه كللببببب

اول ماحجه هيج مانسمع اله صوت طلقه ثارت فوك راسي صرختتتت بفزع وغمضت عيوني حسيت بواحد احتظني عرفته من ريحته جلبت بقميصه واني مستمره اصرخ

اثير.امجدددددد تعال طلعههه منا بسرعه

رهف.لاااااا اطلع وياي ذوله يردون يكتلوك حباب امشي وياي

أثير.شو باوعي عليه خل اشوفج

اول ماوخرت عنه غضب دنيا كلهه صار بي

أثير.شنووووو هذا دم ياحيييوان بيهم سوه هييييج

رهف.خل نطلع الله عليك عوفهم

أثير.قتيبه اخذههه منا وخليكم وياهه

رهف.اثير لاااااا الله يخليك

عمر.اثير امشي نسحلهم وناخذهم مو هنا يخوي

أثير.ماله داعي اسعدددد 💥💥

اباوع على اسعد وكع يرفس بلكاع ضربه طلقتين على ركبه وحده بنص بطنه وشمر المسدس وستلمه يردون يوخرونه ماكو ما نسمع اله صوت طلق باوعنه على وليد عمر حاطله طلقه بنص كصته اكيد اخذ حق سحر منه اليوم عافوه مدد بيته وسحلو اسعد مثل طلي وهوه يتلوه جانت دنيا ليل اني حتى مانتبهت للوكت لان البيت جان حتى شبابيك مابي مانتبهت جنت ارجف اريد اوكف ماكو منظر دم والخبصه والصار كله اليوم وضرب هذا الحيوان اليه ماحسيت غير بغواش كدام عيني وبعدهه فقدت الوعي ماادري بروحي كعدت على شي يلسع على وجهي باوعت اني بسياره واثير يذب مي على وجهي راسا حظنته وطكيت بجي وهوه يمسح على شعري اشر لعمر يسوق و هوه كاعد يمي ماحجه اي شي وصلنه للبيت نزلوني وراحو ماادري وين ضليت واكفه بلكراج يمكن اخاف ادخل والله ماادري دخلت بخطوات متثاقله حسيت بايد على جتفي فزيت بسرعه وصرخت طلع اثير حظني ودخل للبيت اول ماشافونه طفرو كلهم

بيبي.يمممه ررررهف صخام بوجوهنه شمسوين بيج يبيبي

جد.بويه وين لكيتهه ومنو خاطفهه

أثير. هو نفسه الكلب

عمو.شسويتله واخوتك ويين

أثير. ذوله اجو هاي كدامك

جد.احجوو شسويتوا وليش هدومكم كلهه دم وييين جنتوا وين لكيت مرتك احجييي

قتيبه. جدي اسعد هوه الخاطفهه ومساعدة وليد وجان بايعهه لوليد مقابل مبلغ معين

الكل.😯😯😱😱😱😱

عمو.لايا ابن الحرام شسويتوله لوشرد منكم

أمجد.مااضن يضل عايش انتظروا يجيكم خبره بعد ساعه مو اكثر

جد.كتلته ولك ليش ورطت روحك بدم يابويه هاي وعود انته رجل قانون المفروض تصرف بحكمه جان سلمته للعداله وهيه تاهذ مجراهه

أثير.اني حلفت ومامتعود اخلف بحلفاني وكتلكم اسعد مايطلع علي صبح اله وهوه باب اهله وماجذبت ذاك ويا مشمور باب اهله حاله حال الجلببب وحتى جلب اوفى منه

عمه سعاد.يمه رهف شني هذا دم ولك اثير اخذهه للمستشفى خاف خشمهه مكسور شو تنزف

أثير.شنو اليوجعج شو باعيلي

رهف.همست بهدوء وسط شهكاتي . اريد اصعد تعبت

أثير.مرح سمر اصعدن وي رهف خل ترتاح فوك واذا بقى نزف كليلي

صدك صعدن وياي البنات وهوه بقى جوه حتى سحر صعدت ويانه دخلنه للغرفه واني كبل للحمام شمرت الملابس لابستهن وغسلت وجهي اباوع على روحي وجهي ازرك صاير من كد راشديات الاكلتهه لفيت شعري وخليت كطن على خشمي وطلعت بروب الحمام لكيت البنات منتظراتني كعدت وهنه حظنني تلاثتهن

مرح.يممه الحمدالله من رجعتي متنه من الخوف عليج

سمر.والله العضيم ماكو فكره ماصارت بالي من الخوف وتمنيت باقيه وياج ولانازله يم البيت من ساعة السوده دخلت بيهه للبيت كرهة حتى روحي والله

سحر.رهف اني اسفه والله هذا صار وياج كله اني سبب بي الله عليج سامحيني 😭😭

رهف. كافي يعمري انتي شنو ذنبج وحد ساقط ماعنده ذرة اخلاق بس اخذ جزاته الحمدالله هيج ناس القصاص عادل بحقهم

سحر. هم كتل وليد عزززه والله اثير كتلهم اثنينهم

رهف.خلي عمر يحجيلج مابيه حيل حتى احجي اعذرني بنات بس الصار وشفته اليوم والله للحظه حسيت جاي اتابع فلم

مرح.الله يساعدج ارتاحي حبيبتي نامي لاتحجين شي ارتاحي هسه

رهف . بنات موووت كوه سيطرت على نفسي ونتيجه شبعني دك الحقير ماهمه اني بنيه تكول عدوه وكع بايده واحد نذذل حتى ماجوز علي رحمه

سمر.كافي فوفه نامي وارتاحي يلا

رهف.مددت بحظن مرح وكامت تقره على راسي قرءان واني جنت اشهك بحظنهه وهنه يبجن وياي رغم ماعرفن شصاير وياي حسيت كمت اغفي بعد ماادري بروحي اول ماغفيت نعاد عليه شريط ذكريات وشصار بيه وضربه الي جنت اصرخ واصيح لاتضربني الله يخليك كافي رغم والله ابد ماتوسلت بوليد مااعرف ليش بلحلم طلع صوتي اخر شي منظر أثير من رمه اسعد صرختتت بصوت عالي

رهف.لاااااااااااااااا اثيرررررررر

اثير.كافي حبيبي لاتخافين كابوس اهدي كابوس يروحي

رهف.بجي . خفت منهم واني واكفه بنص ثنين يتعازمون عليه منو ياخذ اليريده اول شي تمنيتك تجي بس خفت عليك خاف يغدروك 😭😭😭😭

أثير. كافي يروحي نامي لاتفكرين انسي نامي يلا شو تعالي بحظني اشششش كافي

رهف.سحبني ونومني على صدره ضليت فتره نوم مجافيني بس على دفو حظنه والامان الحسيت بي رجعت غفيت بدون مااحس نمت واني دموعي على خدي دخيلك ربي شوكت ارتاح بحياتي مثل باقي البشر مو كافي يتم موكافي قهر موكافي حرمان للاعتراض على حكمك الهي بس تعبت اريد اضوك طعم راحه بدون مااسمم وراهه ياااررب رحمتك راحة البال مارايده شي ثاني يارررب .
.
.
يتبع

البارت الخامس والاربعون

( الرتبه و الحشمه )

.............................................

رهف.مددت بحظن مرح وكامت تقره على راسي قرءان واني جنت اشهك بحظنهه وهنه يبجن وياي رغم ماعرفن شصاير وياي حسيت كمت اغفي بعد ماادري بروحي اول ماغفيت نعاد عليه شريط ذكريات وشصار بيه وضربه الي جنت اصرخ واصيح لاتضربني الله يخليك كافي رغم والله ابد ماتوسلت بوليد مااعرف ليش بلحلم طلع صوتي اخر شي منظر أثير من رمه اسعد صرختتت بصوت عالي

رهف.لاااااااااااااااا اثيرررررررر

اثير.كافي حبيبي لاتخافين كابوس اهدي كابوس يروحي

رهف.بجي . خفت منهم واني واكفه بنص ثنين يتعازمون عليه منو ياخذ اليريده اول شي تمنيتك تجي بس خفت عليك خاف يغدروك 😭😭😭😭

أثير. كافي يروحي نامي لاتفكرين انسي نامي يلا شو تعالي بحظني اشششش كافي

رهف.سحبني ونومني على صدره ضليت فتره نوم مجافيني بس على دفو حظنه والامان الحسيت بي رجعت غفيت بدون مااحس نمت واني دموعي على خدي دخيلك ربي شوكت ارتاح بحياتي مثل باقي البشر مو كافي يتم موكافي قهر موكافي حرمان للاعتراض على حكمك الهي بس تعبت اريد اضوك طعم راحه بدون مااسمم وراهه ياااررب رحمتك راحة البال مارايده شي ثاني يارررب كعدت ثاني يوم اثير بعده نايم باوعت لساعه بلعشره ونص كمت سحبت نفسي من حظنه ورحت بدلت ملابسي اباوع وجهي كله مخربط خليت مكياج خفيف علمود يترتب وجهي ماادري شبيه كمية برود موطبيعيه عندي احس روحي وحده ثانيه مااعرفهه غريبه عليه باوعت على اثير جان كاعد وصافن عليه شلون افتر بلغرفه ولاكانوا صاير شي اجه حظني ولزم وجهي بدي كال بصوت كله لهفه

أثير.صباح الخير حبيبي

رهف.برود . صباح نور

أثير.شبيج !!

رهف. بجمود.شبيه موهاي واكفه كدامك

أثير.شنو هاي طريقه حجيج

رهف.راح انزل اسويلك ريوك تريد شي

أثير.حظريلي الحمام وطلعيلي هدوم

رهف. رحت بدون كلام حظرتله الحمام وطلعت حظرتله تراك خليته اله على جربايه وردت انزل ورجعت ماادري ستصعبتهه رجعت كعدت مكاني على ماطلع اثير من الحمام باوع عليه ورفع حاجبه لان مانزلت

أثير.مو جنتي مستعجله شو بعدج !!

رهف.هااا مو شسمه كلت انتظرك وننزل سوه

أثير.وضعج ماعاجبني كلش بس خلينه ننزل وبعدهه اريد اخذج لفد مكان يعني تريكي وصعدي لبسي

رهف.مالي خلك اطلع ولااريد اروح لاي مكان خليني هنا

أثير.دمشي خل ننزل هسه وبعدين نحجي

مارديت علي نزلنه جانوا كلهم مجتمعين لان جمعه اليوم و ماكو دوام كاعدين عادي وضحك وسوالف ولاجن صاير شئ رحت للمطبخ سويت ريوك الي ولااثير لان همه من زمان متريكين ردت اطلع اودي اله دخل هوه للمطبخ يسولف وياي عادي ويضحك بس اني قافله مارديت علي بحرف من كملنه كال

أثير. كومي جهزي نفسج يلا

رهف.مو كتلك مالي خلك اطلع

أثير.واذا كتلج لخاطري كومي بدلي وتعاي هم تتعرضين

رهف.موهيج بس والله تعبانه

أثير.تعاي وياي

سحب ايدي وطلعنه صعدنه فوك فتح كنتوري شمر عليه جبه وشال بعيد عنهه كام يطلع شلون ماجان كال

أثير. ابقي بهذا تراكج بس لبسي جبه فوكه ولفي شالج ماكو داعي تبدلين بس ها البسي عباه

رهف.شنو جبه وعباه سوه شنو سالفه

أثير.اي ثنينهن سوه واستعجلي ترى تاخرنه يلا بسرعه

جان يحجي ويبدل لبس قميص ابيض وبنطرون اسود وعدل روحه اباوع عليه وبكلبي اكول

يممه عود صدك هذا رجلي خرب يومك على هذا جمال ادري امك شمتنسيه بيك والله

مال اسوي عليك حظر وماكو طلعه من الغرفه انتبهت من صفنتي وهوه واكف كدامي وينفخ بوجهي طفرت وهوه ضحك كال

أثير.هيج طالع حلو ومرتي طاكتلهه صفنه عليه 😉

رهف. لا منو كلك طالع حلو عادي بس جنت صافنه بغير شي

أثير.شنوه بالله هذا شي

حجه هيج وسحبني من خصري دنك طبع بوسه بشحمة اذني حاولت اسيطر على نفسي ودفعته من صدره بس بهدوء كتله

رهف.مو كلت حنتاخر خل أكمل لبس

أثير.هههههههه كملي يلا كملي اريد اشوف شوكت تبطلين تستحين مني مو عبرنه هاي المرحله وصار كله على مكشوف 😉

مارديت علي كملت لبس بس مالبست جبه لبست تنوره سوده وقميص ابيض ولفيت شال اسود ادري بي مايفوتهه اليه اول ماخلصت ضحك كال

أثير.شنو هذا الكيك كله اليه بعدين شنو اليوم منسقه وياي

رهف . لاهيج صدفه صارت و...

أثير.ههههههههههه صدفتيش ولج بعدني واكف يمج بس عموما حلوه خوش فكره خلي العباه بجنطه وانزلي لاتلبسيهه تعاي خل احرك كلب عمر هسه

رهف.يااا ليش تحرك كلبه يعني

أثير.اموووت على الفطير مالي 😘

باسني بخدي وطلع اخذت العباه بجنطه ونزلت همه تفاجئوا من عدنه لان طالعين بس ضاهر جدو عنده علم بطلعتنه لان من شافنه ابتسم سلمنه عليهم وطلعنه بعدنه بلكراج واجت مرح تركض ورانه

مرح.اوكفووووا

أثير.هاا شبيج

مرح.خل اصوركم الله عليك حتى انشرهه واكتب عليهه احلى كبلز هاي سنه ههههه

أثير.ههههههههههه هيه هاي العايزه تنشرين لاعمي امشي بويه امشي هاي شخطت البت

مرح.زين بس صوره الله عليكم وماانشرهه

اثير.اني بكيف المدام شتكولين حبي تقبلين صورنه

رهف.اي عادي تبقى لذكرى

أثير. طبعا الصور ماترفض عدجن يلا انتي فضينه لانتاخر

مرح.اي بس سولكم حركه حلوه مو هيج جنكم طلاب

رهف.صوري بس والله ماامسح صور وخل اشوف شلون تبتزيني بيهن

مرح.لا ياكلبه يعني بعدج محتفضه بيهن

رهف.طبعا عيوني ويجي وكتهن انتي وذاك ابو خشم كل شويه وكال بابا عيب هههههههه

مرح.هوووب ولج وين شطحتي مو الكاع محظوره

أثير.لاعليمن محظوره كملن مدام هذا الحجي على وسام اكيد اني هم يلوحني الغلط والفشار بلمتجن مو

مرح.هااا

رهف.صوري بسرعه لايطلع المستور

اخذتلنه كم لقطه بس اثير جريئ مره حظني من اكتافي انوب من خصري وصار وراي سواهه صدك مال كبل ضحكت كتله

رهف.اليوم مزاجك عالي اشو حتى بزواجنه مااخذت هيج لقطات

أثير. دنك وهمس باذنهه .. موجنت مستعجل وانتي تفطرين الصايم شلون ترديني اكعد افيك واني جدي مشتعل

رهف.ابتعدت عنه بارتباك من نظراته ابد موراحه مرح دخلت جوه بعد تحذير من اثير محد يشوف صور طلعنه طريق طويل وكل مااسأله يكلي هسه نوصل لاتستعجلين ماادري شلون غفيت لحد ماكعدني اثير

أثير.رهف يلا كعدي وصلنه

كعدت باوعت للمكان واحس غصه صارت بنص صدري كتمت حتى عبرتي شهكت بصوت وحطيت ايدي على حلكي بدون كلام فتحت الباب ونزلت اركض حتى اثير مادرت علي وهوه هم عافني وحدي ركضت بكل قوتي واول ماوصلت ضليت واكفه كدامهم ثنينهم كعدت بنصهم واني اشهك ماكدرت احجي حرف واحد احس تكطعت نياط كلبي من كدما صرخت اخرر شي عطت بصوت احس المقبره كلهه سمعتني

رهف.ليييييييييش عفتونييييييييي المنننننننن خلفتوني ورحتوا حتى انذل من وراكم حتى اتيتم من الكل ليش ماخذتوني وياكم لييييش بابا اكعد حاجيني شووووف حمامتك جنت ماتخليهه توكع دمعه وحده من عيونهه نكسرت بغيابك ومحد الهه ليش عفتني بلا سنددد ليييش ليش خليتني اتمنى الكلمه من اي واحد تحسسني بالأمان تدري جنت اشوفك بجدو بس من عاشرتهم طلعت تختلف عنهم انته حنون ومايوم سمعتني كلمه ولايوم مديت ايدك عليه سويتني اميره بس اميرتك نذلت من بعدك بوييييه اكعدلي حاجيني اريدك اريد احط راسي على صدرك واحس باامان اريد اوكف واكل لدنيا اني مو يتيمه كافي تصكعين بيه اني عندي اهل عندي سندددد وعند اب وام مثل باقي البشر وفوك هذا كله نحرمت من امي وخليتني وحدي ليش ماكسرت خاطركم ماكلتوا بعدهه زغيره شلون نعوفهه يمممه والله مشتاقه اصيحلج يمه واحظنج واشم ريحتج مشتاقتلكم وماتحمل غيابكم شلووون اصبر شلوووون 😭😭😭😭

جنت فاقده ادك على راسي واملخ بوجهي واصرخ ماادري شلون تهسترت هيج حسيت بايد تمسح على راسي توقعته أثير بس بعدين كعدت يمي مره جبيره وجهه ضاوي مبين عليهه الوقار من شكلهه مدت ايدهه ومسحت دموعي كالت

كافي بنيتي ارحمي بحالهم اهلج يتعذبون من يشوفونج بهاي الحاله لاتزيديهه عليهم ولاصيرين كافره يايمه ترى جاي سوينه جزع وجزع حرام يابنتي انتي بعدج شابه والحياة كدامج ان شاء الله تلكين اليريحج ويشل عنج هذا الحمل

رهف.اي اني جزعت وتعبت مو يكولون كلشي اله حكمه اريد اعرف شنو الحكمه من يتمي وتعذيبي وحرماني من كلشي حلو وبي راحه بهاي الحياة خاله اني عشت غريبه بهاي دنيا وحتى من انتميت لااهلي هم بقيت غريبه بنصهم بعد كليلي شلون اصبر واتحمل واني اطلع من وحده اوكع بالاسوء منهه

لاحول لا ولج يمه لاتكفرين بربج بهذا الحجي لاتنسين المؤمن مبتلاه وهذا اختبار من ربج ماتدرين شكاتبلج بعدين يجوز تلكين السعاده بعد هذا الضيم كله واعذريني يمه سمعت حجيج بس والله صوت صريخج مرد كلبي وماكدرت اضل اباوع عليج

رهف . مشكوره خاله

يمه ليش وحدج هذاك الولد وياج مو

درت وجهي لكيت أثير واكف ورانه وداير وجهه على ذيج جهه مو علينه رجعت على المره وحجيت بخفوت

رهف.اي خاله هذا زوجي

الله يحفظه الج ويحفظج اله ويترس حظنج ويعوضج عن الحرمان العشتي يايمه مبين عليج فقيره وكلبج فطير

رهف.رحمه الله والديج خاله على هذا الدعاء

شوفي بنيتي خل باوعي هناك شوفين ذيج البنيه زغيره الكاعده هاي بنتي الزغيره اخذهه عمهه وزوجهه لاابنه وغصبا علينه لان جبير ومسيطر محد يكدر يكله على عينك حاجب اخذوهه وهيه كلشي ماتعرف وبس البواجي واحد زاني سكير ماعنده رحمه جان يكومهه بكتله ويكعدهه يكتله ولاعبالج راشدي راشدين لا الله وكيلج مره كسر ايدههه مره خشمهه مره رجلهه حار شسوه بيهه مرتين تحبل وسقط من وراه ومن وره الكتل جانت تاكله منه ملينه وجزعنه جم مره ناخذهه عدنه ويجي يرجعهه لان الله يسلمهم ماعدهم بنيه تطلك

بس شوفي ربج ليش مابيوم طلعت حامل هلمره اجت عدنه حتى تحافظ على ابنهه وهوه عافهه كام يروح ويرد عليهه صارت روحه بيهه وبالبطنهه لحد ماثبت طفل وراحت وياه كام يعبدهه عباده وهيه مامصدكه دللههه دلال كامت ماتجينه تكول مايقبل يفاركني يجيبهه ساعه ويرد ياخذهه جابت الولد يفك باب الكلب ارتاحت وي رجلهه واستقرت وحبلت مره ثانيه وهلمره ماخلاهه تجي يمه هوه داراهه بس وره شهر شاء

القدر وراح بحادث تخبلت عليه عافله ولد عمره سنتين والبنيه بعدهه ماشافت الضوه وذيج هيه كاعده وتندب حظهه بس ماجزعت ولاكفرت بربهه بس دائما تكول ليش لمن استعدل لمن حبيته وحبني يلا تكول جنت حاسه راح يصير بي شي

عرفتي يابنيتي مو كلشي نريده نحصله بهاي دنيا والموت اذا حظر يسكت اكبر لسان واكبر سلطه احمدي ربج يايمه على نعمتج ولو كلشي يصير وياج كولي الحمد الله وشكر ولاتتبطرين على نعمة ربج يجوز العدج اليوم وماراضيه بي باجر هم يروح منج وساعتهه تحسين بقيمة نعمه جانت عدج ديري بالج على بيتج ورجلج مبين خوش ولد وتردين صدك حليو ديري بالج علي من البنات هاي لايام كاتلات ارواحهن على زلم ههههه

ابتسمت على كلامهه ضلت تنصح بيه اخر شي باست راسي وراحت رجعت باوعت لقبر ماما وبابا وبستهم اثنينهم اجه اثير كعد يمي كال

أثير.حبيبي مو كافي ترى كلبي نمرد عليج كومي وياي يلا

رهف.خلينه بعد شويه ماشبعت منهم الله يخليك اثير

اثير.لاتتوسلين عمري خليج براحتج شوكت ماتردين نكوم ماورانه شي

صدك كعد يمي وضلينه هيج كاعدين اثير جان بيده بطل مي اخذته منه توضيت بي وطلعت تلفوني حقيبة المؤمن وكعدت اقرالهم قرءان فعلا رتاحيت شويه وحسيت برد كلبي طفيت تلفون وكمت نكثت ملابسي ودنكت بستهم مره ثانيه بس كل واحد طولت ويا احس اريد ادخل بنصهم واشبع منهم جريت نفس قوي وكمت اثير هم نكث ملابسه ولزم ايدي وطلعنه بعدما ذب مي على قبرهم وقرالهم الفاتحه وطلعنه رحنه زرنه الامام بجيت بجي هناك احس روحي دخلت محمله هموم دنيا كلهه فوك راسي وطلعت منه احس نفسي خفيفه خاليه من اي هم رحت تعشينه مطعم ورجعنه لبيت طول الوقت اثير جان يحجي مواضيع عامه موشي مهم دخلنه للغرفه حظرتله ملابسه ودخل سبح سبحت وراه وطلعت اشرلي على حظنه رحتله نمت براحه وهدوء احس نفسي ارتاحيت بهاي طلعه وكلام المره يرن بأذني للحظه تخيلت أخسر اثير خفت ورجف جسمي حظنته حيل وهوه هم حس عليه شد على حظني ونمنه بعد يوم طويل ومتعب.

...................................

مرح . مر سبوع على الحادث والحمدالله الوضع رجع طبيعي والبنات رجعن يداومن بس حتى الخط لغوه كاموا لو اثير لو مصطفى ياخذوهن ويرجعوهن ايسعد سمعنه بعده عايش ومسفرينه أهله للخارج يتعالج بس العجيب محد بيهم اجه ولاوصل يمكن يخافون يجون لان يدرون الغلط منهم وهذا اقل عقاب اله عمتي وأمي ملتهيات يجهزن للعرس واني احس الفرحه طافيه بعيوني شكد حاولت احجي وياه بس جان دائما يرد برود مو طبيعي اليوم دكيت علي اريد اعرف نهاية هاي المهزله شنو تاخر يلا رد كلعاده

وسام.الو

مرح.سلام عليكم

وسام. وعليكم سلام شلونج مرح

مرح.الحمد الله انته شلونك

وسام.مالي لون كاضيهه شلون ماجان اريد يخلصن ذني اليومين واحط حبيبي بحظني

مرح.وستوك ذكرت عندك حبيب

وسام. ليش اني ناسي حب طفولتي ومراهقتي وشبابي وهاي راح اشيب واني اعشكج بعد شتردين..

مرح.وسام انته غامض وصراحه اني خايفه انو يفشل هذا زواج بسبب برودك المبالغ بي

وسام.برودي اني ليش اذا ماتقرب منج واخاف عليج لان احبج ومامصدك صرتي حلالي اخاف عليج مني خاف مااسيطر واخذج مرح انتي من صيرين كبالي اني اوضاعي كلهه تتخربط شلون ترديني الزم نفسي عنج وانتي بحظني ومرتي ترى جاي يتحمل ويتعذب اني مو انتي حبيبتي وبنيتي ومرتي اريد اخذج كدام العالم كلهه واجرب وياج كلشي ولاول مره وبلحلال وكدام الله وخلكه حتى يضل الهه ميزه خاصه بينه ثنينه ولج اني من يوم ماوعيت على دنيا وحبي الج يزيد ماينقص وحرمت على نفسي اي بنيه بعدج لادخلت بعلاقات ولاعبرتلي وحده كله علمودج ردت تكونين اول تجربه بحياتي ولاخيره وانتي جايه تكولين برودك

مرح. بس انته ماجنت تحجي هيج انته الخليتني اشك بحبك اليه تجاهلك اليه طول الوقت انته حتى ماتسأل عليه اله اني اتصل بيك شمدريني اني بهذا كلامك كله وانته ساكت ماتحجي شي

وسام.كافي حبيبي خلي راح نعتبره ماضي وخلينه بليوم لاتنسين بعد يومين زواجنه يعني المفروض نكضيهه كله غزل مو عرك مو شتكولين

مرح.والله ماادري شكلك خربطتني بهذا كلامك مجان بالي هيج

وسام.هسه يحلو اني عندي شغل بس افرغ اتصل عليج وانتي اهتمي بنفسج وسوي كل البالج لاتخلين شي بنفسج مفهوم حبيبي

مرح.مفهوم

وسام.فكيهه عاد مرح اريد اسمع منج كلمة حبيبي ترى مشتاقلج وربج

مرح.باي حبيبي

وسام.باي ياروح حبيبج

سديته منه واني الابتسامه شاكه حلكي سبحان الله شلون كدر يبردني بكلامه ضليت صافنه وافكر بحجيه وين اكو واحد يحافظ على حبيبته بهاي طريقه يخاف عليهه من نفسه للحظه حسدت نفسي ودعيت ربي يحفظه اليه بعدهه طلعت يم البنات التهينه ذني اليومين خلصن ركض ركض متنه من تعب بس البنات وياي معافني وسمر مخلصتهه كل شويه متعاركه وي مصطفى لان مايخليهه تجي جنه كاعدين بصالون كلنه بعد ماخلصنه ومنتظريهم يجون علينه لبست بدله لونهه رماني وبيهه ردان تول وشكلهه مميز وسويت شعري تسريحه عاليه وي المكياج طلعت وحده ثانيه بس شعري بقيته اسود بطلب من وسام

جانت البنيه جاي تبرد باضافري وتصبغ بيهن حجة سحر

سحر.بنات شكلي طالعه اوفر بهذا الفستان وي الحمل مو

رهف.لا لج بلعكس طالعه كيكه انتي وبطنج تخبلين

سحر.ماادري شو مامرتاحه

سمر.صوري نفسج ودزيهه لعمر شوفي شنو رئيه اذا كالج حلوه بعد ماكو داعي تخافين

سحر.يااااا شوف هاي حتى مايخليني احضر العرس هاي الايام صاير مدري شبي انوب اني من وره الحمل صايره روحي بخشمي

رهف.تحملي حبي مبقى شي وتكومين بسلامه ان شاء الله انتي ونونو صدك ولج سحر ليش ماشوفينه شنوه حتى جهزيله

سحر.يختي طلع الشعر على لساني واني اقنع بعمر ومايرضه يكول لمن دخلين بشهرج يلا نشوف شنو جنس طفل

البنات. الله يكومج بسلامه

سحر.الله يسمع منجن

سمر.ههههههههههههههه

مرح.شبيج عليمن ضحكين

سمر.دزيت صورتي لمصطفى يكول اشتعل ابيج لابو وسام على هاي طركاعه اليوم

مرح.وعليمن ضحكين لان يسب بيج انتي خبله ولج

سمر.دروحي هاي معناتهه وصل لاقصى حاله من الاعجاب يحظي انتي شفهمج برومانسيه مالت زوجي حبيبي من اشتعلوا عشيرته واحد واحد واولهم نصير يربي احببببه احببببه

مرح. خبله وربي ادور تحجي مثله صايره ولج سمر عيب تحجين هيج انتي بنيه

سمر.ولج اني من يسبني احسه صدك يحبني بس من يكلي حبيبي وحياتي احس معدتي تكلب والله شبيجن

رهف.ههههههههههههههههه وربي مو صاحيه انتي طاك فيوز عندج

مرح .وانتي ثانيه هم لسانج صاير فد مره نفس رجلج

رهف.اكول ست مرح حيري بحبيب الكلب ومعليج بينه اني عن نفسي دزيت صوره لااثير وقفلت تلفوني تحسبا لطوارئ ههههههههه

سحر.ههه بنات يلا البسن راح يجون الولد ياخذونه

كامن البنات يتراكضن اجن لبسني ولفتني لف سحر ودخلت عمه نوال باست راسي وحاسبت ام صالون وطلعنه لكينه قتيبه جاينه وصلنه للقاعه بدون مايحجي شي بدة حفلة الحنه واجواءهه لاتقل عن باقي اعراسنه اعلنت ام ديجي عن دخول العريس اباوعله دخل مدنك جان لابس قاط نيلي ومزين طالع يخبل اجه كعد يمي باس راسي وبدلنه الحلقات ماقبل يحنيني اخذتلنه سمر كم صوره وكام باس راسي وهمس يم اذني

وسام.حبيبي لاتفسرين من كيفج بس لازم اطلع مااعرف اكعد بنص نسوان ان شاء الله نص ساعه واجي اخذج

عافني وطلع ماحجيت شي رجعت وي البنات اباوعلهن ذبن لحم بلركص وهاي سحر تتعرك هيه وامي تريد تركص وامي تخاف عليهه لان حامل اما رهف فهاي من يومهه رب ثكل والهدوء بهيج مناسبات ماتخطلط باحد صارت جلوه لبست فستاني الابيض جان نفس تصميم مال الحنه عدلت سمر مكياجي ورجعنه للقاعه بقن يهوسن ويركصن لحد مكالو راح تجي الزفه سمعت صوت الهلاهل تعلن عن دخول وسام واني احس بطني كامت تخبط من الخوف ولزمتني لويه موطبيعيه ضليت مدنكه وارجف لحد ماوصل يمي كعدنه وجانت اكو مصوره اخذتنله كم لقطه وي الاهل هم اجه جدو لزم ايدي وسلمهه لوسام ودعت ماما والبنات واني احس بخنكه بصدري اخوتي جانوا واكفين حظنتهم ودعتهم لان رايحين للفندق وصبح نطلع لااربيل طلعنه واني دموعي ماسكتت حسيت اريد ابقى يم اهلي بطلت ماازوج صعدنه بسياره واني كلي ارجف همست سمر يم اذني كالت اقري آيات هسه تهدئين وصدك ضليت تردد بيهن لحد ما حسيت نفسي فعلا هدئت ماطولنه هواي بزفه وصلنه للفندق بقن ماما وعمتي شويه يمي وطلعن بعد ماوصني شنو لازم اسوي دخل وراهن وسام وسد الباب اجه كومني وباسني كال

وسام.مبروك ياروحي

مرح.بارتباك . ا الله يبارك بيك

وسام.متوضيه

مرح.بس هزيت راسي

وسام.تعاي خل نصلي

رحت وراه طلعت شال من جنطه ولفيته صله وصليت وراه خلص اجه حط ايده على راسي وقره دعاء المزوجين من كمل فتح شال وسحب ايدي وطلعنه للغرفه الثانيه لان جان حاجز سويت كعدنه على ميز طعام ضحك كال علمود يضيع التوتر المبين علينه ثنينه

وسام. يكولون الواحد اذا جوعان مايكدر يسوي اي شي حتى الحجي يضيع هسه لازم نتعشى وتشبع بطونه وبعدين يحلهه الحلال يلا كلبي اكلي هههههه

اكل هوه واني كوه بلعت الكمه بعدهه كمت كبله دخلت للغرفه فتحت الجنطه اريد اسبح راسي احسه شكبره من وره التسريحه استغليت الفرصه هوه جاي يتعشى فتحت السحاب مال البدله لان صاير بصفحه اول ماوكعت البدله انفتح الباب ضليت حايره بيمن استر نفسي رفعت البدله وغطيت جسمي وصحت بي

مرح . وسام شبيك غير دك الباب قبل لاتدخل صدك تحجي

وسام. وعليمن ادك الباب اصلا انتي هسه سهلتي عليه المهمه

مرح.اطلع حباب لو دير وجهك خل ادخل للحمام

وسام.اهدي حبيبتي لاتخافين شبيج

ماانطاني مجال اجه تقدم عليه سحب البدله شمرهه وبده يخوض تجربته الاولى على كولته بعد فتره ابتعد وباس راسي وراح للحمام كمت سحبت الشرشف لفيت على جسمي ومنتظرته يطلع اباوع على نفسي دم قليل جان هادى ورمانسي لدرجة ماخلاني احس او اتعذب من شي طلع واني ركضت للحمام استحي منه سبحت وطلعت لكيته متظرني لان تاخرت بلحمام كال

وسام.بيج شي شو تاخرتي اكو شي يوجعج

مرح.لامابيه شي

وسام.تعاي

سحب ايدي وهو اصلا جان مضلم الغرفه دقايق ونمنه من تعب اليوم وهوسة العرس ثاني يوم كعدنه من صبح طبعا وسام لازم يصبح بطريقته على كولته سبحنه وبدلنه وطلعنه كعدنه مطعم تريكنه وانطلقنه لالربيل .

..................................

رهف.رجعت من عرس مرح البيت كئيب والكل ضايج عليهه لان راحت عمه سعاد شبعت بجي واحنه هم على الواهس وياهه لحد ماعاط بينه جدو كال موزين تفاولن عليهه سمر راحت اجاهه مصطفى وسحر صعدت اني هم ترخصت وصعدت جنت بعدني ملابسي ودخل اثير راسا صوفر درت علي وضحكت كال

أثير.اويييييلي لججج هاي شنو شطالعه رحمه لالله ارحمي بحالي يبت ناس موهيج

رهف.حجيت بدلع.واني شسويت بعدين شنو معجبتك

أثير.معجبتيني دكولي صمتي ابويه بس تعاي انتي شلون طلعين هيج كدام نسوان

رهف . غير عدنه عرس عفيه حبيبي لاتكلبهه عركه خلينه متونسين حباب

أثير.دتعالي خل نتونس من صدك اليوم جدج احركه على البس بنت لذين 💑

جنت لابسه شورت بيجي وتشيريت بدون ردن وبي رسمه من نص بيهه حرف A وشعري ساحبته كله ومكياج بس بعد ياترتيب اثير ماخله شي مكانه كمت سبحت ورجعت هوه هم سبح طفيت الضوه واجيت بحظنه كال

أثير. اكول حبيبي شنو رئيج نسوي طفل لو تردين تكملين جامعه يلا

رهف .بس احنه ماماخذين احتياط حمل يعني ممكن يصير بأي وقت بعدين ماادري خليهه لوقتهه اذا الله راد وقسملنه طفل الحمد لله وشكر قابل نعترض

أثير. ونعم بالله بس توقعتج ماتردين حاليا وانتي بعدج طالبه

رهف.لابلعكس اني احب الاطفال ان شاء الله الله يرزقنه وماانحرم منهم

أثير.كافي سدي الموضوع لاتبلشين بلبواجي وبعد ماسكتين

رهف.صدك ماحجيت شي بعد بس ضليت افكر بلموضوع شعور الامومه شي حلو باوعت على اثير نايم دعيت ربي يرزقني بطفل ولا يحرمني من هاي نعمه دفنت راسي بصدره ونمت .

.
يتبع